काठमाडौँ, ११ मंसीर । मुलुकको सङ्घीय राजधानी काठमाडौँको गोँगबु नयाँबसपार्कमा सञ्चालित कान्तिपुर मलले दशैँ, तिहार तथा छठ पर्वको अवसरमा सञ्चालन गरेको उपहारमा रसुवाका सन्तोष मोक्तानले मोटरसाइकल जितेका छन् ।
होमल्याण्ड इन्भेष्टमेन्ट कम्पनी प्रालिद्धारा विगत १८ वर्षदेखि गोँगबुस्थित नयाँ बसपार्कमा सञ्चालित कान्तिपुर मलले हरेक वर्ष झैँ यसवर्ष सञ्चालन गरेको उपहार योजनामा सन्तोषले मोटरसाइकल उपहार जितेका हुन् ।
उक्त मलले सोमबार उपहारको नतिजा प्रकाशन गरेको हो । उपहार प्रकाशन गर्दा १९७६३ नम्बर कुपन भएका सन्तोषले प्रथम पुरस्कार हात पारेका हुन् । उक्त मोटरसाइकलको मूल्य तीन लाख ४० हजार रहेको छ ।
यस्तै, ०४१९६ कुपन भएकी समिक्षा गौतम द्धितीय, ००७७२ कुपन नम्बर भएका उजल राई तृतीय, १७८१२ कुपन नम्बर भएका भुमेश्वरा विक चौँथो, ०३४३४ कुपन नम्बर भएका महेन्द्रप्रसाद जैशी पाँचौ र ०४५८२ कुपन नम्बर भएका नविन पौडेलले सान्तना पुरस्कार प्राप्त गर्नुभएको छ ।
मलले द्धितीय पुरस्कार ११३ सीसीको यामाहा स्कुटर, तृतीय पुरस्कार ३२ इन्चको एइडी टिभी, चौँथो पुरस्कार १८५ लीटरको फ्रिज र पाँचौँ तथा सान्वना पुरस्कार डिसहोम फाइवर नेट प्रदान गर्ने भएको छ । मलका महाप्रबन्धक अमर निरौलाले उपहार विजेतालाई एक हप्ताभित्र कान्तिपुर मलको केन्द्रीय कार्यालय नयाँबसपार्कमा दावी गरिसक्न आग्रह गर्नुभयो ।
मलले विगत १७ वर्षदेखि निरन्तर उपहार योजना सञ्चालन गरिरहेको बताउँदै महाप्रबन्धक निरौलाले आगामी वर्षपनि सबैको साथ र सहयोगमा उपहार योजनालाई निरन्तरता दिने उल्लेख गर्नुभयो । उहाँले कान्तिपुर मलमा आएर सस्तो, सुलभ मूल्यमा गुणस्तरीय सामान खरीद गर्नसमेत ग्राहकलाई आग्रह गर्नुभएको छ ।
काठमाडौँ । नेपाल चेम्बर अफ कमर्सकी उपाध्यक्ष उर्मिला श्रेष्ठले अनुगमन गर्ने नाममा आतंक मच्चिने गरेको बताउनु भएको छ । राष्ट्रिय उपभोक्ता मञ्चको १८ ओैँ बार्षिक साधरण सभा तथा स्थापना दिवसको अवसरमा बोल्दै उहाँले सो कुरा बताउनुभएको हो । उहाँले भन्नुभयो, 'नेपालमा जहिलेपनि चाडबाड आउँदा मात्र अनुगमन गर्ने गरिन्छ । साथै एउटा संस्थालेमात्र हैन विभिन्न संस्थाले अनुगमन गर्छ । अनुगमनको नाममा आतंक मच्चाएर मात्र हुँदैन् । त्यसलाई नियमन गर्नुपर्छ'।
श्रेष्ठले कालो बजारी ऐनलाई लिएरमात्र व्यापारीलाई कारबाही गर्न नहुने बताउनु भयो । उहाँले बदमासी गर्नेलाई कारबाही गर्नुपर्ने तर सबै व्यापारीले बदमासी गर्छन भन्ने नहुने र चोर भन्न नमिल्ने बताउनुभयो । उपाध्यक्ष श्रेष्ठले नीति बनाउने बेलामा निजी क्षेत्रका संस्थाका प्रतिनिधि सहभागी गराउनुपर्नेमा निजी स्वार्थ बोकेका व्यवसायीहरुलाई सहभागी गराउने गरिएकाले महंगी लगायतका समस्या बढदै गएको समेत औंल्याउनुभयो । उहाँले राष्ट्रिय उपभोक्ता मंच जस्ता अधिकारमुखी संस्थाले यस्ता क्रियाकलापका विरुद्धमा आवाज उठाउनुपर्नेमा जोड दिनुका साथअनुगमनको नाममा व्यवसायीलाई आतंकित गराउने कार्य बन्द नगर्ने हो भने व्यवसायीहरुको मनोबल उकासिन नसक्ने र आर्थिक गतिविधि ठप्प हुनसक्ने खतरा बढ्ने उल्लेख गर्नुभयो ।
काठमाडौँ। महान पर्व दशैको अवसरमा घरको शान तथा गौरब सोफा किन्दा स्कुटर उपहार पाउने भएको छ। काठमाडौँ र चितवनमा सञ्चालित सोफा व्यवसायमा विश्वसनीय कंपनी सोफा हबले दशैँ उक्त अफर सार्वजनिक गरेको हो। ‘सोफा लिने भनेकै सोफा हबको मात्र हो’ भन्ने मूल नाराका साथ गुणस्तरीयलाई जोड दिदै सहुलियत मूल्यमा सोफा हबले नेपालीहरुको महान पर्व विजयादशमी, शुभदिपावली तथा छठ पर्वको अवसर पारेर सोफा किन्ने ग्राहकलाई लक्षित गरेर धमाकादार अफर सार्वजनिक गरिएको सोफा हबका म्यानेजिङ डाइरेक्टर तारालाल (हरि) धरेलले जानकारी दिएका छन्।
उपहार अन्तर्गत इभी स्कुटर, इलेक्टिक जग, आइरन, वेड कभर, डोर म्याटलगायत थुप्रै उपहार भएको पनि युवा व्यवसायी समेत रहेका धरेलले बताएका छन्। सञ्चालक धरेलका अनुसार सोफा हबमा सोफा किन्न आउने हरेक ग्राहकलाई कुपन प्रदान गरिनेछ । उक्त कुपनमार्फत स्क्राच गर्दा विजेता ग्राहकलाई उपहार योजना प्रदान गरिने छ। जसमा भाग्यशाली ग्राहकले निश्चित रुपमा स्कुटर उपहार पाउने पक्का भएको छ। सोफा हबको काठमाडौँको सामाखुशी रेडनस्थित कोइराला मार्ट, गोठाटार हाईट र चितवनको लङ्कुमा आउटलेट रहेको छ ।
विगत ७ वर्षदेखि सञ्चालित सोबा हव अधिकाँश ग्राहकको रोजाईको केन्द्र बन्दैआएको छ। कम्पनीले दक्ष कामदार र गुणस्तरीय सामान प्रयोग गरि ग्राहकको मागलाई मध्यनजर गर्दै कोइराला मार्ट, गोठाटार हाइट र चितवनको लंकुबाट हरेक किसिमको सोफा तथा फर्निचरका सामग्री उत्पादन तथा बिक्री गर्दै आइरहेको छ। ५ देखि १० वर्षसम्म वारेन्टी समेत दिएको उक्त सोबा हबले ग्राहकको घरसम्म निःशुल्क डेलिभरीसमेत प्रदान गरिदैआएको सोफा हबले जनाएको छ ।
घरायसी तथा कार्यालय प्रयोजनका फर्निचरका सामान ग्राहकहरूले सिधै फोन गरेर वा अनलाइनबाट अर्डर गर्ने व्यवस्थासमेत रहेको कम्पनीले जनाएको छ । १५० जना भन्दा बढी कामदारलाई प्रत्यक्ष अप्रत्यक्ष रुपमा रोजगार दिएको सो सेफाहबबाट सोफा खरीद गर्न काठमाडौँमा ९८५११५२५८९ चितवनमा ९८४५७२८१५६ र सोफा हब काठमाडौँ एट जिमेल डटकममा सम्पर्क गरेर सोफा अर्डर गर्न सकिने पनि व्यवसायी धरेलले बताएका छन् । यस्तै, सो हबको फेसबुक पेज र टिकटकमार्फत पनि सोफा अर्डर गर्न सकिने बताइएको छ ।
काठमाडौँ । नेपालीहरुको महान् पर्वको अवसर पारेर राजधानीको भृकुटीमण्डपमा ‘दशैँ फुटवेयर मेला–२०८०’ सुरु भएको छ । नेपालका प्रतिष्ठित १० कम्पनीको आयोजनामा यहि असोज ३ गतेदेखि सुरु भएको मेला आगामी कात्तिक ४ गतेसम्म चल्ने दशैँ जुत्तामेला संयोजक सविन कार्कीले जानकारी दिनुभयो । मेलामा शिखर सु इण्डष्ट्रिजको शिखर सुज, रन सु इण्डष्ट्रिजको रन सुज, नियसा सु इण्डष्ट्रिजको ब्याम्बो सु, स्वदेशी सु उद्योगको पिजी सु, फुट स्टेप सु इण्ड्रष्टिजको आइडल सु, हिमानी सु कलेक्सनको हिमानी सु, स्मार्ट सु इण्ड्रटिजको स्मार्ट सु, वान वल्ड्र्स इण्डष्ट्रिजको वान वल्ड्र्स सु, पवित्र सु इण्ड्रटिजको सुल्याण्ड राखिएको छ ।
संयोजक कार्कीका अनुसार एकमहिने मेलामा महिला, बालकालिका, पुरुष सबै उमेर समूहलाई हुने गरी १० कम्पनीका ३० भन्दा बढी ब्राण्ड एक हजारभन्दा बढी मोडलहरु राखिएका छन् । असोज १० गतेदेखि छुट अफर सुरु हुने मेलामा १५ प्रतिशतदेखि ६० प्रतिशतसम्म छुट दिएको आयोजकले जनाएको छ ।
काठमाडौं । साल्ट ट्रेडिङ् कर्पोरेशन लिमिटेडले आफनो ६१ औं स्थापना दिवस मनाएको छ । कर्पोरेशनले बुधबार कालिमाटी स्थित आफनो केन्द्रिय कार्यालय परिसरमा एक समारोहको आयोजना गरि स्थापना दिवस मनाएको हो । कर्पोरेशनका संचालक समिति अध्यक्ष प्रदिप लाल श्रेष्ठको सभापतित्वमा आयोजित बार्षिकोत्सव समारोह कार्यक्रमको समुदघाटन उद्योग वाणिज्य तथा आपूर्ति मन्त्री रमेश रिजालले गर्नुभएको थियो ।
सो अवसरमा कर्पोरेशनकी प्रमुख कार्यकारी अधिकृत उर्मिला श्रेष्ठले स्वागत मन्तव्य राख्नेक्रममा कार्यक्रममा उपस्थित सबैमा धन्यवाद व्यक्त गर्नुहुँदै कर्पोरेशनले आम उपभोक्ताहरुको हितलाई केन्द्रमा राख्दै व्यवसायिक क्रियाकलाप गर्दै आएको बताउनुभयो । प्रमुख कार्यकारी अधिकृत श्रेष्ठले कर्पोरेशनले आम जनता तथा समस्त उपभोक्ताको लागि दैनिक उपभोग्य वस्तु उपलब्ध गराउदै गराउने लक्ष्य लिई आफनो सेवा सेवा प्रारम्भ गरेको ६० बर्ष पुरा गरेको बताउनुहुँदै उपभोक्ताको सेवामा सदैव सकृय रहि आएको र भविष्यमा पनि अझ सकृय रहने प्रतिबद्धता व्यक्त गर्दै भन्नुभयो ‘कर्पोरेशनले आफनो प्रतिबद्धता अनुसार आम जनतालाई सुपथ एवम् सहज रुपमा गुणस्तरिय उपभोग्य वस्तुहरुको उपलब्धतालाई निरन्तरता प्रदान गरिने छ । कर्पोरेशनले आपुर्ति र वितरणको क्षेत्रमा उल्लेखनिय भूमिका निर्वाह गर्दै बिषम परिस्थितीका बाबजुद पनि आम उपभोक्ताको सेवामा सदैव सकृय रहि आएको छ भने भविष्यमा पनि अझ सकृय रहने प्रतिबद्धता व्यक्त गर्दछु ।’
उहाँले कर्पोरेशनले आयोडिनयुक्त नुन र अन्य दैनिक उपभोग्य एवम अत्यावश्यकिय वस्तुहरुको बिक्री वितरण, अनुदानित र गैर अनुदानित मलको आपुर्ति गर्दै आईरहेको प्रसंग उल्लेख गर्नुहुँदै केहि समय अघिबाट आफनै कारखानाबाट तोरीको तेल उत्पादन शुरु गरिएको जानकारी समेत दिनुभयो ।
कार्यक्रम माझ प्रमुख अतिथिको आसनबाट बोल्नुहुँदै उद्योग वाणिज्य तथा आपुर्ति मन्त्री रमेश रिजालले कर्पोरेशनले सरकारको चाहना अनुरुप आम उपभोक्ताको हितमा कार्य गर्दै आएको उल्लेख गर्नुभयो । उक्त समारोहलाई सम्बोधन गर्दै मन्त्री रिजालले कर्पोरेशनले नेपाली जनतालाई सुपथ मूल्यमा गुणस्तरीय उपभोग्य वस्तु उपलब्ध गराइरहेको बताउनुहुँदै आफ्नो मूल्य र मान्यतालाई कायम राखेर उपभोक्तालाई सेवा दिइरहेको उल्लेख गर्नुभयो ।
‘प्राकृतिक विपद्का अवस्थामा समेत उपभोक्ताको घरदैलोमा उपभोग्य वस्तु उपलब्ध गराउन कर्पोरेशनले खेलेको भूमिका उल्लेखनीय छ,’ मन्त्री रिजालले भन्नुभयो, ‘नेपाल सरकार आम जनताले स्वाभाविक मूल्यमा दैनिक उपभोग्य वस्तु प्राप्त गरुन् भन्ने चाहन्छ ।’
उहाँले सरकारले आवश्यकता अनुसार गरेको निर्देशन पालनामा कर्पोरेशनले देखाएको सक्रियतालाई सकारात्मक रुपमा लिएको उल्लेख गर्नुहुँदै बजार अनुगमन साथै बजार हस्तक्षेपमार्फत बजारलाई व्यवस्थित तुल्याउने सरकारको नीति अनुरुप कर्पोरेशनसँग सहकार्य गर्दै आएको बताउनुभयो । साथै उहाँले लोककल्याणकारी कार्यमा अग्रसर रहदै कर्पोरेशनले उद्योग व्यापार मार्फत देशको आर्थिक विकासमा महत्वपूर्ण योगदान पुर्याउदै आएको उल्लेख गर्नुभएको थियो ।
सो अवसरमा उद्योग वाणिज्य तथा आपुर्ति सचिव मुकुन्द निरौलाले ६ दशक अघि नुनको कारोबारबाट व्यवसाय शुरु गरि हाल सेवा विविधिकरण गर्दै सरकारको सहयात्रीको रुपमा काम गर्दै आएको बताउनुभयो ।
समारोहमा कृषि मन्त्रालयका सचिव डा। गोविन्द शर्माले कर्पोरेशनले समयमै रसायनिक मल आपूर्ति तथा वितरण गर्नुका साथै उदपादकत्व बृद्धिमा समेत योगदान पुर्याउदै आएको बताउनुभयो ।
समारोह माझ साल्ट ट्रेडिङ् कर्पोरेशन लिमिटेड कर्मचारी संगठनका अध्यक्ष मेघराज ज्ञवालीले साल्ट ट्रेडिङ् कर्पोरेशन लिमिटेडमा कार्यरत कर्मचारीहरुले मेहनत र कर्तव्यबोधका साथ काम गर्दै आएको बताउनुभयो ।
कार्यक्रममा सभापतिको आसनबाट बोल्नुहुँदै कर्पोरेशनका संचालक समिति अध्यक्ष प्रदिपलाल श्रेष्ठले साल्ट ट्रेडिङले बजार प्रणालीलाई चुस्त राख्न सरकारलाई पूर्ण रुपले सघाउदै आएको उल्लेख गर्नुहुँदै राष्टहितका निम्ति थप दायित्व उठाउदै अघि बढने प्रण समेत गर्नुभयो भयो । ुृनेपाल सरकारको नीति निर्देशनलाई पूर्ण रुपमा पालना गरी कर्पोरेशनले बजारमा दैनिक उपभोग्य वस्तुको अभाव हुन नदिन हर प्रयासले आपूर्ति व्यवस्थालाई सहज बनाउँदै आएको छु अध्यक्ष श्रेष्ठले बताउनुभयो।
कर्पोरेशनले सेवा र कार्य क्षेत्र विस्तार गर्दै आम उपभोक्ताको घर दैलोमा सेवा पुर्याउन थप पहल गर्ने समेत श्रेष्ठले बताउनुभयो ।
उक्त समारोहमाझ ७५ हजार राशीको लक्ष्मीदास मानन्धर बालहितकारी पुरस्कारबाट बालबालिकाहरुको संरक्षणमा सक्रिय झापा बिर्तामोड स्थित तारा नमस्ते बालगृहलाई पुरस्कृत गरियो । यसैगरि ३५ हजार राशी सहितको ईश्वरलाल श्रेष्ठ उत्कृष्ट कर्मचारी पुरस्कारतर्फ अधिकृत स्तरमा राधेश्याम चौधरी, नन् अधिकृतस्तरमा कौशल किशोर पंडित र स्तरविहिनमा श्यामकाजी थापालाई पुरस्कृत गरियो । त्यस्तै, ३० हजार नगद राशीसहित हेम बहादुर मल्ल उत्कृष्ट कर्मचारी पुरस्कारतर्फ अधिकृत स्तरमा सुनिता कुमारी पन्त, नन् अधिकृतमा भरत कुमार श्रेष्ठ र स्तरविहिनमा भेष बहादुर श्रेष्ठलाई पुरस्कृत गरियो । समारोह माझ एसईई परीक्षामा उत्कृष्ट अंक ल्याई उत्तीर्ण भएका कर्मचारीका छोरा र छोरीहरुलाई मासिक ३ हजारका दरले २ वर्षसम्मका लागि छात्रवृत्ति समेत प्रदान गरियो । जसमा छात्रतर्फ अनङ्गमान शेरचन छात्रवृत्ति कृष्ण कुमार शाक्यका छोरा सर्वेश शाक्य र छात्रातर्फको लोकनाथ जोशी छात्रवृत्ति मनोज कुमार चौधरीकी छोरी अदिती चौधरीलाई प्रदान गरियो ।
यस्तै, २० वर्ष सेवा अवधि पुरा गरेका कर्मचारीहरुलाई प्रशंसापत्र वितरण गरिएको थियो ।
काठमाडौं। कम भन्सार मूल्यमा विदेशी बस्तु आयात हुँदा नेपाली उद्योगहरू मरमा परेका छन्। नेपाली उद्योगहरूले उत्पादन गरेका बस्तुहरूले चोरी पैठारी भएर आएका विदेशी बस्तुसँग स्थानीय बजारमा प्रतिस्पर्धा गर्दा उद्योगहरू नै बन्द हुने अवस्थामा पुगेका छन्। नवलपुरको गैँडाकोटमा पाँच वर्षअघि स्थापित एग्रो टेक इन्डस्ट्रिज प्रालिले भन्सार छलेर आउने विदेशी बस्तुहरुसँग स्थानीय बजारमा प्रतिस्पर्धा गर्नै समस्या भएको भन्दै अर्थ मन्त्रालयलाई पत्र नै लेखेको छ। उद्योगका सञ्चालक दीपक प्रसाद न्यौपानेले स्थानीय श्रोतसाधन र स्वदेशी कच्चापदार्थमा आधारित नेपाली उद्योगलाई आत्मनिर्भर बनाउन भन्सार व्यवस्थापनलाई थप व्यवस्थित बनाई भन्सार दर वृद्धि गर्न माग गरेका छन्।
पत्रमा नेपाली उद्योगहरूको प्रर्वद्धनको गर्न तुथपिक, ससेज सिन्का, धूपको सिन्का, कोइला, विदेशबाट आउने च्याउ तथा क्यान मसरुम साथै कृषिजन्य फ्रोजन(ग्रिजपिज, फ्रेन्चफ्राईज, सुइटकन, बासफिस) जस्ता तयारी वस्तुहरूको आयातमा प्रतिबन्ध लगाई स्थानीय उद्योगहरुको प्रर्वद्धन गर्ने विषयलाई आगामी आर्थिक वर्षको बजेट र नीति तथा कार्यक्रममार्फत नीतिगत ब्यवस्था गर्न माग गरिएको छ। अर्थ मन्त्रालयलाई लेखिएको पत्रमा त्यस्ता बस्तुहरुको आयातमा तत्कालै पूणर् पतिबन्ध नलगाए उद्योगहरु बन्द हुने अवस्थामा पुगेको समेत उल्लेख गरिएको छ ।
पत्रमा भनिएको छ,‘हाल छिमेकी दे्शहरुबाट एकदमै कम भन्सार दरमा तथा चोरी पैठारी समेत भईरहेको हुँदा यस प्रकारको बस्तुको स्थानीय बजारमा भइरहेको न्यून बिक्री मूल्यका सामानहरुसँग प्रतिस्पर्धा गर्नुपरेको हुँदा उद्योग सञ्चालनमा अवरोध श्रृजना भएको छ। यस प्रकारका उद्योगहरू विगतमा यही कारणबाट बन्द गर्नुपरेको अवगत गराउन चाहन्छौं।’ उद्योगले अहिले स्वदेशी बाँसबाट तुथपिक, ससेस सिन्का, धूपको सिन्का, कोईला, स्वदेशी कच्चा पदार्थबाट अर्गानिक राजा च्याउ तथा अन्य प्रजातिका च्याउ समेत उत्पादन गरिरहेको छ।'
निकट भविष्यमै एक हजार रोजगारी सृजना गर्ने लक्ष्य लिएको उद्योगले अहिले एक सय जनालाई स्थानीय स्तरमै रोजगारी दिइरहेको छ। तर, सोही प्रकृतिका सामानहरू छिमेकी मुलुकबाट आयात हुँदा स्थानीय उत्पादन नै प्रतिस्पर्धाको अवस्थामा पुगेपछि केन्द्र सरकार गुहारिएको हो।
काठमाडौं । नेपाल उद्योग वाणिज्यम महासंघको आसन्न निर्वाचनमा वस्तुगततर्फका उपाध्यक्षका प्रत्याशी हेमराज ढकालले निजी क्षेत्रको सम्मान विना देशले आर्थिक रुपमा फड्को मार्न नसक्ने बताएका छन् । ‘अहिले सरकारले निजी क्षेत्रको सम्मानको त कुरै छाडौं जायज माग राख्दा पनि सुन्न छाडेको छ,’ नेपाल गलैचा उत्पादक तथा निकासीकर्ता संघको साधारणसभामा बोल्दै वस्तुगत उपाध्यक्षका प्रत्याशी ढकालले भने, ‘जबसम्म सरकारले निजी क्षेत्रलाई साझेदारको रुपमा हेरेर सहकार्य गर्दैन तवसम्म देशमा हामीले सोचेजस्तो आर्थिक विकास हुन सक्दैन ।’
देशको उद्योग कलकारखाना स्थापना गरेर स्वदेशभित्रै रोजगारी सिर्जना नगरेसम्म देश आर्थिकरुपमा सम्पन्न हुन नसक्ने उनको तर्क थियो । ‘अहिले देशको मुख्य पुँजीको रुपमा रहेको युवा शक्ति रोजगारीका लागि विदेश पलायन भैराखेका छन् भने उनीहरुले विदेशी भुमिका रगत पसिना बगाएर पठाएको पैसाले देश चलाउन परेको छ,’ उनले भने, ‘रेमिटान्सबाट देश चल्नु भनेको अरुपको भरमा पर्नु हो तसर्थ आत्मनिर्भर अर्थतन्त्र निर्माणका लागि देशभित्रै रोजगारी सिर्जना गर्नु जरुरी छ ।’ यदि कुनै कारणले बैदेशिक रोजगारीमा समस्या आयो भने देशको अर्थतन्त्रनै धराशायी हुने अवस्थामा पुग्ने समेत उनले जानकारी दिए ।
कुनै समय निर्यातको मुख्य बस्तुको रुपमा रहेको नेपाली गलैचा लगायका बस्तुको अवस्था दयनीय बन्दै गएको भन्दै अबका दिनमा निर्यात वृद्धि गरी विदेशी मुद्रा भित्र्याउन सरकारले विशेष योजना ल्याउनु पर्ने बताए । ‘कुनै समय कार्पेट, पस्मिना, गार्मेन्ट उद्योगले देशको भुक्तानी सन्तुलत गर्न ठूलो योगदान दिएको थियो भने सोही अनुरुप रोजगारी पनि सिर्जना भएको थियो,’ उनले भने, ‘त्यस्ता बस्तु उत्पादनका लागि आवश्कय कच्चा पदार्थ उत्पादनका लागि सरकारले ध्यान नदिनुका साथै निर्यातमा समेत झण्झटिलो प्रक्रिया हुँदा अहिले नगन्य मात्रामा निर्यात हुन थालेको छ ।’
सरकारले निर्यातका सम्भावनाका क्षेत्रको पहिचान गरी त्यस्ता बस्तु उत्पादनका प्रयोग हुने कच्चा पदार्थको भन्सार छुट दिनुका साथै बैंककाट सहुलियत ब्याजदरमा कर्जा पाउने व्यवस्था गर्नुपर्ने उनको भनाई छ ।
कार्यक्रममा उनले आफुले निर्यात, उत्पादनमुलक, सेवा, कृषि, बैंकिङ, सीपलगायत हरेक क्षेत्रमा आवद्ध भएर काम गर्दा वस्तगत संघहरुको समस्यालाई नजिकसँग बझेको भन्दै उक्त समस्या समाधानका लागि पनि आफुलाई उपाध्यक्षमा जिताएर पठाउन आग्रह गरेका छन् । ‘मैले दुई पटक वस्तुगत संघबाटै सदस्यमा चुनाव जितेर यहिँ क्षेत्रका साथिहरुको हकहितका लागि काम गरिसकेको छु,’ उनले भने, ‘ महासंघले जिम्मेवारी दिएका हरेक क्षेत्रमा अब्बल काम गर्दै आएको र अहिलेपनि सरकारसँग मिलेर कसरी यी क्षेत्रलाई कसरी माथि उठाउन सकिन्छ भनेर छलफल गरिरहेको छु ।’ यदि आफु उपाध्यक्षमा निर्वाचित भएर गएको अवस्थामा वस्तुगत संघको समस्या बुझरे समाधान गर्ने महासंघ बनाउने समेत उनको प्रतिवद्धता थियो ।
यसैगरी देशको अर्थतन्त्र सुधार गर्न कर्मचारी तन्त्रमा इच्छाशक्ति हुनुपर्ने उनले बताए । देशमा समयसापेक्ष सरकारमा राजनीतिक नेतृत्व फेरिरहने भएपनि कर्मचारीतन्त्र भनेको स्थायी सरकार रहेको भन्दै आर्थिक एजेन्डामा कर्मचारीले विशेष ध्यान दिनुपर्ने समेत उनको भनाई थियो ।
काठमाडौं । नेपाल महिला चेम्बरले ११३ औं अन्तरराष्ट्रिय महिला दिवसको अवसर पारेर सांस्कृतिक एवम सम्मान कार्यक्रम आयोजना गरेको छ । महिला चेम्बरले संयुक्त राष्ट्र संघले २०२३ को नारी दिवसका लागि तय गरेको ”डिजिटल इनोभेसन एण्ड टेक्नोलोजी फर जेन्डर ईक्वालिटी” भन्ने नाराका साथ शुक्रबार कमलपोखरी स्थित रुसी सांस्कृतिक केन्द्रमा कार्यक्रम आयोजना गरेको हो ।
नेपाल महिला चेम्बरकी अध्यक्ष उर्मिला श्रेष्ठको सभापतित्व तथा राष्ट्रिय महिला आयोगकी सदस्य कृष्ण कुमारी पौडेल खतिवडाको प्रमुख आतिथ्यतामा सम्पन्न भएको उक्त कार्यक्रम माझ विभिन्न विधा अन्तर्गत महिला उद्यमीहरुलाई सम्मानित गरियो । सम्मानित हुनेमा उद्योगतर्फ शुभद्रा अधिकारी ढकाल, निर्याततर्फ पार्वता खरेल विमली , आई टितर्फ न्हशला जोशी, कृषितर्फ सरिता भट्टराई श्रेष्ठ र स्वास्थ्य तर्फ स्वरुपा श्रेष्ठ रहनुभएको छ ।
त्यसैगरि सांस्कृतिक कार्यक्रम अन्तर्गत शुसिला आर्टस् एकेडेमीका कलाकारहरुले रिदम र सोल थिममा आधारित रही सांगितिक प्रस्तुती दिएका थिए ।
कार्यक्रममा राष्ट्रिय महिला आयोगकी माननिय सदस्य कृष्णकुमारी पौडेल खतिवडाले नेपाल सामाजिक संरचनामा विविधतापूर्ण रहेको उल्लेख गर्नुहुँदै महिलाहरु हिंसामा प्रभावित भएको घटना बढदै गएको जानकारी दिनुभयो । उहाँले महिलाहरु जूगौदेखी उत्पिडनमा पर्दै आएकोमा आधुनिक विश्वमा अगाडि बढन सहज देखिएता पनि घर परिवारकै साथ नपाउदा महिलाहरुलाई हरेक जसो क्षेत्रमा अगाडि बढन कठिन र चुनौतीपूर्ण हुने गरेको बताउनुभयो । राजनीतिक दलका नेताहरु जिम्मेवार नहुँदा राजनीतिकर्मी महिलाहरु समेत अवसरबाट बन्चित हुनुपरेकोमा रोष प्रकट गर्नुहुँदै संविधान बनाउनेले नै कानुन उल्लंघन गरेको उहाँले जिकिर गर्नुभयो ।
साथै, उहाँले महिला आयोग महिलाहरुलाई हर क्षेत्रमा अगाडि बढाउन सकृय रहेको उल्लेख गर्नुहुँदै महिलाको आर्थिक सशक्तिकरणका निम्ती प्रभावकारी रुपमा अघि बढेको नेपाल महिला चेम्बरसँग सहकार्य गर्ने प्रतिबद्धता समेत व्यक्त गर्नुभयो ।
त्यसैगरि नेपाल चेम्बर अफ कमर्सका बरिष्ठ उपाध्यक्ष कमलेश कुमार अग्रवालले ५० प्रतिशत हिस्सा ओगटेका महिलाहरु पछाडी पारिएको जिकिर गर्नुहुँदै उनीहरुलाई आर्थिक, सामाजिक, बौद्धिक, सांस्कृतिक, आर्थिक -सम्पूर्ण रुपमा अगाडि ल्याउनुपर्नेमा जोड दिनुभयो ।
अग्रवालले पुरुषका तुलनामा महिलाहरुले कम ज्याला दिने गरिएको उल्लेखसहित यस्ता किसिमको विभेदको अन्त्य गर्नुपर्ने राय पेश गर्नुहुँदै डिजीटल प्रविधिमा महिलाहरुलाई अगाडि ल्याई समय सापेक्ष रुपमा प्रतिस्पर्धात्मक बनाउन आवश्यक रहेको औल्याउनुभयो ।
साथै, उहाँले महिला चेम्बरले बर्षभरि नै महत्वपूर्ण कार्यक्रमहरुको आयोजना गर्दै आएको उल्लेख गर्दै महिला सशक्तिकरणको क्षेत्रमा संस्थाले पुर्याएको योगदान अतुलनिय रहेको बताउनुभयो ।
सो अवसरमा नेपाल महिला चेम्बरकी अध्यक्ष उर्मिला श्रेष्ठले हरेक बर्ष हुने यस्ता कार्यक्रमले महिलाहरुलाई अघि बढन हौसला मिल्ने बताउनुहुँदै विश्वभरमा अधिकाँश महिलाहरु विभिन्न प्रकारका विभेद र उत्पिडनमा पिल्सिरहन वाध्य रहेको उल्लेख गर्नुभयो ।अध्यक्ष श्रेष्ठले महिलाहरुलाई अगाडि बढाउन महिला स्वयमको भूमिका, सहभागीता एवम प्रतिनिधित्व अर्थपूर्ण हुने बताउनुभयो । महिलाहरु अझै पनि हिँसामा पर्नेगरेको घटनाको स्मरण गर्नुहुँदै उहाँले महिला सशक्तिकरणका निम्ती आर्थिक रुपमा स्वाबलम्बी बन्नुपर्नेमा जोड समेत दिनुभयो ।अध्यक्ष श्रेष्ठले महिलाहरुबाट संचालित कतिपय उद्योग व्यवसाय कोभिड पस्चात धरासायी हुँदा पलायन हुने अवस्था रहेको उल्लेख गर्नुहुँदै महिलाहरुलाई लक्षित गरि क्षमता अभिब्रिद्धीका कार्यक्रम, सहुलियतपूर्ण कर्जा, कर छुटको व्यवस्था गर्न राज्य समक्ष आग्रह समेत गर्नुभयो । साथै उहाँले आर्थिक बिकासका लागी उद्योग र रोजगारीको क्षेत्रमा महिलाहरुलाई प्राथमिकता दिनुपर्ने राय समेत पेश गर्नुभयो ।
नेपाल महिला चेम्बरकी महासचिव लिमा अधिकारीले धन्यवाद ज्ञापन गर्नुहुँदै देशको अर्थतन्त्र खस्केको चित्रणसहित उत्पादनशिल क्षेत्रमा लगानी बिस्तार गर्नुको विकल्प नरहेको बताउनुभयो । अधिकारीले कृषि वस्तुको आयातमा रोक लगाई उत्पादनशिल क्षेत्रलाई बढवा दिनुपर्नेमा जोड दिदै कुल गार्हस्थ उत्पादनमा योगदान पुर्याउन सबैको योगदानको खांचो रहेको औल्याउनु भयो ।साथै उहाँले महिलाहरुलाई अवसर दिनुपर्नेमा जोड दिदै महिला चेम्बरले महिलाहरुको सर्वाङगिण हितका निम्ती कार्य गर्दै आएको बताउनुभयो ।
काठमाडौं । ग्रील तथा स्टील ब्यबसायीहरुको हक हित र उत्थानको लागि लामो समय देखि निरन्तर कार्य गरिरहेको संस्था ग्रील तथा स्टील ब्यबसायी संघ काठमाडौं पश्चिम क्षेत्र र सो अन्तरगतका बालाजु ,चमती,खुसीबूँ इकाई, सामाखुसी, गोङ्गबु इकाई , सानो भर्याङ ,ठुलो भर्याङ इकाई ,सितापाईला इकाई को संयुक्त नवौं साधारणसभा तथा तेस्रो अधिवेशन भब्यताको साथ सम्पन्न भएको छ ।
पश्चिम क्षेत्रका अध्यक्ष शैलेस ठकुरीको शभापतित्व र ग्रील तथा स्टील ब्यबसायी महासंघ का अध्यक्ष मोहन कटुवालको प्रमुख आतिथ्यमा सम्पन्न भएको कार्यक्रममा महासंघका वरिष्ठ उपाध्यक्ष निरन्जन कुमार श्रेष्ठ ,प्रथम उपाध्यक्ष ठुलोबाबु श्रेष्ठ , उपाध्यक्ष केदार अधिकारी , महासचिव बिवेकदास श्रेष्ठ काठमाडौं जिल्लाका अध्यक्ष यज्ञदास श्रेष्ठ, काठमाडौं जिल्लाका महासचिव राजुलाल श्रेष्ठ ,काठमाडौं पुर्वी क्षेत्रका अध्यक्ष रोहित श्रेष्ठ ,पुर्वी क्षेत्रका इकाई अध्यक्षहरु ,पश्चिम क्षेत्रका इकाई अध्यक्ष तथा पदाधिकारीहरु, ग्रील तथा स्टील ब्यबसाय का ब्यबसायी तथा कर्मचारीहरु, बिभिन्न क्षेत्रका समाजसेवीहरु तथा मिडियाकर्मीहरुको उपस्थिति रहेको थियो ।
कार्यक्रममा आफ्नो प्रतिवेदन पेश गर्दै पश्चिम क्षेत्रका अध्यक्ष शैलेस ठकुरी ले यो संस्थालाई ब्यवस्थित बनाएर अगाडी बढाउन महासंघ,जिल्ला,क्षेत्र ,इकाई तथा ब्यबसायीहरुको आ—आफ्नै ठाउँमा महत्वपुर्ण भुमिका रहने बताउनु भयो ।
ग्रील तथा स्टील ब्यबसायी संघ भित्रका आन्तरिक पक्षलाई मिलाउँदै आम ब्यबसायी तथा मजदुरहरुको समेत हितमा कार्य गर्ने उदेश्य लिएर अगाडी बढ्ने क्रममा ग्रील तथा स्टील ब्यबसायी संघ काठमाडौं ,भक्तपुर,ललितपुरका नव निर्वाचित पदाधिकारीहरु संग शुभकामना आदान प्रदान कार्यक्रमको आयोजना, ग्रील तथा स्टील ब्यबसायी महासंघका नव निर्वाचित पदाधिकारी ज्यू हरुलाई शुभकामना तथा बृहत बनभोज कार्यक्रम आयोजना, बृहत विश्वकर्मा पुजा कार्यक्रम आयोजना ,महासंघले आयोजना गरेको बिभिन्न कार्यक्रममा सकृय सहभागिता, काठमाडौं जिल्लाले आयोजना गरेका बिभिन्न कार्यक्रममा सकृय सहभागिता,कोभिड १९ को अत्यधिक प्रभाव परेको अबस्थामा निशुल्क भोजन कार्यक्रमको आयोजक टिममा बसि कार्यगरेको तथा पत्रकार र संचारकर्मी हरुलाई समेत सहयोग गरेको ,आफ्नो क्षेत्र अन्तरगत रहेका ब्यबसायी तथा मजदुरहरुको समस्यामा सक्दो सहयोग गरेको ,अन्तर संस्था तथा ब्यबसायी बिच नियमित अन्तरकृया गदै आइ रहेको,फलाम जन्य वस्तुको मुल्य बृद्धि को बिरुद्ध बिभिन्न चरणबद्ध कार्यक्रमहरुमा सकृय सहभागिता जनाएको ,बिभिन्न ठुला हार्डवेयर हरुले ग्रील तथा स्टील ब्यबसायी र उपभोक्तालाई ठगी गरिरहेको भन्ने सुचनाको आधारमा सम्बन्धित सरकारी निकाय सहित राजेश हार्डवेयरको बालाजु डिपो माथि छानबिन गर्दा स प्रमाण भेटिए पछि कार्वाहिको लागि सम्बन्धित निकायमा बुझाएको,वातावरणीय प्रदुषण न्युनिकरणमा चक्रपथ सरसफाई अभियान संग सहकार्य गरेर कार्य गरेको तथा सामाखुसी देखि बसुन्धारा चौकी सम्म २५ वटा डस्बिन ब्यबस्था गरेको लगायतको कार्यमा पश्चिम क्षेत्र र सो अन्तरगतका सबै इकाईहरुको महत्वपुर्ण भुमिका रहेको बताउनु भयो ।
आफ्नो क्षेत्रको तर्फबाट प्रतिवेदन पेश गर्दै अध्यक्ष शैलेस ठकुरीले “ग्रील तथा स्टील ब्यबसायी संघ को स्थापना संगै कतिपय अवस्थामा सुधार नआएको भने पटक्कै होईन, हिजो बाटोमा हिड्दा यता उता फर्केर हिड्ने ब्यबसायीहरु आज एउटै टेबुलमा बसेर बहस र संवाद गर्दै आ—आफ्नो अनुकुलतामा कार्यहरु गर्न अगाडी बढि रहेको देखिन्छ । एउटा कारखानाले अर्को कारखानालाई हेर्ने दृष्टिकोण मा परिवर्तन भएर एक आपसमा मिलेर काम गर्ने वातावरण पैदा भएको छ । हरेक गलत संस्कार र प्रवृति बिरुद्ध एकजुट हुने परिस्थति तयार भएको छ । बोल्न हिच्किचाउने तथा स्टेजमा चढेर माइक समाउन नसक्ने ब्यबसायीहरु पनि आज केहि बोल्न र परिस्थितिको मुल्याङ्कन गर्न सक्ने भएका छन् । हामि संगठित भएकै कारण हार्डवेयरहरुले हामिलाई हेर्ने दृष्टिकोण परिवर्तन भएको छ । नितिगत सुधार र ब्यबहारीक कार्यन्वयनमा तालमेल मिलाउन सके हाम्रो संस्थाले छोटो समयमा उपलब्धिमुलक प्रतिफल हासिल गर्ने सम्भावना अझै बढ्दै गएको छ”भन्नु भयो ।
कार्यक्रममा पश्चिम क्षेत्र अन्तरगतका चारवटै इकाई का अध्यक्षहरुले स्वागत मनतव्यको साथमा आफ्नो इकाईको प्रगति प्रतिवेदन पेश गर्नु भएको थियो ।
गोंगबु ,सामाखुसीका इकाईका अध्यक्ष शिवलाल श्रेष्ठ, सानो भर्याङ ठुलो भर्याङ इकाईका अध्यक्ष ,उत्तम श्रेष्ठ, सितापाईला इकाईका अध्यक्ष मनोज रोईलाले आफ्नो स्वागत मनतव्य राख्ने क्रममा माथिल्लो समितिले व्यबहारीक रणनिति तथा कार्यनिति बनाएर लागु गर्न सके यो संस्थाको भबिष्य उज्जल रहेको तर सरकारी निकाय संगको सहकार्य र समन्वयमा कमि हुँदा व्यवसायीहरुलाई समय सापेक्ष उत्थान गर्न भने नसकिएको बताउनु भयो ।
बालाजु ,खुसीबुँ ,चमती इकाईका अध्यक्ष तोक बहादुर गधराज(तोकेन्द्र)ले स्वागत मनतव्य तथा प्रतिवेदन पेश गर्दै “ ग्रील तथा स्टील व्यवसायमा लामो समय काम गर्दै आउनुभएका व्यवसायी साथिहरुलाई यो संस्थाको बारेमा त्यति धेरै बताईरहनु पर्ने अवस्था छैन । तर जो अन्जानमा यो व्यबसायमा लागेको छ ,जो अल्प ज्ञान लिएर यो फिल्डमा आएको छ , जो संस्था प्रति उत्तरदायी भएको छैन, त्यस्ता व्यवसायीहरुलाई भने गंभिर रुपमा दुई चार कुरा भन्नै पर्ने हुन्छ ।
हरेक संघ संस्था र संगठनले जुन राष्ट्रमा रहने हो त्यहि देशको कानुनलाई आत्मसाथ गर्दै आफ्नो संगठन चलाउने निति र नियम बनाएको हुन्छ । संस्था आफैले बनाएको निति नियमको सफल कार्यन्वयन बाट मात्र संस्थालाई सहि ढंगबाट अगाडी बढाउन सकिन्छ । हाम्रो संस्थामा यो पाटो कस्तो रहेको छ ,सबैले छातिमा हातराखेर सोच्नुपर्ने अवस्था आएको छ ।
लाखौं श्रमजिवीहरुलाई रोजगार दिएर बार्षिक अरबौंको कारोबार गर्ने हाम्रो व्यवसायलाई राज्यले हेर्ने दृष्टिकोण कस्तो छ ? समाजले हेर्ने दृष्टिकोण कस्तो छ ? त्यसकै जगमा हुर्किएको हामि र हाम्रो व्यबसाय कसरी चल्ला ? सजिलै अनुमान लगाउन सकिन्छ ।
हामिले राज्यलाई कर तिरेका छौं । बिकास निर्माणका काममा मात्र होईन समाज सेवाको काममा समेत राज्यलाई सघाई रहेका छौं तर राज्यले हाम्रो व्यवसायलाई अझै उद्योगको रुपमा स्विकार गर्न आनकान गरिरहेको अवस्था छ ।
हामि संमृद्ध नेपाल निमार्णको अभियानमा संघिय सरकार ,प्रदेश सरकार तथा स्थानिय सरकार संग सहकार्य गरेरै अगाडी बढ्न चाहि रहेका छौं तर स्थानिय सरकारले हामिलाई आफ्नो दायरामा ल्याउन सहजिकरण गर्न सकिरहेको अवस्था छैन । यो बिषयमा हाम्रो संस्थाले गंभिर हुनु पर्ने तथा केहि अवश्यक पहल कदमी लिनुपर्ने अवस्था आएको छ । उचित समयमा हाम्रो नेतृत्वले यसको पहलकदमी लिन सकेमा आम ग्रील तथा स्टील ब्यबसायीहरु उत्साहीत भएर संस्था प्रति आस्थावान हुने थिए ।
पुँजिको केन्द्रिकरण गरेर ठुलो उद्योगको रुपमा स्थापितहून या गराउन नसक्नु हाम्रो कमजोरी होला तर राज्यले ल्याएको केहि बिभेदकारी नितिको कारण हाम्रा व्यवसायीहरु धरापमा पर्दै आईरहेको कुरा सत्य हो ।
हरेक अप्ठ्यारा तथा असहजताको बाबजुद पनि संगठनलाई चुस्तरुपमा चलाउन सक्ने नेतृत्व ग्रील तथा स्टील ब्यवसायी संघ को आजको आवश्यकता हो ।
मैले ग्रील तथा स्टील व्यवसायी संघ ,काठमाडौं पश्चिम क्षेत्र अन्तरगत बालाजु, खुसीबुँ, चमती इकाई को एक कार्यकाल इकाईको सचिव र एक कार्यकाल अध्यक्ष भएर जिम्बेवारी निभाईरहने क्रममा के कति काम गर्न सफल भएँ या भईन भन्नेकुरा महासंघ , जिल्ला , क्षेत्र र अन्य इकाईका साथिहरुले पनि नियालि रहनु भएको होला ।
मैले आफ्नो जिम्बेवारी निभाउने क्रममा धेरै राम्रा कामहरु गर्न सकिनहोला तर नियोजित रुपमा यो संस्थालाई हानि नोक्सानी पुर्याउने काम भने गरेको छैन जस्तो लाग्छ ।
कुनैपनि गुनासो र समस्या बोकेर आएका ब्यबसायी या श्रमिक मजदुरहरुलाई न्याय दिलाउने कुरामा हाम्रो इकाईले थुप्रै ठाउँहरुमा महत्वपुर्ण भुमिका निर्वाह गरेको छ ।
कोरोना भाईरस ( कोभिड १९ ) को कारण थलिएको यो देशलाई अलिकति भएपनि राहत पुगोस् कोहि पनि भोकै मर्नु नपरोस् भन्ने उदेश्यले बिभिन्न ठाउँमा निशुल्क भोजन कार्यक्रममा सकृय सहभागिता जनाउने तथा स्थानिय सरकार र प्रशासन संगको सहकार्यमा सामाजिक काम गर्ने कुरामा यो इकाईका साथिहरुले संस्थागत र ब्यक्तिगत रुपमा समेत महत्वपुर्ण भुमिका खेल्नु भएको छ ।
हामि हरेक हिसावले फरक रहन सहन ,फरक परिबेश र फरक संस्कार बाट आएका मानिसहरुको एक संगम बनेको यो संस्थामा सबैकुरामा हु बहु एकमत नहुने सत्य हो तर सबैजना बसेर गरेको निर्णय कार्यन्वयन गर्दा ब्यबहारीक कठीनाई मोल्नु पर्ने अवस्था आए पनि हिम्मत नहारीकन अगाडी बढ्न प्रेरण दिने टिम भएकै कारण हामि यहाँ सम्म आईपुग्न सफल भएका हौं ।
हो हामिलाई थाहा छ हाम्रा व्यबसायीहरु मारमा छन् ,पिडामा छन् । त्यसैले हामिले ब्यबसायीहरुबाट लेवि उठाउन बन्द गरेर ब्यवसायीलाई त बैठक भत्ता उपलब्ध गराउनू पर्छ भन्दै आएका छौ । भत्ता दिन नसके पनि हामिले लामो समयदेखि लेबि उठाउने कार्य भने बन्द गरिसकेका छौं ।
हरेक संगठनहरु आर्थिक रुपमा बलियो भएरमात्र छिटो छिटो अगाडी बढ्ने होईन अलिकति जोखिम मोलेरै भएपनि अगाडी बढ्ने साहस गर्नेहो भने असम्भव भन्ने केहि छैन भन्ने उदहारण स्वरुप हामिले अवधारणा ल्याएर बनेको ग्रील तथा स्टील व्यवसायी संघ ,काठमाडौं पश्चिम क्षेत्र अन्तरगत बालाजु, खुसीबुँ, चमती इकाई को प्रशासनिक भवनलाई लिन सकिन्छ ।
साँचै भन्ने हो भने पैसा जोगाउँला या बटुलौला र भवन बनाउन शुरु गरौला भनेर बसेको भए आज यो भवन बन्ने थिएन । एउटा योजना बन्यो त्यसमा सबै तह र तप्काका साथिहरुले सहयोग गर्नु भयो इकाईको टिम जोखिम उठाउन तयार भयो त्यसकै आधारमा आज भवन ठडीयो । आफ्नै भवनमा बसेर प्रशासनिक काम मात्र होईन बिभिन्न समय र बिषय बस्तुमाथि अन्तरकृया गर्न सकिने अवस्थाको सिर्जना गरिदियो ।
बलाजु,खुसिबुँ चमती इकाईले केहि जनाबाट शरुगरेको आर्थिक वचत अभियानकै सहयोगमा त्यो भवन बन्यो । भवन बनेपछि इकाईको आर्थिक श्रोत थपियो भार कम भयो । ऋण नै गरेर बनाएको भएपनि भवनले यो संसथाको शिर उच्च बनाउने कुराका महत्वपुर्ण भुमिका खेलेको छ ।
यो इकाईमा व्यवसाय गर्ने जो व्यवसायी साथिहरु÷ अग्रजहरु संथाको उपल्लो निकाय ,क्षेत्र ,जिल्ला र महासंघमा प्रतिनिधित्व र नेतृत्व गरिरहनु भएको छ ,यो इकाईलाई यहाँसम्म पुर्याउन उहाँहरुको योगदान कहिँपनि कमि महसुस भएको छैन ।
इकाईले हरेक बर्षको दशैं ,दिपावली लगायत का महत्वपुर्ण चाडबाडहरुमा शुभकामना आदान प्रदान गर्ने , असार १५ मा दहि चिउरा खुवाउने ,बिभिन्न बिषयमा अन्तरकृया कार्यक्रमहरु निरन्तर गरिरहेको छ । यस्ता कार्यक्रमहरुबाट इकाई समिति बिचमा र ब्यबसायीहरुमा समेत भाईचाराको राम्रो सम्बन्ध बिकास भइरहेको छ ।
यो सामाजिक र आर्थिक परिबेशमा सामाजिक संस्था चलाउनु चानचुने कुरा हुँदै होईन तर हामिले हरेक अप्ठ्याराहरुलाई सहजिकरण गर्दै संस्थालाई अगाडी बढाउने प्रयत्न गरेका छौं । यो कार्यमा हाम्रा कार्यसमितिका साथिहरुको समेत उल्लेख्य भुमिका रहेको छ ।
हामिले यो इकाईको मातहतमा रहेर व्यवसाय गर्नुहुने तथा महासंघको नेतृत्व समेत गर्नुहुने अग्रज हरुको सल्लाह सुझाव लाई मनन गरेर संचारक्षेत्रमा लागेर सामाजिक रुपान्तरणको अभियानमा लागिरहेका मिडियाकर्मी सासथहरु लाई समेत सक्दो सहयोग गरिरहेका छौं । व्यवसायी र मिडियाकर्मी बिचको दुरी कम गरी सहज रुपमा अगाडी बढ्न यसले महत्वपुर्णभुमिका खेलेको छ ।
राज्यलाई कर नतिरीकनै एउटा वेल्डिङ मेशिन झोलामा बोकेर बजारलाई समस्या पारिरहेकाहरु बिरुद्ध हामि हिजो पनि निर्मम रुपमा लागेका हौं र अहिलेपनि छाड्ने वालामा छैनौं ।
व्यबसायी हरुलाई क्षमता अभिबृदि गराउने उदेश्यले साउण्ड सिस्टम सहितको कार्यक्रमको हल ब्यबस्थापन गरेका मात्र छैनौ बिभिन्न मिडिया हाउस र बिज्ञ टिम संग पनि सहकार्य गरिरहेकै छौं ।
हम्रो संस्था प्रति ब्यबसायीको बढ्दो बितृष्णाले आम ब्यबसायीको पिडाको औषधि बनेर हामिले काम गर्न नसकेको तथ्यलाई देखाई रहेको छ । यस्ता गंभिर बिषयहरुमा एकले अर्कोलाई आरोप लगाएर पन्छिन खोज्ने भन्दा पनि यो बिषयमा बृहत अध्ययन गरि बस्तुवादी र वैज्ञानिक योजना बनाएर कार्यन्वयन गराउन सक्ने नेतृत्व आजको आवश्यकता हो । यो अधिवेशनले त्यस्तै पात्रलाई नेतृत्वमा ल्याउनु पर्छ र ल्याउने छ भन्ने बिस्वास पनि छ ।
फलाम जन्य वस्तुको मुल्य बृद्धिको सन्दर्भमा महासंघको अनुगमन समिति ले चलाएको बिभिन्न अन्तरकृयाहरुमा हाम्रो इकाईको सकृय सहभागिता रह्यो । राजेश हार्डवयर बालाजु को कर्मचारीको लापर्वाहीले गरेको गल्तिलाई फेरी नदोहार्याउन हामिले सचेत मात्र गराएनौ काबार्हिको लागि सम्बन्धित निकायमा सिफरिस समेत गर्ने कार्यमा हाम्रो इकाईको तर्फबाट सहयोग पनि गरेका छौं ।
महासंघ बाट आएको पत्र तथा निर्देशन अनुसार अगाडी बढ्ने कुरामा हाम्रो कहिँकतै पनि बिमति छैन तर हाम्रो चाहना भनेको महासंघले देश काल र परिबेश अनुसारको नितिगत निर्णय गरेर कार्यन्वयन प्रकृयामा हामिलाई पनि सहजै सहभागि गराओस् भन्ने नै हो ।
हामि काठमाडौं जिल्लाको शाखाको रुपमा यो इकाई चलाइ रहेका छौं । त्यसैले होला हाम्रो अधिकार क्षेत्र केहि सिमित छ । नितिगत रुपमा यहाँनिर केहि प्रश्न जन्मिएका छन् । आम व्यबसायीको घर घरमा पुग्ने हामि , हरेक झंझटमा पर्ने हामि तर हामिलाइ दिईएको सिमित अधिकार कमि भएको हो कि ?
हामिले महासंघ मात्र होईन काठमाडौं जिल्लाले बनाएको हरेक योजनामा पनि उत्तिकै साथ र सहयोग गरेका छौं ।
जिल्लाले बनाएको कुनैपनि कार्यक्रम मा हाम्रो सकृय सहभागिता रहेकै छ । बागमती सफाई अभियानमा सामाग्री हस्तान्तरण योजनामा पनि हाम्रो सक्दो सहयोग रहेको छ ।
व्यबसायीहरुको उत्थान र हितको लागि बनाईएको संगठन भएको कारणले यो संस्थाले व्यवसायीहरुको हितमा योजना बनाउन सक्नुपर्छ । सिमित अधिकारका बाबजुद त यति काम गरिरहेका छौं भने केहि उल्लेख्य अधिकार सहित हामिलाई फिल्डमा पठाउने हो भने यो संस्थालाई छोटो समयमा उत्कृष्ट संस्था बनाउन सकिन्छ भन्ने हाम्रो बुझाई छ ।
ब्यबसायीहरुको जिवन बिमा , दुर्घटना बिमा ,लिगल ब्यापारिक पोलिसिको बारेमा ज्ञान दिनेकुरा , ग्रील तथा स्टील ब्यबसाय संग आश्रीतरहेका परिवारको सामाजिक शुरक्षा र शिक्षका कुरामा बिषेश ध्यान दिएर निति निर्माण गर्नेहो भने यो संस्थामा सबै ब्यबसायीहरु तुरुन्तै आउन राजि हुन्छन् । यस्ता बिषयमा संस्थाले कार्यनिति बनाएर राज्यको उपल्लो स्तर संग संवादगर्दै उचित पहलकदमी लिएमा व्यबसायीहरु लाभान्वित हुन सक्ने छन् ।
ग्रील तथा स्टील ब्यबसायमा सामुहिक लगानिको अभ्यास र वस्तुगत अवस्थालाई मुल्यांकन गरि योजना बनाउने हो भने यो देशकै एक नम्बरको संगठन बन्न सक्ने क्षमता राख्दछ ।
संस्थालाई मितव्ययी ढंगबाट सन्चालन गर्न तथा सामुहिकताको अभ्यासलाई ब्यबहारमा उतार्न हामिले पश्चिम क्षेत्र अन्तरगतको ४ वटा इकाईको संयुक्त साधारणसभा तथा अधिवेशन गर्ने योजना बनाएका हौं ।
आफ्नो कार्यकाल भरि मैले आफुले जानेको ,बुझेको र सकेको काम गरें जस्तो लाग्छ । भुलवस केहि अन्जानमा गल्ति गरेको भए एक सहयात्री सम्झेर क्षमा माग्न चाहान्छु । मैले जे जति सकें त्यतिनै गरें आउने नेतृत्वले यो संस्थालाई माथि उठाउन अझ धेरै काम गर्नेछ भन्ने आशा लिएको छु ।” बताउनु भयो ।
कार्यक्रममा आफ्नो मनतव्य राख्दै काठमाडौं जिल्लाका अध्यक्ष यज्ञदास श्रेष्ठले अरुलाई गालिगर्न आफु सक्षम हुनुपर्ने जिकिर गर्दै बोल्नु भन्दा पहिला दश पटक सोचेरमात्र बोल्न र ब्यबहार गर्न सबै समितिहरुलाई आग्रह गर्नु भयो ।
महासंघको महासिचवको हैसियतमा बोल्दै बिवेकदास श्रेष्ठले हाम्रा कुनै पनि संगठनहरु कमजोर नरहेको तर त्यसलाई सञ्चालन गर्ने नेतृत्वको भुमिकाले प्रभाव पारीरहेको वताउनु भयो ।
कार्यक्रममा महासंघका वरिष्ठ उपाध्यक्ष निरन्जन कुमार श्रेष्ठ , प्रथम उपाध्यक्ष ठुलोबाबु श्रेष्ठ ले पनि आफ्नो शुभकामना मनतव्य राख्नु भएको थियो ।
ग्रील तथा स्टील व्यवसायी संघलाई यहाँ सम्म ल्याउन महत्वपुर्ण भुमिका खेलेका महासंघका अध्यक्ष मोहन कटुवाल ले प्रमुख अतिथिको रुपमा आफ्नो मनतव्य राख्दै आउँदो अधिवेशन बाट आफुले नेतृत्व हस्तान्तरण गर्न लागेकोले अब आउने नेतृत्व सक्षम र सबल आउनुपर्नेमा सबैले जोड दिनुपर्ने बताउनु भयो ।
अधिवेशन बाट बालाजु ,चमती,खुसीबूँ इकाई अध्यक्षमा राजकुमार खड्का, सामाखुसी, गोङ्गबु इकाई अध्यक्षमा गोपाल बि.क. , सानो भर्याङ ,ठुलो भर्याङ इकाई अध्यक्षमा दिलिप लामा ,सितापाईला इकाइ अध्यक्षमा राजकुमार राई निर्विरोध निर्वाचित हुनु भएको छ भने पश्चिम क्षेत्रमा भने पुर्व अध्यक्ष शैलेस ठकुरीले नै अध्यक्षको जिम्मेवारी पाउनु भएको छ ।
ग्रील तथा स्टील व्यवसायी संघ काठमाडौं बाट पशुपति श्रेष्ठको संयोजकत्वमा राम प्रमोद ठाकुर र हरि प्रसाद लामिछाने सदस्य रहने गरि पठाईएको निर्वाचन समितिले सबै इकाई तथा पश्चिम क्षेत्रको निर्वाचन सम्पन्न गरि निर्वचित पदाधिकारीहरुलाई पद तथा गोपनियताको सपथ समेत आजै खुवाएको छ ।
निर्वाचित पदाधिकारीहरुले केहिदिनमै आफ्नो कार्यभार सम्हाल्ने क्षेत्रका अध्यक्ष शैलेस ठकुरीले बताउनु भयो ।कार्यक्रममा पाँचवटै इकाईका एक एक जना उत्कृष्ट व्यवसायी लाई दोसल्ला ओढाएर प्रमाणपत्र सहित सम्मान गरिएको थियो ।
महासंघका अध्यक्ष मोहन कटुवाल ,वरिष्ठ उपाध्यक्ष निरन्जन कुमार श्रेष्ठ र काठमाडौं जिल्ला अध्यक्ष यज्ञदास श्रेष्ठ लाई पनि दोसल्ला ओढाएर सम्मान तथा अतिथि र पत्रकारहरुलाई समेत मायको चिनो प्रदान गरिएको थियो ।
काठमाण्डौ – ग्रोइङ इन्टरप्रेनरशीप इकोसिष्टम एण्ड ईट्स च्यालेन्ज टु फ्युचर इकोनोमी अफ नेपाल विषयक व्यवसायिक छलफल सहित उद्यमशीलता सम्बन्धी ‘व्यावसायिक योजना’ प्रतियोगिता सम्पन्न भएको छ । चार दिन सम्म सहभागीहरुलाई विजनेश गर्ने तरिका र योजनाहरुको विषयमा प्रशिक्षण दिइसकेपछि पाँचौ दिनमा विजनेश प्लान कम्पिटिशन कार्यक्रमको आयोजना गरि उत्कृष्टलाई पुरस्कृत गर्दै कायक्रमको समापन गरिएको छ ।
युनि ग्लोव कलेज अन्गर्तको युनि ग्लोवल इन्टरप्रेनरशीप सेलको आयोजना तथा इन्टरनेशनल लेवर ओर्गनाइजेशन र सेल प्रोजेक्टको सहकार्यमा सम्पन्न भएको कार्यक्रममा प्रतिस्पर्धिहरु विच छलफल गरिएको थियो । छलफल कार्यक्रममा आईएलओको सेल प्रोजेक्सटको नेशनल प्रोजेक्ट कोडिनेटर प्रकाश शर्मा, ग्लोवल इक्वीटी फण्डका संस्थापक तथा प्रबन्ध निर्देशक मनिष थापा, महिला उद्यमी लक्ष्मी शर्मा, सरलमाइण्डको सिइओ अधिप पौडेयाल लगायतका व्यक्तित्वहरु प्यानल कोडिनेटरको रुपमा रहेका थिए । १ सय १७ जना सहभागी रहेको उक्त कार्यक्रममा सेलको अध्यक्ष आकाश कार्की, पिआर हेड प्रशान्त पाण्डेको समेत सहभागतिा रहेको थियो भने कार्यक्रमको सहजीकरण सपना जोशीले गरेकी थिईन ।
ग्रोइङ इन्टरप्रेनरशीप इकोसिष्टम एण्ड ईट्स च्यालेन्ज टु फ्युचर इकोनोमी अफ नेपाल विषयक शिर्षक राखेर आयोजना गरिएको उक्त प्रतियोगीतामा उत्कृष्ट विद्याथीले नगद रु १० हजार प्राप्त गरेका छन् । प्रतियोगीतामा साइकोन शिर्षकमा सबै भन्दा उत्कृष्ट प्रस्तुती दिदै युनि ग्लोव कलेजका विद्याथी प्रशन्न पाण्डे नगद सहित प्रथम हुदै पुरस्कृत भएका छन् ।
कार्यक्रममा पछिल्ला दिनमा नेपालको अर्थतन्त्र खस्कँदै जानु र नीति नियमहरू कार्यान्वयन हुन नसक्नुका कारण बारे छलफलमा सूक्ष्म विश्लेषण गरिएको थियो । नेपालको अर्थतन्त्र खस्कदै गइरहेको अवस्थामा किन निति नियमहरु कार्यन्वयन हुन सकिरहेको छैनन् र भाबी उद्यमीहरुले नेपालको अर्थतन्त्र चलायमान बनाउनको लागि खेल्न सक्ने भुमिकाको विषहरुमा पनि छलफल भएको थियो ।
