काठमाडौँ — भाद्र १, २०७८।
टप सेक्रेट नेपाल पेजेन्ट हवको आयोजनामा विराटनगरमा पोएट्री तथा स्टोरी टेलिङ प्रतियोगिता आयोजना हुने भएको छ । कोरोना संक्रमणका कारण आक्रान्त रहेको परिस्थितिमा भर्चुअल माध्यमबाट गर्न लागिएको प्रतियोगितामा जुनसुकै विद्यालय वा कलेजमा अध्ययनरत युवा/युवतीले सहभागिता जनाउन पाउनेछन ।
समाजमा देखिएका/भोगिएका विभिन्न विषयहरु समावेश गरी कविता तथा कथा वाचन मार्फत युवा/युवतीहरुमाझ रहेको अन्तर्निहित प्रतिभा प्रस्फुटन गराउन उक्त प्रतियोगिताको आयोजना गरिएको आयोजक युवराज बुढाथोकीले जनाएका छन।
भर्चुअल माध्यमबाट गरिने भनिएको उक्त प्रतियोगितामा सहभागी हुनको निमित्त प्रतितियोगीहरुले घरै बसीबसी आफुमा रहेको कलालाई भिडियोमा कैद गरी पठाउनुपर्ने आयोजक संस्थाकी संयोजक इसु पन्तले जनाईन।
प्रतियोगिताका विजेतालाई आकर्षक उपहारको साथसाथै ट्रफी, प्रमाणपत्र र अन्य बिभिन्न अवसरहरु प्रदान गरिने आयोजक बुढाथोकीले जनाएका छन ।
