काठमाडौँ —भाद्र २०, २०८१।
बालबालिकाहरु लक्षित प्रतियोगितामुलक सौन्दर्य प्रतियोगिता 'लिटल एण्ड टिन डाईभर्सिटि नेपाल' को उपाधी टिन तर्फ कास्मीक लिम्बु, लिटल तर्फ युलानी थापा र मिनी लिटल तफ आइन्स आचार्य ले जितेका छन् । अन्तिमस्पर्धामा अन्य प्रतिस्पर्धीलाई उछिन्दै कास्मीक, युलानी र आइन्सले क्रमशः टिन, लिटल र मिनी लिटलतर्फ शिर्ष स्थान हासिल गर्दै लिटल एण्ड टिन डाईभर्सिटि नेपालको शिर्ष उपाधी जितेका हुन् ।
प्रनिमा दहालले संचालन गरेको उक्त अन्तिम प्रतियोगिताको निर्णायकमा रोहित मल्ल ,अन्जीता श्रेष्ठ ,मनिस राउत ,विकास लामिछाने ,श्रवण महतो रहेका थिए। प्रतियोगिताको विधागत अवार्डतर्फ मिस चार्मिङ आईस आचार्य ,मिस डिसिपिलिन युलानी थापा, मिस कन्फीडेन्ट रसिका सुवेदी, मिस व्युटिफुल आईज एन्जल ठाकुर, मिस कृयटिव प्राप्ती देवकोटा ,मिस व्युटिफुल स्किन आरोही गिरी, बेष्ट हेयर सुरेन्का ढकाल ,मिस टिन ग्लाम समृद्दि राई र मिस टिन डिभा न्यान्सी रसाइलीले हात पार्न सफल रहे।
प्रतियोगिताका बिजेताले अन्तर्राष्ट्रिय मंचमा नेपाललाई प्रतिनिधत्व गर्ने अवसर समेत प्राप्त गर्नेछन र आगामी दिनमा अझै नवप्रतिभालाई प्राथमिकता दिने आयोजक नवराज देउवाले ले जानकारी दिएका छन् ।
