economic
||Power News Asia||

आजको समाचार

‘आयोग आएपछि जलविद्युत् परियोजना सञ्चालनमा थप सहजीकरण’ : अध्यक्ष सिंह

आर्थिक


काठमाडौं । विद्युत नियमन आयोगका अध्यक्ष दिल्ली बहादुर सिंहले आयोग आएपछि जलविद्युत् परियोजना सञ्चालनमा थप सहजीकरण भएको बताउनुभएको छ । स्वतन्त्र ऊर्जा उत्पादकहरुको संस्था, नेपाल (इप्पान) र एक्स्पो एण्ड इभेन्ट म्यानेजमेन्ट सर्भिसेज प्रालिको संयुक्त आयोजनामा काठमाडौंमा जारी हिमालयन हाइड्रो एक्स्पोमा बिहीबार भएको ऊर्जा सम्बन्धी नीति सम्बन्धी प्राविधिक सत्रमा वक्ताका रुपमा बोल्ने क्रम उहाँले उक्त दाबी गर्नुभएको हो ।

‘पहिला अनुमान गरेअनुसार विद्युत् उत्पादन नभएमा कम्पनीहरुले पेनाल्टी तिर्नुपर्ने थियो, जुन कुरामा उनीहरुको गल्ती नै थिएन । अहिले त्यस्तो पेनाल्टी तिर्नुपर्ने व्यवस्था हटाएका छौं । पुर्नकर्जाको लागि पहल गरेर परियोजनाहरुलाई रुग्ण हुनबाट बचाएका छौं,’ उनले भने, ‘आगामी दिनमा पनि जलविद्युत् क्षेत्रको विकासको लागि नियमन आयोग सहजीकरण गर्न तयार छ ।’

यस्तै, उहाँले नेपाल–बंगालदेश डेडीकेटेड प्रसारण लाइन बनाउनुपर्ने बताउनुभयो । यसैगरि बंगलादेश, तिब्बत, भारत, भुटान लगायतका देशको विद्युतीय पुर्वाधारलाई अन्तरआवद्ध गर्ने गरि नेपाल अघि बढ्नुपर्ने उहाँको भनाइ छ ।

नेपाल महिला चेम्बरको अध्यक्षमा उर्मिला श्रेष्ठ

आर्थिक


काठमाण्डौं । उर्मिला श्रेष्ठ नेपाल महिला चेम्बरको अध्यक्षमा चयन हुनुभएको छ। कमलेश अग्रवाल नेतृत्वको नेपाल चेम्बर अफ कमर्शले बुधबार उहाँलाई पुन: सो जिम्मेवारी दिएको हो । श्रेष्ठ नेपाल महिला चेम्बरको अघिल्लो कार्यसमितीको समेत अध्यक्ष हुनुहुन्थ्यो ।
नेपाल महिला चेम्बरलाई गतिशिल बनाई देशमा महिला उद्यमशिलता प्रबर्द्धन गर्ने सवालमा श्रेष्ठले महत्वपूर्ण योगदान पुर्याउदै आउनु भएको छ । उहाँको अघिल्ला नेतृत्वकाल निकै सफल मानिन्छ ।

उर्मिला श्रेष्ठको परिचय

उर्मिला श्रेष्ठ नेपाल चेम्बर अफ कमर्शको उपाध्यक्ष हुनुहुन्छ । हालसालै मात्र सम्पन्न चेम्बरको ७३ औ साधारण सभाले उहाँलाई चेम्बरको उपाध्यक्षमा निर्वाचित गरेको थियो । यस अघि उहाँ ७० औं साधारण सभाबाट उपाध्यक्ष र नेपाल चेम्बरको कार्यकारीणी सदस्य हुनुहुन्थ्यो । उर्मिला श्रेष्ठ नेपाल चेम्बर अफ कमर्शको ७० बर्षको ईतिहासमै पहिलो पटक महिला मध्येमा प्रथम पटक उपाध्यक्ष जस्तो उच्च मुकाममा पुग्न सफल हुँदै ईतिहास रच्न समेत सफल हुनुभएको थियो ।

साल्ट ट्रेडिङ कर्पोरेशन लिमिटेडको कार्यकारी प्रमुख अर्थात सिईओ समेत रहेकी श्रेष्ठ आँफैमा एक सफल नारी पनि हुनुहुन्छ । साल्ट ट्रेडिङलाई कुशल व्यवस्थापकिय नेतृत्व प्रदान गर्दै आउनुभएकी श्रेष्ठले पछिल्लो समय महिला चेम्बरलाई पनि उस्तै सबल नेतृत्व प्रदान गर्दै आउनु भएका ेथियो । तसर्थ नेपालमा समकालिन समयमा औंलामा गन्न सकिने सफल महिलाहरुको पंक्तीमा उर्मिला श्रेष्ठको नाम अग्रपंतीमा आउने गर्दछ ।

सक्षम, कर्मठ, इमान्दार एवम् बौद्धिक नारीको रुपमा चिरपरिचित श्रेष्ठ राष्ट्रिय तथा अन्तरराष्ट्रिय स्तरमा ख्याती कमाउन सफल व्यक्तित्व हुनुहुन्छ । त्यसो त व्यापारिक पृष्‍ठभुमी बोकेको नेवार कुलमा जन्मिएकी श्रेष्ठ नेपाल चेम्बर अफ कमर्शका पुर्व अध्यक्ष स्वर्गिय ईश्वर लाल श्रेष्ठकी सुपुत्री हुन । पिताजीको पद्चापलाई पछयाउदै नेपालको चेम्बर आन्दोलनलाई अघि बढाउने सवालमा उर्मिलाले ईश्वरलाल जस्तै अब्बलता प्रस्तुत गर्दै आउनु भएको छ ।

बदलिदो विश्व परिवेश माझ नेपालमा पनि महिला सशक्तिकरणको सवाल टडकारो रुपमा उठदै आईरहेको सन्दर्भमा श्रेष्ठ नेतृत्वको नेपाल महिला चेम्बरले मुलुक भित्र महिला उद्यमशिलता विकासका लागि ठोस कार्यक्रम पस्कदै महत्वपूर्ण योगदान पुर्याउदै आएको थियो र छ । त्यसो त, श्रेष्ठको नेतृत्वमा महिला चेम्बरले गर्दै आएका कार्यहरुको सर्वत्र चर्चा समेत हुँदै आएको छ । बौद्धिक जागरण जस्ता स्वाधिन र समाज प्रेरित कार्यमा समेत उहाँ निकै सकृय हुनुहुन्छ ।

राजनीति, व्यवसाय र समाजसेवाको त्रिवेणी मानिने पिता र काका पुस्ता इश्वरलाल, माणिकलाल तथा आमा र काकी पद्मादेवी, सिलु श्रेष्ठ पुस्ताको ‘लिगेसी’ अर्थात बिडो थाम्दै अब्बल कार्यकौशलता प्रस्तुत गर्दै आउनुभएकी उर्मिला श्रेष्ठ समकालिक समयकी एक प्रभावशाली नारीमा गनिनुहुन्छ ।

चेम्बर आन्दोलनकै सशक्त नारी हस्ताक्षर उर्मिला श्रेष्ठ चेम्बर उपाध्यक्षमा निर्वाचित (जीवनीसहित)

आर्थिक


काठमाडौं । नेपालको निजी क्षेत्रको पहिलो छाता संगठन नेपाल चेम्बर अफ कमर्सको उपाध्यक्षमा उर्मिला श्रेष्ठ निर्वाचित हुनुभएको छ । नेपाल चेम्बरको ७३औँ साधारण सभाबाट उहाँ दोस्रो कार्यकालका लागि यस सम्मानित पदमा निर्वाचित हुन सफल हुनु भएको हो । उक्त सभाबाट अध्यक्षमा कमलेशकुमार अग्रवाल ​​निर्वाचित हुनुभएको छ।

उर्मिला श्रेष्ठको संक्षिप्त परिचय

चेम्बर आन्दोलिनको एक सशक्त नारी हस्ताक्षर हुनुहुन्छ, उर्मिला श्रेष्ठ । सक्षम, कर्मठ, इमान्दार एवम् बौद्धिक नारीको रुपमा चिरपरिचित श्रेष्ठ नेपालमा समकालिन समयमा औंलामा गन्न सकिने सफल महिलाहरुको पंक्तीमा अग्रपंतीमा आउने नाम पनि हो । उद्योग व्यापार तथा व्यवस्थापनको क्षेत्रमा अनवरत रुपमा लागि पर्दै आउने क्रममा विभिन्न चुनौतीको सामना गर्दै तथा आरोह अवरोह पार गर्दै उहाँले तय गर्नुभएको सफलताको गाथा जति लोभलाग्दो छ, त्यस बाहेक पनि उत्तिकै प्रेरणादायी रहेको पाउन सकिन्छ । ।हालसालै मात्र सम्पन्न चेम्बरको ७३ औ साधारण सभाबाट पुन गरिमामय उपाध्यक्षको पदमा निर्वाचित हुन सफल श्रेष्ठ नेपाल चेम्बर अफ कमर्शको ७० औं साधारण सभा अर्थात चेम्बर स्थापनाको ७० बर्षको ईतिहासमै पहिलो पटक महिला मध्येमा प्रथम पटक उपाध्यक्ष जस्तो उच्च मुकाममा पुग्न सफल हुँदै ईतिहास रच्न समेत सफल हुनु भएको थियो।

साल्ट ट्रेडिङ कर्पोरेशन लिमिटेडको कार्यकारी प्रमुख अर्थात सिईओ समेत रहनुभएकी श्रेष्ठ आँफैमा एक सफल नारी पनि हुनुहुन्छ । साल्ट ट्रेडिङलाई कुशल व्यवस्थापकिय नेतृत्व प्रदान गर्दै आउनुभएकी उहाँले पछिल्लो समय महिला चेम्बरलाई पनि उस्तै सबल नेतृत्व प्रदान गर्नुभएको पाईन्छ । 

बदलिदो विश्व परिवेश माझ नेपालमा पनि महिला सशक्तिकरणको सवाल टडकारो रुपमा उठदै आईरहेको सन्दर्भमा श्रेष्ठ नेतृत्वको नेपाल महिला चेम्बरले मुलुक भित्र महिला उद्यमशिलता विकासका लागि ठोस कार्यक्रम पस्कदै महत्वपूर्ण योगदान पुर्याएको छ । त्यसो त, श्रेष्ठको नेतृत्वमा महिला चेम्बरले गर्दै आएका कार्यहरुको सर्वत्र चर्चा समेत हुँदै आएका छन् । 

नेपालको उद्योग, वाणिज्य क्षेत्रको प्रतिष्ठित व्यक्तित्व उर्मिला श्रेष्ठले निजी क्षेत्रलाई अगाडि बढाउन महत्वपूर्ण भूमिका निर्वाह गर्नुभएको छ।महिला चेम्बरको अध्यक्षको जिम्मेवारीमा रहेर श्रेष्ठले लैङ्गिक समानताको प्रवर्द्धन र व्यवसायिक क्षेत्रमा महिला उद्यमशीलता अभिवृद्धि गर्ने कार्यमा अग्रणी भूमिका निर्वाह गर्नुभएको छ । महिला चेम्बरलाई हाक्ने क्रममा उनको दूरदर्शी नेतृत्व र गतिशील दृष्टिकोणले देशमा महिला उद्यमशीलता विकासमा टेवा मिलेको छ भने चेम्बर उपाध्यक्षका हैसियतले भए गरेका कार्य सम्पादनबाट समग्र उद्योगी व्यवसायीको हित तथा देशको अर्थतन्त्रमा समेत ठूलो योगदान पुगेको छ । यसबाहेक, उहाँले सीईओको पदमा रहेर गरेका कामले साल्ट ट्रेडिङ कर्पोरेशन लिमिटेडको कार्यप्रणालीमा उल्लेखनीय प्रभाव पारेको छ । जून सन्दर्भले उहाँमा अन्र्तनिहित रणनीतिक कुशलता र व्यवस्थापकीय कार्यकौशललार्ई मुखरित गर्दछ । अविछिन्न यात्रामा अटल भएर अगि बढ्दै गर्दा उर्मिलाले यस माझमा नीतिगत तथा व्यवहारिक रुपमा निजी क्षेत्रको साँखलाई माथि उठाउने थुप्रै उपलब्धिमुलक कार्यहरु गर्नुभएको छ ।  यी यावत सन्दर्भहरुले उनको असाधारण क्षमताको पुष्टि गर्दछ भने व्यापारको दुनियाँमा उच्च पदमा पुग्न चाहने महिलाहरूका लागि प्रेरणादायी उदाहरण पनि कायम गरेको छ।

त्यसो त व्यापारिक पृष्‍ठभुमी बोकेको नेवार कुलमा जन्मिनुभएकी श्रेष्ठ नेपाल चेम्बर अफ कमर्शका पूर्व अध्यक्ष चेम्बर आन्दोलनका लौह व्यक्तित्व स्वर्गिय ईश्वर लाल श्रेष्ठकी सुपुत्री हुनुहुन्छ । पिताजीको पद्चापलाई पछयाउदै नेपालको चेम्बर आन्दोलनलाई अघि बढाउने सवालमा उर्मिलाले ईश्वरलाल जस्तै अब्बलता प्रस्तुत गर्दै आउनुभएको छ।आफ्ना स्वर्गीय बुवा ईश्वरलाल श्रेष्ठको उद्यमशीलताको भावना विरासतमा पाएकी उर्मिला श्रेष्ठ पिताजीले कोरेको मार्गलाई पछ्याउँदै अगि बढन् उत्तिकै प्रतिबद्ध हुनुहुन्छ् । त्यसो त नेपालमा चेम्बर आन्दोलनलाई अगाडि बढाउने जिम्मेवारीमा खरो उत्रदै पिताजी जस्तै उर्मिलाले पनि अब्वलता पस्कदै आउनु भएको पनि छ । उसैगरि प्राप्त जिम्मेवारीलाई कुशलतापूर्वक वहन साथै व्यापारिक समुदायलाई बल प्रदान गर्ने उहाँको प्रतिबद्धताले उहाँको राष्ट्रिय र अन्तर्राष्ट्रिय ख्याती दिलाएको छ।

विश्वव्यापी विकास परिवेशसँगै महिला सशक्तिकरणको सवाल टड्कारो रुपमा उठिरहेको वर्तमान सन्दर्भमा उनको ओजपूर्ण व्यक्तित्वले ठूलो महिला पंक्तिलाई व्यापार व्यवसायको क्षेत्रमा आकर्षण गरेको छ । त्यसो त उनको नेतृत्वमा महिला चेम्बरले आफ्नो प्रभावशाली कार्यको लागि व्यापक प्रशंसा बटुल्दै आएको पनि छ । 

स्वच्छ व्यवसायिकपना, बौद्धिक जागरण जस्ता स्वाधिन र समाज प्रेरित कार्यमा समेत उत्तिकै सकृय हुनुहुन्छ, उर्मिला श्रेष्ठ । बौद्धिकता, व्यवसायपना र समाजसेवाको त्रिवेणी मानिने इश्वरलाल(माणिकलाल पुस्ताको ‘लिगेसी’ अर्थात बिडो थाम्दै अब्बल कार्यकौशलता प्रस्तुत गर्दै आउनुभएकी उर्मिला श्रेष्ठ समकालिक समयकी एक प्रभावशाली नारीमा गनिनुहुन्छ । तसर्थ पनि एक सफल महिला नेतृका रूपमा उर्मिला श्रेष्ठको प्रभावलाई नकार्न सकिँदैन। नेपाल चेम्बर अफ कमर्सको उपाध्यक्षको रूपमा श्रेष्ठ निर्वाचित हुनुले महिलाहरु मात्र नभई समग्र निजी क्षेत्र उत्साहित छ भन्दा अत्युक्ति नहोला । 

ललितपुर चेम्बर अफ कमर्सको आयोजनामा मेड इन नेपाल नारासहित ललितपुर इन्टरनेसनल ट्रेड एक्स्पो शुरु

आर्थिक


ललितपुर, चैत्र २२ । ललितपुर इन्टरनेसनल ट्रेड एक्स्पो–२०२४ आजबाट शुरु भएको छ । ललितपुर चेम्बर अफ कमर्सको आयोजनामा मेड इन नेपाल नारासहित जावलाखेल फुटबल मैदानमा आयोजित उक्त ट्रेड एक्स्पोको उद्घाटन उपप्रधान तथा परराष्ट्र« मन्त्री नारायणकाजी श्रेष्ठले गर्नुभयो । सो अवसरमा ललितपुर इन्टरनेसनल ट्रेड एक्स्पोको समुद्घाटन कार्यक्रमलाई संबोधन गर्नुहुँदै उपप्रधान तथा परराष्ट्र« मन्त्री श्रेष्ठले देश हाल संविधान कार्यन्वयनको चरणमा रहेको उल्लेख गर्नुहुँदै सरकारले आर्थिक र सामाजिक रुपान्तरणका निम्ति सकृयतापूर्वक काम गर्दै आएको बताउनुभयो । उपप्रधान तथा परराष्ट्र« मन्त्री श्रेष्ठले नेपाल सांस्कृतिक तथा प्राकृतिक रुपमा समृद्ध देश भएको जिकिर गर्नुहुँदै आर्थिक विकासमा तिव्रता दिदै छलाङ मार्ने गरि अगाडि बढ्नुको विकल्प नरहेको स्पष्ट समेत पार्नुभयो । त्यसैगरि उहाँले निजि क्षेत्र र सरकार मिलेर अर्थतन्त्र उकास्ने गरि काम गर्ने, लगानी सम्मेलन तथा आर्थिक गतिविधि बृद्धि गर्ने, आर्थिक कुटनीतिमा जोड दिने जस्ता कार्य गर्न आवश्यक रहेको औल्याउनुहुँदै आफूे हरपल हर क्षण आर्थिक विकासका निम्ती कसरी योगदान दिन सकिन्छ भनेर प्रयत्नशील रहदै आएको र हालसालै भएको चीन भ्रमण पनि त्यसैको उपज रहेको बताउनुभयो । श्रेष्ठले उक्त भ्रमणका क्रममा आर्थिक सम्बन्ध बिस्तार नया सम्भावना बारे चीनसँग छलफल भएको बारे पनि जानकारी गराउनु भयो ।

उपप्रधान तथा परराष्ट्र« मन्त्री श्रेष्ठले ललितपुर हस्तकलाको केन्द्र भएकाले कला नगरीका रुपमा ललितपुरले कायम राख्दै आएको पहिचान तथा देशकै आर्थिक विकासमा ललितपुर इन्टरनेसनल ट्रेड एक्स्पोले महत्वपूर्ण भूमिका खेल्ने विश्वास आफूले लिएको उल्लेख समेत गर्नुभयो ।

कार्यक्रममा नेपाल चेम्बर अफ कमर्शका कार्यवाहक अध्यक्ष कमलेश कुमार अग्रवालले ललितपुर चेम्बरले स्थापना काल देखी नै महत्वपूर्ण कार्यक्रमहरु गर्दै आएको प्रसंग उल्लेख गर्नुहुँदै यस्ता मेलाले देशको अर्थतन्त्र चलायमान गराउन महत्वपूर्ण भूमिका निर्वाह गर्ने उल्लेख गर्नुभयो । त्यसैगरि कार्यवाहक अध्यक्षअग्रवालले आर्थिक कुटनीतिलाई बढवा दिन उपप्रधान तथा परराष्ट्र« मन्त्री श्रेष्ठ समक्ष आग्रह गर्नुहुँदै श्रेष्ठले हालसालै गर्नुभएको चीन भ्रमणका क्रममा १२ वटा नाका खुला गर्ने, हवाई उडान बृद्धि, लगानी सम्मेलनमा चिनिया व्यापारीको उल्लेख्य सहभागीता, व्यापार निकासीका निम्ति सहजीकरण आदी विषयमा समझदारीले निजी क्षेत्र उत्साहित रहेको बताउनुभयो । साथै उहाँ विदेशी मुद्रा अहिलेसम्मकै उच्च मौज्दात रहेको तथा बैक तथा वित्तिय संस्था र राष्ट बैकमा यथेष्ट मौज्दात रहदा रहदै पनि नीतिगत समस्याका कारण स्वदेशी लगानीकर्ताहरु उत्साहित हुन नसक्दा अर्थतन्त्रले आशातित रुपमा गति हासिल गर्न नसकेको उल्लेख गर्नुभयो ।

कार्यक्रममा ललितपुर चेम्बर अफ कमर्सका अध्यक्ष पुष्परत्न शाक्यले एक्स्पोले आर्थिक गतिविधिलाई बढाउन फलदायी हुने अपेक्षा  लिएको सन्दर्भ उल्लेख गर्नुहुँदै मेलामार्फत सहभागी देशहरूको उत्पादनको प्रवद्र्घनमा सघाउ पुग्ने दाबी गर्नुभयो । त्यसैगरि अध्यक्ष शाक्यले निजी क्षेत्रको पुरानो संस्था नेपाल चेम्बर अफ कमर्शको जिल्ला शाखाका रुपमा रहेको ललितपुर चेम्बर अफ कमर्शले विभिन्न अन्तराष्ट्रि«य चेम्बरसँग संबन्ध स्थापित गरेको सन्दर्भ उल्लेख गर्नुहुँदै ललितपुर स्थित सुगम र दुर्गम क्षेत्रका व्यवसायीहरुलाई गोलबद्ध गरि यहाँका मौलिक तथा अन्य उत्पादनको प्रबद्र्धनका निम्ति कार्यहरु गर्दै आएको जानकारी समेत दिनुभयो । सो अवसरमा उहाँले कला र संस्कृतीको नमुना ललितपुरका निम्ति ललितपुर इन्टरनेसनल ट्रेड एक्स्पो– कोशेढुंगा साबित हुने दावी पेश गर्नुहुँदै निजी क्षेत्रको मनोबल उकास्ने गरि सहजीकरणको काम गर्न सरकारलाई आग्रह समेत गर्नुभयो । २०२४ लगानी सम्मेलनले महत्वपुर्ण काम गर्ने अभिलाषा व्यक्त गर्नुहुँदै उहाँले निकासीमा कमी, अन्तराष्ट्रि«य व्यापार बृद्धिमा देखिएका चुनौतीको, मौलिकता बोकेका सामाग्रीको प्रबद्र्धनमा हुँदै आएका कमजोरी जस्ता सवालमा सरकारी स्तरबाट आवश्यक पहल गर्न नितान्त आवश्यक रहेको समेत बताउनुभयो ।

कार्यक्रममा प्रदेश सांसद राम कृष्ण चित्रकारले उत्साही हुने खालको वातावरण निर्माण गर्न मेला सफल हुनेने अपेक्षा लिएको बताउनुहँुदै प्रदेशमा हस्तकला विधेयक तयार भएको र ललितपुर हस्तकलाको राजधानी बन्ने सम्भावना रहदै गर्दा लाभ हासिल गर्ने अवस्था र्सिजना हुने दाबी गर्नुभयो ।

त्यसैगरि कार्यक्रममाझ नेपालका लागि बंगलादेशका राजदुत सलाउद्धिन नोमन चौधरीले यस मेलाले ललितपुरको र नेपालको लागि मात्रै नभई सहभागी देशका साना तथा मझौला उद्योगलाई सहयोग पुग्ने बताउनु भयो ।
उक्त समुद्घाटन समारोह माझ कुमारी नृत्यसमेत प्रस्तुत गरिएको थियो भने प्रमुख अतिथि लगायतका अतिथिहरुले मेलाको अवलोकन गर्नुभएको थियो । कार्यक्रममा ब्राजिल, श्रीलंका, थाईल्याण्ड, मलेसिया लगायत देशका राजदूत एवं प्रतिनिधिसहित सरकारी निकायका अधिकारी, नेपाल चेम्बर अफ कमर्श लगायत अन्य व्यापारिक संगठनका प्रतिनिधि लगायतको उल्लेख्य सहभागीता रहेको थियो ।

ललितपुर इन्टरनेसनल ट्रेड एक्स्पो–२०२४ को बिशेषता

पहिलोपटक ललितपुरमा आयोजनामा आएको ललितपुर इन्टरनेसनल ट्रेड एक्स्पो २०२४मा विभिन्न राष्ट्रका प्रतिष्ठित व्यापारीहरूको सहभागिता रहेको छ । मेड इन नेपाल नारासहित जावलाखेल फुटबल मैदानमा २२ चैतदेखि २६ गतेसम्म आयोजना हुने यस एक्स्पोमा मेड इन नेपाल प्याभिलियनमा विशेष आकर्षण रहेको छ । इन्टरनेसनल ट्रेड एक्स्पोमा नेपालसहित भारत, पाकिस्तान, श्रीलंका बंगलादेश, थाइल्यान्ड, टर्की, मलेसिया, चाइना लगायतका देशमा उत्पादित विविध सामग्री, मौलिक उत्पादन र सेवाहरू प्रदर्शनीमा राखिएको छ । जसमा फर्निचर, छालाबाट बनाइएका वस्तु, हस्तकलाका सामग्री, लत्ताकपडा, सारी, कुर्था, बेडसिट, जुत्ता–चप्पल, नक्कली गरगहनालगायतका सामग्री रहेका छन् । विभिन्न देशका फुड स्टल, साना केटाकेटीका लागि गेमिङ जोन, फोटो सुट, विविध सांस्कृतिक कार्यक्रम, निःशुल्क स्वास्थ्य शिविर मेलाको थप आकर्षणका रुपमा रहेका छन् ।

 

निर्यात व्यवसायी महासंघ नेपाल (फिन)को स्थापना दिवस तथा चौथो बार्षिकोत्सव समारोह भव्यतापूर्वक सम्पन्न

आर्थिक


माघ १८, काठमाण्डौ । निर्यात व्यवसायी महासंघ नेपाल (फिन) ले आफनो स्थापना दिवस तथा चौथो बार्षिकोत्सव समारोह भव्यतापूर्वक सम्पन्न गरेको छ । उक्त चौथो बार्षिकोत्सव कार्यक्रम बुधबार राजधानीमा सम्पन्न भएको हो । फिनका अध्यक्ष शंकर प्रसाद पाण्डेको अध्यक्षता तथा अर्थ मन्त्री डा. प्रकाश शरण महतको प्रमुख आतिथ्यतामा सम्पन्न बार्षिकोत्सव कार्यक्रममा नेपाल सरकारका मुख्य सचिव बैकुण्ठ अर्याल, सांसद् गणेश पराजुली, नेपाल उद्योग वाणिज्य महासंघका अध्यक्ष चन्द्र प्रसाद ढकाल, नेपाल चेम्बर अफ कमर्सका अध्यक्ष राजेन्द्र मल्ल बिशिष्ठ अतिथि हुनुहुन्थ्यो । कार्यक्रममा वाणिज्य सचिव नारायण प्रसाद शर्मा दवाडी, राष्ट्रिय योजना आयोगका सचिव तोयानारायण ज्ञवाली, नेपाल उद्योग वाणिज्य महासंघका बरिष्ठ उपाध्यक्ष अन्जन श्रेष्ठ, उपाध्यक्ष हेमराज ढकाल, नेपाल सरकारका उच्च पदस्थ अधिकारीहरु, फीनका सल्लाहकार पूर्व अर्थमन्त्री डा. युवराज खतिवडा, पूर्व सचिव चन्द्र कुमार घिमिरे, युरोपियन युनियनका नेपाल प्रतिनिधि एवं राजदुतहरु अतिथिका रुपमा कार्यक्रममा सहभागी हुनुहुन्थ्यो ।

कार्यक्रममा अर्थमन्त्री डा. प्रकाश शरण महतले आर्थिक वृद्धि, रोजगारी सृजना, राजश्व बृद्धि, र दिगो विकासलाई प्रवर्द्धन गर्न निर्यातकर्ताहरूले खेल्दै आएको भूमिका महत्वपूर्ण रहेको उल्लेख गर्नु हुँदै निर्यात व्यापारलाई देशको अर्थतन्त्रको मेरुदण्डका रुपमा विकास गर्न आवश्यक रहेको औंल्याउनुभयो । अर्थमन्त्री डा. प्रकाश शरण महत महासंघको भूमिकाको प्रशंसा गर्दै भन्नुभयो ”तमाम निर्यात व्यवसायी साथीहरुको समर्पण र कडा परिश्रमले विश्व बजारमा नेपाली उत्पादनको बजार माग उकास्न र हाम्रो निर्यात क्षमता विस्तार गर्न महत्वपूर्ण योगदान रहदै आएको छ’ ।
मन्त्री महतले निर्यात व्यवसायी महासंघ नेपालका अध्यक्षले उठान गर्नुभएको सवालहरु सबै जायज मागहरु रहेको उल्लेख गर्नुहुँदै सरकारले चाहदा चाहदै पनि देशमा आर्थिक स्रोतको कमीका कारण तत्काल संबोधन गर्न नसिएको र निकट भबिष्यमा निर्यातकलाई सहुलियत उपलब्ध गराईने प्रतिबद्धता व्यक्त गर्नुभयो । त्यसैगरि उहाँले भारतसँगको व्यापार सम्झौताबाट फाईदा लिन छाडेर साफटाको बिषय उठाउन आवश्यक नरहेको प्रष्ट पार्नुभयो ।

उहाँले निर्यात क्षेत्रको भविष्य निकै राम्रो रहेको बताउनुहुँदै निर्यातमुखी अर्थतन्त्रका लागि सरकारले वातावरण तयार पार्न सक्दो प्रयास जारी राख्ने समेत उल्लेख गर्नुभयो । डा. महतले नेपाली उत्पादनहरु उच्च प्रविधियुक्त भन्दा पनि मौलिक हुनुपर्नेमा जोड दिनुभयो ।
सो अवसरमा निर्यात व्यवसायी महासंघ नेपालका अध्यक्ष शंकर प्रसाद पाण्डेयले पहिला के के भयो भएन भन्नेमा भन्दा अब कसरी अगाडी बढ्ने भन्ने चर्चा गर्नु बढी सान्दर्भिक र व्यावहारिक हुने उल्लेख गर्नुहुँदै निर्यात वृद्धिका लागि लक्ष्य तोकी काम गर्न सक्ने विभाग तथा शाखा नहुँदा यो क्षेत्र सधै उपेक्षित रहेको औंल्याउनुभयो ।

अध्यक्ष पाण्डेले निर्यात वृद्धिका लागी सहुलियतपूर्ण ऋणको व्यवस्था मिलाउन माग राख्नुहुँदै यस प्रकारको सुविधाले निर्यातमा उल्लेख्य वृद्धि हुने दाबी गर्दै भन्नुभयो ”निर्यात वृद्धिको लागी बढीमा साढे ६ व्याजदरमा सहुलियत पूर्ण ऋणको व्यवस्था गर्न जरुरी छ । ऋणको लागि चाहिनेरकमको श्रोत पहिचान गर्न एवं कार्यविधि बनाई पूर्ण सदुपयोग हुने गरी कार्यान्वयनमा लाने कुरामा हामी सहयोग गर्न सदैव तयार छौ । अर्को हामीले निर्यात वृद्धिका लागी एउटा छुट्टै निर्यातलाई सहयोग पुग्ने खालको निर्यात नीतिको तर्जुमा गरी कार्यान्वयनमा ल्याउन जरुरी देखेका छौं”।

त्यस्त,ै उहाँले सरकारले दिने नगद अनुदान रकम कम हुँदा साना उद्यमीहरुले अनुदान पाउन नसकेकोले अनुदान रकम बढाउनु पर्ने, निर्यात क्षेत्रका निम्ति छुट्टै एफडिआई नीति ल्याउनुपर्ने, नेपालमै बिक्री केन्द्र र अन्तराष्ट्रि«य स्तरको मेला आयोजना गर्न घर, लिजमा जग्गा उपलब्ध तथा एक्पोर्ट भिलेजको आवश्यक रहेको, निर्यातजन्य केहि वस्तुको कच्चा पद्धार्थ आयातमा भन्सार बृद्धि भएकाले सोको पुनरावलोकन हुनुपर्ने, ऊनी, कपास र तरकारीमा लगाईएको मुल्य अभिबृद्धि कर हटाउनुपर्ने, कर छुट कायम राख्नुपर्ने माग राख्नुहुँदै बजेटले निर्यात भएपछि स्वतः निर्यातक कम्पनीको खातामा निर्यात अनुदान जम्मा हुने स्वचालित प्रणाली, निर्यातलाई व्यवस्थित गर्ने स्थायी संयन्त्रको व्यवस्था लगायतका विषयलाई बजेटले सम्बोधन गर्न नसकेको र समग्र बजेट सकारात्मक रहने भए पनि कार्यान्वयनमा भने समस्या रहदै आएको उल्लेख गर्नुभयो ।

अध्यक्ष पाण्डेले निजी क्षेत्रको प्रयासबाट दाँयारा बढाउदै निर्यात व्यवसायीहरुले १५५ देशसम्म नेपालका उत्पादन नियमित निकासी गर्दै आएको जनाउनुहुँदै १२८ देशसँग नेपालको व्यापार घाटा रहेको जानकारी समेत गराउनुभयो ।

कार्यक्रम माझ नेपाल सरकारका मुख्य सचिव डा. बैकुण्ठ अर्यालले हुलाक मार्फत ई कमर्सलाई दुरदराजदेखी विश्वसम्म जोडन सकिने हुँदा यसको प्राविधिक पक्षको सबलीकरणमा सरकारले जोड दिएको उल्लेख गर्नुभयो । साथै उहाँले नेपालको लोजिस्टिक सेवा कमजोर रहेकोले सोमा सुधार गर्न र विश्वबजारमा जाँदा आफनो कम्पनीको एकल उत्पादन भन्दा सामुहिक व्यवसायिक हितको निम्ती उदार बन्न पनि निर्यातकहरुलाई आग्रह गर्नुभयो ।

सांसद गणेश पराजुलीले उत्पादनशिल क्षेत्रको ५ प्रतिशत मात्र योगदान रहेको जनाउनुहुँदै निर्यात माथि जोड नदिईदा रेमिटेन्समुखी भएकाले अर्थतन्त्र उकासिन नसकेको जिकिर गर्नुभयो ।
कार्यक्रममा नेपाल उद्योग वाणिज्य महासंघका अध्यक्ष चन्द्र प्रसाद ढकालले उत्पादनशिल क्षेत्रमा आयात प्रतिस्थापन गर्ने गरि बजेट आउने हो भने विदेशी मुद्रा बढने र आयात निर्यात बीचको असन्तुलनमा कमी आउने उल्लेख गर्नुभयो ।

नेपाल चेम्बर अफ कमर्सका अध्यक्ष राजेन्द्र मल्लले निर्यातक भनेका विदेशी मुद्रा आर्जन गर्ने राष्ट्र शक्ति भएकाके यस क्षेत्रका तमाम समस्या हल गर्न सरकार गम्भिर बन्न जरुरी रहेको औंल्याउनुभयो ।

उत्कृष्ट निर्यातकर्ताहरू सम्मानित
बार्षिकोत्सवको अवसरमा महासंघले उत्कृष्ट निर्यातकर्ताहरूलाई सम्मान गरेको छ । सम्मानित हुनेहरूमा नेपाल पस्मिना इन्ड्रष्टिज एसोसिएशनबाट कर्केन कुमार गुरुङ, नेपाल ऊल फेल्ट प्रड्युसर्स एण्ड एक्पोर्टस एसोसिएशनबाट महेश्वर श्रेष्ठ, गार्मेन्ट एसोसिएशन अफ नेपालबाट शक्ति कुमार गोल्यान र फेडेरेशन अफ लार्ज कार्डामोम इन्टरप्रेनर्स अफ नेपालबाट ईन्द्र कुमार अग्रवाल, त्यसैगरी नेपाल ह्याण्डमेड पेपर एसोसिएशनबाट पद्मरत्न धाख्वा, नेपाल हर्बस एण्ड हर्बल प्रोडक्ट्स एसोसिएशनबाट प्रसुन सत्याल, नेपाल कार्पेट प्रड्युसर एण्ड एक्सपोर्ट एसोसिएशनबाट छेवाङ्ग डाम्डुल लामा, नेपाल जिन्जर प्रोडुसर्स एशोसिएसनबाट श्याम लिम्बु, अर्गानिक एशोसियसन अफ नेपालबाट तारा बास्कोटा, फेयर टेड ग्रुपबाट मिलन भटराई, हिमालयन अर्थोडक्स टिबाट निरज राठी, फुटवेयर म्यानुफयाक्चरर एशोसियसन नेपालबाट विदुषी राणा, नेपाल कथ्था उत्पादक संघबाट कैलाश चन्द्र गोयल, ह्याण्डिक्राप्ट ग्लास उद्योग फ्रफोसन एशोसियसन अफ नेपालबाट गोपी प्रसाद कँडेल, नेपाल ब्रुम एशोसियसनबाट संजिव शाह, नेपाल प्लाई म्यानुफयाक्चरर एशोसियसनबाट बिष्णुमदोगदिया, नेपाल डेरी एशोसियसनबाट निराजन कोईराला, रुद्राक्ष व्यवसायी संघबाट शालिक राम थापा र नेपाल कफी प्रोड्युसर्स एशोसियसनबाट बोधराज अर्याल हुनुहुन्छ । सोही अवसर माझ निर्यात स्मारिका २०८० का अतिथि सम्पादक सरोज ओझा र कथा नेपाललाई कदर पत्र प्रदान गरियो । बार्षिकोत्सवमा उपस्थित प्रमुख अतिथि तथा सबै अतिथिहरूलाई मायाको चिनो प्रदान गरिएको थियो ।

यसैगरी सो पूर्व फिनले आफनो बन्द सत्र कार्यक्रम सम्पन्न गरेको थियो । उक्त सत्रमा महासचिव देवानन्द सरावगीले प्रतिवेदन सार्वजनिक गर्नुहुँदै निर्यात प्रबद्र्धनसंग जोडिएका विभिन्न सवालहरुमा निरन्तर सक्रिय रुपले सम्बन्धित सरोकारवालासंगको महासंघले औपचारिक तथा अनौपचारिक छलफल र अन्तरक्रिया कार्यक्रमहरुमा सहभागीता जनाउदै आएको जानकारी दिनुभयो । उहाँले आफ्ना सदस्य संघहरुले उठाएका सवालहरुलाई लिएर नेपाल सरकारका सम्बन्धित निकायहरुको ध्यानाकर्षण गराउने र नीतिगत सुधार तथा कार्यान्वयनमा देखिएका समस्याहरुको बिषयमा बहस तथा पैरवीका कार्यक्रमहरु गरिएको बारे प्रकाश पार्नुभएको थियो ।

महासचिव सरावगीद्वारा प्रस्तुत प्रतिवेदनमा निर्यातजन्य बस्तुगत संघहरु तथा निर्यातकर्ता व्यवसायीहरुको छाता संगठन भएकाले नेपालबाट निर्यात हुने बस्तुको उत्पत्तीको प्रमाणपत्र जारी गर्नका लागि निर्यात व्यवसायी महासंघलाई अधिकार दिईनु पर्ने, नेपालबाट निर्यात हुने वस्तुको लागि स्वदेशमा पर्याप्त मात्रमा कच्चा पदार्थ उत्पादन हुन नसकेको कारण निर्यात रकमको ठूलो हिस्सा विदेशिएकाले त्यसबाट अर्थतन्त्र प्रभावित बन्दै आएको, लागत मुल्य पनि बढ्ने हुदाँ च्याङग्रा तथा भेडा पालन, सिल्क धागो उत्पादन, कपास खेती तथा स्थापना भईसकेका कपडा मिलहरुलाई सुचारु रुपमा चलाउन समुचित व्यवस्था गरिनुपर्ने जस्ता सवालहरु उठान गर्नुभयो ।

 

नेपालटारमा संचालनमा रहेको मिठो बेकरी गुणस्तरीय र उत्कृष्ट बेकरी आइटमको लागि लोकप्रिय बन्दै

आर्थिक


काठमाडौं । अहिले पनि जन्मदिन होस् वा बर्थ डे, म्यारिज एनिभर्सरी बेबी सावरलगायत हरेक शुभकार्यमा केकको प्रयोग बढ्दै गएको छ । काठमाण्डौ तारकेश्वर ११ स्थित नेपालटारमा संचालनमा रहेको मिठो बेकरी गुणस्तरीय र उत्कृष्ट बेकरी आइटमको लागि लोकप्रिय बन्दै गएको छ। गुणस्तरीय र ब्रान्डेड केक उपभोक्तामाझ पुर्‍याउने अवधारणाबाट यो केक सपको स्थापना गरिएको छ ।

लामो समय वैदेशिक रोजगारमा रहँदा सिकेको सीप र अनुभवलाई संगाल्दै एक्जुकेटिभ पेस्ट्रि सेफ योगेन्द्र थापाले बेकरी उद्योग सञ्चालन गरेका हुन् ।मिठो वेकरीमा सम्पूर्ण परिकारहरु उपलब्ध हुनेछन् । यो केक सपले फ्रेस, गुणस्तरीय, उत्कृष्ट र प्रविधियुक्त सरल सेवालाई उच्चप्राथमिकतामा राखेको जनाएको छ । बेकरी मार्फत बर्थ–डे केक, केक, ब्रेड, बिस्कुट, क्रिमडोल, पप, डुनोट,कुकिज कोदो, जौ, फापर, तिल, मुग्रेलोका विभिन्न प्रकारका पाउरोटी गुणस्तरीय केक र विभिन्न बेकरी आइटम उपलब्ध गराइएको छ ।
‘अन्य बेकरी आइटम भन्दा भिन्न स्वाद हाम्रोमा पाइन्छ, अर्डर गरेको १५ मिनेटमानै वर्थ डे केक उपलब्ध गराउछौ’ स्कुल , कलेजको लागि छुटको व्यवस्था पनि व्यवस्था छ । केक तथा बेकरी आइटम अनलाइन अर्डर पनि सकिन्छ । होम डेलिभरीको पनि व्यवस्था छ’ थापाले भने ।

बराल अन्तर्राष्ट्रिय नेपाली युवा उद्यमी महासंघ (फिने) बेलायत च्याप्टरको अध्यक्षमा चयन

आर्थिक


सेलिब्रेटी सेफ तथा युवा व्यवसायी विनोद बराल अन्तर्राष्ट्रिय नेपाली युवा उद्यमी महासंघ (फिने) बेलायत च्याप्टरको अध्यक्षमा चयन भएका छन्। पोखरा पुख्र्यौली थलो भएका बराल खानाको अनुसन्धान र खोजीमा दक्ष मानिन्छन् ।

फिने बेलायत च्याप्टरको अध्यक्षमा चयन भएसँगै बरिष्ठ सेफ एवं व्यवसायी बरालले आफूले आर्जेको सीप र अनुभवलाई फिनेको उद्देश्य अनुरुप अगाडी बढाउने प्रतिबद्धता व्यक्त गरेका छन् ।

नेपाल तथा यूके युवा उद्यमी समुदायहरूबीचको सम्बन्ध थप बलियो बनाउने कोशिसमा आफू लागिपर्ने पनि उनले बताएका छन् । फिनेको नेतृत्वमा बेलायतसँगै संसारभर फैलिएका युवा उद्यमीहरूको सशक्तिकरण, आपसी सहकार्य, संस्थागत विकास र नेपाल र बेलायतबीच सामाजिक एवं आर्थिक दुवै स्तरमा सेतुको रुपमा आफूले काम गर्ने आफू आतु्र रहेको नवनियुक्त अध्यक्ष बरालले बताए। कडा मेहनत र परिश्रमकासाथ् अघि बढ्दै संस्थाका लक्ष्यहरू प्राप्त गर्न आफू हरदम प्रयत्नशील रहने प्रण उनको छ ।

साथै, अन्य युवा उद्यमीहरूको सशक्तिकरण तथा प्रोत्साहनका निम्ति संस्थामा आवद्ध हुँदै सहकार्य गर्न पनि सबै युवा उद्यमीहरूलाई उनले आव्हान गरेका छन्। फिने विश्वभरि छरिएका नेपाली युवा उद्यमीहरूको एक गैर नाफामूखी, गैर राजनीतिक गैरसरकारी संस्था हो ।

हालसम्म फनेको बेलायत, अमेरिका, अष्ट्रेलिया, मध्यपूर्व, हङकङ, जापान तथा चीनलगायतका मुलुकमा च्याप्टर खुलिसकेका छन्। फिने व्यवसायिकता तथा उद्यमशीलता विकासको उद्देश्यसहित नेपाली युवा उद्यमीहरूलाई एकताबद्ध गर्ने, सञ्जालको विस्तार गर्दै विचारको आदानप्रदान गर्ने साझा मञ्च हो ।

बराल फिने बेलायत अध्यक्षमा चयन भएकामा खुसी व्यक्त गर्दै फिने बेलायतकी संस्थापक अध्यक्ष मनिषा डंगोल श्रेष्ठले फिने यूकेलाई अझ अगाडि बढाउन बराल अत्यन्त सक्षम रहेको बताएकी छिन् । ‘संस्थापक नेतृत्वका हिसाबले हामीले गरेका कामलाई निरन्तरता दिँदै फिने यूकेलाई अझ अगाडि बढाउन विनोद बराल अत्यन्त सक्षम व्यक्ति हुनुहुन्छ ।

उहाँको नेतृत्वमा आगामी दिनमा यस संस्थाको अझ प्रगति हुनेमा म विश्वस्त छु’ श्रेष्ठले भनेकी छिन् ।

सोफा हब काठमाडौँले दशैं-तिहार योजनाको नतिजा सार्वजनिक

आर्थिक


काठमाडौँ, २२ मंसीर । सोफा हब काठमाडौँको स्कुटर उपहार चितवनका टिकाराम सापकोटाले जितेका छन । 

सोफा हब काठमाडौँले विजयादशमी, शुभदिपावली तथा छठ पर्वको अवसरमा सार्वजनिक गरेको दशैँ अफरको विजेता चितवनका सापकोटा बनेका हुन । 

सोफा हबले आज काठमाडौँमा आयोजना गरेको उपहार सार्वजनिक कार्यक्रममा दशैँ तिहारमा विक्रि भएका ३०० भन्दा बढी सोफाको कुपनमार्फत किरोश धरेलले थुतेको चिठ्ठामार्फत सापकोटा विजेता बनेका हुन । 

‘सोफा लिने भनेको सोफा हबको मात्र हो’ भन्ने मूल नाराका साथ सञ्चालित सोफा हबमा रु ३० हजारभन्दा बढीको सोफा किन्ने भाज्ञ्मानी एक विजेता सापकोटाले इभी स्कुटर जितेका हुन । 

सोफा हबका प्रबन्ध निर्देशक एवम युवा व्यवसायी तारालाल (हरि) धरेलले दशैँका ग्राहकलाई लक्षित गरेर चितवन र काठमाडौँको सोफा हबबाट सोफा किन्नेलाई उक्त स्कुटर प्रदान गरिएको जानकारी दिनुभयो । 

सोफा हबको काठमाडौँको सामाखुशी रेडनस्थित कोइराला मार्ट, गोठाटार हाईट र चितवनको लङ्कुमा आउटलेट रहेको छ । सञ्चालक धरेलले विगत ७ वर्षदेखि सञ्चालित सोबा हव अधिकाशं ग्राहकको रोजाईको केन्द्र बनेको बताउनुभयो । 

कम्पनीले दक्ष कामदार र गुणस्तरीय सामान प्रयोग गरि ग्राहकको मागलाई मध्यनजर गर्दै कोइराला मार्ट, गोठाटार हाइट र चितवनको लंकुबाट हरेक किसिमको सोफा तथा फर्निचरका सामग्री उत्पादन तथा बिक्री गर्दै आइरहेको धरेलले बताउनुभयो । 

५ देखि १० वर्षसम्म वारेन्टी समेत दिएको उक्त सोबा हबले ग्राहकको घरसम्म निःशुल्क डेलिभरीसमेत गरिदिँदै आएको छ । घरायसी तथा कार्यालय प्रयोजनका फर्निचरका सामान ग्राहकहरूले सिधै फोन गरेर वा अनलाइनबाट अर्डर गर्ने व्यवस्थासमेत रहेको कम्पनीले जनाएको छ । 

१५० जना भन्दा बढी कामदारलाई प्रत्यक्ष अप्रत्यक्ष रुपमा रोजगार दिएको सो सेफाहबबाट सोफा खरीद गर्न काठमाडौँको सामाखुशीमा ९८२०११४८७० गोठाटारमा ९८५११५२५८९ र चितवनमा ९८४५७२८१५६ साथै सोफा हब काठमाडौँ एट जिमेल डटकममा सम्पर्क गरेर सोफा अर्डर गर्न सकिनेछ । यस्तै, फेसबुक पेज र टिकटकमार्फत पनि सोफा अर्डर गर्न सकिने बताइएको छ ।

सन्तोष मोक्तानले पाए कान्तिपुर मलको उपहार : यमाहा मोटरसाइकल हस्तान्तरण

आर्थिक


काठमाडौँ, २० मंसीर । मुलुकको सङ्घीय राजधानी काठमाडौँको गोँगबु नयाँबसपार्कमा सञ्चालित कान्तिपुर मलले दशैँ, तिहार तथा छठ पर्वको अवसरमा सञ्चालन गरेको उपहार योजनाका प्रथम उपहार विजेता रसुवाका सन्तोष मोक्तानलाई मोटरसाइकल हस्तान्तरण गरेको छ । मलले बुधबार एक कार्यक्रमको आयोजना गरि मोक्तानलाई मोटरसाइकल हस्तान्तरण गरेको हो । मलका अग्रज व्यवसायी दिलेन्द्रप्रसाद वस्तीले उनलाई मोटरसाइकल हस्तान्तरण गरेका हुन् ।

होमल्याण्ड इन्भेष्टमेन्ट कम्पनी प्रालिद्धारा विगत १८ वर्षदेखि गोँगबुस्थित नयाँ बसपार्कमा सञ्चालित कान्तिपुर मलले हरेक वर्ष झैँ यसवर्ष सञ्चालन गरेको उपहार योजनामा सन्तोषले मोटरसाइकल उपहार जितेका हुन् । उक्त मलले अघिल्लो साता सोमबार उपहारको नतिजा प्रकाशन गरेको थियो । उपहार प्रकाशन गर्दा १९७६३ नम्बर कुपन भएका सन्तोषलाई प्रथम पुरस्कार परेको थियो । उक्त मोटरसाइकलको मूल्य तीन लाख ४० हजार रहेको छ ।

यस्तै, ०४१९६ कुपन भएकी समिक्षा गौतम द्धितीय, ००७७२ कुपन नम्बर भएका उजल राई तृतीय, १७८१२ कुपन नम्बर भएका भुमेश्वरा विक चौँथो, ०३४३४ कुपन नम्बर भएका महेन्द्रप्रसाद जैशी पाँचौ र ०४५८२ कुपन नम्बर भएका नविन पौडेलले सान्तना पुरस्कार प्राप्त गरेका छन । मलले द्धितीय पुरस्कार ११३ सीसीको यामाहा स्कुटर, तृतीय पुरस्कार ३२ इन्चको एइडी टिभी, चौँथो पुरस्कार १८५ लीटरको फ्रिज र पाँचौँ तथा सान्वना पुरस्कार डिसहोम फाइवर नेट प्रदान गरेको छ ।

मोटरसाइकल विजेता सन्तोषले उक्त उपहार जित्न पाउदा आफुलाई खुसी लागेको बताउदै कान्तिपुर मलप्रति आभार व्यक्त गरेका छन् ।

कार्यक्रममा कान्तिपुर मलका महाप्रबन्धक अमर निरौलाले मलले विगत १७ वर्षदेखि निरन्तर उपहार योजना सञ्चालन गरिरहेको बताउँदै आगामी वर्षपनि सबैको साथ र सहयोगमा उपहार योजनालाई निरन्तरता दिने बताए । उनले कान्तिपुर मलमा आएर सस्तो, सुलभ मूल्यमा गुणस्तरीय सामान खरीद गर्न उनले आग्रह समेत गरे ।

नेपाल एओटीएस र आईकोसा, जापानको आयोजनामा‘राष्ट्रिय विकासमा साना तथा मझौला उद्योगहरुको भूमिका’ विषयक सेमिनार सम्पन्न

आर्थिक


काठमाडौं । नेपाल एओटीएस र आईकोसा, जापानले संयुक्त रुपमा ‘राष्ट्रिय विकासमा साना तथा मझौला उद्योगहरुको भूमिका’ विषयक सेमिनारको आयोजना गरेका छन । विहिवार काठमाडौं स्थित मल्ल होटलमा आयोजित उक्त कार्यक्रम नेपाल र जापानका उद्यमी व्यवसायी, प्राध्यापक, व्यवस्थापक एवम प्राविधिकहरुको उल्लेख्य सहभागीता माझ सम्पन्न भएको हो । सो अवसरमा नेपालमा उद्यमीहरुको ज्ञान र शिपलाई अझ फराकिलो बनाउन आईकोसाले नेपाल एओटीएसमार्फत पारस्परिक कार्यक्रम संचालन गर्ने सम्बन्धमा सम्झौता समेत भएको छ ।

कार्यक्रममा नेपाल एओटीएसका अध्यक्ष प्रशान्तलाल श्रेष्ठले नेपालमा उत्पन्न आर्थिक संकटमाझ प्रतिकुल अवस्थामा गुज्रिरहेका साना तथा मझौला उद्योगको अवस्था दयनिय रहेको उल्लेख गर्नुहुँदै शिप एवम क्षमता विकासका कार्यक्रममार्फत यस क्षेत्रलाई दिशाबोध गर्न सकिने धारणा राख्नुभयो । साथै उहाँले औपचारिक रूपमा सन १९९१ मा नेपालमा व्यवस्थापन र प्राविधिक क्षेत्रमा मानव संशाधन विकास गर्ने उद्देश्यले स्थापना भएको नेपाल एओटीएसमार्फत जापानमा एक हजारभन्दा बढी व्यवसायी तथा व्यवस्थापकहरुले तालिम लिईसकेको जानकारी दिनुहुँदै आईकोसासँगको सहकार्य एवम सम्झौताले नेपाल स्थित साना तथा माझौला व्यवसायीहरूलाई राहत मिल्ने र अर्थतन्त्रको विकासमा योगदान पुग्ने बताउनुभयो ।  

उक्त सेमिनार कार्यक्रम आईकोसाका प्रेसिडेण्ट प्रा. डा. कुरोस नाओहिरोले जापानको औद्योगिक विकासमा साना तथा मझौला उद्योगहरुको भूमिका तथा रोजगारीको अवस्था र नेपाल एओटीएसका सल्लाहकार प्रा. दिनेश चापागाईले नेपालमा व्यवसायिक वातावरण र साना तथा मझौला उद्योग बारे कार्यपत्र प्रस्तुत गर्नुभएको थियो । त्यस अवसरमा विभिन्न बिषयगत क्षेत्रबाट प्रतिनिधित्व गर्दै आईकोसाकाबाट कार्यक्रममा सहभागी जापानीहरुले आ आफ्नो अनुभव सुनाउनुभएको थियो । सेमिनारमा नेपालबाट सहभागीहरुले नेपालको वर्तमान अवस्था, सरकारी संयन्त्र, कानुनी व्यवस्था, लगानीको वातावरण आदी बारे कुरा राख्नुहुँदै जापानले प्रतिकुलतामाझ कसरी विकासमा छलाङ मार्यो र कोभिड पस्चातको व्यवसायिक अवस्था बारे जिज्ञासा राख्नुभएको थियो । 

कार्यक्रममा नेपाल चेम्बर अफ कमर्सकी उपाध्यक्ष एवम नेपाल महिला चेम्बरकी अध्यक्ष उर्मिला श्रेष्ठ, घरेलु तथा साना उद्योग महासंघकी उपाध्यक्ष शान्ता बाँस्कोटा, महिला चेम्बर सदस्य एवं नेतृ बासु माम्बा तामाङ, नेपाल चेम्बरकी निर्देशक सृस्‍टि त्रिपाठी लगायतको उपस्थिती रहेको थियो ।
 
नेपाल एओटिएस पूर्व छात्र समाज विदेशी प्राविधिक सहयोग र दिगो साझेदारी एओटिएस र कम्प्युटराइजेसन फर इन्टरनेशनल कोअपरेशन फर सेन्टर सिआईसिआई जापानका पूर्व प्रशिक्षार्थीहरूको गैरसरकारी र गैरलाभकारी पूर्व छात्र संघ हो। नेपाल एओटीएस औपचारिक रूपमा सन् १९९१ मा नेपालमा व्यवस्थापन र प्राविधिक क्षेत्रमा मानव संशाधन विकास गर्ने उद्देश्यका साथ स्थापना भएको हो ।  यसले आफ्नो मूल संस्था एओटीएस, जापानसँगको सहकार्यमा विभिन्न गतिविधिहरूमार्फत नेपालका एक हजारभन्दा बढी व्यवसायी तथा व्यवस्थापन व्यवसायीहरूलाई जापानमा तालिम दिईसकेको छ । 
 
आईकोसा अध्ययन भ्रमण टोली, एसियामा एसएमईहरूको लागि अन्तर्राष्ट्रिय सहयोग संगठन आईकोसा टोकियो, जापानमा आधारित गैर लाभकारी संस्था हो जुन २०१७ मा स्थापना भएको थियो। आईकोसाले जापान र एसियाली देशहरूमा साना तथा मझौला उद्यमीहरूलाई एकअर्कालाई सिक्न र सहकार्य गर्न सहयोग गर्ने लक्ष्य राखेको छ। सहयोगको माध्यमबाट एसियाली साना तथा मझौला उद्यमीहरूको भूमिकामार्फत एसियाली अर्थतन्त्रको विकासमा प्रमुख भूमिका खेल्ने लक्ष्य यस संस्थाले लिएको छ ।