sports
||Power News Asia||

आजको समाचार

गोरखा पोलब्रेकर्स संघ नेपालको केन्द्रिय सदस्यमा निर्देशक खरेल मनोनयन

खेलकुद


काठमाण्डौ– गोरखा पोलब्रेकर्स संघ नेपालको केन्द्रिय सदस्यमा चलचित्र निर्देशक माधव राज खरेललाई मनोनयन गरिएको छ । एक विज्ञप्ति जारी गर्दै यस अघिका दुई केन्द्रिय सदस्य सरोज लामिछाने र बुजुली बहादुर तामाङले राजिनामा दिए पछि तत्काल संघले निर्देशक खरेल र करण कार्कीलाई केन्द्रिय सदस्यमा मनोनयन गरिएको जानकारी दिएको छ ।

लामो समय देखी नेपाली चलचित्र क्षेत्रमा सक्रिय खरेल यस अघि गोरर्खा पोलबे्रकर्स क्लवमा समेत आवद्ध रहेका थिए पछि क्लबले राष्ट्रिय खेलकुद परिषद्वाट संघको मान्यता पाएपछि गोरखा पोलब्रेकर्स संघ नेपालको रुपमा चर्चामा हरेको छ, हालै खरेल र कार्कीलाई संघको विशेष बैठकले केन्द्रिय सदस्यमा मनोनयन गरेको अध्यक्ष उद्धव नारायण श्रेष्ठले जानकारी दिएका छन् ।

हालै मनोनय गरिएका खरेल र कार्कीले पक्कै पनि  संघको हितमा काम गर्ने र यसलाई अझै अन्तराष्ट्रिय स्तरमा लैजानेमा संघ विश्वस्त रहेको समेत बताएको छ ।

 

चीनमा फुटबलका राष्ट्रिय खेलाडीलाई ट्याटु खोप्न प्रतिबन्ध

खेलकुद


काठमाण्डौ – चीनमा फुटबलका राष्ट्रिय खेलाडीलाई ट्याटु खोप्न प्रतिबन्ध गरिएको छ।साथै ट्याटु भएका खेलाडीलाई हटाउन निर्देशन दिएको छ। चिनियाँ खेलकुद प्रशासन कार्यालयले राष्ट्रिय स्तर र युवा टोलीमा ट्याटु भएका नयाँ खेलाडी राख्न कडा प्रतिबन्ध लगाएको बीबीसीले जनाएको छ। चिनियाँ संस्कृतिमा ट्याटुलाई राम्रो मानिन्न । तर पछिल्ला दिनहरूमा ट्याटु लोकप्रिय हुन थालेको छ।

Paralympics: Pakistan wins first-ever gold medal in Men’s discus throw competition

खेलकुद


 

 

Kathamandu-In Tokyo 2020 Paralympic Games, Haider Ali won the gold medal in Men’s discus throw competition for pakistan.Haider threw a 55.26 metres throw in his fifth attempt out of the total six he made to score the best distance.The silver medal was bagged by Ukraine’s Zhabnyak with a 52.43 metres throw, while Brazilian Teixeira de Souza won bronze with a 51.86 throw.It is Pakistan’s first-ever gold medal in the Paralympics. Earlier, Haider had won two medals, a silver in Beijing and a Bronze in Rio in the long jump event for Pakistan.

Haider Ali hails from Gujranwala. He has a limb-length discrepancy by birth. His right leg is two inches thinner and one inch shorter than his left leg.The US Embassy in Islamabad has congratulated Pakistani Haider Ali for winning the first-ever Paralympic gold medal for PakistanMeanwhile, in a tweet, Minister for Information and Broadcasting Chaudhary Fawad Hussain said Pakistan is proud of Haider Ali.

भारतीय युथ स्पोर्ट्स काउन्सिलद्वारा पोल बल हस्तान्तरण

खेलकुद


काठमाडौं -भारतीय स्पोर्ट्स काउन्सिलले गोर्खा पोलब्रेकर्स संघ नेपाललाई पोल बल हस्तान्तरण गरेको छ । युथ स्पोर्ट्स क्लब इन्डियाको सहयोगार्थमा शनिबार गोर्खा पोलब्रेकर्स संघलाई पोल बल हस्तान्तरण गरिएको हो । भारतीय युथ स्पोर्ट्स काउन्सिलका अध्यक्ष दीपक कडारियाले गोर्खा पोलब्रेकर्स संघका संस्थापक अध्यक्ष उद्धवनारायण श्रेष्ठलाई ५ सय बल हस्तान्तरण गरेका थिए ।

वीरहरुको देश नेपालमा जन्मिएको व्यक्तिसँग जोडिन पाउँदा निकै खुसी लागेको र त्यसमा पनि सहयोग गर्न पाउँदा आफूलाई निकै भाग्यमानी ठानेको भारतीय युथ काउन्सिलका अध्यक्ष कडारियाले बताए । अहिले पोलब्रेकर्स खेल नेपाल, भारत, भुटान, कतार र अमेरिकामा गरी पाँच देश पुगेको नेपाल पोलब्रेकर्स संघका अध्यक्ष श्रेष्ठले बताए । बिस्तारै यो नेपाली खेल विश्वभर फैलिएर नेपाल र नेपालीको नाम विश्वभर चम्किने अध्यक्ष श्रेष्ठको विश्वास छ । ‘अर्को वर्ष कोरोना महामारी कम भयो भने दक्षिण एसियाली राष्ट्रबीच पोलब्रेक प्रतियोगिताको आयोजना गर्ने तयारी गर्छौं,’ संघका अध्यक्ष श्रेष्ठले भने ।

विश्व खेलकुदको कुम्भमेला ओलम्पिक आजदेखि जापानको राजधानी टोकियोमा औपचारिक रूपमा सुरु हुँदैछ

खेलकुद


काठमाडौं - कोरोना भाइरस को बढ्दो संक्रमणकैबीच विश्व खेलकुदको कुम्भमेला ओलम्पिक आजदेखि जापानको राजधानी टोकियोमा औपचारिक रूपमा सुरु हुँदैछ । ३२औं संस्करणको गृष्मकालीन ओलम्पिक अर्थात टोकियो ओलम्पिकका केही खेलहरू दुई दिन अघिदेखि नै सुरू भए पनि उद्घाटन समारोह आज हुन लागेको हो ।२०२० मै हुनुपर्ने ओलम्पिक कोरोना महामारीले गर्दा एक वर्ष पछि धकेलिएको थियो । त्यसैले यस ओलम्पिकको नाम भने ‘टोकियो ओलम्पिक २०२०’ नै छ ।ओलम्पिकको इतिहासमै पहिलो पटक स्थगित भएर एक वर्षपछि ओलम्पिक हुन लागेको हो । यसअघि विश्वयुद्धका कारण तीन पटक भने ओलम्पिक रद्द नै गरिएको थियो । टोकियो ओलम्पिक २०२० को उद्घाटन नेपाली समय अनुसार दिउँसो १स्४५ बजे सुरु हुनेछ । नेशनल स्टेडियम टोकियोमा हुने उद्घाटन समारोहमा १५ राष्ट्र र संगठन प्रमुख उपस्थित हुने तयारी भइरहेको छ । औपचारिक उद्घाटन आज हुन लागेको टोकियो २०२० को सफ्टबल र फुटबल खेलहरु भने दुई दिन अघिदेखि नै सुरु भइसकेको छ ।

हरेक खेलाडीको सपना कम्तीमा एक पटक ओलम्पिक खेल्ने हुन्छ नि त्यसमा पदक जित्दै अझ ठूलो उपलब्धि हात पार्न चाहन्छन् । १७ दिन चल्ने ओलम्पिकमा यस पटक पनि करिब ११ हजार भन्दा बढी खेलाडी थप उपलब्धि हासिल गर्ने लक्ष्यसहित टोकियो ओलम्पिकमा प्रतिस्पर्धा गर्दैछन् । टोकियोमा कोरोना संक्रमणको दर बढिरहेको अवस्थामा आपतकालीन अवस्था लागू गर्दै विनादर्शक ओलम्पिक आयोजना हुँदैछ । टोकियोमा अहिले झण्डै दैनिक करिब २ हजार संक्रमण देखिन थालेको छ । टोकियोमा त्रास बढिरहेको छ । स्थानीय बासिन्दाहरु ओलम्पिक आयोजनाको विरोधमै छन् । तैपनि विश्वकै धेरै खेल एकैपटक हुने कुम्भमेला ओलम्पिक आजदेखि सुरु हुँदैछ । यस पटकको सबैभन्दा ठूलो फरक भनेकै दर्शकविना ओलम्पिक हुँदैछ । दर्शकले अब टेलिभिजनमै ओलम्पिक हेर्नेछन् ।

यसैगरी ओलम्पिकमा सहभागी हुने देशहरुबाट भ्रमण गर्ने पदाधिकारीको संख्या पनि यसपटक घटाइएको छ । आयोजकले कोभिड(१९ को असरलाई ध्यानमा राख्दै सहभागिहरुको स्वास्थ्यलाई मध्यनजर गर्दै विभिन्न सेटमा प्लेबुक सार्वजनिक गरेको छ । जसलाई खेलाडी अफिसियलदेखि लिएर ब्रोडकास्टरहरुले समेत पालना गर्नुपर्नेछ । दैनिक रुपमा सबैले कोरोना परीक्षण गराउनुपर्नेछ । ओलम्पिक भिलेजमा सबैले अनिवार्य रुपमा मास्क लगाउनुपर्नेछ । ओलम्पिक सुरु हुनु अघिल्लो दिन गिनीले कोरोनाकै त्राका कारण आफ्नो कुनै खेलाडी नपठाउने निर्णय गरेको छ । उत्तर कोरियाले पनि यसअघि नै कोरोनाकै कारण ओलम्पिकमा सहभागी नहुने जनाइसकेको छ ।टोकियो ओलम्पिकमा अमेरिकाबाट सबैभन्दा धेरै ६१३ खेलाडीले प्रतिस्पर्धा गर्दैछन् । आयोजक जापानबाट ५५२ खेलाडी प्रतिस्पर्धा गर्दैछन् । यस पटक शरणार्थी टिमबाट २९ खेलाडीले प्रतिस्पर्धा गर्दैछन् । टोकियो ओलम्पिकमा पाँच नयाँ खेलसँगै विभिन्न ३३ खेलको ३३९ इभेन्टमा प्रतिस्पर्धा हुँदैछ ।

राष्ट्रिय क्योकुशिन–सेईसिन कराते प्रतियोगिता सम्पन्न

खेलकुद


भक्तपुर — चैत्र ३१, २०७७। 

नेपाल क्योकुशिन–सेईसिन काईकान कराते संघको आयोजनामा दुई दिनसम्म सन्चालित “पाँचौ राष्ट्रिय पुरुष तथा महिला तौल समूह फुलकन्ट्याक्ट (क्योकुशिन–सेईसिन) कराते प्रतियोगिता–२०७७ सम्पन्न भएको छ । भक्तपुरको सुर्यबिनायक स्थित योयो पार्टी प्यालेसमा भएको कार्यक्रममा प्रमुख अतिथी प्रतिनिधि सभा सदस्य तथा पूर्वमन्त्री महेस बस्नेत र रास्ट्रिय खेलकुद परिसदका सदस्य सचिब रमेश सिलवालले पानसमा दियो बाली संयुक्त रुपमा उदघाटन गर्नु भयो ।

प्रमुख अतिथी पुर्व उद्योग मन्त्री तथा प्रतिनिधी सभाका सदस्य महेश बस्नेतद्वारा खल्ला तौल समूह, ५५ के.जी. तौल समुह तथा ५० के.जी. तौल समुहका बिजेता पुरुष खेलाडीहरुलाई शिल्ड, मेडल, प्रमाणपत्र तथा नगद पुरस्कार वितरण गर्नु भएको थियो भने महिला तौल समुह, ४० के.जी. तौल समुह, ३५ के.जी. तौल समुहका बिजेता महिला खेलाडीहरु तथा ४५के.जी., ४०के.जी., ३५के.जी. तौल समुहका पुरुष खेलाडीहरुलाई शिल्ड, मेडल तथा प्रमाणपत्र तथा नगद पुरस्कार अर्का प्रमुख अतिथी राष्ट्रिय खेलकुद परिषद्को सदस्य सचिव रमेश शिलवालद्धारा बितरण गर्नुको साथै मिस नेवाः नेपाल ११४१ का बिजेता कृषा महर्जन, शसस्त्र प्रहरी नायब उपरीक्षक समिक महर्जन तथा रोशन भोयद्योलाई कदरपत्रद्धारा सम्मान गरिएको थियो ।

कार्यक्रमका सभापति तथा केन्द्रिय संघका अध्यक्ष, नेपाल ब्रान्चचिफ एवं विश्व क्योकुशिन काई करांतेका उपाध्यक्ष सिहान अशोक कुमार श्रेष्ठद्धारा प्रमुख अतिथीलाई मायाको चिनो प्रदान गर्नु भएको थियो । त्यसैगरी अन्य प्रदेशबाट सहभागी खेलाडीहरुको हौसला प्रदान गर्न मिस नेवाः कृषा महर्जनद्धारा नेप्लिज फेशन होमको तर्फबाट स्टेशनरी तथा स्कुल ब्याग बितरण गरिएको थियो भने विशेष अतिथी भक्तपुर जिल्ला खेलकुद बिकास समितिका अध्यक्ष श्रीभक्त कासिछवाद्धारा कार्यक्रमका जुरी, निर्णायक तथा सहयोगकर्ता महानुभावहरुलाई मायाको चिनो तथा कदरपत्र प्रदान गर्नु भएको थियो ।

कार्यक्रम संचालन मिस नेवाः नेपाल २०२१ का उपबिजेता प्रिया तण्डुकार तथा मिस नेवाः प्रजिता श्रेष्ठले गरेका थिए ।

Secretary Neupane distributed prizes to the winners of Nepal-Pakistan Friendship T-20

खेलकुद


Kathmandu- Secretary of Ministry of Youth and Sports Mr. Kedar Neupane gave away the prizes to the winners of Nepal-Pakistan Friendship T-20 Cricket Tournament. A total of 12 Nepali Cricket Clubs participated in the 10 day cricket tournament which was the 6th annual event of its type, organized by the Pakistan Embassy in Kathmandu. Great Himalayan Cricket Club won the tournament while Angles Cricket Club was the runner-up. Special guests at the occasion included Mr. Gyanendra Malla, Captain of Nepal International Cricket Team.

Addressing the occasion Mr. Neupane lauded the efforts of the Embassy in organizing this annual event and pointed to the huge potential for further developing bilateral relations between Pakistan and Nepal through organizing such sports events. The Ambassador reiterated the commitment to continue to encourage efforts to bring the youths of two countries together. This, he said was an important cornerstone of the people-to-people contacts between Pakistan and Nepal.

पाँचौ जिल्लास्तरीय शिन क्योकुशिन कराँते प्रतियोगिता २०७७ सम्पन्न    

खेलकुद


 
          
 मकवानपुर । हेटौंडा १४ कालापानीमा पाँचौ जिल्ला स्तरीय शिन क्योकुशिन कराँते प्रतियोगिता सम्पन्न भएको छ ।नेपाल शिन क्योकुशिन कराँते संघको शाखा दोजो मकवानपुरले आयोजना गरेको मकवानपुर जिल्लास्तरीय कराँते प्रतियोगिता दुई चरणमा विभाजन गरिएको थियो।

पहिलो चरणमा मकवानपुर जिल्ला खेलकुद विकास समितिका अध्यक्ष सानू लामाको प्रमुख आतिथ्यमा उद्घाटन कार्यक्रम राखिएको थियो भने अन्तिम चरणमा नेपाल शिन क्योकुशिन कराँते संघका महासचिव तथा नेपाल प्रमुख सुर्य बहादुर बबुढाथोकीको प्रमुख आतिथ्यतामा विजयी खेलाडीलाई पुरस्कार तथा अतिथिलाई मायाको चिनो बितरण कार्यक्रम गरि प्रतियोगिता समापन गरिएको थियो।

उक्त प्रतियोगितामा महिला र पुरुष गरि जम्मा ७८ खेलाडीहरु विभिन्न तौल समूह गरि जम्मा १० समुहमा प्रतिस्पर्धा गरेका थिए। प्रतियोगिताका संयोजक तथा प्रमुख प्रशिक्षक चन्द्र कुमार गोलेले सम्पुर्ण खेलप्रेमी अतिथि , दर्शक तथा खेलाडी हरुलाई शब्दले स्वागत गरेका थिए। उहाँले अब छिट्टै राष्ट्रिय स्तरको कराँते प्रतियोगिता आयोजना गर्ने दियालो पोष्टलाई जानकारी दिनुभयो।

पाँचौ जिल्लास्तरीय शिन क्योकुशिन कराँते प्रतियोगिता-२०७७ मा विभिन्न तौल समुहमा विजयी खेलाडीहरुको नामावली यस प्रकार छन्।
महिला तर्फका तौल समुहस्
१। ४० के।जी। मुनि
●प्रथम – अनिशा पहरी
●द्वितीय – एलिसा श्रेष्ठ
●तृतीय – विष्णु बल
२। ४५ के।जी। मुनि
●प्रथम – अञ्जना वाइबा
●द्वितीय – चादनी थिङ
●तृतीय – सश्मिता बोम्जन
●उत्कृष्ट खेलाडी – अनिसा राई
३। ५० के।जी। मुनि
●प्रथम – सुहाना घलान
●द्वितीय – प्राथना लोप्चन
●तृतीय – एन्जिला मोक्तान
●उत्कृष्ट खेलाडी – सोनिमा स्याङ्तान
४। खुल्ला तौल समूह
●प्रथम – तारा घलान
●द्वितीय – बन्दना गोले
●तृतीय – सोनु लामा
●उत्कृष्ट खेलाडी – करुणा गोले

पुरुष तर्फका तौल समुहस्
१। ३० के।जी। मुनि
●प्रथम – समीर रुम्बा
●द्वितीय – निश्चल राई
●तृतीय – अभिनाष यादव
●उत्कृष्ट खेलाडी – युनेस माझी
२। ३५ के।जी। मुनि
●प्रथम – छिरिङ वाइबा
●द्वितीय – आरेस स्याङतान
●तृतीय – अमन राई
●उत्कृष्ट खेलाडी – सुभम रौनियार
३। ४० के।जी। मुनि  
●प्रथम – दिपेन्द्र गोले
●द्वितीय – विवश बजु
४। ४५ के।जी। मुनि
●प्रथम – दिपेश थिङ
●द्वितीय – निस्तम प्रजा
●तृतीय – एन कु। राई
●उत्कृष्ट खेलाडी – प्रशान्त तामाङ
५। ५० के।जी। मुनि
●प्रथम – विवश गोले
●द्वितीय – मुमिन स्याङ्बो
●तृतीय – उज्ज्वल कु। मण्डल
●उत्कृष्ट खेलाडी – अमृत सुनार
६। खुल्ला तौल समूह
●प्रथम – अशोक थिङ
●द्वितीय – संजय सुनार
●तृतीय – अनिश गोले
●उत्कृष्ट खेलाडी – विनय थिङ

Mayor Shakya Inaugurates Nepal-Pakistan Friendship T20 Cricket Tournament

खेलकुद


kathmandu- The Sixth Annual “Nepal-Pakistan Friendship T20 Cricket Tournament 2021” was inaugurated today by Mr. Bidya Sunder Shakya, Mayor of Kathmandu Metropolitan. A total of twelve teams are participating in the ten-days event. Addressing the inaugural ceremony, Mr. Shakya highlighted the potential of cricket and sports in bringing the youth of two countries, together. He appreciated the Embassy’s initiative for organizing this annual event.

Speaking at the occasion, Ambassador of Pakistan, Syed Haider Shah expressed his satisfaction with the growing popularity of this annual event among Nepali Youth. He emphasized the importance of sports for a healthy society, particularly as the world grapples with a pandemic. He thanked the Mayor and the Nepalese government for all their support in organizing this event. The Tournament is scheduled to conclude on 14th March 2021.

सेनाका राजन रोकायालाई पोखरा अन्तर्राष्ट्रिय म्याराथनको उपाधि

खेलकुद


कास्की- नेपाली सेनाका राजन रोकायाले १५औँ संस्करणको ‘सफल पोखरा अन्तर्राष्ट्रिय म्याराथन’को उपाधि जित्न सफल भएका छन् । भूतपूर्व खेलाडी मञ्च नेपालको आयोजनामा आज पोखरामा सम्पन्न म्याराथनमा रोकायाले दुई घण्टा २८ मिनेट ५६ सेकेण्डमा निर्धारित ४२ किमी दूरी पूरा गरी उपाधिसहित नगद रु दुई लाख तथा ट्रफी पुरस्कार प्राप्त गरे । यसैगरी द्वितीय र तृतीय स्थानको उपाधिसमेत सेनाका धावकहरुले प्राप्त गरे ।

सेनाका ज्ञानप्रसाद भट्टराईले दुई घण्टा ३३ मिनेट ४८ सेकेण्डमा दौड पूरा गरी रु एक लाख पुरस्कार प्राप्त गरे भने देवीराज बस्नेतले दुई घण्टा ४२ मिनेट ३३ सेकेण्डमा म्यारथनको निर्धारित दूरी पार गरी तृतीय स्थानको पुरस्कार रु ७५ हजार प्राप्त गरे । पाँचथरका प्रदीप तामाङले दुई घण्टा ५४ मिनेट आठ सेकेण्डमा दूरी पार गरी सान्त्वना स्थानसहित रु २५ हजार पुरस्कार तथा ट्रफी प्राप्त गर्न सफल भएका छन् ।

यस वर्ष पहिलोपटक पोखरा म्याराथनमा महिलाका लागि २१ किमीको हाफ म्याराथन समावेश गरिएकामा नेपाल प्रहरीका राजपुरा पछाईँले हाफ म्याराथनको उपाधि जित्न सफल भए। निर्धारित दूरी एक घण्टा २७ मिनेट आठ सेकेण्डमा पूरा गरी उनले रु एक लाख र ट्रफी पुुरस्कार प्राप्त गरे।

यसैगरी जुम्लाका राममाया बुढाले एक घण्टा ३० मिनेट पाँच सेकेण्डमा दौड पूरा गरी द्धितीय स्थान हासिल गर्न सफल भई रु ७५ हजार पुुरस्कार प्राप्त गरे । सशस्त्र प्रहरी बलका ब्रिन्दा श्रेष्ठले एक घण्टा ३१ मिनेट दुई सेकेण्डमा निर्धारित दूरी पार गरी तृतीय स्थान हासिल गरे । उनले रु ५० हजार पुरस्कार पाउन सफल भए ।

नेपाल प्रहरीका रेखा विष्टले एक घण्टा ३६ मिनेट दुई सेकेण्डमा हाफ म्याराथन पूरा गरी सान्त्वना स्थान प्राप्त गरेर रु १५ हजार पुरस्कार प्राप्त गरे । पोखरा रङ्गशालाबाट शुरु भएको म्याराथन बजार विभिन्न क्षेत्र पुगेर रङ्गशालामा आएर समापन गरिएकामा म्याराथनमा २०९ र महिलाको हाफ म्याराथननमा २९ जनाले सहभागिता जनाएको आयोजकले जनाएको छ ।

विजेता खेलाडीलाई गण्डकी प्रदेशका मुख्यमन्त्री पृथ्वीसुब्बा गुरुङ, राष्ट्रिय खेलकूद परिषद् (राखेप) का सदस्य सचिव रमेशकुमार सिलवाल, नेपाल ओलम्पिक कमिटीका अध्यक्ष जीवनराम श्रेष्ठ, मञ्चका अध्यक्ष तेजबहादुर गुरुङलगायतले पुरस्कार वितरण गरेका थिए । विगतका संस्करणमा विदेशी धावकहरुले प्रतियोगितामा सहभागिता जनाउने गरेकामा यस वर्ष कोरोना कारणले विदेशीको सहभागिता थिएन । गत संस्करणको उपाधि जापानका खेलाडीले जित्न सफल भएका थिए ।

कार्यक्रममा गण्डकी प्रदेशका मुख्यमन्त्री गुरुङले गण्डकी प्रदेश र पोखरालाई खेल पर्यटनको राजधानी बनाउनका लागि विभिन्न सङ्घसंस्थाले गर्ने प्रतियोगिताले मद्दत पुगेको बताउँदै प्रदेश सरकार खेलकूद विकासमा प्रतिबद्ध रहेको बताए । सुन्दर पर्यटकीय नगरी पोखरालाई खेलकूदको विश्वमान चित्रमा स्थापित गराइ खेलकूद पर्यटन प्रवद्र्धनका लागि म्याराथनलाई कोरोना कहरबाट सिर्जित चूनौतीपूर्ण अवस्थामा पनि निरन्तरता दिइएको मञ्चका अध्यक्ष गुरुङले बताए ।

विगतका संस्करणमा म्याराथनसहितका अन्य विधाहरु एकै दिन सञ्चालन हुने भएकामा यस वर्ष कोरोना भाइरस सङ्क्रमणको सम्भावित जोखिमलाई मध्यनजर गरी अन्य इभेन्टहरुलाई फरक–फरक मितिमा आयोजना गरिएको मञ्चले जनाएको छ । जस अन्तर्गत ह्विलचियर दौड महिला र पुरुष तथा दृष्टिविहीन दौड फागुन २२ गते हुनेछ । १० किमी महिला÷पुरुष दौड आगामी चैत १४ गते र पाँच किमी छात्र÷छात्रा दौड आगामी वैशाख ४ गते सञ्चालन गरिने आयोजकले जनाएको छ । दश किमी महिला÷पुरुष दौडमा विजेता रु १५ हजार तथा द्धितीय र तृतीयले रु १० हजार र रु पाँच हजार पुरस्कार प्राप्त गर्नेछन् ।

ह्लिचियर र दृृष्टिविहीनतर्फका दुवै इभेन्टमा विजेताले रु सात हजार, द्वितीयले रु पाँच हजार र तृतीयले रु तीन हजार पुरस्कार पाउनेछन् । यसैगरी छात्र÷छात्रा दौडमा प्रथमले रु १० हजार द्धितीयले रु सात हजार र तृतीय हुनेले रु चार हजार पुरस्कार प्राप्त गर्ने आयोजकले जनाएको छ । रासस