काठमाडौं – भर्खरै सांगीतिक क्षेत्रमा प्रवेश गरेकी बाल प्रतिभा कल्पना बिष्टको मिठो स्वरमा ‘मेरो दुःख मेरो पिडा’ बोलको मर्मश्पर्शी गीतको भिडियो सार्वजनिक भएको छ ।
शब्द सुजन कोइराला, संगीत श्रीधर अधिकारीको रहेको भिडियोमा गायिका बिष्टको साथमा अर्जुन सापकोटा, नवराज थापाको अभिनय देख्न सकिन्छ भने छायांकन महेश महरा, सम्पादन कल्पेश विश्वकर्मा, निर्देशन बबिता श्रेष्ठको रहेको छ ।
भिडियोलाई डिजिटल चिम्पाञ्जी इन्टरटेनमेन्ट युटूव च्यानल मार्फत सार्वजनिक गरिएको छ ।
काठमाण्डौ – चलचित्र निर्देशक माधव राज खरेलको निर्देशनमा लघुचलचित्र मृत्युकोषको छायाँकन सम्पन्न भएको छ । काठमाण्डौ ललितपुर र नुवाकोटका विभिन्न स्थानमा छायाँकन गरिएको मृत्युकोषलाई मुकेश हुँमागाइले खिचेका छन् भने उनलाई छायाँकार राजन खरेलले साथ दिएका छन् । उक्त चलचित्रमा बिक्रम गौतमले मेकअप रहेको छ ।
चलचित्रमा एक जना मानिसले आफ्नो जिवनको उत्तराद्र्धमा आएर भोग्नु परेको समस्याहरुलाई उठान गरिएको छ । नेपाली परिवेशमा पछिल्लो समय यूवाहरुको प्रवास पलायनको प्रमुख मारमा बृद्धबृद्धाहरु पर्ने गरेका छन् । यसै विषय बस्तु भित्र रहेर एउटा शसक्त सामाजिक सचेतनाको लागि पनि यो चलचित्रको निर्माण भएको निर्देशक खरेलले बताएका छन् ।
चलचित्रमा तेज गिरी, गीता अधिकारी, प्रवण भुषाल, लिगेश भट्टराई, शान्तिप्रिय, राजन थापा, राजेन्द्र पाण्डे, दिपक थापा, नम्रता खरेल, सुमिरा गिरी, सपना जोशी, राजन खरेल, जनक सिंह, डा. राजिव यादव, सौरीका खरेल, राधिका खरेल लगायतको अभिनय देख्न सकिने छ ।
एरा प्रोडक्सनको प्रस्तुती र संचारकर्मी कमला जोशी निर्माता रहेको उक्त चलचित्रलाई खरेलले नै लेखेका हुन् । विगत लामो समय देखी नेपाली चलचित्र क्षेत्रमा सक्रिय रहेका निर्देशक माधव राज खरेलले नेपालको पहिलो मौन चलचित्र ढुङगे युग, बिरानो माया, ढुङ्गे युग २, कुईनेटो, दुर्गामाण्डौ, हेवे करैते भोर, गढीमाई, चिट्ठी लगायत चलचित्रहरुको निर्देशन गरिसकेका छन् । खरेलकै निर्देशन तथा लेखनमा निर्माण सम्पन्न भईसकेको चलचित्र चिट्ठी प्रदर्शनको तैयारीमा रहेको निर्माण पक्षले जानकारी दिएको छ ।
काठमाडौं– नेपाल चलचित्र कलाकार संघको विचार गोष्ठि भव्यरुपमा सम्पन्न भएको छ । ‘कलाकार र आमसञ्चार’ विषयक गोष्ठिमा वक्ताहरुले नेपाली कलाकार तथा आम सञ्चारको सम्बन्धका विषयमा विषेश छलफल गरिएको थियो । उक्त गोष्ठिमा वरिष्ठ फिल्म निर्देशक तथा प्राध्यापक राजेन्द्र सभल, निर्देशक तथा सञ्चारकर्मी दिनेश डिसी तथा पत्रकार कृष्ण भट्टराईले कलाकार तथा आम सञ्चार विषयमा केन्द्रित रहेर आफ्ना विचारहरु व्यक्त गरेका थिए ।
समारोहमा कलाकार र आचार संहिता विषयमा आफ्ना विचार व्यक्त गर्दै निर्देशक राजेन्द्र सलभले नेपाल चलचित्र उद्योग शिर्जनशिल साँस्कृतिक उद्योग हो तर यसलाई सरकारले मनोरञ्जनात्मक उद्योग भन्ने गरेको भन्दै कलाकारिता क्षेत्रमा आवद्ध हरेक कलाकारहरुले चलचित्र कलाकार संघ तथा चलचित्र विकास बोर्डले जारी गरेका आचार संहिताहरु पालना गर्नु पर्ने धारणा व्यक्त गरे । निर्देशक सलभले कलाकारहरुले आचार संहितालाई पालना नगर्दा हुन सक्ने सम्भावित जोखिमका बारेमा समेत प्रस्ट्याएका थिए । साथै निर्देशक सभलले कलाकार संघको विधानमा उल्लेखित उपयोगी बुँदाहरुलाई पनि पढेर सुनाएका थिए ।
त्यस्तै समारोहमा ‘कलाकार तथा आमसञ्चार विषय’ मा आफ्ना विचार व्यक्त गर्दै कलाकर्मीका प्रधान सम्पादक तथा पत्रकार कृष्ण भट्टराईले समाचारको शसक्त माध्यम चलचित्र भएकोले चलचित्र क्षेत्रमा काम गर्ने सम्पुर्ण कलाकर्मीहरुले सभ्य र भव्यरुपमा समाजमा प्रस्तुत हुनुपर्ने बताए । लेखिएका समाचारहरु भन्दा भिडियो मार्फत प्रस्तुत गरिएका विषय बस्तुहरुले समाजमा छिटो प्रभाव पारेको हुन्छ, विषेश गरेर महिला चलचित्रकर्मीहरुले पोषाक तथा बोली व्यवहारहरुमा पनि सभ्यभएर प्रस्तुत हुनु पर्ने बताए । त्यस्तै पछिल्लो समय सामाजिक सञ्जाल पनि एउटा समाचारको महत्वपुर्ण श्रोत मानिरहेको बेला चलचित्रकर्मीहरुले आफ्नो सामाजिक सञ्जालमा पोष्ट गर्दा सजग रहनुपर्ने धारण राखे । कलाकार र पत्रकारको सम्बन्ध नङ र मासुको जस्तो भए पनि कलाकार र पत्रकार विच दुरी कायम हुन जरुरी रहेको समेत बताए ।
सञ्चारकर्मी तथा निर्देशक दिनेश डिसीले आचरणको विषयमा हामी सबैजना विज्ञभए पनि पालना नगर्ने गरेको बताए । त्यस्तै पछिल्लो समय कुनै विषयमा आफुले नजानेको भए पनि सबै कुरा जानेझै गरि अन्तवार्तहरुमा प्रस्तुत हुने गरेको बताए । कुनै विषयमा जानकार छैन भने मलाई आउदैन अथवा यो विषयमा मलाई जानकारी छैन कृपया अर्को प्रस्न सोध्नुस न भन्न सक्नु पर्ने बताए । नजानेको कुरामा जानेझै गरेर बोल्दा भोलीका दिनहरुमा आई पर्ने समस्याहरुमा आफै शर्मिन्दा हुनुपरेका घटनाहरु तपाई हामी माझ नै छन् भन्दै डिसिले यस विषयमा सजग रहनुपर्ने धारण प्रस्तु गरे ।
समारोहका सभापति तथा चलचित्र कलाकार संघका अध्यक्ष मोहन निरौलाले उपस्थित कलाकारहरुलाई स्वागत गर्दै ‘हाम्रा कलाकार साथीहरुलाई सञ्चार माध्यममा कसरी प्रस्तुत हुने, कस्तो हाउभाउमा प्रस्तुत हुने र कसरी अनुशासिन बन्ने भन्ने विषयमा छलफल गर्ने उदेश्यले यो कार्यक्रम आयोजना गरिएको बताएका थिए । साथै उक्त समारोहमा समारोहमा वरिष्ठ अभिनेत्री भुवन चन्द, वसुन्धरा भुसाल तथा चैत्यदेविले कलाकार संघद्वारा प्रकाशित २०८१ सालको क्यालेन्डरको समेत विमोचन गरिएको थियो । समारोहमा नेपाली चलचित्र तथा सञ्चार क्षेत्रमा सक्रिय व्यक्तित्वहरुको सहभागिता रहेको थियो । पत्रकार जिवन पराजुली र शान्तिप्रियको संयोजन तथा चलचित्र कलाकार संघका अध्यक्ष मोहन निरौलाको सभापतित्वमा सम्पन्न भएको थियो ।
अमेरिका – अमेरिकाको बाल्टिमोरस्थित मेरील्याण्डमा रहेको पेरीहल पार्कमा गत हप्ता शनिवार बिहानैदेखि नेपालका लोकप्रिय कलाकारहरु तथा कलापारखीहरुको चहलपहल देखियो । जुन ८ का दिन पार्कमा भेला भएका अमेरिकामा बसोबास गरिरहेका कलाकारहरुका लागि उक्त दिन ऐतिहासिक दिन नै बन्यो । रमणिय पेरीहल पार्क घरदेशदेखि परदेशसम्मका कलाकारको जमघटस्थल बनेको थियो । गीत, संगीत, अभिनयसहितका विधाका पारंगत कलाकारहरुमध्ये कोही विभिन्न परिकारहरु तेयार पारेर खाने देखी टिकटक बनाउनमा समेत व्यस्त देखिन्थे, नाच्न र गाउनका प्रायः सबै तम्तयार नै देखिन्थे । देशदेखि विदेशसम्म ख्याति कमाएका नेपाली फिल्मका अभिनेता, अभिनेत्री, गायक, गायिका, फिल्म निर्देशकमात्र होइन समाजसेवी तथा खेलाडीहरुसमेत उक्त दिन एउटै थलोमा भेला भएर रमाइलो गरेका थिए । यो ऐतिहासिक जमघटको चाँजोपाँजो मिलाउने जिम्मेवारी लिएको थियो नेपाली कलाकारहरुको संस्था ईनास मेरिल्याण्डले ।
अन्तर्राष्टिय कलाकार संगठन ईनास अन्तर्गगत मेरिल्याण्ड शाखाले आयोजना गरेको रमाईलो वनभोज तथा भेटघाट कार्यक्रममा कलाकारको यो वृहत जमघट अमेरिकामै पहिलो भएको नर्थ अमेरिका, इनास अमेरिका महादेशका क्षेत्रीय संयोजक तथा गायक कन्हैया सिंह परियारले जानकारी दिएका छन् । इनास अमेरिकाका क्षेत्रीय संयोजक गायक परियारले दिइएको जानकारी अनुसार उक्त कार्यक्रममा उपस्थित सबैलाई सम्मान गर्ने र खादा ओढाउने जिम्मेवारी ईनास मेरिल्याण्डका संरक्षक तथा अवैतानिक राजदुत वरिष्ठ गायक तथा संगीतकार प्रेम राजा महतलाई दिइएको थियो ।
संगीतकर्मी महतको विशेष उपस्थितिमा प्रारम्भ भएको उक्त जमघट कार्यक्रममा संगीतकर्मी महतले रमेश प्रसाईँ (पब्लिक स्पिकर) तथा कलाकार, समाजसेवी तथा खेलाडी नन्दा बस्याल, अमेरिकामा छायांकन भैरहेको फिल्म ‘तेल भिसा’ को सम्पूर्ण टीमलाई खादा, माला तथा टोकन अफ लभद्वारा स्वागत गरेका थिए ।
कार्यक्रममा ईनास मेरिल्याण्डका तर्फबाट अध्यक्ष लक्ष्मण पौडेल (गायक तथा संगीतकार) वरिष्ठ उपाध्यक्ष शान्ति भण्डारी (मोडल तथा गायिका तथा वनभोज कार्यक्रमका संयोजक), उपाध्यक्ष खिम मस्रंगी मगर ( वाद्यवादक तथा खेलकूद संयोजक), उपाध्यक्ष दिलीप श्रेष्ठ (प्रविधि), प्रवक्त प्रवेश उप्रेती ‘पल’ (अभिनेता), महासचिव सज्जन बोहोरा (मोडल तथा गायक), सचिव याम क्षेत्री (गायक), सह–कोषाध्यक्ष स्वरूपा रसाईली (गायिका),इनास मेरिल्याण्डका वरिष्ठ सल्लाहकार तथा गायक श्याम गुरुङ, सदस्यहरुमा मोहन गुरूङ (साउण्ड ईन्जिनियर), विजय गुरूङ (वाद्यवादक), रमेश परियार (गायक), गम वहादुर राना (कवि), होम वहादुर चितौरे (गजलकार) आदिको उपस्थिति रहेको थियो । ईनास मेरिल्याण्डको वनभोज कार्यक्रममा वाना नेपाली कम्यूनिटी सेन्टरकी पूर्व अध्यक्ष तथा ईनास मेरिल्याण्डकी संरक्षक अनु सुया वन्त श्रेष्ठको पनि उपस्थिति रहेको थियो ।
बनभोजको रमाईलो कार्यक्रममा ईनास मेरिल्याण्डले आफ्ना ईनास परिवारका अथितिहरूलाई निमन्त्रणा गरेको थियो । सोही क्रममा ईनास अमेरिकाका क्षेत्रिय संयोजक तथा गायक–संगीतकार कन्हैया सिंह परियार, ईनास अमेरिका अध्यक्ष तथा नायक राहुल केसी, ईनास अमेरिकाका उपाध्यक्ष तथा मेरिल्याण्डका वर्तमान अध्यक्ष सृजन ताम्राकार, उपाध्यक्ष तथा खेलाडी कलाकार विकाश घले, ईनास अमेरिकाका महासचिव प्रकाश नेपाल, प्रवक्ता गोपालचन्द्र लामिछानेको विशेष उपस्थिति रहेको थियो ।
वनभोज कार्यक्रममा ईनास मेरिल्याण्डका संस्थापक सल्लाहकार तथा एनआरएनए मेरिल्याण्डका अध्यक्ष कुल गुरूङ, ईनास मेरिल्याण्डका सल्हाकार एवं वरिष्ठ गायिका अञ्जना गुरूङ, गायिका सृजना विरही थापा, युवा सल्लाहाकार प्रविण भण्डारी, बाल्टिमोरका रमेश भट्ट ‘नेपाली छोरो’, वानाका संस्थापक अध्यक्ष मोहन थापा, अभिनेत्रीहरु पूजा चन्द, ऋचा घिमिरे, अभिनेता विपीन कार्की, अभिनेत्री वर्षा राउत, निर्देशक शंकर घिमिरे, संगीतकर्मी राजु लामा, नेपाली फिल्म तेल भिसाका अन्य कलाकार तथा प्राविधिक टीम सबैको उपस्थिति तथा सामिप्यताले कार्यक्रमको रौनक बढाएको थियो ।
काठमाडौं - यही ७ असारबाट ९ असारसम्म काठमाडौंमा आयोजना हुने ‘१२ औं नेपाल अफ्रिका फिल्म फेस्टिबल–२०२४’ मा नेपाल सहित १० देशका २८ वटा चलचित्र, बृत्तचित्र तथा लघु चलचित्र चयन भएका छन् । यो महोत्सब बिगत १३ वर्षदेखि आयोजना हुँदै आएको छ ।
कलेज अफ जर्नालिजम एन्ड मास कम्युनिकेशन र विलक्षण क्रियसनको आयोजना तथा चलचित्र विकाश बोर्डको सह आयोजनामा हुन लागेको १२ औं संस्करणको यो महोत्सबमा यसपटक साउथ अफ्रिका, इजिप्ट, तान्जानियाँ, टर्की, मोजाम्बिया, जिम्बाबे, क्यामरुन, मोरिसस, जमईका गरी नौ देशबाट ८ वटा अफ्रिकन चलचित्र चयन भएका छन् । जसमा फुल्स र द चेस्लर गरी २ वटा चलचित्र, वी ह्याभ नेभर बिन किड्स र ह्वाईट पोसन गरी २ वटा बृत्तचित्र छन् । यस्तै डाईनिज, अफस्प्रिङ, सर्भाईभर र इग्नोरेन्स इज अ लाईफस्टाईल गरी ४ वटा लुघ चलचित्र छन् ।
यसपटक १५ भन्दा बढी मुलुकका चार दर्जन भन्दा बढी अफ्रिकन चलचित्र, लुघ चलचित्र तथा बृत्तचित्र प्राप्त भएकोमा महोत्सबको लागि ८ वटा अफ्रिकन चलचित्र चयन गरिएको आयोजक पक्षले जनाएको छ ।
यस्तै महोत्सबमा नेपालबाट ७ वटा नेपाली र आदिबासी चलचित्र, ३ वटा बृत्तचित्र र १० वटा लघु चलचित्र गरी २ वटा चयन भएको हो । नेपालबाट ७३ वटा चलचित्र, बृत्तचित्र तथा लघुचलचित्र प्राप्त भएकोमा निर्णयक टिमले फेस्टिबलको लागि २० वटा चयन गरिएको हो ।
चयन भएको नेपाली तथा आदिबासी चलचित्रमा सरी मम, काँडेतार, गोर्खा वारियर, सनाखत, आफ्नै कर्म, लोजिमा र रित रहेका छन् । यस्तै बृत्तचित्र तर्फ जर्नी टु गोक्यो, काँचो बायु र चेसिङ द ड्रिम रहेका छन् । महोत्सबमा छानिएका नेपाली लघु चलचित्रहरुमा सिगरेट, आमा, ऐना, ढुकढुकी, घटेरो, हे दैव, जुत्ता, म्यारिज डे, मातृत्व र रोटेन ब्लड रहेका छन् ।
यो महोत्सबको तयारी अन्तिम चरणमा पुगेको यसकी अध्यक्ष एवम् कलेज अफ जर्नालिजम एन्ड मास कम्युनिकेशनकी प्रिन्सिपल डा. मञ्जु मिश्रले जानकारी गराएकी छिन्,‘महोत्सबको तयारी तिब्र गतिमा भईरहेको छ । हामीले नेपाल र अफ्रिकाको संस्कृति आदन प्रदानसँगै चलचित्रबाट दुई फरक महाद्धिपलाई जोड्न १३ वर्ष अघिबाट यो महोत्सब निरन्तर आयोजना गर्दै आएका छौं र महोत्सबले अफ्रिकालाई अफ्रिकन लेन्सबाटै हेरिनु पर्छ भन्ने हाम्रो उदेश्य रहेको छ ।’ महोत्सब अध्यक्ष डा. मञ्जु मिश्रले भनिन्,‘हामीले अफ्रिकालाई पश्चिमा देशको दृष्टिकोणबाट हेर्दै आएका छौं । अफ्रिका विभिन्न मात्र हैन, त्यत्तिकै सुन्दर र सम्पन्न पनि छ भन्नेकुरा त्यहाँका चलचित्रबाट हामीले अफ्रिकालागि बिगतझै यस पटक पनि यो महोत्सबमा हेर्ने छौं ।’
महोत्सब निर्देशक डब्बु क्षत्रीका अनुसार बिगत झै यसपटक पनि यो महोत्सबलाई तीन दिनसम्म आयोजना गरिँदैछ,‘यसपटक दर्शकलाई सुविधा सम्पन्न रुपमा चलत्रिच देखाउन हामीले यो महोत्सब काठमाडौंको सिटिसी मलमा रहेको सिडिसी सिनेमाजमा फेस्टिबल गर्दैछौं । महोत्सबमा चलचित्र प्रदर्शनसँगै अभिनय सम्बन्धि तीन दिनको विशेष कार्यशाला, र अन्तरक्रिया कार्यक्रमहरु पनि रहेको छ ।’
नेपाली र अफ्रिकन चलचित्रको सम्बन्धलाई जोड्दै दुई फरक महादिपको संस्कृति चलचित्र मार्फत आदन प्रदान गर्नको लागि यो महोत्सब आयोजना गर्दै आएको पनि महोत्सब निर्देशक क्षत्रीले जानकारी गराएका छन् ।
काठमाडौं - ओप्सना फिल्म्स् प्रा.लि.द्वारा आयोजित पहिलो संकरण ‘राष्ट्रिय ओप्सना म्युजिक अवार्ड २०२४’ पूर्व सञ्चार मन्त्री पार्वत गुरुङको प्रमुख आतिथ्यतामा नाचघर जमलमा भव्यताका साथ सम्पन्न भएको छ । विशेष अतिथिमा नेपाल संगीत तथा नाट्य प्रज्ञा प्रतिष्ठानका उपकुलपति वरिष्ठ संगीतकार तथा गायक शम्भु राई, प्राज्ञ डा. किराँत लगायतका गीतसंगीत क्षेत्रका बिशिष्ठ व्यक्तिहरुको उल्लेखनिय उपस्थिति रहेको थियो । राष्ट्रिय भाव, पप, लोकदोहोरी, चलचित्र र आधुनिक, भाषिक विधाका स्रष्टा, सिर्जना, प्राविधिकहरुलाई समावेश गरि विभिन्न ३९ विधामा र अन्य गरी जम्मा ६२ अवार्ड तथा सम्मान अर्पण गरिएको थियो । कार्यक्रममा वरिष्ठ साहित्यकार तथा गीतकार सुरेन्द्र महर्जन ‘अमर’लाई नगद राशी सहित लाइफ टाइम अचिभमेन्ट सम्मान प्रदान गरिएको थियो । बरिष्ठ पत्रकार सानु श्रेष्ठ र पूण्यप्रसाद भट्टराई विशेष पत्रकारिता सम्मानबाट सम्मानित भए भने निर्णायकहरुमा सुमनजंग के.सी., भीष्मराज फुलारा, दिवाकर भण्डारी, आनन्द कार्की र मान बहादुर थापा रहनु रहेका थिए ।
अवार्ड विजेताहरु :
सर्वोत्कृष्ट आधुनिक शब्दतर्फ झलनाथ खनाल– आमा भन्नु, सर्वोत्कृष्ट संगीततर्फ डि.आर. अटु– सताएर जाउँ, सर्वोत्कृष्ट आधुनिक गायकमा केशव भावुक– छातिभित्र, सर्वोत्कृष्ट पूर्वेली लोक तथा दोहोरी दिपक तामाङ– सोल्टिनी सेवारो, सर्वोत्कृष्ट महिला मोडल काँठे आयुष्मा कार्की– गलबन्दी पछौरी, सर्वोत्कृष्ट राष्ट्रिय गीत शब्दतर्फ श्याम कुमार बानियाँ– आकाश खुल्यो, सर्वोत्कृष्ट राष्ट्रिय गीत गायिका राधा ज्ञवाली– हिमालमा घाम, सर्वोत्कृष्ट महिला आधुनिक मोडल सञ्जु मोक्तान– कहिले आउँछ ले अवार्ड प्राप्त गरेका हुन् ।
त्यसैगरी सर्वोत्कृष्ट पूर्वेली लोकगायक तर्फ नन्दु राई– धनकुटा हिले, सर्वोत्कृष्ट लिम्बु भाषा गीतको गायकतर्फ– कुशल थलङ– लुङमारक हिम्ला, सर्वोत्कृष्ट राई भाषा गीत गायक “जुरी” सन्तोष दुमी राई, सर्वोत्कृष्ट काँठे गायिका सबनम आचार्य (फुयाल), सर्वोत्कृष्ट आधुनिक गायक (पब्लिक च्वाइस) प्रदिप सापकोटा, सर्वोत्कृष्ट फिल्म निर्देशक दिनेश लिङ्देन, सर्वोत्कृष्ट आधुनिक मोडल (पब्लिक च्वाईस) पदम बस्नेत, सर्वोत्कृष्ट फिल्म अभिनेता (पब्लिक च्वाइस) दामोदर सापकोटा अवार्ड प्राप्त गरेका थिए ।
त्यसैगरी सर्वोत्कृष्ट आधुनिक युगल गायक प्रचण्ड बाबु राई,सर्वोत्कृष्ट पूर्वेली तथा लोकदोहोरी शब्दतर्फ अर्जुन घिमिरे चुलीदेवी माइ (पब्लिक च्वाइस), सर्वोत्कृष्ट नृत्य निर्देशक मनिषा राई, सर्वोत्कृष्ट गीतकार आधुनिक गोविन्द प्रसाद नागीला ‘प्रोत्साहन’, सर्वोत्कृष्ट गीतकार प्रवासी सुशिल चालिसे, सर्वोत्कृष्ट पप गायक (पब्लिक च्वाइस) नवल राई, सर्वोत्कृष्ट आदिवासी चलचित्र ‘लोजिमा’ सागर सुब्बा, सर्वोत्कृष्ट आधुनिक गायिका आश्मा विश्वकर्मा, सर्वोत्कृष्ट लोकदोहोरी गायक नवप्रतिभा संगम लिम्बु, उत्कृष्ट लोकदोहोरी गायक नव राज रुम्बा– आउन कान्छी, उत्कृष्ट लोकदोहोरी गायिका– विष्णु सुवेदी, सर्वोत्कृष्ट आधुनिक युगल गायकतर्फ सौगात जंग (जुरीतर्फ), सवोत्कृष्ट पपगायक नवतर्फ रुपेश लामा, सर्वोत्कृष्ट पप गायकतर्फ सपन श्रेष्ठ, सर्वोत्कृष्ट फिल्मको नायकतर्फ ईअन लिम्बु– दुई कदम फिल्म, सर्वोत्कृष्ट चलचत्रि संगीत विकास चौधरी, सर्वोत्कृष्ट काँठे लोकदोहोरी गायिका– संगीता पहरी,सर्वोत्कृष्ट देउडा गायक सुर्यविरही साउद,सर्वोत्कृष्ट लोक देउडा गायक दिपेन्द्रप्रसाद दाहाल, सर्वोत्कृष्ट आधुनिक गीतको मोडलतर्फ पदम बस्नेत (पब्लिक च्वाइस), सर्वोत्कृष्ट आधुनिक भिडियो निर्देशक– नविन पन्त (पब्लिक च्वाइस) ले अवार्ड पाएका थिए ।
त्यस्तै सर्वोत्कृष्ट ध्वनि मिश्रण गोविन्द सोनी गीत काली गोरी, सर्वोत्कृष्ट फिल्मको शब्दतर्फ डी.पी. खनाल– ‘फनफनी’, सर्वोत्कृष्ट गायक आधुनिक नवप्रतिभा नवराज पराजुली, सर्वोत्कृष्ट राई भाषाको गीत गायकतर्फ चित्र आठपहरिया राई– घिन्ताङ घिन्ताङ मादलै टेने, सर्वोत्कृष्ट कुलुङ भाषाको गीतकार तर्फ मनुहाङ किराँती राई– साल्पा सिलिछोमी, सर्वोत्कृष्ट आधुनिक शब्द नवतर्फ उद्धब गौतम– जिन्दगीको गोरेटोमा, सर्वोत्कृष्ट आधुनिक गीतकार प्रवासी राजेश के.सी.,सर्वोत्कृष्ट पप गायकतर्फ (जुरी) नविन दाहाल, सर्वोत्कृष्ट कस्टुम डिजाइनर महेश शिवभक्ती ,सर्वोत्कृष्ट सिनेमाटोग्राफर सुजन श्रेष्ठ, सर्वोत्कृष्ट शिक्षाविद् यादव गिरी, सर्वोत्कृष्ट आधुनिक गायक (जुरी) राजेन्द्र राई, सर्वोत्कृष्ट टेलिभिजन प्रस्तोता राजेन्द्र बानियाँ, सर्वोत्कृष्ट फिल्म कलाकार चन्द्र लामा, सर्वोत्कृष्ट गीतकार सन्दिप खनाल, सर्वोत्कृष्ट पप शब्दतर्फ उत्कल चालिसे, सर्वोत्कृष्ट पपशब्द (जुरी तर्फ) प्रेमा संगम कालिन्चोक घुमेर जाउँ, सर्वोत्कृष्ट आधुनिक मोडल एल.पी. शर्मा, सर्वोत्कृष्ट देउडा मोडल महिला जुना कार्की,सर्वोत्कृष्ट आधुनिक मोडल महिला (नव) अनु राई– कोसँग तिमी भुल्न थाल्यौ (पब्लिक च्वाइस),सर्वोत्कृष्ट आधुनिक मोडल सुशिला श्रेष्ठ– जिउनु न मर्नु बनायौ (जुरी),सर्वोत्कृष्ट कलाकार सत्यदेवी थापा, सर्वोत्कृष्ट गीतकार आधुनिक नवतर्फ लिना राई– तिमी आयौ जिन्दगीमा (जुरी),सर्वोत्कृष्ट भिडियो निर्देशन आधुनिक गीत गौरव गिरी– सँगसँगै, सर्वोत्कृष्ट आधुनिक गायक तर्फ मिलन तिमल्सिना– ‘मलाई बात लागे’ (पब्लिक च्वाइस) ले अवार्ड पाए ।
काठमाडौं- कला क्षेत्रको सानैदेखिको रुचिले यतिबेला मूर्तरूप पाएको छ उज्ज्वल सिवाकोटीको । अभियनमा सानैदेखि हरूक्क हुने उहाँ स्कुल कलेजका विभिन्न कार्यक्रममा भाग लिदै यो क्षेत्रमा होमिनुभएको हो । झापा स्थाई घर हुनुभएका सिवाकोटीले आफूलाई र्याम्प मोडलिङमा आफूलाई प्रस्तुत गर्दै आइरहनुभएको छ । विभिन्न फेशन शोमा उत्कृष्टता प्रदर्शन गर्नुभएका सिवाकोटीले म्युजिक भिडियो र विज्ञापनमा पनि अभिनय गर्नुभएको छ ।
पछिल्लो समय नेपालमा पनि फेशन शो र र्याम्प मोडलका कार्यक्रम निक्कै हुने गर्दछन् । यस्तै म्युजिक भिडियोहरू पनि निरन्तर रूपमा बजारमा आइरहेका छन् । दिनहुँजस्तो नयाँ मोडेल र कलाकारहरू यो क्षेत्रमा आफ्नो भविष्य खोज्दै आएको पाइन्छ । मोडलिङको रहर अवसरको खोजीमा धेरै रहेको पाइन्छ रहर सबैको हुन्छ मोडलिङमा रम्ने तर पनि मोडलिङमा जम्ने सिमित हुन्छन । यही क्षेत्रमा आफूलाई स्थापित गर्नेतर्फ आफ्ना पाइला निरन्तर बढाइरहनुभएको छ उज्ज्वलले ।
केही फिल्म र म्युजिक भिडियोमा अभिनयका लागि कुरा भइरहेको बताउनुहुने उहाँ भन्नु हुन्छ, ‘अब चलचित्र र मोडलिङमै क्यारिअर बनाएर स्थापित हुन्छु र यही क्षेत्रमा आफ्नो ट्यालेन्ट, क्षमता प्रदर्शन गरेर आफ्नो छुट्टै पहिचान बनाउँछु ।’ मोडलका लागि पैसा र एक्सपोज दुवै परिपूरक भएको बताउनुहुने उहाँ आफू यही क्षेत्रमा केही उल्लेख काम गर्दै आफ्नो कलामार्फत छुट्टै पहिचान स्थापित गर्ने बताउनुहुन्छ ।
काठमाडौं । एक्टिभ म्युजिक प्रा.लि.को आयोजनामा दोस्रो ईन्टरनेशनल क्रियटिभ म्युजिक अवार्ड २०२४को फाईनल कार्यक्रम सम्पन्न भएको छ ।
सांस्कृतिक संस्थान (राष्ट्रिय नाचघर)मा प्रा.लि.का प्रबन्ध निर्देशक बिजेन्द्र नौबागे को शभापतित्व तथा प्रतिनिधिसभाकी उप सभामुख माननीय ईन्दिरा राना मगरको प्रमुख आतिथ्यतामा सम्पन्न भएको फाईनल र्काक्रममा,पुर्व संस्कृति,पर्यटन तथा नागरिक उड्डयन राज्य मन्त्री परशुराम तामाङ, सशस्त्र प्रहरी बलका अतिरिक्त महानिरिक्षक चन्द्र प्रकाश गौतमको बिशिष्ठ आतिथ्यता रहेको थियो ।
कार्यक्रममा बिशेष अतिथिको रुपमा बरिष्ठ गायीका ज्ञानु राणा,बरिष्ठ कलाकार सुवाश गजुरेल, चलचित्र निर्माता संघका अध्यक्ष नवल खड्का, बरिष्ठ निर्देशक तथा कलाकार पुकार भट्टराई,भिडियो सम्पादक मान बहादुर थापा, लोक तथा दोहोरी गीत प्रतिष्ठान केन्द्र नेपालका महासचिव पि.एन.सापकोटा,हरित शान्ति समाज नेपालका अध्यक्ष शन्तु गिरी,वेलकम ईन्टरनेशनल प्रा.लि.का प्रबन्ध निर्देशक देवेन्द्र सारु मगर रहनु भएको थियो ।
बिभिन्न संघ संस्थाका प्रतिनिधि,कलाकार,मिडियाकर्मी र समाजसेवीहरुको उपस्थिति रहेको कार्यक्रमको ब्यवस्थापन तथा स्वयंसेवी भुमिकामा अमृता नौबागे र सुनिता थापा रहनु भएको थियो ।
अर्वाड छनौटको निर्णायकको भुमिकामा चलचित्र निर्देशक अमर वली,गायक प्रचण्डबाबु राई र गायक सुर्य मन्बा तामाङ रहनु भएको थियो ।
कार्यक्रममा बिभिन्न बिधाबाट समाजलाई योगदान पुर्याउने व्यक्तित्वहरु लाई सम्मान समेत गरिएको थियो । जसमा कलासम्मान २०२४ बाट दशकौं कला सम्मानबाट वरिष्ठ कलाकार यादव बैरागी,नायक सम्मानबाट चलचित्र नायक शितल के.सी.,बरिष्ठ एरेन्जर राजु खड्का,निर्देशक तथा कलाकार शिबन पोख्रेल,निर्देशक कलाकार सागर तामाङ,बरिष्ठ गायक माधव भण्डारी, निर्णायक सम्मान बाट निर्णायकको भुमिकामा रहनु भएका चलचित्र निर्देशक अमर वली,गायक प्रचण्डबाबु राई र गायक सुर्य मन्बा तामाङ,गायक उत्सब सुब्बा,मोडल सबिना मगर,एरेन्जर बिस्वास नेपाल,गायक मरिचमान तामाङ तथा सन्चारकर्मी डि.बि.पराजुली लाई सम्मान गरिएको थियो ।
उत्कृष्ट पाँचमा परेका बिधा र पात्रको फाईनल छनौट प्रकृयाको लागि ई सेवा मार्फत भोटीङ सिस्टममा लगिएकोमा निम्नानुसार को बिधा र पात्रलाई फाईनलमा छनौट गरि अवार्ड वितरण गरिएको थियो ।
सर्वोकृष्ट राष्ट्रियभाव गित, ईवेस तिरुवा — काँधमा छ राईफल
सर्वोकृष्ट आधुनिक गायक,गोविन्द मधुर आचार्य — म मरेको
सर्वोकृष्ट आधुनिक गायीका,जुनु रिजाल — सपनामा आयो
सर्वोकृष्ट लोकदोहोरी गायक ,यमन खनाल — तारा जुनले
सर्वोकृष्ट लोक आधुनिक गायक ,भिम मगर — सातै मुल
सर्वोकृष्ट आधुनिक गीत भिडियो निर्देशन,मनी तामाङ — कान्छि
सर्वोकृष्ट आधुनिक गीत भिडियोनव मोडल(पुरुष)— रमेश रम्तेल नेपाली — छोडर गयौनी
सर्वोकृष्ट लोक तथा दोहोरी गीत भिडियो मोडल(पुरुष),शिसिर पौडेल—किनारा
सर्वोकृष्ट लोक तथा दोहोरी गीत भिडियो मोडल(महिला),जुना कार्की — सत्य जिवन
सर्वोकृष्ट भाषा भाषी गीत ,दिपेश एस.के.— शैलुङ्गे मैच्याङ
सर्वोकृष्ट पुर्वेली गीत, प्रविन राई — पुर्वेली नानी
सर्वोकृष्ट बाल गायीका,मन्जली तामाङ
सर्वोकृष्ट ध्वनी मिश्रण,डिका गुरुङ
बर्ष उत्कृष्ट भिडियो सम्पादक , प्रेम शर्मा पौडेल
सर्वोकृष्ट भाषा भाषी गीत भिडियो मोडल जुरी अवार्ड, राजिव तामाङ राहुल
सर्वोकृष्ट लोक दोहोरी नव गायक प्रोत्साहन अवार्ड, धन बहादुर खपाङ्गी मगर
सर्वोकृष्ट आधुनिक गीत संगीतकार ,दिवान किनार —माया एउटा संग
सर्वोकृष्ट आधुनिक गीत मोडल (महिला),रेखा स्त्री—उस्ले जति माया
सर्वोकृष्ट लोक तथा दोहोरी गीत शब्द,सागर रेग्मी — जारी
सर्वोकृष्ट लोक तथा दोहोरी गीत लय, नविन परियार — साईली रिमै
सर्वोत्कृष्ट आधुनिक गित भिडियो मोडल, आर्यन राउत — सधै भरी तिम्रै
लोक दोहोरि गायिका, सबिता परियार गावै रमाईलो
बर्ष सर्वोत्कृष्ट गीत ,सोैगात सायर — तिम्रो याद
पब्लिक च्बाईस अवार्ड, तिलक बस्नेत — माया पिरतिमा
बर्ष सर्वोत्कृष्ट छायाकार (क्यामेरा मेन) ज्ञान कुमार कटेल – म त नेपाली
कार्यक्रममा प्रमुख अतिथि प्रतिनिधिसभाकी उप सभामुख माननीय ईन्दिरा राना मगर , बिशिष्ठ अतिथि पुर्व संस्कृति,पर्यटन तथा नागरिक उड्डयन राज्य मन्त्री परशुराम तामाङ तथा सशस्त्र प्रहरी बलका अतिरिक्त महानिरिक्षक चन्द्र प्रकाश गौतमले मनतव्य राख्दै यस्ता कार्यक्रमहरुले कलाकारीता क्षेत्रमा लागेका तथा यो क्षेत्रमा आउन खोजेका नव प्रवेशीहरुलाई प्रोत्साहन मिल्ने भएकोले यसको महत्व रहेको बताउनु भएको थियो ।
कार्यक्रमलाई मनोरन्जन प्रदान गर्न बिभिन्न सांगीतिक प्रस्तुतिहरु समेत राखिएको थियो ।
कार्यक्रम बारे बोल्दै एक्टिभ म्यूजिक प्रा.लि.का प्रबन्ध निर्देशक बिजेन्द्र नौबागे यस्ता अवार्डहरुलाई डिजिटल प्रबिधिबाट भोटिङ प्रणालिमा बिकास गर्दा अवार्ड वितरण गर्न सहज भएको बताउनु भयो ।
आगामी दिनमा गरिने यस्ता कार्यक्रमहरु लाई अझ ब्यवस्थित र मर्यादित बनाउन कम्पनि सजग रहेको समेत उहाँले बताउनु भयो ।
कार्यक्रम बरिष्ठ गायक माधव भण्डारीले सन्चालन गर्नु भएको थियो ।
काठमाडौं । एभरेष्ट इभेन्ट्सद्वारा आयोजित नन्दिनी अर्गानिक “मिस्टर एण्ड मिस एसईई सुपर मोडल २०२३ तेस्रो संस्करणको उपाधी गौरव सिटौला र क्विन्सी श्रेष्ठले जितेका छन् । शनिवार साँझ नेपाल प्रज्ञा प्रतिष्ठानमा सम्पन्न प्रतियोगितामा उनीहरु ९३ प्रतिस्पर्धीहरुलाई उछिन्दै उक्त उपाधी जितेका हुन । त्यस्तै पुरुष र नारी गरि दुई भिन्न टाईटलका लागि भएको स्पर्धामा उस्तै अब्बल प्रस्तुती दिदै अवय खड्गी र जेसिका सिंह ठकुरीले फस्ट रनर अप, विशेष श्रेष्ठ र मिमोसा राईले सेकेन्ड रनर अप, शिशिर रेगामी मगर र एन्जल थापा मगरले थर्ड रनर अप, सहारा लामाले फोर्थ रनर अप र दीपशान्त नेपाली र कुसुम गुरुङले आयोजक छनौट, आदित्य गौतम र अप्सना पन्तले ब्राण्ड एम्बेसडर, उक्रिशा मुधवारीले बिटी विथ ब्रेन, निश्चल खत्री, रोजिना कार्कीले र रञ्जिता कर्माचार्यले मस्ट पपुलर र कुसुम गुरुङ तथा छसुम राईले भ्युअर्स च्वाइसको उपाधी हात पारे ।
शिर्ष टाईटल विजेताहरुले उक्त उपाधीसँगै नगद पुरस्कार ५० हजार रुपैया, स्मार्टफोन प्राप्त गरेका छन् । त्यस्तै सेकेण्ड रनर अपसम्मका विजेताले बुद्ध एयरबाट पोखरा काठमाण्डौको हवाई टिकट र विजेताले विश्व मंचमा प्रतिनिधित्वको अवसर प्राप्त गर्नेछन् । त्यसैगरि, प्रत्येक सहभागीले विज्ञान, व्यवस्थापन, मानविकी तहमा दश जोड दुई अध्ययनका लागि ंछात्रवृत्ति प्राप्त गर्नेछन् । दुवै विजेताका लागि एभरेष्ट फिल्म एकेडेमीमा १ लाख रुपैयाँ बराबरको छात्रवृत्ति, विजेताले आशिका एकेडेमीद्वारा व्यावसायिक मेकअप कोर्ष, शीर्ष ८ ले करुणाको ब्यूटी पार्लर र प्रशिक्षण केन्द्रमा एक हप्ताको आधारभूत मेकअप कक्षा पाउने आयोजक कम्पनी एभरेष्ट इभेन्टसले जनाएको छ । फ्लाई टेक अन्तर्राष्ट्रिय एयरहोस्टेस एकेडेमीमा छात्रवृत्ति, शीर्ष तीनका लागि पोखरामा टूर प्याकेज, फ्रुट जेम्सद्वारा उपहार, नन्दिनी अर्गानिकद्वारा उपहार, नयाँ स्किनोलजीद्वारा उपहार, लेडिज विजेतालाई प्याडलक्स प्रिमियम सेनेटरी प्याडहरू उपहार, उप्स नेपाल द्वारा उपहार ह्याम्पर, सिजिजि स्पोर्ट्स हबबाट बक्सिङ र मुए थाई फिटनेस प्याकेज आदी समेत प्राप्त हुने एभरेष्ट इभेन्टसका सिईओ कृष्ण श्रेष्ठ (रुविन)ले बताए । साथै एभरेष्ट इभेन्ट्सले विज्ञापन, पत्रिका र समाचार पत्रहरूमा चित्रित हुने अवसरसँगै म्युजिक भिडियो, लघु चलचित्र आदीमा खेल्ने तथा प्रस्तुत गराउदै थुप्रै अवसरहरू सिर्जना गर्दै आएको पनि श्रेष्ठले बताए ।
सुगन्धा अधिकारी र अर्शु महर्जनको कोरियोग्राफीमा सम्पन्न यस प्रतियोगिता कार्यक्रममा रोजिन शाक्यले उदघोषण, एमयुएका अनिश श्रेष्ठले फोटोग्राफी, करुणा ब्यूटी पार्लर र आशिका एकेडेमीले मेकअप र भ्यालेन्टिनो द बुटिक, ज्वाला डिजाइनर र एन्जी डिजिनरले ड्रेस डिजाईनको भूमिका निर्वाह गरेका थिए ।
काठमाडौं– नेपाली चलचित्र क्षेत्रमा नियमित रुपमा आयोजना हुँदै आएको ‘एलजी सिने सर्कल अवार्ड–२०८०’ को सम्पूर्ण तयारी पुरा भएको आयोजक संस्था सिनेमा सर्कल नेपालले जनाएको छ । आयोजक संस्थाले पर्दा पछाडि रहेर कार्य गर्ने प्राविधिकको सम्मानमा विगत सात वर्षदेखि यो अवार्ड कार्यक्रम आयोजना गर्दै आएको छ । समारोहमा उत्कृष्ट पोस्टर, ट्रेलर, भीएफएक्स, स्टन्टआदि विधासहित विभिन्न २३ विधामा अवार्ड वितरण गरिँदैछ ।
सातौं संस्करणको एलजी सिने सर्कल अवार्ड–२०८० यही शुक्रवार दिउँसो काठमाडौंको भद्रकालीस्थित आर्मी अफिसर्स क्लबमा प्रदान गरिँदैछ । यो वर्षको अवार्डमा २०८० मा प्रदर्शन भएका उत्कृष्ट फिल्म तथा फिल्मकर्मीहरुलाई पुरस्कृत गरिने छ ।
शुक्रवार दिउँसो ठिक ३ बजेदेखि प्रारम्भ हुने अवार्ड समारोहको प्रारम्भमा नेपाली सेनाको ब्याण्डले नेपाली राष्ट्रिय धुनको प्रस्तुति दिएपछि केही पुरानादेखि नयाँ नेपाली फिल्मका केही लोकप्रिय गीतहरुको धुन प्रस्तुत गर्नेछ । सेनाको ब्याण्डलाई दिनेश सुनामले संयोजन गर्नेछन् ।
आयोजक संस्था सिनेमा सर्कल नेपालका संरक्षक तथा चौधरी ग्रुपका प्रवन्ध निर्देशक उद्योगपति वरुण चौधरीबाट स्वागत मन्तव्य व्यक्त गरिएसंगै अवार्ड समारोहको विधिवत थालनी हुनेछ । पहिलो चरणमा चार वटा विधामा अवार्डहरु प्रदान गरिएपछि एउटा विशेष कार्यक्रम आयोजना गरिने छ । यो प्रस्तुतिमा पछिल्लो एक वर्षको अवधिमा नेपाली कलाकारिता क्षेत्रले गुमाएका कलाकर्मीहरुप्रति हार्दिक श्रद्धाञ्जली अर्पण गरिने छ । त्यसक्रममा एउटा भिडियो सामग्रीसमेत प्रदर्शन गरिने छ ।
उक्त प्रस्तुतपछि लोकप्रिय गायिका देविका बन्दनाले स्टेजमा प्रस्तुत भएर आफ्नो कालजयी गीतहरु प्रस्तुत गर्नेछिन् । त्यसक्रममा उनले मास्टर साहेब सिकाइदेउ पिरती, यस्तै रहेछ यहाँको चलन, लाईदेउ लाउदेउ माया लाइदेउ आदि गीतहरु प्रस्तुत गर्नेछिन् । त्यसपछि केही विधामा अवार्ड प्रदान गरिएपछि समारोहको सबैभन्दा महत्वपूर्ण क्षण अर्थात लाइभफाइट अचिभ्मेन्ट अवार्ड (दीर्घ साधना सम्मान) दुई वरिष्ठ फिल्मकर्मीलाई अर्पण गरिने छ ।
त्यसपछि गायक यम बरालले निष्ठुरीले छाडेर गईहाली, बालदुलको घुम्टोले‘सहितका लोकप्रिय गीतहरु प्रस्तुत गर्नेछन् । कार्यक्रमको उत्तरार्धमा थप विधाका अवार्ड प्रदान गरेपछि कार्यक्रमका निर्देशक तथा आयोजक संस्थाका प्रमुख दिनेश डिसीले धन्यवाद ज्ञापन गर्दै कार्यक्रमको बिट मार्नेछन् ।
रोक्का र खड्कालाई दीर्घ साधना सम्मान प्रदान गरिने :
नेपाली फिल्म क्षेत्रमा पर्दा पछाडि बसेर काम गर्ने फिल्मकर्मीहरुलाई पुरस्कृत तथा सम्मान गर्ने एक मात्र अवार्डको रुपमा परिचित सिने सर्कल अवार्डको यो वर्षको संस्करणमा वरिष्ठ मेकअपम्यान अशोक रोक्का तथा दृष्य सम्पादक नरेन्द्र खड्कालाई ‘दीर्घ साधना सम्मान’ द्वारा सम्मानित गरिँदैछ ।
लामो समयदेखि फिल्म क्षेत्रमा सक्रिय रोक्का तथा खड्कालाई जनही ५१ हजार रुपैयाँ नगद तथा सम्मानपत्रसहित लाइफटाइम अचिभ्मेन्ट अवार्डद्वारा सम्मानित गरिने आयोजक संस्थाका प्रमुख दिनेश डिसीले कलाकर्मीलाई जानकारी दिएका छन् ।
मेकअपम्यान रोक्काले एक सय वटा भन्दा बढी नेपाली फिल्ममा मेकअपम्यानको रुपमा कार्य गरेका छन् । उृनले ज्वाला, ठूल्दाई, आफ्नो मान्छे, अल्लारे, चाँदनी, अर्जुन, दोबाटो, नेपाल प्यारो छ, १६ वर्षे जोवन, आघात, करण अर्जुन, धर्मात्मा, ईश्वर, आदिकवि भानुभक्त, नासो, मायाजवार, आन्दोलन, क्लासिक, काउसो, नाई नभन्नु ल, सौभाग्य, माया गर ल, चिनो, निर्भय, कर्णवीर आदि फिल्ममा मेकअप म्यानको रुपमा काम गरेका छन् ।
त्यस्तै कलेज अफ फिल्म स्टडीजको संस्थापक प्रिन्सिपलको रुपमा काम गरेका फिल्म एडिटर खड्काले शान्तिदीप, सारंगी, मोहनी, चट्याङ, राजमति, छोरा–बुहारी, भानुभक्त, वसन्ती, चमेली, घरसंसार जस्ता दर्जनौं फिल्ममा सम्पादकको रुपमा काम गरिसकेका छन् ।
यो अवार्डका अघिल्ला संस्करणहरुमा कला निर्देशक जुंगे भट्टराई, द्वन्द निर्देशक एनबी महर्जन, निर्देशक किशोर राना, मेकअप म्यान सन्तु तामाङ, भान्से जेठा दाईलाई लाइफटाइम अचिभ्मेन्ट अवार्ड प्रदान गरिएको छ ।
