काठमाडौँ, १२ वैशाख । प्रदेश ५ मा कोरोना सङ्क्रमितको सङ्ख्या निरन्तर बढिरहेको छ । तर अर्को खुसीको खबर, कोरोना युद्धलाई जितेर घर फर्किनेको सङ्ख्या पनि बढिरहेको छ । नेपालगञ्जमा २१ जनाले कोरोनो जितेर हर्षोल्लास मनाउँदै घर फर्किएको भोलिपल्ट शनिबार साँझ बुटवलको कोरोना विशेष अस्थायी अस्पतालबाट १० जना सङ्क्रमित निको भएर घर फर्किए । यसअघि पनि यही अस्पतालबाट एकजना युवा निको भएर घर गएका छन् ।
सङ्क्रमित बढिरहेको यो प्रदेशमा मुक्त भएर फर्किनेहरू बढेपछि मुख्यमन्त्री शङ्कर पोखरेलले सामाजिक सञ्जालमा खुसी व्यक्त गर्दै उनीहरूलाई बधाइ दिएका छन् । २७० भन्दा धेरै सङ्क्रमित यो प्रदेशमा कोरोना युद्ध जित्नेको सङ्ख्या ३२ पुगेको छ भने ज्यान गुमाउनेको सङ्ख्या दुई रहेको छ ।
बढ्दै छ मनोबल
बुटवल समाचारदाता छविलाल पाण्डेका अनुसार शुक्रबार रूपन्देहीमा एकैपटक आठजनामा कोरोना सङ्क्रमण भएको समाचारले चिन्तित बनेका जिल्लावासी शनिबार साँझ एकैपटक १० जना कोरोना सङ्क्रमित बिरामी निको भएर घर फर्किएपछि खुसी भएका छन् ।
यो समाचारले मनोबल बढाउन मद्दत पुगेको छ । बुटवल धागो कारखानास्थित बुटवल कोरोना विशेष (अस्थायी) अस्पतालमा उपचारत १० जना कोरोना सङ्क्रमित बिरामी उपचारपछि निको भएर घर फर्किएपछि सबैमा मनोबल बढेको हो ।
कोरोना सङ्क्रमण पुष्टि भएपछि दुई हप्ताअघि कोरोना अस्पतालको एकान्तवासमा भर्ना भएका बिरामी निको भएर शनिबार घर फर्किएका हुन् । निको भएर घर फर्किने सबै कपिलवस्तु जिल्लाका भएको अस्पतालले जनाएको छ । (गोरखापत्रबाट)
काठमाडौँ, १२ जेठ । प्रदेशमा सङ्क्रमितको सङ्ख्या बढ्दै गएपछि कोभिड–१९ को रोकथाम तथा नियन्त्रणका लागि प्रदेश नं. २ को सरकारले प्रदेशको तीन स्थानबाट स्वाब परीक्षण गर्ने तयारी गरिरहेको छ ।
जनकपुर समाचारदाता धर्वेन्द्र झाका अनुसार सङ्घ सरकारले प्रादेशिक अस्पताल जनकपुरधामका लागि पठाएको मेसिन ब्रिगेपछि परीक्षण नै प्रभावित भइ परीक्षणको दायरा फराकिलो पार्न नसकेको प्रदेश सरकारले जनकपुरधाम र राजविराजका लागि दुईवटा पीसीआर मेसिन खरिद गरेर ल्याए पछि परीक्षणको कार्यलाई फराकिलो पार्न लागिएको हो ।
यसअघि वीरगञ्ज स्थित नारायणी उपक्षेत्रीय अस्पतालमा आरटी पीसीआर जडान भई एक स्थानबाट मात्रै स्वाब परीक्षणको काम हुने गरेको थियो । अन्य ठाउँबाट सङ्कलित स्वाब परीक्षणका लागि काठमाडौँ नै पठाउनुपथ्र्यो । प्रदेशको राजधानी जनकपुरधाम र सप्तरीको सदरमुकाम राजबिराबाट परीक्षण सुरु भएमा परिणाम आउन समय नलाग्ने स्वास्थ्य निर्देशनालय प्रदेश नं.२ का निर्देशक हरिसचन्द्र साहले जानकारी दिएका छन् ।
दुवै ठाउँका लागि मेसिन ल्याई जडानको काम समेत सुरु भइसकेको र जडान हुने बित्तिकै दुवै आरटी पीसीआर सञ्चालनमा आउने र परीक्षणको कामले तीव्रता पाउने प्रादेशिक प्रयोगशाला प्रदेश २ का प्रमुख राम विनय साहले जनाकारी गराएका छन् । उक्त मेसिनको क्षमता चार घण्टामा ९६ जनाको परीक्षण गर्ने रहेको जनाइएको छ । (गोरखापत्रबाट)
काठमाडौं, जेठ १२ । कोरोना संक्रमित देखिएपछि उपत्यकाका जोखिमपूर्ण विभिन्न ठाउँहरुलाई सिल गर्ने क्रम बढेको छ । संक्रमित बसेको ठाउँ वा संक्रमण लागेको आशंका गरिएका व्यक्ति बसेका ठाउँलाई सिल गरिएको हो ।उपत्यकाका तीन जिल्लामध्ये भक्तपुरमा सबैभन्दा बढी ५८ वटा घर सिल गरिएको छ । दुवाकोटका चार, शंखधर चोकमा दुई, बेलुखेल ३५ र कमलविनायकस्थित टाउन–प्लानिङका १७ वटा घर सिल गरिएको छ ।ललितपुरमा भने निदान अस्पतालसँगै जोडिएको होमियोप्याथिकका एक जना संक्रमित देखिएपछि यी दुई ठाउँमा सिल गरिएको छ ।काठमाडौंमा शिक्षण अस्पतालसँगै चन्द्रागिरीमा तीन र चुच्चेपाटीमा चारवटा घर सिल गरिएको आजको नागरिक दैनिकमा खवर छ ।
काठमाडौं, जेठ १२ । सांसद विकास कोषलाई यथावत् राखेको सरकारले एकल महिला तथा अशक्त–अपांगता भएका व्यक्तिलाई वर्षौंदेखि दिइँदै आएको सामाजिक सुरक्षा भत्ता कटौती गरेको छ ।
सरकारले ल्याएको सामाजिक सुरक्षासम्बन्धी नयाँ ऐन र नियमावलीमा अशक्त तथा एकल महिलालाई दिइने समाजिक सुरक्षा भत्ता कटौती गरेको हो । तर कोभिड–१९ को महामारीमा पनि सांसद विकास कोष भने खारेज भएको छैन । नयाँ संविधानअनुसार २०७५ असोजमा नयाँ सामाजिक सुरक्षा ऐन बनाउँदै लापरबाही गरी सुरक्षा भत्ता कटौती गरिएको थियो ।
गत ३ चैतमा नियमावली राजपत्रमा प्रकाशित भएपछि मात्र नयाँ ऐनका प्रावधान लागू हुँदा तीन लाख २६ हजार एकल महिला र ८० हजार अपांगता भएका व्यक्ति सामाजिक सुरक्षा भत्ता पाउनबाट वञ्चित भएका छन् । ऐन र नियमावलीले वञ्चित गरेपछि गृहमन्त्रालयले यसलाई निरन्तरता दिने प्रक्रिया सुरु गरेको छ ।
तर त्यो केही समयका लागि मात्रै हुने भएकाले मन्त्रालयले कानुन मन्त्रालयसँग छलफल गरी ऐन नियमावली नै परिवर्तन गर्न लागेको भए पनि त्यसको प्रक्रिया लामो हुने भएकाले अहिले विभिन्न शीर्षकमा सो भत्तालाई कायमै राख्न लागेको आजको नागरिक दैनिकमा खवर छ ।
काठमाडौं, जेठ १२ । उपत्यकामै कोरोना परीक्षण गर्न किट अभाव भएको छ । किट अभावमा भक्तपुर अस्पतालले आइतबारदेखि सर्वसाधारणको कोरोना परीक्षण बन्द गरेको जनाएको छ ।
भक्तपुर अस्पताल व्यवस्थापन समितिका अध्यक्ष मिलन सुवालले दुईतीन दिनदेखि नै अस्पतालमा किट अभाव भएको जानकारी दिए । उनका अनुसार आइतबारदेखि उच्च ज्वरो आई शंका लागेकालाई मात्र परीक्षण गरिएको छ । सामान्य रुपमा कोरोना परीक्षण गर्न आउनेको परीक्षण किट अभावमा बन्द गरिएको उनले जानकारी गराए ।
अस्पताललाई किट जिल्ला जनस्वास्थ्य कार्यालय कटुन्जे भक्तपुरले उपलब्ध गराउने गरेको छ । ट्रपिकल तथा सरुवा रोग अस्पताल टेकुबाट ल्याई जिल्ला जनस्वास्थ्य कार्यालय कटुन्जे भक्तपुरले जिल्लामा किट उपलब्ध गराउँदै आएको छ ।
जिल्ला जनस्वास्थ्य कार्यालय कटुन्जे भक्तपुरका प्रमुख कृष्ण मिजारले आफूहरूसँग पनि किट नभएको जनाए । आफूहरूले किट उपलब्ध गराउने जिम्मा अब स्थानीय तहका नगरपालिकाहरूलाई मात्र भएकाले अस्पताललाई दिनका लागि आफूसँग किट उपलब्ध नभएको उनले जनाएको आजको नागरिक दैनिकमा खवर छ ।
काठमाडौं – भारतीय ह्याकरले नेपाल नागरिक उड्डयन प्राधिकरणको वेबसाइट आइतबार ह्याक गरेको छ ।ह्याकरले ह्याक गरेको केही समयपछि नै प्राधिकरणले पुनः आफ्नो नियन्त्रणमा ल्याएको थियो ।
भारत र नेपालबीचको सीमा विवाद र यसले उत्पन्न गराएका विवादपपछि नेपाली ह्याकर र भारतीय ह्याकरबीच साइबर ह्याक गर्ने प्रतिस्पर्धासँगै भारतीय ह्याकरले प्राधिकरणको साइट ह्याक गरेको हो ।यो समाचार आजको राजधानी दैनिकमा छ ।
इन्डियन साइबर ट्रँपस नामको समूहले बाँकेको वन विभागको वेबसाइटलाई ह्याक गरेको थियो । सो समूहले अरु सरकारी वेबसाइटलाई पनि ह्याक गरिरहन खोजिरहेको छ ।
लायन्स क्लब अन्तर्राष्ट्रिय डिष्ट्रिक्ट ३२५ ए वान नेपालको आठौं महाधिवेशनबाट शनिबार निर्वाचित भएका बायाँबाट क्रमश: डिष्ट्रिक्ट गभर्नर टंक बहादुर श्रेष्ठ, फस्ट भाइस डिष्ट्रिक्ट गभर्नर रेवत बहादुर कार्की र सेकेण्ड भाइस डिस्ट्रिक गभर्नर कर्म गुरुङ्ग । काठमाडौं । लायन्स क्लब अन्तर्राष्ट्रिय डिष्ट्रिक्ट ३२५ ए वान नेपालको आठौं महाधिवेशनले डिष्ट्रिक्ट गभर्नर, फस्ट भाइस डिष्ट्रिक्ट गभर्नर, सेकेण्ड भाइस डिष्ट्रिक्ट गभर्नर चयन गरेको छ । शनिबार जुम क्लाउड मिटिङ (Zoom Cloud Meeting) महाधिवेशनबाट सन् २०२०-२१ का लागि डिष्ट्रिक्ट गभर्नर पदमा लायन टंक बहादुर श्रेष्ठ, फस्ट भाइस डिष्ट्रिक्ट गभर्नरमा लायन रेवत बहादुर कार्की र सेकेण्ड भाइस डिस्ट्रिक गभर्नर पदमा लायन कर्म गुरुङ्ग विजय भएका छन् । विश्वभर फैलिएकाे काेराेना भाइरसका कारण यस वर्ष इलेक्ट्रोनिक मतदान गरिएको पूर्व डिष्ट्रिक्ट गभर्नर लायन अन्नत प्रसाद भेटुवाल ज्यूले जानकारी दिए ।
इलेक्ट्रोनिक मतदानमा २७१ क्लबबाट कूल ५२९ भोट मध्ये ५०३ भाेट खसेको थियो । सो मध्येबाट डिष्ट्रिक्ट गभर्नर पदमा लायन टंक बहादुर श्रेष्ठलाई ४८७ 'एस' भोट प्राप्त भएको छ भने १६ नो' भोट खसेकाे छ । त्यसैगरि फस्ट भाइस डिष्ट्रिक्ट गभर्नरमा लायन रेवत बहादुर कार्कीलाई ४७९ 'एस' भोट, २४ नो भोट खसेकाे छ । त्यसैगरि सेकेण्ड भाइस डिस्ट्रिक गभर्नर दुई उम्मेद्ववार मध्ये लायन कर्म गुरूङले ४२२ (८३.८९ प्रतिशत) मत प्राप्त गरेर विजय भएका छन् । सोही पदका अर्का उम्मेद्ववार दिपेन्द्र शाक्यले ८१ भाेट (१६.१० प्रतिशत) प्राप्त गरे । भरखरै निर्वाचित भएका डिष्ट्रिक्ट गभर्नर लायन टंक बहादुर श्रेष्ठले गाउँ सहरसँग कुरा गर्दै भने- 'पहिलाे कुरा त यस काेराेना भाइरसकाे त्रासकाे विषम परिस्थितिमा पनि भर्चुअल महाधिवेशन सफल गराउनु भएकाेमा म लायन डिस्ट्रिक गभर्नर राजन खत्री र लायन्स मित्रहरूलाई विशेष धन्यबाद दिन चाहन्छु ।
आगामी दिनहरूमा अग्रजहरू तथा लायन्स लिडरहरूकाे सल्लाह र सुझाव लिएर कार्ययाेजना बनाइ सेवामा लाग्नेछु । आज प्राप्त भएकाे मतले मलाई थप जिम्मेवारी काँधमा आएकाे छ । भाेलीका दिनमा लायन्स मित्रहरूले दिएकाे जिम्मेवारी निष्पक्ष ढंगले अगाडि बढ्नेछु । साथै याे काेराेनाकाे महामारीमा यसअघि पनि सेवा प्रदान गरेकै हाे र आगामी दिनमा पनि हामी संस्थाागत व्यक्तिगत रूपमा जसलाई आवश्यकता हाे उनीहरूकाे सेवामा समर्पित हुनेछु । विशेष गरि हामीले शुरू गरेकाे लायन्स फुड बैंक, १० युनिट हजारभन्दा बढि रगत संकलन र कीर्तिपुरमा सञ्चालन गरेकाे स्किन बैंकमा सहयाेग निरन्तरता दिनेछु । सबै लायन लिडरहरूकाे सामुहिक नेतृत्वमा मिलेर काम गर्ने प्रतिवद्धता व्यक्त गर्दछु ।' त्यसैगरि, सेकेण्ड भाइस डिस्ट्रिक गभर्नर पदमा विजयी लायन कर्म गुरुङ्गले सम्पूर्ण लायन्स साथीहरूलाई आठौं महाधिवेशन सफल बनाउन सहयाेग गरि विजय गराउने लायन लिडरप्रति धन्यबाद व्यक्त गर्दै गाउँ सहरसँग कुरा गर्दै भने- ' म सामाजिक सेवामा तल्लीन व्यक्ति भएकाले लायनवादमा लागेकाे हुँ । त्यसैले हामीले आफूभन्दा कम भाग्यशाली व्यक्तिहरूलाई सेवा गर्ने हाे ।
मलाई सेकेण्ड भाइस डिस्ट्रीक गभर्नर पदमा निर्वाचित गराएर थप भारी बाेकाउनु भएकाे छ । म अघि लागेर भारी बाेक्न तयार छु । सामुहिक नेतृत्वमा विश्वास गर्ने भएकाले सम्पूर्ण लायन्स मित्रहरूकाे सहयाेगमा अघिल्लाे वर्ष पनि हाम्राे डिष्ट्रिक्ट विश्वकै उत्कृष्टमा पर्न सफल भएकाे थियाे भने यसपटक पनि हामीले काेराेनाकाे कहरमा झन बढि जिम्मेवारीका साथ काम गर्नुपर्ने बेला आएकाे छ । साेही अनुरूप म र हामी सबै एकै भएर लाग्नेछाै भन्ने विश्वास दिलाउन चाहन्छु ।' वर्तमान डिस्ट्रिक गभर्नर लायन इन्द्र खत्री (राजन) ले निर्वाचित सबैलाई हार्दिक बधाई तथा सफल कार्यकालको हार्दिक शुभकामना दिँदै आगामी दिनमा निर्वाचित सबै लायन लिडरहरूसँग सहकार्य गर्दै सिकेका अनुभव साटासाट गर्ने बताए । त्यसैगरि यो वर्ष डिस्ट्रीक ३२५ ए वान ३३७९ वटा सर्भिस कार्यक्रमबाट ८ लाख भन्दा बढी सुबिधा बन्चित मानिसलाई सेवा पुर्याएर ऐतिहासिक रेकर्ड कायम गरेको कुरा पनि ग्लोबल सर्भिस टिम (जिएसटी) डिस्ट्रिक को-अर्डिनेटर लायन रमेश लामाले डिस्ट्रीक गभर्नर लायन इन्द्र खत्री (राजन) लाई बधाई सहित जानकारी गराएका छन् ।
अमेरिकाको शिकागो शहरमा सन् १९१७ को जुन ७ मा मानवीय सेवाको उदेश्यले लायन्सको गठन भएको थियो । स्थापना भएपछि विश्वका करिब १० करोड भन्दा बढी मानिसहरूलाई लायन्सले भोक, रोक र अशिक्षाबाट मुक्त गर्नका लागि कार्य गर्दै आएको छ । नेपालमा सन् १९७१ मा पूर्वप्रधानमन्त्री मातृकाप्रसाद कोइरालाले विराटनगरमा लायन्स क्लब अफ विराटनगरको स्थापना गरेका थिए । विश्वमा करिब १४ लाख लायन्सका स्वयमसेवक सदस्यहरू कार्यरत छन् भने नेपालमा मल्टिपल डिष्ट्रिक्ट ३२५ अन्तर्गतका चारवटा डिष्ट्रिक्टमा ३४ हजार भन्दा बढी लायन्स सदस्यहरु रहेका छन् । कार्यक्रममा लायन्स क्लबमा रहेका काम गर्नुहुने विभिन्न अग्रज व्यक्तित्वहरुले आ-आफ्ना धारणा राखेका थिए । त्यसैगरि लियोतर्फ लियाे क्लब अफ मकालुका समृन गौतम लियो डिस्ट्रिक्त प्रेसिडेन्ट निर्वाचित भएका छन् भने भाइस प्रेसिडेन्टमा लियाे क्लब विराटनगर माेरङका मुकेश पाैडेल निर्वाचित भएका छन् ।
डडेल्धुरामा कोरोना पोजिटिभ देखिएका व्यक्ति सरकारी कर्मचारी भएको खुलेको छ । शुक्रबार कोरोना सङ्क्रमण पुष्टि भएका उनी डडेल्धुरा सदरमुकामकै कार्यालयमा कार्यरत रहेको खुलेको हो ।
डडेल्धुरा अस्पतालमा स्क्रब टाइफसको उपचार गराउन आएका ती व्यक्तिको स्वाब सङ्कलन गरी परीक्षण गरिएको थियो । परीक्षणपछि उनी स्क्रब टाइफसको औषधि लिएर अस्पतालबाट फर्किएका थिए तर पछि उनको कोरोना पोजेटिभ रिपोर्ट आएको हो ।
सङ्क्रमितसँग सम्पर्क आएका कर्मचारी, सञ्चारकर्मी, होटल सञ्चालक तथा डडेल्धुरा अस्पतालमा कार्यरत स्वाथ्यकर्मी र कर्मचारी गरी १५० जनाको स्वाब परीक्षण गरिएको छ । बीस जनाको आरडिटी गरिएको र चिकित्सकसहित सात जना अन्य आइसोलेसनमा राखिएको स्वास्थ्य कार्यालय डडेल्धुराका प्रमुख आशुतोष श्रेष्ठले जानकारी दिनुभयो ।
जिल्लामा भारतबाट फर्किएका नागरिकलाई सबै स्थानीय तहले क्वारेन्टिनमा राखिरहेको प्रमुख जिल्ला अधिकारी जगन्नाथ पन्तले जानकारी दिनुभयो । डडेल्धुरामा सात स्थानीय तहका ३० हजार सङ्ख्यामा डडेल्धुराबाट भारत गएको तथ्याङ्क छ । बिहीबार २८८ जनालाई क्वारेन्टिनबाट घर पठाइएको छ । शनिबार ६२६ जिल्लाका सात स्थानीय तहको क्वारेन्टिनमा रहेको प्रजिअ पन्तले बताउनुभयो ।
काठमाडौं, जेठ ११ । नेकपाका नेता लिलामणी पोखरेलले अहिलेको संसदले एमसीसी पारित गरे त्यसले पार्टीका ठूलो द्वन्द निम्त्याउने भाँडभैलो सिर्जना गर्ने बताएका छन् । उनले एमसीसी पारित गर्ने कि नगर्ने भन्ने कुरा संसदको विषय भएपनि यथास्थितिमा पारित गर्न नमिल्ने धारणा राखेका छन् ।
नेपाली रेडियो नेटवर्कको नेपाली बहशमा पत्रकार ऋषि धमलासँग कुरागर्दै पोखरेलले एमसीसी इण्डाप्यासिफिक अन्र्तगतको अमेरिकी शैन्य रणनीति भएकाले अहिलेको अवस्थामा नेपालले पारित गराउन नमिल्नेसमेत दावी गरे । उनले नेपाल सरकारको नीति तथा कार्यक्रममा समेत नराखिएको र नीति तथा कार्यक्रमा नआएको विषय संसदबाट पारित हुनै नसक्ने जनाए।
नेता पोखरेलले अहिले कोरोना संक्रमण नियन्त्रण र रोजगारीका विषयहरु ल्याउनुपर्ने समयमा एमसीसीको विषय उठाउन आवस्यक नभएको भन्दै सरकारले नीति तथा कार्यक्रममा ठूलो ओयोजना नराख्ने भन्ने पनि ४ सय केभिको प्रसारण लाइन ल्याउने कुरा कसरी आएको हो, त्यो विचारणनीय भएको बताए।
उनले हिजोको बैठकमा एमसीसीमा भएका विषयहरुको टेक्निकल कुरामा छलफल भएको भएको भन्दै यसको औचित्य र आवस्यकताका विषयमा नेपालका लागि आवस्यक हो कि हैन भन्ने छलफल भएको जानकारी दिदै एमसीसी अहिले नेपालको हितमा नभएको धारणा राखेका छन् ।
यो इण्डोप्यासिफिक मातहत भएको र यसले नेपाललाई इण्डोप्यासिफिक क्षेत्रभित्र राख्न खोजेकोले यो नेपालको हित नभएको पोखरेलको भनाइछ । उनले अमेरिकाले पटक पटक यो शैन्य गठबन्धनसँग सम्बन्धित भएको बताइरहेकाले नेपाल सरकार त्यो संगठनमा कुनै पनि किसिमले सहभागि हुन नसक्ने दावी गरे । उनिहरुको डकुमेन्टहरु हेर्दा पनि यो एमसीसीको परिचालन अमेरिकाको रक्षामन्त्रालयले चलाउने भनिसकेको अवस्थामा नेकपा पारित गराउने पक्षमा जान नहुने उनले बताए ।
केन्द्रीय कमिटीको बैठकमा एमसीसीबारे अध्यायन गर्न तिन सदस्य समिति गठन भएको र त्यो समितिले अहिलेकै अवस्थामा एमसीसी पारित गराउन नसकिने सुझाव दिएकाले नेपालको संविधान विपरित गएर संसदले पारित गर्न नसक्ने पोखरेलको भनाइछ । अन्र्तराष्ट्रिय कानुन अनुसार सर्तहरु राखिनुले पनि यसलाई प्रस्ट पारेको उनले भने,‘ यसलाई मुलुकको हित भन्दा बाहिर गएर पारित गर्न सकिदैन् । अहिलेको अवस्थामा एमसीसी पारित भए त्यसले पार्टीमा द्वन्द सुरु हुन्छ’ ।
जेठ ११, काठमाण्डौ । काठमाण्डौको डिल्लीबजार कारागारमा केदीहरुबीच झडप हुँदा तीन जना घाइते भएका छन् । आज बिहान कारागारभित्र नै झडप भएको हो । घाइते तीन जनालाई उपचारका लागि वीर अस्पताल लगिएको छ ।
