|
|
गुल्मी – आगलागीमा परेर घाइते भएका बागलुङको बरेङ गाउँपालिका–३ का वडाध्यक्ष पूर्ण खनालको उपचारको क्रममा बुधबार मृत्यु भएको छ । गुल्मीको चन्द्रकोट गाउँपालिका वडा नम्बर–४ शान्तिपुरस्थित बसपार्कमा रहेको खनाल स्टोर्समा गत वैशाख ८ गते आगलागी हुँदा पसल सञ्चालक समेत रहेका ४५ वर्षीय खनाल घइते भएका थिए ।
काठमाडौंस्थित कीर्तिपुर अस्पतालमा उपचारको क्रममा उनको मृत्यु भएको प्रहरीले जनाएको छ । पसलमा आगलागी हुँदा उनीसहित उनकी ४२ वर्षीया श्रीमती रुपा खनाल र २१ वर्षीय छोरा सन्जय खनाल पनि घाइते भएका थिए । रुपा र सञ्जयको भने सोही अस्पतालमा उपचार भइरहेको छ ।
