काठमाण्डौं । नेपालको शैक्षिक विकासका लागि विद्यालय तहदेखि उच्च शिक्षाका क्षेत्रमा विश्वस्तरीय शिक्षा प्रदायक शैक्षिक संस्थाहरूको स्थापना र प्रवर्धन गर्ने उद्देश्यका साथ मध्य बानेश्वर, काठमाडौँमा २०६१ सालमा स्थापना भएको प्रोफेसनल एजुकेटर्स लिमिटेडकोे नाम प्राज्ञिक जगत्मा अग्रणी एवम् गरिमामय छ । ग्लोबल कलेज अफ म्यानेजमेन्ट, ग्लोबल स्कुल अफ साइन्स, युनिग्लोब स्कुल÷कलेज, भ्याली भ्यु स्कुल, ग्लोबल कलेज इन्टरनेसनल र लिबर्टी कलेज जस्ता ख्यातिप्राप्त शैक्षिक संस्थाहरूको स्थापना, व्यवस्थापन एवम् सञ्चालनका क्रममा निजी क्षेत्रको विशिष्ट योगदानस्वरूप विभिन्न क्षेत्रबाट उच्च योगदान पु¥याउँदै आउनुभएका विज्ञ व्यक्तित्वहरूको संलग्नतामा आरम्भ भएको शैक्षिक यात्राले आज सुनौलो गन्तव्य पहिल्याउन सफल भएको छ । 

२० वर्षको गौरवशाली शैक्षिक इतिहास निर्माण गरिसकेको प्रतिष्ठित शैक्षिक संस्था प्रोफेसनल एजुकेटर्स लिमिटेड (ग्लोबल ग्रुप) एवम् नेपालकै सर्वाधिक विश्वासिलो बिमा कम्पनी नेपाल लाइफ इन्स्योरेन्स कम्पनी लिमिटेड ९ल्ीक्ष्ऋ० का बीचमा संस्थागत विकासको वृहत्तर अवधारणाअनुरूप इक्विटी लगानी सम्झौता सम्पन्न भएको छ । वि.सं. २०८१ श्रावण ६ गते, गुरुपूणर््िामाका दिन प्रोफेसनल एजुकेटर्स लिमिटेडका अध्यक्ष डा. खगेन्द्रप्रसाद ओझा, नेपाल लाइफ इन्स्योरेन्स कम्पनी लिमिटेडका अध्यक्ष श्री गोविन्दलाल सङ्घाई, वरिष्ठ सञ्चालक तथा नेपाल चेम्बर अफ कमर्सका अध्यक्ष श्री कमलेश अग्रवाल तथा दुवै प्रतिष्ठित कम्पनीका सञ्चालकहरू, प्रमुख कार्यकारी अधिकृतहरू, वरिष्ठ अधिकृतहरू, चार्टर्ड एकाउन्टेन्टहरू तथा कानुनी सल्लाहकारहरू समेतको उपस्थितिमा रोयल सिङ्गी होटेलमा आयोजना भएको विशेष समारोहमा प्रोफेसनल एजुकेटर्स लिमिटेडका तर्फबाट अध्यक्ष डा. खगेन्द्रप्रसाद ओझा र नेपाल लाइफ इन्स्योरेन्स कम्पनी लिमिटेड का तर्फबाट प्रमुख कार्यकारी अधिकृत श्री प्रवीणरमण पराजुलीले इक्विटी लगानी सम्झौतामा हस्ताक्षर गर्नुभयो । 

लगानीका क्षेत्रमा नेपालमा पहिलो पटक संस्थागतरूपमा यस किसिमको अभूतपूर्व सहकार्य हुँदै मुलुकको शैक्षिक इतिहासमा नयाँ आयामको थालनी भएको छ । शैक्षिक प्रवर्धनमुखी कदम र नयाँ प्रयोगका माध्यमबाट प्रोफेसनल एजुकेटर्स लिमिटेडले आफ्नो आगामी यात्राक्रममा शिक्षा क्षेत्रको दिगो संस्थागत संरचना खडा गर्दै अगाडि बढ्ने लक्ष्य लिएको छ । यस हेतु कम्पनीले आपूmलाई संस्थागत सुशासन र पारदर्शितामा अब्बल साबित गर्दै गुणस्तर कायम गर्न सबल र सक्षम भई विद्यार्थीवर्गको भविष्य सुनिश्चित 
हुनेछ । यस किसिमको पहलबाट कम्पनीको गरिमा स्वतः अभिवृद्धि हुनजाने भएकाले नेपालको शिक्षा क्षेत्रमा यस लगानी सम्झौताको सन्दर्भलाई शैक्षिक विकासको कोसेढुङ्गो मान्न सकिन्छ । 

अत्याधुनिक भौतिक पूर्वाधार, प्रविधिमैत्री शैक्षिक वातावरण, दक्ष जनशक्ति, स्पष्ट एवम् पारदर्शी कार्यनीति र निरन्तर उत्कृष्ट नतिजा आदि विशेषताहरूलाई आत्मसात् गर्दै आएको प्रोफेसनल एजुकेटर्स लिमिटेडले निकट भविष्यमा नै सर्वसाधारणका लागि लगानीको अवसर प्रदान गर्ने गरी प्राथमिक सार्वजनिक निस्काशन (आईपीओ) जारी गर्न धितोपत्रको सूचीकरणसम्बन्धी प्रक्रियासमेत अगाडि बढाउने भएको छ । यस किसिमका अग्रगामी पहलकदमीबाट शैक्षिक क्षेत्रमा नव उन्नयन हुँदै काँचुली फेरिने अपेक्षाका साथ दुवै पक्षबाट सहकार्यका साथ अघि बढ्ने प्रण गरिएको छ । साथै, नेपालको निजी क्षेत्रबाट सेवा प्रदान गरिएको शैक्षिक क्षेत्रको संस्थागत विकासमा यस किसिमको सहकार्यबाट समृद्धिको नयाँ अध्याय सुरु भएको विश्लेषण गरिएको छ ।

3rd Annual general meeting of FNCCI affiliated  Nepalese Young entrepreneurs forum (NYEF) Lalitpur chapter successfully conducted at Hilton hotel on Tuesday. Former sports minister minister Biraj Bhakta Shrestha inaugurated the agm function.

In a program the immediate past president of NYEF Lalitpur Mr. Subin Shrestha  handed over the responsibility to the newly appointed president Ms. Neetu Shrestha. 

Ms. Neetu Shrestha is the founder of fashion and clothing brand NS by Jenny . She is a dynamic and visionary young entrepreneur who has diversified business experiences and expertise in hotel industry and fashion industry. Neetu will be the president of NYEF Lalitpur chapter for the next one year 2024-25. She is the first woman president from NYEF Lalitpur chapter. The agm had elected Elvis ranjit in 1st VP and Anukul shresth as the 2nd VP. 

The newly elected executive committee members comprises  Jush Shrestha,  Shikhar pandey, Nishan Dhakal, Prakiran shrestha, Neeraj Agrawal, Ashank Sjb Rana & Palas Joshi.

NYEF Lalitpur chapter has a unique vision mission and objectives to empower and encourage young entrepreneurs. By making best use of their skills and abilities to help grow young entrepreneurs.  Organization even make best use from the available network and resources to add economic value and growth in the country by creating more employment opportunities. So far it add higher values to made in Nepal products and create unique business platform to help grow young entrepreneurs across Nepal . 

The total members at NYEF is 800 plus in all over Nepal across 13 districts and 7 provinces . NYEF has contributed in creating more than 40,000 jobs all over Nepal . NYEF Lalitpur is one of the chapter. Newly elected president of NYEF Lalitpur said that NYEF Lalitpur is looking forward to grow bigger and better in all the in the years to come . 

नयाँ प्रविधि र नवीनताको एक अर्को कीर्तिमान स्थापित गर्दै, भिभोले आफ्नो वाई शृंखलाको अत्यन्तै उत्कृष्ट सदस्य भिभो वाई २८ काठमाडौँ कमलादीस्थित २५६ फिट उचाईमा रहेका स्काइवाक टावरमा प्रमुख मिडियाहरूको उपस्थितिमा सार्वजनिक गरेको छ । ७.९९ मिमि अल्ट्रा–स्लिम बडीमा ६००० एमएएच पावरफुल ब्याट्रीको साथ भिभोले स्मार्टफोन डिजाइनलाई पुन ः परिभाषित गरेको छ ।

डिजाइनको सन्दर्भमा भिभो वाई २८ , दुई अद्वितीय रङ ः ग्लीेमिङ ओरेञ्ज र एगेट ग्रीन कलर भेरियन्टमा उपलब्ध हुनेछ । यसको सौन्दर्यलाई अझ बढाउन यस्मा मेटालिक हाई–ग्लोस फ्रेम र अद्वितीय रूपमा निर्मित रियर क्यामेरा मोड्युल छन्, जसमा डाइनामिक लाइट समावेश छ , जसले संगीत र नोटिफिकेसनसहरूसँग सिङ्क गरी एक आकर्षक दृश्य र श्रवण अनुभव प्रदान गर्दछ । भिभो वाई २८ विशाल ६००० एमएएच ब्याट्री संग सुसज्जित छ, जसमा ४४ वाट फ्ल्यास चार्ज पनि छ, जसले विस्तारित गेमिङ र पूर्ण दिनको आउटिंगका लागि पर्याप्त शक्ति प्रदान गर्दछ । यसको स्थायित्वको लागि यस्मा चार वर्षको ब्याट्री हेल्थ ग्यारेन्टी दिइएको छ , जसले १६०० चार्ज साइकल पछि पनि कम्तीमा ८० % क्षमताको साथ ब्याट्रीलाई मजबुत राख्दछ ।

साथै, भिभो वाई २८ मा ९० हर्ट्ज रिफ्रेश रेट र हाई ब्राइटनेस मोड भएको सनलाइट आई प्रोटेक्शन स्क्रिन छ, जसले स्पष्ट दृश्य र कम आँखा थकान सुनिश्चित गर्दछ । यस स्क्रिनमा टीयूभी राइनल्याण्ड लो ब्लू लाइट प्रमाणीकरण पनि समेटिएको छ , जसले आँखालाई हानिकारक निलो प्रकाशबाट सुरक्षा प्रदान गर्दछ । डुअल स्टीरियो स्पिकरको साथ ३०० % अडियो बूस्टर सुविधा पनि रहेको भिभो वाई २८ ले एक अद्वितीय अडियो–भिजुअल अनुभव प्रदान गर्दछ ।

भिभो वाई २८ मा रहेको ५० एमपी एचडी मुख्य क्यामेराले सबै विवरणलाई स्पष्टतासहित क्याप्चर गरी प्रयोगकर्ताहरूलाई प्रशंसनीय फोटोग्राफी अनुभव प्रदान गर्दछ । ८ मेगापिक्सेलको फ्रन्ट क्यामेरा औरा स्क्रिन लाइटसँग सुसज्जित छ, जसले सेल्फीहरूलाई अझ उज्यालो र जीवन्त तुल्याउछ ।

प्राविधिक प्रगतिमा भिभोको प्रतिबद्धतालाई अनुसरण गर्दै, भिभो वाई २८ ले स्मार्टफोनले के गर्न सक्छ भन्ने सीमाहरूलाई पार गर्दछ । भिभो वाई २८ जुलाई ४ देखि सबै भिभो रिटेल स्टोरहरूमा र अनलाइन दराज मार्फत रु. २४,९९९ मा ८÷१२८ जीबी र रु. २६,९९९ मा ८÷२५६ जीबीमा उपलब्ध हुनेछ । भिभो वाई २८ कुनै पनि प्रयोगकर्ताको लागि आदर्श साथीको रूपमा उदाउँदो आधुनिक प्रयोगकर्ताहरूको विविध आवश्यकताहरू पूरा गर्न तयार छ ।

काठमाडौं, १६ असार । जेए ग्रुपले असार १५ अर्थात धान दिवसका अवसरमा भक्तपुरको ओम वृद्धाश्रममा खाध्य सामग्री वितरण गरेको छ । संस्थाले वृद्धाश्रममा २१ जना वृद्ध वृद्धा तथा आश्रमका कर्मचारीलाई समेत दहिचिउरा, मिठाइ, फलफुल तथा अन्य खाध्यान्न वितरण गरेको हो ।

यसअधि संस्थाले २ जना क्यान्सर पिडितलाई जनहि ५० हजारका दरले आर्थिक सहयोग समेत गरेको थियो ।

जेए ग्रुप विभिन्न समय समयमा संस्थागत सामाजिक उत्तरदायित्व अन्तर्गत विभिन्न सहयोग गर्दै आइरहेको छ । यसैगरी संस्थाले यसै वर्षदेखि प्रत्येक महिना कम्तिमा एउटा सामाजिक कार्य गर्ने समेत घोषणा गरेको छ ।

४८ वर्षअघि लप्सीका बियाँ निर्यात गर्ने जितबहादुर श्रेष्ठले एनबीबाट बाहिरिएर जेए ग्रुपमार्फत व्यवसाय विस्तार गरेका हुन् । जेए ग्रुप कृषि, पर्यटन, जलविद्युत, बैंकिङ र औद्योगिक क्षेत्रमा लगानी गर्दै आएको छ ।

काठमाडौं । उपभोग्य सामग्रीमा अग्रिम आयकरले महँगी बढ्ने नेपाल चामल तेल दाल उद्योग संघ संबद्ध उद्योगीहरुले दाबी गरेका छन् । संघद्धारा बुधबार काठमाडौंमा आयोजित पत्रकार सम्मेलनमा दैनिक उपभोग्य सामग्रीमा अग्रिम आयकर लागेपछि चामल र दालको मूल्य बढ्ने उनीहरुले बताए । आगामी आर्थिक वर्षको बजेटले नेपालीको भान्छामा दैनिक प्रयोग हुने अत्यावश्यक खाद्यान्न प्रशोधन गरी बिक्री गर्ने चामल दाल उद्योगलगायतका उद्योगको कच्चा पदार्थ (धान र दाल गेडागुडी)आयातमा क्रमशः २.५ प्रतिशत र १० प्रतिशत अग्रिम आयकर लगाएको भन्दै संघले आपत्ति जनाएको हो ।

संघका अध्यक्ष कुमुद दुगडले अग्रिम करका कारण दालमा २० प्रतिशत तथा चामलमा सय रुपैयाँ मूल्य बढ्ने जिकिर गर्नुभयो । कच्चा पदार्थ अभावले खाद्य उद्योग संकटमा रहेको अवस्थामा खाद्य उद्योगमाथि बजेटले आक्रमण गरेको भन्दै उहाँले अग्रिम कर फिर्ता नलिए उद्योग छ महिनामा बन्द हुने चेतावनीसमेत दिनुभयो । सरकारको निर्णयले अर्बौंको स्वदेशी लगानी डुब्नुका साथै रोजगारीमा समेत प्रत्यक्ष असर पार्ने संघको भनाइ छ ।

नेपाल उद्योग वाणिज्य महासंघका वस्तुगत उपाध्यक्ष हेमराज ढकालले अग्रिम करसहित दाल, धान, चामल, गहुँ, मकै, भटमासमा लागेको सबै कर खारेज हुनुपर्ने बताउनुभयो ।

कार्यक्रम माझ नेपाल उद्योग वाणिज्य महासंघका कार्यकारिणी सदस्य समेत रहनुभएका संघका निवर्तमान अध्यक्ष सुबोध कुमार गुप्ताले राज्यले उद्योगको संरक्षण गर्नुपर्नेमा उल्टै उद्योग कल कारखाना धरासायी पार्ने गरि अघि बढेको आरोप लगाउनुहुँदै यस्ता कदमले रोजगारी गुम्ने र औद्योगिक वातावरणमा असर पर्ने औंल्याउनु भयोे ।

त्यसैगरि नेपाल चेम्बर अफ कमर्सका कृष्णकुमार श्रेष्ठ महासंघ र चेम्बरले यस्ता संवेदनशील विषयमा एक आपसमा मिलेर राज्यलाई बोध हुने गरि सहकार्यमुलक कार्यक्रम गर्नुपर्नेमा जोड दिनुभयो ।

औद्योगिक प्रयोजनका लागि आयात हुने कच्चा पदार्थ ९दाल गेडागुडी० आयातमा तयारीको तुलनामा कम्तीमा पनि एक तहको भन्सार दर फरक हुन्छ भनी अर्थमन्त्रीले बजेटमा भनिरहँदा विगत पाँच वर्षदेखि एक तहको सुविधा उद्योगीले खोजिरहेकोमा सो विपरीत तयारी दाल र कच्चा पदार्थ आयातमा समान १० प्रतिशत यथावत् रहेको र सोमा थप १० प्रतिशत अग्रिम आयकरको भार थप हुँदा दाल उत्पादन गर्ने उद्योग सिधा मर्कामा परेको संघको आधिकारिक धारणा छ।

त्यस्तै, संघका अनुसार औद्योगिक प्रयोजनका लागि आयात हुने कच्चा पदार्थ (धान) मा यस आर्थिक विधेयक २०८१ मा २.५ प्रतिशत अग्रिम आयकर लागेको छ । जसले गर्दा धान आयात गरी चामल उत्पादन गर्ने उद्योग सिधा मर्कामा परेको छ । भारतबाट आयात हुने तयारी धान र व्यापारीबाट आयात हुने तयारी चामल दुवैको भन्सार महसुल र अग्रिम आयकर लगभग बराबर नै हुन जान्छ । जसले स्वदेशी चामल उद्योग धरासायी हुने देखिन्छ ।

एकातर्फ सरकारले मूल्य अभिवृद्धि २० प्रतिशतमा सीमित गरिरहेको र अर्कोतर्फ १० प्रतिशत अग्रिम करले न्यूनतम मूल्य अभिवृद्धि ५० प्रतिशत हुनुपर्ने देखाउने संघको भनाइ छ । स्वदेशी दाल, चामल उद्योग बन्द हुँदा आयातित दाल चामलमा भर पर्नुपर्ने र उपभोक्ताले गुणस्तरीय दाल चामल उपभोग गर्न नपाउने, स्वदेशी दाल तथा चामल उद्योगले क्रमशः १० प्रतिशत र २।५० प्रतिशत अग्रिम आएकर थेग्न नसक्ने हुँदा स्वदेशी उद्योग बन्द हुने भन्दै संघले अग्रिम आयकर खारेजीका लागि सरकारको ध्यानाकर्षण गराएको छ ।

काठमाण्डौ। नेपाल चामल तेल दाल उद्योग संघले आर्थिक बर्ष २०८१/०८२ मार्फत नेपालीको भान्छामा दैनिक प्रयोग हुने अत्यावश्यक खाद्यान्नको प्रसोधन गरी बिक्री वितरण गर्ने दाल उद्योगको कच्चा पदार्थ (दाल गेडागुडी) आयातमा लगाइएको १० प्रतिशत अग्रिम आयकरमा विरोध जनाएको छ ।

कच्चा पदार्थ आयातमा १० प्रतिशत अग्रिम आयकर थपिदा आयातित तयारी दाल गेडागुडी र खुला सिमानाबाट आयात हुने दाल गेडागुडीसंग प्रतिस्पर्धा गर्न नसकी यहांको उद्योग बन्द हुने भएको संघको भनाई छ ।

कच्चा दाल आयातमा १० प्रतिशत अग्रिम आयकर थपिदा स्वदेशी उद्योग टिक्न नसकिने संघको ठहर छ । हाल मिलको कच्चा दाल र गेडागुडी आयातमा १० प्रतिशत भन्सार महसुल लागिरहेको छ । योसंगै अतिरिक्त १० प्रतिशत अग्रिम आयकर भंसारमै बुझाउने व्यवस्था गरेको छ । यसरी कर माथी कर थपिंदा दाल गेडागुडी महंगो हुने संघले जनाएको छ ।

नेपालमा करीब ३५ बटा दाल उद्योग संचालनमा रहेका छन् ।दाल उद्योगमा लगभग ३५ अर्बको लगानी छ भने प्रत्यक्ष र अप्रत्यक्ष गरी ५ हजारले रोजगारी पाईरहेकाछन् । यि उद्योगले नेपाल सरकारलाई निरन्तर कर बुझाई राजश्वमा पनि योगदान दिंदै आएका छन् । कुनै उद्योगलाई १० प्रतिशत अग्रिम आयकर लगाउने सरकारको मनसाय नभएर दाल उद्योगमा त्रुटीपूर्ण अग्रिम आयकर थपिएको हुन सक्ने समेत संघले निचोड निकालेको छ ।

एचएस कोड ०७१३ मा खान हुने बनस्पति र केही जराहरु र गानाहरु भएकोमा आलु प्याजहरु यस्तै हार्मोनिक कोड संगै भएकोले दालमा पनी त्रुटीपुर्ण त्यही लाईनमा समावेश भएको हुन सक्ने आकलन संघको छ ।

‘कच्चा दालमा १० प्रतिशत अग्रिम करको नीति उपयुक्त देखिदैन किनभने एकातर्फ सरकारले खुद नाफामा २० प्रतिशत सिमित गरीरहेको छ भने अर्कोतर्फ १० प्रतिशत अग्रिम करले न्युनतम खुद नाफामा ५० प्रतिशत हुनु पर्ने देखाउछ । यो अवस्थामा अब कसरी उद्योग चलाउने । आफ्नो सम्पूर्ण पूंजिनै अग्रिम आयकरको रुपमा जम्मा भई उद्योग संचालन गर्न नसक्ने हुंदा उद्योग बन्द हुने अवस्था सिर्जना हुन्छ’ जारी विज्ञप्तिमा भनिएको छ ।

काठमाण्डौं । सरकारले आगामी आर्थिक वर्षका लागि गरेको बजेट विनियोजन बारेमा समिक्षा गरिएको छ । आईबिएन मिडिया एन्ड रिसर्चले आइतवार ललितपुरमा सरकारका प्रतिनिधि, अर्थविद तथा निजीक्षेत्रका प्रतिनिधिहरूबीच अन्तरक्रिया कार्यक्रम सम्पन्न गरेको हो । कार्यक्रममा राजस्व सचिव डा. रामप्रसाद घिमिरेले बजेट सन्तुलित र समय सान्दर्भिक आएको भन्द यसको कार्यान्वयनका लागि सरोकारवालाको सुझावलाई समेटेर अघि बढ्ने प्रतिवद्र्धता व्यक्त गर्नुभयो ।
यस्तै कार्यक्रममा पूर्व अर्थमन्त्री डा. युवराज खतिवडाले बजेटले मुलुकको आन्तरीक अर्थतन्त्रमा देखिएका राजस्वमा दवाब, माग बढ्न नसक्नु, कर्जा विस्तार हुन नसक्नु, आयता घट्नु जस्ता समस्या सम्बोधन गर्न नसकोको बताउनुभयो । मुुलुकको अर्थतन्त्रलाई स्थायित्व दिन समस्याको दिर्घकालिन समाधान खोज्नु पर्ने उहाँको भनाई छ ।
कार्यक्रममा प्राध्यापक डा रेशम थापाले कार्यपत्र प्रस्तत गर्नुहुँदै बजेटले आर्थिक वृद्धि रोजगारी र सुशासन प्रवद्र्धन गर्ने स्पष्ट कार्यक्रम ल्याउन नसकेको धारणा व्यक्त भयो ।
यस्तै उहाँले पूँजी निर्माणको आधार मानिने पूँजीगत खर्चतर्फ एकातिर कम रकम विनियोजन हुने र अर्कोतर्फ विनियोजित रकम पनि खर्च गर्ने नसक्ने अवस्थाले आर्थिक वृद्धिमा नकारात्मक असर परेको बताउनुभयो । उहाँले यो समस्या दोहोरीन नदिन सरकारले विशेष कार्यसंरचना बनाएर काम गर्नुपर्ने आवस्यकता औँल्याउनुभयो ।
कार्यक्रममा नेपाल चेम्बर अफ कमर्सका उपाध्यक्ष दिपक श्रेष्ठले बजेटले व्यवसायीलाई मात्र नभएर आम नागरीकलाई समेत समेट्न नसकेको धारणा व्यक्त गर्नुभयो । बजेटले अर्थतन्त्रमा देखिएको समस्यालाई सम्बोधन गर्न नसकेको र कार्यान्वयनमा समस्या आउने नीजि क्षेत्रको बुझाई रहेको उहाँले उल्लेख गर्नुभयो ।

यसैगरी कार्यक्रममा उपस्थित नीजि क्षेत्रको विभिन्न संघसंस्थाका प्रतिनीधिहरुले बजेट हेर्दा सन्तुलित देखिए पनि अर्थतन्त्र चलायमान बनाउने गरी कुनै रूपान्तरणकारी व्यवस्था नसमेटिएको उल्लेख गरे । अप्ठ्यारो परिस्थितिमा आएको बजेट समग्रमा सन्तोषजनक मानिए पनि यसको कार्यान्वयनमा जोड दिनुपर्ने आवस्यकता औँल्याइएको छ । व्यवसायीहरु माणिकरत्न शाक्य, पुष्परत्न शाक्य, चिञ्जिवि अधिकारी लगायतले कार्यक्रममा आफनो धारणा राख्न’भएको थियो । 

आइविएन मिडिया एण्ड रिसर्चद्धारा आयोजित उक्त कार्यक्रममा सरकारी, नीजि क्षेत्र तथा अर्थविदहरुसहित ४० जना भन्दा बढीको सहभागिता थियो । यस कार्यक्रमले सरकारलाई बजेट कार्यान्वयनमा मार्गप्रसस्त गर्न सहयोग पुग्ने विश्वास व्यक्त गरिएको छ । उक्त कार्यक्रम हिमालयन बैंक, कृषि विकास बैंक, नेपाल बैंक राष्ट्रिय वाणिज्य बैंक तथा जेए ग्रुपको सहयोगमा सञ्चालन गरिएको हो । 

सरकारले  १८ खर्ब ६० अर्ब ३० करोड रुपैयाँको कुल बजेट सार्वजनिक गरेको छ । बजेटमा आर्थिक सुधार, निजी क्षेत्रको प्रवद्र्धन, कृषि, ऊर्जा, सूचना प्रविधि, पर्यटन, औद्योगिक विकास र पूर्वाधार निर्माणलाई विशेष प्राथमिकतामा राखेको छ । सरकारले उत्पादन, उत्पादकत्व र रोजगारी वृद्धि, निजी क्षेत्रको मनोबल बढाउँदै लगानी वृद्धि र आर्थिक क्रियाकलापमा तीव्रता ल्याउने लक्ष्य पनि लिएको छ । मुलुकको अर्थतन्त्रमा छाएको चरम मन्दीबीच आएको बजेटको बिषयलाई लिएर अहिले मिश्रित धारणा सार्वजनिक भइरहेका छन् । मुलुकका बाह्य क्षेत्र सकारात्मक देखिए पनि आन्तरिक रूपमा भने अर्थतन्त्र अप्ठ्यारो स्थितिमै छ । यस्तोमा समग्र अर्थतन्त्रको सुधारका लागि आगामी बजेको दिशा र यसको कार्यान्वयन कसरी हुन्छ भन्ने विषयमा बहस भैरहेको छ । 
 

झापा, जेष्ठ २० । १९ गते झापा स्थित एनएमसी एग्रो फर्म मेचीनगर १४, दुवागढीमा सरोकारवाला निकायले औपचारिक कार्यक्रम गरि संयुक्त रुपमा विश्व दूध दिवस मनाएका छन । उक्त मुल समारोह कार्यक्रमलाई संबोधन गर्दै कृषि, पशुपंक्षी मन्त्री ज्वालाकुमारी साहले दुग्ध उत्पादक किसानलाई चाँडै भुक्तानीको व्यवस्था मिलाइने बताईन् ।

सरकारी स्वामित्वको दुग्ध विकास संस्थान र निजी डेरीले किसानबाट खरिद गरेको दूधको महिनौंदेखि भुक्तानी नदीरहेको भन्ने गुनासो आएकाले त्यो यथाशीघ्र समाधान गर्न सघाउने उनले बताएकी हुन । ‘दुग्ध उत्पादक किसानहरूले चाँडोभन्दा चाँडो भुक्तानी पाउनुपर्छ भन्नेमा हामी स्पष्ट छौं, उनले भनिन्, ‘मैले थुप्रै व्यावसायिक किसानको गाईगोठ र डेरी उद्योगहरू अवलोकन गरेको छु । किसानहरूले दुधको भुक्तानी नपाएको गुनासो सुनाउनु भएको छ । जसरी भए पनि भुक्तानी हुनुपर्छ भन्ने हाम्रो मान्यता हो’।

प्रदेश सरकारकी राज्यमन्त्री सिर्जना राईले दुग्ध पदार्थमा आधारित उद्योग सञ्चालन र वस्तु प्रबर्धनमा प्रदेश सरकारले उल्लेखनीय अनुदान दिदै आएको बताइन ।

प्रदेश मन्त्रालयका सचिव लेखराज दाहालले देशमा दुधको उत्पादन बढेको जनाउँदै यसलाई निर्यात गर्न आवश्यक पहल जारी रहेको बताए ।

दुग्ध विकास संस्थानका निमित्त राजेन्द्र अधिकारीले भण्डारमा रु एक अर्ब २५ करोडभन्दा बढी मूल्यको दुग्धजन्य उत्पादन विक्री नभएर थन्किरहेको उल्लेख गरे ।

दुग्ध विकास बोर्ड सदस्य एवं नेपाल डेरी एसोसिएसनका पुर्व अध्यक्ष सुमित केडियाले मुलुकलाई समृद्ध र जनतालाई सुखी बनाउने राष्ट्रिय आकांक्षा पूरा गर्नका लागि दुधमा आत्मनिर्भर भएरमात्र नपुग्ने र यसको विदेश निर्यात अपरिहार्य भइसकेको कुरा राखे ।

नेपाल डेरी एसोसिएसनका अध्यक्ष प्रल्हाद दाहाल्ले दुधबाट बनेका वस्तुहरू निर्यातका लागि निर्यातको सहज व्यवस्था हुन सके किसानले बेचेको दुधको भुक्तानी गर्न कुनै समस्या नहुने र यसको लागि कोशी प्रदेश सरकारले गरेको सहयोग प्रशंसनिय रहेको उल्लेख गरे ।

किसानहरूलाई दुध उत्पादनका आधारमा र व्यावसायिक कृषकहरूलाई गोठ निर्माण र आहार उत्पादनमा अनुदान दीनु पर्ने कुरा सिडिक्यानका अध्यक्ष अमर कुँवरले बताए ।

दुग्ध विकास संस्थानका महाप्रबन्धक राजेन्द्रप्रसाद अधिकारीले चरणबद्ध रूपमा किसानको दुधको भुक्तानी गर्ने व्यवस्था मिलाइएको जनाउँदै दुई दिनभित्र नयाँ भुक्तानी रकम आइपुग्ने जानकारी दिए । उनले दुध उत्पादक किसान र व्यवसायीका समस्या समाधानका लागि संस्थानले पहल गर्ने बताए ।

राष्ट्रिय दुग्ध विकास बोर्डका निमित्त कार्यकारी निर्देशक एवं कार्यक्रमका सभापति डा बालक चौधरीले सरोकारवाला सबैलाई धन्यवाद दिंदै बोर्ड जहिले पनि दुग्ध क्षेत्रको विकास र प्रबर्द्धनमा लाग्ने प्रतिबद्धता व्यक्त गरे । कार्यक्रममा उपस्थित करिब एक हजार जनालाई दूध तथा दुग्ध पदार्थ वितरण गरिएको थियो ।

कार्यक्रममा आर्थिक अभियान पत्रिकाका समाचारदाता प्रशान्त खड्कालाई उत्कृष्ट सञ्चारकर्मीका रूपमा सम्मान गरिएको थियो भने उत्कृष्ट उद्योगको रुपमा झापाको एनएमसी डेरी र काभ्रेको गल्फु बिनायक डेरी सम्मानित भएका थिए । अन्य सम्मानितमा कामधेनु सहकारी सुनसरी , पिठुवा दुग्ध सहकारी चितवन, सिमदेवी पशुपालन सहकारी तेह्रथुम, विशेष सम्मान प्रो। डा। भेषराज भण्डारी, किसानको तर्फबाट राजकुमार तामाङ र विज्ञान बस्नेत छन ।

राष्ट्रिय दुग्ध विकास वोर्डका कार्यकारी निर्देशक, डा। बालक चौधरीको सभापतित्व तथा कृषि तथा पशुपंक्षी विकास मन्त्री ज्वाला कुमारी साहको प्रमूख अतिथिमा आयोजित कार्यक्रममा कोशी प्रदेशका मुख्य मन्त्री तथा मन्त्री परिषद कार्यालयका राज्य मन्त्री मूख्य सिर्जना राई, मेची नगरपालिका प्रमूख गोपाल चन्द्र बुढाथोकी, उपप्रमूख मीना पोखरेल, कोशी प्रदेश उद्योग कृषि तथा सहकारी मन्त्रालयका सचिव डा। लेखराज दाहाल, पशुसेवा विभाग उपमहानिर्देशक डा।विनय कुमार कर्ण, केन्द्रिय दुग्ध सहकारी संघका अध्यक्ष अम्बर बहादुर कुँवर, बरिष्ठ उपाध्यक्ष कृष्ण प्रसाद सापकोटा, राष्ट्रिय दुग्ध विकास वोर्डका बोर्ड सदस्य सुमित केडिया, डेरी उद्योग संघका अध्यक्ष राजुमार दाहाल, केन्द्रिय पशुपंक्षी मत्स्य सहकारी संघका अध्यक्ष बाबुराम अधिकारी, नेपाल डेरी साईन्स एसोसिएसनका अध्यक्ष सियाराम प्रसाद सिंह, एनएमसीका संस्थापक रामचन्द्र उप्रेती, नेपाल डेरी एसोसिएसनका अध्यक्ष प्रल्हाद दाहाल, उपाध्यक्ष राजन चिमरिया, महासचिव हेमचन्द्र खनाल, केन्द्रिय सदस्य मनोज यादब, योगेन्द्र चिमरिया, अशेष बुढाथोकी, कोशी प्रदेश अध्यक्ष गंगा बहादुर खड्का, एनएमसीका अध्यक्ष ठाकु प्रसाद सिवाकोटी, सिईओ लक्ष्मी प्रसाद उप्रेती, राष्ट्रिय पशुपंक्षी श्रोत व्यवस्थापन कार्यालय काठमाडौंका उपसचिव रेशमराज ज्ञावली, एनएसएल आईपीका बैकुण्ठ अधिकारी, दुग्ध विकास संस्थानका महाप्रबन्धक राजेन्द्र अधिकारी, कृषि सहकारी मन्त्रालय डा। दीपा दिवाली, भेटनरी अस्पताल तथा पशुसेवा केन्द्रका शितल भट्टराई, राष्ट्रिय दुग्ध विकास वोर्डका अधिकृत एवं कर्मचारीहरु लगायत दुग्ध उद्योगीहरुको उपस्थिति रहेको थियो ।

विश्व दुग्ध दिवसका अवसरमा नेपाल डेरी एसोसिएसनको विविध कार्यक्रम

हरेक वर्ष जुन १ तारिखका दिन विश्व भर नै विश्व दुग्ध दिवस मनाउने गरिन्छ । नेपाल डेरी एसोसिएसनले पनि सातै प्रदेशमा प्रदेश जिल्ला लगायत अन्य धेरै ठाउँमा विश्व दुध दिवस भव्यताका साथ मनाएको एशोसियसनका अध्यक्ष प्रल्हाद दाहालले बताउनुभयो ।

एशोसियसनले कोशी प्रदेशमा संयुक्त रुपमा केन्द्रिय कार्यक्रम आयोजना गर्‍यो भने मधेश प्रदेशमा अनाथलयमा गई दुध तथा दुग्ध पदार्थ सेवन गराई प्रदेशका अध्यक्ष राघो सिंह, केन्द्रिय उपमहासचिव विजय प्रसाद चौरसिया, प्रदेश उपाध्यक्ष हरि नेपाल, सदस्य नविन चौरसिया लगायत उद्योगीहरुको उपस्थितिमा सम्पन्न भएको जानकारी उहाँले दिनु भयो ।

त्यस्तै बागमति प्रदेशको कार्यक्रममा नुवाकोट जिल्ला अध्यक्ष बालकृष्ण ढुंगेल ९दिपक०, बागमती प्रदेश उपाध्यक्ष धू्रव तिवारी सचिव शिाम घिमिरे, जिल्ला समितिका पदाधिकारीहरु एवं सदस्यहरुको पस्थितिमा हाम्रो बाल संरक्षण धरोहर नेपाल आश्रम नुवाकोटमा रहेका अनाथ बालबालिकाहरुलाई दुध तथा दुग्ध पदार्थ वितरण गरि भव्यताका साथ मनाईयो साथै काठमाडौं, दरवारमार्गमा कृषि उपज विक्रि वितरण बजारमा काठमाडौं जिल्ला सचिव एवं कपन, बालुवाखानी स्थित तिमल्सिना डेरीका संचालक शिव प्रसाद तिमल्सिनाले निःशुल्क दहि उपलब्ध गराई प्रत्यक्ष मोही बनाएर निःशुल्क खुवाउने कार्यक्रम भएको एशोसिएसनले जनाएको छ ।

गण्डकी प्रदेशमा प्रदेश अध्यक्ष एवं केन्द्रिय सचिव शिवहरी आचार्यज्यूको संयोजकत्वमा सल्लाहकार ज्ञानेन्द्र बजगाई, प्रदेश उपाध्यक्ष रामचन्द्र बराल, सदस्य निर्मल भण्डारी एवं पूर्व सल्लाहकार पूण्य प्रसाद पौडेलज्यूको उपस्थितिमा कास्कीको मानव सेवा आश्रममा दुध तथा दुग्ध पदार्थ वितरण गरि मनाईएको छ भने लुम्बिनी प्रदेशमा त्यहाँ स्थित अस्पतालमा रहेका विरामी, अशक्तहरुलाई केन्द्रिय कोषाध्यक्ष दयाराम भण्डारी, सहसचिव शिव भुषाल, प्रदेश अध्यक्ष थानेश्वर न्यौपाने, केन्द्रिय सदसि भुवनेश्वर न्यौपाने, केन्द्रिय सल्लाहकार हिरा के।सी लगायत दुग्ध उद्योगी व्यवसायीहरुको उपस्थितिमा दुध तथा दुग्ध पदार्थ वितरण गरिएको छ । सुदुरपश्चिम प्रदेशमा केन्द्रिय उपाध्यक्ष कर्ण बहादुर हमालको संयोजकत्वमा केन्द्रिय सदस्य प्रेम प्रकास पाठक, प्रदेश अध्यक्ष भुपेन्द्र थापा, उपाध्यक्ष राम कुवर, सचिव हर्क चन्द एवं सदस्यहरु एवं सरोकारवालाहरु र दुग्ध उद्योगीहरुको बाक्लो उपस्थितिमा दुध तथा दुग्ध पदार्थको बजारीकरण तथा उपभोग सम्बन्धी अन्तरत्रिया कार्यक्रम गरि दुध तथा दुग्ध पदार्थ सेवन गरि मनाईएको पनि अध्यक्ष दाहालले बताउनुभयो ।

काठमाण्डौं । नेपालमा पहिलोपटक आयोजित आलु शिखर सम्मेलन बिहीवार सम्पन्न भएको छ । विश्वभरि विभिन्न रुपमा प्रथम आलु शिखर सम्मेलन मनाउंदै गरेको परिप्रेक्ष्यमा नेपालमा पनि पहिलोपल्ट आल शिखर सम्मेलन २०२४ आयोजनामा आएको थियो । नेपाल–भारत उद्योग वाणिज्य संघ, विश्व कृषि तथा खाद्य संगठन (एफ ए ओ) तथा नेपाल सरकार कृषि तथा पशुपन्छी विकास मन्त्रालयले संयुक्त उक्त आलु शिखर सम्मेलन आयोजना गरेका हुन् । आलुसंग प्रत्यक्ष जोडिएका कृषक, उद्योगी, ब्यापारी लगायत सम्पूर्ण सरोकारवालाहरुको विचार, अनुसन्धान र ज्ञानको आदान–प्रदान गर्दै प्रदर्शनीसहित उक्त शिखर सम्मेलनको आयोजना गरिएको हो । .समग्र रुपमा नेपालको कृषि क्षेत्रकै उत्थानको प्रमुख उद्देश्यका साथ आयोजित सम्मेलनमाझ प्रमुख अतिथिको आसनबाट बोल्ने क्रममा कृषि तथा पशुपन्छी वि कास मन्त्री ज्वाला कुमारी साहले आपूm मन्त्रीको रुपमा पहिलो पल्ट शपथ लिंदा नै यो दशकलाई कृषि लगानीकोदशकको रुपमा लिने संकल्प लिएको स्मरण गर्दै आलुको शिखर सम्मेलन हुनु एक प्रकारले सुखद रहेको बिचार व्यक्त गर्नुभयो । सम्मेलनमा हुने छलफलबाट निस्केका निचोडहरुले मन्त्रालयलाई उर्जा दिने बिश्वास पनि मन्त्री साहले व्यक्त गर्नुभयो ।
संसारभरि नै सबैजसोको अति प्रिय बनेको कृषि उपज आलुको बिषयमा आयोजना भएको आजको शिखर सम्मेलनबाट कृषि उपज आलुको सम्बन्धमा आउने समस्या, बिचार, निष्कर्श एउटा दिशा निर्देश गर्नेछ र सम्बन्धित मन्त्री भएको नाताले म लगायत समग्र मन्त्रालय तपाईहरुको साथमा रहने प्रतिबद्धता ब्यक्त गर्छ‘’ र ती निष्कर्श, विचारहरुले समग्र कृषि क्षेत्रकै उत्थानको लागी मन्त्रालयलाई आगामी दिनको लागी आप्mनो कार्यनीति तय गर्न सहयोग पुग्ने विश्वास पनि लिएको छ’’ उहाँले भन्न’भयोे ।

नेपाल–भारत उद्योग वाणिज्य संघका अध्यक्षसृजना राणाले आलु एक कृषि उपजकै रुपमा तथा आम मानिसकै लागी पनि अति आवश्यकीय एवं महत्वपूर्ण उपजको रुपमा रहेको बताउनुभयो । उहाँले विगतको तुलनामा वर्तमान समयमा यसको कृषिको प्रणाली, सीप, प्रविधि लगायत विविध पक्षको विकासले बृद्धि भईरहेको भएता पनि कृषिमा छिमेकी मूलुकहरुमा भईरहेको विकास र बृद्धिको दाजोमा धेरै सिक्न र गर्न बाकी नै रहेको बताउनुभयो । त्यसैगरि राणाले यो शिखर सम्मेलनको विभिन्न प्यानल डिस्कशनमा छलफल भएर आउने सुझावहरुले आगामी दिनको लागी हाम्रो अर्थतन्त्रको उत्थानको लागी एउटा नया“दिशा दिन सहयोगी बन्ने बिश्वास समेत व्यक्त गर्नुभयो । ‘नेपालको जलवायु, हावापानी, भौगोलिक बनौट आदिको हिसाबबाट पनि कृषि अत्यन्त महत्वपूर्ण क्षेत्र रहेको तथा नेपालको अर्थतन्त्र मुख्यतया कृषिमा नै आधारित रहेको कारण आलुनेपालको परिप्रेक्ष्यमा उपयुक्त उपजको रुपमा रहेको छ र यो उपजको आत्मनिर्भरताले पनि हाम्रो अर्थतन्त्रलाई ठूलो टेवा पुर्याएन सघाउने विश्वास मैले लिएको छु उहाँले भन्नुभयो ।

विश्व कृषि तथा खाद्य संगठन (एफ ए ओ)का प्रतिनिधि मोनिका थताभाले अनलाईन मार्फत आलुको विश्व परिबेशका वारेमा आप्mनो विचार व्यक्त गर्नुभयो ।

त्यसैगरि टेक्निको साईन्सेस ईण्डियाका प्रमुख कार्यकारी अधिकृत एन के झाले आलुको खेती, प्रविधि लगायत आलुवालीमा भारतले गर्दै आएको प्रयोगका बारेमा जानकारी दिदै भन्नुभयो ‘भारतमा सन् १९३५मा आलुलाई एक सम्भावना बोकेको कृषि उपजको रुपमा प्राथमिकतामा राखेर एउटा आलुकै सम्बन्धि अनुसन्धान गर्ने संस्थाको शुरुवात भएको र अहिले सम्ममा ३७५ प्रजातिका आलुको बिउ तथा प्रजाति बिकसित गरिसकेको छ र भारत अहिले बिश्व बजारमा दोश्रो ठूलो आलु आपूर्ति गर्ने देशको रुपमा स्थापित हुन पनि सफल भएकोे छ । हाल भारतले प्रति बर्ष १६ मिलियन मेट्रिक टन आलुउत्पादन गर्ने गर्दछ’ ।
त्यस्तै विश्व कृषि तथा खाद्य संगठन (एफ ए ओ) का भूटान तथा नेपाल प्रतिनिधि केन शिमिजुले भूटानको भौगोलिक अवस्थिति, जलवायू, हावापानी धेरै मिल्दो भएको र दुवै देशमा पहिला गरिने आलुखेतीको प्रबिधि लगभग उस्तै रहेको स्मरण गर्दै दुबै देशका बिश्व कृषि तथा खाद्य संगठन (एफ ए ओ)ले बर्तमान अवस्थामा कृषिका क्षेत्रमा क्षमता अभिबृद्धि गर्न कार्य गर्दै गरेको बताउनुभयो ।

पहिलो सेशनमा वक्ताको रुपमा सिन्धुपाल्चोकका कृषक मोहन श्रेष्ठले उत्पादक र बजारको बीचमा ठूलो खाडल रहेकोले उक्त खाडल पुर्न सरकारी पक्षले उपर्युक्त नीति ल्याएर सम्बोधन गर्न‘पर्ने बताउनुभयो ।

विश्व कृषि तथा खाद्य संगठन (एफ ए ओ) नेपालका सहायक प्रतिनिधि डा. बिनोद शाहले आलु मात्र दीगोपनको र खाद्य शुरक्षाको दृष्टिकोणबाट पनि प्रचुर सम्भावना बोकेको एउटा यस्तो .कृषि उपज हो भन्नु हुदैे यसको विकासबाट स्थानीय तवरमा पनि रोजगारी सिर्जना गरेर जिबिकोपार्जनमा आत्मनिर्भर बनाउने सामथ्र्य यसले राख्ने उल्लेख गर्नुभयो । साथै उहाँले कृषिमा आत्मनिर्भर बन्न र यसको विकासको लागी विश्व कृषि तथा खाद्य संगठन (एफ ए ओ) ले नेपाल सरकार, कृषक तथा नीजी क्षेत्रसँग पनि सहकार्य गर्दै आईरहेको पनि बताउनुभयो ।

उक्त आलु शिखर सम्मेलनमा कृषि मन्त्रालयका सहसचिव जानुका पण्डितले नेपालमा आलुको वर्तमान अवस्था बिषयक कार्यपत्र प्रस्तुत गर्नुभएको थियो ।

त्यस्तै फस्र्ट च्वाईस पूmड्स प्रा.लि.बुटवलको तर्फबाट एग्रोनेमिष्ट श्याम प्रसाद ढकालले मूल्य श्रृंखलामा निजी क्षेत्रको सहभागीता बिषयमा प्रस्तुति दिनुभएको थियोे ।

कृषि तथा पशुपन्छी मन्त्रालयका सचिव डा। दिपक कुमार खरालले आलु लगायत कृषि उपजको उत्पादन बृद्धि तथा बजारसंगको सम्बन्ध बिकासको लागी मन्त्रालयले नीति तथा कार्यक्रम तयार गरेर गर्न सक्ने वा सघाउन सक्ने क्षेत्रको बिषयमा सम्मेलनले राय सुझाव दिएर मन्त्रालयलाई सघाउन सकिने बिचार ब्यक्त गर्नुभयो ।

आज प्रबिधिले ठूलो फड्को मारि सकेको अवस्था छ र कृषिमा पनि प्रबिधिको विकासको क्षेत्रमा हामीकहां भएका विभिन्न शैक्षिक संस्थाहरुले थप भूमिका खेल्न सक्ने धारणा ब्यक्त गर्दै यस सम्मलेनबाट प्राप्त प्रतिवेदन, सुझावले मन्त्रालयलाई सहयोग पुग्ने विश्वास उहाँले व्यक्त गर्नुभयो ।

प्रथम आलुशिखर सम्मेलनको आयोजक समितिका संयोजक एवं नेपाल–भारत उद्योग वाणिज्य संघका कार्यसमिति सदस्यसुषमा शर्माले यो शिखर सम्मेलन आयोजना गर्न सहयोग गर्नुहुने प्रायोजक, सहयोगी संस्था, सहयोगीहरु लगायत सम्पूर्णलाई हार्दिक धन्यबाद व्यक्त गर्नुभयो ।

काठमाडौं । ‘दुध तथा दुग्ध पदार्थको सेवन, दुग्ध व्यवसायको प्रवद्र्धन’ भन्ने नाराका साथ राष्ट्रिय दुग्ध विकास बोर्ड र सरोकारवालाहरु नेपाल डेरी एसोसिएशन, केन्द्रिय दुग्ध सहकारी, डिडिसी, पशु सेवा विभाग लगायतका निकायले जेठ १९ गते संयुक्त रुपमा २४ औँ विश्व दुध दिवस मनाउने तयारी भएको छ ।

नेपाल डेरी एसोसिएशनको केन्द्रिय कार्यालयमा सरोकारवाला सबैको उपस्थितिमा आज पत्रकार सम्मलेन गर्दै झापाको मेचीनगर – १९ दुवागढीको एनएमसी एग्रो फार्ममा प्रभातफेरि सहित मुल समारोहमा गर्ने जनाएको छ ।

कार्यक्रममा राष्ट्रिय दुग्ध विकास बोर्डकी डा। हसना ममैया श्रेष्ठले सबैलाई स्वागत गर्दै नेपालमा सबै सरोकारवालाहरुको साथ र सहयोगमा विगत १५ वर्षदेखि विश्व दूध दिवस मनाउँदै आएको र अब आउने दिनमा पनि यसरी नै साथ र सहयोग पाउने अपेक्षा रहेको बताइन् ।

कार्यक्रममा बोल्दै एसोसिएशनका अध्यक्ष प्रल्हाद दाहालले दैनिक गुणस्तरीय दुध सेवनका लागि जनचेतना जगाउने र पोषणयुक्त दुध तथा दुग्ध पदार्थको उपभोगमा वृद्धि गर्न सातै प्रदेशमा सबै सरोकारवाला निकायले विभिन्न कार्यक्रम गरेर दुध दिवस मनाउने बताए ।

नेपाल डेरी एसोसिएशनले दुध दिवसको पूर्वसन्ध्यामा विभिन्न कार्यक्रम आयोजना समेत गरेको जनाएको छ। एसोसिएशनले गत जेठ १४ गते काठमाडौँको त्रिरत्न आवसीय विद्यालय स्वयम्भुमा स्कुलस्तरीय दुधको सेवन सम्बन्धी वक्तृत्वकला प्रतियोगिता एवं दूधपान कार्यक्रम गरेको थियो ।

पशु सेवा बिभागका पशु विकास अधिकृत सिताराम वलीले नेपालमा उत्पादन रहेको दुध गुणस्तर रहेको र त्यसमा कुनै समस्या नरहेको कुरा बताए । अन्तरक्रिया कार्यक्रममा विभिन्न पत्रकारहरुले विभिन्न प्रश्नहरु उठाएका थिए । उठेका सबै प्रश्नका उत्तर उपस्थित सरोकारवाला सबैले पालैपालो दिएका थिए।

भोलि ९जेठ १८० र १९ गते पुश सेवा विभाग, राष्ट्रिय पशुपन्छी श्रोत व्यवस्थापन तथा प्रवद्र्धन कार्यालय हरिहभवनले ललितपुर स्कुलका बालबालिकाहरूलाई दुधको महत्व बारेमा जनचेतनात्मक कार्यक्रमका साथै दुध तथा दुग्ध पदार्थ वितरण कार्यक्रम रहेको एसोसिएशनले जनाएको छ ।

त्यस्तै आगामी आर्थिक वर्ष २०८१्८२ को बजेटप्रति डेरि क्षेत्रका समस्या सम्बोधन नभएको भन्दै उद्योगीहरूले निरुत्साहित भएका छन् । डेरी एसोसिएसनका पूर्व अध्यक्ष सुमित केडियाले सरकारले ठूलो आकारको बजेट संसदमा पेशा गर्दा कृषि तथा पशुपन्छी विकास मन्त्रालयलाई भने ३ प्रतिशत पनि नछुट्याएको बताए।

सरकारले विद्यालयलाई उपलब्ध गराउने दिवा खाजा अन्तर्गतको कार्यक्रममा दूध तथा दुग्ध पदार्थलाई समावेश गरिदिए डेरी उद्योगी व्यवसायीको समस्या केही हदसम्म समाधान हुने कुरा कार्यक्रमका सभापति,केन्द्रिय वरिष्ठ उपाध्यक्ष एवं राष्ट्रिय दुग्ध विकासका बोर्ड सदस्य कृष्ण प्रसाद सापकोटाको भनाइ छ।

सन् २००१ देखि जुन १ लाई विश्व दूध दिवसको रूपमा मनाउँदै आइएको छ। नेपालले पनि सन् २०११ बाट विश्व दूध दिवस मनाउन थालेको छ। आजसम्म आउँदा पनि दुध दिवसको जसरी चर्चा हुनुपर्ने हो त्यसरी भएको भने पाइदैन ।