काठमाण्डौ - नेपाल चलचित्र कलाकार संघ र बालाजुस्थित सिल्भरलाईन हस्पिटल बिच स्वास्थ्य सहुलियतमा भारी छुट सहितको सम्झौता भएको छ । नेपाल चलचित्र कलाकार संघका अध्यक्ष मोहन निरौला तथा संघका महासचिव सविन श्रेष्ठ र सिल्भरलाईन हस्पिटलका प्रबन्धक डाक्टर अभिषेक राज सिंह बिच असार १९ गते बुधबार एक कार्यक्रमका विच सम्झौता पत्रमा हस्तक्षर भएको छ । बरिष्ठ चलचित्रकर्मी, कलाकार, पत्रकार तथा अस्पतालका कर्मचारीहरुको उपस्थितीमा दुबै पक्ष बिच हस्ताक्षर गरिएको हो ।

सम्झौता पछी कलाकार संघका सदस्यहरुले आफ्नो परिचय पत्रको आधारमा छुट पाउने बताईएको छ । सबै खालको सेवा प्रदान गर्दै आएको अस्पताल गैर नाफामुलक हस्पिटल हो । झण्डै १४ रोपनी क्षेत्रफलमा फैलिएको हस्पिटलमा आईसियु, एनआईआईसियु, सिटीस्क्यान, अर्थोपेडिक, न्युरोलोजी, गाइनोलोजी, ग्यास्ट्रोलोजी, पेडिएट्रिक, कार्डिओलोजी, नेफ्रोलोजी, न्युरोसर्जरी, न्युरोफिजिएट्री, फिजिओथेरापी, इएनटी, इन्टर्नल मेडिसिन, अनेस्थेसिआ, जनरल ल्यापरोस्किपिक, रिडियोलोजीलगायत विभिन्न सुविधाहरु न्युनतम खर्चमा गुणस्तर सेवा प्रदान गर्दै आएको छ ।

कलाकार संघका सदस्यहरुको लागि सिल्भरलाईनले निःशुल्क एम्बुलेन्स सेवा पनि प्रदान गर्ने बताएको छ । उच्चस्तरीय प्रविधि र नयाँ व्यवस्थापन सहित अस्पताल संचालनमा छ ।

बुधबार नेपाल चलचित्र कलाकार संघ र सिल्भरलाईन अस्पताल विच भएको कार्यक्रमको सम्पूर्ण व्यवस्थापन कलाकार तथा निर्माता रविन्द्र सिंह बानियाँ र कार्यक्रम संयोजक तथा कलाकार संघका सदस्य उद्वव प्रसाद भट्टराईले गरेका हुन । कार्यक्रममा बरिष्ठ कलाकारहरु बसुन्धारा भुषाल, भुवन चन्द, चौत्यदेवी सिंह, लय संग्रौला, पुरन जोशी, निर्देशक माधब राज खरेल, बिजयरत्न तुलाधर, शुभाश गजुरेल, उत्तम केसी, राकेश खडका, पल्पसा डंगोल चलचित्र पत्रकार संघका अध्यक्ष समिर बलामी, पत्रकार प्रदिप कार्की, कलाकार आशा भुषाल, सविना कार्की लगायत कलाकार संघका सम्पूर्ण सदस्य तथा पदाधिकारीहरु, चलचित्रकर्मी र हस्पिटल परिवारको उपस्थिती रहेको थियो ।

कलाकार संघका अध्यक्ष मोहन निरौलाले कलाकार संघले धेरै समय विभिन्न हस्पिटलमा छुट पाएपनी औपचारिक रुपमा पहिलो पटक सम्झौता सिल्भरलाईन हस्पिटलसँग भएको बताए । उनले धेरै सुविधा र छुट सिल्भरलाईनबाट पाएको बताए । यस्तै हस्पिटलका निर्देशक डाक्टर अनिमेश जोशीले कलाकार संघका पदाधिकारी र सदस्यहरुलाई सम्झौतामा उल्लेख भएको सेवा बाहेक अन्य विभिन्न व्यवहारिक पक्ष र सेवामा समेत भारी छुट हुने बताए । उनले हस्पिटलमा सबै डाक्टर युवा उमेरका रहेकाले सेवाको लागि गुणस्तरमा पूर्ण प्रतिवद्व रहेको बताए ।

काठमाण्डौ – सङ्गीत क्षेत्रका पुरुष सेलिब्रेटीसँग प्रेमको नाटक गरी शारीरिक सम्बन्ध राखेर ‘हनी ट्रयाप’ (महजाल) मा पारिएको कथामा आधारित म्युजिक भिडिओ ‘जिन्दगी हो खेल जस्तै’ सार्वजनिक भएको छ । लोकप्रिय गीतकार दीपेन्द्र अधिकारीको शव्दरचना, प्रसिद्ध सर्जक राजकुमार बगरको सङ्गीत र कमल सौरागको सङ्गीत संयोजन रहेको यस गीतमा चर्चित गायन रियालिटी शो The Voice of Nepal Season 5 का विजेता विनोद राईले स्वर दिएका छन् ।

भिडिओ dA Creations युट्युब च्यानलबाट आइतबार डिजिटल बजारमा आएको हो । फरक विषयबस्तु र गुणस्तरीय गीतका कारण छोटो समयमै चर्चामा आएका गीतकार दीपेन्द्र अधिकारीका यसअघि मनमोहक पोखरा, चुलबुल चुलबुल (मामा भाञ्जीको गीत), नेपालकी छोरी, जनताको मर्म, जीवनको रेल र फर्किन्छु यसपाली (दसैं-तिहार) शीर्षकका गीत सार्वजनिक भएका छन् ।

‘जिन्दगी हो खेल जस्तै’ को भिडिओ प्रसिद्ध छायाकार, सम्पादक एवं निर्देशक वीरेन्द्र भाट ‘विपिन’ को निर्देशन, दृश्य तथा रङ्ग सम्पादनमा तयार भएको हो । जसमा अजय रेग्मीको सिनेमाटोग्राफी र लोकेश भाटको ग्राफिक्स रहेको छ । भिडिओमा सेलिब्रेटीको भूमिकामा गीतका गायक विनोद राई स्वयंले र षड्यन्त्रकारी युवतीको भूमिकामा ऋचा थापाले अभिनय गरेका छन् भने सहायक भूमिकामा राजेन्द्र शर्मा, अर्जुन कुँवर, रश्मी आचार्य, सन्तोष कुँवर, नवराज बडुवाल र सुरज भुसाललाई देख्न सकिन्छ l भिडिओ रिलिज भएपछि युट्युवका धेरै दर्शकले क्रिकेटर सन्दिप लामिछानेको कथा जस्तै भएको प्रतिक्रिया दिएका छन् ।

ईम्युजिकडायरीले राखेको जिज्ञाशाको जवाफ दिँदै भिडिओका कथाकार एवं निर्देशक वीरेन्द्र भाट ‘विपिन’ ले यो सन्दिप लामिछानेको कथा नभएको स्पष्ट पारेका छन्। उनी भन्छन्-‘यो एउटा सचेतनामूलक एवं सन्देशमूलक भिडिओ हो । यसमा समाजका विभिन्न क्षेत्रका प्रतिष्ठित पुरुषहरु बेला बेलामा ‘हनी ट्रयाप’ मा पर्ने गरेको र त्यस्ता घटनाबाट देशले नै ठूलो अपेक्षा गरेको व्यक्तिको जिन्दगी कसरी भताभुङ्ग हुन्छ भन्ने कुरा देखाउन खोजिएको हो । भिडिओ वर्ल्डकभर मिडियाको पोष्ट प्रोडक्सनमा निर्माण भएको हो ।

काठमाडौं– कान्तिपुर टेलिभिजनबाट केही दिनअघि प्रसारण भएको कार्यक्रम ‘इट्स माई शो’ मा अभिनेत्री जस्सीता गुरुङको चरित्र हत्या हुने गरी आफ्ना अभिव्यक्तिहरु व्यक्त गर्ने अभिनेत्रीद्वय स्वस्तिमा खड्का तथा साम्रज्ञी राज्य लक्ष्मी शाह प्रति कलाकारहरुको छाता संगठन नेपाल चलचित्र कलाकार संघकाे ध्यानाकर्षण भएकाे छ।

संघका अध्यक्ष मोहन निरौलाले बुधवार दिउँसो एक विज्ञप्ती जारी गर्दै उक्त प्रकरणमा आफ्नो संस्थाको धारणा सार्वजनिक गरेका हुन् । विज्ञप्तीमा भनिएको छ– ‘हालै एक टेलभिजनको कार्यक्रमको प्रस्तुति र त्यस कार्यक्रममा सहभागी कलाकारको अमर्यादित, अशोभनीय, गैर जिम्मेवारीपूर्ण अभिव्यक्तिप्रति नेपाल चलचित्र कलाकार संघको ध्यानाकार्षण भएको छ ।’

उक्त कार्यक्रममा सहभागी कलाकारको अभिव्यक्तिले नेपाली चलचित्र क्षेत्र, कलाकारिता पेशा, वर्ग र सामाजिक दायित्वमा आघात पुगेको हाम्रो ठहर छ । आफ्नो स्वतन्त्रता र अधिकारको प्रयोग गर्दा अरुको मान मर्दन गर्नु हुँदैन भन्ने सामान्य मान्यतालाई पनि उक्त अभिव्यक्तिले लत्याएको छ । एउटा सार्वजनिक कार्यक्रममार्फत अरुको अपहेलना गर्नु, मान मर्दन गर्नु न्यायसगत ठहर्दैन र हुँदैन पनि, विज्ञप्तीमा भनिएको छ ।

विज्ञप्तीमा नेपाल चलचित्र कलाकार संघले आफ्ना सदस्य कलाकारहरुलाई यस्तै अभिव्यक्ति सचेतनाका लागि विभिन्न कार्यक्रम गर्दै आइरहेको उल्लेख गर्दै गत जेठ २९ गतेसमेत कलाकार र आम सञ्चार विषयक विचार गोष्ठी सञ्चालन गरेको स्मरण गराएको छ।

‘यस भन्दाअघि पनि केही कलाकारहरुले सामाजिक मर्यादा विपरित अनुशासन विपरित आचार संहिता पालन नगरी अभिव्यक्ति दिनु भएकोमा संघको ध्यानाकार्षण भइ सचेत पनि गराएका थियौं । प्रस्तुत सन्दर्भमा पनि सम्बन्धित कलाकारलाई सचेत गराउँदै भविष्यमा पेशा, वर्ग र चलचित्र क्षेत्रलाई असर गर्ने कुनै पनि कृयाकलाप र अभिव्यक्ति नदिन हामी यही बक्तव्यमार्फत अनुरोध गर्दछौँ ।’

काठमाडौं– कान्तिपुर टेलिभिजनबाट केही दिनअघि प्रसारण भएको कार्यक्रम ‘इट्स माई शो’ मा अभिनेत्री जस्सीता गुरुङको चरित्र हत्या हुने गरी आफ्ना अभिव्यक्तिहरु व्यक्त गर्ने अभिनेत्रीद्वय स्वस्तिमा खड्का तथा साम्रज्ञी राज्य लक्ष्मी शाह प्रति कलाकारहरुको छाता संगठन नेपाल चलचित्र कलाकार संघकाे ध्यानाकर्षण भएकाे छ।

संघका अध्यक्ष मोहन निरौलाले बुधवार दिउँसो एक विज्ञप्ती जारी गर्दै उक्त प्रकरणमा आफ्नो संस्थाको धारणा सार्वजनिक गरेका हुन् । विज्ञप्तीमा भनिएको छ– ‘हालै एक टेलभिजनको कार्यक्रमको प्रस्तुति र त्यस कार्यक्रममा सहभागी कलाकारको अमर्यादित, अशोभनीय, गैर जिम्मेवारीपूर्ण अभिव्यक्तिप्रति नेपाल चलचित्र कलाकार संघको ध्यानाकार्षण भएको छ ।’

उक्त कार्यक्रममा सहभागी कलाकारको अभिव्यक्तिले नेपाली चलचित्र क्षेत्र, कलाकारिता पेशा, वर्ग र सामाजिक दायित्वमा आघात पुगेको हाम्रो ठहर छ । आफ्नो स्वतन्त्रता र अधिकारको प्रयोग गर्दा अरुको मान मर्दन गर्नु हुँदैन भन्ने सामान्य मान्यतालाई पनि उक्त अभिव्यक्तिले लत्याएको छ । एउटा सार्वजनिक कार्यक्रममार्फत अरुको अपहेलना गर्नु, मान मर्दन गर्नु न्यायसगत ठहर्दैन र हुँदैन पनि, विज्ञप्तीमा भनिएको छ ।

विज्ञप्तीमा नेपाल चलचित्र कलाकार संघले आफ्ना सदस्य कलाकारहरुलाई यस्तै अभिव्यक्ति सचेतनाका लागि विभिन्न कार्यक्रम गर्दै आइरहेको उल्लेख गर्दै गत जेठ २९ गतेसमेत कलाकार र आम सञ्चार विषयक विचार गोष्ठी सञ्चालन गरेको स्मरण गराएको छ।

‘यस भन्दाअघि पनि केही कलाकारहरुले सामाजिक मर्यादा विपरित अनुशासन विपरित आचार संहिता पालन नगरी अभिव्यक्ति दिनु भएकोमा संघको ध्यानाकार्षण भइ सचेत पनि गराएका थियौं । प्रस्तुत सन्दर्भमा पनि सम्बन्धित कलाकारलाई सचेत गराउँदै भविष्यमा पेशा, वर्ग र चलचित्र क्षेत्रलाई असर गर्ने कुनै पनि कृयाकलाप र अभिव्यक्ति नदिन हामी यही बक्तव्यमार्फत अनुरोध गर्दछौँ ।’

अमेरिका - न्यूयोर्कमा रहेको एल्महर्स्ट पार्कको सफाइ गरिएको छ। २२ जुन, २०२४ मा दिलकुमारी केसी स्मृति प्रतिष्ठानको संयोजकत्वमा न्युयोर्कका डेढ दर्जनभन्दा बढी नेपाली–अमेरिकन सॅघ संस्था मिलेर पार्कको सरसफाइ गरिएको हो।

सरसफाइ कार्यक्रम बिहान १० बजेदेखि दिउँसो १ बजेसम्म सञ्चालन भएको थियो। न्यूयोर्क क्वीन्सको ग्रयान्ड एभी र ५७ एभी. को बीचमा रहेको ६/२२ एकड जमिनमा फैलिएको पार्कको सफाइ गरिएको दिलकुमारी केसी स्मृति प्रतिष्ठानका अध्यक्ष तथा दक्षिण एसिया महादेशका सल्लाहकार नवराज केसीले जानकारी दिए।

अमेरिकाको न्यूयोर्कमा रहेका कम्यूनिटीहरुमा नेपाली समाज भने सरसफाइ कार्यक्रममा सधै अग्र स्थानमा रहेको केसीले बताए। सरसफाइ कार्यक्रममा उपस्थित भएका विभिन्न संस्थाका प्रतिनिधिले आआफ्ना धारणा व्यक्त गरेका थिए। पार्कका सुपरभाइजार लगायत ५४ जनाले लगभग तीन घन्टा खर्चिएर पार्क सफा गरेका थिए।

कार्यक्रममा सहभागी भएका रोटरी क्लब क्वीन्स न्युर्कका प्रिजिडेन्स हन्सराज जोशीले बिगत केहि वर्षदेखि नेपाली समाजहरूले पनि क्वीन्स ब्रोमा कम्युनीटिको लागि खाद्यान्न वितरण तथा पार्क सरसफाई गर्दै आएका बताए।

सरसफाइ कार्यक्रमका विभिन्न कम्पनीका प्रतिनिधिहरुमा दिलकुमारी केसी मेमोरियल फाउन्डेशनका अध्यक्ष नवराज केसी, गोर्खा समाज यूएसएका अध्यक्ष खमलाल भट्ट, श्री धननारायण तथा र्बाजा फाउन्डेशन अमेरिकाका अध्यक्ष लकेश श्रेष्ठ, हामी नेपाली ग्लोबलका प्रायोजक केशव राम राई, गोर्खाली समाज न्यूयोर्कका अध्यक्ष ओम विश्वकर्मा, रोटरी क्लब अफ न्यूयोर्क क्वीन्सका अध्यक्ष हंसराज जोशी, बीटी फाउन्डेशनका अध्यक्ष विश्व बास्तोला, तारा किसन फाउन्डेसनका अध्यक्ष किशन धामी, हिमालय कल्चरल एकेडेमीका अध्यक्ष अभया ढुंगेल, पिएआर फाउन्डेशनका कार्यकारी निर्देशक टिका ढकाल, काठमाडौं समाजका अध्यक्ष राजेश हमाल लगाएत दर्जनौँको सहभागिता रहेको थियो । त्यस्तै पार्कका सामुदायिक संयोजक एलेजेन्ड्रा भानेगसको समेत सहभागिता रहेको थियो। कार्यक्रममा न्यूयोर्क शहर मेयरको कार्यलयका सुकरानी धनपत पनि सहभागी थिए।

काठमाडौं-कलेज अफ जर्नालिजम एण्ड मास कम्युनिकेशन र विलक्षण क्रियसनको आयोजना तथा चलचित्र विकाश बोर्डको सह आयोजनामा ७ असारबाट काठमाडौंमा सुरु भएको ‘१२ औं नेपाल अफ्रिका फिल्म फेस्टिबल–२०२४’ ९ असार आईतबार बेलुका सम्पन्न भएको छ । महोत्सबमा नेपालबाट २० वटा चलचित्र र विभिन्न ९ मुलुकबाट ८ वटा अफ्रिकन चलचित्रसहित २८ वटा चलचित्र सहभागी थिए ।
रक्षामन्त्री हरिप्रसाद उप्रेतीको प्रमुख आतिथ्यतामा महोत्सबमा सहभागी चलचित्रहरु मध्य उत्कृष्ट चलचित्र तथा कलाकार प्राविधिकलाई पुरस्कार प्रदान गर्दै आईतबार साँझ यो महोत्सब सम्पन्न भएको हो । विजेताहरुलाई कार्यक्रममा रक्षामन्त्री हरिप्रसाद उप्रेती, अग्रज अभिनेत्री बसुन्धरा भुसाल, अभिनेता रमेश उप्रेतीले अवार्ड प्रदान गरे ।
महोत्सबमा अफ्रिकाबाट सहभागी चलचित्रहरु मध्य उत्कृष्ट अफ्रिकन कथानक चलचित्रको अवार्ड रामदान सुलेमान निर्देशित साउथ अफ्रिका÷मोजाम्बिया÷जिम्बाबेको चलचित्र ‘फुल’ले जितेको छ । महोत्सबमा उत्कृष्ट अफ्रिकन बृत्तचित्रको अवार्ड तान्जानियाँ÷टर्कीको बृत्तचित्र ‘ह्वाईट पोजन’ले प्राप्त ग¥यो भने उत्कृष्ट लघु चलचित्रको अवार्ड क्यामरुनको लघु चलचित्र ‘सर्भाईभर’ले हाँसिल ग¥यो । महोत्सबमा जुरी अवार्ड क्यामरुनको लघु चलचित्र अफस्प्रिङबाट निर्देशक टाटा फिडेलिसले हाँसिल गरे भने स्पेशल मेनसन अवार्ड जमैकाको लघु चलचित्र ‘इग्नोरेन्स इज अ लाइफस्टाईल’ले प्राप्त ग¥यो । अफ्रिकन तर्फको निर्णायकमा नेपालबाट पत्रकार तथा बृत्तचित्र निर्देशक गणेश पाण्डे, चलचित्र विकाश बोर्डका सदस्य एवम् निर्देशक राजु केसी, निर्माता रौनकबिक्रम कँडेल, भारतबाट चलचित्रकर्मी राहुल बर्मा र बँगलादेशबाट चलचित्रकर्मी महम्मद शाहरियर कमल थिए ।
यस्तै नेपाली कथानक चलचित्र विधामा गोर्खा वारियर उत्कृष्ट चलचित्र बन्न सक्यो भने यही चलचित्रबाट उत्कृष्ट निर्देशकको अवार्ड मिलन चाम्सले र उत्कृष्ट अभिनेताको अवार्ड रितेश चाम्सले जिते । उत्कृष्ट अभिनेत्रीको अवार्ड चलचित्र सरी मम्बाट सरिता लामिछानेले, यही चलचित्रबाट अभिनेता जुरी अवार्ड प्रभात पाल ठकुरीले, संगीतकारको अवार्ड चलचित्र काँडेतारबाट दिपक शर्माले, गायिकाको अवार्ड काँडेतारबाटै सत्यकला राई र गायकको अवार्ड चलचित्र शिरफुलबाट आर्जन पाण्डेले प्राप्त गरे । यस्तै उत्कृष्ट बृत्तचित्र निर्देशकको अवार्ड यसपालीको काँचो बायुबाट भिमा मैनाली र बृत्तचित्र छायाँकारको अवार्ड जर्नी टु गोक्योबाट राजन खरेलले प्राप्त गरे । यस्तै आदिबासी चलचित्र तर्फ उत्कृष्ट अदिबासी चलचित्रको अवार्ड लोजिमाले, यही चलचित्रबाट उत्कृष्ट अभिनेत्रीको अवार्ड बिमला लिम्बुले, सह अभिनेताको अवार्ड रुद्र पाहिमले प्राप्त गरे । उत्कृष्ट आदिबासी अभिनेताको अवार्ड चलचित्र सनाखतबाट धिरने शाक्यले हाँसिल गरे । यस्तै जुरी अवार्ड चलचित्र लिम्बु चलचित्र रितले, उत्कृष्ट निर्देशकको अवार्ड रितबाटै दिनेश लिङदेनले प्राप्त गरे । नेपाली चलचित्र , आदिबासी चलचित्र तथा बृत्तचित्रको निर्णायकमा अभिनेता बीरेन्द्र हमाल, पत्रकार प्रदिप कार्की, गायक ओम सुनार, नृत्य निर्देशक कृष्ण रसाल थिए ।
महोत्सबमा लघु चलचित्र तथा सँगीतिक लघु चलचित्रतर्फ उत्कृष्ट लघु चलचित्र निर्देशकको अवार्ड घटेरोबाट पुरुषोत्तम बस्नेतले, लघु चलचित्र अभिनेत्रीको मातृत्वबाट सिर्जना अधिकारीले, उत्कृष्ट पटकथाको अवार्ड लघु चलचित्र धुकधुकीबाट तारा अधिकारीले, उत्कृष्ट छायाँकारको अवार्ड लघु चलचित्र रोटेन ब्लडबाट रविन आचार्यले र उत्कृष्ट लघु सांगीतिक चलचित्र संगीतकारको अवार्ड शँकर थापा ‘स्माईल’ले हाँसिल गरे । यो समुहको निर्णायकमा गायक हिमाल श्रेष्ठ, मोडलद्धय प्रतीक्षा काफ्ले र सजिना लामिछाने थिए ।
रक्षामन्त्री हरिप्रसाद उप्रेतीले महोत्सबको समापन समारोहलाई सम्बोधन गर्दै यो महोत्सबले नेपाल र अफ्रिकालाई चलचित्रको माध्यमबाट जोडेको बताए । उनले यो महोत्सबलाई राज्यबाट सहयोगको लागि आफुले पहल गर्ने प्रतिवद्धता जनाए ।
अग्रज अभिनेत्री बसुन्धरा भुसालले अघिल्लो वर्ष लघु चलचित्र अभिनेत्रीको अवार्ड आफुले जितेको र  नेपालको एउटा राम्रो अन्तराष्ट्रिय चलचित्र महोत्सबको रुपमा आफुले यसलाई हेरेको बताए । महोत्सब निर्देशक डब्बु क्षत्रीले महोत्सब अध्यक्ष डा. मञ्जु मिश्रको सपना अनुसार १३ वर्षदेखि यो महोत्सब आयोजना गर्दै आएको जानकारी गराए । अफ्रिकन फिल्मका जुरी प्रमुख गणेश पाण्डे र नेपाली चलचित्रका जुरी प्रमुख बीरेन्द्र हमालले चलचित्र चयनको प्रकृयाबारे प्रकाश पारे । महोत्सबमा बीरेन्द्र हमालको प्रशिक्षणमा तीन दिनसम्म अभिनय प्रशिक्षण लिएर विधार्थीलाई सो समारोहमा प्रमाणपत्र प्रदान गरियो ।

काठमाडौं- दोलखाको मेलूङ गाउँपालिका-१ मा रहेको श्री सत्यश्वर माध्यामिक विद्यालयमा अध्ययन गरेकाहरुले ‘सत्यश्वर मावि पुर्व विद्यार्थी समाज’ गठन गरेका छन् ।

काठमाडौंको गौशालास्थित एक होटलमा शनिबार सम्पन्न भेलाले शङ्करनाथ उप्रेतीको अध्यक्षतामा समाजको १५ सदस्यीय तदर्थ समिति गठन गरेको हो । समितिको उपाध्यक्षमा कृष्ण प्रसाद उप्रेती, सचिवमा भवनाथ ढुङ्गेल, सहसचिवमा प्रविण थपलिया र कोषाध्यक्षमा कल्पना ढकाल पौडेल चयन गरिएको थियो भने सदस्यहरुमा यसोदा खड्का, राजन आचार्य, ऋषिराज आचार्य, रामप्रसाद शिवाकोटी, बुद्धि उप्रेती, प्रदिप नेपाली, राजन कोइराला, संजयकुमार बस्नेत, सन्तोष भुजेल र रुद्रहरि नेपाल चयन भएका छन्।

समाज गठनका लागि यसअघि शंकरनाथ उप्रेतीको संयोजकत्वमा भेला आयोजक समिति गठन भएको थियो ।

समाजसेवी शोभित उप्रेतीको प्रमुख आतिथ्यतामा सम्पन्न कार्यक्रममा विद्यालय व्यवस्थापन समितिका पूर्व अध्यक्ष एवं जापानका लागि पूर्व नेपाली राजदुत डा। विष्णुहरि नेपाल, द्वन्द्व विशेषज्ञ डा। विष्णुराज उप्रेती, राष्ट्र बैङ्कका सन्चालक डा। शङ्कर आचार्य, डा. कृष्ण पोखरेल, नेपाल बार एशोसियसन दोलखाका पूर्व अध्यक्ष सरोज उप्रेती, विद्यालयका पूर्व प्रधानाध्यापक राम बहादुर खड्का, पूर्व शिक्षक एवं वडा अध्यक्ष इश्वर कोइराला लगायत बिक्रम सम्बत् २०४३ देखि हालसम्म अध्ययन गरेका विद्यार्थी र सरोकारवाला व्यक्ति सहभागी थिए ।

बिक्रम सम्बत् २०१६ सालमा स्थापना भएको विद्यालयबाट हालसम्म अध्ययन गरेका विद्यार्थीहरु सरकारको उच्च तहमा पुग्न समेत सफल भएका छन् । फलस्वरुप भुतपुर्व विद्यार्थीहरुको साझा मन्चको रुपमा बिबिध सिर्जनात्मक, रचनात्मक तथा समाजसेवालगायतका कामहरु गर्ने उदेश्यले भूतपूर्व विद्यार्थी समाज गठन भएको अध्यक्ष उप्रेतीको भनाई छ।

काठमाडौं – लंका फिल्म प्रालिको व्यानरमा निर्मित चलचित्र ‘ब्ल्याक छायाँ’ को बुट्टे रुमाल…. बोलको गीत ओएसआर डिजिटल मार्फत सार्वजनिक गरिएको छ । आगामी साउन ११ गतेबाट देशव्यापी प्रदर्शनमा आउने चलचित्र ‘ब्ल्याक छायाँ’ मा मायाँप्रेम र सस्पेन थ्रिर्लरलाई मनोरञ्जनात्मक ढंगले प्रस्तुत गरिएको कारण चलचित्र व्यवसायिक रुपले सफल रहने विश्वास निर्देशक आरएल लामा मुक्तानले लिएका छन् ।
सार्वजनिक बुट्टे रुमाल… गीतका शब्द डिबि खनाल, संगीत राजेन्द्र बजगाई, स्वर भुवन प्यासी र मेलिना राईको रहेको छ ।

चलचित्रमा नीर शाह, सुनील थापा, धीरेन शाक्य, सलोन बस्नेत, सुष्मा कार्की, जान्हवी वस्नेत, बुध्दि तामाङ, रुविना कार्की, सोभित वस्नेत, रविन्द्र झा, निमा दार्जे मुक्तान, आरएल लामा मुक्तान लगायतको अभिनय रहेको छ ।
चलचित्रका निर्माता रेल्लुमाया तामाङ, बिन दुरुङच्याङ मगर ‘मैना’, आर. सोनाम मुक्तान हुन । खड्ग लामा मुक्तान प्रस्तुतकर्ता रहेको ब्ल्याक छायाँमा सहनिर्मातामा सोशिका तामाङ, ‘रजनी’, श्याम बहादुर मुक्तान ‘डेबिट’ रहेका छन् ।

काठमाडौं – भर्खरै सांगीतिक क्षेत्रमा प्रवेश गरेकी बाल प्रतिभा कल्पना बिष्टको मिठो स्वरमा ‘मेरो दुःख मेरो पिडा’ बोलको मर्मश्पर्शी गीतको भिडियो सार्वजनिक भएको छ ।

शब्द सुजन कोइराला, संगीत श्रीधर अधिकारीको रहेको भिडियोमा गायिका बिष्टको साथमा अर्जुन सापकोटा, नवराज थापाको अभिनय देख्न सकिन्छ भने छायांकन महेश महरा, सम्पादन कल्पेश विश्वकर्मा, निर्देशन बबिता श्रेष्ठको रहेको छ ।

भिडियोलाई डिजिटल चिम्पाञ्जी इन्टरटेनमेन्ट युटूव च्यानल मार्फत सार्वजनिक गरिएको छ ।

काठमाण्डौ – चलचित्र निर्देशक माधव राज खरेलको निर्देशनमा लघुचलचित्र मृत्युकोषको छायाँकन सम्पन्न भएको छ । काठमाण्डौ ललितपुर र नुवाकोटका विभिन्न स्थानमा छायाँकन गरिएको मृत्युकोषलाई मुकेश हुँमागाइले खिचेका छन् भने उनलाई छायाँकार राजन खरेलले साथ दिएका छन् । उक्त चलचित्रमा बिक्रम गौतमले मेकअप रहेको छ ।

चलचित्रमा एक जना मानिसले आफ्नो जिवनको उत्तराद्र्धमा आएर भोग्नु परेको समस्याहरुलाई उठान गरिएको छ । नेपाली परिवेशमा पछिल्लो समय यूवाहरुको प्रवास पलायनको प्रमुख मारमा बृद्धबृद्धाहरु पर्ने गरेका छन् । यसै विषय बस्तु भित्र रहेर एउटा शसक्त सामाजिक सचेतनाको लागि पनि यो चलचित्रको निर्माण भएको निर्देशक खरेलले बताएका छन् ।

चलचित्रमा तेज गिरी, गीता अधिकारी, प्रवण भुषाल, लिगेश भट्टराई, शान्तिप्रिय, राजन थापा, राजेन्द्र पाण्डे, दिपक थापा, नम्रता खरेल, सुमिरा गिरी, सपना जोशी, राजन खरेल, जनक सिंह, डा. राजिव यादव, सौरीका खरेल, राधिका खरेल लगायतको अभिनय देख्न सकिने छ ।

एरा प्रोडक्सनको प्रस्तुती र संचारकर्मी कमला जोशी निर्माता रहेको उक्त चलचित्रलाई खरेलले नै लेखेका हुन् । विगत लामो समय देखी नेपाली चलचित्र क्षेत्रमा सक्रिय रहेका निर्देशक माधव राज खरेलले नेपालको पहिलो मौन चलचित्र ढुङगे युग, बिरानो माया, ढुङ्गे युग २, कुईनेटो, दुर्गामाण्डौ, हेवे करैते भोर, गढीमाई, चिट्ठी लगायत चलचित्रहरुको निर्देशन गरिसकेका छन् । खरेलकै निर्देशन तथा लेखनमा निर्माण सम्पन्न भईसकेको चलचित्र चिट्ठी प्रदर्शनको तैयारीमा रहेको निर्माण पक्षले जानकारी दिएको छ ।