काठमाण्डौ - परिवर्तन नेपालका केन्द्रिय अध्यक्ष तथा विशिष्ठ कलाकार, लेखक तथा निर्देशक मोहन निरौलाले आज एक विज्ञप्ति जारी गर्दै पोखरामा भएको यति एयरलाईन्स दुर्घटना प्रति दुःख व्यक्त गरेका छन् । साथै निरौलाले विज्ञप्तिमा भनेका छन " मिति २०७९ साल माघ १ गते आईतबार विहान १०ः ३० बजे काठमाडौं देखि पोखराका लागि २५ महिला, ३७ पुरुष, ३ बालक र ३ शिशु सहित ६८ जना यात्रुहरु र चालक दलका ४ जना सदस्य सहित ७२ जना सदस्य बोकेर उडेको यती एयरलाइन्सको ९ एन–एएनसी विमान गन्तव्यमा नपुग्दै दुर्घटनामा परेको खबरले परिवर्तन नेपाल परिवार स्तव्ध भएका छौं ।

आजको यस घटनाले नेपाली आकाश सुरक्षित छैन भन्ने आरोप फेरि एक पटक पुष्टि हुन पुगेको छ । दुर्घटनामा परि ज्यान गुमाउन पुगेका मृतकका परिवारहरुलाई राहत तथा क्षतीपुर्तिको व्यवस्था मिलाउदै दुर्घटनाको कारण र यसलाई आगामि भविष्यमा नदोहोरिन दिन चाल्नु पर्ने कदमहरुको बारेमा तत्काल ठोस कदम चाल्न नेपाल सरकार तथा सम्बन्धित निकायको ध्यान आकर्षण गराउन चाहान्छौं ।

यस दुर्घटनामा जीवन गुमाउने हुने विमानमा सवार ५३ नेपाली, ५ भारतिय, ४ रसियन, २ कोरियन, १ अर्जेन्टिनी, १ अष्ट्रेलियन, १ आईरिसर १ फ्रान्सेली सहित ४ जना चालक दलका सदस्यहरुको प्रति परिवर्तन नेपाल परिवार श्रद्धाञ्जली व्यक्त गर्दै मृतकका परिवारजनमा हार्दिक समवेदना प्रकट गर्दछौं ।"  निरौलाद्धारा हस्ताक्षरित विज्ञप्तिमा उल्लेख भएको छ ।

काठमाडौं - राष्ट्रिय प्रजातन्त्र पार्टी ‘राप्रपा’ ललितपुरको संयोजनमा जिल्लाको क्षेत्र नं १ कोञ्जोसोम गाँउपालिका ४ नल्लु वनस्पति आधारभूत बिधालयमा अध्यायनरत बिधार्थिहरुलाई न्यानो कपडा बितरण गरिएको छ ।

माननिय ज्ञानेन्द्र शाहीको प्रमुख आतिथ्यतामा सम्पन्न कार्यक्रममा राप्रपा लपु जिल्ला अध्यक्ष अष्ट महर्जन, पर्शुराम सिलवाल, राजकुमार महर्जन लगायत जिल्लाका अन्य बिशिष्ट ब्यक्तिहरुको उपस्थिति रहेको थियो ।

काठमाण्डौ – राष्ट्रिय श्रष्टा तथा प्रस्तोता प्रतिष्ठानले राजधानीको धुम्बाराही स्थिति ‘धुम्बाराही लायन बृद्धाश्रम नेपाल’मा आश्रीत बृद्धबृद्धालाई सहयोग हस्तान्तरण गरेको छ । चिसो बढ्दै जाँदा बृद्धाश्रममा आश्रीत बृद्धबृदालाई न्यानो कम्बल सहित खाद्यान्न, फलफुल र नगद समेत सहयोग हस्तान्तरण गरेको प्रतिष्ठानका अध्यक्ष राजेन्द्र बजगाईले जानकारी दिएका छन् । उनका अनुसार काठमाडौंमा दिन प्रतिदिन बढिरहेको चिसोबाट बुद्ध उमेरका बुबा–आमालाई सुरक्षित गर्न सकिन्छ कि भन्ने पवित्र भावनानुरुप उक्त सहयोग गरिएको हो ।

कला क्षेत्रका बिभिन्न बिधामा सक्रिय श्रष्टा तथा प्रस्तोताहरु आवद्ध रहेको एकेडेमीले उक्त अवसरमा बिबिध सांस्कृतिक प्रस्तुतिहरु समेत प्रस्तुत गरेको छ । कलाकारहरुले भजन गाउन थालेपनि बृद्धाश्रम आश्रीत बुबाआमाहरुले नाचगान गर्दै रमाइलो गरेका थिए ।

कला क्षेत्रका बिभिन्न बिद्यामा आवद्ध संगीतकर्मीको हक–हितका लागि संस्था स्थापना भएपनि सामाजिक कार्यमा समेत सक्रिय रहने उद्देश्य अनुसार आफुहरुले पहिलो काम नै बृद्धाश्रमलाई सहयोग गरेको प्रतिष्ठानका महाचिव दिपक शर्माको भनाई छ ।

आज भन्दा ९ वर्ष अघि स्थापना भएको बृद्धाश्रममा हाल १२ जनाले आश्रय लिइरहेका छन् । आमाहरुका लागि मात्र भनेर सञ्चालन गरिएको आश्रममा हाल भने एकजना बुबालाई पनि आश्रय दिइएको सञ्चालक धनराज भडेलले जनाएका छन् । १३ वर्षकै उमेरमा आमा गुमाएका धनराजले आमा गणेश कुमारीको सम्झनामा यो बृद्धाश्रम सञ्चालन गरेका हुन् । धनराजले आश्रमलाई सहयोग गरेकोमा प्रतिष्ठान प्रति आभार समेत ब्यक्त गरेका छन् । कलाकारहरु आएर नाचगान सहित आमाबुबाहरुलाई मनोरञ्जन समेत प्रदान गरेको भन्दै उनले बुद्ध बुबाआमाको ओठमा खुशी ल्याउने यस्तो कार्यले आफुलाई थप उर्जा मिलेको बताए ।

सहयोग हस्तान्तरणका लागि प्रतिष्ठानका अध्यक्ष बजगाई, महासचिव शर्मा, सचिव सुजाता केसी, कोषध्यक्ष नारायण थापा सहित सदस्यहरु रिता केसी, बेनिशा पौडेल, माइकल चन्द, मनोज परियार, सविन सुबेदी, प्रतिक्षा काफ्ले, उक्तम अधिकारी, भद्र ओली, शिलन लम्साल, पुस्कर सुनुवारलगायतका कलाकर्मी उपस्थित थिए ।

काठमाण्डौ – रोट्र्याक क्लव त्रिपुरेश्वरले आफ्नो स्थापना दिवको १९ औं बार्षिकोत्सव भव्यरुपमा सम्पन्न गरेको छ । युवापीडिहरुले पनि समाजसेवामा सक्रियतापुर्वक काम गर्नु पर्दछ एवं काम गर्न सक्दछन् भन्ने उदेश्यका साथ युवा उत्प्रेरणको लागि विश्वव्यापि रुपमा युवा लक्षित क्लवका रुपमा स्थापना भएको सस्था हो रोट्र्याक क्लव । यो रोटरी क्लवको शुभेच्छुक संस्था पनि हो ।

गत जुलाई ३० मा काठमाण्डौ स्थित एपेक्स कलेजमा रोट्र्याक क्लव त्रिपुरेश्वरले आफ्नो स्थापनाको १९ औं वार्षिेकोत्सव मनाएको हो । उक्त समारोहमा क्लवका अध्यक्ष सुनिल राजवंशीले सामाजिक कार्यहरुमा रोट्र्याक क्लवमार्फत युवाहरुले उल्लेखनिय कार्य गरेको समेत बताए । यसै वर्षबाट रोट्र्याक क्लवमा फस्ट लेडीको पनि अवधारण बनेको थियो । सोही बमोजिम पहिलो पटक रोट्र्याक क्लव त्रिपुरेश्वर मार्फत फस्ट लेडीको रुपमा आश्मा श्रेष्ठ रहेकी छिन् ।

त्यसै गरि संस्थामा आईपिपि आर्जु गैरे, उपाध्यक्ष सौरभ सिंह, सचिव बुद्ध खरेल, सह–सचिव सन्तोष साह, क्लवका अन्य पदाधिकारीहरुमा रक्षा पाण्डे, प्रजेश शागर, सम्राट उपाध्याय, प्रशान्त गैरे, सरद आचार्य, सौरभ कुवर, दृष्टि भट्टराई , श्रष्टि खड्का लगायतका पदाधिकारीहरु रहेका छन् ।

काठमाडौ- चर्चित समाचार प्रस्तोता सरोज कोइराला स्पेस फोर के टेलिभिजनको सम्पादकमा नियुक्त भएका छन् । झापा घर भएका कोइराला लामो समयदेखि नेपाली टेलिभिजनमा काम गर्दै आएका छन् ।

कोइरालालाई आइतबार स्पेस फोर के टेलिभिजनका अध्यक्ष डा। दिनेश कुमार शाहीले स्वागत गरेका हुन् । एभिन्यू, न्यूज २४, हिमालय र प्राइम टेलिभिजनमा काम गरिसकेका कोइराला गीत लेखन तथा गायनमा पनि सम्लग्न छन् । टेलिभिजनले आइतबार सम्पादक कोइरालासहित पत्रकारहरुको ठूलो टिमलाई टेलिभिजनमा स्वागत गरेको छ ।
विभिन्न मिडियामा लामो अनुभव हासिल गरेका टेलिभिजनकर्मीहरुलाई भित्र्याएको यस टेलिभिजनले छिट्टै आफ्नो प्रशारण यात्रा आरम्भ गर्ने तयारी गरेको छ । काठमाडौंको मध्यबानेश्वरमा रहेको स्पेस फोरके टेलिभिजन अत्याधुनिक प्रविधि र ठूलो लगानीका साथ सुरु गरिएको छ । यस टेलिभिजनले नेपालको टेलिभिजन पत्रकारितामा नयाँ आयाम थप्ने लक्ष्य लिएको छ ।

टेलिभिजनले राष्ट्रिय र अन्तराष्ट्रिय मिडियामा लामो समय काम गरेका दक्ष टिम र अनुसन्धानकर्ताहरुको एक टोली निर्माण गरिरहेको जनाएको छ । हाल टेलिभिजनको अनुसन्धान टोलीले नेपाली टेलिभिजनको प्रवृति, बजार, सबै मिडियाबाट प्रकाशित प्रशारित विषयवस्तुहरुको गहिरो अध्ययन गरिरहेको जनाइएको छ ।

साथै नेपालको समग्र विज्ञापन बजारका बारेमा पनि अनुसन्धान गरिरहेको जनाएको छ । टेलिभिजनको एक टोलीले टेलिभिजनका लागि विभिन्न विषयवस्तुहरुको अध्ययन, अनुसन्धान गर्नुका साथै विभिन्न तथ्यहरु संकलन तथा विश्लेषण गरेर हाल व्याकअप तयार गरिरहेको पनि बताइएको छ । टेलिभिजनले कार्यरत सबै जनशक्तिका लागि सामाजिक सुरक्षा कोषको व्यवस्था गर्ने जनाएको छ ।

टेलिभिजनको सन्चालकमा जापान, अस्ट्रेलिया, कोरिया तथा युरोपका विभिन्न कम्पनीहरुको व्यवस्थापनमा नेतृत्व गरिरहेका र नेपालमा केही ठूला उद्योग तथा ठूला कम्पनी सन्चालन गरिरहेकाहरु रहेको बताइएको छ । पूर्ण रुपमा व्यवसायिक अभ्यास गर्ने जनाएको स्पेस फोर के टेलिभिजनले सबै नेपालको भौगोलिक, सांस्कृतिक, धार्मिक जातीय, लिंगीय विविधता तथा सबै नागरिकका विचारलाई समान रुपमा स्थान दिने पनि जनाएको छ ।

टेलिभिजनका अध्यक्ष डा। शाहीले भने, “स्पेस फोर के टेलिभिजन तथ्यमा उभिएर सत्य खोज्ने, सत्य खोज्नका लागि प्रश्नहरु केन्द्रित गर्ने र बढिभन्दा बढि नागरिकको वास्तविक आवाज बन्नेछ ।” अध्यक्ष शाहीले टेलिभिजनको बलियो न्यूज रुम र अनुसन्धानकर्ताहरुको टोली गहिरो अनुसन्धानबाट बढिभन्दा बढी सूचना सामग्री प्रदान गरी नागरिकलाई आफ्नो विचार मजबुत बनाउन प्रयत्नशील रहने बताए ।
डा। शाहीले भने, “हामी उच्च प्रविधि र दक्ष जनशक्तिको सहयोगमा राज्यमा समावेशिता, सहभागिता र सहअस्तित्वलाई बढावा दिन प्रयत्नशील छौ । संसारभरका ताजा सूचना, सन्देश र विचार निरन्तर दर्शकहरु सामु प्रस्तुत गर्दै आइरहेका छौं । हामीले भ्रष्टाचार र भय मुक्त समाज निर्माण गर्न निर्भिक पत्रकारिताको अभ्यास गरिरहेका छौं । देश र नागरिकको हितलाई केन्द्रमा राखेर राज्यका सबै अंगहरुलाई जिम्मेवार, जवाफदेही बनाउने र नागरिकलाई आफ्नो कर्तव्य निर्वाह गर्न सघाउने हाम्रो उद्देश्य हो ।”

काठमाडौ- गायक निसान भट्टराई र शोभा पाण्डेको स्वर रहेको नयाँ गीत ‘ताज महल’ सार्वजनिक भएको छ । नेपाली गीति लेखनका क्षेत्रका नक्षत्र डा. कृष्णहरि बरालको शब्द रहेको ताजमहललाई नबि जनकपुरीले सङ्गीत भरेका छन् भने गीतको सङ्गीत संयोजन विष्णु अधिकारीले गरेका छन् ।

गीतको आकर्षक भिडियो पनि बनेको छ । जसमा सुधीर श्रेष्ठ र सिम्रिका ढकालको अभिनय देख्न सकिन्छ । भिडियोमा प्रेमकथा देखाउन खोजिएको छ । भिडियोको निर्देशन तथा कोरियोग्राफी रामजी लामिछानेले गरेका हुन् । मदनकृष्ण महर्जनको छायाङ्कन रहेको भिडियो बन्दे प्रसादले सम्पादन गरेका हुन् ।

काठमाण्डौ- चलचित्र पत्रकार संघ नेपालको २३ औं बार्षिकोत्सवको अवसरमा चलचित्र पत्रकारहरुलाई संघले पुरस्कार तथा सम्मान प्रदान गरेको छ । हरेक बर्ष जेठ ७ गते चलचित्र पत्रकारीता दिवस मनाउने गरिन्छ । कोरोनाका कारण रोकिएको ३ बर्षको चलचित्र पत्रकारीता पुरस्कार तथा सम्मान यो वर्ष एकैपटक प्रदान गरिएको हो ।

शनिबार आयोजित समारोहमा राष्ट्रिय चलचित्र पत्रकारिता सम्मान २०७७’ बाट बरिष्ठ चलचित्र पत्रकार शान्तिप्रिय र राजन घिमिरेलाई प्रदान गरिएको छ । राष्ट्रिय चलचित्र पत्रकारिता पुरस्कार २०७७’ बाट दिवाकर मैनाली र आर. डि. शृंखला (राजन दाहाल ) पुरस्कृत गरियो । त्यस्तै, राष्ट्रिय चलचित्र पत्रकारिता सम्मान २०७८ बाट सुव्रतराज आचार्य र सन्दीप सापकोटालाई प्रदान गरीयो भने , राष्ट्रिय चलचित्र पत्रकारिता पुरस्कार २०७८ बाट कुमार आचार्य र गीता अधिकारीलाई पुरस्कृत गरीयो ।

राष्ट्रिय चलचित्र पत्रकारिता प्रोत्साहन पुरस्कार २०७८ मनोज न्यौपाने र राष्ट्रिय मोफसल चलचित्र पत्रकारिता पुरस्कार २०७८ पोखराका रेम रसाइलीलाई प्रदान गरिएको थियो । त्यस्तै, राष्ट्रिय चलचित्र पत्रकारिता सम्मान २०७९ राजाराम फुयाँल र लक्ष्मण सुवेदीलाई सम्मान गरीएको थियो ।

चलचित्र पत्रकारिता पुरस्कार २०७९ बाट नेमिष गौतम र विष्णु प्रसाद सुवेदी, पुरस्कृत हुँदा राष्ट्रिय चलचित्र पत्रकारिता प्रोत्साहन पुरस्कार २०७९ उद्धव रसाइली र राष्ट्रिय मोफसल चलचित्र पत्रकारिता पुरस्कार २०७९ मकवानपुरका श्रीराम अर्जुनलाई प्रदान गरिएको थियो । चलचित्र पत्रकारिता पुरस्कार ५१ हजार राशी र मोफसल चलचित्र पत्रकारिता पुरस्कार २५ हजार रहेको थियो ।

नेपाल सरकारका प्रवक्ता एंव सुचना तथा सञ्चार मन्त्री ज्ञानेन्द्र बहादुर कार्कीले पुरस्कार प्रदान गर्नुभएको थियो । समारोहमा अभिनेता राजेश हमाल ,भुवन केसी लगायत कलाकारका साथै बिभिन्न क्षेत्रका विशिष्ठ व्यक्तित्वहरुको सहभागिता रहेको थियो ।

काठमाण्डौ - कैलाली जनपुस्तकालयको ६५औं बार्षिकोत्सब को अवसर आयोजिक कार्यक्रममा  अधिकारकर्मी दिर्घ राज जोशीलाई बद्रिनाथ स्मृति राष्ट्रिय पुरस्कार २०७८ बाट सम्मानित गरिएको छ ।

धनगढीमा आयोजिना गरिएको उक्त कार्यक्रममा जोशीलाई  सुरक्षित आभाष  कार्यक्रम अन्तर्गत भुकम्प पछिको पुननिर्माणमा  पुर्याएको योगदानको कदर गर्दै सम्मान गरिएको कैलाली जनपुस्तकालयका अध्यक्ष टि.एन जोशीले बताएका छन् ।

सुदूरपश्चिम प्रदेश प्रमुख देवराज जोशी ज्युको प्रमुख आतिथ्यतामा सम्पन्न भएको कार्यक्रममा विभिन्न क्षेत्रमा कार्यरत व्यक्तित्वहरुको सहभागिता रहेको थियो ।

काठमाण्डौ – सुदुरपश्चिमको बझाङ जिल्लामा जन्मिएका  दिर्घराज जोशी बाल्यकाल देखीने मानव अधिकारको पक्षमा उभिदै आएका छन् । जन्म स्थान छोडेर कैलाली जिल्लाको धनगढी उपमहानगरपालिकामा बसोबास गर्दे आइरहेका जोशी तत्कालिन जनआन्दोलनका क्रममा निकै सक्रियताका साथ मानवअधिकारका विषयमा वकालत गर्दर्थे । उनले त्यतिवेला सरकार र तत्कालिन विद्रोही पक्ष नेकपा माओवादीबाट वेपत्ता पारिएका मान्छेहरुलाई सार्वजनिक गर्नु पर्ने माग राख्दै निक्कै लामो संघर्षका आन्दोलनहरुमा समेत सक्रियरुप भुमिका खेलेका थिए ।

जोशीे मानवअधिकारका विषयमा कुरा गर्दा सम्झन्छन् “वि सं २०६२– ६३ को जनआन्दोलन, जुन बेला देशमा राजतन्त्र विरुद्धको आगो बल्दै थियो भने लोकतनत्र र गणतन्त्रका चर्का नाराहरु घन्किदै थिए र सोही भिडमा धनगढीको गर्मी मौसमको तातो सडकमा २१–२२ वर्षको ठिटो पनि प्रहरीको दमन र वर्बरताको विरोध गर्दै सडकमा शान्तिको नारा लगाउदै थियो । मानव अधिकार र मानविय कानुनको सम्मान गर्न अनुरोध गर्दै र्याली निकालेका भिडमा रहेका युवाहरुको जमातलाइ थाहा थिएन , मात्र उनिहरु तत्कालिन व्यवस्थाविरुद्ध लागेका पार्टीका कार्यकर्ता जस्ता बन्न पुगेका थिए र तीनै पार्टीका नेतृत्वले उनिहरुलाई संचालन गरेका थिए । तर कुनै पार्टी वा दलसंग नजोडिई विसुद्ध मानवअधिकारको  रक्षाको निम्ती लडिरहेका जोशी जस्ता युवाहरुको जमातलाई पनि तत्कालिन व्यवस्थाले पार्टीका कार्यकर्ता सम्झेर २०६२ साल चैत्र १२ गते धनगढीको पार्कमोडवाट प्रहरीले घेरा हालेर गिरफ्तार गरी जिल्ला प्रहरी कार्यलय कैलाली पुर्याएको थियो । २०६३ बैशाख १ गतेका दिन तत्कालिन राजा ज्ञानेन्द्र विर विक्रम शाहदेवको सत्ताच्युत पछि मात्रै थुनिएका जोशी लगायतका मानवअधिकारका लागी आवाज उठाउने  युवाहरुलाई थुनामुक्त गरिएको थियो ।”

थुना भित्रै रहेर पनि जोशीले मानव अधिकार र नेपालमा मानव अधिकारका क्षेत्रमा काम गर्ने व्यक्ति र संघ संस्थाहरुको बारेमा अध्ययन गर्ने मौका पाएका थिए । एक महिने जेल जिवनको अवधिमा जोशीले थुप्ै संघ संस्था तथा मानवाधिकारकर्मीहरु संगको आफ्नो चिनजानलाई निकै अगाडी बढाई सकेका थिए मानव अधिकारको विषयमा वकालत गर्न चाहाने जोशीसंग थुपै्र  व्यक्तित्वहरु जोडिएका थिए र जोशीलाई  मानव अधिकार र शान्तिको लागि आवाज उठान गर्न उर्जा प्रदान गर्ने जमातहरु झन बढ्दै गईरहेको थियो र त्यहि मौकामा  शान्तिका लागि शाझा अभियान (कोक्याप) नामक एक गैरसहकारी संस्था जसले मानव अधिकारका क्षेत्रमा काम  गर्ने व्यक्तिहरुको सहभागिता एउटा विशेष कार्यक्रमको आयोजना गर्ने योजना बनाएको थियो, तयस बखत जोशीले पनि त्यो संस्थामा आवद्ध रहेर स्वयंसेवक रुपमा काम गर्न थाले । त्यो संस्था वास्तवमा नेपालमा शान्ति र मानवअधिकारको क्षेत्रमा कार्यरत ५० वटा भन्दा बढी संस्थाको छाता संगठन थियो । जोशीले लामो समय खोजीरहेको मञ्च कोक्यापले प्रदान गरेको थियो ।

कोक्यापमा बसेर भोलेन्टियरको काम गर्न सुरुगरे लगत्तै उनले भावी नेपाल नागरिकको पहल नामक बृहत ३ दिने कार्यशालामा सहभागी हुने मौका पाएका थिए । जहाँ देशभरीबाट शान्ति र  मानव अधिकारको क्षेत्रमा काम गरेका विभिन्न व्यक्तित्वहरुको उपस्थिीती थियो । जुनकार्यक्रमको प्रभावले जोशी प्रती कोक्याप पनि निकै आकर्षित हुदै वि सं २०६४ माघ १ गते देखी फागुन ७ गते सम्म आयोजना गर्न लागेको बृहत राष्ट्रव्यापी साईकल यात्रामा  विषेश भुमिकामा सहभागी गराउने निर्णय समेत गरेको थियो । “उनिहरु कहाँ छन ?” भनेर नाम दिएको त्यो यात्राको मुख्य उदेश्य भनेको दन्द्ध कालमा राज्य र तत्कालिन विद्रोही माओवादी पक्षबाट विभिन्न बहानामा वेपत्ता पारिएका नागरिकहरुलाई तत्काल सार्वजनिक गर्न र उनिहरुको वास्तवीक अवस्थाबारे आम जनसमुदायलाई जानकारी गराउन दुवै पक्षलाई दवाव दिने उदेश्यले आयोजना गरिएको थियो । १५ जना नेपाली र १ जना विदेशी गरी कुल १६ जनाको टोली नेपालको मेचीबाट यात्रा सुरु गरी महाकालीमा समापन गर्ने गरी कार्यक्रमको आयोजना गरिएको थियो । देशका विभिन्न स्थानमा सभा, सम्मेलन नागरिक सुनुवाइ कार्यक्रम एवम् स्वयम नागरिक सचेतना जस्ता कार्यक्रम गरी करिव ३६ दिन पछि त्यो यात्रा महाकालीको गड्डाचौकीमा समापन भएको थियो । त्यस यात्रामा मुख्य भुमिकामा जोशीनै रहेका थिए । हजारौंको संख्यामा राज्य तथा तत्कालिन विद्रोही पक्षबाट वेपत्ता पारिएका मान्छेहरुको खोजी गर्न सरकार पक्षलाइ दवाव स्वरुप सुरु गरिएको अभियान थियो । सोही दबाब र राष्ट्रिय तथा अन्तराष्ट्रिय मानवअधिकार संगठनको चर्को आलोचनापछि सरकारले वेपत्ता नागरिक छानविन आयोग र सत्य निरुपण तथा मेलमिलाप आयोग जस्ता महत्वपुर्ण आयोगहरु समेत गठन गरेको थियो ।

लामो समय देखी मानव अधिकार र समाजसेवाका क्षेत्रमा सक्रिय भुमिकामा रहदै आएका जोशीले  राष्ट्रिय तथा अन्तराष्ट्रिय स्तरमा आयोजना गरिने विभिन्न मानव अधिकार सम्बन्धि गोष्टि सेमिनार  लगायतका कायृक्रमहरुमा सहभागी हरँदै मानव अधिकारको विषयमा अध्ययन तथा अनुसन्धान थर्दै नेपालमा शान्ति मानव अधिकार र लोकतन्त्रलाई कसरी बलियो बनाउन सकिन्छ भन्ने विषयमा वकालत गर्दे आईरहेका छन् । यसै सिलसिलामा जोशी क्यानडा, अस्ट्रेलियत, जापान, ताईवान, हङकङ मकाउ, थाईल्याण्ड, जर्मन, फ्रान्स  लगायत युरोपका विभिन्न देशहरुमा  गएर तालिमहरु प्राप्त गरिसकेका छन् ।

नेपालको मानव अधिकारको अवस्थालाई अन्तराष्ट्रियस्तर सम्म लैजान र एक शान्त समृद्ध र सम्पन्न देशको रुपमा नेपाललाई विश्व सामु चिनाउन पाउनु जत्तिको गर्व गर्न लाएक कुरा केही हुदैन तर नेपालमा दिनहँु भईरहने मानव अधिकार हननका घटनाहरुले शान्ति र लोकतन्त्रको नारालाई ओझेलमा पार्दै आईरहेको छ । जोशी मात्रै हैनन्,  मानव अधिकारका  पक्षमा वकालत गर्ने थुपै्र व्यक्ति एवम् संगठनहरु भए पनि उनिहरुले पनि सोचे अनुरुप कामगर्न सकेको छैनन । तत्कालिन समयमा जोशी तथा उनिहरुको समुहले उठान गरेको “उनिहरु कहाँ छन् ?” नामक दबाब मुलक यात्रामा सम्पुर्ण पक्षबाट साथ सहयोग भयो । तत्कालिन समयमा राज्यपक्षबाट वेपत्ता नागरिकहरुको खोजी गर्ने एवं दन्द्धकालिन मुद्धाहरुमा  मेलमिलाप गर्ने लगायतका कार्यहरु गर्नको लगी सरकारले जनतालाई आश्वस्त पार्ने उदेश्यले विभिन्न किसिमका आयोग तथा निकायहरु खोलेर कार्यको सुरुवात पनि गरेकै हो तर सोचे अनुरुप अझै पनि ति आयोगहरुले काम गर्न भने आजको दिन सम्मपनि सकिरहेका छैनन् ।

क्यानडामा आयोजना हुने अन्तराष्ट्रिय मानव अधिकार सम्वन्धि विशेष तालिम कार्यक्रममा नेपालको तर्फबाट अधिकारकर्मी दीर्घराज जोशीले सहभागीता जनाएका थिए । उनले  सन २०१६ मा करिव २६ सय जना अधिकारकर्मीहरुले विश्वभरीबाट कार्यक्रममा सहभागिताको लागी आवेदन दिएका थिए । आवेदनमा दिएका मध्येवाट छानिएका १०० जना भित्र जोशी पनि एक थिए, तत्कालिन समयमा नेपालवाट प्रतिनिधित्व गर्ने जोशी लगायतका २ जना अधिकारकर्मीहरु क्यानेडामा आयोजना भएको तालिममा सहभागिता जनाएका थिए । हरेक वर्ष आयोजना हुने मानवअधिकार सम्बन्धी कार्यक्रममा करिव ५० देशबाट आएका १ सय जनाको सहभागीता रहेकोे त्यो कार्यक्रम मानव अधिकारकर्मीको लागी एउटा महाकुम्भ थियो त्यो ईक्विटास क्यानडको ३६ औं संस्करणमा कार्यक्रम थियो , ईक्विटास क्यानडा सरकारको मानवअधिकार सम्बन्धि काम गर्ने आधिकारिक सरकारी निकाय हो ।

मानव अधिकारको क्षेत्रमा सक्रिए रहदै आएका जोशीलाई विभिन्न संघ संस्थाहरुले सम्मान एवं कदर समेत प्रदान गर्दै आईरहेका छन् ।  लामो समयसम्म मानव अधिकार, लोकतन्त्र र शान्तिको  लागि सक्रिए  भुमिका निर्वाह गर्दै आएका जोशीलाई नेपालकै पहिलो समावेशी म्युजिक अवार्ड राष्ट्रिय समावेशी म्युजिक अवार्ड समारोहमा “मानव अधिकार सेवा सम्मान २०२२” समेत प्राप्त गर्नुको साथै गण्डकी प्रदेश प्रमुखले उल्लेखनिय कार्य गरेको भन्दै जोशीलाई प्रशंसा पत्र प्रदान गरिसकेका थिए, त्यसै गरी अधिकारकर्मी जोशीले गिनिज बुक अफ वल्र्ड रेकर्ड २०१९, एभरेष्ट अनर अवार्ड २०१९ लगायतका अवार्ड तथा सम्मानहरु प्राप्त गरिसकेका छन् ।

प्रस्तुती: अरविन्द्र गौतम

काठमाण्डौ– नेपाल चलचित्र तथा कलाकार श्रमिक संगठनको औपचारिक भेटघाट कार्यक्रम सम्पन्न भएको छ । कार्यसमिति मानार्थ सदस्यता प्रदान, पदाधिकारी तथा सदस्यको परिचय पत्र वितरण लगायतका कार्यक्रम सहित मंगलबार राजधानीको रक हाउस क्याफेमा फावनको परिचय तथा भेटघाट कार्यक्रम सम्पन्न भएको हो ।
गत साउनमा सम्पन्न फावनको पाँचौ अधिवेशनबाट निर्वाचित नयाँ कार्यसमिति पदाधिकारी तथा सदस्यहरुको औपचारिक तथा नव नियुक्ति मानार्थ तथा साधारण सदस्यलाई सांगठनिक सदस्यता परिचय पत्र र प्रमाण पत्र प्रदान गरिएको थियो । नवनिर्वाचित अध्यक्ष खगेन्द्र प्याकुरेल, वरिष्ठ उपाध्यक्ष ऋmषिराज आचार्य, कृष्ण काफ्ले, शिव परियार, ऋषि लामिछाने, चिरञ्जिवी गरागाई, महांसंघका केन्द्रिय सदस्य बेदराज लामा, उपाध्यक्ष दयाराम घिमिरे, महिला उपाध्यक्ष सरिता भारती, महासचिव राजन थापा, सचिव प्रदिप वासतोला, कोषाध्यक्ष कमला कुमारी जोशी र सहकोषध्यक्ष प्रवण भुषाल, सदस्य सन्जित भण्डारी, मिडिया संयोजक जिवन पराजुली, केन्द्रिय सदस्य तथा आईटी विज्ञ डेविल सिंह राजपुत, सदस्य सुस्मा देवकोटो, सदस्य साक्षि लम्साल गायत कार्यसमिति सदस्य, मानार्थ सदस्य तथा सल्लाहकार समितिको उपस्थिती रहेको थियो ।

कार्यक्रममा गायक शिव परियार र गायक कृष्ण काफ्लेलाई पनि मानार्थ सदस्यका रुपमा सम्मान सहित कार्य समितिमा मनोनयन गरिएको छ । चार वर्षका लागि निर्वाचित नयाँ कार्यसमितिको मानार्थ सदस्यमा वरिष्ठ चलचित्र निर्देशक मोहन निरौला, वरिष्ठ सञ्चारकर्मी शान्तिप्रिय, चलचित्र निर्देशक माधव राज खरेल लगायत मानार्थ सदस्य रहेको कार्यसमितिमा सल्लाहकार चलचित्र अर्काईष्टि चिरञ्जिवी गुरागांईं श्रीदेव भट्टराई लगायतलाई पनि परिचय पत्र वितरण गरिएको थियो ।
कार्यसमितिको मंगलबारको बैठकमा अध्यक्ष प्याकुरेलले कला क्षेत्रमा भौती तथा बौद्धिक श्रमदान गर्दै आएका कलाकर्मीको उचित सम्मान हुनु पर्नेमा जोड दिनुका साथै आफ्नै अधिकारप्रति सचेत र नेपाली कलाकारिता प्रति जिम्मेबार रहन संगठनका पदाधिकारी तथा सदस्यहरुलाई ध्यानाकर्षण पनि गराएका छन् ।संगठनका मानार्थ सदस्या तथा चलचित्र निर्देशक माधव राज खरेलले नेपाली चलचित्र क्षेत्रको ईतिहास देखी वर्तमान अवस्था प्रति कलाकर्मीको भुमिका र संगठनको विधानगत साथै उदेस्य र योजनाबारे प्रकाश पारेका थिए । विसं २०६० सालमा स्थापना भएको संगठनले नेपाली चलचित्र, गीतसंगीतका क्षेत्रमा कार्यरत कलाकर्मी तथा श्रमिकहरुको हकहितका लागि विभिन्न समयका विभिन्न किसिमका कार्यक्रमहरु आयोजना गर्दै आईरहेको संगठनमा  चलचित्र गीत संगीतका क्षेत्रमा कार्यरत हरेक व्यक्तिले नेपाल चलचित्र तथा कलाकार श्रमिक संगठनमा सदस्य बन्न सक्ने प्रावधान रहेको छ ।