काठमाडौँ- कमल एक्चै मगरको निर्देशनमा बनेको चलचित्र ‘शिरफूल’ प्रदर्शनमा आउने भएको छ ।  केहि बर्ष अघि निर्माण भएको चलचित्र असार ७ गतेबाट प्रदर्शनमा आउने भएको हो। ‘शिरफूल’ आदिवासी जनजाति महिलाहरुले लगाउने एक प्रकारको सुनको गहना हो । नारीले शिरमा लाउने, फूलका आकार हुने भएकाले ‘शिरफूल’ भनिएको हो । नेपाली समाजमा छोरी चेलीलाई शिरको फूलको रुपमा लिने चलन भएकोले चलचित्रमा छोरीलाई बिम्बको रुपमा बुझाउन खोजिएको निर्देशक मगरले बताए ।

चलचित्रमा अहिलेको बढ्दो आधुनिकताको प्रभावसँगै युवा पुस्तामा देखिएको सांस्कृतिक विकृतिलाई पनि चित्रण गर्ने प्रयास गरिएको छ । चलचित्रमा रुपा राना, राज थापा, देवराज आले, विनिता थापा, सुनिल रोका, नमिता तामाङ, पुजा गदाल, लिला गुरुङ, निता पुन, किरण मगरलगायतको अभिनय रहेको छ। राजु थापा, डिपी खनाल र कृष्ण केसीको शब्द, हरि लम्साल र देवराज आले मगरको संगीत, देवराज आले मगरको कथा, निरोज श्रेष्ठको छायांकन र मिलन श्रेष्ठको सम्पादन छ । आशिर्वाद पुन मगर र माया छन्त्याल पुनको लगानीमा बनेको चलचित्रको पटकथा संवाद राज थापा र राजु युगिनले लेखेका हुन् ।

चलचित्रका गीतमा तारा श्रीस,आर्जन पाण्डे, हरि लम्साल, मेलिना राई देवराज आलेले स्वर दिएका छन्। चलचित्रमा अभिनेत्री मरिस्का पोखरेलको बिसेष भूमिका रहेको छ।  चलचित्रलाइ आर आर फिल्म्सले देशभर वितरणको जिम्मा लिएको छ। निर्देशक कमलको निर्देशनमा यस अघि चलचित्र ‘डेसान’ प्रदर्शनमा आइ सकेको छ। विभिन्न फिल्म फेस्टिभल तथा अवार्डहरुमा आफ्नो राम्रो प्रभाव छोड्न सफल निर्देशक कमलको चलचित्र ‘शिरफूल’ अहिले प्रदर्शनमा आइ रहेका भन्दा केहि भिन्न स्वादको चलचित्र हो।

काठमाडौं । मनमोहन कार्डियोलोजि सेन्टर त्रिविवि टिचिङ अस्पतालमा कार्डियोलोजिष्टको रुपमा कार्यरत मुटुरोग विशेषज्ञ डाक्टर स्मृति शाक्यको गायन रहेको विलकुलै नयाँ गीतको भिडियो सार्वजनिक भएको छ। शुक्रवार डाक्टर शाक्यको गायन रहेका मैले माया लाएको धोका दिन होइन बोलको नयाँ गीत सार्वजनिक भएको हो ।

 बागमती प्रदेशका पूर्वमन्त्री तथा सांसद समेत रहेका बौद्धिक राजनीतिज्ञ डाक्टर अजयक्रान्ति शाक्यको शव्द रचना तथा संगीत रहेको उक्त गीतको भिडियोमा युवा पुस्ताका ढुकढुकी नै बनेका नायक आकाश श्रेष्ठ र नायिका करुणा श्रेष्ठको बुलन्द अभिनय रहेको छ। साथमा गायिका डाक्टर शाक्यको समेत मनछुने गायनको साथमा अभिनय छ । निर्देशन नेपाली चलचित्र उद्योगका युगिन निर्देशक देवकुमार श्रेष्ठले गरेका हुन् ।
     
डाक्टर शाक्यको सानैदेखिको रहरको विषय भनेको गायन हो । लामो समय डाक्टरी अध्यन तथा प्राक्टिसमा व्यतित भएको कारण सानैदेखिएको रहर र चाहनाको विषयमा समय दिन नसकेकी डाक्टर शाक्यको गायनमा भने हालै तीनवटा गीत रेकर्ड भएको छ।
    
त्यस मध्येको गीत मैले माया लाएको धोका दिन होइन, मैले प्रीति गाँसेको दुःख दिन होइन बोलको मनछुने गीतको म्युजिक भिडियोको निर्माण भएर सार्वजनिक भएको हो। मुटुरोग विशेषज्ञ डाक्टर शाक्य आफै पनि फिचरिङ भएको गीतको भिडियोमा अभिनय गर्न पाउंदा व्यापक कौतुहलता र उत्सुकता लागेको डा। शाक्यले बताईन । यस्तै विशेषज्ञ डाक्टरले गाएको एउटा मन्त्रमुग्ध गीत संगीतमा अभिनय गर्दा आफू पनि खशी भएको र उहाँहरुको टीमसँग काम गर्न पाउँदा गौरबता लागेको नायक आकाश श्रेष्ठले बताएका छन्। 
    
नायिका करुणा श्रेष्ठले भने, गायिका डाक्टर शाक्यको गीतवाटै ज्यादै आकर्षित भएको अनि संगै अभिनय गर्न पाउंदा डाक्टर शाक्यको शालिनतावाट प्रभावित बनेकी बताइन् । निर्देशक देव कुमार श्रेष्ठको भनाईमा डाक्टर शाक्य डाक्टरी पेशामा जसरी अग्रपंक्तीमा रहेकी छन्, त्यसरी नै गायन तथा अभिनयमा पनि अग्रता छ।
     
रुचिको विषय गर्न आफूलाई कुनै समय नै नचाहिने र फुर्सद हुनासाथ गरिहाल्ने भएको कारण धेरै समय पश्चात तीनवटा गीत गाएर प्रकाशमा ल्याउंदा हजारौ हजारको तारिफ आउँदा अझ प्रेरणा मिलेको पनि डाक्टर शाक्यले खुशी प्रकट गरेकी छन्। पहिलो गीतको कभर सङ मात्र बनाएर हिट भैसकेका अवस्थामा दोस्रो गीत फिल्मी स्टाइलमा नायक–नायिकाका साथमा आफैले गाएर अभिनय गर्न पाउंदा ज्यादै रमाइलो भएको भनेकी छन्। डा। शाक्यले नायक आकाश श्रेष्ठ र नायिका करुणा श्रेष्ठको अभिनयले पनि आफू प्रभावित भएको बताईन् ।
     
यस अघि अरुणा लामा र रुद्रमणिको गायन तथा अम्बर गुरुङको संगीत रहेको कालजयी गीत ए–कान्छा मलाई सुनको तारा खसाइ देऊन बोलको गीत संगीतज्ञ हरिशरण सायमीसंग कभर सङ गाएर छोटो समयमा चर्चाको शिखरमा डाक्टर शाक्य पुगिसकेकी छन्।
त्यस्तै,
केही मिठा कुरा गरौन,
दुई कदम संगै हिंडौन,
जिन्दगीको के भरोसा,
माया माया तिमी नै माया

 डाक्टर अजयक्रान्ति शाक्यको शव्द तथा संगीत रहेको डाक्टर शाक्यको स्वर रहेको बोलको गीत छायाँकनको क्रममा रहेको डाक्टर शाक्यले बताइन । डाक्टर शाक्यको गीतको छायाँकन अति नै उत्कृष्ट रहेको पाईन्छ । जसमा फीचर फिल्मी शैलीमै सबै उपकरण तथा प्रविधिहरु प्रयोग गरेर छायाँकन गरिएको छ ।  
 

काठमाडौं – चर्चित गायक नारायण थापाले मर्मश्पर्शी गीत ‘दिलमा आगो’ को म्युजिक भिडियो सार्वजनिक गर्नु भएको छ । नारायण थापाकोे स्वर, संगीत, बिबि थापाको शब्द रहेको गीतको भिडियोमा लोक मिश्र, अनुज शर्मा, सुष्मिता अधिकारीको जीवन्त अभिनय रहेको छ । प्रेम लामाको छायांकन, टेकेन्द्र शाहको सम्पादन र सुवाष प्रधानको निर्देशन रहेको छ ।

काठमाण्डौ – जितु र माण्डवीलाई रजत सम्मान, मणिराजलाई रंग पत्रकारिता पुरस्कारछायाँछवि क्रियशनको आयोजनामा नियमित रुपमा गर्दै आइरहिएको डि सिने अवार्डको १५ औं संस्करण राजधानीमा आयोजित एक भव्य समारोहका बिचमा सुसम्पन्न भएको छ । कार्यक्रममा चलचित्र उद्योगका विशिष्ट व्यक्तित्वहरुको उपस्थिति समेत रहेको थियो ।

१५ औं प्रिज्मा डि सिने अवार्डमा २०७९ सालका चलचित्रहरुबाट अवार्डेड गरिएको थियो । १५ औं डि सिने अवार्डमा अभिनेता तर्फ चलचित्र प्रकाशबाट प्रदिप खड्का र अभिनेत्री तर्फ चलचित्र झिंगेदाउबाट आँचल शर्मा अवार्ड पाउन सफल भए । उत्कृष्ट चलचित्र रुपमा पनि झिंगेदाउ नै ठहरियो । सर्वाेत्कृष्ट निर्देशकमा भने प्रकाश चलचित्रबाट दिनेश राउत अव्वल ठहरिए । चलचित्र लाखेका लागि सम्राट बस्नेत जुरी अवार्ड पाउन सफल भए । पपुलर फिल्मको रुपमा छक्का पञ्जा ४ अवार्ड पाउन सफल भयो भने सर्वाेत्कृष्ट नेशनल फिल्म रिमेश अधिकारीको नालापानी भयो । नव निर्देशकको रुपमा चलचित्र डेसानबाट कमल एक्चै मगरले अवार्ड पाउन सफल भए । डेसानबाटै नम्रता सापकोटा सहअभिनेत्रीको रुपमा सर्वाेत्कृष्ट सावित भइन् । सहअभिनेता भने चलचित्र लाखेबाट रोहित रुम्बाले ट्रफी उचाले भने लाखेबाटै प्रशान्त ताम्राकार सर्वाेत्कृष्ट खलपात्र भए । त्यस्तै प्रिज्मा १५ औं डि सिने अवार्डमा झिंगेदाउबाट हिउँवाला गौतम र प्रकाशबाट प्रकाश घिमिरे क्रमश चरित्र अभिनेत्री र चरित्र अभिनेतामा अव्वल सावित भए । चलचित्र प्रकाशबाट विकास सुवेदी सर्वाेत्कृष्ट कथाकार ठहरिए । सर्वाेत्कृष्ट पटकथा एवं संवादका लागि झिंगेदाउ चलचित्रबाट प्रदिप भारद्वाज सर्वाेत्कृष्ट ठहरिए । नरेन्द्र मैनाली छक्का पञ्जा ४ बाट सर्वाेत्कृष्ट छायाँकार भए । सर्वाेत्कृष्ट सम्पादकमा भने चलचित्र प्रकाशबाट जिवन थापा अव्वल ठहरिए ।

चलचित्र हिजोआजका कुराबाट दीपक शर्मा माया जदौ गीतका लागि संगीतकारमा, चलचित्र छक्का पञ्जा ४ बाट दर्शन सलामा गीतका लागि डेविड शंकर गायकमा, छक्का पञ्जा ४ बाटै दर्शन सलाम गीतका लागि सहिमा श्रेष्ठ गायिकामा एवं चलचित्र झिंगेदाउबाट आगोबिना बिडी जल्दैन गीतका लागि मुक्त उदास गीतकारमा सर्वाेत्कृष्ट ठहरिए । छक्का पञ्जा ४ को दर्शन सलाम गीतकै लागि कविराज गहतराज सर्वाेत्कृष्ट नृत्य निर्देशक हुन सफल भए । सम्राट बस्नेतले द्वन्द्व निर्देशकका लागि चलचित्र लाखेबाट ट्रफी उचाले । झिंगेदाउको पाश्र्व संगीतका लागि सास्वत श्रेष्ठ सर्वाेत्कृष्ट ठहरिए । प्रिज्मा १५ औं डि सिने अवार्डमा विभिन्न २४ विधा गरी अवार्ड प्रदान गरिएको थियो ।

कार्यक्रमको अवसरमा विभिन्न सम्मानहरुपनि गरिएको थियो । २५ वर्षभन्दा लामो समयसम्म सेवा गरी सकेपछि प्रदान गरिने चलचित्रकर्मी रजत सम्मान यस पटक हाँस्य अभिनेता जीतु नेपाल र पाश्र्व गायिका माण्डवी त्रिपाठीलाई प्रदान गरिएको थियो । सोही अवसरमा खासगरी रंगपत्रकारितामा दुई दशकभन्दा लामो समयदेखि कार्य गरिरहेका रंग पत्रकार मणिराज गौतमलाई १५,५५५।– राशीको छायाँछवि रंग पत्रकारिता पुरस्कार प्रदान गरिएको थियो । सोही अवसरमा छायाँछवि विशेष सम्मानद्वारा अभिनेता सविन श्रेष्ठ सम्मानित भएका थिए । कार्यक्रममा छायाँछवि कलाकार सम्मानबाट वरिष्ठ कलाकार शिवहरी नेपाल बैरागी, छायाँछवि संगीत सम्मानबाट रुद्रशेखर शर्मा, छायाँछवि प्रदर्शक सम्मानबाट दिप्रश शाक्य, छायाँछवि कलाकारिता योगदान सम्मानबाट रोशन श्रेष्ठ, छायाँछवि कला सम्मानबाट विराज विष्ट, छायाँछवि संगीत सम्मानबाट अर्जुन खरेल र छायाँछवि फोटोग्राफी सम्मानबाट च्याङ्बा लामा सम्मानित रहेका थिए ।

१५ औं प्रिज्मा डि सिने अवार्डमा सांस्कृतिक प्रस्तुतीहरु पनि समेटिएको थियो । वरिष्ठ गायिका देवका वन्दना, गायिका माण्डवी त्रिपाठी, गायिका सहिमा श्रेष्ठले कार्यक्रममा गायन प्रस्तुती दिएका थिए भने अभिनेत्री पवित्रा आचार्य एवं मोडल प्रमिता राजघतानीले नृत्य मार्फत् मनोरञ्जन गराएका थिए । सोही अवसरमा हाँस्य कलाकार जीतु नेपालले आफ्नो हाँस्य प्रस्तुती मार्फत् मनोरञ्जन दिलाएका थिए ।
कार्यक्रममा प्रथम अभिनेत्री भुवन चन्द, हाँस्य साम्राज्ञी बसुन्धरा भुषाल, मेलोडि किङ शम्भुजित बाँस्कोटा जस्ता मुर्धन्य व्यक्तिहरुको उपस्थित थियो । सोही अवसरमा वरिष्ठ निर्माता छविराज ओझा, आवाजको दुनियाको साथी दिनेश डिसी, वरिष्ठ साहित्यकार दामोदर पुडासैनी किशोर, चलचित्र संघका अध्यक्ष नरेन्द्र महर्जन, प्राविधिक संघका अध्यक्ष पुष्कर लामा, नृत्य संघका अध्यक्ष जनक कार्की, चलचित्र पत्रकार संघका अध्यक्ष समिर बलामी, निर्देशक माधवराज खरेल, रंगपत्रकार एवं गीतकार सुमन वैरागी सहित विभिन्न विशिष्ट व्यक्तिहरुको उपस्थिति रहेको थियो ।
कार्यक्रमको सेट डिजाइन रमेश श्रेष्ठ, साउण्ड एरेन्जर छिरिङ भुटिया, व्यवस्थापन दिपक थापा, अफिसियल फोटोग्राफर बद्री थापा, स्टेज संयोजन कमला जोशी तथा सोविता सुर्खेतीको रहेको थियो ।  प्रिज्मा डि सिने अवार्डको निर्णायकमा वरिष्ठ लेखक, निर्देशक मोहन निरौला, वरिष्ठ रंग पत्रकार विजयरत्न तुलाधार, निर्देशक राजेन्द्र उप्रेती, संगीतकार सन्तोष श्रेष्ठ एवं अभिनेत्री तथा लेखक शोभिता सिंखडा रहेका थिए । सोही अवसरमा अवार्डका अध्यक्ष शान्तिप्रियले अवार्डको औचित्यमाथि स्वागत मन्तव्य राखेका थिए ।  कार्यक्रमको संचालन निराजन भण्डारीले गरेका थिए ।

काठमाडौं – लोक डेउडा गायन क्षेत्रका धरोहर बरिष्ठ लोक डेउडा गायक दिपेन्द्र प्रसाद दहालको आफ्नै शब्द, रचना र स्वरमा नयाँ लोक डेउडा गीत ‘चोली चौबन्दी भाग २’ सार्वजनिक भएको छ । कर्णप्रिय स्वरका धनि दिपेन्द्र प्रसाद दहाललाई चर्चित गायिका देवि घर्तिले स्वरमा साथ दिनुभएको छ भने कोरस गायनमा पविन्द्र सुनार, सुनिल नेपाली, रुपि सिञ्जाली मगर र प्रेम मगर रहनु भएको छ । गायक दिपेन्द्रको आफ्नै युटूव च्यानल जयकाली क्रियशनको प्रस्तुति रहेको उक्त गीतमा गायकका आफ्नै कान्छो छोरा बाल कलाकार श्रीजल दहाल र आरोही मल्लको मुख्य अभिनय रहेको छ ।

सत्यवती एकडेमी अत्तरिया कैलाली र गोलादेव फूटवयरको सहकार्यमा निर्माण गरिएको उक्त डेउडा गीतको दृश्य निर्माण खप्तड फिल्मस् छ्यान्कन अमृत उपाध्याय, निर्देशन भिम थापा, एरेन्ज कृष्ण बाजुराली, रेकर्डिङ द न्यु इरा रेकर्डिङ स्टुडियो अनामनगमा भएको हो । भिडियोमा श्रीजल दहाल र आरोही मल्लका साथै सत्यवती एकडेमी परिवारका छात्र, छात्राहरु डेउडा खेलमा सोही एकडेमीका प्रबन्धक बीर बहादुर कडायत, प्रिन्सिपल यशोदा ध्याडी कडायत एकडेमीका शिक्षक, शिक्षिकाहरु देखिएका छन् ।

काठमाण्डौ - इनास अमेरिकाका अध्यक्ष एवम् चलचित्र अभिनेता राहुल केसी में ११ र १२ मा फ्रान्सको पेरिसमा नवौ इनास यूरोप स्तरीय एकल नृत्य तथा छैठौं एकल गायन प्रतियोगिता सहभागी जनाउनको लागी पेरिस प्रसथान गरेका छन्।

फ्रान्सको पेरिसमा आयोजना हुने नवौ इनास यूरोप सो कार्यक्रममा विशेष अतिथिका रुपमा सहभागी हुन इनास अमेरिकाका अध्यक्ष केसी फ्रान्स जाँदै गरेका अभिनेता केसीलाई अमेरिकाको वासिंटन डि. सी. स्थित डलस इन्टरनेसनल एयरपोर्टमा विदाई गरिएको थियो ।

इनास अमेरिकाका प्रवक्ता तथा चलचित्र निर्देशक गोपालचन्द्र लामीछाने र इनास मेरिल्याण्डका अध्यक्ष, गायक तथा संगीतकर्मी लक्ष्मण पौडेलले अध्यक्ष केसीलाई एयरपोर्टसम्म आएर कार्यक्रमको सफलताको शुभकामना सहित बिदाइ गरेका हुन् ।

इनास अमेरिकामा अध्यक्ष राहुललाई मेरिल्याण्डको बाल्टीमोर डिस्ट्रिक्ट आठका सभासद तथा यू.एस. कॉंग्रेसका लागी मेरिल्याण्ड डिस्ट्रिक्ट दुइका डेमोक्रेटिक पार्टीकोतर्फबाट उम्मीदवार डा. ह्यारी भण्डारीले अग्रिम बिदाइ गर्दै कार्यक्रम सफलताको शुभकामना समेत दिएका छन् ।

काठमाण्डौ - संचारकर्मी एबम् लेखक तथा निर्देशक लक्ष्मण सुवेदीको सामाजिक विषयवस्तुमा बनेको चलचित्र सतीदेवी लाई साउन ४ गतेदेखि देशब्यापी प्रदर्शनमा गरिने भएको छ । चलचित्रलचई उपत्यकामा रिच इन्टरटेन्टमेन्ट र उपत्यकाबाहिर एफडी कम्पनीले फिल्मलाई वितरण गर्ने भएका छन् । 

नारीप्रधान यस चलचित्रको प्रमुख भूमिकामा अभिनेत्री मलिका महत अभिनय गरेकी छिन भने रमेश बुढाथोकी, कुलदीप अधिकारी, भोलाराज सापकोटा, सन्दीपबाबु लोहनी, सृजना अधिकारी, हर्षिका वली, मञ्जिला बाँनिया, सुजिता शिवाकोटीलगायत कलाकारहरूको पनि चलचित्रमा अभिनय रहेकोछ। 

दिलासा र साराको प्रस्तुती रहेको उक्त चलचित्रको निर्माण श्रीदेवी, दिलासा र सारा सुवेदी गरेका हुन्  । 

बाबु श्रेष्ठले छायांकन रहेको चलचित्र सतीदेवीलाई तारा थापा ‘किम्भे’ ले सम्पादन गरेका हुन्। गोल्डेन स्टेट मुभी मेकर्स एलएलसी क्यालिफोर्नियाको सहकार्यमा दिलासा क्रियसन प्रालिको प्रस्तुतिमा निर्माण भएको चलचित्रमा निर्देशक सुवेदीकै कथा, पटकथा र संवाद रहेकोछ।  चलचित्र सतीदेवीले विभिन्न चलचित्र महोत्सवहरुमा अवार्ड समेत पाइसकेको छ। 

काठमाडौं। नेपालमा छायाङ्कन भइरहेको प्रभु देवाको प्रमुख अभिनय रहेको दक्षिण भारतीय चलचित्र ‘सत्य मङ्गला’मा नेपाली निर्देशक जनकदीप पराजुलीले सह-निर्देशन गरेका छन्। नेपाल चलचित्र निर्देशक समाजका अध्यक्ष समेत रहेका पराजुलीले चार दिनदेखि पोखरामा चलिरहेको छायाङ्कनमा काम गरिरहेका छन्।

छायाङ्कनको लागि प्रभु देवा भने नेपाल आएका छैनन्। उनका ‘बडी डबल’ले उनको सट्टामा काम गरिरहेका छन्। यसको छायाङ्कन धम्पुस र लेकसाइड क्षेत्रमा भएको छ। नेपाल छायाङ्कन व्यवस्थापन हेरिरहेका पराजुलीले स्टेफन जोसेफसँगै चलचित्रको सह-निर्देशन गरेका हुन्। निर्देशक भने आर्यन प्रताप हुन्।

कन्नड भाषाको यो चलचित्रमा भारतबाट भागेर नेपाल आइपुगेका केही पात्रको खोजीका लागि प्रहरीले चलाएको अप्रेसनको कथा रहेको बताइएको छ। यो चलचित्र कन्नड भाषासहित तमिल, तेलुगू, मलयालम र हिन्दी भाषामा रिलिज हुने बताइएको छ।

काठमाडौं-  लेखक, साहित्यकार एवं गीतकार भीष्मराज फुलाराद्वारा रचित नयाँ लोक देउडा गीत ‘साइनो मिटाइ गई’ सार्वजनिक भएको छ । फुलारा लिट्रेचर फाउण्डेशन नेपालको प्रस्तुती रहेको उक्त गीतमा वरिष्ट देउडा गायक दिपेन्द्र प्रसाद दाहाल र चर्चित गायिका टिका पुनको स्वर, दिपेन्द्र प्रसाद दाहालकै संगीत र भुवन प्रसाद बडुको संगीत संयोजन रहेको छ । उक्त देउडा गीतको म्यूजिक भिडियो लेखक फुलाराको आफ्नै आधारिकारीक युट्यूव च्यानल फुलारा ईन्टरटेनमेन्ट नेटवर्क मार्पmत सार्वजनिक गरिएको हो ।

‘बासु डि. फुलारा पि.सी.’को सहकार्यमा निर्माण गरिएको उक्त देउडा गीतको दृश्य निर्माण ‘जुम प्रोडक्सन’ र रेकर्डिङ बिग परिवेश स्टुडियो अनामनगरमा भएको हो ।

रमेश बिजुली बि.सी.द्वारा निर्देशित सो म्यूजिक भिडियोमा ध्वनी मिश्रण जिवन बडु, अभिनय तर्फ चर्चित कलाकारहरु झरना बोहरा, सौगात ओझा र बिर बहादुर बोहरा रहेका छन् । त्यसैगरी छायाँङ्कनमा अमृत उपाध्याय, सम्पादनमा शंकर साउद, कलर संयोजनमा गणेश साउद र मेकअपमा निशा बोहराले गीतलाई थप आकर्षित बनाएका छन् ।

नेपाली समाजमा जातीय विभेदका कारण मायाप्रेममा चुर्लुम्म डुबेका युवावर्गहरुलाई समाज र परिवारका कारणले छुट्टिन बाध्य भएका घट्नाहरुलाई जोडेर यो गीत रचना गरेको हुँ, ‘यो पूर्ण वियोगान्त देउडा गीत हो’ फुलाराले भने ।

काठमाडौं - थुप्रै गीतहरुको सिर्जना गरेका प्रकाश पुरी राम्रो गीतकार एबम् संगीतकारका रुपमा चिनिन्छन । उनिले दुई दर्जन जती गीतहरुमा आँफैले स्वर दिएको छन् । प्रकाशले पछिल्लो समय ‘दोलालघाटको पुल तरेर’ गीतमा समेत स्वर दिएका छन् । हालैमात्र सार्वजनिक गरिएको उक्त गीतमा सावित्री केसीले प्रकाशलाई स्वरमा साथ दिएकी छन् ।

रामकुमार नेपालीको संगीत संयोजन तथा देव पुरीको शब्द रचना रहेको उक्त गीतको म्यूजिक भिडियोमा बिद्या कार्की र राजन पुरीको अभिनय देख्न सकिन्छ । पछिल्लो समय चर्चामा रहेका म्यूजिक भिडियो निर्देशक निरेन श्रेष्ठको निर्देशन रहेको भिडियोलाई मरुभुमि नारायणको छायांकन, अमृत चापागाईंले सम्पादन गरेका छन् । भिडियो शुभ साईत म्युजिकको युटुब च्यानल मार्फत सार्वजनिक गरिएको छ ।