काठमाण्डौ - विभिन्न क्षेत्रमा ख्याती प्राप्त श्रष्टा, सर्जक तथा व्यक्तित्वहरुलाई सम्मान गर्दै गौरीशंकर  च्छोरोल्पा मिडिया प्रा.लिको प्रथम वार्षिकोत्सव काठमाण्डौमा  सम्पन्न भएको छ । बरिष्ठ कलाकार मदनदास श्रेष्ठको सभापतित्वमा सम्पन्न गरिएको कार्यक्रममा प्रमुख अतिथि माननिय संचार तथा सुचना प्रविधि मन्त्री  तथा नेपाल सरकारका प्रवक्ता पार्वत गुरुङ रहनुभएको थियो । प्रमुख अतिथिको आसनवाट बोल्दै मन्त्री गुरुङले गौरीशंकर च्छोरोल्पा मिडियाले नेपालको मिडिया क्षेत्रमात्र नभई गौरीशंकर हिमाल र सबै भन्दा उचाइमा रहेको च्छोरोल्पा हिमतालको समेत अस्थित्वलाई  आत्मसाथ गर्दै लैजानुपर्ने बताए । 
दोलखा जिल्ला प्राकृतिक सम्पदाले भरिपुर्ण र सम्पन्न रहेको र यसको प्रचार प्रसार र सशक्त रुपमा लैजाने काम राज्यको चौथो अंगको रुपमा रहेको गौरीशंकर च्छोरोल्पा मिडियाले गर्ने विश्वसा व्यक्त गरे ।  कार्यक्रममा विभिन्न क्षेत्रमा रहेर विशिष्ट योगदान पुर्याउने व्यक्तित्वहरुलाई सम्मान गरिएको छ ।  नेपालमा शुसासन कायम गर्नको लागि योगदान पुर्याउने पुर्व रक्षा सचिव देवेन्द्र सिटौला, सेनाका अवकास प्राप्त महासेनानी माधव सुन्दर खड्का, चलचित्र निर्देशक एवं गीनिज वुक अफ वल्ड रेकर्ड होल्डर माधव राज खरेल, व्यवसायी विदुर शर्मा,  अभिनेता श्रीदेव भट्टराई, अधिवक्ता सुदर्शन थपलिया, दुव्र्यसन विरुद्धका अभियान्ता प्रविन शिवाकोटी, अधिकारकर्मी तारा तामाङ, जानकी वज्राचार्य, मिना वज्राचार्य, लक्ष्मी बस्नेत, लगायतका विभिन्न व्यक्तित्वहरुलाई  उनिहरुको योगदानको कदर गर्दै विभिन्न शिर्षकबाट सम्मान गरिएको थियो ।
संचारकर्मि अर्जुन राज भण्डारीले संचालन गरेको कार्यक्रममा विविध किसिमका सांस्कृतिक प्रस्तुती समेत प्रस्तुत गरिएको थियो ।

काठमाण्डौ - प्रेम दिबसको अबसरमा निर्देशक दिवाकर भट्टराई निर्देशित म्युजिक भिडियो सार्वजनिक गरिएको छ । शिव परियार र बानिका प्रधानको स्वर रहेको ‘जिन्दगी तिम्रो र मेरो गीत’ बोलको गीत शिव परियार अफिसियल युटुब च्यानलमा सार्वजनिक गरिएको हो । हरिभक्त बुढाथोकीको शब्द रहेको गीतमा दिपक सिलवालको संगीत सुन्न सकिन्छ ।

नेपाली सुगम संगीतका लोकप्रिय गायक शिवको यो गीतमा अडियो पक्ष निकै मज्जाको छ । भने नेपाली फिल्मका चर्चित निर्देशक दिवाकर निर्देशित भिडियो पनि हेर्दा मज्जा लाग्छ ।भिडियोमा रिता कट्टेल, इन्जामम अलि खान, जेरी साउद र सुप्रिया खनालको अभिनय रहेको छ । महेश पौडेल डिओपी रहेको भिडियोलाई दिर्घ खड्काले सम्पादन गरेका हुन् । 

हेर्नुहोस् भिडियो

काठमाडौँ — फागुन ०३, २०७७। 

क्रिएटिभ नेरोद्धारा हालै आयोजित ‘मिस टिन ईन्टरनेशनल नेपाल’ २०२०/२१ को उपाधी समिक्षा निरौलाले जितेकी छिन् ।

गठ्ठाघर, भक्तपुरकी १८ वर्षिय समिक्षाले उपाधिको साथमा विधागत तर्फको मिस क्याट वाकको अवार्डसंगै  ‘मिस टिन ईन्टरनेशनल नेपाल’ को ब्राण्ड एम्बासडरको उपाधी समेत जितेकी हुन् ।

विश्वभर महामारीको रुपमा फैलिएको कोभिड-१९ लाई मध्यनजर गर्दै भौतिक दुरी कायम गर्दै  ललितपुरस्थित झम्सिखेलमा रहेको द अर्वान हब मा सम्पन्न प्रतियोगितामा बौद्दकी १७ वर्षिय सोनिया तुलाधरले मिस टीन युनिभर्स नेपाल र विधागत तर्फको मिस पपुलर अवार्ड जितिन् । त्यसैगरी नया बानेश्वरकी १८ वर्षिय आस्था कुवँरले  मिस टिन ग्लोबल ब्युटी नेपालको उपाधी संगै विधागत तर्फ मिस फोटोजेनिक अवार्ड हात पार्दा भक्तपुरकी १३ वर्षिय सिमरन कुटुले मिस टिन चार्म नेपालको उपाधीसंगै विधागत तर्फको मिस ट्यालेन्ट अवार्ड हात पारिन। 

साथै बानेश्वरकी १७ वर्षिय स्मारिका बरालले मिस टीन प्लानेट नेपालको उपाधी संगै विधागत तर्फको मिस पिपुल्स चोइसको अवार्ड आफ्नो हातमा पार्न सफल भईन। 

विधागत तर्फ भने स्मृती डाँगी अर्गनाईजर चोइस, बिहानी श्रेष्ठ मिस कन्जिनियालिटी, श्रेया गुरुङ मिस फेशन आइकन, दिक्षा तामाङले बेस्ट स्माईलको अवार्ड आ-आफ्नो हातमा पार्न सफल भए। 

प्रतियोगितामा मोडल तथा ईभेन्ट मेनेजर सुशान्तकाजी श्रेष्ठ, दिक्षा चौधरी, चन्द्र सिरमल, फ्लाबिया श्रेष्ठ, सुमन खड्का,रुबिश्का श्रेष्ठ निर्णायक रहेका थिए।

टेकुस्थित मसला कटेजमा करिव दुई हप्तासम्मको सञ्चार दक्षता, एमसिइङ, पब्लिक स्पिकिङ, व्यक्तित्व विकासको कक्षा,आत्मविश्वास अभिवृद्धि गराउने कक्षा, मोटिभेसन क्लास तथा व्यक्तित्व विकास सम्बन्धि विषयमा प्रशिक्षण प्रदान गरी अन्तिम प्रतिस्पर्धामा सहभागी गराईएको थियो  । प्रशिक्षणको क्रममा प्रतिस्पर्धिहरुलाई फिटनेस, योगा, स्पा, सेल्फ मेकअप क्लास, फेशन क्लास सहित गतिविधीमा समेत सहभागि गराउदै आएको जानकारी आयोजक जनक मगरले गराए।

काठमाडौं- गीत लेखनबाटै गिनिज बुक अफ वल्र्ड रेकर्ड बनाएका किर्तिमानी गीतकार डा. डि आर उपाध्यायले आफ्नो ११ औं उपन्यास ‘कफी लभ’ बजारमा ल्याएका छन् ।
आइतबार प्रणय दिवसको अबसर पारेर नेपाल प्रज्ञा प्रतिष्ठानमा सो प्रतिष्ठानका कुलपति गंगा प्रसाद उप्रेती, आख्यानकार भुवनहरि सिग्देल, कृतिका लेखक, प्रकाशकलगायतले यो पुस्तकको सँयुक्त बिमोचन गरे ।
कलेज पढ्दै गरेका युवा युवतीको कफीको चुस्कीसँगै सुरु भएको प्रेम सम्बन्ध र त्यसले जीवनमा ल्याएको आरोह अबरोहको कथामा यो उपन्यास केन्द्रित रहेको छ । देहरादुनका दुन विश्वविधालयमा भेटिएका पाँच जना नेपाली विधार्थीहरुबीचको कलेज अध्ययन क्रमका विभिन्न घटना र उनीहरुको आपसी प्रेममा यो उपन्यास केन्द्रित छ ।
पुस्तकबारे बोल्दै कुलपति उप्रेतीले अहिलेका तन्नेरी पुस्ताको प्रेम एवम् जीवन शैली र बर्तमान नेपाली समाजको अबस्था यसले छर्लङ्ग पारेका बताए । गीत लेखनबाट कृतिमानी कायम गरेका डा. उपाध्ययको उपन्यास पनि त्यत्तिकै पठनीय भएको भनाई उनले सो कार्यक्रममा राखे ।
अग्रज आख्यानकार भुवनहरि सिग्देलले यो उपन्यासले प्रेमको परिभाषा सामाजिक मूल्य र मान्यता भन्दा फरक किसिमले दिएको बताए । समकालिन पुस्तालाई यो उन्यासका कथा अहिले आफ्नो भोगाई जस्तो लाग्ने र पौढ पुस्ताले आफ्ना कलेजका दिनहरु स्मरण गर्ने पनि उनले बताए ।
आख्यानकार डि. आर उपाध्यायले यो पुस्तक लेख्दा आफु २४ वर्षीय तन्नेरी भएर त्यही उमेरका युवा युवतीहरुको सँगतमा रही उनहरुको प्रेम भावलाई पुस्तकमा समेटेको बताए । यो पुस्तक तन्नेरी मनहरुसँग सामिप्य रहेको र सबै पुस्ता एवम् बर्गको भाव यसमा समेटेको पनि उनले जानकारी गराए ।
यो पुस्तकको समीक्षा गर्दै कवि हेम प्रवासले तृतिय पुरुषमा लेखिएको यो उपन्यास सम्बाद शैलीको भएको बताए । उपन्यास पढ्न थालेपछि उपन्यास भित्रका पात्रहरुको यात्रा र उनीहरुबीच अब के होला भन्ने कौतुहलताले कृति पढेर सकिएको महसुस नै नहुने बताए ।
यस्तै सँगीतकार सन्तोष श्रेष्ठले लेखकको बारेमा जानकारी गराउँदै अरु उपन्यास भन्दा यो निकै फरक शैलीमा लेखकले तयार गरेको बताए । पुस्तक पढ्दा आफुलाई एउटा सफल चलचित्र हेरेको महसुस उनले सुनाए ।
गायक तथा संगीतकार सागर सरद अधिकारीले कार्यक्रममा अतिथिलाई स्वागत गर्दै राम्रा गीत लेखेर विश्व रेकर्ड कायम गरेका डा. उपाध्याय आख्यान लेखनमा पनि त्यत्तिकै प्रभावशाली भएको बताए ।
पुस्तकका सम्पादक तथा गीतकार सञ्चारकर्मी डब्बु क्षत्रीले आफ्नो उमेर भन्दा आधा उमेरमा झरेर आख्यानकार डि आर उपाध्यायले अहिलेको पुस्ताको प्रेमलाई गहन रुपमा पुस्तकमा उतारेको बताए । घटना, स्थान, परिवेश र सम्बादलाई यथार्थपरक रुपमा समेटेकाले यो उपन्यास सबैलाई आफ्नो कथा हो जस्तो लाग्ने पनि उनले बताए ।
प्रकाशक पुष्पराज पौडेलले पुस्तक पढेपछि आफ्नो लगानी सही कितावमा परेको महसुस पाठकलाई हुने जिकिर गरे ।
शिखा बुक्सले प्रकाशन तथा ज्ञानज्योती पब्लिकेशनले वितरण गरेको यो उपन्यासलाई डब्बु क्षत्रीले सम्पादन गरेका हुन् । २४० पृष्ठको यो पुस्तकको मूल्य ३७५ रुपैयाँ रहेको छ । 

काठमाडौं- नायिका स्वेता खड्काले निर्माणाधिन माझी बस्तीको लागि सहयोग गर्छु भन्नेहरुले सहयोग नगरेको गुनासो सामाजिक सञ्जालमा गरेपछि अहिले उनको बारेमा विभिन्न टिकाटिप्पणी सुरु भएको छ। खड्काले आफूहरुले कुनै जोर जबरजस्ती नगरिकनै पनि स्वतःस्र्फूत रुपमा सहयोग कबुल गरेका तर अहिलेसम्म कुनै सहयोग नगरेको लिष्ट लामै रहेको कुरा लेखेकी थिईन् । तर, उनका फ्यानहरुले नै उनीमाथि प्रश्न गरेका छन् । आफू करोडौं खर्च गरेर विहे भोजमा सरिक हुने तर माझी वस्तीको लागि सहयोगको याचना गर्ने भनेर प्रश्न समेत फ्यानले उठाएका छन् ।

उनले सामाजिक सञ्जालमा लेखेकी छिन् “धुर्मुस सुन्तली फाउण्डेशनु को झै हाम्रो पिंडा पनि उहि हो । निर्माणाधिन माझी बस्तीले पनि रिण बोकेर नै बसेकोछ । स्थानिय सरकार , सरोकारवाला निकाय तथा बिभिन्न दक्ताहरुलाई माझी बस्तिसंग जोडिदिने हाम्रो प्रयासमा धेरै मनकारी सहयोगीहरु भेटिनु भयो अनि आफ्नो क्षमता, दक्षता र गक्षले भ्याए सम्मको सहयोग गर्नु भयो । तर केहि यस्ता दाताहरु पनि भेटिए जस्ले सहयोग रकम बोल्नु भयो तर सहयोग उपलब्ध गराउनु भएन । हामिले कुनै जोर जबर्जस्ती नगरिकनै आफ्नै मनले, स्वस्तस्फुर्त रुपमा कबुल गर्नु भएको सहयोग प्रदान गर्नलाई आनाकानी गर्नेहरुको लिष्ट लामै छ । खैर , दान , धर्म र कर्म भनेको मनदेखी स्फुटन हुने कुरा हो । हामिले त सहयोगको अपिलसम्म गर्ने हो ,बलजफती गर्ने होईन । तथापी , आफ्नो प्रतिवद्दता र कटिवद्दतालाई भुलेर गरिवहरुको आशा र भरोशा माथी खेलवाड गर्नु भने पक्कै राम्रो होईन । पुरा गर्न नसक्ने, बाचा, पुर्ती गर्न नसक्ने , आस्वासन र दिन नसक्ने , सहयोगको कुनै अर्थ छैन । अत स् आफुलाई समाज सेवी को रुपमा चिनाउन कोही कसैको भरोशा माथी खेलवाड नगरौ ।”

उनले धनगढीका युवा विजेयन्द्रसँग हालै विवाह गरेकी हुन् । उनीहरुलेकाठमाडौंको गोकर्ण फरेष्ट रिसोर्टमा भव्य विवाह गरेका थिए भने काठमाडौं र धनगढीमा पनि भव्य विहे भोजको आयोजना गरेका थिए । कोरोना कहरको बेला उनीहरुले करोडौं खर्च गरेर विवाह गरे । त्यतिवेला माझी बस्तीको लागि केही पनि सोचेनन् । अहिले बस्ती निर्माणमा रकम अभाव भएको भन्दै सामाजिक सञ्जालमा भने रोईरहेकी छिन् ।

Kathmandu-  2078 is about to begin in a very enthusiastic note for Nepali Film Industry. Titled, Rose of Jericho, the movie has been confirmed as a science fiction, time travel thriller. The movie is set to explore various scientific paradoxes.

However, the main story and the cast are kept under wraps. The movie is written and directed by Jason Lopchan, a graduate of Oscar International College. Nawa Shrestha & Soniya Thapa is to serve as Producers. The movie is to be made by J-Quad Entertainment under the banner of Kipalaya Productions.

नुवाकोट-नाट्यश्वर म्युजिक अवार्डको दोस्रो संस्करण सम्पन्न भएको छ । किरण अधिकारीको संयोजन, प्रल्हाद केसीको सभापतित्व र पूर्वमन्त्री तथा नेपाली कांग्रेसका केन्द्रीय सदस्य अर्जुननरसिंह के.सीको प्रमुख आतिथ्यमा आइतबार नुवाकोटको विदुरमा अवार्ड सम्पन्न भएको हो ।

‘नाट्यश्वर सबै कलाकारको शान, कलाकारिताको जगेर्ना हाम्रो अभियान’ भन्ने मूल नाराका साथ कार्यक्रमको आयेजना गरिएको थियो । ०७६ मा नै आयोजना गर्नुपर्ने कार्यक्रम विश्वभर महामारीका रुपले फैलिएको कोरोना भाइरस (कोभिड-१९)का कारण रोकिएर अहिले गरिएको संयोजक अधिकारीले जानकारी दिए । साथै, आफू पनि उक्त भाइरसबाट संक्रमित भइ निको भएको उनले बताए । कर्यक्रमका अधिकारीले यसभन्दा अगाडिको कार्यक्रम काभ्रे जिल्लाको बनेपामा आयोजना गरिएको जानकारी दिए ।

उक्त कार्यक्रममा सङ्गीत क्षेत्रका विभिन्न ४८ विधामा अवार्ड वितरण गरिएको थियो । गायन तथा सङ्गीत क्षेत्रबाट मनोनयनमा परेकाहरूमध्येबाट सर्वोतकृष्ट भएकाहरूलाई अवार्ड वितरण गरिएको आयोजकले जनाएको छ ।

कार्यक्रममा लोकदोहोरी गायक विष्णु खत्री, कृष्ण रेउले, गायिका जमुना राना, रमिला न्यौपाने, सविता परियार, मोडल दिपाशा बिसी, टिका जैसीले अवार्ड प्राप्त गरेका छन् । साथै, कार्यक्रममा कलासंस्कृति संरक्षणमा योगदान पुर्‍याएको भन्दै नुवाकोटको विदुर र वेलकोटगढी नगरपालिका र १० गाउँपालिका एवम् जिल्ला समन्वय समिति र सहयोगी संस्था साकुरा कन्सल्टेन्सीलाई सम्मान समेत गरिएको थियो ।

कार्यक्रममा वरिष्ठ सङ्गीतकार राजु सिंहलाई लाइफटाइम अचिभमेन्ट अवार्डबाट सम्मान गरिएको थियो । उनलाई नगद ११ हजार रुपैयाँसहित सम्मान गरिएको हो । सोही क्रममा कला एवम् रङ्ग पत्रकारितामा कलाम चलाएर संस्कृति तथा संरक्षणमा सहयोग गरेको भन्दै पत्रकारहरू निमेष गौतम, बाबुराम सिग्देल, देवचन्द्र भट्ट, दीपज्योति थापा र राममणी ढकाल सम्मान गरेको थियो ।

पत्रकारलगायत विभिन्न व्यक्तिहरूलाई सम्मान गर्दै प्रमुख अतिथि नेता केसीले कलाकारहरू राष्ट्रका गहना भएको र सञ्चार माध्यमले पनि देश विदेशमा सन्देश दिएर थप चिनाउन मद्दत गरेको बताए । ‘कलाकारहरुले देशको सौन्दर्य बढाएका छन्, जहाँ पनि गीत सङ्गीतको आवश्यकता पर्दछ र पत्रकारहरूले पनि विभिन्न सञ्चार क्षेत्रबाट कलम चलाएर देशविदेशमा सन्देश दिएर कलाकारहरूलाई चिनाउन मद्दत गरेका छन्’, उनले भने ।

नेता केसीले नुवाकोट आफ्नो गृह जिल्लामा कार्यक्रमको आयोजना गरेर कलाकारहरूलाई अवार्ड वितरण गरेकोमा आयोजकप्रति गर्वको महसुस भएको जनाउँदै आगामी वर्षहरूमा पनि कलाकारहरूलाई जिल्लामा यसरी नै स्वागत गर्ने प्रतिबद्धता व्यक्त गरे ।

काठमाडौँ —  माघ २८, २०७७। 

मिस्टर एण्ड मिस नेपाल टिन २०२१’ को ग्राण्ड फिनाले काठमाडौंमा सम्पन्न भएको छ । अभ्यानी प्रोडक्सनको आयोजनामा काठमाडौंस्थित आम्रपाली बैंकेटमा सम्पन्न भव्य ग्राण्ड फिनालेमा मिस तर्फको उपाधि दीक्षा रिसालले चुमेकी छन् ।

उनले 'मिस नेपाल टिन वर्ल्ड २०२१' का साथै व्युटि विथ प्रपोज र पिपुल्स च्वाइस अवार्ड समेत हात पारेकी छन् । त्यसैगरी श्रृयंका थापाले मिस नेपाल टिन युनिभर्स र मिस कन्फिडेन्स अवार्ड जितिन् । स्टेला लामिछानेले मिस नेपाल टिन इन्टरनेसनल र मिस इन्टेलेक्चुवल अवार्ड जितिन् । सुस्जिता पौडेलले मिस नेपाल टिन अर्थ र मिस फेसन आइकल अवार्ड जितेकी छन् ।

साथै प्रकृति थापाले मिस नेपाल टिन सुपरानेशनल र वेस्ट फिगर अवार्ड जितिन् ।

मिस्टर नेपाल टिन २०२१ को उपाधि शाश्वत ओलीले चुमेका छन् । साथसाथै मिस्टर ट्यालेन्ट अवार्ड पनि हात पारे । नन्दु आचार्यले फस्ट रनर अपको साथसाथै मिस्टर मल्टिमिडिया र पिपुल्स च्वाइस अवार्ड जिते । सेकेन्ड रनर अपको उपाधि संग संगै मिस्टर फिजिक्सको अवार्ड साइरस विश्वकर्माले जिते ।

‘मिस नेपाल टिन २०२१’ को उपाधि जितेका विजेताहरूले वैदेशिक शिक्षाको लागि छात्रवृत्ति, ट्रफी, क्राउन, गिफ्ट ह्याम्परहरु, सर्ट मुभीको साथै विभिन्न पुरस्कारहरु हात पारे । विजेताले इक्वाडोरमा हुने अन्तराष्ट्रिय सौन्दर्य प्रतियोगितामा नेपाललाई प्रतिनिधित्व गर्नेछन् ।

त्यसैगरी मिस ट्यालेन्टको उपाधि निर्जला बराईली, मिस मल्टिमिडिया तथा मिस भेटेरन  गरिमा गुरागाईं, मिस फोटोजेनिक अपेक्षा भट्टराई, वेस्ट ड्रेस प्रियंका तामाङ, बेस्ट वाल्क मनस्वी ढकाल, मिस डिस्सिपिल्नड जस्मिन रिजाल, मिस पर्सानालिटी निश्मा बुढाथोकीले हात पारे ।

किशोरतर्फ हेन्डसम विथ प्रपोज राजु शाह र मिस्टर मोडल अनुराग भट्टले जिते ।

मिस तर्फ यदि अहिले तपाई नेपालको प्रधानमन्त्री हुनुभयो भने  वर्तमान समयमा रहेको कोभिड १९ को समस्यालाई कसरी हल गर्नुहुन्छ भनेर सोधिएको थियो भने मिस तर्फ मिहेनत र भाग्यमा सबैभन्दा ठुलो कुरा के हो भनेर सोधिएको थियो ।

टिन एजका युवा युवतीको क्षमता अभिवृद्धिका लागि आयोजित यो प्रतियोगिता एक महिनासम्म व्यक्तित्व विकास र आत्मविश्वास बढाउन विभिन्न कक्षा संचालन गराइएको इभेन्ट कोरियोग्राफी पवन आचार्यले जानकारी दिए ।

कार्यक्रमका प्रमुख अतिथि पुर्व उर्जा राज्यमन्त्री भास्कर भद्रा थिए ।

मुख्य अतिथिहरु नेता गोविन्दराज खनिया, अभिनेत्री कविता राय  र रोडिज सिजन–२ को विजेता आयुष श्रेष्ठ थिए ।

निर्णायकको भूमिकामा चर्चित मोडल दिपक घिमिरे, इभेन्ट्स नेपालका सिइयो तथा डाइरेक्टर हुकुम राज लुईटेल, मिस्टर नेपाल वर्ल्ड २०१८ विकल्प राज श्रेष्ठ, फेसिनेटेड ब्युटि पार्लरकी डाइरेक्टर लक्ष्मी महत तथा मिस हेरिटेज इन्टरनेश्नल तथा गायिका आश्रा कुँवर थिए । प्रतियोगितामा अफिसियल  कोरियोग्राफरका रुपमा पवन आचार्य थिए । कार्यक्रम प्रस्तोताको भूमिकामा रोजिन शाक्य थिए । कार्यक्रमको व्यवस्थापनमा सौरभ चौधरी र मुख्य व्यवस्थापक सिमोन पण्डित रहेकी थिइन् ।

प्रतियोगीको मुख्य सहयोगी संस्था एस. पि. एम कृयशन, राम्रो इन्टरटेनमेन्ट, व्युटि पेजेन्ट एशोशियसन नेपाल, पेजेन्ट नेपाल इन्टरनेशनल, ग्रेस इन्टरनेशनल, सिम्प्यान, थ्री एम, शाशा व्यांकेट, लोटस माइन्डफुलनेस सेन्टर, प्रोटिन गाउस चितवन, ग्लोवल अनलाइन पे, फेसिनेटेड वुयुटि पार्लर, तारा प्रोडक्सन हाउस, द सेलिव्रेटी टाइम्स, अशोक फोटोग्राफी, ग्लोबल अनलाइन पे थिए । ड्रेस डिजाइनरको भूमिकामा सिमोन पण्डित रहेकी थिइन् ।

अभ्यानी प्रोडकसनका सिइओ अभिविन्द खनियाको अध्यक्षतामा सम्पन्न कार्यक्रमलाई रोजीन शाक्यले संचालन गरेका थिए । कार्यक्रममा झण्डै १ हजार दर्शकको उपस्थिती थियो । 

 काठमाण्डौ - गौरी शंकर च्छोरोल्पा मिडिया प्रा.लिको प्रथम वार्षिकोत्सवको अवसरमा मिति २०७७ फागुन १ गते गर्ने भनिएको कार्यक्रम विषेश कारणले गर्दा रोकिएको गौरी शंकर मिडियाले जनाएको छ ।
 गौरी शंकर च्छोरोल्पा मिडियाका सचिव मनोज कार्कीका अनुसार १ गते गर्ने भनिएको प्रथम बार्षिकोत्सवको कार्यक्रम  विषेश कारणले गर्दा फागुन ५ गते बुधबारको लागि सारिएको जानकारी गराएका छन् ।
 केन्द्रिय राजधानी काठमाण्डौको पुरानो बानेश्वर स्थित विग फुडल्याण्ड पार्टी प्यालेसमा मिति २०७७ फागुन ५ गते  बुधबार विहान ९ बजे  सञ्चार तथा सुचना प्रविधि मन्त्री एवं नेपाल सरकारका प्रवक्ता माननीय पार्वत गुरुङको प्रमुख आतिथ्यतामा सम्पन्न हुने आयोजकले बताएका छन् ।

काठमाडौँ — माघ २७, २०७७। 

मिस टिन शेर्पा २०२१ को उपाधि डोल्मा छिरिङ शेर्पाले प्राप्त गरेकी छिन् । काठमाडौँमा आइतवार सम्पन्न प्रतियोगितामा ९ प्रतिस्पर्धीलाई उछिन्दै डोल्माले उपाधि जितेकी हुन् ।

यता मिस्टर टिन शेर्पा २०२१ को उपाधि युगेन शेर्पाले हात पारेका छन् । युगेनले पाँच प्रतिस्पर्धीलाई पछि पारेका हुन् । उपाधि जितेका डोल्मा र युगेनाले ताज सहित जनही २० हजार रुपैयाँ नगद हात पारेका छन् ।

प्रतियोगितमा मिस टिन शेर्पातर्फ डोल्मा शेर्पा र मिङमा शेर्पा फस्ट र सेकेण्ड रनर अप बनेका छन् । यस्तै मिस्टर टिन शेर्पा तर्फ दावा जाङबु शेर्पा  र गौतम शेर्पा  फस्ट र सेकेण्ड रनर अप भएका छन् ।

कार्यक्रमका प्रमुख अतिथि नेपाल विद्युत् प्राधिकरणका निवर्तमान कार्यकारी निर्देशक कुलमान घिसिङ, विशेष अतिथि नेपाल शेर्पा संघका अध्यक्ष गेल्जे शेर्पा सहभागी थिए ।

संघका अध्यक्ष गेल्जे शेर्पा लामाले प्रतियोगिताले शेर्पा समुदायको किशोर र किशोरीमा रहेको प्रतिभा प्रस्फुटन गराउने बताउनुभयो । उहाँले यस्ता खालका अवसरले आत्मविश्वास बढाउन समेत मद्दत गर्ने बताउनुभयो ।

कार्यक्रमका प्रमुख अतिथि नेपाल विद्युत् प्राधिकरणका निवर्तमान कार्यकारी निर्देशक घिसिङले यस्ता कार्यक्रमले किशोर किशोरीको व्यक्तित्व विकास हुने बताउनुभयो । उहाँले शेर्पा समुदायको हक आधिकरका लागि सहयोग गर्न तयार रहेको बताउनुभयो ।

यसपालिको प्रतियोगिता मिस एण्ड मिस्टर टिन शेर्पाको तेस्रो संस्करण हो । प्रतियोगिता गौतम बुद्ध फिल्म्स प्रालिले सन् २०१९ देखि आयोजना गर्न थालेको हो । शेर्पा समुदायको किशोर किशोरीहरुमा भएको खुबीलाई प्रस्फुटन गराउन र आत्मबल बढाउन प्रतियोगिता गरेको संस्थाले जनाएको छ ।