काठमाडौं - आमा र सन्तानबीचको सम्बन्ध संसारकै सबैभन्दा पवित्र, निस्वार्थ र आत्मीय सम्बन्ध मानिन्छ । यही मातृमायालाई संगीत र दृश्यको माध्यमबाट जीवन्त बनाउने प्रयास गर्नुभएको छ चलचित्र निर्देशक सुमन दाहालले । अमेरिकामा बसोबास गर्दै आउनुभएका दाहालले आफ्नी आमाको जन्मदिनलाई केवल औपचारिक शुभकामनामा सीमित नराखी ‘आमा’ शीर्षकको भावनात्मक म्युजिक भिडियो सार्वजनिक गर्दै अनुपम उपहार दिनुभएको छ ।
यो म्युजिक भिडियो मनोरञ्जनका लागि मात्र तयार गरिएको सिर्जना होइन, बरु एउटा छोराले आफ्नी आमाप्रति व्यक्त गरेको अथाह प्रेम, सम्मान र कृतज्ञताको जीवन्त अभिव्यक्ति हो । परदेशमा रहेर पनि आमाको माया, संघर्ष र त्यागलाई सम्झँदै आएका सुमनले आफ्ना भावना शब्द, संगीत र दृश्यमार्फत यति मार्मिक ढंगले प्रस्तुत गर्नुभएको छ कि भिडियो हेर्दा दर्शकले आफ्नै आमाको अनुहार सम्झिन्छन् ।
विशेष कुरा के छ भने भिडियोमा अधिकांश भूमिकामा सुमनले आफ्नै परिवारका सदस्यलाई अभिनय गराउनुभएको छ । यसले भिडियोलाई अझ यथार्थपरक र आत्मीय बनाएको छ । आमाको भूमिकामा तुलसीदेवी दाहाल देखिनुभएको छ भने मन्दिरा दाहाल, भुवन लोहानी, गरिमा पाण्डे र सम्राट दाहालले परिवारका सदस्यका रूपमा अभिनय गर्नुभएको छ । युवा आमाको भूमिकामा सुजिता सिटौला देखिनुभएको छ । बाल कलाकार समीर दाहाल, साया भण्डारी, सावन लोहानी, अर्भी सुवेदी र अश्वत खनालले कथालाई थप जीवन्त बनाउनुभएको छ ।
गीतका शब्द स्वयं निर्देशक सुमन दाहालले लेख्नुभएको हो । गीतमा आमाको त्याग, ममता, संघर्ष र सन्तानप्रतिको समर्पणलाई अत्यन्त संवेदनशील ढंगले प्रस्तुत गरिएको छ । भिडियोको निर्देशनमा पनि उहाँले भावनात्मक पक्षलाई विशेष प्राथमिकता दिनुभएको छ । दृश्य संयोजन, कथावाचन र भावनात्मक उतारचढावले दर्शकलाई अन्तिम दृश्यसम्म बाँधेर राख्न सफल देखिन्छ ।
गीतमा गायक प्रमोद खरेल र गायिका समीक्षा अधिकारीको स्वर रहेको छ । संगीतकार वसन्त सापकोटाले संगीत भर्नुभएको छ भने संगीत संयोजन राजु कार्कीले गर्नुभएको छ । रेकर्डिस्ट ज्ञानेन्द्र गिरी तथा मिक्सिङ/मास्टरिङ प्रकाश केसीको रहेको गीत ड्रिम्स स्टुडियोमा रेकर्ड गरिएको हो ।
भिडियोको छायांकन राजु केसीले गर्नुभएको हो भने सम्पादन भूपेन्द्र अधिकारीको रहेको छ । रंग संयोजन रेनिस फागोले गर्नुभएको छ । मेकअप सिर्जा अधिकारी र पोस्टर डिजाइन नहाकुल खड्काले गर्नुभएको छ । पोस्ट-प्रोडक्सन कार्य किन्डल सिने स्टुडियोमा सम्पन्न गरिएको निर्माण टिमले जनाएको छ ।
म्युजिक भिडियोको सबैभन्दा सशक्त पक्ष भनेको यसको भावनात्मक गहिराइ हो । आमाको जन्मदिनमा कसैले फूल, केक वा महँगा उपहार दिने गर्छन्, तर सुमन दाहालले आफ्नी आमालाई समयले पनि नमेट्ने सिर्जनात्मक उपहार दिनुभएको छ । ‘आमा’ केवल एउटा गीत नभई हरेक सन्तानले आफ्नी आमाप्रति व्यक्त गर्न चाहेको प्रेमको साझा अनुभूति बनेको छ ।
निर्देशक सुमन दाहालको यो सिर्जनाले नेपाली समाजमा आमाप्रतिको सम्मान, प्रेम र कृतज्ञताको भावलाई अझ बलियो बनाउने विश्वास गरिएको छ । ‘आमा’ म्युजिक भिडियो अब केवल एउटा परिवारको भावनामा सीमित नरही हरेक नेपाली सन्तानको मन छुने भावनात्मक कोसेली बनेको छ ।
काठमाडौं – संगीत केवल मनोरञ्जनको माध्यम मात्र होइन, यो भाषा, संस्कृति र पहिचानको जीवन्त अभिव्यक्ति पनि हो । नेपाल जस्तो बहुभाषिक र बहुसांस्कृतिक मुलुकमा विविध भाषाका गीत संगीतलाई एउटै मञ्चमा सम्मान गर्ने उद्देश्यसहित आयोजना हुँदै आएको राष्ट्रिय समावेशी म्युजिक अवार्ड (निम अवार्ड) २०२६ को नवौं संस्करणकालागि मनोनयन सार्वजनिक गरिएकोछ ।
पावर इन्टरनेशनल मिडिया नेपाल (पिम नेपाल) को आयोजनामा हुने यस अवार्डले नेपाली संगीत क्षेत्रलाई मात्र होइन, देशभरका विभिन्न मातृभाषी कलाकारहरूलाई पनि समान अवसर प्रदान गर्दै आएको छ । यही विशेषताका कारण निम अवार्डले अन्य संगीत अवार्डभन्दा फरक पहिचान बनाउन सफल भएको आयोजकको भनाइ छ ।
यस वर्षको संस्करणमा २९ विभिन्न विधामा मनोनयन घोषणा गरिएको छ । अवार्डमा नेपाली भाषासहित नेपालमा बोलिने विभिन्न मातृभाषाका गीत, संगीत, गायक–गायिका, संगीतकार तथा सर्जकहरू समेटिएका छन् । यसले नेपालको सांगीतिक विविधतालाई अझ व्यापक रूपमा उजागर गर्ने विश्वास गरिएको छ ।
अवार्डका विजेता छनोटका लागि अनलाइन भोटिङसँगै विभिन्न विधाका विज्ञ निर्णायकहरूको मूल्याङ्कनलाई आधार बनाइने आयोजकले जनाएको छ । कार्यक्रम संयोजक कमला जोशीका अनुसार, “अवार्ड चयन प्रक्रियालाई पारदर्शी र विश्वसनीय बनाइनेछ, ताकि सबै भाषाभाषीका संगीतकर्मीले समान सम्मानको अनुभूति गर्न सकून् ।”
नवौं संस्करणको व्यवस्थापकीय जिम्मेवारी एरा प्रोडक्सन प्रा.लि.ले लिएको छ । अवार्ड वितरण समारोह आगामी जेठ महिनाको तेस्रो साता काठमाडौंमा भव्य रूपमा आयोजना गरिने तय भएको छ । समारोहमा विभिन्न सांगीतिक अवार्डका साथै रजत सम्मान, पत्रकारिता पुरस्कार तथा विशेष सम्मानहरू समेत प्रदान गरिने कार्यक्रम निर्देशक सनम कठायतले जानकारी दिएका छन् ।
निम अवार्डले विगत नौ वर्षदेखि पूर्व मेचीदेखि पश्चिम महाकालीसम्मका मात्र नभई विदेशमा रहेका नेपालीभाषी तथा विभिन्न भाषा–संस्कृतिसँग आबद्ध संगीतकर्मीहरूलाई पनि सम्मान गर्दै आएको छ । आयोजकका अनुसार संगीतमार्फत भाषा, संस्कृति र राष्ट्रिय विविधताको संरक्षण तथा प्रवद्र्धन गर्ने अभियानलाई आगामी दिनमा अझ सशक्त बनाइनेछ ।
संगीतप्रेमीहरूले आफूलाई मनपर्ने कलाकारलाई समर्थन गर्न अनलाइन भोटिङमार्फत सहभागी हुन सक्नेछन् । आयोजकको विश्वास छ, निम अवार्ड केवल कलाकारलाई सम्मान गर्ने कार्यक्रम मात्र होइन, नेपालको सांगीतिक पहिचानलाई अन्तर्राष्ट्रिय स्तरमा परिचित गराउने महत्वपूर्ण अभियान पनि हो । यसरी, निम अवार्ड एउटा प्रतिस्पर्धाभन्दा माथि उठेर नेपालका विविध भाषाभाषी कलाकारहरूको साझा उत्सव र सिर्जनात्मक संगमका रूपमा स्थापित हुँदै गएको छ ।
उत्कृष्ट मनोनयनमा परेका सर्जक, श्रष्टा तथा श्रृजनाहरु यस प्रकार रहेका छन्ः
उत्कृष्ट राष्ट्रिय भाव
१. खेमनाथ दाहालः लाली गुराँसको साटो
२. युवराज भण्डारीः भावनाको देश
३. पुरण क्षेत्रीः धर्तीको छानो
४. डन कार्कीः गोर्खाली हौ
५. ओमप्रकाश राईः नेपाल आमा
उत्कृष्ट गजल
१. आरजु गिरीः नयन
२. हरि सेढाँईः सबै लियौ
३. उत्तम भेटवालः गजलका कुराले
४. डि.पी. खनालः बेकार
उत्कृष्ट पप गायन
१. अदृश्य (दृश्य क्षेत्री): मनपरी
२. दिनेश क्षेत्रीः बानी
३. अनन्त अजयः अनन्त दर्पण
४. राजकुमार कर्माचार्यः आफ्नो मान्छे
५. बेनिषा पौडेलः लहर झैं
उत्कृष्ट गीतकार पुरुष (सुगम संगीत)
१. भोलानाथ पाठकः राधिका
२. डा. रुद्रनाथ अधिकारीः आमा
३. चिन्तामणि शिवाकोटीः हृदयकि रानी
४. रोहन पौडेलः जेलपनि सहुँला
५. अमरदिप सुनुवारः माया जाल मोहनी
उत्कृष्ट गीतकार महिला (सुगम संगीत)
१. अनिता थापाः मेरो चाहाना
२. सरला श्रेष्ठः दुख्यो धेरै दुख्न पुग्यो
३. मनमाया पंगेनीः ऐना जस्तै हिमाल हेर्दा
४. राखी गौचनः यो साँझ फेरी
५. गीता अधिकारीः माटोको सुगन्ध
उत्कृष्ट संगीतकार (सुगम संगीत)
१. राजेन्द्र बजागाईः पुतली
२. कमल अधिकारीः मेरो घरको मुन्तिर
३. बबिना भट्टराईः गजलका कुराले
४. शंकर थापा“स्माईल”: बेहाल
५. दिपकराज विश्वकर्माः मेरोदिन आउला
उत्कृष्ट गायक (सुगम संगीत)
१. राम भण्डारीः सपना देखाई कोही
२. सिडी.बिजय अधिकारीः पिरतकिो सिंहदरबार
३. प्रविण भेटवालः नयन
४. प्रताप दासः तिम्रो साथमा
५. ईन्द्र आरपिः गारो लाउन
उत्कृष्ट गायिका (सुगम संगीत)
१. बबिता मानन्धरः कलियुगकि राधा
२. बबिना भट्टराईः गजलका कुराले
३. सोनी राजभण्डारीः तिम्रो आँखाको
४. मनमाया पंगेनीः ऐना जस्तै हिमाल हेर्दा
५. अञ्जु पन्तः सोल्टिीनी
उत्कृष्ट नवप्रतिभा गायन
१. प्रथम गुरुङः धेरै कुरा
२. प्रेमनाथ कडुवालः टाईटाई फिस
३. आश्मा दुलालः मेरा बाबा
४. विपना शाक्यः तिम्रो याद
५. आरभ उप्रेतीः खेलौं खेलौं
उत्कृष्ट लोक दोहोरी शब्द
१. सुवास के.सी.: कल्लाई थाहा छ
२. रमेश परियारः ढोग्दिया
३. कृष्ण लामिछानेः आमा जेलैमा
४. अमृत भारतीः बेल बटम
५. पराजन केसीः परदेश
उत्कृष्ट लोक दोहोरी लय
१. सञ्जय थापा मगरः गलबन्दी र पच्छेउरी
२. ऋषि खड्काः परदेशी हुन मन छैन
३. ज्योती न्यौपानेः धनमाया मनमाया
४. नमराज ढुङगानाः गलबन्दीको छेउ
५. सुवास के.सी.: माडी बगर
उत्कृष्ट लोक दोहोरी गायक
१. राजु ढकालः खोली सलल
२. प्रेम शर्माः मायालुको बैंश
३. हेमन्तकान्छा रसाईलीः जानै लाग्यो बैंश
४. अनिल श्रेष्ठः मायालुको रुपैमा
५. सञ्जय थापा मगरः गलबन्दी र पच्छेउरी
उत्कृष्ट लोक दोहोरी गायिका
१. देवी घर्तीः खोली सलल
२. कविता खत्रीः ढोग्दियाँ
३. कमला के.सी.: माया लाउँछु
४. सुष्मा शाही ठकुरीः दर्याम दर्याम
५. शान्तिश्री परियारः परदेश
उत्कृष्ट युगल गायन
१. नारायण गजमेर/ शान्तिश्री परियारः चोर्यो मायाले
२. रानु निरौला /महेश मुखियाः चोली ढाकाको
३. शर्मिला वर्देवा /डेभिड शंकरः कश्मिेर गाम्चा
४. सिडी विजय अधिकारी /अञ्जु पन्तः सोल्टीनी
५. नरहरि प्रेमी / अपेक्षा खनालः विस्तारै विस्तारै
उत्कृष्ट मौलिक/भाषाभाषि गीत
१. मिना लामाः आकाशैको जुन (सालैजो)
२. दिलु सलामी मगरः शिरैको नी फुल (सोरठी)
३. करण चौधरीः तु म्वार छैली हो (थारु)
४. निर्मला घिसिङः मनको देश (तमाङ सेलो)
५. निरुता पुन मगरः काली सलल
उत्कृष्ट डायस्पोरा (सर्जक/स्रष्टा)
१. जीवन शर्माः माटोको सुगन्ध
२. सक्रिय श्रेष्ठः गारो लाउन
३. रामनाथ घिमिरेः सपना देखाई कोही
४. सुपेश बस्नेतः सँधै साथमा
५. नविन शाही ठकुरीः भेट कहिले हो फेरी
उत्कृष्ट डेउडा भाका गीत
१. प्रमोद डि.जी.: रुपस्या पातली सुवा
२. शान्ती शाही ठकुरीः फुलटिपी
३. रेखा जोशीः गंगाका किनारा
४. पदम नेपालीः काफल खानेई
५. महादेव भट्टः मेरी पुट्क्यौली
उत्कृष्ट नेपाल भाषा गीतकार
१. न्हुच्छेकाजी महर्जनः नानी मयजु
२. राजु कर्मचार्यः खुशिया किनार
३. मचाकाजी महर्जनः वनेनु रे
४. जयकृष्ण दुवालः झिगु नगदे
५. शिव महर्जनः जिगु थ्व मतिना
उत्कृष्ट नेपाल भाषा संगीतकार
१. सानुबाबु महर्जनः मस्यु जि तः छुजु छुजु
२. गुजय मालाकारः झिगु नगदे
३. नरेनमानः नानी मयजु
४. सुमन तुलाधरः वनेनु रे
५. छत्रराज शाक्यः चिकुलाय तः खाः
उत्कृष्ट नेपाल भाषा गायन
१. नरेनमानः ध्येवा
२. नारायणी महर्जनः मस्यु जि तः छुजु छुजु
३. शुक्रराज महर्जनः मैचा छला बाँलाका
४. राजु कर्मचार्यः खुशिया किनार
५. राज कुमार मानन्धरः कागती पाउँसे च्वङ
उत्कृष्ट मैथली/भोजपुरी गीत
१. अञ्जु सरदारः तोहर कारण सं
२. रहमान खानः कैले बद्नाम पगली
३. आदित्य अजयः धान के रोपनिया
४. माला राजबंशीः चोरी चोरी चालु सजना
५. बिरेन्द्र झाः तोहर मिठी मिठी
उत्कृष्ट म्यूजिक भिडियो निर्देशन
१. राहुल शाहः ओ प्रियसी
२. पुजा ठकुरीः दुर देखी आएँ प्रिय
३. देवेन्द्र पाण्डेः जुनेली
४. रुपेश उप्रेतीः खेलौं खेलौं
५. जीवन शाहीः गारो लाउन
उत्कृष्ट म्यूजिक भिडियो छायाँकार
१. दिपक गिरीः परदेश
२. रुपेश थापाः चाहिँदैन सम्पती
३. महेश महराः सम्झिन्छु तिमिलाई
४. उत्सव दाहालः तिमि मेरो प्राण हौ
५. करण चैसिरः गुण भुल्यौ–२
उत्कृष्ट म्यूजिक भिडियो मोडल (पुरुष)
१. आर्यन सिग्देलः बानी
२. नरेश एम्.सी.ः खाउली पेन्सन
३. प्रज्वलराज भट्टः दिल आफ्नै थियो
४. अंशु बर्माः भुपु माया रिर्टनस्
५. श्रीराम पौडेलः त्यो मिठो तिम्रो बोली
उत्कृष्ट म्यूजिक भिडियो मोडल (महिला)
१. सृष्टि खड्काः परदेश
२. प्रतिमा राजघतानीः मायाको जम्मै राम्रो
३. अम्बिका तमाङः सोल्टीनी
४. सुजिना गोलेः कति माया गर्छु
५. सृष्टिना क्षेत्रीः चाहिँदैन सम्पती
उत्कृष्ट म्यूजिक भिडियो नवमोडल (महिला)
१. उपाशना पाठकः नयन
२. सपना क्षेत्रीः एकै पल पनि
३. मिसेल घिमिरेः गालै बम पाउरोटी
४. सन्जिवनी खनालः पिरिमका खेल
५. सहिष्मा खड्काः जेनतेन चलिराछ
उत्कृष्ट म्यूजिक भिडियो नवमोडल (पुरुष)
१. प्रवेश उप्रेती“पौल”: फुल फुल्यो केशरी
२. बुद्धि माझीः बाचा गरौंला
३. सन्दिप ओलीः नयन
४. आरभ उप्रेतीः खेलौं खेलौं
उत्कृष्ट नेपाल भाषा भिडियो तर्फ
१. सुरोज महर्जनः मैचा छला बाँलाका
२. राजेशमान सिँहः मस्यु जि तः छुजु छुजु
३. रामकृष्ण खड्गीः ध्यवा
४. अनिस सिँहः कागती पाउँसे च्वङ
५. नरेनमानः नानी मयजु
उत्कृष्ट मैथली/ भोजपुरी भिडियो तर्फ
१. सुशान्त अग्रवालः काला काला सरिया
२. सन्तोष कुमार माझीः जार मे सैटेक
३. बद्रि साहः गजब के रोग
काठमाण्डौ– चलचित्र निर्देशक समाजको, मंगलबार सम्पन्न निर्वाचनमा अध्यक्ष पदमा अरुण कुमार प्रधान विजयी भएका छन् । अध्यक्ष पदकालागी जनकदीप पराजुली ४६ मत प्राप्त गरे भने अरुणकुमार प्रधान १०९ मत ल्याएर बिजयी भएका छन् । त्यसै गरी दुई जना उपाध्यक्ष पदका लागी सुभास गजुरेल ९५ मत ल्याएर बिजयी भए भने दीपक वली ७१ मत ल्याएर बिजयी भएका छन् । उपाध्यक्ष पदका लागी निकटतम् प्रद्धिदन्द्धी रहेका देवेन्द्र पान्डेले ५७ मत ल्याए भने ऋषिराज आचार्य ३२ र राज बस्न्यातले २२ मत ल्याएका थिए ।
महासचिवको पदको लागी समुन्द्र भट्टले १०६ ल्याएर बिजय भईन् भने निकटतम् प्रद्धिदन्द्धी कमल एक्चै मगरले ४७ मत प्राप्त गरे । सचिव पदमा भभने राजबहादुर सानेले ८० मत ल्याएर बिजयी हुँदा अमर ओलीले ४६, दिनेश लिङ्देन ले २८ मत ल्याएका थिए । त्यसै गरी कोषाध्यक्ष पदका लागी जनक खड्का निर्विरोध निर्वाचित भएका थिए ।
सहकोषाध्यक्ष पदका लागी तीन जना निर्देशकहरुको प्रतिष्प्रधा रहेको थियो जसमा उत्सव केसी ६७ मत ल्याएर बिजय हुन सफल भए भने उनका निकटतम् प्रद्धिदन्द्धी अमृतमान महर्जनले ४४ र भीषण राईले ४२ मत प्राप्त गरेका थिए ।
त्यसैगरी कार्यसमितिका सदस्यहरु निर्विरोध निर्वाचीत भएका छन् । निर्विरोध निर्वाचित हुनेहरुमा लक्ष्मण सुवेदी, लक्ष्मण सुनार, साकार पन्त, अमर दीप सापकोटा, शिव शर्मा कँडेल र हस्तबहादुर लिम्बू रहेका छन् ।
काठमाडौं– चलचित्र कलाकार संघको अध्यक्ष पदमा उत्तम केसी विजयी भएका छन् । केसीले २१६ मत प्राप्त गर्दै प्रतिस्पर्धी सबिन श्रेष्ठलाई पराजित गरेका हुन् । श्रेष्ठले १३२ मत प्राप्त गरे ।
निर्वाचनमा कुल ३५६ मत खसेको थियो । उपाध्यक्ष पदमा पूजना प्रधान र शिवहरी बैरागी विजयी भएका छन् । पूजना प्रधानले १४४ मत र शिवहरी बैरागीले १४६ मत प्राप्त गरेका हुन् । अन्य उम्मेदवारमध्ये पनाह अधिकारीले १३५, उद्धव भट्टराईले १०७, डिबी तामाङले २७ तथा राजेन्द्र बस्नेतले १८ मत पाए ।
महासचिव पदमा सुनील कटवाल १९५ मतसहित विजयी भए भने रामेश्वर बुर्लाकोटीले १२५ मत प्राप्त गरे । सचिव पदमा गोपाल ढकाल २१४ मतसहित विजयी भए । उनका प्रतिस्पर्धी पल्पसा डंगोलले ११० मत प्राप्त गरिन् ।
कोषाध्यक्ष पदमा तेजुला खतिवडा १४९ मतसहित निर्वाचित भइन् । सोही पदका लागी पवित्रा आचार्यले १०६ र खुश्व खड्काले ५८ मत प्राप्त गरे । सहकोषाध्यक्षमा पवन केसी १६१ मतसहित विजयी भए भने गीता नेपालले १५३ मत प्राप्त गरिन् ।
सदस्य पदमा १० जना विजयी भएका छन् । विजयी हुनेहरूमा इन्द्रबहादुर लामा (खम्बे), चन्द्रकला (मोनिका) दाहाल, चन्द्रकला राई (लब्ली संगम), छुल्ठिम गुरुङ, जीवन थापा, दमन रुपाखेती, नवीनकुमार श्रेष्ठ, रश्मि भट्ट, श्रीदेव भट्टराई तथा सुलेमान इकु रहेका छन् ।
काठमाडौं - नेपाली कला, सङ्गीत तथा पत्रकारिता क्षेत्रमा योगदान पुर्याउने स्रष्टाहरूलाई सम्मान गर्दै ‘नातिकाजी राष्ट्रिय पुरस्कार तथा सम्मान २०८१’ भव्य रूपमा प्रदान गरिएको छ । शुक्रबार राष्ट्रपति भवन शीतल निवासमा आयोजित विशेष समारोहमा सम्माननीय राष्ट्रपति रामचन्द्र पौडेल ले विभिन्न विधाका स्रष्टा, कलाकार तथा पत्रकारलाई पुरस्कार तथा सम्मान अर्पण गर्नुभएको हो ।
यस अवसरमा कला पत्रकार तथा गीतकार गीता अधिकारी र अनन्त वाग्लेलाई ‘नातिकाजी राष्ट्रिय कलापत्रकारिता पुरस्कार २०८१’ प्रदान गरिएको थियो । पुरस्कारसँगै उहाँहरूलाई नगद राशिसहित सम्मान गरिएको थियो । दुई दशकभन्दा बढी समयदेखि चलचित्र पत्रकारितामा सक्रिय अधिकारी हाल हिमालय टाइम्स राष्ट्रिय दैनिक तथा मिलाप राष्ट्रिय मासिक पत्रिकासँग आबद्ध रहँदै आउनुभएको छ ।
समारोहमा ‘नातिकाजी राष्ट्रिय विशिष्ट सङ्गीत सम्मान’ गीतकार नारायणकुमार आचार्य, साबु गदाल कार्की तथा वीरेन्द्र पाठकलाई प्रदान गरिएको थियो । त्यस्तै, शशी गुरुङ, गणेश पराजुली, जुजुकाजी रञ्जित, अष्ट लामा, डा. भीमार्जुन आचार्य तथा निर्वाण सिं गुरुङ पनि विशिष्ट सङ्गीत सम्मानबाट सम्मानित हुनुभयो ।
यसैगरी ‘नातिकाजी राष्ट्रिय सङ्गीत पुरस्कार’ मनोज खड्का, रोशन गुरुङ, ताराप्रकाश लिम्बु, सरिता शाही, चाँद सिं तथा महेश्वरमान राजभण्डारीलाई प्रदान गरिएको थियो । नवप्रतिभालाई प्रोत्साहन गर्ने उद्देश्यले प्रदान गरिने ‘नातिकाजी नव प्रतिभा पुरस्कार’ विपना तामाङ, सहिमा श्रेष्ठ तथा सुरेश लामाले प्राप्त गर्नुभयो ।
कार्यक्रममा ‘नातिकाजी राष्ट्रिय शास्त्रीय सङ्गीत पुरस्कार’ प्रमोद उपाध्यायलाई प्रदान गरिएको थियो ।
नातिकाजी स्मृति समाजका अध्यक्ष शम्भूजीत बाँसकोटा ले स्वर्गीय सङ्गीत महर्षि नातिकाजी श्रेष्ठ ले नेपाली सङ्गीतलाई केवल मनोरञ्जनको माध्यमका रूपमा मात्र नभई सामाजिक चेतना जगाउने शक्तिशाली साधनका रूपमा स्थापित गर्नुभएको उल्लेख गर्नुभयो । उहाँले समाजले प्रत्येक वर्ष कला र सङ्गीत क्षेत्रमा समर्पित स्रष्टाहरूको योगदानको कदर गर्दै सम्मान तथा पुरस्कार वितरण गर्दै आएको जानकारी दिनुभयो ।
कार्यक्रमलाई थप आकर्षक बनाउँदै सम्मानित तथा पुरस्कृत कलाकारहरूले स्वर्गीय नातिकाजीका चर्चित गीतहरू प्रत्यक्ष प्रस्तुत गरेका थिए । राष्ट्रपति भवनमा आयोजित समारोह नेपाली कला, सङ्गीत र पत्रकारिता क्षेत्रका व्यक्तित्वहरूको उल्लेखनीय उपस्थितिमा अत्यन्त भव्य र भावनात्मक बनेको थियो ।
काठमाडौं - म्युजिक भिडियो कलाकार सङ्घ को आयोजनामा वार्षिक क्यालेन्डर तथा भित्तेपात्रो विमोचन, विशिष्ट तथा वरिष्ठ कलाकारहरूलाई मानार्थ सदस्यता परिचयपत्र वितरण तथा सङ्घका मनोनित सल्लाहकारहरूलाई नियुक्तिपत्र प्रदान गर्ने कार्यक्रम अनामनगरस्थित सिलेटो कटेज मा भव्य रूपमा सम्पन्न भएको छ।
कार्यक्रम नेपाल सङ्गीत तथा नाट्य प्रज्ञा प्रतिष्ठानका उपकुलपति तथा वरिष्ठ सङ्गीतकर्मी शम्भु राई को प्रमुख आतिथ्यतामा सम्पन्न भएको थियो भने कार्यक्रमको सभापतित्व सङ्घका कार्यवाहक अध्यक्ष सुनील लामिछाने ले गर्नुभएको थियो।
कार्यक्रममा दुर्गा राईमाझी, नारायण राईमाझी, प्रस्तोता समाजका अध्यक्ष नरहरि प्रेमी, चलचित्र पत्रकार सङ्घका अध्यक्ष समीर बलामी, रोयल्टी सङ्कलन समाजका उपाध्यक्ष पी एन सापकोटा लगायत विभिन्न क्षेत्रका प्रभावशाली व्यक्तित्वहरूको उल्लेखनीय उपस्थिति रहेको थियो। साथै सङ्घका सल्लाहकारहरू बाबुराज केसी उज्ज्वल, हरी डाँगी, देवेन्द्र बजगाईँ, शेषकान्त पुरी, घनश्याम आचार्य तथा शिवन पोखरेल लगायत अतिथिहरूको पनि उपस्थिति रहेको थियो।
उक्त कार्यक्रममा म्युजिक भिडियो क्षेत्रमा अतुलनीय योगदान पुर्याएका विशिष्ट कलाकारहरू राजेश हमाल, भुवन केसी तथा धिरेन शाक्य लाई “विशिष्ट म्युजिक भिडियो कलाकार” को मानार्थ परिचयपत्र प्रदान गरिएको थियो।
त्यसैगरी म्युजिक भिडियो क्षेत्रमा निरन्तर योगदान पुर्याउँदै आउनुभएका कलाकारहरू संस्थाकी संस्थापक अध्यक्ष अन्जु निरौला, निवर्तमान अध्यक्ष सम्झना बुढाथोकी, सुरबिर पण्डित, बिनोद श्रेष्ठ, सविन श्रेष्ठ, रञ्जन रिजाल, अशोक घिताल तथा लोकप्रिय कलाकार पल शाह लाई “वरिष्ठ म्युजिक भिडियो कलाकार” को मानार्थ परिचयपत्र प्रदान गरिएको सङ्घले जनाएको छ।
कार्यक्रमका संयोजक तथा सङ्घका महासचिव सनम कठायत ले म्युजिक भिडियो क्षेत्रलाई संस्थागत, व्यवस्थित र मर्यादित बनाउँदै कलाकारहरूको पेशागत सम्मान अभिवृद्धि गर्ने उद्देश्यले सम्मान कार्यक्रमलाई निरन्तरता दिइने बताउनुभयो। उहाँले वार्षिक क्यालेन्डरमा समावेश गरिएका योजनाबद्ध कार्यक्रमहरू सफलतापूर्वक सम्पन्न गर्न सम्पूर्ण कलाकार, स्रष्टा तथा शुभेच्छुकहरूको सहकार्य आवश्यक रहेको उल्लेख गर्नुभयो।
कार्यक्रममा नेपाली कलाकारिता क्षेत्रका उल्लेखनीय व्यक्तित्वहरूको बाक्लो उपस्थिति रहेको थियो। वक्ताहरूले कार्यक्रमको उद्देश्य अत्यन्तै अर्थपूर्ण रहेको उल्लेख गर्दै यही उद्देश्यअनुसार संस्था अघि बढे कलाकारहरूको हकहित, पेशागत सुरक्षा तथा सम्मानका लागि बलियो संस्थाका रूपमा स्थापित हुने विश्वास व्यक्त गरेका थिए। साथै म्युजिक भिडियो कलाकार सङ्घ ले कलाकारद्वय दुर्गा भट्ट र निरुता कुँवर बिष्ट लाई आर्थिक सहयोग समेत प्रदान गरेको जनाएको छ।
काठमाडौं – भाषा, साहित्य, कला र संस्कृतिका सर्जकलाई सम्मान गर्ने उद्देश्यसहित आयोजना हुँदै आएको ‘हिमालयन इन्टरनेशनल अवार्ड’ को छैटौं संस्करणका लागि आवेदन आह्वान गरिएको छ। ‘भाषा, साहित्य कला संस्कृतिका सर्जकको सम्मान, हाम्रो एक अभियान’ भन्ने मूल नारासहित अवार्डको नयाँ संस्करण भव्य रूपमा आयोजना हुने तयारी गरिएको आयोजकले जनाएको छ।
आयोजक संस्थाले जारी गरेको विज्ञप्तिअनुसार अवार्डका लागि वैशाख २१ गते सोमबारदेखि आवेदन फारम खुला गरिएको हो। अवार्ड संयोजक गीता अधिकारीका अनुसार राष्ट्रिय भावका गीतसँगै पप, लोकदोहोरी, आधुनिक, बालगीत, डायस्पोरा तथा रिमिक्स विधालाई समेटेर अवार्ड प्रदान गरिनेछ।
अवार्डका अध्यक्ष गणेश सुवेदीले दिएको जानकारीअनुसार २०८२ साल वैशाख १ गतेदेखि चैत मसान्तसम्म ९एक वर्षभित्र० सार्वजनिक भएका गीत–संगीतका स्रष्टा तथा प्राविधिकलाई विभिन्न विधामा सम्मान गरिनेछ। आवेदन दर्ताको अन्तिम म्याद जेठ १५ गतेसम्म तोकिएको छ।
अवार्ड समारोहमा नेपाली गीतसंगीत क्षेत्रमा दीर्घकालीन योगदान पुर्याएका एक विशिष्ट व्यक्तित्वलाई ‘दीर्घसाधना सम्मान’ प्रदान गरिनेछ। साथै, देश तथा विदेशमा रहेर नेपाली संगीत क्षेत्रमा उल्लेखनीय योगदान दिएका संगीतकर्मी तथा सञ्चारकर्मी पत्रकारलाई समेत विशेष सम्मान गरिने आयोजकले जनाएको छ।
यसअघि काठमाडौंसँगै थाइल्याण्ड, सिंगापुर र मलेसियामा सफलतापूर्वक सम्पन्न भइसकेको यो अवार्डको छैटौं संस्करणलाई अझ विशेष र भव्य बनाउने तयारी भइरहेको संयोजक गीता अधिकारीले बताउनुभयो।
काठमाडौं - नेपाली संगीत क्षेत्रमा नयाँ गीत ''तिनपानेको झोल'' सार्वजनिक भएको छ। गायक डिजराज पौडेल र गायिका आशा लामा ज्ञानमालाको सुमधुर स्वरमा सजिएको उक्त गीतले सार्वजनिक भएसँगै दर्शक–श्रोताबाट सकारात्मक प्रतिक्रिया बटुल्न थालेको छ।
गीतका शब्द चक्र बहादुर कार्कीले तयार पारेका हुन् भने संगीत स्वयं गायक डिजराज पौडेलकै रहेको छ। संगीत संयोजन कृष्ण लमामीछानेले गरेका छन्, जसले गीतलाई अझ आधुनिक र कर्णप्रिय बनाएको छ।
भावनात्मक कथावस्तुमा आधारित गीतले प्रेम, विछोड र जीवनका यथार्थ पक्षलाई मार्मिक ढंगले प्रस्तुत गरेको छ। मधुर धुन र गहिरो शब्द संयोजनले श्रोतालाई गीतसँग भावनात्मक रूपमा जोड्न सफल देखिन्छ।
गीतको म्युजिक भिडियोमा दिपेन्द्र सोनाम र नितु सिंह ठकुरीको अभिनय देख्न सकिन्छ। उनीहरूको जीवन्त प्रस्तुति र भाव–अभिव्यक्तिले भिडियोको कथालाई अझ प्रभावशाली बनाएको छ।
भिडियो निर्देशन निरेन श्रेष्ठले गरेका हुन् भने कोरियोग्राफी नितिन वाईवाको रहेको छ। उत्कृष्ट छायांकन, लोकेशन छनोट र सम्पादनले भिडियोलाई स्तरीय बनाएको छ।
सार्वजनिक भएको छोटो समयमै युट्युब तथा सामाजिक सञ्जालमा गीतले उल्लेखनीय प्रतिक्रिया पाइरहेको छ। दर्शकहरूले विशेषगरी गीतको भावनात्मक प्रस्तुति, संगीत संयोजन र कलाकारहरूको अभिनयको खुलेर प्रशंसा गरेका छन्।
नेपाली संगीत क्षेत्रमा पछिल्लो समय मर्मस्पर्शी तथा सन्देशमूलक गीतहरूको आकर्षण बढिरहेको सन्दर्भमा ''तिनपानेको झोल'' पनि सोही धारको एक सशक्त प्रस्तुति बनेको देखिन्छ।
काठमाडौं, १३ वैशाख | नेपालको वाम-लोकतान्त्रिक आन्दोलनका लोकप्रिय नेता, प्रथम जननिर्वाचित कम्युनिष्ट प्रधानमन्त्री तथा नेकपा (एमाले) का प्रथम अध्यक्ष मनमोहन अधिकारी को २७औँ स्मृति दिवस मनाइएको छ।
यस अवसरमा सानेपास्थित मनमोहन स्मृति प्रतिष्ठानको कार्यालयमा स्मृति सभा आयोजना गरिएको थियो। सो अवसरमा स्वर्गीय अधिकारीको शालिकमा माल्यार्पण तथा पुष्पगुच्छा अर्पण गर्नुका साथै मौनधारण गरिएको थियो।
कार्यक्रमलाई सम्बोधन गर्नुहुँदै प्रतिष्ठानका अध्यक्ष तथा नेकपा (एमाले) का वरिष्ठ नेता ईश्वर पोखरेलले निष्ठा र आदर्शका आधारमा राजनीतिक उचाइ हासिल गर्न सकिने कुरा मनमोहन अधिकारीको जीवनबाट सिक्न सकिने बताउनुभयो। उहाँले जस्तोसुकै प्रतिकूल परिस्थितिमा पनि अधिकारी विचलित नभएको उल्लेख गर्नुहुँदै युवापुस्तालाई अगाडि बढाउन प्रेरणादायी भूमिका खेल्नुभएको बारे स्मरण गर्नुभयो । साथै उहाँले प्रतिष्ठानको संयोजनमा प्राविधिक तथा शैक्षिक क्षेत्रमा विभिन्न रचनात्मक कार्यक्रम सञ्चालन भइरहेको जानकारी समेत दिनुभयो ।
त्यस्तै, एमाले नेता प्रदीप ज्ञवालीले मनमोहन अधिकारीले लोककल्याणकारी र जनउत्तरदायी सरकारको अभ्यास स्थापित गर्नुभएको उल्लेख गर्नुभयो । उहाँले स्वर्गिय अधिकारीले महत्वपूर्ण राजनीतिक पदचिन्ह छाडेर जानुभएको र युवानेतृत्वलाई सहज रूपमा स्वीकार गर्दै अघि बढनुभएको बताउनु भयो । वर्तमान अवस्थामा लोकतान्त्रिक आन्दोलनले केही चुनौती सामना गरिरहेको उल्लेख गर्दै उहाँले एमाले पुनः सशक्त रूपमा उठ्ने विश्वास व्यक्त गर्नुभयो।
यसैगरी, प्रतिष्ठानकी सचिव शान्ति अधिकारीले मनमोहन अधिकारीले नेपालमा पहिलो कम्युनिष्ट सरकारको नेतृत्व गरेको स्मरण गर्नुभयो । विश्वव्यापी रूपमा कम्युनिष्ट आन्दोलन कमजोर बन्दै गएको परिवेशमा अधिकारीले सबल नेतृत्व प्रदान गर्नुभएको उल्लेख गर्नुहुँदै उहाँको निष्ठावान जीवनले सबैलाई सही मार्गमा अघि बढ्न प्रेरित गर्ने बताउनुभयो ।
कार्यक्रममा एमालेका नेता, कार्यकर्ता तथा शुभेच्छुकहरूको उल्लेखनीय उपस्थिति रहेको थियो। स्मृति दिवसको अवसरमा प्रतिष्ठानले कविता प्रतियोगिता समेत आयोजना गर्ने कार्यक्रम रहेको जनाएको छ।
काठमाडौं - चलचित्र पत्रकार संघ नेपालको नेतृत्वमा समिर बलामीले पुनः बाजी मारेका छन्। शनिबार राति सम्पन्न संघको १०औँ महाधिवेशनबाट उनले दोस्रो कार्यकालका लागि अध्यक्ष पदमा जित दर्ता गर्दै आफ्नो नेतृत्वलाई निरन्तरता दिएका हुन्। बलामीले निकटतम प्रतिद्वन्द्वी जीवन पराजुलीलाई पराजित गर्दै बलामीले विजय हासिल गरेका हुन्।
नयाँ कार्यसमितिमा उपाध्यक्ष (संगठन) मा रघुनाथ सापकोटा र उपाध्यक्ष (कार्यक्रम) मा कुमार आचार्य निर्विरोध चयन भएका छन्। उपाध्यक्ष (महिला) पदमा दिपज्योति थापा विजयी भएकी छन्, जसले महिला नेतृत्वको सशक्त उपस्थिति झल्काएको छ।
महासचिवमा गोपी कृष्ण चापागाई निर्वाचित हुँदा सचिवमा मदन रिजाल र सचिव (समावेशी) मा महम्मद जालिम निर्विरोध चयन भएका छन्। त्यसैगरी, कोषाध्यक्षमा मनिष अन्जान र सह–कोषाध्यक्षमा अर्जुन गुरागाईं विजयी भएका छन्।
सदस्य पदमा ८ जना उम्मेदवार निर्विरोध चयन भएका छन्, जसमा सोजना विक लोहार, सुशील नेपाल, दिनेश थापा, नवीन चापागाई, रतनबहादुर चन्द, युवर्ण पौडेल, दिपराज क्षेत्री र सालिकराम न्यौपाने रहेका छन्।
नवनिर्वाचित कार्यसमितिले आगामी तीन वर्षसम्म चलचित्र पत्रकारिताको अधिकार संरक्षण, पेशागत सुदृढीकरण र नेपाली फिल्म क्षेत्रको समग्र विकासका लागि प्रभावकारी भूमिका खेल्ने विश्वास लिइएको छ।
