काठमाण्डौ – विन्ध्यवासिनी फाउण्डेशनद्धारा जमलस्थित राष्ट्रिय नाचघरमा आयोजित तेह्रौं रमपम बिन्ध्यवासिनी म्यूजिक अवार्डमा गीत संगीतमा अमूल्य योगदान पु¥याएवापत संगीतकार तथा संगीत प्रशिक्षक प्रकाश गुरुङलाई नगद एक लाख रुपियाँसहित बिन्ध्यबासिनी लाइफटाइम अचिभमेन्ट अवार्ड २०७९ बाट सम्मानित गर्दै आयोजनाको १३ औं संस्करण भव्य रुपमा सम्पन्न गरेको छ ।
कार्यक्रममा नगद ५० हजार रुपियाँसहित गायिका सुकमित गुरूङलाई विन्ध्यबासिनी संगीत साधना सम्मान २०७९ बाट सम्मानित गरिएको छ भने लोकगायक झलकमान गन्धर्वको नाममा यसै वर्ष स्थापित झलकमान लोक सङ्गीत सम्मान २०७९ बाट नगद २५ हजार रुपियाँसहित बद्री पङ्गेनीलाई सम्मान गरिएको छ।
समारोहमा लोकगायक पंगेनीले आफुलाई शव्दरुपी सम्मान र माया काफी हुने भन्दै सम्मानवापत प्राप्त २५ हजार रुपियाँ विन्ध्यवासिनी फाउन्डेसनलाई हस्तानतरण गरेका थिए। मुक्तिनाथ बिकास बैंक लिमिटेडको प्रस्तुतिमा सम्पन्न समारोहमा ख्यातिप्राप्त गायक स्व. प्रेमध्वज प्रधानको नाममा स्थापित प्रेमध्वज सङ्गीत रत्न सम्मान २०७९ बाट गायक तथा संगीतकार भबिन ढुङ्गाना र यस वर्षको विन्ध्यबासिनी कला पत्रकारिता सम्मान २०७९ नगद २५ हजार रुपियाँसहित नरेश भट्टराईलाई प्रदान गरिएको छ।
बिभिन्न २१ बिधामा अवार्ड प्रदान गरिएको समारोहमा गिती संग्रह नजर ३ बिमोचन गरिएको थियो भने नजर २ गिती संग्रहको सम्पुर्ण आम्दानी झुम्लावाङ्ग भिलेज फाउण्डेसनलाई हस्तान्तरण गरिएको थियो। विन्ध्यवासिनी फाउन्डेसनले यसअघि नजर गिती संग्रहबाट सङ्कलित सम्पुर्ण आम्दानी आठ लाख १८ हजार दुई सय ५० रुपियाँ दुई किस्ता गरी सोहि संस्थालाई हस्तान्तरण गरेको फाउन्डेसनकी अध्यक्ष लीना शर्मा रेग्मीले जानकारी गराइन्। समारोहमा सुमनकुमार श्रेष्ठ र अस्मिता परियारले गीत गाएर तथा शंकर बिसी र काजिश श्रेष्ठले समूहका साथ एवं लोमश शर्मा र रुविना अधिकारीले युगल नृत्य प्रस्तुत गरी कार्यक्रमलाई मनोरञ्जक बनाएका थिए।
अवार्ड विजेताहरु
१. सर्बोत्कृष्ट गीत
छुटेपछि त छुट्यो : दिपीका रिमाल थापा
२. सर्बोत्कृष्ट गायन पुरुष (सुगम संगीत)
रुपक डोटेल : तिमी बिना
३. सर्बोत्कृष्ट गायन महिला (सुगम संगीत )
जुनु रीजाल : न दोष तिम्रो न दोष मेरो
४. सर्बोत्कृष्ट संगीत (सुगम संगीत )
इशवर अमात्य: अघि बढे भेल बाढी
५. सर्बोत्कृष्ट रचना (सुगम संगीत )
बि पाण्डे : झुम्के बुलाकि
६. सर्बोत्कृष्ट महिला गीतकार (सुगम संगीत)
प्रभा बर्तौला: एउटा कथा
७. सर्बोत्कृष्ट पप गायन पुरुष
संजीब सिंह: आधा रातमा
८. सर्बोत्कृष्ट युगल गायन
हिमाल सागर र अनु चौधरी : ए होर माया
९. सर्बोत्कृष्ट एरेन्जर
साहास शाक्य : साथले तिम्रो
१०. सर्बोत्कृष्ट लोकदोहोरी गायन (पुरुष)
विक्रम परियार: पाखे
११. सर्बोत्कृष्ट लोकदोहोरी गायन (महिला)
सुनिता बुढा छेत्री : रुदै रुदै नौतुना रेलैमा
१२. सर्बोत्कृष्ट म्युजिक भिडियो डिरेक्टर (दोहोरी)
स्मृती तिमल्सीना : मकै पिस्ने जाँतो
१३. सर्बोत्कृष्ट लोक दोहोरी भाका
सन्तोष केसी: गुल्मेली हुम कर
१४. सर्बोत्कृष्ट मोडल (लोक दोहोरी)
रुबिना अधिकारी र लोमस शर्मा : बिउरीयो दुई दिने चोला
१५. सर्बोत्कृष्ट मोडल (आधुनिक)
कुमारी बराइली र बिमल अधिकारी : दिलको डायरीमा
१६. सर्बोत्कृष्ट गीत (लोक दोहोरी)
घनश्याम रिजाल : सुन्य भयो डाँडैको चौर
१७. सर्बोत्कृष्ट म्युजिक भिडियो डिरेक्टर (आधुनिक)
रामजी लामिछाने: एउटा कथा
१८. सर्बोत्कृष्ट राष्ट्रिय भावनाले ओतप्रोत गीत
हाम्रो देशको सिमाना: अर्जुन कौशल
१९. सर्बोत्कृष्ट भिडियो सम्पादक (एडिटर)
प्रबिण भट्ट : पिर
२०. सर्बोत्कृष्ट छाँयाकार (क्यामेरापर्सन)
अजय रेग्मी : सरानकोटको डाँडैमा
२१. बिन्ध्यवासिनी अन्तर्राष्ट्रिय साधक पुरस्कार
कौशिला खनाल कमाचार्य
पब्लीक च्वाईस अवार्ड : दिपेन्द्र तिमल्सीना
पपूलर अवार्ड : प्रकाश धमला
जूरी अवार्ड म्युजीक भिडियो डिरेक्टरतर्फ : काजीश श्रेष्ठ
जूरी अवार्ड गायनतर्फ : तेजस रेग्मी
जूरी अवार्ड अभिनयतर्फः बादल धिमिरे
जूरी अवार्ड संगीततर्फ : नरहरी प्रेमी
जूरी अवार्ड गीततर्फ : कमल सरगम
चौथो संस्करणको ‘लिटिल स्टार नेपाल २०८०’ को अन्तिम स्पर्धा यहि बैशाख १९ मा राजधानीको जमलस्थित राष्ट्रिय नाचघरमा सम्पन्न भएको छ। एएनपी मिडिया हाउसद्वारा आयोजित उक्त प्रतियोगितामा ‘नृत्य’ , र ‘गायन’ समूहका मुख्य बिजेता घोषित भए ।
‘सिनियर डान्स’ तर्फ अभिषेक यादव विजयी हुँदा अस्मि नेपालि फर्स्ट रनरअप, रुबेन रसाइली सेकेन्ड रनर अप, पृन्सिका कार्कि थर्ड रनर अप / पब्लिक चोईस र अभिषेक यादव मस्ट पपुलर अवार्ड विजेता घोषित भए। त्यसैगरी ‘जुनियर डान्स’ तर्फ अङ्किता सुनुवारले शिर्ष ताज पहिरिँदा यान्ना श्रेष्ठ फर्स्ट रनरअप, ताकी राइ सेकेन्ड रनरअप, आलिया तामाङ थर्ड रनरअप, निश्मा बस्नेत पब्लिक चोईस र मानशी बस्नेतले मस्ट पपुलर अवार्ड हात पारे।
प्रतियोगिताको ‘गायन’ तर्फ रोज तामाङले शिर्ष उपाधी आफ्नो हातमा पारिन। फर्स्ट रनरअप युमि राइ, सेकेन्ड रनरअप अन्शु कार्की, थर्ड रनरअप प्रनेक अधिकारि, पब्लिक चोईस अवार्ड दिपिशा कार्की र मस्ट पपुलर अवार्ड नुनुम्सा राइले हात पारिन।
प्रनिमा दाहालले संचालन गर्नुभएको उक्त प्रतियोगितामा निर्णायकको रुपमा गायनतर्फ बिनोद ढकाल र रमेश पाठक थिए भने नृत्यतर्फ तुलशा कटुवाल र सरिता साह रहेका थिए।
उक्त प्रतियोगिता बालबालिकाहरुको व्यक्तित्व विकास, आत्मविश्वास अभिवृद्धि, अन्तर्निहित क्षमता उजागर , प्रतियोगीको प्रतिभा प्रस्फुटन, उच्च शिक्षा अध्ययनमा सहयोग पुर्याउने तथा नेतृत्वदायी क्षमताको विकास गर्दै उज्ज्वल भविष्य निर्माणमा सहयोग पुर्याउन उद्देश्यले लगातार एएनपी मिडिया हाउसले विगत चार वर्षदेखि ‘लिटिल स्टार नेपाल’ प्रतियोगिता संचालन गर्दै आएको आयोजक संस्थाका सिईओ लव बहादुर कार्कीले जनाए ।
कार्यक्रमको व्यबस्थापन लोमस कार्की तथा लविस कार्कीले गरेका थिए भने शम्भु रेग्मिले कोअर्डिनेटरको भूमिका निर्वाह गरेका थिए ।
काठमाण्डौ – बैशाख १५ गते राजधानीमा सम्पन्न भएको दशौ म्युजिक खबर म्युजिक अवार्डमा गीतकार रमेश दहाललाई उत्कृष्ट पप-गीतकारको अवार्ड प्रदान गरिएको छ । टीका दाहालको सङ्गीत तथा सुरक्षा सेन्चुरीको स्वरमा सजिएको ‘कौवा करायो’ बोलको गीतका लागि गीतकार रमेश दहाललाई उत्कृष्ट पप गीतकारको अवार्ड प्रदान गरिएको हो । विगत तिन दशकदेखि नेपाली मुलधारको गीत लेखनमा सकृय दहाल आधुनिक, पप तथा राष्ट्रभाव विधाका गीत लेख्छन् भने नेपाली गीत संगीतले नेपाली समाजमा पारेको प्रभाव बारे लेख-आलेख तयार समेत गर्दछन् ।
उपप्रधान तथा गृहमन्त्री नारायणकाजी श्रेष्ठको प्रमुख आतिथ्यतामा सम्पन्न अवार्डको दशौं संस्करणमा प्रतिष्ठित गायिका तीर्थ कुमारी थापालाई ५१ हजार नगद राशिसहित दीर्घ साधना सम्मान अर्पण गरियो भने नेपाली गीत-सङ्गीतमा उल्लेख्य स्थान हासिल गरिसकेका राष्ट्रिय स्तरका गीत(सङ्गीतकर्मी, रेडियोकर्मी र पत्रकारले अवार्ड तथा सम्मान चुमेका थिए ।
कार्यक्रममा पप(गीत लेखनमा अवार्ड प्राप्त गर्न सफल दहालका सयौ गीतहरु चर्चित भएका छन् । रेडियो नेपाल, गीतकार संघ नेपाल, इमेज अवार्ड, सगरमाथा अवार्ड, जिनियस अवार्ड लगायत दर्जन अधिक राष्ट्रिय स्तरका अवार्ड प्राप्त गरीसकेका दहालले यस अघि पनि म्युजिक खबर म्युजिक अवार्डको आठौ श्रृङ्खलामा ‘जननी जन्मभूमिश्च स्वर्गादपि गरियशी’ बोलको उत्कृष्ट राष्ट्रभावको गीतका लागि अवार्ड प्राप्त गरेका थिए ।
काठमाण्डौ- चलचित्र पत्रकारिता सम्मान तथा पुरस्कार घोषणा गरिएको छ । चलचित्र पत्रकार संघ नेपालले यो वर्ष (२०८०)को चलचित्र पत्रकारिता सम्मान तथा पुरस्कार घोषणा गरेको हो । संघका अध्यक्ष समीर बलामीको अध्यक्षतामा आइतबार बसेको बैठकले यो वर्ष (२०८०) को ‘राष्ट्रिय चलचित्र पत्रकारिता सम्मान २०८०’ श्रीराम सिग्देल र तुलसी गिरी ‘भावुक’ लाई र ‘राष्ट्रिय चलचित्र पत्रकारिता पुरस्कार २०८०’ दीपज्योती थापा र कुबेर डंगोललाई दिने निर्णय गरेको छ । यो पुरस्कारको राशि जनही ५१ हजार रहेको छ ।
त्यस्तै यो वर्षको ‘राष्ट्रिय चलचित्र पत्रकारिता प्रोत्साहन पुरस्कार २०८०’ सृष्टि पोखरेल र ‘राष्ट्रिय मोफसल चलचित्र पत्रकारिता पुरस्कार २०८०’ रवि अधिकारीलाई दिने निर्णय गरेको छ । प्रोत्सान पुरस्कारमा एउटा ल्यापटप र मोफसल पुरस्कारमा २५ हजार नगद रहेको छ । त्यस्तै संघले यसै वर्षबाट थपेको ‘राष्ट्रिय चलचित्र पत्रकारिता रजत सम्मान २०८०’ शान्तिप्रियलाई दिने निर्णय गरेको छ । शान्तिप्रिय संस्थापक महासचिव तथा पूर्व अध्यक्ष पनि हुनुहुन्छ । रजत सम्मानमा ५५ हजार नगद राशि रहेको छ ।
काठमाण्डौ – नेपाल चलचित्र नृत्य संघले विश्व नृत्य दिवसको शुभ अवसरमा आयोजित ‘राष्ट्रिय चलचित्र साँस्कृतिक रत्न सम्मान २०८०’ सम्पन्न भएको छ । पूर्व प्रधानमन्त्री झलनाथ खनालको प्रमुख आतिथ्यतामा शुक्रबार जमलस्थित नाचघरमा सम्पन्न कार्यक्रममा कला क्षेत्रमा लामो समयदेखि काम गर्दै आउनु भएका बिशिष्ठ कलाकर्मीहरुलाई ‘राष्ट्रिय चलचित्र साँस्कृतिक रत्न सम्मान २०८०’बाट विभूषित गरिएको थियो । नेपाल चलचित्र नृत्य संघ ले हरेक वर्ष विशिष्ट को आधार मा प्रदान गर्दै आयको राष्ट्रिय चलचित्र साँस्कृतिक नृत्य रत्न सम्मान २०८० बरिस्ठ नृत्य निर्देशक दिनेश पाख्रीन लाई प्रदान गरियको छ ।
सम्मानित हुनुहुने ब्यक्तित्वहरुमा डा. भोला रिजाल, बसुन्धरा भुषाल, दयाराम दाहाल, राजकुमा राई,शान्तीप्रिय, सुमिना श्रेष्ठ, धीरज राई, कृष्ण कँडेल, ज्याक श्रेष्ठ, विकाश चौधरी, अमृत भारती, पल शाह ,अमर ओली, दिनेश केसी, गोपालकाजी कायस्थ, रोहित रुम्बा, ओम सुनार, अच्युत बजगाई, गीता अधिकारी, तारादेवि लिम्बु, गणेश सुवेदी, नवराज श्रेष्ठ, कुमार मोक्तान, रमेश कोइराला, दिपेन्द्र खड्का सुनिता भट्टराई लगायतले सम्मान ग्रहण गर्नुभएको कुरा संघका सचिव लिलाधर भट्टराईले जानकारी गराउनु भएको छ ।
KATHMANDU- President Ram Chandra Paudel awarded 45 artists including Rajesh Hamal, Neer Shah, Deepak Raj Giri with honors and medals on the occasion of New Year on Friday. President Paudel distributed medals at a ceremony held at Sheetal Niwas.
Madan Krishna Shrestha, Neer Shah, Hari Bansha Acharya, Rajesh Hamal and Nanda Krishna Joshi received the prestigious Rashtradeep Bibhushan. Deepak Raj Giri, Shambhu Rai (Kuthumi), Pradeep Lal Shrestha, Ashok Sharma, Alokshree (Surya Kumar Khati), Deepak Jangam, Ananda Karki, Arjun Shrestha, Gyanu Rana, Niruta Singh, Chetan Sapkota, Biraj Bhatt (Bhojraj Bhatta), Dayahang Rai and Satyakala Rai received the excellent Janasewashree award.
Madhab Raj Kharel, Milan Moktan,Sita Ram Pokharel, Jeet Bahadur Deuja and Nirmal Sharma received Prabal Janasewashriee medals. Sunita Dulal, Pradeep Khadka, Kamal Sunar, Santosh Shrestha, Deepak Sharma, Shiva Ram BK, Ramesh Koirala, Sanam Kathayat, Kumar Basnet Bikranta, Kulman Nepali, Manohar Sunam Pariyar, Dilli Narayan Pandey, Suresh Kumar Nepal Pariyar (Yashkumar), Sanukancha Shahi bagged Janasewashree award.
Prabhakar Sharma, Indra Bahadur Khatri, Krishna Bahadur BK, Nabin Paudel and Kiran Gajmer received Nepal Sewa Pravin award. The government announced the names of the recipients of the jewels on September 19, 2022.
काठमाडौँ — वैशाख ६, २०८०।
तेश्रो संस्करणको ‘मोडल अफ दी ईयर नेपाल' को शीर्ष उपाधी अग्रज श्रेष्ठले जितेका छन्। ड्रीम मोडलिङ एजेन्सी एन्ड ईभेन्ट मेनेजमेन्टद्वारा ईटहरीस्थित दुर्गा पार्टी प्यालेसमा सम्पन्न उक्त प्रतियोगिताको अन्तिम स्पर्धामा अन्य प्रतिस्पर्धीहरुलाई पछि पार्दै श्रेष्ठले शीर्ष ताज पहिरीएका हुन् ।
बिजेताले शिर्ष उपाधीसंगै नगद रु २०,००० सहित ५ लाख बराबरको विमा, ३ लाख बराबरको आकर्षक उपहारहरुसंगै विभिन्न म्युजिक भिडियो, विज्ञापन तथा शर्ट मुभीहरुमा अभिनय गर्ने अवसर प्राप्त गरेका छन।
प्रतियोगितामा प्रसन राउतले फर्स्ट रनरअपको ताज हात पारे भने मनिश शंकरले सेकेन्ड रनरअपको ताज पहिरिन सफल भए। राउत र शंकरले उपाधीसंगै क्रमशः नगद रू १५ हजार सहित ३ लाख बराबरको बीमा र १० हजारसहित २ लाखबराबरको बीमा र अन्य आकर्षक पुरस्कारहरु प्राप्त गरेका छन। त्यसैगरी अर्गनाईजर चोईसको अवार्ड भने कृपा राईले हात पारेकी छिन।
प्रेक्ष्या कटवाल र उमेश खड्काको कोरियोग्राफी रहेको उक्त प्रतियोगितालाई तृष्णा उपाध्याय रेग्मीले संचालन गर्नुभएको थियो। प्रतियोगिताको निर्णायकमा मिस्टर नेपाल वर्ल्ड २०२० नुतन श्रेष्ठ, मिस्टर आईकन वर्ल्ड नेपाल २०१८ क्षितिज पोखरेल, ग्लोबल ड्रीम्स मेनेजमेन्टका सिईओ स्मित कार्की, सनसाईन होटल मेनेजमेन्ट कलेजका प्रवन्ध निर्देशक सुजन पुरी र आरजे/भिजे सुबेक्षा कार्की रहेका थिए।
युवायुवतीहरुको व्यक्तित्व विकास, आत्मविश्वास अभिवृद्धि, अन्तर्निहित क्षमता उजागर , प्रतिभा प्रस्फुटन तथा उच्च शिक्षा अध्ययनमा सहयोग पुर्याउदै प्रतिस्पर्धीहरुको नेतृत्वदायी क्षमताको विकास गरी उज्ज्वल भविष्य निर्माणमा सहयोग पुर्याउने उद्देश्यले लगातार तेश्रो संस्करणको ‘मोडल अफ दी ईयर नेपाल, २०७९' सम्पन्न गरिएको आयोजक संस्था ड्रीम मोडलिङ एजेन्सी एन्ड ईभेन्ट मेनेजमेन्टका संचालक सौरभमान भण्डारीले जनाए ।
काठमाडौं – सम्माननिय राष्ट्रपति रामचन्द्र पौडेलले नेपाल सरकारको सिफरिसमा राष्ट्रको गौरव बढाउन अतुलनीय योगदान गरेको भन्दै चलचित्र निर्देशक माधव राज खरेल सहित समाजका विभिन्न क्षेत्र उल्लेखनिय योगदान पुर्याएका सात सय २८ व्यक्तित्वहरुलाई नेपाल सरकारले विभिन्न मानपदवी प्रदान गरेको छ ।
राष्ट्रपति कार्यालय शीतल निवासमा बैशाख १ गते आयोजना भएको विशेष समारोहमा राष्ट्रपति पौडेलले नेपाली चलचित्र क्षेत्रमा लामो समय देखी सक्रिय हुदै आएको र देश र राष्ट्रको हितको लागि गौरवको काम गरेको भन्दै निर्देशक माधव राज खरेललाई “जनसेवाश्री” प्रदान गर्नु भएको हो ।
“जनसेवाश्री” बाट विभुषित भैसकेपछि खरेलले भने “सकारात्मक काम गर्दा केही ढिलो हुन सक्छ तर कामको कदर पक्कै हुनेछ र संघर्षको प्रतिफल अवश्य आउने छ त्यसैले सम्पुर्ण व्यक्तिले आफ्नो कर्ममा विश्वास गर्दै अघि बढेमा चाहेको उदेश्य पुरा गर्न सफल हुन्छ ।”
काभ्रेपलाञ्चाक जिल्लाको भुम्लु गाउँपालिका वडा नम्बर ५ मा जन्मिएका निर्देशक खरेलले पत्रकारिता हुदै चलचित्र निर्देशनको क्षेत्रमा प्रवेश गरेका हुन् । सुरुवाती दिनहरुमा पत्रकारिता गर्दै आएका उनले परिवर्तन नेपालले आयोजना गर्ने विभिन्न सडक नाटकहरुमा सहभागी हुने गर्दर्थे र परिवर्तन नेपालका सडक नाटकहरु खेल्दा खेल्दै उनले सडक नाटक लेखन तथा निर्देशनमा समेत आफुलाई अब्बल बनाएका थिए ।
त्यस पछि उनले टेलिचलचित्रहरु लेख्ने र निर्देशन गर्न थाले सडक नाटकबाट सुरु भएको खरेलको यात्रा चलचित्र लेखन तथा निर्देशन सम्म आईपुगेको थियो । पहिलो पटक मौन चलचित्रको सफल लेखन तथा निर्देशन गरेका खलेलले त्यसपछि आधा दर्जन चलचित्रहरुको निर्देशन तथा लेखन गरिसकेका छन् ।
चलचित्र निर्देशक खरेलले नेपालमै पहिलो पटक “ढुङ्गे युग” मौन चलचित्र निर्देशन गरेर पहिलो मौन चलचित्रको निर्देशकको रुपमा आफुलाई स्थापित गराएका थिए । झण्डै दुइ घन्टा लामो संवाद विहिन (मौन) चलचित्रको लेखन तथा निर्देशन गरेर दर्शकहरुको लागी मात्रै नभएर समग्र नेपाली चलचित्र जगतमै पहिलो पटक ऐतिहासिक काम गर्दै चलचित्रको इतिहासमा नौलो प्रयोग भित्र्याउन सफल समेत भएका थिए । त्यस यता खरेलले “ढुङ्गे युग, कुइईनेटो, विरानो माया, दुर्गामाण्डौ, चिट्ठी लगायतका चलचित्रहरुको निर्देशन गरिसकेका छन् ।
खरेलको प्रदर्शनको तयारीमा रहेका पछिल्लो चलचित्र “चिट्टीे” हो । चलचित्र चिट्टीलाई खरेलले अहिले सम्मकै सन्तोषजनक चलचित्र रहेको प्रतिकृया दिएका छन्, छिट्टै एक कार्यक्रम गरेर “चिट्टी”को गीतहरु सार्वजनिक गर्ने तयारीमा रहेको पनि निर्देशक खरेलले बताएका छन् । चलचित्र निर्देशनका अलावा खरेलले उपन्यास, गीति लेखन, डकुमेन्ट्री लेखन तथा निर्देशन, म्यूजिक भिडियोहरु, विज्ञापनहरुको निर्माण तथा निर्देशन समेत गर्दै आईरहेका छन् । उनले विभिन्न सरकारी तथा गैरसरकारी संस्थाहरुको समन्वयमा बृत्तचित्र तथा विज्ञापनहरु प्रसस्तै गरेका छन् । झण्डै दुई दशक भन्दा लामो समय देखी नेपाली चलचित्र क्षेत्रमा सक्रिए रुपमा लागिरहेका निर्देशक खरेलले पहिलो पटक संसारकै अग्लो स्थानमा म्युजिक भिडियोको निर्देशन गरेर गिनिज वल्र्ड रेकर्डस्मा समेत आफ्नो नाम लेखाउन सफल भएका थिए ।
निर्देशक खरेल नेपाल चलचित्र निर्देशक समाज, चलचित्र संरक्षण मञ्च, राष्ट्रिय संगीतकर्मी संघ, परिवर्तन नेपाल, नेपाल चलचित्र तथा कलाकार श्रमिक संगठन (फावन), संगीत रोयल्टी संकलन समाज, गीतकार संघ लगायतका संघ संस्थाहरुमा आवद्ध रहेका छन् । खरेल चलचित्र गीत संगीतका अलावा समाजका विभिन्न क्षेत्रमा सेवा प्रदान गर्ने उदेश्यले स्थापना भएको पावर इन्टरनेशनल मिडिया नेपाल (पिम नेपाल) का अध्यक्ष समेत रहेका छन् ।
चलचित्र निर्देशक खरेलले चलचित्र क्षेत्रमा पुर्याएको योगदानको कदर गर्दै उनलाई राष्ट्रिय तथा अन्तराष्ट्रिय रुपमा ख्याति कमाएका संघ संस्थाहरुले विभिन्न अवार्ड तथा सम्मानहरु प्रदान छन् । जसमा “छायाँछवी सम्झना डिजिटल फिल्म अवार्ड, म्युजिक खबर म्युजिक अवार्ड, मोडेल संङ्गस अवार्ड (दुवइ), सुन्दरादेबी म्युजिक अवार्ड, राष्ट्रिय संगीतकर्मी अवार्ड, नेपाल कल्चलर अन्तराष्ट्रिय चलचित्र महोत्सव (एनसिआईएफ्एफ्), सगरमाथा म्युजिक अवार्ड, नेशनल इन्टरटेनमेन्ट अवार्ड, स्टार इन्टरनेशनल अवार्ड, स्पाइनी व्याब्लर अन्तराष्ट्रिय चलचित्र महोत्सव, नेपाल अफ्रिका फिल्म फेष्टिवल, नेशनल सिल्भर अवार्ड लगायतका झण्डै डेढ दर्जन भन्दा माथी अवार्डहरु तथा दुई दर्जन भन्दा माथी सम्मान तथा पुरस्कारहरु प्राप्त गरिसकेका छन् ।
वि सं २०७९ असोज ३ गते संविधान दिवसका दिन घोषित विभूषण २०८० साल अर्थात नयाँ वर्षको दिन प्रदान गरिएको हो । उक्त कार्यक्रम हरेक वर्ष बैशाख १ गते हुँदै आईरहेको छ ।
काठमाडौं – केटिएम अनलाईन टेलिभिजन तथा सांगेन कम्पनी लिमिटेडका अध्यक्ष दिपजोन गुरुङको संयुक्त आयोजनामा जापान, नेपाल फिल्म तथा बहुभाषिक म्यूजिक भिडियो अवार्ड २०२३ हुने भएको छ । अभिनेता कृष्ण मल्लको प्रमुख आतिथ्यतामा आइतबार काठमाडौंमा सम्पन्न पत्रकार सम्मेलन कार्यक्रमको सभापतित्व अभिनेता बिशाल बिष्ट, अतिथिहरुमा अभिनेताहरु पुरन जोशी, धीरेन शाक्य, रमेश उप्रेती, सविन श्रेष्ठ, प्रवण भुषाल, हाँस्य कलाकार उत्तम केसी, चलचित्र कलाकार संघकी उपाध्यक्ष कविता गेलाल, कलाकार कृष्ण सिवाकोटी, धर्मेन्द्र आचार्य लगायतका रहनु भएको थियो भने उहाँहरुले अवार्ड कार्यक्रमको सफलताको शुभकामना दिनु भएको थियो ।
नेपाली चलचित्र तथा बहुभाषिक म्यूजिक भिडियो अन्तरगत बहुविधामा पुरस्कार दिने, अग्रज कलाकारलाई सम्मान गर्ने र नेपाली चलचित्र तथा बहुभाषिक म्यूजिक भिडियोको प्रवद्र्धन गर्ने उद्देश्यले हुन लागेको अवार्ड कार्यक्रममा बिषयगत विज्ञ रहेको निर्णायक मण्डलले तोकिए बमोजिमको एवार्ड सिफारिस गर्नेछन् । नेपाली चलचित्र तथा बहुभाषिक म्यूजिक भिडियोको अवलोकन पश्चात छनौट भएका कलाकारलाई नाकानो कु, नाकानो २–९–७ टु १६४–००१ टोकयो जापानमा पुरस्कृत गरिने छ ।
उक्त कार्यक्रममा अग्रज कलाकारलाई सम्मान गरिने छ । नेपाली तथा जापानी लोक संस्कृति सम्बन्धि साँस्कृतिक कार्यक्रम हुने कार्यक्रममा जानकारी गराए । नेपाली चलचित्र तथा बहुभाषिक म्यूजिक भिडियोका विभिन्न विधागत क्षेत्रहरू चयन गरि दुबै तर्फ उत्कृष्ट अवार्ड प्रदान गरिने छ । अग्रजको सम्मान बर्तमान पुस्ताको पहिचान सहित अग्रज चलचित्र कलाकार नायक नायिका, गायक, गायिका तथा अन्य प्राविधिक व्यक्तित्वहरूमा दीर्घ साधना सम्मानद्वारा सम्मानित गरिने छ ।
चलचित्र तथा म्यूजिक भिडियो तर्फ उत्कृष्ट नायक र नायिका, उत्कृष्ट निर्देशक, गायक र गायिका, उत्कृष्ट छायाँकार, गीतकार, संगीतकार, कम्पोजर, एडिटर तथा अन्य प्राविधिक क्षेत्रका सर्जकलाई पुरस्कार प्रदान गरिने छ । सोही अनुरुप बहुभाषिक म्यूजिक भिडियो तर्फ पनि उत्कृष्ट नायक र नायिका, मोडल, गीत, संगीत, गायक र गायिका, संगीतकार, एरेञ्जर, सम्पादन, कोरियोग्राफि, पोष्ट पोडक्टशन, मेकअप, हेयर तथा विधागत पुरस्कारद्वारा पुरस्कृत गरिने छ ।
तोकिएका पुरस्कारहरू निर्णायक समितिले सिफारिस गरे बमोजिम हुने छ । निर्णायक समितिको सिफारिस र निर्णय नै अन्तिम निर्णय हुने आयोजकको भनाई छ । अवार्ड आयोजक टिममा राजेन्द्र केसी, सरस्वती थापा ‘साहरा’, रिसप घिमिरे, डा. भक्त राई र अनिल कुमार अधिकारी रहेका छन् । नेपाल तथा जापानको संयुक्त संस्कृतिक कार्यक्रमको प्रस्तुति सहित मिति २०८० बैशाख ३० गते तदनुसार १३ मई २०२३ का दिन जापानमा हुने कार्यक्रममा पुरस्कृत कलाकार, स्रष्टा, सर्जक तथा सम्मानित कला साधकहरूलाई सम्मान अर्पण गरिने छ ।
काठमाडौँ — चैत्र १९, २०७९
नेपाली रंग कलाकारितामा पछिल्लो समय क्रियाशिल रहदै आएकी मोडल तथा गीतकार सत्यकला लामाले आफ्नै शब्दमा सज्जित मर्मस्पर्शी 'तिम्रो यादले रोगी बनायो (पीडा)' गीतको म्युजिक भिडियो 'एएमएस ईन्टरटेन्मेन्ट' युट्युब च्यानलमार्फत सार्वजनिक गरेकी छिन।
सत्यकलाको आफ्नै अभिनय रहेको उक्त गीतमा अस्मिता अधिकारीको स्वर रहेको छ भने बादल थापाको संगीत तथा सुबिन सेन्चुरीको संगीत संयोजन रहेको छ । बादल थापाको स्वरमा रहेको 'तिम्रो यादले रोगी बनायो (पीडा)' को अपार सफलतापछी अस्मिता अधिकारीको स्वरमा फिमेल भर्सन तयार गरिएको सत्यकलाले जनाएकी छिन।
बिक्रम चौहानको कथा निर्देशन, मिलन विश्वकर्माको संपादन, प्रकाश खड्काको छायांकन, संगीता नेपाली र गेलु तामाङ्गको निर्माणमा तयार पारिएको उक्त म्युजिक भिडियोमा सत्यकलाले आफ्नो बेजोड शब्दको साथमा आफ्नो उत्कृष्ट अभिनय प्रस्तुत गरेकी छिन् । अभिनयमा सत्यकलालाई ज्ञानु नेपाली , कृष्टिना केसी ,आराध्य आरएल डिसी र बिनोद चौलागाईले साथ दिएका छन् ।
अत्यन्त मार्मिक शब्द संयोजनमा तयार गरिएको उक्त गीतमा वर्तमान नेपाली समाजको कहानी बताउने कथानक पनि त्यस्तै पीडात्मक बुनिएको देख्न सकिन्छ ।
म्युजिक भिडियो—
