काठमाण्डौ – सामाजिक सचेतनाको बुलन्द आवाज बोकेको सन्देशमुलक गीत ”बोल देउता बोल” सार्वजनिक भएको छ । प्राज्ञ ज्योती प्रकाशको स्वर तथा संगीत रहेको उक्त गीतलाई चन्द्र भट्टचनले लेखेका हुन् ।
समाजमा उतल्लो र उपल्लो समुदाय वा जात भनेर गरिने विभेद विरुद्ध आवाज बुलंद गरिएको गीतमा विषेशत एउटा मुर्तिकारले बनाएको मुर्ति मन्दिरमा स्थापना गरे पछि स्वयं मुर्तिकारलेनै त्यसलाई छुन वा पुजा गर्न नपाएपछिको पिडालाई सम्बोधन गरिएको छ ।
सामाजिक विकृति विरुद्ध आवाज उठान गर्ने उक्त गीतलाई बरिष्ठ संचारकर्मी एवं गीतकार शान्तिप्रियले निर्देशन गरेका छन् भने भिडियोमा चलचित्र निर्देशक माधव राज खरेलको अभिनय देख्न सकिन्छ । हुन त यस अधि खरेलले थुप्रै चलचित्रहरुमा फरक फरक भुमिकामा आफ्नो अभिनय क्षमता देखाई सकेका छन् । भिडियोमा खरेलका अलावा चर्चित गीतकार लोकराज अधिकारी, गीतकार एवं संचारकर्मी सुमन बैरागी, संचारकर्मी राजन थापालाई पनि देख्न सकिन्छ ।
गोविन्द अन्जानको छायांकन रहेको उक्त गीतलाई विकास धमलाले सम्पादन गरेका हुन् । राजु कार्कीको संगीत संयोजन रहेको उक्त गीतको रेर्डिङ स्टुडियो सुर संगीत रहेको छ । सामाजिक सचेतनाको लागी तैयार पारिएको गीत र भिडियोलाई दर्शक स्रोताहरुले मन पराउनेमा आफुहरु आशावादी रहेको यसका निर्देशक शान्तिप्रिय र संगीतकार एवं गायक ज्योती प्रकाशले बताएका छन् । भिडियोलाई ज्योती प्रकाश अफिसियल युटुव च्यानल मार्फत सार्वजनिक गरिएको छ ।
काठमाण्डौ -सर्व प्रथम सबैमा २०७८ सालको हार्दिक मंगलमय शुभकामना ब्यक्त गर्दछु।यो बर्ष हजुरहरुको लागि उपलब्धि मुलक,सुखी र कर्मशिल होस् । पशुपतिनाथले हामी सबैको रक्षा एवं कल्याण गरून् ।
२०७८ सालको कुरा गर्दा यो सालको सम्वत्सार नाम राक्षस हो।यो बर्षको राजा मंगल ग्रह हो भने मन्त्री पनि यो बर्ष मंगल ग्रह नै हो । मंगल् ग्रहको कारण यो बर्ष देशमा आपराधिक घटनाहरुमा वृद्धि हुनेछ । नशा एबम मुटु रोगिमा वृद्धि हुने देखिन्छ । यो बर्ष सेनाको बिकास शक्ति एबम हतियारमा वृद्धि भयता पनि सेना एबम सुरक्षा निकायहरु अलि आक्रमक हुदा बिबादास्पद कार्यमा धेरै पटक मुछिने छन । चिकित्सा क्षेत्र ठुलो खोज बिकास होला । उद्योग एबम व्यपार मध्यम होला बैंक ,वित्तीय सस्था एबम शहकरी सस्थामा अलि झमेला एबम विवाद देखिएला । मासुजन्य कृषि उत्पादन एबम ब्यापारमा वृद्धि होला । खेतीपति ,जल ,दुधजन्य पदार्थका काममा यो बर्ष तेति राम्रो नहोला । बर्षा एबम हिमपात मौसम अनुकुल नहुदा जनजीवन प्रभावित होला । अग्निभय,सिमा विवाद ,राजनीतिक खिचातानी बढेर जानेछ।शासन बर्ग कठोर भैई नियम कानुन कडा हुन् सक्ने बर्ष पर्दछ ।
ग्रहमंडलीय अवस्थाको आधारमा यो बर्ष चन्द्र कुन्डलीलाई मात्र आधारले हेर्दा १२ राशिहरुलाइ निम्न अनुसार फल मिल्ने छ ।
मेष राशी ः बर्षको सुरु संगै जोस जागर बढेर जानेछ । ज्ञान एवं बौद्धिकताको सहि सदुपयोगबाट आय, कर्म तथा भाग्यमा वृद्धि होला । परिवारिक, प्रेम एबम दम्पतय जीवन सुखमय होला । बोलिमा नियन्त्रण एबम अनावश्यक खर्चमा ध्यान राख्नु होला । भौतिक सुख एबम सम्पतिमा वृद्धि हुने हुँदा अत्मबिस्वाश बढेर जानेछ ।
बृश राशी ः– बर्ष सामान्यतया मध्यम होला । मान सम्मानमा कमी आउनुका साथै साझेदार, जीवनसाथी बिच मनमुटाव एवं सुखमा कमी होला । जीवन साथीको स्वास्थ्यमा बिशेष सावधानी राख्नु होला । आय सोचे जस्तै होला । हरेक कार्य गर्दा मेहनत तथा जिम्मेवार भएर गर्नु होला । वैदेशिक काममा भने सफलता पाउने योग छ ।
मिथुन ः– यो बर्ष काम काजमा सफलता मिल्नेछ । सरकरी तथा राज्य बाट सहयोग मिल्नेछ । कार्य एवं व्यापार वृद्धिले आर्थिक स्थिति मजबुत होला । धर्ममा विशेष रुचि जानेछ । पारिवारिक जीवन सुखमय होला ।
कर्कट ः– आय एवं कार्यमा बिलम्ब भए पनि अन्तत सबै प्रकारको सुखको भोग होला । बोलिमा नियन्त्रण गर्ने । शैक्षिक क्षेत्रमा विशेष जोड दिनु होला ।
सिह राशी ः– माताको स्वास्थमा ध्यान दिनुहोला । वैदेशिक काममा विशेष सफलता मिल्ने योग छ । भौतिक एवं आध्यात्मिक सुखमा वृद्धि होला । कार्यमा रोकावट एवं विवादको बाताबरण आउने हुदा जिम्मेवारी भएर कार्य गर्नुहोला । व्यापार एबम वैवाहित जीवन सफल होला ।
कन्या राशी ः– शैक्षिक एवं सन्तान सुखमा कमि होला । धन कमाउनको लागि प्रयत्न धेरै गर्नु पर्नेछ । मन चिन्तित हुनुका साथै बोलिको प्रभावमा कमी आउला । सानातिना घटनाले मन भने दुखी एवं निराश बनौला ।
तुला राशी ः–बर्ष मध्यम होला । आयमा वृद्धि भए पनि खर्च अनियन्त्रित हुनेछ । परिवारको स्वास्थ्यम अलि ध्यन दिनु होला । बोलिमा नियन्त्रण गर्दै सम्बन्ध सुमधुर बनाउनु होला । वैदेशिक कार्यको लागि बर्ष राम्रो छ ।
बृस्चिक राशी ः– बर्ष शुभ नै बित्ने छ । पारिवारिक सुखमा वृद्धि होला।जग्गा ,जमीन एबम वहन सुखको योग छ । प्रेम एवं वैवाहित जीवन मध्यम होला । चिन्ता एबम असन्तोष बढेर जानेछ ।
धनु राशी ः– व्यापार तथा कुटनैतिक कार्यमा सफलता मिल्ने छ । धर्ममा रुचि बढेर जानेछ । आयमा , विद्या तथा सन्तान सुखमा वृद्धि होला । शत्रु सक्रिय भए पनि जीत तपाईंको होला । हरेक कार्य गोपनिय तरिकाले गर्नु होला । सफलता आबस्य मिल्नेछ ।
मकर राशी ः–धन सम्पतिमा वृद्धि होला । माता एवं अन्यको सल्लाह तथा सहयोग मिल्ने छ । राज्य सम्मान पाउनुका साथै हरेक कार्यमा सफलता पाउनुु हुनेछ । घरेलु वातावरण सुखमय होला । जिद्दीपन छोडेर सकारात्मक सोचका साथ अगि बढनुहोला ।
कुम्भ राशी ः– बोलिको प्रभावमा प्रगती होला । भाग्य ले साथ दिने हुदा हरेक कर्य सफल होला । यात्रा अनि धर्मिक कार्यम भने पुर्ण लाभ मिल्ने छ । पराक्रम अनि मान सम्मानमा मिल्ला । हतारको निर्णय लिनु भन्दा विवेक पुर्याउनु होला ।वैदेशिक कार्यमा लाभ मिल्ला ।
मीन राशी ः– बर्ष मध्यम हुनेछ । आर्थिक उन्नति दायक समय छ । काम एबम व्यापार मध्यम हुनेछ । प्रशासनिक काम एवं क्षेत्र बाट हानि मिल्ला । रोग ,चिन्ता एबम अनावश्यक खर्च बढेर जनेछ । शत्रु पक्ष बलियो होला ।
यो वार्षिक राशिफल तपाईको चन्द्र कुन्डलीलाई आधार मानी तयार गरिएको हो । आधिकरिक फलका लागि तपाईको जन्म समय ,स्थान र लग्न अनुसारको अनिवार्य योग्य ज्योतिषीहरुलाई भेट्नु नै पर्नेछ ।
ज्योतिषी आदित्य सुरेश राज गिरि
सम्पर्कः–9851149039
काठमाडौँ — चैत्र १७, २०७७।
लायन्स क्लब इन्टरनेसनल डिस्ट्रिक्ट ३२५ ए १ को नवौ महाधिवेशन शनिबार सम्पन्न भएको छ । नेपाल प्रज्ञा प्रतिष्ठान कमलादीमा आयोजना भएको अधिवेशनको प्रमुख अतिथि लायन्स क्लब इन्टरनेसनलका डाइरेक्टर सञ्जय खेतान रहेका थिए ।
लायन्स क्लब इन्टरनेसनल डिस्ट्रिक्ट ३२५ ए १ का डिस्ट्रिक गभर्नर लायन टंक बहादुर श्रेष्ठको अध्यक्षतामा भएको कार्यक्रममा जी ए टि एरिया लिडर लायन खगेन्द्र सिटौला ,मल्टिपल काउन्सिल चियरपर्सन लायन इन्द्र खत्री राजन, एल सी आइ एफ मल्टिपल डिस्ट्रिक कोर्डिनेटर लायन रमेश अग्रवाल,जी एस टि मल्टिपल कोर्डिनेटर एबम पुर्व डिस्ट्रिक गभर्नर लायन अन्नत प्रसाद भेटुवाल, हंगर रिलिफ मल्टिपल डिस्ट्रिक चियरपर्सन एबम पुर्व डिस्ट्रिक गभर्नर लायन कुमार राज सुवेदी, डायबेटिज मल्टिपल डिस्ट्रिक चियरपर्सन एबम पुर्व डिस्ट्रिक गभर्नर लायन लीला कुमार ढुंगेल अपरच्युनिटी फर युथ एक्सचेन्ज मल्टिपल डिस्ट्रिक चियरपर्सन एबम पुर्व डिस्ट्रिक गभर्नर लायन उत्तमराज कायस्थ लायन्स क्लब इन्टरनेसनल डिस्ट्रिक्ट ३२५ ए १का फर्स्ट डिस्ट्रिक गभर्नर लायन रेवत बहादुर कार्की, सेकेन्ड भाइस डिस्ट्रिक गभर्नर लायन कर्म गुरुङ, पी डिजी लायन फुल कुमार लालवानी, लियो मल्टिपल डिस्ट्रिक चियर पर्सन पिडिजी लायन रुवय नाथ कोइराला पास्ट मल्टिपल काउन्सिल चियर पर्सन लायन सुनिल भक्त श्रेष्ठ पास्ट मल्टिपल काउन्सिल चियर पर्सन दिनेश पौडेल ,लायन विश्वराम गोर्खाली ,पिडिजी लायन भिम घिमिरे,क्याबिनेट सदस्यहरु सहित लायन लिडर तथा सदस्यहरुको बाक्लो उपस्थिति रहेको थियो ।
राष्ट्रिय गान संगै शुरु भएको सो कार्यक्रममा लायन उमा थापाले झण्डाको अभिबादन बाचन गरे संगै एक मिनेट विश्व शान्तिको लागि मौन प्रार्थना गरिएको थियो त्यसै गरि बिभिन्न कारणमा निधन भएका लायन्स लिडर तथा सदस्यहरुको सम्झनामा मैन बत्ति प्रज्वलन गरिएको थियो कार्यक्रममा लायन्स क्लब इन्टरनेसनल डिस्ट्रिक्ट ३२५ ए १ का डिस्ट्रिक गभर्नर लायन टंक बहादुर श्रेष्ठले स्वागत मन्तब्य सहित कार्यक्रमको उदेश्य माथि प्रकाश पारेका थिए।
कार्यक्रममा लायन्स क्लब इन्टरनेसनलका डाइरेक्टर सञ्जय खेतानले पानसमा दिप प्रज्वलन सहित कार्यक्रमको उद्घाटन गरे सगै लायन्सस्मारिका विमोचन गरिएको थियो ।कार्यक्रममा चिफ एरिया कोर्डिनेटर लायन राम शरण बस्नेतले कन्भेन्सनको प्रतिज्ञा पत्र बाचन गरेका थिए कार्यक्रम संचालन क्याबिनेट सेक्रेटरी लायन बिमल कुमार श्रेष्ठले गरेका थिए।
कार्यक्रमलाइ लायन्स क्लब इन्टरनेसनलका डाइरेक्टर सञ्जय खेतान, जी ए ट एरिया लिडर लायन खगेन्द्र सिटौला ,मल्टिपल काउन्सिल चियरपर्सन लायन इन्द्र खत्री राजन, जी एस टि मल्टिपल कोर्डिनेटर एबम पुर्व डिस्ट्रिक गभर्नर लायन अन्नत प्रसाद भेटुवाल, हंगर रिलिफ मल्टिपल डिस्ट्रिक चियरपर्सन एबम पुर्व डिस्ट्रिक गभर्नर लायन कुमार राज सुवेदी पी डिजी लायन फुल कुमार लालवानी, लियो मल्टिपल डिस्ट्रिक चियर पर्सन पिडिजी लायन रुवय नाथ कोइराला पास्ट मल्टिपल काउन्सिल चियर पर्सन लायन सुनिल भक्त श्रेष्ठ, लियो लगायतले शुभकामना मन्तब्य राखेका थिए।
कार्यक्रमको दोस्रो सत्रमा लायन वर्ष २०२१/२०२२ को नेतृत्व चयन गरिएको थियो। जसमा सेकेन्ड भाइस डिस्ट्रिक गभर्नरमा लायन नरनाथ सापकोटा निर्बिरोध रुपमा चयन भएका छन।
कार्यक्रमको दोस्रो सत्रमा लायन वर्ष २०२१/२०२२ को नेतृत्व चयन गरिएको थियो। जसमा सेकेन्ड भाइस डिस्ट्रिक गभर्नरमा लायन नरनाथ सापकोटा निर्बिरोध रुपमा चयन भएका छन।
उनले कुल ४सय मत मध्ये ४ वटा बदर भएका र ३९४ मत सहित सेकेन्ड भाइस डिस्ट्रिक गभर्नरमा चयन भएका हुन् ।त्यसै गरि फर्स्ट भाइस डिस्ट्रिक गभर्नर लायन कर्म गुरुङले कुल ४०३ मत मध्ये ८ वटा मत बदर भएका थिए त्यस्तै तीन वटा नो भोट प्राप्त गरे भने ३९२ मत यस भोट प्राप्त गर्दै फर्स्ट डिस्ट्रिक गभर्नरमा चयन भएका छन ।
त्यसैगरि डिस्ट्रिक गभर्नरको लागि भएको निर्वाचनमा लायन रेवत बहादुर कार्कीले कुल ४०२ मत मध्ये ५ मत बदर र २६ नो भोट प्राप्त भएको थियो भने ३७१ वटा यस भोट संगै डिस्ट्रिक गभर्नरमा चयन भएका छन ।
कार्यक्रममानवनिर्वाचित डिस्ट्रीक्ट गभर्नरलायन रेवत बहादुर कार्कीले क्याबिनेट सेक्रेटरीमा लायन धर्म शरण श्रेष्ठलाइ चयन गरेका छन भने क्याबिनेट ट्रेजररमा लायन कोमल शाक्यलाइ मनोनित गरेका छन।कार्यक्रममा आइ डि इन्डोर्सीमा डिष्ट्रिकको तर्फ बाट जी ए टि एरिया लिडर लायन खगेन्द्र सिटौलालाइ अत्याधिक मत प्रदान गरि छनौट गरिएको थियो।
काठमाडौं — चैत्र १०, २०७७।
लायन्स क्लब अफ काठमाडौं कृएटिभ युथ र एन्टप्रेनर को इनडक्सन, चाटर प्रेजेनटेसन र इन्सटलेसन कार्यक्रम स्मार्ट प्यालेसमा सम्पन्न भएको छ।
कार्यक्रममा राज्यमन्त्री रामविर मान्नधर ज्यूको प्रमुख आतिथ्यता रहेको थियो भने विशिष्ट अतिथिमा ग्याट एरिया लिडर लायन खगेन्द्र सिटौला, इन्सटलिङ्ग अफिसर डिस्ट्रिक गभर्नर लायन टंक बहादुर श्रेष्ठ साथै अन्य अतिथिहरू डिस्ट्रिक फस्ट लेडि लायन मनमाया श्रेष्ठ , जिएस्टि मल्टिपल कोर्डिनेटर लायन अन्नत प्रसाद भेटुवाल, प्रथम डिस्ट्रिक गभर्नर लायन रेहत बहादुर कार्की, दोस्रो डिस्ट्रिक गभर्नर लायन कर्म गुरूङ लगायत लायन्सका दिग्गज व्यक्तित्व, लायन लिडर र विभिन्न क्षेत्रबाट उपश्थित अतिथिहरुको भारि उपस्थितिमा कार्यक्रम सम्पन्न भएको थियोे ।
समारोहमा ४ घण्टामा ५९ गीत गाएर विश्व र्कितिमान राख्न सफल नेपालको राज्यमन्त्री रामविर मानन्धर ज्यूलाई उच्च कदर गर्दै
लायन्स क्लब अफ काठमाडौं कृएटिभ युथले सम्मान गर्नुका साथै कोराना भाइरसको माहामारिमा आफ्नो ज्यानको बाजि लगाएर दिनरात दिन दुःखीका लागि खटिएर उदाहरणीय कार्य गर्नु हुने वरिष्ठ र्यापर, मिडिया पर्सन तथा समाजसेवी निर्णय श्रेष्ठ, वरिष्ठ पत्रकार कुसुम बर्जचार्य, पत्रकार तथा मोडल शिशिर भण्डारी , समाजिक अभियन्ता विष्णु प्रसाद पोखरेल र रामकृष्ण सिमखडा , युवा अभियन्ता बब्लु गुप्ता नेपाली र सरला पन्तिको का्र्यकोको उच्च कदर गर्दै लायन्स क्लब अफ काठमाडौं कृएटिभ युथले सम्मान गरेको हो।
समारोहमा बोल्दै राज्यमन्त्री रामविर मानन्धरले लायन्स क्लब अफ काठमाडौं कृएटिभ युथ परिवारलाई विशेष धन्यवाद दिदै समाज र राष्ट्रको लागि उदाहरणीय कार्य गर्दै आएको भन्दै मुक्तकण्ठले प्रशंशा गरे । साथै मानन्धरले कोराना भाइरसको महामारीमा दीन दुःखीको आशाको किरण बन्न पाउँदा खुसी मिलेको भन्दै क्लबका संस्थापक अध्यक्ष गनिका गुरुङ, पूर्व अध्यक्ष अनिल बुर्जा मगर र अध्यक्ष सुजना राईको प्रशंसा गर्दै सम्मान व्यक्त गरे।
११ फागुन २०७७ शर्मिला विश्वकर्मा, काठमाण्डौं
नेपाल अपाङ्ग मानव अधिकार केन्द्रको आयोजना, ओपन सोसाइटी फाउण्डेशनको सहयोग तथा राष्ट्रिय अपाङ्ग महासंघ नेपालको संयोजनामा अब हुने राष्ट्रिय जनगणनामा अपाङ्गता भएका व्यक्तिहरुको सही विवरण समावेश गरिने सम्बन्धमा काठमाण्डौंमा एक छलफल कार्यक्रम गरियो । सो छलफल कार्यक्रममा केन्द्रिय तथ्याङ्क विभागका निर्देशक ढुण्डिराज लामिछानेले राष्ट्रिय जनगणना २०७८ को तयारी कार्य र राष्टिय अपाङ्ग महासंघ नेपालसँग सहकार्यका क्षेत्र विषयमा कार्यपत्र प्रस्तुत भएको थियो ।
यसै क्रममा उहाँले यस जनगणनामा अपाङ्गता भएका व्यक्तिहरुको सही तथ्याङ्क संकलनको लागि वासिङटन ग्रुपका प्रश्नावलीहरु समावेश गरिएको, राष्ट्रिय प्रशिक्षक सहजकर्ताको रुपमा अपाङ्गता भएका व्यक्तिहरुको क्षेत्रमा काम गर्ने व्यक्तिहरुलाई पनि सामावेश गरिएको बताउनु भयो । त्यसै गरी अपाङ्गता भएका महिलाहरुको महासंघ नेपालकी अध्यक्ष निर्मला धितालले अब हुने राष्ट्रिय जननणनामा सबै प्रकारका अपाङ्गता भएका व्यक्तिहरुको सही विवरण समावेश गर्नको लागि सबै एकजुट भएर आवश्यक सहयोग गर्नु पर्ने, प्रशिक्षक, गणक तथा सुपरिवेक्षेकहरुमा पनि अपाङ्गता भएका व्यक्तिहरुको सहभागिता गराउनु पर्ने कुरामा जोड दिनु भयो ।
कार्यक्रम सञ्चालनकै क्रममा आयोजक संस्था नेपाल अपाङ्ग मानव अधिकार केन्द्रका कार्यकारी निर्देशक जगदिश प्रसाद अधिकारीले अब हुने राष्ट्रिय जनगणनामा सबै प्रकारका अपाङ्गता भएका व्यक्तिहरुको गणना छुट्न तथा दोहोरिन नहुने भन्दै सम्बन्धीत निकायहरुलाई अपाङ्गता भएका व्यक्तिहरुका सवालमा आवश्यक सल्लाह तथा सुझाब र अन्य सहयोग गर्न सकिने बताउनु भएको थियो ।
नेपाल अपाङ्ग मानव अधिकार केन्द्रले काठमाण्डौंमा आयोजना गरेको राष्ट्रिय जनगणनामा अपाङ्गता भएका व्यक्तिहरुको सवालका विषयमा छलफलका क्रममा राष्ट्रिय अपाङ्ग महासंघ नेपालका अध्यक्ष मित्रलाल शर्माले अब हुने राष्ट्रिय जनगणनामा सबै प्रकारका प्रकारका अपाङ्गता भएका व्यक्तिहरुलाई समावेश गर्नको लागि स्वास्थ्य तथा जनसंख्या मन्त्रालय, पाठ्यक्रम विकास केन्द्र, त्रिभूवन विश्व विद्यालय, केन्द्रिय तथ्याङ्ग विभाग लगायतका अन्य सम्बन्धीत निकायहरुसँग सहकार्य गरेर काम गरि रहेको बताउनु भयो ।
सो छलफलमा सहभागी व्यक्तिहरुले यस पटकको राष्ट्रिय जनगणनामा सबै प्रकारका अपाङ्गता भएका व्यक्तिहरुको सही विवरण आउनु पर्ने, यसको लागि गणकहरुलाई अपाङ्गता भएका व्यक्तिहरुका विषयमा जानकारी मूलक तालिम प्रदान गर्नु पर्ने, यो राष्ट्रिय कार्यमा अपाङ्गता भएका व्यक्तिहरुलाई पनि सहभागी गराउनु पर्ने बताउनु भएको थियो ।
काठमाडौं- गीत लेखनबाटै गिनिज बुक अफ वल्र्ड रेकर्ड बनाएका किर्तिमानी गीतकार डा. डि आर उपाध्यायले आफ्नो ११ औं उपन्यास ‘कफी लभ’ बजारमा ल्याएका छन् ।
आइतबार प्रणय दिवसको अबसर पारेर नेपाल प्रज्ञा प्रतिष्ठानमा सो प्रतिष्ठानका कुलपति गंगा प्रसाद उप्रेती, आख्यानकार भुवनहरि सिग्देल, कृतिका लेखक, प्रकाशकलगायतले यो पुस्तकको सँयुक्त बिमोचन गरे ।
कलेज पढ्दै गरेका युवा युवतीको कफीको चुस्कीसँगै सुरु भएको प्रेम सम्बन्ध र त्यसले जीवनमा ल्याएको आरोह अबरोहको कथामा यो उपन्यास केन्द्रित रहेको छ । देहरादुनका दुन विश्वविधालयमा भेटिएका पाँच जना नेपाली विधार्थीहरुबीचको कलेज अध्ययन क्रमका विभिन्न घटना र उनीहरुको आपसी प्रेममा यो उपन्यास केन्द्रित छ ।
पुस्तकबारे बोल्दै कुलपति उप्रेतीले अहिलेका तन्नेरी पुस्ताको प्रेम एवम् जीवन शैली र बर्तमान नेपाली समाजको अबस्था यसले छर्लङ्ग पारेका बताए । गीत लेखनबाट कृतिमानी कायम गरेका डा. उपाध्ययको उपन्यास पनि त्यत्तिकै पठनीय भएको भनाई उनले सो कार्यक्रममा राखे ।
अग्रज आख्यानकार भुवनहरि सिग्देलले यो उपन्यासले प्रेमको परिभाषा सामाजिक मूल्य र मान्यता भन्दा फरक किसिमले दिएको बताए । समकालिन पुस्तालाई यो उन्यासका कथा अहिले आफ्नो भोगाई जस्तो लाग्ने र पौढ पुस्ताले आफ्ना कलेजका दिनहरु स्मरण गर्ने पनि उनले बताए ।
आख्यानकार डि. आर उपाध्यायले यो पुस्तक लेख्दा आफु २४ वर्षीय तन्नेरी भएर त्यही उमेरका युवा युवतीहरुको सँगतमा रही उनहरुको प्रेम भावलाई पुस्तकमा समेटेको बताए । यो पुस्तक तन्नेरी मनहरुसँग सामिप्य रहेको र सबै पुस्ता एवम् बर्गको भाव यसमा समेटेको पनि उनले जानकारी गराए ।
यो पुस्तकको समीक्षा गर्दै कवि हेम प्रवासले तृतिय पुरुषमा लेखिएको यो उपन्यास सम्बाद शैलीको भएको बताए । उपन्यास पढ्न थालेपछि उपन्यास भित्रका पात्रहरुको यात्रा र उनीहरुबीच अब के होला भन्ने कौतुहलताले कृति पढेर सकिएको महसुस नै नहुने बताए ।
यस्तै सँगीतकार सन्तोष श्रेष्ठले लेखकको बारेमा जानकारी गराउँदै अरु उपन्यास भन्दा यो निकै फरक शैलीमा लेखकले तयार गरेको बताए । पुस्तक पढ्दा आफुलाई एउटा सफल चलचित्र हेरेको महसुस उनले सुनाए ।
गायक तथा संगीतकार सागर सरद अधिकारीले कार्यक्रममा अतिथिलाई स्वागत गर्दै राम्रा गीत लेखेर विश्व रेकर्ड कायम गरेका डा. उपाध्याय आख्यान लेखनमा पनि त्यत्तिकै प्रभावशाली भएको बताए ।
पुस्तकका सम्पादक तथा गीतकार सञ्चारकर्मी डब्बु क्षत्रीले आफ्नो उमेर भन्दा आधा उमेरमा झरेर आख्यानकार डि आर उपाध्यायले अहिलेको पुस्ताको प्रेमलाई गहन रुपमा पुस्तकमा उतारेको बताए । घटना, स्थान, परिवेश र सम्बादलाई यथार्थपरक रुपमा समेटेकाले यो उपन्यास सबैलाई आफ्नो कथा हो जस्तो लाग्ने पनि उनले बताए ।
प्रकाशक पुष्पराज पौडेलले पुस्तक पढेपछि आफ्नो लगानी सही कितावमा परेको महसुस पाठकलाई हुने जिकिर गरे ।
शिखा बुक्सले प्रकाशन तथा ज्ञानज्योती पब्लिकेशनले वितरण गरेको यो उपन्यासलाई डब्बु क्षत्रीले सम्पादन गरेका हुन् । २४० पृष्ठको यो पुस्तकको मूल्य ३७५ रुपैयाँ रहेको छ ।
कास्की- नेपाली सेनाका राजन रोकायाले १५औँ संस्करणको ‘सफल पोखरा अन्तर्राष्ट्रिय म्याराथन’को उपाधि जित्न सफल भएका छन् । भूतपूर्व खेलाडी मञ्च नेपालको आयोजनामा आज पोखरामा सम्पन्न म्याराथनमा रोकायाले दुई घण्टा २८ मिनेट ५६ सेकेण्डमा निर्धारित ४२ किमी दूरी पूरा गरी उपाधिसहित नगद रु दुई लाख तथा ट्रफी पुरस्कार प्राप्त गरे । यसैगरी द्वितीय र तृतीय स्थानको उपाधिसमेत सेनाका धावकहरुले प्राप्त गरे ।
सेनाका ज्ञानप्रसाद भट्टराईले दुई घण्टा ३३ मिनेट ४८ सेकेण्डमा दौड पूरा गरी रु एक लाख पुरस्कार प्राप्त गरे भने देवीराज बस्नेतले दुई घण्टा ४२ मिनेट ३३ सेकेण्डमा म्यारथनको निर्धारित दूरी पार गरी तृतीय स्थानको पुरस्कार रु ७५ हजार प्राप्त गरे । पाँचथरका प्रदीप तामाङले दुई घण्टा ५४ मिनेट आठ सेकेण्डमा दूरी पार गरी सान्त्वना स्थानसहित रु २५ हजार पुरस्कार तथा ट्रफी प्राप्त गर्न सफल भएका छन् ।
यस वर्ष पहिलोपटक पोखरा म्याराथनमा महिलाका लागि २१ किमीको हाफ म्याराथन समावेश गरिएकामा नेपाल प्रहरीका राजपुरा पछाईँले हाफ म्याराथनको उपाधि जित्न सफल भए। निर्धारित दूरी एक घण्टा २७ मिनेट आठ सेकेण्डमा पूरा गरी उनले रु एक लाख र ट्रफी पुुरस्कार प्राप्त गरे।
यसैगरी जुम्लाका राममाया बुढाले एक घण्टा ३० मिनेट पाँच सेकेण्डमा दौड पूरा गरी द्धितीय स्थान हासिल गर्न सफल भई रु ७५ हजार पुुरस्कार प्राप्त गरे । सशस्त्र प्रहरी बलका ब्रिन्दा श्रेष्ठले एक घण्टा ३१ मिनेट दुई सेकेण्डमा निर्धारित दूरी पार गरी तृतीय स्थान हासिल गरे । उनले रु ५० हजार पुरस्कार पाउन सफल भए ।
नेपाल प्रहरीका रेखा विष्टले एक घण्टा ३६ मिनेट दुई सेकेण्डमा हाफ म्याराथन पूरा गरी सान्त्वना स्थान प्राप्त गरेर रु १५ हजार पुरस्कार प्राप्त गरे । पोखरा रङ्गशालाबाट शुरु भएको म्याराथन बजार विभिन्न क्षेत्र पुगेर रङ्गशालामा आएर समापन गरिएकामा म्याराथनमा २०९ र महिलाको हाफ म्याराथननमा २९ जनाले सहभागिता जनाएको आयोजकले जनाएको छ ।
विजेता खेलाडीलाई गण्डकी प्रदेशका मुख्यमन्त्री पृथ्वीसुब्बा गुरुङ, राष्ट्रिय खेलकूद परिषद् (राखेप) का सदस्य सचिव रमेशकुमार सिलवाल, नेपाल ओलम्पिक कमिटीका अध्यक्ष जीवनराम श्रेष्ठ, मञ्चका अध्यक्ष तेजबहादुर गुरुङलगायतले पुरस्कार वितरण गरेका थिए । विगतका संस्करणमा विदेशी धावकहरुले प्रतियोगितामा सहभागिता जनाउने गरेकामा यस वर्ष कोरोना कारणले विदेशीको सहभागिता थिएन । गत संस्करणको उपाधि जापानका खेलाडीले जित्न सफल भएका थिए ।
कार्यक्रममा गण्डकी प्रदेशका मुख्यमन्त्री गुरुङले गण्डकी प्रदेश र पोखरालाई खेल पर्यटनको राजधानी बनाउनका लागि विभिन्न सङ्घसंस्थाले गर्ने प्रतियोगिताले मद्दत पुगेको बताउँदै प्रदेश सरकार खेलकूद विकासमा प्रतिबद्ध रहेको बताए । सुन्दर पर्यटकीय नगरी पोखरालाई खेलकूदको विश्वमान चित्रमा स्थापित गराइ खेलकूद पर्यटन प्रवद्र्धनका लागि म्याराथनलाई कोरोना कहरबाट सिर्जित चूनौतीपूर्ण अवस्थामा पनि निरन्तरता दिइएको मञ्चका अध्यक्ष गुरुङले बताए ।
विगतका संस्करणमा म्याराथनसहितका अन्य विधाहरु एकै दिन सञ्चालन हुने भएकामा यस वर्ष कोरोना भाइरस सङ्क्रमणको सम्भावित जोखिमलाई मध्यनजर गरी अन्य इभेन्टहरुलाई फरक–फरक मितिमा आयोजना गरिएको मञ्चले जनाएको छ । जस अन्तर्गत ह्विलचियर दौड महिला र पुरुष तथा दृष्टिविहीन दौड फागुन २२ गते हुनेछ । १० किमी महिला÷पुरुष दौड आगामी चैत १४ गते र पाँच किमी छात्र÷छात्रा दौड आगामी वैशाख ४ गते सञ्चालन गरिने आयोजकले जनाएको छ । दश किमी महिला÷पुरुष दौडमा विजेता रु १५ हजार तथा द्धितीय र तृतीयले रु १० हजार र रु पाँच हजार पुरस्कार प्राप्त गर्नेछन् ।
ह्लिचियर र दृृष्टिविहीनतर्फका दुवै इभेन्टमा विजेताले रु सात हजार, द्वितीयले रु पाँच हजार र तृतीयले रु तीन हजार पुरस्कार पाउनेछन् । यसैगरी छात्र÷छात्रा दौडमा प्रथमले रु १० हजार द्धितीयले रु सात हजार र तृतीय हुनेले रु चार हजार पुरस्कार प्राप्त गर्ने आयोजकले जनाएको छ । रासस
काठमाडौं- नायिका स्वेता खड्काले निर्माणाधिन माझी बस्तीको लागि सहयोग गर्छु भन्नेहरुले सहयोग नगरेको गुनासो सामाजिक सञ्जालमा गरेपछि अहिले उनको बारेमा विभिन्न टिकाटिप्पणी सुरु भएको छ। खड्काले आफूहरुले कुनै जोर जबरजस्ती नगरिकनै पनि स्वतःस्र्फूत रुपमा सहयोग कबुल गरेका तर अहिलेसम्म कुनै सहयोग नगरेको लिष्ट लामै रहेको कुरा लेखेकी थिईन् । तर, उनका फ्यानहरुले नै उनीमाथि प्रश्न गरेका छन् । आफू करोडौं खर्च गरेर विहे भोजमा सरिक हुने तर माझी वस्तीको लागि सहयोगको याचना गर्ने भनेर प्रश्न समेत फ्यानले उठाएका छन् ।
उनले सामाजिक सञ्जालमा लेखेकी छिन् “धुर्मुस सुन्तली फाउण्डेशनु को झै हाम्रो पिंडा पनि उहि हो । निर्माणाधिन माझी बस्तीले पनि रिण बोकेर नै बसेकोछ । स्थानिय सरकार , सरोकारवाला निकाय तथा बिभिन्न दक्ताहरुलाई माझी बस्तिसंग जोडिदिने हाम्रो प्रयासमा धेरै मनकारी सहयोगीहरु भेटिनु भयो अनि आफ्नो क्षमता, दक्षता र गक्षले भ्याए सम्मको सहयोग गर्नु भयो । तर केहि यस्ता दाताहरु पनि भेटिए जस्ले सहयोग रकम बोल्नु भयो तर सहयोग उपलब्ध गराउनु भएन । हामिले कुनै जोर जबर्जस्ती नगरिकनै आफ्नै मनले, स्वस्तस्फुर्त रुपमा कबुल गर्नु भएको सहयोग प्रदान गर्नलाई आनाकानी गर्नेहरुको लिष्ट लामै छ । खैर , दान , धर्म र कर्म भनेको मनदेखी स्फुटन हुने कुरा हो । हामिले त सहयोगको अपिलसम्म गर्ने हो ,बलजफती गर्ने होईन । तथापी , आफ्नो प्रतिवद्दता र कटिवद्दतालाई भुलेर गरिवहरुको आशा र भरोशा माथी खेलवाड गर्नु भने पक्कै राम्रो होईन । पुरा गर्न नसक्ने, बाचा, पुर्ती गर्न नसक्ने , आस्वासन र दिन नसक्ने , सहयोगको कुनै अर्थ छैन । अत स् आफुलाई समाज सेवी को रुपमा चिनाउन कोही कसैको भरोशा माथी खेलवाड नगरौ ।”
उनले धनगढीका युवा विजेयन्द्रसँग हालै विवाह गरेकी हुन् । उनीहरुलेकाठमाडौंको गोकर्ण फरेष्ट रिसोर्टमा भव्य विवाह गरेका थिए भने काठमाडौं र धनगढीमा पनि भव्य विहे भोजको आयोजना गरेका थिए । कोरोना कहरको बेला उनीहरुले करोडौं खर्च गरेर विवाह गरे । त्यतिवेला माझी बस्तीको लागि केही पनि सोचेनन् । अहिले बस्ती निर्माणमा रकम अभाव भएको भन्दै सामाजिक सञ्जालमा भने रोईरहेकी छिन् ।
एजेन्सी- चीनको टियानवेन–१ मंगलको कक्षमा प्रवेश गरे लगतै पहिलो तस्वीर पठाएको छ । पहिलो तस्वीर उपग्रहले पठाएको विषयलाई चिनियाँ स्पेस एजेन्सीले जनाएको हो । चीनले आफ्नो उपग्रहको नाम ‘क्वेस्ट अफ हेभेन्ली त्रुथ’ राखेको छ ।
उपग्रहले मंगलको रोता र सेता तस्वीर पठाएको जनाइएको छ । गत वर्षको जुलाईमा उडेको उपग्रह चीनको पहिलो मंगल मिसन रहेको जनाइएको छ । उपग्रह तत्काल कक्षमा रहेर मंगलको परिक्रममा गरिरहेको छ । उपग्रहले तुरुन्तै मंगलान अवतरण गर्ने भएको छ । त्यसले मंगलको माटो, वातावरण, भौगोलिक संरचना र पानीको स्रोतको विषयमा अध्ययन गर्ने जनाइएको छ ।
उपग्रह अहिले १८४ किम पृथ्वी भन्दा टाडा रहेको छ भने मंगलबाट ११ लाख किमी टाडा रहेको चिनियाँ स्पेस सेन्टरले जनाएको छ । उपग्रह मंगल पुग्न करिब १९७ दिनको यात्रा तय गरेको थियो । उपग्रह्ले फब्रुहरी १० मा रोचरलाई मंगलको सतहमा छाडिएको थियो ।
काठमाडौँ- नेपाल कम्युनिस्ट पार्टी (नेकपा) का स्थायी कमिटी सदस्य तथा उर्जा जलस्रोत तथा सिँचाइमन्त्री टोपबहादुर रायमाझीले जनयुद्धकालको १९ अर्ब रकम कहाँ गयो भनेर प्रचण्डले जबाफ दिनु पर्ने बताएका छन्। उनले दाहाल–नेपाल पक्ष विकास र समृद्धिको मुद्दा बिर्सिएर सडक सङ्घर्षमा लागेको बताए । बुटवलमा पूर्वजनमुक्ति सेना नेपालको राष्ट्रिय भेलामा बोल्दै मन्त्री रायमाझीले जनयुद्धकालका धेरै विषयको हिसाबकिताबसमेत गर्ने दिन आएको बताए।
उनले सङ्घीय लोकतान्त्रिक गणतन्त्रको स्थापनापछि राजनीतिक सङ्घर्ष समाप्त भएर देश विकास र समृद्धिमा अघि बढ्ने अपेक्षालाई केही नेताहरुको व्यक्तिगत स्वार्थका कारण पूरा गर्न नसकिएको बताए । “केही नेताको व्यक्तिगत स्वार्थ र आकाङ्क्षाका कारण परिवर्तनका लागि लडेका योद्धाहरुको खोजी हुन सकेन त्यही कारण यो स्थिति आयो”, उनले भने।
जनआन्दोलनमा लडेकालाई सम्मानजनक राहतका लागि सरकारले योजना बनाइसकेको जनाउँदै उहाँले अब छिट्टै कार्यान्वयन हुने विश्वास व्यक्त गरे । “पुरानो व्यवस्था पल्टाएर नयाँ व्यवस्था ल्याउने सबै पूर्वलडाकुलाई हामीले सम्झनुपर्छ”, मन्त्री रायमाझीले भने, “क्यान्टोनमेन्टमा १९ हजार सेना राखेर रु ३४ हजार भत्ता बुझ्यौँ, करिब सात अर्ब घोटाला भएको छ, त्यो पैसा कहाँ गयो ? त्यसको हिसाबकिताब हुनुपर्छ ।”
” हामी अहिले वैचारिक र राजनीतिक संघर्षमा छौं। त्यसैले १९ हजार लडाकु कार्यकर्ताको नाम राखेर ल्याएको पैसा कहाँ गयोरु अब १९ अर्बको हिसाबकिताब प्रचण्डले देखाउनु पर्छ,” उनले भने।