काठमाडौँ - नेपाली सांगीतिक रियालिटी सो ‘लोक दोहोरी स्टार’ सिजन १ को उपाधि गायिका निशा लामाले जितेकी छन्। राजधानीमा भव्य रूपमा सम्पन्न ग्रान्ड फिनाले कार्यक्रममा उनले उत्कृष्ट प्रस्तुति दिंदै नगद १० लाख रुपैयाँसहित उपाधि आफ्नो नाममा सुरक्षित गर्न सफल भइन्।
प्रतियोगितामा कडा प्रतिस्पर्धा गर्दै मानव रावत क्षेत्री दोस्रो स्थानमा सीमित भए भने लीलबहादुर थापा मगर तेस्रो स्थान हासिल गर्न सफल भए। फिनालेमा पुगेका टप ८ फाइनलिस्टहरूले आफ्नो गायन प्रतिभा प्रस्तुत गर्दै दर्शक र निर्णायकहरूको मन जितेका थिए। उनीहरूको प्रस्तुति दर्शकका लागि मनोरञ्जन मात्र नभई सांगीतिक स्तरको उत्कृष्ट झल्को समेत बनेको थियो।
एभेन्टोज नेपाल र एभेन्टोज डिजिटलको संयुक्त आयोजनामा सम्पन्न यस रियालिटी सोले नेपाली लोक दोहोरी संगीतको प्रवर्द्धनमा महत्वपूर्ण योगदान पुर्याएको छ। कार्यक्रमको निर्देशन चर्चित निर्देशक माधवराज खरेलले गरेका थिए, जसले शोलाई व्यवस्थित र आकर्षक ढंगले प्रस्तुत गर्न महत्वपूर्ण भूमिका निर्वाह गरेका छन्।
आयोजक समितिका प्रमुख तथा निर्माता डेविल सिंह राजपुत, यादव बहादुर थापा र परमानन्द चौधरीको नेतृत्वमा कार्यक्रम सफलतापूर्वक सम्पन्न भएको हो। कार्यक्रमको व्यवस्थापनको जिम्मेवारी शैलेश नेपालीले सम्हालेका थिए, जसले सम्पूर्ण व्यवस्थापनलाई प्रभावकारी रूपमा सञ्चालन गरेका थिए।
ग्रान्ड फिनालेमा निर्णायकको भूमिकामा रीता थापामगर, राजु ढकाल, चन्द्र शर्मा र अमृत खाती रहेका थिए। उनीहरूले प्रतियोगीहरूको प्रस्तुति मूल्यांकन गर्दै निष्पक्ष निर्णय दिएका थिए। कार्यक्रमको सञ्चालन रोजिन शाक्य र मुना अर्यालले गरेका थिए, जसले आफ्नो प्रस्तुति शैलीमार्फत कार्यक्रमलाई थप आकर्षक बनाएका थिए।
‘लोक दोहोरी स्टार’ सिजन १ को सफल समापनसँगै नेपाली लोक दोहोरी संगीत क्षेत्रमा नयाँ प्रतिभाहरूको उदय भएको छ। यस प्रतियोगिताले भावी दिनमा अझै धेरै प्रतिभाशाली कलाकारहरूलाई राष्ट्रिय स्तरमा चिनाउने अपेक्षा गरिएको छ।
काठमाडौं - नेपाली लोक तथा आधुनिक संगीत क्षेत्रमा नयाँ स्वाद थप्ने उद्देश्यका साथ प्रसिद्ध गायक कन्हैया सिंह परियार र गायिका 'स्वरमाधुरी' अन्जना गुरुङको स्वरमा रहेको नयाँ गीत ‘मुखिया राजा’ सार्वजनिक गरिएको छ। गीत हालै कन्हैया सिंह परियारको आधिकारिक युट्युब च्यानलमार्फत सार्वजनिक भएसँगै दर्शक तथा श्रोतामाझ सकारात्मक प्रतिक्रिया बटुल्न थालेको छ।
गीतमा भीष्मराज फुलाराको शब्द रचना रहेको छ भने सङ्गीतकार राजेन्द्र बजगाईंले आकर्षक सङ्गीत भरेका छन्। मनोज परियारले गीतको मिक्सिङ गर्दै समग्र प्रस्तुतीलाई थप सशक्त बनाएका छन्। यस गीतमा प्रमोद डिजी, रिस्ता थापा र सृजना देवकोटाको सामूहिक स्वरले गीतलाई अझै जीवन्त बनाएको छ।
भिडियो पक्ष पनि उत्तिकै सशक्त देखिन्छ। सुनिल बिकको निर्देशनमा तयार गरिएको भिडियोमा कलाकार प्रदीप लामा र अपेक्षा सिंहको अभिनय देख्न सकिन्छ, जसले गीतको कथालाई दृश्यात्मक रूपमा प्रभावकारी ढंगले प्रस्तुत गरेका छन्। पवन सुस्लिङको छायांकनले ग्रामीण परिवेश र कथावस्तुलाई सुन्दर तरिकाले कैद गरेको छ भने सुप्रीम पराजुलीको सम्पादनले भिडियोको गति र प्रस्तुतीलाई सन्तुलित बनाएको छ।
गीत निर्माणमा सहयोग पुर्याउने विभिन्न व्यक्तित्व तथा संस्थाहरूप्रति पनि निर्माण टिमले आभार व्यक्त गरेको छ। विशेष रूपमा गीता परियार, अनुप सिंह, लम्ली गुरुङ, टिका गोपाल डिजिटल तथा एम क्रियशनलाई धन्यवाद ज्ञापन गरिएको छ।
‘मुखिया राजा’ गीतले नेपाली समाजको परिवेश, भावना र कथालाई समेट्ने प्रयास गरेको देखिन्छ। संगीत, शब्द र दृश्यको संयोजनले दर्शकलाई मनोरञ्जन मात्र नभई भावनात्मक रूपमा समेत जोड्ने अपेक्षा गरिएको छ।
Over the years, she has collaborated with renowned Nepali singers, including Anju Panta, Swaroop Raj Acharya, Pramod Kharel, Prashna Shakya, Menuka Poudel, Asmita Adhikari, Pushpan Pradhan, Rajesh Payal Rai, Rewati Rai, and Kiran Gajmer. She shares, “Writing gives a unique sense of joy.” Her creations are shared through her YouTube channel, Reema Shrestha's World.
Despite her busy life abroad, Reema has remained deeply connected to Nepali art, culture, language, and traditional identity. For the past six years, she has been serving as an advisor to the Kansas City Nepalese Society, which organizes cultural events like New Year, Teej, Holi, Dashain, and Deusi-Bhailo, along with musical programs featuring Nepalese artists.
Her latest release, “Yaad,” features the soulful voice of Pramod Kharel and lyrics by Reema herself. The music is composed by Rabindra Poudel, while the video showcases performances by Dr. Subhash Acharya, Rabindra Paudyal, and Kritika Basnet. Directed by Sonam Pakhrin, with cinematography by Dinesh Parajuli and editing by Bikash Dahal, the video is now available on multiple digital platforms.
Heartfelt congratulations to Reema Shrestha for her immense contribution to Nepali music. May her creations continue to inspire and leave a lasting impact on society.
काठमाण्डौ- लामो समयदेखि अमेरिकामा बसोबास गर्दै आएकी स्रष्टा गीतकार रिमा श्रेष्ठ ले नेपाली सांगीतिक क्षेत्रमा आफ्नो उल्लेखनीय योगदान दिँदै आएकी छिन्। पेशाले आइटी इन्जिनियर भए पनि लेखन र कलाप्रति उनको लगाव कहिल्यै घटेन। उनले बिछोड, माया–प्रेम तथा समाजमा सकारात्मक ऊर्जा प्रवाह गर्ने विषयवस्तुमा आधारित गीतहरू लेख्दै आएकी छिन्।
व्यस्त जीवनशैलीका बाबजुद पनि रिमा श्रेष्ठले नेपालका थुप्रै चर्चित गायक–गायिकासँग सहकार्य गरिसकेकी छिन्। जसमा अन्जु पन्त, स्वरूपराज आचार्य, प्रमोद खरेल, प्राश्ना शाक्य, मेनुका पौडेल, अस्मिता अधिकारी, पुष्पन प्रधान, राजेश पायल राई, रेवती राई, किरण गजमेर लगायतका कलाकारहरू छन्। रिमा श्रेष्ठ भन्छिन्, “लेखन कार्य गर्दा छुट्टै आनन्द प्राप्त हुन्छ।” उनका सिर्जनाहरू ‘रिमा श्रेष्ठ वर्ल्ड’ नामक युट्युब च्यानलमार्फत सार्वजनिक भइरहेका छन्।
विदेशको व्यस्त जीवन भए पनि उनले नेपाली कला, संस्कृति, भाषा र भेषभूषालाई कहिल्यै त्यागेकी छैनन्। विगत ६ वर्षदेखि Kansas City Nepalese Society मा सल्लाहकारको रूपमा योगदान दिँदै आएकी उनी नेपाली संस्कृतिको जगेर्नामा सक्रिय छिन्। उक्त संस्था नयाँ वर्ष, तीज, होली, दशैं, देउसी–भैलो जस्ता सांस्कृतिक कार्यक्रम आयोजना गर्दै आएको छ। साथै, नेपालका विभिन्न राष्ट्रिय कलाकारहरूको सहभागितामा सांगीतिक कार्यक्रमहरू सञ्चालन गर्दै आएको छ।
हालै मात्र रिमा श्रेष्ठले रचना गरेको गीत “याद” सार्वजनिक भएको छ। यस गीतमा प्रमोद खरेल को स्वर, रविन्द्र पौडेल को संगीत, र म्युजिक भिडियोमा डा. सुभाष आचार्य, रविन्द्र पौडेल, कृतिका बस्नेत को अभिनय देख्न सकिन्छ। भिडियो निर्देशन सोनाम पाख्रिन, छायांकन दिनेश पराजुली, र सम्पादन विकास दाहाल ले गरेका छन्। “याद” गीत विभिन्न डिजिटल प्लेटफर्महरूमा उपलब्ध छ।
गीतकार रिमा श्रेष्ठलाई नेपाली सांगीतिक क्षेत्रमा यति धेरै योगदान पुर्याएकोमा हार्दिक बधाई तथा शुभकामना व्यक्त गर्दै, उनका सिर्जनाहरूले समाजमा अझ गहिरो छाप छोड्न सकोस् भन्ने कामना गरिएको छ।
काठमाडौँ । भियतनाममा सम्पन्न अन्तर्राष्ट्रिय स्तरको प्रतिष्ठित कार्यक्रम “Fashion Show & Kids Idol International 2026” मा नेपालले पुनः एकपटक गौरवपूर्ण सफलता हासिल गरेको छ।
नेपालका प्रतिभाशाली बाल–प्रतिभाहरू आरोही शाहि ग्रान्ड विनर र आरोग्य शर्मा फर्स्ट रनर–अप बन्न सफल भएका छन्। उनीहरू दुवै Kids Star International Nepal का विजेता हुन्, जसले अन्तर्राष्ट्रिय मञ्चमा नेपालको प्रतिनिधित्व गर्दै आफ्नो कला, आत्मविश्वास र सांस्कृतिक पहिचानलाई उत्कृष्ट ढंगले प्रस्तुत गरेका थिए।
यस उपलब्धिमा Fashion Era का एमडी तथा संस्थापक आनन्द सिंहको विशेष योगदान रहेको छ। उहाँको नेतृत्व र दूरदर्शी सोचले नेपाली प्रतिभालाई अन्तर्राष्ट्रिय मञ्चसम्म पुर्याउन महत्वपूर्ण भूमिका खेलेको बताइएको छ। उहाँको निरन्तर प्रयासले नेपालका युवा प्रतिभाहरूलाई विश्वसामु चिनाउने अवसर सिर्जना गरेको छ।
त्यसैगरी, मिसेस श्रीजना शर्माले पनि कार्यक्रममा सहभागिता जनाउँदै नेशनल कस्ट्युम र इभिनिङ गाउन राउन्डमा आकर्षक प्रस्तुति दिनुभएको थियो। उहाँ Kids Star International Nepal 2026 का विजेता आरोग्य शर्माकी आमा हुनुहुन्छ। उहाँले आमाको रूपमा मात्र नभई, स्वयं एक प्रतिनिधिका रूपमा पनि नेपालको गरिमा प्रस्तुत गर्नुभएको थियो।
कार्यक्रममा सहभागी अन्य प्रतिस्पर्धीहरूले समेत सांस्कृतिक पोशाक (Cultural Dress) र इभिनिङ गाउन (Evening Dress) मा आफ्नो देशको कला, पहिचान र सौन्दर्य प्रस्तुत गर्दै कार्यक्रमलाई थप आकर्षक बनाएका थिए।
उक्त कार्यक्रममा नेपालसहित ९ देशहरूको सहभागिता रहेको थियो। सहभागी देशहरूमा नेपाल, इन्डोनेशिया, अष्ट्रेलिया, सिङ्गापुर, किर्गिस्तान, भियतनाम, थाइल्याण्ड, मंगोलिया र कोरिया रहेका थिए।
Fashion Era को आयोजनामा सम्पन्न उक्त कार्यक्रममा विभिन्न देशका प्रतिस्पर्धीहरूबीच नेपालका प्रतिनिधिहरूले उत्कृष्ट प्रदर्शन गर्दै देशको नाम उच्च बनाएका छन्।
यस सफलताले केवल व्यक्तिगत जित मात्र नभई नेपालको प्रतिभा, समर्पण र राष्ट्रिय पहिचानलाई अन्तर्राष्ट्रिय स्तरमा मजबुत रूपमा प्रस्तुत गरेको छ। नेपालका प्रतिभाहरू विश्व मञ्चमा निरन्तर चम्किँदै जाने विश्वास व्यक्त गरिएको छ।
काठमाडौँ – बिन्ध्यवासिनी म्युजिक अवार्डको १६औँ संस्करण आगामी चैत २७ गते राजधानीमा आयोजना हुने भएको छ। बिन्ध्यवासिनी फाउण्डेसनले हालै नयाँ बानेश्वरस्थित इन्द्रेणी सुइट होटलमा बसेको सल्लाहकार तथा कार्यसमितिको संयुक्त बैठकमार्फत यस वर्षका विभिन्न सम्मान तथा पुरस्कार प्राप्त गर्ने व्यक्तित्वहरूको घोषणा गरेको हो।
मुक्तिनाथ विकास बैंकको प्रस्तुतिमा आयोजना हुने ‘रमपम बिन्ध्यवासिनी म्युजिक अवार्ड २०८२’ मा वरिष्ठ संगीतकार शम्भुजीत बास्कोटालाई एक लाख रुपैयाँ नगद र सम्मानपत्रसहित ‘बिन्ध्यवासिनी म्युजिक लाइफटाइम अचिभमेन्ट अवार्ड २०८२’ प्रदान गरिने भएको छ।
त्यसैगरी, गीतकार विजय शिवाकोटीलाई ५० हजार रुपैयाँ नगदसहित ‘बिन्ध्यवासिनी संगीत साधना सम्मान २०८२’ तथा पत्रकार पवन आचार्यलाई २५ हजार रुपैयाँ नगदसहित ‘बिन्ध्यवासिनी कला पत्रकारिता सम्मान २०८२’ प्रदान गरिनेछ।
नेपाली संगीत क्षेत्रका अग्रज गायक स्वर्गीय प्रेमध्वज प्रधानको स्मृतिमा स्थापित ‘प्रेमध्वज संगीत रत्न सम्मान’ यस वर्ष गायिका रचना रिमाललाई २५ हजार रुपैयाँ नगद र सम्मानपत्रसहित प्रदान गरिने भएको छ। यस्तै, लोकगायक झलकमान गन्धर्वको नाममा स्थापित ‘झलकमान लोक–संगीत सम्मान २०८२’ बाट लोकदोहोरी गायक पशुपति शर्मालाई २५ हजार रुपैयाँ नगदसहित सम्मान गरिनेछ।
बिन्ध्यवासिनी फाउण्डेसनकी अध्यक्ष लीना रेग्मीका अनुसार यस वर्षदेखि अवार्डका विधा घटाइएको छ। अब पब्लिक च्वाइस अवार्डसहित कुल ११ विधामा मात्रै पुरस्कार प्रदान गरिनेछ। साथै, प्रत्येक विधाका विजेतालाई ट्रफीसहित ५ हजार रुपैयाँ नगद प्रदान गरिने पनि उनले जानकारी दिइन्।
अवार्ड कार्यक्रम चैत २७ गते राष्ट्रिय नाचघर, जमलमा आयोजना हुने कार्यक्रमका सञ्चालक सुवास रेग्मीले जानकारी दिएका छन्।
काठमाडौं – नेपाली दर्शकवर्गका प्रिय नायक प्रवण भुसाल को अभिनय रहेको नयाँ आधुनिक गीत ‘फुलै फुलको’ आइतबार सार्वजनिक भएको छ। गायिका मेलिना राई र गायक हर्कुलेश बस्नेत को स्वरमा रहेको यो गीत बसन्त सापकोटा युट्युब च्यानल मार्फत रिलिज भएको हो।
गीतको म्यूजिक भिडियोमा नायक प्रवण भुसालसँगै पूजा कार्की ले अभिनय गरेकी छन्। भिडियोमा दुई नव जोडीको रोमान्टिक माया र सम्बन्धलाई सुन्दर ढंगले प्रस्तुत गरिएको छ। गीतको संगीत बसन्त सापकोटा द्वारा तयार गरिएको छ भने र्याप श्रृजना खत्री (‘हाउडे माया’) र बिवेक रनापेहिली ले दिएका छन्। गीतका शब्द सूर्यनारायण पेलिस, एरेन्ज पुष्कर सुनुवार, मिक्सिङ विप्लव अधिकारी, र रेकर्डिङ मेलोडी नेपाल मा गरिएको छ।
म्यूजिक भिडियोको निर्देशन चलचित्र निर्देशक दीपेश सापकोटा ले गरेका छन्। छायांकन निर्बेश बराल, मेकअप विक्रम थापा, र निर्माण उमेश श्रेष्ठ द्वारा गरिएको छ। रिलिज भएसँगै गीतले दर्शकबाट सकारात्मक प्रतिक्रिया प्राप्त गर्न थालेको छ।
विशेषगरी प्रेम र रोमान्सको भावनालाई केन्द्रित गर्दै तयार गरिएको यस गीतले नेपाली आधुनिक संगीत क्षेत्रमा आफ्नो छुट्टै पहिचान बनाउन सक्ने अपेक्षा गरिएको छ।
काठमाण्डौ - चलचित्र ‘टेम्के द डेष्टिनेशन’को शुभमुहूर्त गरिएको छ । धार्मिक विधिअनुसार शुक्रबार भद्रकाली मन्दिरमा विशेष पुजा गर्दै चलचित्रको शुभसाइत गरिएको हो । चलचित्र विकास बोर्डका अध्यक्ष दिनेश डीसीले नरिवल फोडेर क्ल्याप ईन गरे सँगै शुभमुहुर्त सट लिइएको थियो ।
देवप्रसाद धिमालको निर्देशन रहने चलचित्रमा शिव श्रेष्ठ, श्रीदेव भट्टराई, अर्जुन थापा, प्रितिका शर्मा, कृष्णप्रसाद धिताल, रिना गुरुङ, सरु कार्की, गोकुल सुवेदी, सावित्रा चिलवाल, सृजना बुढा, अभिषेक फुयाल, रविना दुलाल, विवेक खड्कालगायतका कलाकारहरुको अभिनय रहने छ ।
निर्माण टिमले चलचित्रको छायाँकन चैत्र दोस्रो साताबाट सुरु हुने जनाएकोे छ । काठमाडौं र भोजपुरका विभिन्न स्थानमा छायाँकन गरिने जनाइको छ । निर्देशक धिमाल स्वयंकै निर्माण रहने चलचित्र आर.डी.एस. नेपालको प्रस्तुतीमा बन्ने छ । चलचिका सह–निर्माता पंकज सरदार हुने भने भोला सुवेदी (प्रणप), राजनजंग थापा र जित शेरचन कार्यकारी निर्माता रहेका छन् । नरेश ऐयरको छायाँकन रहने चलचित्रमा राजु किरातको द्वन्द निर्देशन रहने छ ।
काठमाडौं – पावर ईन्टरनेशनल मिडिया नेपाल (पिम नेपाल) को प्रस्तुतिमा हरेक वर्ष आयोजना हुँदै आएको नेपालको पहिलो समावेशी म्युजिक अवार्ड अन्तर्गत ‘राष्ट्रिय समावेशी म्युजिक अवार्ड (निम अवार्ड)–२०२६’ को आवेदन आव्हान गरिएको छ ।
राष्ट्रिय समावेशी म्युजिक अवार्ड (निम अवार्ड) को यो नवौँ संस्करण हो । सभ्य, भव्य र सुसंस्कृत रूपमा आयोजना हुँदै आइरहेको निम अवार्डको समापन समारोह आगामी २०८३ साल वैशाखको तेस्रो साता काठमाडौंमा आयोजना गरिने कार्यक्रम संयोजक तथा पिम नेपालकी महासचिव कमला जोशीले जानकारी दिनुभएको छ ।
देशका विभिन्न भेगका कलाकारहरूको सहभागिता रहँदै आएको निम अवार्डमा नेपालमा बोलिने विविध भाषाभाषीका गीत–संगीतलाई विशेष प्राथमिकताका साथ समेटिँदै आएको छ । अहिलेसम्मकै बृहत् संख्यामा विभिन्न भाषाका गीतहरूको उत्साहजनक सहभागिता भएकाले यसलाई नेपालकै पहिलो समावेशी अवार्डका रूपमा लिइन्छ ।
नेपालभित्र बोलिने विभिन्न भाषा र भाकाका गीतहरूलाई कार्यक्रममा सहभागी गराउँदै आएको यस अवार्डमा काँठे भाका, देउडा भाका, नेपाल भाषा, तामाङ भाषा, मैथिली, भोजपुरी, राई, लिम्बू, थारू (चौधरी), शेर्पा, मगर, गुरुङ, सतार, सुनुवार लगायतका विभिन्न भाषाका गीत तथा भिडियोहरू सहभागी हुँदै आएका छन्। यस वर्ष पनि ती भाषा तथा भाकाका गीत–संगीतलाई अवार्ड कार्यक्रममा समेटिने आयोजक संस्थाले जनाएको छ ।
अंग्रेजी क्यालेन्डरअनुसार सन् २०२५ जनवरी १ देखि २०२५ डिसेम्बर ३० भित्र सार्वजनिक भएका (एक वर्षभित्रका) गीत तथा म्युजिक भिडियोहरू उक्त अवार्डमा सहभागी हुन योग्य हुनेछन् ।
ईरा प्रोडक्सन प्रा.लि.कोे व्यवस्थापनमा सम्पन्न हुने निम अवार्डका आवेदन फारामहरू आयोजक संस्थाको कार्यालयबाट उपलब्ध हुनेछन् । साथै एभेन्टोज डिजिटलको अनलाइन माध्यमबाट पनि फाराम भर्न सकिने व्यवस्था गरिएको छ ।
online form LINK: https://service.aventoz.com/formBooking/676ce00e2378d1735188494
गीत दर्ताका लागि आवेदनको अन्तिम मिति चैतको दोस्रो सातासम्म तोकिएको आयोजक समितिले जनाएको छ ।
काठमाण्डौं– बालबालिको नेपालकै सबभन्दा ठ्लो डान्स रियाल्टी शो नेशन्स गट ट्यालेन्ट (राष्ट्रको प्रतिभा) सिजन २ मा डोटीकी उदिप्ती रावल विजयी भएकी छन्। उनले विजेता भएवापत नगद १ लाख रुपियाँ प्राप्त गरेकी छन्।
कार्यक्रममा ख्यातिप्राप्त हास्यव्यग्यकार, अभिनेता, गायक, संगीतकार तथा गीतकार मदनकृष्ण श्रेष्ठ र नृत्य निर्देशक वसन्त श्रेष्ठको प्रमूख आतिथ्यता एवं नृत्य निर्देशक कमल राई र नृत्य निर्देशक, फिल्म सप्पादक तथा निर्देशक राजु शाह तथा चलचित्र निर्देशक माधब राज खरेल लगायतका विशिष्ट व्यक्तित्वहरुको सहभागितामा सम्पन्न ग्रयाण्ड फिनालेमा म्याग्दीकी सुप्रिया थापा फष्ट रनर्सअप भईन्। उनले नगद ६० हजार रुपियाँ पुरस्कार पाएकी छन्। त्यसै गरी सोलुखुम्बुकी पाशाङ ल्हामु शेर्पा सेकेण्ड रनर्सअप भएकी छन्। उनले नगद ४० हजार रुपियाँ पुरस्कार प्राप्त गरेकी छन्।
किड्स रियालीटी शोमा कालिकोटकी स्प्रीका शाही थर्ड, भक्तपुरकी जलादि खड्का फोर्थ र महोत्तरीकी श्रृयाना घिशिङ फीप्थ रनर्सअपः भए। उनीहरुलाई जनही १० हजार रुपियाँ पुरस्कार प्रदान गरिएको छ। प्रतियोगितका सबै विजेतालाई भोटिङ पार्टनर एभेनतोज कम्पनीले १० हजार रुपियाँको शैक्षिक पुरस्कारसमेत प्रदान गरेको छ।
प्रत्येक आइतबार साँझ ६ बजे स्पेश फोके टेलिभिजन र साँझ ७ बजे ओएसआर।रियाल्टी युट्युब च्यानलबाट प्रशारण हुँदै आएको रियालीटी शो गत २०८२ बैशाखदेखि शुरु भएको थियो। भाद्रसम्म स्थानियस्तरको अडिशनमा १८ सयजना बाल–बालिकाले भाग लिएको प्रतियोगिताको मेघा अडिशनमा १ सय ८० जना छनौट गरिएको र त्यसपछि क्रमशः टप ८० तथा टप ४० हुँदै ग्राण्ड प्रिमियरमा २३ जना छनौट भएको एएनपी मिडिया हाउसका प्रवन्ध निर्देशक तथा कार्यक्रमका निर्देशक एवं परिकल्पनाकार लबबहादुर कार्कीले जानकारी गराए। कार्कीका अनुसार क्रमशः छनौट हुदै टप फाइनल ६ जनाबीच ग्रयाण्ड फिनाले भएको थियो।
लोमशबहादुर काकी र लबिस कुमार कार्कीको इभेन्ट म्यानेजमेन्ट, शम्भु प्रसाद रेग्मीको संयोजन र प्रनीमा दाहालको कार्यक्रम सञ्चालनमा सम्पन्न कार्यक्रममा ख्यातिप्राप्त अभिनेत्री मिथिला शर्माका साथमा अभिनेत्री तथा निर्मात्री नीता ढुंगाना र छमछमी नृत्य प्रतियोगिताका विजेता सरोज प्रजा निर्णायक रहेका थिए। त्यसै गरी भोटिङ राउण्डमा अभिनेता मदनकृष्ण श्रेष्ठ, अभिनेत्री तथा निर्देशक दीपाश्री निरौला, नृत्य निर्देशकहरु बसन्त श्रेष्ठ, कमल राई, राजु शाह र कबिराज घहतराज अतिथी निर्णायक रहेका थिए।
कार्यक्रमको मुख्य प्रयाजोक वल्र्ड लिंक तथा प्रायोजकहरु नेपाल एयरलायन्स, ल्याबरोटरी स्कुल, मदरल्याण्ड सेकेण्डरी स्कुल, रितम्भरा कलेज तथा स्कुल थिए। कार्यक्रममा फेसियल हाउस मेकअप र फेमिली क्लोथ तथा स्ट्यान्डर टेलर्स क्लोथीङ पार्टनर रहेका थिए। एएनपी। मिडिया हाउसकी प्रशासन प्रमुखः अनीता तामाङले आगामी वर्ष २०८३ बैशाखदेखि नृत्यका साथै गायन रियालीटी शो नेसन्स् गट ट्यालेन्टका लागि स्थानिय स्तरबाट अडिशन गरिने जानकारी गराइन्।
