काठमाडौं – जन्मदिनमा मात्र सीमित रहेको केक काट्ने परम्परा आजकाल हरेक उत्सवको अपरिहार्य अंग बनेको छ। यही सन्दर्भमा नेपाल हाउस रेस्टुरेन्टका हातिसार र बालुवाटार शाखाहरूले आमाको मुख हेर्ने दिन (वैशाख कृष्ण औँसी) लाई लक्षित गर्दै विशेष प्रकारका केकहरू उपलब्ध गराउने घोषणा गरेका छन्।

"आमाको मुख हेरौं, मिठो केक सँगै मनाऔं" भन्ने भावनाका साथ नेपाल हाउसले आमाका लागि समर्पित आकर्षक डिजाइन र स्वादमा तयार पारिएका केकहरू बजारमा ल्याउन लागेको हो। ग्राहकहरूको मागअनुसार अण्डा नहुन सक्ने (इगलेस) केक पनि उपलब्ध गराइने जानकारी दिइएको छ।

नेपाल हाउसले केकको छिटो होम डेलिभरी सेवा समेत प्रदान गर्ने बताएको छ। साथै, आमाको मुख हेर्ने विशेष अवसरमा प्रत्येक केकमा विशेष छुटको व्यवस्था गरिएको छ।

थप जानकारीका लागि ग्राहकहरूले नेपाल हाउसको हातिसार शाखा (फोन: ०१–५९०२१९४), बालुवाटार शाखा (फोन: ०१–४५११०२२) वा वेबसाइट [www.nepalhouse.com.np](http://www.nepalhouse.com.np) मा सम्पर्क गर्न सक्नेछन्।

नेपाल हाउसले आमाको सम्मानमा मनाइने यस विशेष दिनलाई अझ मिठो, स्मरणीय र अर्थपूर्ण बनाउने लक्ष्य लिएको जनाएको छ। 

पारिवारिक जमघट, कर्पोरेट मिटिङ, विशेष समारोह तथा उत्सवहरूको लागि काठमाडौंको उपयुक्त गन्तव्यका रूपमा नेपाल हाउस परिचित बन्दै आएको छ। शान्त वातावरण, भरपर्दो सेवा र आधुनिक सुविधाहरूको संयोजनले नेपाल हाउसलाई छोटो समयमा नै लोकप्रिय बनाएको छ।

नेपाल हाउसले नेपाली कला, संस्कृति र मौलिक पहिचानलाई प्रवर्द्धन गर्दै पारिवारिक तथा सामाजिक एकता बलियो बनाउन विशेष कार्यक्रमहरू आयोजना गर्दै आएको सञ्चालक रुद्र शर्माले जानकारी दिए।

काठमाण्डौ  । नेपाल चेम्बर अफ कमर्सकी उपाध्यक्ष तथा नेपाल महिला चेम्बरकी अध्यक्ष उर्मिला श्रेष्ठले सेफहरूको पेशा आम नागरिकको भरोसा प्राप्त गर्ने जिम्मेवार पेशा भएको उल्लेख गर्दै, सेफलाई केवल भान्सामा सीमित गरेर चित्रण गर्नु अनुचित हुने धारणा व्यक्त गर्नुभएको छ।

“सेफहरू केवल भान्सामा सीमित हुनुपर्ने होइन, उनीहरू राष्ट्रका सांस्कृतिक दूत हुन्। प्रवासी सेफहरूले पर्यटन प्रवर्द्धन र आर्थिक कूटनीतिमा उल्लेखनीय भूमिका खेल्न सक्छन्,” श्रेष्ठले भन्नुभयो।

उहाँले “नेपाल पर्यटन प्रवर्द्धनमा पाककला र नेपाली सेफहरूको भूमिका” विषयक विचार गोष्ठी, प्रवासी नेपाली सेफ सम्मान कार्यक्रम तथा शुभकामना आदान–प्रदान कार्यक्रममा विशिष्ट अतिथिका रूपमा मन्तव्य दिँदै, यस्ता कार्यक्रमले देशको शिथिल अर्थतन्त्रलाई उकास्न सघाउने विश्वास व्यक्त गर्नुभयो।

“हामीले सेफलाई सम्मान गर्नु मात्र होइन, प्रवासी सेफहरूलाई नेपाल पर्यटनका दूतका रूपमा परिचालन गर्न सक्ने वातावरण बनाउन आवश्यक छ। आर्थिक कूटनीतिको माध्यमबाट पनि सेफहरूले देशको समृद्धिमा योगदान पुर्‍याउन सक्छन्,” श्रेष्ठले थप स्पष्ट पार्नुभयो।

कार्यक्रममा प्रमुख अतिथिका रूपमा पूर्व प्रधानन्यायाधीश तथा मन्त्रिपरिषद्का पूर्व अध्यक्ष खिलराज रेग्मीको उपस्थिति रहेको थियो। अन्य विशिष्ट अतिथिमा पर्यटनविद् कर्ण शाक्य, नेपाल बार एशोसिएसनका अध्यक्ष विजयप्रसाद मिश्र, होटल संघ नेपालका अध्यक्ष विनायक शाह, समाजसेवी एवं गैरआवासीय नेपाली अभियन्ता रुद्र शर्मा लगायतको उल्लेखनीय उपस्थिति थियो।

प्रमुख अतिथि रेग्मीले पनि पाककलाको माध्यमबाट नेपाली पहिचान प्रवर्द्धन गर्न सकिने बताउँदै, राष्ट्रिय परिकार र उत्पादनलाई प्राथमिकतामा राखेर पर्यटन क्षेत्रको विकास गर्नुपर्नेमा जोड दिनुभयो।

उक्त कार्यक्रम ग्लोरी मिडियाका अध्यक्ष सरोज ओझाको सभापतित्वमा तथा न्यूजलाईन्स मिडियाका प्रबन्ध निर्देशक राजु भट्टको संयोजकत्वमा सम्पन्न भएको हो।

काठमाडौ । घोरिवाला मार्टले वार्षिकोत्सवका अवसरमा आफ्ना ग्राहकहरूका लागि विशेष एनिभर्सरी अफर योजना ल्याएको छ । यस योजना अन्तर्गत मार्च २८ तारिख देखि घोरिवाला मार्टबाट सामानहरू खरिद गर्दा ग्राहकले ७० प्रतिशत सम्मको छुट पाउन सक्नेछन् । विगत साढे चार दशक देखि नेपाली हस्पिलिटी क्षेत्रमा सेवा दिँदै आएको घोरिवाला मार्टले बालकुमारी र रातोपुलबाट- ओशन ग्लासवेयर, रोयल थाई पोर्सिलेन, रोयल स्टिल, बारवेयर, एक्सेसरीज, क्रिस्टल, डेकोर, कार्पेट, होटेल वेयर,डिनरवेयर,ब्ल्यान्केट,गलैंचा, बेडसिट घर सजावट र उपहार वस्तुहरूका थोक तथा खुद्रा मूल्यमा विक्री वितरण गरिरहेको छ।

घोरिवाला मार्टले तारे होटल ,रिसोर्ट, रेस्टुरेन्ट,ब्याङ्केट, ट्रेनिङ्ग सेन्टर,होटल म्यानेजमेन्ट कलेज क्लब, बार, पार्टी–प्यालेस, क्यान्टिन, सुपर–मार्केट, ग्रोसरी मार्ट लगाएत घरयासी चाहिने किचेन लगायतका हरेक सामान सुपथ मूल्यमा विक्री गर्दै आइरहेको छ। मार्टबाट विगत ४७ वर्षदेखि ग्राहकको सन्तुष्टिलाई मध्येनजर गर्दै उकृत्ट सामानहरू विक्री वितरण भइरहेको छ। सेवाग्राही पनि हाम्रो सेवाबाट सन्तुष्ट रहेको निर्देशक विनय घोरिवालाले बताउनु भयो । यसका साथै घोरिवाला मार्टले बेला बेलामा विभिन्न स्किमहरू पनि सञ्चालन गर्दै आइरहेको छ ।

-एकेन्द्र थापा 

अमेरिका – संयुक्त राज्य अमेरिकाको डेनभरको पर्यटन मेलामा नेपालको पर्यटन प्रवर्द्धन गरिएको छ ।

कोलोराडो कन्भेन्सन सेन्टर मा यही मार्च ८ र ९ मा सञ्चालित ‘एडभेन्चर ट्राभल शो २०२५ मा नेपाल पर्यटन बोर्डको नेतृत्वमा नेपाल पर्यटन बोर्डका कार्यवाहक निर्देशक लक्ष्मण गौतम र वरिष्ठ अधिकृत खेमराज तिमल्सेनाका साथै विभिन्न नेपाली कम्पनीहरूले सहभागिता जनाएका थिए ।

उक्त शोमा नेपाल  बाट नमस्ते टुरिज्म एण्ड होलिडेज प्रालि, अल्पाइन क्लब अफ हिमालय,सतोरी एडभेन्चर प्रालि,ओझा होलिडेज टुर्स एण्ड ट्रेक्स प्रालि,३ सिस्टर्स एडभेन्चर ट्रेकिङ प्रालि,सम्राट टुर्स एण्ड ट्राभल्स प्रालि,एक्सपिडिसन हिमालय,वेल नेपाल ट्राभल एण्ड टुर्स,हिमालयन गाइड्स नेपाल ट्रेक्स एण्ड एक्सपिडिसन प्रालिले सहभागिता जनाएका हुन् ।

कार्यक्रममा नेपाल पर्यटन बोर्डका कार्यवाहक निर्देशक लक्ष्मण गौतमले नेपालको पर्यटन रमणीय स्थान,साहित्य संस्कृति विश्वमै अब्बल रहेको सन्देश दिनु भयो ।

नेपाल पर्यटन बोर्डका वरिष्ठ अधिकृत खेम ​​राज तिमल्सेनाले अमेरिकी पर्यटनकलाई नेपाल भित्र्याउनका लागि शो आयाेजना गरिएकाे बताए।शोमा आएका भिजिटरहरूलाई नेपालमा पर्यटनका लागि ट्राभल एण्ड एड्भेन्चरबाट प्राप्त गर्ने अवसर गतिविधिहरूबारे तिमल्सेनाले जानकारी गराएका थिए ।

नेपालको प्राकृतिक सौन्दर्य अद्वितीय मनमोहक परिदृश्य, समृद्ध सांस्कृतिक धरोहर र रोमाञ्चकारी साहसिक पर्यटनबारेमा मेलामा जानकारी गराइएको मेलामा सहभागी नमस्ते टुरिज्म एण्ड होलिडेज प्रालिका सञ्चालक नानुकाजि अर्यालले जानकारी दिए ।

ट्राभल एण्ड एड्भेन्चर शो आउनेमध्ये नेपाल पर्यटन बोर्डले दिने विशेष उपहार योजनाअन्तर्गत भाग्यशाली बिजेता पाउला सेफर्टले ‘एभरेस्ट बेस क्याम्प ट्रिप’ जित्ने अवसर पाउनु भयो। 

दुई दिनसम्म सञ्चालित उक्त मेलामा नेपालसहित बिभिन्न देशका करिब २५० स्टलहरू राखिएका थिए । झन्डै ११ हजारभन्दा बढी आगन्तुकहरूले प्रदर्शनीको भ्रमण गरेका थिए।

काठमाडौं ।  नेपाली खानाको मौलिकता र सांस्कृतिक पहिचानलाई विश्वभर प्रवर्द्धन गर्ने उद्देश्यले अन्तर्राष्ट्रिय नेपाली फुड फेस्टिभल आयोजना गर्न लागिएको छ । विश्वभर छरिएर रहेका नेपाली सेफहरूको पहलमा नेपाली सेफ सोसाइटी र अन्तर्राष्ट्रिय नेपाली सेफ सोसाइटीको संयुक्त आयोजनामा यो भव्य कार्यक्रम वैशाख ६ गते काठमाडौंको भृकुटीमण्डपस्थित प्रदर्शनी मार्गमा आयोजना गर्न लागिएको हो।

यस ऐतिहासिक कार्यक्रममा मध्यपूर्व, युरोप, अमेरिका लगायत ३६ देशमा कार्यरत करिब ५ हजार नेपाली सेफ प्रतिनिधिहरू सहभागी हुनेछन्। नेपाली पर्यटन प्रवर्द्धनको दिशामा यो महत्वपूर्ण कोसेढुंगा सावित हुने विश्वास लिइएको छ। नेपाल पर्यटन बोर्ड, पर्यटन मन्त्रालय र परराष्ट्र मन्त्रालयको समेत सहयोग रहने यस कार्यक्रममा नेपाली खानाको स्वाद चाख्न र नेपाली पाककला प्रवर्द्धन गर्न विभिन्न गतिविधिहरू समेटिएका छन्।

कार्यक्रममा 'प्रथम केन्द्रीय अधिवेशन तथा फुड फेस्टिभल २०२५ को आयोजना गरिनेछ, जसअन्तर्गत नेपाली खानाको स्तर उन्नति र नेपाली सेफहरूको व्यक्तित्व विकासमा केन्द्रित विभिन्न गतिविधि समावेश गरिनेछ। फेस्टिभलको प्रमुख आकर्षणमध्ये सेफ अवार्ड वितरण, सामाजिक अवार्ड प्रदान, सोसाइटीको आफ्नै पुस्तक विमोचन, मौलिक तथा लोपोन्मुख सांस्कृतिक झाँकी प्रदर्शन, अन्तर्राष्ट्रिय सेफ सम्मेलन, इन्टरकलेज फुड प्रतियोगिता, र नेपाली खानाको प्रदर्शनी प्रमुख रहनेछन्।

फेस्टिभलको दौरान विभिन्न देशका नेपाली सेफहरूद्वारा तयार पारिएका ४० ओटा खानाका स्टलहरू राखिने छन्, जसमा नेपाली परम्परागत परिकारदेखि आधुनिक परिकारसम्मको प्रदर्शनी गरिनेछ। नेपाली खानाको माध्यमबाट नेपालका सांस्कृतिक पक्षहरूलाई विश्वसामु चिनाउने लक्ष्य रहेको आयोजकहरूले बताएका छन्। साथै, कार्यक्रममा सेफहरूबीच ज्ञान आदान–प्रदान हुने र उनीहरूको पेशागत उन्नतिमा टेवा पुग्ने अपेक्षा गरिएको छ।

अन्तर्राष्ट्रिय नेपाली सेफ सोसाइटीका केन्द्रीय संयोजक अरुण अधिकारीका अनुसार यो फेस्टिभलले नेपाली सेफहरूलाई एकताबद्ध गर्न मात्रै होइन, नेपाली खानालाई अन्तर्राष्ट्रिय स्तरमा प्रवर्द्धन गर्न पनि ठूलो योगदान दिनेछ। त्यस्तै, सोसाइटी नेपालका महासचिव गिरिराज भट्टले पनि यस फेस्टिभलले नेपालका पाक उद्यमलाई अन्तर्राष्ट्रिय स्तरमा स्थापित गर्ने जनाएका छन् ।  'यस महोत्सवले नेपाली खानाका परिकारहरूलाई विशेष रूपमा प्रचारप्रसार गर्दै पर्यटन प्रवर्द्धनमा टेवा पुर्याउनेछ भन्नेमा हामी विश्वस्त छौं' उनले भने।

यस फेस्टिभलसँगै अन्तर्राष्ट्रिय नेपाली सेफ सोसाइटीको प्रथम महाधिवेशनको तयारी पनि तीव्र रूपमा भइरहेको छ। महाधिवेशनमा आगामी कार्यकालका लागि नयाँ नेतृत्व चयन गरिनेछ। हालसम्म ११ देशमा अधिवेशन सम्पन्न भइसकेको र अन्य मुलुकहरूमा प्रक्रिया जारी रहेको जानकारी प्रवक्ता युवराज तामाङले जानकारी दिए।

नेपाली सेफ सोसाइटीले नेपालभित्र र बाहिर रहेका नेपाली सेफहरूलाई एकसाथ जोड्ने कार्य गरिरहेको छ। २०१८ मा युएईबाट सुरु भएको यो संस्था हाल ३६ देशमा फैलिइसकेको छ। नेपाल सरकारको परराष्ट्र मन्त्रालयमा दर्ता भइसकेको यस संस्थाले नेपाली खानाको प्रवर्द्धन गर्दै सेफहरूको हकहितको लागि विभिन्न गतिविधि सञ्चालन गरिरहेको छ।

यस भव्य फेस्टिभलले नेपाली खानाको लोकप्रियता अन्तर्राष्ट्रिय स्तरमा अझ फैलाउने र नेपाली पर्यटन प्रवर्द्धनमा नयाँ आयाम थप्ने अपेक्षा गरिएको छ।

माघ २८, काठमाडौं । गुणस्तरीय मासुको व्यवसायमा छुट्टै पहिचान बनाउन सफल सिन्धु फुड प्रोडक्स प्रालि टोखाले भब्य बनभोज कार्यक्रम सम्पन्न गरेको छ ।

सोमबार नगरकोट हिलसाइट भिलेज रिसोर्टमा संचालक,स्टाफ अन्य उत्साहजनक सहभागिताका बीच मनोरञ्जनात्मक क्रियाकलापका साथ पिकनिक कार्यक्रम सम्पन्न भएको हो ।

पिकनिकमा सहभागीहरुलाई सम्बोधन गर्दै कम्पनिका प्रबन्ध निर्देशक बद्री बस्नेतले पछिल्लो समय हामी काममा धेरै व्यस्त भयौँ त्यसैले यस्ता खालका रिफ्रेस्मेन्ट भेटघाट कार्यक्रमहरुले पारस्परिक भाइचारा, सद्भाव र सौहाद्रता कायम गर्ने भएकाले सिन्धु फुड प्रोडक्स प्रालिले पिकनिक आयोजना गरेको बताए । साथै आगामी दिनमा पनि निरन्तरता दिने भन्दै उत्साहाजनक सहभागिताका लागि धन्यबाद दिए।

सिन्धु फुड प्रोडक्स प्रालि टोखाले ताजा र स्वच्छ मासु उपलब्ध गराउनको लागि उत्पादन गर्नेदेखि आधुनिक प्रविधिको फ्रेस हाउसको अवधारणा सहित हस्पिलिटी क्षेत्र होटल ,रिसोर्ट ,रेस्टुरेन्ट,क्लब,बार, पार्टी–प्यालेस, क्यान्टिन, सुपर–मार्केट, ग्रोसरी मार्ट लगाएतलाई गुणस्तरीय स्वस्थ्य वर्द्धक सम्पूर्ण मासुजन्य परिकारको सुपथ मूल्य खरिदबिक्री गर्दै आएको छ।

काठमाडौं – नेपाल व्यवस्थापन संघ (म्यान)ले वर्ष २०२४ का लागि प्रदान गर्ने ‘म्यानेजर अफ द इयर’ अवार्डबाट साल्ट ट्रेडिङ कर्पोरेसन लिमिटेडकी प्रमुख कार्यकारी अधिकृत (सीईओ) उर्मिला श्रेष्ठ सम्मानित हुनुभएको छ। संघको ४४औं वार्षिक साधारणसभा तथा राष्ट्रिय व्यवस्थापन सम्मेलनका अवसरमा उहाँलाई यो प्रतिष्ठित अवार्ड प्रदान गरिएको हो।साल्ट ट्रेडिङको वित्तीय सुदृढता, बजार विस्तार, तथा सामाजिक कल्याणका क्षेत्रमा उहाँले पुर्याएको योगदानको उच्च मूल्यांकन गर्दै छनोट समितिले उहाँलाई ‘म्यानेजर अफ द इयर’ अवार्ड प्रदान गर्ने निर्णय गरेको संघले जनाएको छ । श्रेष्ठको नेतृत्वमा साल्ट ट्रेडिङ देशकै प्रभावशाली सार्वजनिक संस्थामध्ये एकका रूपमा स्थापित भई अग्रणी स्थानमा उभिन सफल हुनुभएकाले उहाँलाई ‘म्यानेजर अफ द इयर’ अवार्ड प्रदान गरिएको संघले स्पष्ट समेत पारेको छ । 

साल्ट ट्रेडिङमा श्रेष्ठको योगदान

श्रेष्ठले विगत लामो समयदेखि साल्ट ट्रेडिङ कर्पोरेशनमा निरन्तर योगदान पु¥याउँदै आउनुभएको छ। उहाँले २००७ देखि संस्थाको सीईओको रूपमा नेतृत्व सम्हाल्दै संस्थालाई आर्थिक रूपमा मजबुत बनाउनुका साथै व्यवस्थापन क्षमतामा उल्लेखनीय सुधार ल्याउनुभएको छ । 

नेपालभर नुन वितरणको राष्ट्रिय जिम्मेवारी पूरा गर्नु मात्र नभई, व्यापार विविधिकरण  गर्दै साल्ट ट्रेडिङलाई दिगो आर्थिक वृद्धि र सामाजिक उत्तरदायित्वमा समेत अग्रणी बनाउने उहाँको भूमिका निर्णायक रहदै आएको छ। नेपालका शहरदेखि दुर्गम क्षेत्रसम्म आवश्यक मात्रामा नुन आपूर्ति सुनिश्चित गर्न रणनीतिक योजना लागू गर्ने कार्यदेखी संस्थालाई एकल व्यवसाय मोडलबाट बहुआयामिक व्यापारिक रणनीतितर्फ रूपान्तरण गर्दै आयआर्जनका स्रोतहरू फराकिलो पार्ने योजनामा उहाँले महत्वपूर्ण कार्य गर्नुभएको छ । त्यस्तै साल्ट ट्रेडिङलाई आर्थिक रूपमा सुदृढ र आत्मनिर्भर बनाउन दूरदर्शी नीति अपनाउनुका साथै समुदायलाई लक्षित विभिन्न कार्यक्रम तथा कल्याणकारी योजनाहरू सञ्चालन गर्नमा पनि उहाँको अह्म भूमिका रहदै आएको छ । कर्मचारी व्यवस्थापन, प्रविधिको अधिकतम उपयोग र सेवा सुधारमा विशेष ध्यान दिदै संगठनको चुस्त व्यवस्थापन कार्यमा उहाँको योगदान अतुलनिय छ । 

सम्मान ग्रहण पश्चात श्रेष्ठले प्रतिक्रिया दिदै योआफ्नो सफलता संस्थाका सम्पूर्ण कर्मचारी, व्यवस्थापन टोली र साझेदारहरूको साथ सहयोगबाट मात्र संभव भएको बताउनु भन्नुभयो 'यो अवार्ड मेरो मात्र होइन, साल्ट ट्रेडिङ परिवारको सम्पूर्ण टिमको मेहनतको परिणाम हो। संस्थाको दिगो विकास, पारदर्शिता, र सामाजिक उत्तरदायित्वप्रति हाम्रो प्रतिबद्धता यही सम्मानका लागि प्रेरणा बनेको छ।' 

उर्मिला श्रेष्ठको नेतृत्व, दूरदर्शिता र व्यवस्थापन कुशलता कर्मचारी र नेपाली व्यावसायिक क्षेत्रका लागि प्रेरणाको स्रोत रहदै आएको साल्ट ट्रेडिङका सहायक सिईओ ब्रजेश कुमार झाले बताउनुभएको छ। 

‘म्यानेजर अफ द इयर’ अवार्डको महत्व

नेपाल व्यवस्थापन संघले हरेक वर्ष व्यवस्थापन क्षेत्रमा उल्लेखनीय योगदान पुर्याउने एकजना उत्कृष्ट व्यवस्थापकलाई यो अवार्ड प्रदान गर्दै आएको छ। यस अवार्डले नेपाली व्यवस्थापकहरूको पेशागत क्षमता र नेतृत्व प्रतिभालाई उच्च सम्मान गर्दै थप प्रेरित गर्ने उद्देश्य बोकेको छ। यस अवार्डलाई नेपाली व्यवस्थापकहरूको क्षमता र नवाचारलाई अन्तर्राष्ट्रिय स्तरमा समेत स्थापित गर्ने एउटा महत्वपूर्ण अवसरका रूपमा हेरिदै आईएको छ।

 -हरेक वर्षझैं यस वर्ष पनि इंडेक्स एक्सचेन्जले आफ्ना ग्राहकहरूका लागि भाग्य बदल्ने अफर ल्याएको छ। इंडेक्स एक्सचेन्जले रमदानको पावन महिनालाई विशेष बनाउन, शान ए रमदान सिजन चार अन्तर्गत यस बार, बुल्डोजरको वार भन्ने नारा सहित एक विशेष प्रवर्द्धन सुरु गरेको हो । यो योजना मार्च २९, २०२५ सम्म लागू हुने कंपनीले जनाएको छ। यस प्रवर्द्धन अन्तर्गत, इंडेक्स एक्सचेन्जको संयुक्त अरब इमिरेट्सभरि रहेका कुनै पनि शाखाबाट आफ्ना प्रियजनलाई पैसा पठाउने ग्राहकहरूले हरेक दश दिनमा भाग्यशाली चिट्ठा मार्फत शानदार उपहार जित्ने मौका पाउनेछन्। उपहारहरूमा चार वटा गाडी,सुन,नगद र नेपालमा घर समेत समावेश छन्।

बुल्डोजर – हिम्मत, साहस, भरोसा र शक्तिको प्रतीक

इंडेक्स एक्सचेन्जले यस वर्षको अभियानमा बुल्डोजरलाई हिम्मत, साहस, आत्मविश्वास र शक्तिको प्रतीकका रूपमा प्रस्तुत गरेको छ। यस प्रवर्द्धनको मुख्य उद्देश्य विदेशमा संघर्ष गरिरहेका आप्रवासी श्रमिकहरूको मेहनतलाई सम्मान गर्नु रहेको जनाईएको छ । आर्थिक कठिनाइ, पारिवारिक जिम्मेवारी, र चुनौतीहरू सामना गर्दै देशको अर्थतन्त्रमा योगदान पुर्‍याउने प्रवासी नेपालीहरूमा समर्पित गरिएको र बुल्डोजरले जस्तै आफ्ना दुख, बाधा, र समस्या भत्काएर जीवनको बाटो सरल बनाउन प्रेरित गर्ने सन्देश यस अभियानले बोकेको पनि कंपनीले जानकारी दिएको छ। यस प्रवर्द्धनमा सहभागी भई हरेक दश दिनमा हुने भाग्यशाली चिट्ठा मार्फत आफ्नो भाग्य बदल्ने अवसर लिनसक्नेछन्। इंडेक्स एक्सचेन्जका प्रमुख कार्यकारी अधिकृत सैयेद अब्दुस सलामले संयुक्त अरब इमिरेट्समा रहेका सबै नेपाली समुदायलाई यस अभियानमा सहभागी हुन आह्वान गर्नुभएको छ।

इंडेक्स एक्सचेन्ज – भाग्य बदल्ने अवसरहरू

हरेक वर्ष, इंडेक्स एक्सचेन्जले विभिन्न आकर्षक प्रवर्द्धनहरू आयोजना गर्दै आइरहेको छ। पछिल्ला वर्षहरूमा थुप्रै नेपालीहरूले बहुमूल्य उपहार जितिसकेका छन्। प्रमुख व्यापार प्रबन्धक मिर के रसूलका अनुसार, अघिल्लो प्रवर्द्धनमा एक नेपाली ग्राहकले नेपालमा घर जितेका थिए भने कैयौँले लाखौं रुपैयाँ नगद पुरस्कार प्राप्त गरेका थिए। यसबाहेक, इंडेक्स एक्सचेन्जले वित्तीय साक्षरता कार्यक्रमहरू पनि सञ्चालन गर्दै आएको छ। केही महिना अघि, अबकी बार, हुण्डी पे वार भन्ने नारासहित संयुक्त अरब इमिरेट्सभरि अवैध विप्रेषण (हुण्डी) विरुद्ध सचेतना अभियान सञ्चालन गरिएको थियो। त्यसपछि, नेपाली समुदायलाई लक्षित गर्दै विन ए मिलियनको तेस्रो संस्करण ल्याइएको थियो, जसअन्तर्गत दश लाख नगद पुरस्कार र कैयौँ नेपाल जाने हवाई टिकट वितरण गरिएको थियो। कम्पनीले आगामी दिनहरूमा पनि नेपाली समुदायका लागि आकर्षक अफरहरू ल्याइरहने नेपालका लागि इंडेक्स एक्सचेन्जका प्रतिनिधि नवीन पौडेलले जानकारी दिएका छन् ।

 काठमाडौं – उद्योग, वाणिज्य तथा आपूर्ति मन्त्री दामोदर भण्डारीले चेम्बर एक्स्पोले नेपाली उत्पादन तथा सेवाको विश्वव्यापी प्रचार–प्रसारमा महत्वपूर्ण भूमिका खेलेको बताउनुभएको छ। उहाँले नेपाली उत्पादक तथा किसानहरूले उत्पादन गरेका ब्रान्डहरूको प्रवर्द्धनमा यस्ता एक्स्पोहरू प्रभावकारी माध्यम बन्न सक्ने उल्लेख गर्नुभयो।

चेम्बर एक्स्पो अवलोकन गर्ने क्रममा मन्त्री भण्डारीले नेपाल सरकार र निजी क्षेत्र मिलेर मुलुकको अर्थतन्त्र सुदृढ बनाउन यस्ता मेलाहरू अपरिहार्य रहेको धारणा व्यक्त गर्नुभयो। साथै, नेपालमा सूचना प्रविधि (आईटी) सम्बन्धी नयाँ कानुनले नेपाली आईटी उद्योगलाई अन्तर्राष्ट्रिय स्तरमा प्रवर्द्धन गर्न मद्दत गर्ने बताउनुभयो।

कार्यक्रममा मन्त्री भण्डारीलाई नेपाल चेम्बर अफ कमर्सका अध्यक्ष कमलेश कुमार अग्रवाल, निवर्तमान अध्यक्ष राजेन्द्र मल्ल, उपाध्यक्षहरू उर्मिला श्रेष्ठ, दीपक श्रेष्ठ, सुरेन्द्र कुमार​ श्रेष्ठ, लगायतले स्वागत गर्नुभएको थियो ।। अवलोकनका क्रममा मन्त्री भण्डारीले उद्योगी व्यवसायीहरूलाई हौसला प्रदान गर्दै उत्पादन र व्यापारको प्रवर्द्धनमा सरकारको सहयोग निरन्तर रहने प्रतिबद्धता व्यक्त गर्नुभयो।

बुटवल ।राष्ट्रिय दुग्ध विकास वोर्डद्वारा आयोजित दुध तथा दुग्ध पदार्थ ढुवानी सवारी साधनमा प्रयोग हुने प्रतिक चिन्ह ९ लोगो० प्रचारप्रसारका लागि अन्तरक्रिया कार्यक्रम लुम्बिनी प्रदेशको बुटवलमा राष्ट्रिय दुग्ध विकास बोर्डका कार्यकारी निर्देशक डा राजेन्द्र यादवको अध्यक्षतामा सम्पन्न भएको छ । उक्त कार्यक्रममा पशु सेवा विभागका उपमहानिर्देशक डा. लेखराज दाहालको विशेष उपस्थिति र नेपाल डेरी एसोसिएसनका अध्यक्ष प्रल्हाद दाहाल, राष्ट्रिय दुग्ध विकास बोर्डका निर्देशक दिपेन्द्र अधिकारी, लेखा प्रमुख ओम खरेल, एशोसिएसनका उपाध्यक्ष दिप प्रसाद धमला, महासचिव हेमचन्द्र खनाल, उपमहासचिव विजय चौरासीया, सहसचिव शिव भुसाल, बागमती प्रदेशका अध्यक्ष टिका प्रसाद घिमिरे र लुम्बिनी प्रदेशका अध्यक्ष थानेश्वर न्यौपाने, केन्द्रिय सदस्य निराजन कोइराला, डिडिसि बुटवल आयोजनाका कृष्ण अर्याल र योगेन्द्र शाह, केन्द्रिय दुग्ध सहकारीका केन्द्रिय सदस्य हरि काफ्ले, देवदह नगरपालिका पुर्व मेयर एवं नेपाल डेरी एसोसिएसनका सल्लाहकार हिरा केसि एवं लुम्बिनीका अन्य किसानहरु, लुम्बिनी विशिष्टिकृत सहकारी संघका अध्यक्ष ज्ञानुु पौडेल, लुम्बिनी प्रदेशका डेरी उद्योगका प्रतिनिधिहरुको बाक्लो उपस्थिति रहेको थियो ।

कार्यक्रममा उपस्थित अतिथिहरु सबैलाई आयोजकको तर्फबाट स्वागत गर्दै बोर्डका प्रशासनिक प्रमुख बिदुर राईले कार्यक्रमको बारे प्रष्ट पार्नु भयो र सबै डेरी उद्योगमा चल्ने गाडीमा लोगो लगाउन अनुरोध गर्दै उपस्थित सबैलाई स्वागत गर्नु भयो । शुभकामना सहित मन्तव्य राख्ने क्रममा नेपाल डेरी एसोसिएसनका महासचिव हेमचन्द्र खनालले सबै डेरी उद्योगले लोगो लगाउन सक्ने वातावरण बनाउन र सबैतिर प्रचारप्रसार गर्न बोर्डलाई अनुरोध गर्नुभयो । नेपाल डेरी एसोसिएसनका अध्यक्ष प्रल्हाद दाहलले लोगोको महत्त्व बारे प्रकाश पार्दै सबै डेरी उद्योगका गाडीहरूमा अनिवार्य लोगो प्रयोग गर्न अनुरोध गर्दै लोगो प्रयोगमा ल्याउन बोर्डले खेलेको भुमिकालाई एसोसिएसन परिवार विशेष धन्यवाद दिन चहान्छ भन्ने कुरा बताए ।

एसोसिएसन लुम्बिनी प्रदेशका अध्यक्ष थानेश्वर न्यौपानेले बोर्डले अत्यन्तै राम्रो काम गरेको र नेपाल डेरी एसोसिएसनले चाँडै सबै उद्योगमा लोगो लगाउने प्रतिबद्धता ब्यक्त गर्दै आगामी दिनमा पनि बोर्डले यस्तै खालका सकारात्मक कदम चाल्ने कुरामा आशाबादी रहेको बताउनु भयो र सहजीकरण गर्न आग्रह गरे । पशु सेवा विभागका उपमहानिर्देशक लेखराज दाहालले यसरी दुध ढुवानी सवारी साधनमा लोगो प्रयोग गर्ने काम सार्है राम्रो भएको र यसमा अझ सुरक्षा निकायलाई समेत राखि वितरण गर्दा झन् प्रभावकारी हुने कुरा बताउनु बताए ।

डिडिसी बुटवल आयोजनाका प्रमुख अर्यालले फर्मल र इनफर्मल डेरीको बारे बोल्दै अब फर्मल डेरी उद्योगलाई चलाउनै कठिन भएको कुरा बताउँदै अब इनफर्मल डेरीलाई फर्मल सेक्टरमा ल्याउन सरोकारवाला सबै लाग्नुपर्ने बताउनु भयो । केन्द्रिय दुग्ध सहकारीका केन्द्रिय सदस्य हरि काफ्लेले लोगो लगाउँदा ढुवानीमा सहजता हुनुको साथै गुणस्तरमा पनि सुधार हुने कुरामा विश्वास रहेको बताउँदै अब मन्त्रालयले पनि यो कुरामा सरोकारवालाहरुलाई बेला बेला सजग गराउने कुरा बताए ।

अन्त्यमा कार्यक्रमका सभापति एवं राष्ट्रिय दुग्ध विकास बोर्डका कार्यकारी निर्देशक डा। राजेन्द्र यादबले यो लोगो भनेको राष्ट्रिय दुग्ध विकास बोर्डको मात्र नभएर सबै सरोकारवालाहरुको सफलता हो । अब सबैले यसलाई आफ्नो सम्झेर यसको प्रयोगमा लाग्न आग्रह गर्दै राष्ट्रिय दुग्ध विकास बोर्ड सधैं किसान, उद्योग र समग्र दुग्ध क्षेत्रको विकासमा लाग्ने कुरा बताउँदै नो रिटर्न कार्यक्रम अगाडि बढाउन बोर्ड कटिबद्ध रहेको र त्यसमा सबैले सहयोग गर्न आग्रह गर्नु भयो । बोर्डले राष्ट्रिय दुग्ध निति पास गरिसकेको र अब चाँडै कार्यविधि बनाई सरोकारवालाहरुलाई समेटेर अगाडि बढ्ने कुरा बताउनु भयो ।