प्रारम्भ प्रोडक्सनद्वारा होटल पौवा, योगिकुटीमा आयोजित लुम्बिनी प्रदेशब्यापी "लिटिल स्कुल स्टार लुम्बिनी २०२२" को उपाधि नमस्ते एकेडेमीका आर्य मान भारीले जितेका छन् त्यसैगरी लुम्बिनी वल्ड स्कुलका योजन पाठकले भने फस्ट रनर अप उपाधि हात पार्न सफल भए। विजेताले उपाधिसंगै स्यास,ट्फी, विशेष छात्रवृत्ति, स्पोट्स साइकल, हाई लाइफको तर्फबाट गिफ्ट ह्यामपर्स, समृद्धि हेयरको तर्फबाट क्यास कुपन तथा छुट, भिभिड म्यागजिनबाट विशेष फोटोसुट र नेपाललाई प्रतिनिधित्व गर्दै अन्तराष्ट्रिय बाल कार्यक्रममा जाने भएका छन्। प्रि-जुनियर तर्फ दिप बोड्डिंग स्कुलका प्रायुश बज्राचार्यले "लिटिल स्कुल स्टार लुम्बिनीको विजेता हुन सफल भए र छात्रातर्फको उपाधि भने एभरेष्ट बोडिंग स्कुलकी समृद्धि कुंवरले हात पारिन्।

जुनियरतर्फको उपाधि एभरेष्ट बोडिंग स्कुलका केभिन पोख्रेलले जिते भने दिप बोडिंग स्कुलकी जान्या तिवारीले छात्रा तर्फको ताज जित्त सफल भइन्। त्यसैगरी आवर पिस ल्यान्ड एकेडेमीकी रोशनी पाण्डे फस्ट रनर अप र क्यानन सेकेन्डरी स्कुलकी आराध्या अधिकारी सेकेन्ड रनर अप भइन्। "लिटिल स्कुर स्टार लुन्बिनीको" चौथो संस्करणको रुपमा आयोजित उक्त कार्यक्रममा विभिन्न व्यक्तित्व सम्मिलित निर्णायक समितिरहेको थियो। उक्त समितिको सदस्य तथा निर्णायकको भुमिकामा मिस्टर नेपाल वल्ड २०१८ तथा कमरसियल मोडल विकल्प राज श्रेष्ठ, अभ्यानी प्रोडक्सनका संस्थापक तथा "विशेष युवा सम्मान" बाट सम्मानित युवानेता अभिविन्द खनिया, पेडियाट्रिसियन तथा एस्थेटिसियन डा. प्रज्ञा सिंह, फेसन कोरियोग्राफर सुजित बस्याल, युवा उद्दमी तथा फेसन फोटोग्राफर कुबिर जंग जिसी, मिसेस नेपाल इन्टरनेसनल २०१९ स्नेहालता राउत थापा र सौन्दर्य प्रतियोगिता आयोजक अंकित साह रहनुभएको थियो।

२५ दिन सम्म संचालित उक्त कार्यक्रममा छात्र/ छात्राको व्यक्तित्व विकास तथा नेतृत्व विकास, उनिहरुको क्षमता प्रस्फुटन गर्न विभिन्न सिपमुलक सिकाई तथा तालिमहरु दिइएको र बाबुनानीको अन्तिम प्रस्तुतीले आफू निकै हर्षित रहेको कुरा प्रारम्भ प्रोडक्सनका सिइओ पवन आचार्यले बताउनुभयो। यस तालिमको मुख्य कोरियोग्राफर रेशम न्यौपाने, इभेन्ट कोर्डिनेटर विवेक केसी, ट्रेनिंग कोडर्डिनेटर केशव पौडेल, सहयोगी कोरियोग्राफर प्रिया थापा मगर, मेन्टरहरु युकेश मान ज्ञवाली, एलिशा श्रेष्ठ, रोबन पहाडी, संजय राउत रहेका थिए।

आवाश ग्रुपको मुख्य प्रायोजनमा संचालित कार्यक्रममा हाई-लाइफ, भिविड म्यागजिन, संमृद्धि हेयर, ग्लोबल अनलाइन पे को मुख्य प्रायोजन रहेको थियो। त्यसैगरी उपविधातर्फ मिस ट्यालेन्ट ओजस्वी पौडेल, मिस मल्टिमिडिया समृद्धि कुंवर, मिस फोटोजेनिक जान्या तिवारी, वेस्ट ड्रेस स्वस्तिका श्रेष्ठ, मिस इन्टेलेकचुअल तथा वेस्ट वाक आराध्या अधिकारी, वेस्ट पर्सनालिटी तथा भ्युअर्स च्वाइस प्रत्युशा बज्राचार्य र मिस ब्युटिफुल रोश्नी पाण्डेले जितिन्। र छात्र तर्फ मिस्टर ट्यालेन्ट आरभ पौडेल, फोटोजेनिक श्रेयान बज्राचार्य, ड्रेस केबिन पोख्रेल,मल्टिमिडिया समर खत्री, इन्टेलक्चुअल आर्यमान भारी, कन्फिडेन्ट र ऐक्टिभ आदर्श खत्री, वेस्ट वाक तथा हेन्डसम योजन पाठक, पर्सनालिटी रोहन शाही, डिस्सिपिल्नड प्रशन्न श्रेष्ठ र चार्मिंगको उपाधि प्रायुश बज्राचार्यले जिते।

काठमाडौं – गायक आयुष्मान विष्टको पहिलो गीति एल्वम ‘मेरो कलिलो मन’ तथा साङ्गीतिक समारोह सम्पन्न भएको छ । गीतकार संघ नेपालको आयोजनामा गीतकार संघ नेपालका अध्यक्ष शुभ मुकारुङको अध्यक्षतमा आयोजित उक्त कार्यक्रममा अग्रज एवम् प्रतिष्ठित लोक गायक कुमार बस्नेतको प्रमुख आतिथ्यता रहेको थियो भने अग्रज गीतकार विश्व बल्लभ, वरिष्ठ गायिका तारा थापा, सुक्मित गुरुङ, वरिष्ठ सङ्गीतकार राजु सिंह, गायक शशी गुरुङ र लोकप्रिय नायक भुवन के.सीको विशेष आतिथ्यता थियो ।

विमोचित कार्यक्रममा गायक आयुष्मानका हजरवुवा तथा अमर स्रष्टा जगत मर्दन थापाको सम्झनामा उहाँद्वारा स्वरवद्ध र सङ्गीतवद्ध रहेको तथा म।वि।विको शब्द रचना रहेको गीत ‘भन लौ तिमी ‘’सहित एल्वममा रहेका पाँच बटा गीतको प्रत्यक्ष गायनले अतिथि तथा दर्शक, स्रोतालाई थप उत्साहित बनाएको थियो ।

गीतकार संघ नेपालका उपाध्यक्ष बसन्त वित्यासी थापाले स्वागत मन्तव्य राख्नुभएको कार्यक्रममा प्रमुख अतिथि कुमार बस्नेतले मन्तव्यको क्रममा कलिलो उमेरमा नै गीति एल्वम सार्वजनिक गरेकामा गायक आयुष्मान विष्टको प्रशंसा गर्दै आगामी साङ्गीतिक यात्राको सफलताको लागि शुभकामना दिनुभएको थियो । यस्तै बरिष्ठ गायिका तारा थापा, बरिष्ठ सङ्गीतकार राजु सिंह तथा लोकप्रिय नायक भुवन के।सीले शुभकामना मन्तव्य राख्नुभएको थियो ।
गीतकार संघ नेपालका अध्यक्ष शुभ मुकारुङले एल्वमको सफलताको कामनासहित गायक आयुष्मान विष्टको उज्जवल साङ्गीतिक यात्राको लागि बधाई तथा शुभकामना दिनुभएको थियो । आमन्त्रित अतिथिहरूलाई गीतकार मोहित मर्दन थापाले धन्यवाद ज्ञापन गर्नुभएको थियो ।

गीति एल्वम ‘कलिलो मनमा’ प्रभुराज ढकाल, सञ्जिव सिह, मदन सिह, ज्योतिचन्द्र शाह, वसन्त सापकोटा, सुनिल सिह, मनराजा नकर्मीको सङ्गीत रहेको छ भने जगत मर्दन थापा, सञ्जिव सिह, मोहित मर्दन थापा र कुशल कुमारको शब्द छ । विशाल बिष्टको प्रस्तुति तथा पुष्पाञ्जली थापा बिष्टको निर्माण रहेको गीति एल्वम ‘कलिलो मन’को बजार व्यवस्थापन भकारी म्युजिक डेभलपमेन्ट कम्पनी प्रा।लि।ले गरेको छ ।

मनोहर सुनामको सङ्गीत संयोजनमा सम्पन्न प्रत्यक्ष गायन कार्यक्रममा कि वोर्डमा सुनिल सिंह, अक्टो प्याडमा तेजकुमार श्रेष्ठ, बाँसुरीमा गोपालदेव घतानी, लिड गीतारमा ज्योतिचन्द्र शाह, ऋदम लिड गीतारमा अनिष मानन्धर, वेस गीतारमा सन्दीप गुरुङ, गीतार ऋदममा आकांक्षा थापा र साउण्डमा अनुपम शर्माको साथ रहेको थियो । यो भन्दा अगाडी ‘पोख्रेली कान्छी’ बोलको गीतमार्फत चर्चा बटुल्नुभएका आयुष्मानले शुक्रबार उक्त गीत प्रत्यक्ष गाउँदा दर्शक दीर्घाबाट ‘वान्स मोर’ गुञ्जिएको थियो ।

नवगायक आयुष्मान बिष्टको जन्म वि.स. २०६१ साल मंसिर १७ गते आमा पुष्पाञ्जलि थापा बिष्ट तथा वुवा विशाल बिष्टको सुपुत्रको रुपमा भएको थियो । जेम्स स्कुलबाट एस.ई।ई. तथा आइडियल मोडेल स्कुल धोविघाट बाट प्लस टु उत्तीर्ण गर्नुभएका आयुष्मानले आफ्नो मन्तव्यको क्रममा हजुरबुवा जगतमर्दन थापाको आशिर्वादलाई आत्मसात गर्दै आफू निरन्तर रुपमा साङ्गीतिक यात्रामा यात्रारत रहने प्रतिवद्धता व्यक्त गर्नुभयो । जमलस्थित राष्ट्रिय नाचघरमा सम्पन्न भएको समारोहमा गीत सङ्गीतका स्रष्टा तथा सञ्चारकर्मीको बाक्लो उपस्थिति थियो ।

काठमाडौं । कथा इभेन्टको आयोजनमा हुन लागेको मिस टिन हिमालय नेपाल२०२२ को ट्यालेन्ट राउन्ड शनिबार असार १८ गते  राष्ट्रिय  नाच घर , जमल, काठमाण्डौंमा सम्पन्न भएको छ । 

ट्यालेन्ट राउन्डको अध्यक्षता गनिका गुरुङ ज्यूले गर्नु भएको थियो । ट्यालेन्ट राउन्डको प्रमुख निर्णायकमा भने वरिष्ट रयापर निर्णय श्रेष्ठ रहनु भएको थियो भने निर्णायकमा प्रख्यात ब्यूटिसियन सान्ता थापा, अभिनेता तथा मोडलजोर्डन राज भण्डारी, वरिष्ट समाज सेवी सरला पन्ति, प्रख्यात मिडिया कर्मि कमल लम्साल र सङ्गितकार तथा गायक अजे अधिकारी ज्यूहरू रहनु भएको थियो । 

ट्यालेन्ट राउन्ड जम्मा ३७ जनाले भाग लिएको जानकारी  इभेन्ट डाइरेक्टर अनिल बुर्जा मगरले  दिनुभयो । छनौट भएका ३७ प्रतियोगीहरुले  आ-आफ्नो प्रतिभा देखाएका छन् । प्रतिभा देखाउने क्रममा प्रतियोगीहरुले नृत्य, गायन, अभिनय, भाषण, रेखाचित्र, कविता र निबन्ध प्रदर्शन गरेका थिए।

काठमाडौं– कलाकर्मी मिडिया म्यानेज्मेन्टले प्रकाशन गरेको मासिक पत्रिका ‘कलाकर्मी डाइजेष्ट’ को पहिलो अंकको शनिवार काठमाडौंको पुरानो वानेश्वरस्थित लोकल सेकुवा रेष्टुराँमा आयोजित एक समारोहमा विमोचन गरिएको छ । काठमाडौं महानगरपालिकाका उपमेयर सुनिता डंगोल, वरिष्ठ कलाकार हरिहर शर्मा, अभिनेता भुवन केसी, काठमाडौं जिल्ला अदालतका न्यायाधिक विश्वनाथ भट्टराई, काठमाडौं महानगरपालिका वडा नम्बर ३१ का वडाध्यक्ष सरोज ढकाल, चलचित्र कलाकार संघका अध्यक्ष रविन्द्र खड्का, त्रिभुवन अन्तर्राष्ट्रिय विमानस्थलका महाप्रवन्धक प्रेम नाथ ठाकुर, कलाकार निर्मल शर्मा, निर्देशक दीपाश्री निरौला, नागार्जुना एकेडेमीका प्रिन्सिपल सुनिल विक्रम सिजापतिसहितका व्यक्तित्वले उक्त पत्रिकाको पहिलो अंक विमोचन गर्नु भएको हो । कलाकर्मी मिडिया म्यानेज्मेन्टका लागि पत्रकार कृष्ण भट्टराईद्वारा प्रकाशित उक्त पत्रिकाको सम्पादकमा बबिता ढकाल हुनुहुन्छ । ६८ पृष्ठको उक्त पत्रिका हरेक महिना प्रकाशित हुनेछ ।

राजनीति, मनोरञ्ज, स्वास्थ्य, शिक्षा, पर्यटन, खेलकुद, आर्थिक आदि क्षेत्रका विषयवस्तुहरु समेटिएको कलाकमी डाइजेष्ट पत्रिकाको विमोचन गर्दै काठमाडौं महानगरपालिकाका उपमेयर सुनिता डंगोलले छापा माध्यमको गति कम भैरहेको अवस्थामा प्रकाशनमा आएको यो पत्रिकाले समाजलाई नयाँ दिशा दिने धारणा व्यक्त गर्नु भएको । उपमेयर डंगोलले आफूलाई मत दिएर स्थानिय निकायको निर्वाचनमा विजयी गराउनु हुने काठमाडौंवासीलाई धन्यवाद अर्पण गर्दै सम्पूर्ण नगरवासीको सहयोगले काठमाडौंलाई एक वर्ष भित्रै सुन्दर नगरको रुपमा विकसित गर्ने योजना रहेको सुनाउनु भयो । समारोहमा उपमेयर डंगोलसहितका व्यक्तित्वले विभिन्न क्षेत्रमा अतुलनिय योगदान पुर्याउने पाँच जना व्यक्तित्वलाई ‘कलाकर्मी सम्मान९२०७९’ सम्मानित गर्नु भयो ।

त्यसक्रममा वरिष्ठ कलाकार हरिहर शर्मा, शिक्षासेवी उत्तमकुमार सञ्जेल, सामाजिक अभियन्ता ताराबहादुर कुँवर, समाजसेवी तिलबहादुर कार्की तथा गीतकार अम्बिका गुरुङलाई नगद ५ हजार ५ सय ५५ रुपैयाँ नगदसहित ‘कलाकर्मी सम्मान–२०७९’ द्वारा सम्मानित गरिएको हो । सम्मानित व्यक्तित्वको तर्फबाट आफ्नो धारणा व्यक्त गर्दै वरिष्ठ कलाकार हरिहर शर्माले कलाकारले कहिले पनि सम्मानका लागि काम नगर्ने तर यसरी अप्रत्यासित रुपमा सम्मानित हुन पाउँदा सधैं गौरवको महसुस हुने धारणा व्यक्त गर्नु भयो ।

जन्मँदै अपाङ्ग भएर जन्मनु भएका सम्मानित व्यक्तित्व तिलबहादुर कार्कीले निकै दुःख गरेर असाहय तथा टुहुरा बालबालिकाहरुको लालनपालनमा आफ्नो जीवन समर्पण गरेको व्यक्तिलाई एउटा सञ्चार माध्यमले सम्मानित गरिदिएकोमा खुशी व्यक्त गर्दै गोकर्णस्थित आफ्नो अपाङ एकता केन्द्रमा आएर कलाकारहरुले जन्मदिन मनाइदिए आफ्ना बालबालिकाहरुले एक छाक मिठो खान पाउने धारणा व्यक्त गर्नु भयो ।

काठमाडौं महानगरपालिका वडा नम्बर ३१ का वडाध्यक्ष सरोज ढकालले कलाकर्मी डाइजेष्ट पत्रिकाको निरन्तरताको कामना गर्दै पत्रकारितामार्फत काठमाडौं महानगर तथा समग्र देशलाई नै समृद्धितर्फ लैजान शुभकामना व्यक्त गर्नु भयो ।

न्यायाधिश विश्वनाथ भट्टराई, अभिनेता भुवन केसी, कलाकार संघका अध्यक्ष रविन्द्र खड्का, कलाकार संघका उपाध्यक्ष मोहन निरौला, सांस्कृतिक संस्थानका महाप्रवन्धक अशोक प्यासी राई, ईन्टिच्यूट अफ फेसन टेक्नोलोजीका सञ्चालक टेन्जिङ शेर्पा, काठमाडौं महानगरपालिका वडा नम्बर ३२ का सदस्य हीरादेवी पोखरेल, निर्देशक कृष्णदेव रुपाखेतीलगायतका व्यक्तित्वले सम्मानित व्यक्तित्वहरुलाई वधाइ ज्ञापन गर्दै अहिलेको परिस्थितिमा पत्रिकाको प्रकाशन प्रारम्भ भएकोमा ‘कलाकर्मी डाइजेष्ट’ परिवारलाई वधाइ ज्ञापन गर्नु भयो ।

समारोहमा कलाकर्मी डाइजेष्टका प्रकाशक कृष्ण भट्टराईले विषम परिस्थितका बीच पत्रिकाको प्रकाशन प्रारम्भ गरेर पाठकलाई छापामाध्यमतर्फ पुनः आकर्षित गर्ने प्रयास गरेको बताउनु भयो । कलाकर्मी डाइजेष्टकी सम्पादक बबिता ढकालले छापा माध्यमको महत्व कहिले पनि नघट्ने भएकाले यो पत्रिकाका प्रकाशनमा आएको बताउनु भयो ।

काठमाण्डौ- लामो समयदेखि अमेरिकामा बस्दै आएका चलचित्र निर्देशक तथा गीतकार सुमन दाहाल त्यहाँ चलचित्र तथा म्युजिक भिडियो निर्माण निर्देशन, गीत लेखन, लोक दोहोरी कार्यक्रम सञ्चालनमा निकै व्यस्त छन् । यसै क्रममा उनले आफ्नो लेखन तथा निर्देशनमा नयाँ गीत छोराछोरी बिदेशी भूमिमा‘को भिडियो यतिबेला दर्शकमाझ ल्याएका छन् । आफु ५ वर्षदेखि अमेरिकामा बस्दै आएका सुमनले त्यहाँका नेपालीका परिवारको समस्या यो गीतमा लेखेका छन् ।

गीतलाई बाल कलाकार जेनिस उप्रेतीले गाएका हुन् । जसमा सरोज प्याकुरेलको संगीत, मनोहर सुनामको संगीत संयोजन, भोला पौडेलको मिक्सिङ छ । यो गीतको भिडियोलाई उनले सम्राट क्रियसन युट्युव च्यानलबाट रिलिज गरेका छन् । भिडियोलाई अमेरिकाको ल्याक्सिनटन क्षेत्रमा छायाँकन गरिएको छ । गीतबारे निर्देशक तथा गीतकार सुमन दाहालले भने,‘हामी अमेरिका तथा अन्य देशमा बस्नेहरुले पैसा कमाएको मात्र नेपालबाट देख्छन् । तर हामी र हाम्रा सन्तानलाई यहाँ त्यत्तिकै दुःख पनि छ भनेर त्यो पीडालाई गीतमार्फत देखाईएको हो ।’

गीतको भिडियोमा पवन गौतमको छायाँकन, सुरेश राउतको सम्पादन, अक्की शर्मा र विकाश सुवेदीको प्राविधिक सहयोग, उत्सब उप्रेतीको ड्रोन एवम् सुमन दाहालको निर्देशन रहेको छ । भिडियोको सम्पूर्ण छायाँकन अमेरिकामै गरिएको हो । भिडियोमा बाल कलाकार सम्राट दाहाल र समीर दाहालको मुख्य भूमिका छ । उनीहरुलाई त्यहाँ रहेका बालबालिकाहरु सुभेक्षा उप्रेती, प्राश्ना गौतम, मनिष चन्द, सिमिट्री भट्ट, प्रिन्सी कँडेल, दिष्ना कोईराला, दर्शना कोईराला र फ्लोरिशा तिमल्सिनाले साथ दिएका छन् ।

मुलत यो गीतमा छोराछोरी बिदेशमा हुँदा स्वेदशमा रहेको बुबा आमा तथा परिवारको पीडा प्रस्तुत गरिएको छ । यस्तै बिदेशमै रहेकाहरुको नानीबाबु र उनीहरुको बुबा आमाको पीडा तथा कथालाई पनि यो गीत र भिडियोमा प्रस्तुत गरिएको छ ।

काठमाडौं- जेपिजे ईन्टरटेनमेन्ट अनलाईन टि.भि च्यानल, न्युयोर्कको निर्माण तथा प्रस्तुतिमा ‘पाएनी तिमिलाई मैले। बोलको सुन्दर गीतको भिडियो सार्वजनिक भएको छ । यसभन्दा अगाडी पनि अन्जु पन्तको स्वर र देव कुमार चौधरी संगीतवध्द म्युजिक भिडियो पनि यहि टिमले निर्माण गरेको थियो । हालसम्म जेपिजे ईन्टरटेनमेन्ट न्युयोर्कबाट ‘आउँ माया गासौ हामी जुनि भरि’ सुमन थाम्सुहांङ र सम्झना लावुङ्द्वारा अभिनित म्युजिक भिडियो र अन्जु पन्तको स्वर रहेको दोश्रो म्युजिक भिडियो ‘काडा बिच फुल्ने माया’ र तेश्रो म्युजिक भिडियो निर्माणसंगै सार्वजनिक समेत गरिसकेको छ ।

म्युजिक भिडियो निर्माणलाई निरन्तरता दिने उव्देश्यले राम्रा राम्रा गीतको छनौट गरि म्युजिक भिडियो छायांकन कार्यलाई क्रमिक रुपमा अगाडी बढाई रहेको कुरा निर्देशक किशोर सुब्बाले जानकारी गराउनु भयो । पुष्पा लिम्बुको शब्द एवं संगीत, मेलिना राईको स्वर, मनि ताम्लिङको एरेन्ज, मिक्सिङ र रेकर्डिङ, सुवाष लिम्बुको क्यामेरा, ड्रोन र सम्पादन रहेको ‘पाएनी तिमिलाई मैले।’ भिडियो रोहित लामगाधेले निर्देशन गरेका हुन् । पुर्वि नेपालको रमणीय स्थान झापाको बिभिन्न स्थानमा छायांकन गरिएको भिडियोमा चन्दा दाहाल र पुर्ण लिम्बु फिचरिङ छन् ।

जेपिजे ईन्टरटेन्मेन्टबाट अहिले नियमित रुपमा अन्तर्राष्ट्रिय रुपमै चर्चा कमाउन सफल कार्यक्रम ‘हेल्लो अमेरिका’ नियमित निर्माण र प्रशारण भैरहेको छ । जेपिजे ईन्टरटेन्मेन्ट अनलाई टि।भि। च्यानल न्युयोर्कका टिम मेम्बरहरुमा परिकल्पना निर्माण र निर्देशन किशोर सुब्बा, सह निर्देशक टोमा लामा, प्रस्तोता शुमन थाम्सुहांङ्, सिनेमाटोग्राफर सम्राट कार्की, ग्राफिक्स प्रविन ढकाल आदि रहेका छन् ।

काठमाडौं ।  नेपाल क्योकुशिन सेईसिन काईकान कराँते संघको टोलीले भारतका विभिन्न स्थानमा भएका प्रतियोगितामा  १६ स्वर्ण  जितेको छ ।  नेपालको तर्फबाट सहभागी टोली आजै स्वदेश फर्केको छ । भारतको चाल्सा, जल्पाईगुरी, पश्चिम बंगालमा ३ तिन दिनसम्म आयोजित “११औं साउथ एसियन फुलकन्ट्याक्ट कराँते प्रतियोगिता २०२२” मा सहभागी हुन संघका qqअध्यक्ष शिहान अशोक कुमार श्रेष्ठको नेतृत्वमा गएको उक्त टोलीले १६ वटा स्वर्ण, ७ रजत र ८ काश्य सहित नेपाल टिम दोस्रो स्थानमा रहन सफल भएको हो ।

नेपालको तर्फबाट  स्वर्ण पदक बिजेताहरुमा पुरुष खुल्ला तौल समूह(७५के.जि.माथि)मा विनय सिंह , ७० के.जी. समूहमा सन्तोष कुमार लामा, ६५ के.जी. तौल समूहमा बिकास गुरुङ्ग(१८बर्ष माथि), ६५के.जी. तौल समूहमा समुन्द्र भट्ट(१७वर्ष मुनि),  ५५के.जी तौल समूहमा चोप बहादुर बुढाथोकी(१८वर्ष माथि), ५५के.जी तौल समूहमा रक्कि यादव(१३वर्ष मुनि), ५०के.जी. तौल समूहमा भुपेन्द्र वली(१८वर्ष माथि), ५० के.जी. तौल समूहमा रवि किशन यादव(१३वर्ष मुनि), ४०के.जी. तौल समूहमा राजा बाबु दाश(१०वर्ष मुनि), ३५ के.जी. तौल समूहमा दर्शन मानन्धर(१०वर्ष मुनि), ३० के.जी. तौल समूहमा निशान्त श्रेष्ठ (१०वर्ष मुनि) रहेका छन् ।  

त्यसैगरी महिला खुल्ला तौल समूहमा मञ्जु बि.क., ६०के.जी. तौल समूहमा पत्रिका चन्द, ५०के.जी. तौल समूहमा समृद्धि सापकोटा, ४०के.जी. तौल समूहमा आरति श्रेष्ठ, ३०के.जी. तौल समूहमा ओलिभिया पुनले स्वर्ण पदक हासिल गरेका थिए ।

रजत पदक हासिल गर्नेहरुमा पुरुष खुल्ला तौल समूहमा शाहिल बहादुर श्रेष्ठ, ७० के.जी. रवि यादव(१७वर्ष मुनि), ६०के.जी. तौल समूहमा रमेश बि.क.(१८वर्ष माथि), ६०के.जी. तौल समूहमा संदिप पटेल(१७वर्ष मुनि),  ५५ के.जी. तौल समूहमा छविलाल खड्का(१८बर्ष माथि), ४६के.जी. तौल समूहमा अनिश चौधरी (१३वर्ष मुनि) ले रजत पदक हासिल गरेका थिए भने महिला ५०के.जी. तौल समूहमा अनुपा नेपाली रहेका छन ।

त्यसैगरी रजत पदक हासिल गर्नेतर्फ पुरुष खुल्ला तौल समूहमा मनोज थपलिया, ५५ के.जी. तौल समूहमा निखिल राउत, ५०के.जी. तौल समूहमा अस्मित गिरी,४६के.जी.तौल समूहमा रोहण लामा,  ४२के.जी. तौल समूहमा सन्तोष श्रेष्ठ, ४०के.जी. तौल समूहमा प्रशान्त ठाकुर, ३८ के.जी. तौल समूहमा रोशन लामा रहेका छन भने महिला ४६ के.जी. तौल समूहमा संस्कृति सापकोटा  रहेका छन् ।  

          
उक्त साउथ एसियन प्रतियोगितामा नेपालको तर्फबाट क्योकुशिन सेईसिन संघले खेलाडीहरु, कोच, रेफ्रि तथा बिभागिय टिम नेपाली सेना गरी ४५ जनाको टोली सहभागि रहेका थिए । प्रतियोगिताका लागि नेपालको तर्फबाट  टिम मेनेजरमा बरिष्ठ उपाध्यक्ष हेमा मानन्धर, रेफ्रिहरुमा बद्रि थापामगर(नेपाली सेना), अमर तामाङ्ग(नेपाली सेना), सुनिल नगरकोटी(नेपाली सेना) तथा प्रशिक्षक जेन कुमार तामाङ्गले सहभागिता जनाएका थिए । कार्यक्रमको उद्घाटन समारोहमा नेपालका मिस नेवाः नेपाल २०२१ बिजेता कृषा महर्जन तथा मिस नेवाः नेपाल २०२२ बिजेता सलिना महर्जनलाई विशेष अतिथिको रुपमा भव्य स्वागत तथा सम्मान गरिएको थियो भने समापन समारोहमा  मिस बंगाल २०२२ मिस अनिशा सेवाको बिशेष उपस्थिती रहेको थियो । कार्यक्रममा कराँतेका भारतिय बरिष्ठ गुरुहरु हान्शि दिपक भुजेल, हान्शि पण्डित सुरेन्द्र प्रसाद शर्मा, शिहान पंकज कुमार सहनि, शिहान प्रेम चन्द्र सिंहको विशेष उपस्थिति रहेको थियो ।

काठमाडौँ — असार १४, २०७९। 

नवौं संस्करणको ‘मिस्टर एण्ड मिस एसईई आईकन, २०२२' को शीर्ष ताज आयुष थापा र प्राप्तिसिंह राठौरले पहिरिएका छन्। एएनपी मिडिया हाउसद्वारा राजधानीको जमलस्थित राष्ट्रिय नाचघरमा सम्पन्न ‘मिस्टर एण्ड मिस एसईई आईकन'को अन्तिम स्पर्धामा अन्य प्रतिस्पर्धीहरुलाई पछि पार्दै थापा र राठौरले क्रमश: मिस्टर र मिस तर्फको शीर्ष ताज पहिरीएका हुन् । 

बिजेताले उपाधीसंगै एनपी मिडिया हाउसको ब्रान्ड एम्बासडर, सामसुङ्ग स्मार्ट मोवाएल, नेपाल एयरहोस्टेस एकेडेमीमा शैक्षिक छात्रवृत्ती, बिभिन्न म्युजिक भिडियो र विज्ञापनहरुमा मोडलिङको अवसरसहित अन्य बिभिन्न आकर्षक गिफ्ट ह्याम्पर प्राप्त गरेका छन्। 

त्यस्तै आदित्य बोहोरा र अंशिका  बस्नेतले फर्स्ट रनरअपको ताज हात पारे भने अमिश श्रेष्ठ र आश्मा  गुरुङले क्रमशः मिस्टर र मिस तर्फबाट सेकेन्ड रनरअपको ताज पहिरिन सफल भए। सजिल जंग बस्नेत र एल्जु  रिजालले थर्ड रनरअपको उपाधी जित्दा कृषा पौडेलले फोर्थ रनरअपको उपाधी आफ्नो पारिन। त्यसैगरी विधागत तर्फ ग्लोवल अनलाईन पे मार्फत गरिएको अनलाइन भोटिङ्गमा सर्वाधिक भोट प्राप्त गर्दै  आयुषा  बजगाईं र राजीव बिक्रम शाहले मस्ट पपुलरको अवार्ड हात पारे भने निश्मा  तामाङ र आयुष थापा पब्लिक चोईस घोषित भए । 

सुमी बानियाँको कोरियोग्राफी रहेको उक्त प्रतियोगितालाई रोजिन शाक्यले संचालन गरेका थिए। लोमस बहादुर कार्की र लविस कुमार कार्की को ईभेन्ट व्यवस्थापनमा सम्पन्न कार्यक्रमको को अर्डिनेटरमा शम्भुप्रसाद रेग्मी रहेका थिए। प्रतियोगिताको निर्णायकमा गोल्डेन गेट कलेजका संस्थापक प्रिन्सिपल तथा हिसान अध्यक्ष रमेश सिलवाल, एलआरआई स्कूलकी संस्थापक प्रिन्सिपल यशोधरा पन्त, ओमेगा कलेजका संस्थापक प्रिन्सिपल डिबि छेत्री, डा सुशिला मल्ल र समाजसेवी श्रीनेहा पोखरेल रहेका थिए।  

एसइई परीक्षा दिएर बसेका छात्रछात्राहरुको व्यक्तित्व विकास, आत्मविश्वास अभिवृद्धि, अन्तर्निहित क्षमता उजागर , प्रतियोगीको प्रतिभा प्रस्फुटन, उच्च शिक्षा अध्ययनमा सहयोग पुर्याउने तथा नेतृत्वदायी क्षमताको विकास गर्दै उज्ज्वल भविष्य निर्माणमा सहयोग पुर्याउन उद्देश्यले लगातार नवौं संस्करणको ‘मिस्टर एण्ड मिस एसईई आईकन' सम्पन्न गरिएकोआयोजक संस्था एएनपी मिडिया हाउसका अध्यक्ष लव बहादुर कार्कीले जनाए ।

काठमाडौं – नर प्रधान ‘मित्र’द्वारा लिखित पुस्तक ‘दि हिमालयन’ लोकार्पण गरिएको छ । संघीय राजधानी काठमाडौंको नयाँ बानेश्वर स्थित दि एभरेष्ट होटलमा एक विशेष समारोहबीच आइतबार राष्ट्रिय गानका सर्जक व्याकुल माइलाको प्रमुख आतिथ्यतामा पुस्तक ‘दि हिमालयन’ लोकार्पण गरिएको हो ।
जंगवीर गुभाजु श्रेष्ठ प्रतिष्ठानको आयोजनामा भएको लोकार्पण समारोहमा कार्यक्रमका प्रमुख अतिथिसहित सभापति बाबुराम श्रेष्ठ ‘बर्षा’, लेखककी आमा पदममाया प्रधान, इन्ट्रा फाउण्डेशनका अध्यक्ष डिल्ली अधिकारी, बरिष्ठ साहित्यकार डा. दामोदर पुडासैनी, पद्मकन्या क्याम्पसकी उपप्राध्यापक अनुपमा रेग्मी लगायतले पुस्कको लोकार्पण गर्नुभएको थियो ।
यो पुस्तकको अंग्रेजी संस्करण अमेरिकामा यसअघि नै विमोचन भइसकेको छ भने नेपाली संस्करण आइतबार लोकार्पण गरिएको हो । पुस्तकको नेपाली अनुवाद जितेन्द्र श्रेष्ठले गर्नुभएको छ । पुस्तकका लखेक नर प्रधान भुटानी मूलका अमेरिकन नागरिक हुनुहुन्छ ।
जितेन्द्र श्रेष्ठले स्वागत मन्तव्य राख्नु भएको कार्यत्रममा इन्ट्रा नेशनल वेयलफेयर एण्ड सर्पोट फाउण्डेशन अफ अमेरिकाका अध्यक्ष डिल्लीराम अधिकारी, वरिष्ठ साहित्यकार डा. दामोदर पुडासैनी, अनुपमा रेग्मी, प्रमुख अतिथि व्याकुल माइलाले आ–आफ्ना भनाइ राख्दै पुस्तकमाथि प्रकाश पार्नुभएको थियो । उहाँहरूले पुस्तकमा आफ्नो देश, आफ्नो गाउँ समाज र सम्पूर्ण श्रीसम्पती छोडेर अन्धकार भविश्यको पछि लाग्नुको पिँडालाई स्रष्टा प्रधानले कृतिमा समावेस गर्नुभएको बताउनुभयो ।
पुस्तकमा शिविरका दुःख, दैनिकी र अमेरिकामा गरेको संघर्षलाई बढो कलात्मक ढंगबाट स्रष्टा प्रधानले पाठकमाझ पस्किएको मन्तव्यका क्रममा अतिथिहरूले राख्नुभएको थियो । उहाँहरूले स्रष्टा प्रधानलाई नेपालीमा कृति अनुवाद गरेर नेपाली पाठकमाझ ल्याएकोमा बधाई तथा शुभकामना पनि दिनुभएको थियो ।
पुस्तकमा लेखक प्रधानले ‘बुबासँगको बाल्यकाल’, ‘बुबाबिनाको जीवन’, ‘बालबालिकाको काम (एक नागरिकदेखि शरणार्थीसम्म)’, ‘एउटा शिविरबाट अर्को शिविरको यात्रा’, ‘दोस्रो दर्जाका मानिसहरू, ‘अमेरिका प्रस्थान’, ‘क्लिभ ल्याण्ड मेरो नयाँ गाउँ’, ‘गोप्य प्रेम कथा’, ‘व्यापारको अनुभव’, ‘अरुलाई सहायता गर्ने मेरो इच्छा’ र ‘मेरो जीवनीबाट सिक्न सकिने पाठहरू’ जस्ता ११ शीर्षकमा विभिन्न घटनाक्रमलाई कथानक रुपमा प्रस्तुत गर्नुभएको छ ।
स्रष्टा प्रधानले आफ्नो पुस्तक शरणर्थी जीवनको बारेमा अध्ययन अनुसन्धान गर्न एक राम्रो सन्दर्भ सामाग्रीको रुपमा सुरक्षित हुने विश्वास व्यक्त गर्नुभयो । उहाँले भन्नुभयो, ‘हामी भुटानमा जन्मिए पनि हाम्रो रगतमा नेपाली पन छ, हाम्रो भाषा, संस्कृति, संस्कार, परम्परा नेपाली हो । हाल अमेरिकी नागरिक भएपनि आमाको विशेष चाहाना भएकोले पुस्तकलाई नेपाली भाषामा अनुबाद गरि पाठकमाझ ल्याएको छु, यो पुस्तकमा भुटानदेखि अमेरिकासम्मको यात्राका विभिन्न सन्दर्भ प्रस्तुत गरेको छु ।’ कोरोना संक्रमणको समयमा क्यारेन्टाइनको समयलाई सदुपयोग गरेर अंग्रेजी भाषामा पुस्तक तयार भएको र अमेजनमार्फत राम्रो बिक्री भइरहेको पनि उहाँले सुनाउनुभयो ।
सञ्चारकर्मी नरेश भट्टराईले सहजिकरण गरेको समारोहमा साहित्यिक व्यक्तित्वहरू, गीत संगीतका स्रष्टाहरू, चलचित्रकर्मी, समाजका विभिन्न व्यक्तित्वहरू र सञ्चारकर्मीको बाक्लो उपस्थिति रहेको थियो । कार्यक्रमको संयोजकमा रोशन श्रेष्ठ र दीपेन श्रेष्ठ रहनुभएको थियो । 

काठमाडौं – नेपाल चलचित्र कलाकार संघको आयोजना आषाढ १२ गते आईतबार नेपाली चलचित्र क्षेत्रकों समस्या र चलचित्रकर्मीहरूको अबस्था बिषयक अन्तरक्रिया सम्पन्न भयो । संघका अध्यक्ष रबिन्द्र खडकाको अध्यक्षतामा सम्पन्न उक्त कार्यक्रममा बिकाश बोर्डका सदस्य सचिब टंक महतले बिकाश बोर्डले समग्र चलचित्र उद्योग र चलचित्रकर्मीहरूको उत्थान का लागि प्रयाशरत रहेको बताउदै छिट्टै प्रभाबकारी चलचित्र नीति ल्याउने बारे कार्य गरिरहेको बताउनु भयो ।

कार्यक्रममा चलचित्रकर्मी मोहन निरौला र संचारकर्मी शान्तिप्रियले तयार गर्नु भएको अबधारणा पत्र मोहन निरौलाले बाचन गर्नु भएको थियो । अबधारणा पत्रमा अधिबक्ता कृष्ण ढुंगाना,संचारकर्मी कृष्ण भट्टराई,संगीतकार सन्तोष श्रेष्ठ र संचारकर्मी डब्बु क्षेत्रीले टिप्पणी गर्नु भएको थियो । चलचित्र बिकाश बोर्डका पुर्ब अध्यक्ष दयाराम दाहालले बोर्डले महामारीको मारमा परेका चलचित्रकर्मीहरूलाई थोरै भए पनि राहत दिएको थियो र आफ्नो कार्यकालमा चलचित्रकर्मीहरूको उत्थान र प्रोत्साहनका लागि स्टोरी बैकको अबधारणा कार्यान्वयनमा ल्याएको बताउनु भयो ।

अभिनेता गोपाल ढकालले सहजीकरण गर्नु भएको कार्यक्रममा अभिनेता कृष्ण मल्ल, भुवन केसी, लय संग्रौला, निर्माता संघका अध्यक्ष आकाश अधिकारी, निर्देशक समाजका माहासचिब जनकदीप पराजुली,चलचित्र संघका पुर्ब अध्यक्ष प्रदिप उदय लगायतका बक्ताहरूले चलचित्र कलाकार संघले चलचित्र कलाकार र उद्योगका प्रबर्दधनका लागि आबाज उठाउदै आएको स्मरण गर्दै अबिलम्ब चलचित्र नीति निर्माण भएको भएको भए कार्यान्वयनमा ल्याउनु पर्ने नभभए निर्माण गरिनु पर्नेमा जोड दिए ।बक्ताहरूले बिदेशी चलचित्रको प्रदर्शनमा मापदण्ड बनाई नेपाली चलचित्र प्रदर्शनलाई बिशेष प्रथमिकता दिनु पर्ने मा जोड दिए ।