काठमाण्डौ- परदेशमा गएका छोराछोरीले आमाबाबु र देशलाई नभुलुन भन्ने सन्देश सहितको “सबै कुरा भुल तिमी आमाबुवा कहीले नभुल”बोलको गीतको भिडियो सार्वजनिक भएको छ । निर्माता निर्देशक तथा लोकप्रिय अभिनेता निर्मल शर्माको निर्देशनमा बनेको उक्त भिडियोमा वरिष्ठ अभिनेता चीज कुमार श्रेष्ठको बेजोड अभिनय देख्न सकिन्छ भने सहनिर्देशन रजनी के.सि.को रहेको छ ।

गायक जे बि बिष्टको सुमधुर स्वरले सुसज्जित मर्मस्पर्शी सन्देशमुलक गीतमा स्वयमा गायक विष्टकै शब्द संगीतमा रहेको छ भने संगीत संयोजन किरण कडेँलको रहेको छ । काठमाण्डौको पर्यटकिय धार्मिक स्थल सांखुमा रहेको निकै नै रमणीय ठाउँ पालुबारिको ‘पालुबारि होम स्टे’लगायतका ठाउँहरुमा छाँयाकन भएको उकत भिडियोलाई निकै नै अनुभवी वरिष्ठ सिनेम्याटोग्राफर राजु के.सि.ले खिचेका हुन ।

समाजसेवी शंकर दुलालको विशेष सहयोगमा बनेको भिडियोमा सम्पादन गौतम राज खडका, मेकअप मुना नेपाली राई र फिल्ड सपोर्टमा सुमन कुमार श्रेष्ठ र कपिल कार्की रहेका छन । भिडियोलाई निर्माता निर्देशक अभिनेता निर्मल शर्माको अफिसियल युट्युब च्यानल मार्फत सार्वजनिक गरिएको छ ।

काठमाडौँ — आश्विन ५, २०७८। 

एआर ईन्टरटेनमेन्टको प्रस्तुती तथा राईजिङ कृयसनसंगको सहकार्यमा पि प्रोडक्सनलेआयोजना गरेको ‘मिस्टर एण्ड मिस टिन ग्ल्याम नेपाल २०२१’ मा काठमाडौंका सुमन तामाङ र निर्जला रजक विजयी भएका छन।  विजेताले ‘मिस्टर एण्ड मिस टिन ग्ल्याम नेपाल २०२१’ को उपाधि, म्युजिक भिडियो कन्ट्र्याक्टसहित अन्य विभिन्न आकर्षक पुरस्कारहरु प्राप्त गरेका छन। 

गायक कमल खत्रीको प्रमुख आतिथ्यतामा सम्पन्न प्रतियोगितामा प्रमुख निर्णायक मिस नेपाल ईन्टरनेसनल वर्षा लेखी सहित अभिबिन्द खनिया, रोहित मल्ल र गोमा तिवारी निर्णायक रहेका थिए। 

निशा पाठकले संचालन गरेको उक्त प्रतियोगितामा विधागत तर्फको अवार्ड हातपार्नेमा मिस्टर भिवर्स चोईस र मिस्टर फोटोजेनिक सप्रस्वत कोईराला, मिस भिवर्स चोईस, मिस फोटोजेनिक र मिस ट्यालेन्ट आयुस्का महर्जन, मिस्टर पिपुल्स चोईस र मिस्टर ट्यालेन्ट मनदोज लामा, मिस पिपुल्स चोईस, मिस मल्टिमिडिया बिनु थापा, हेन्सम विथ पर्पस र बेस्ट वाक राजु साह, मिस्टर मल्टिमिडिया र बेस्ट ड्रेस सुमन तामाङ, मिस एथ्लेट निकिता चौहान, बेस्ट ड्रेस पल्लवी क्षेत्री, मिस क्याटवाक पुजा शर्मा, मिस डिसिपिलिन रितु थापा, मिस्टर कन्जिनियालिटी आयुष खत्री, मिस कन्जिनियालिटी गंगा राई रहेको आयोजक संस्थाका सिईओ सगर मगरले जनाए।

प्रतियोगितात्मक कार्यक्रमले युवायुवतीको व्यक्तित्व विकास तथा आत्मविश्वास अभिवृद्धि गराउनुका साथै नेतृत्वदायी क्षमताको विकास गराउने मिडियाका अध्यक्ष प्रशान्त साहले बताए ।  

करिब २५ दिनको प्रशिक्षण अविधिमा आन्तरिक प्रशिक्षणको क्रममा अफिसियल कोरियोग्राफर आर्शु महर्जनले व्यक्तित्व विकास साथै ‘स्टेज पर्फमेन्स’का तयारी कक्षाहरु गराएको कायक्रमका हेड अफ अपरेसन सौरभ चौधरीले जनाए। 

काठमाडौँ — आश्विन ४, २०७८। 

पि प्रोडक्सनले एआर ईन्टरटेन्मेन्टको प्रस्तुतीमा सञ्चालन गरेको ‘मिस्टर एण्ड मिस प्यासेफिक २०२१’ मा सिराहका राजु साह र रामेछापकी निकिता चौहान विजयी भएका छन।  विजेताले ‘मिस्टर एण्ड मिस प्यासेफिक २०२१’ को उपाधि, म्युजिक भिडियो कन्ट्र्याक्टसहित अन्य विभिन्न आकर्षक पुरस्कारहरु प्राप्त गरेका छन। 

‘मिस्टर प्यासेफिक २०२१’ का विजेता साहले विधागत तर्फको हेन्सम विथ पर्पस र बेस्ट वाकको उपाधीसमेत आफ्नो हातमा पारे त्यसैगरी ‘मिस प्यासेफिक २०२१’ की विजेता चौहानले विधागत तर्फको मिस एथ्लेटको उपाधी हात परिन। 

यस्तै ‘मिस्टर एण्ड मिस प्यासेफिक २०२१’ को एम्वासडरमा काभ्रेका मनदोज लामा र काँडाघारीकी बिनु थापा चयन भएका छन।

गायक कमल खत्रीको प्रमुख आतिथ्यतामा सम्पन्न प्रतियोगितामा प्रमुख निर्णायक मिस नेपाल ईन्टरनेसनल वर्षा लेखी सहित अभिबिन्द खनिया, रोहित मल्ल र गोमा तिवारी निर्णायक रहेका थिए। 

निशा पाठकले संचालन गरेको उक्त प्रतियोगितामा विधागत तर्फको अवार्ड हातपार्नेमा मिस्टर भिवर्स चोईस र मिस्टर फोटोजेनिक सप्रस्वत कोईराला, मिस भिवर्स चोईस, मिस फोटोजेनिक र मिस ट्यालेन्ट आयुस्का महर्जन, मिस्टर पिपुल्स चोईस र मिस्टर ट्यालेन्ट मनदोज लामा, मिस पिपुल्स चोईस, मिस मल्टिमिडिया बिनु थापा, मिस्टर मल्टिमिडिया र बेस्ट ड्रेस सुमन तामाङ र पल्लवी क्षेत्री, मिस क्याटवाक पुजा शर्मा, मिस डिसिपिलिन रितु थापा, मिस्टर कन्जिनियालिटी आयुष खत्री, मिस कन्जिनियालिटी गंगा राई रहे।

प्रतियोगितात्मक कार्यक्रमले युवायुवतीको व्यक्तित्व विकास तथा आत्मविश्वास अभिवृद्धि गराउनुका साथै नेतृत्वदायी क्षमताको विकास गराउने मिडियाका अध्यक्ष प्रशान्त साहले बताए ।  

करिब २५ दिनको प्रशिक्षण अविधिमा आन्तरिक प्रशिक्षणको क्रममा अफिसियल कोरियोग्राफर आर्शु महर्जनले व्यक्तित्व विकास साथै ‘स्टेज पर्फमेन्स’का तयारी कक्षाहरु गराएका थिए। 

काठमाडौँ — आश्विन ४, २०७८। 

धेरै समयको अन्तराल पछि गायक संजय लामाको सांगीतिक कोशेलि ‘ज्यान मैच्याङ’ म्युजिक भिडियो सहित सार्वजनिक भएको छ । गायक संजय लामा र गायिका रोस्ना लुङबाको सुमधुर स्वर रहेको गीत जिग्मे मिडियाको अफिसियल युट्युव च्यानलबाट सार्वजनिक भएको हो ।

सिन्धुपाल्चोक जिल्लाको पाँचपोखरि थाङपाल गाउँ पालिका वडा नम्बर – ५ थाङपाल गुन्सामा जन्मेका युवा गायक केही समयको अन्तराल भएपनि पुन: सांगितिक यात्रालाई निरन्तरता दिने गरि बजारमा नयाँ गीत सहित पुनरागमन गरेको बताउछन ।

नेपाली कांग्रेस सिन्धुपाल्चोकका पुर्व जिल्ला कोषाध्यक्ष देबेन्द्र खत्रिको प्रमुख आतिथ्यता तथा सिन्धुपाल्चोक पाँच पोखरि थाङपाल गाउँ पालिकाका नेपाली कांग्रेस पालिका सभापति सुर्य बहादुर अधिकारि र बरिष्ठ गायक प्रेम लोप्चन सहित अन्य विशिष्ठ व्याक्तित्वहरुको आतिथ्यतामा राजधानीमा पत्रकार सम्मेलन गरि उक्त गितको म्युजिक भिडियो सार्वजनिक गरिएको थियो। कार्यक्रममा कलाकार , समाजसेवी एवम पत्रकारहरुको बाग्लो उपस्थिति रहेको थियो ।

गीतको शब्द संगीत विश्व दोङले गरेका हुन भने भिडियो निर्देशन भिमफेदी ग्रुपका मिथुन बिजि र बिसन लामाले गरेका छ। त्रिलोक लामाको भिडियोको छायांकन तथा सुर्य लामाको भिडियोको सम्पादन रहेको उक्त म्युजिक भिडियोमा कलाकारहरुमा मिथु बिजि , बिसन लामा , रेहान लामा, पेम्फा लामा , सुनिल घतानि, आशिस सेवा, सरोज लामा, याङ्गि दोङ , मन्जु श्रेष्ठ , अनुसा लामा र दीक्षा लामालाई देख्न सकिन्छ ।

भिडियो —

काठमाडौं -- गैर आवासीय नेपाली संघ एनआरएनको आगामी १० औं महाधिवेशनको सन्दर्भमा भएको धाँधलीको संस्थापन पक्षले सुनुवाई नगर्दा वाध्य भएर परराष्ट्र मन्त्रालय पुग्नु परेको निवेदनकर्ताहरुले बताएका छन । आइसीसीले गरेका विभिन्न १९ वटा कमजोरी तत्काल सुधार्न परराष्ट्र मन्त्रालयबाट तत्काल आवश्यक कदम चाल्न निवेदनकर्ताहरुले मागसमेत गरेका छन । काठमाडौंमा आईतबार आयोजित पत्रकार सम्मेलनमा एनआरएनमा आबद्ध ६४ देशको आवद्धता र प्रतिनिधि छान्ने विषयमा गम्भीर समस्या भएको उनीहरुले बताए ।

परराष्ट्र मन्त्रालयमा निवेदन दिएका एनआरएनए अमेरिकाका सल्लाहकार बेदप्रसाद खरेल, मानार्थ सदस्य नवराज ओली (शनि ओली–कतार) र आइसीसी पूर्व सचिव जानकी गुरुङले पत्रकार सम्मेलन गरी समयमै चुनाव हुनुपर्नेमा जोड दिए । निवेदकहरुले विधानविपरित सार्वजनिक गरिएको नामावली नसच्चिएसम्म आगामी अक्टोबर २३–२५ का लागि तोकिएको महाधिवेशन सम्बन्धि काम कारबाही रोक्न गैरआवासीय नेपाली संघको अन्तर्राष्ट्रिय समन्वय परिषद र सचिवालयको नाममा निर्देशन जारी गर्न परराष्ट्रसमक्ष मागसमेत गरेका छन ।

एनआरएनले प्रारम्भ गरेको निर्वाचन प्रक्रिया पूर्णरूपमा धाँधलीपूर्ण तथा संघको विधान, प्रचलित मान्यता, न्यायिक सिद्धान्त विपरित भएको बताए । एनआरएन केन्द्रले विधान विपरित भएका कामका विषयमा पटक पटक जानकारी गराउँदा पनि सुनुवाई नभएकाले परराष्ट्र मन्त्रालयसम्म पुग्नु परेको उनीहरुले स्पष्ट पारेका हुन । आफूहरु परराष्ट्र मन्त्रालयमा निवेदन दिँदा राजनीति गरेको आरोप लगाएर विषयलाई मोड्न खोजिएको उनि हरुले बताए । उनीहरुले संघको मनोमानी तोड्नकै लागी आफुहरु पररास्ट्र पुगेको बताए । संघको केन्द्रीय सचिवालयले गरेका काम, निर्णय संघको विधान विपरित भएको उनीहरुले पत्रकार सम्मेलनमा बताए । ‘संघको भविष्य, यसमा आबद्ध सम्पूर्ण एनसिसीहरुको भविष्य र विश्वभरि रहेका गैर आवासीय नेपालीहरूको हक अधिकारका लागि हामी परराष्ट्र मन्त्रालयमा धाँधलीको प्रमाणसहित उजुरी दर्ता गराएका छौं’ तीनजनाले जारी गरेको विज्ञप्तिमा उल्लेख छ ।

गैर आवासीय नेपाली संघ आइसीसीका महासचिव हेमराज शर्मा तथा सचिव गौरीराज जोशीले सञ्चालन गरेको सचिवालयले संघको विधान आफूखुसी व्याख्या गर्ने, आफ्नो अनुकूल नरहेका एनसीसीलाई बिनाकारण दुःख दिने, विभिन्न देशबाट छानिएर आउने प्रतिनिधिमा दोहोरो तेहेरो मापदण्ड अपनाउने काम गरेको उनीहरुले बताए । ‘विश्वभरि छरिएका नेपालीहरूको हकहित र अधिकारको संरक्षणका लागि हामी बाध्य भएर उजुरीको तहसम्म पुग्नु परेको हो’, जारी विज्ञप्तिमा भनिएको छ, ‘गत जुनमा महासचिव शर्माले एनसीसीहरुको चुनाव नहुँदै पुरानै एनसीसीहरुलाई अगष्ट १५ भित्र ६५ प्रतिशत प्रतिनिधि चयन गरी पठाउन पत्र लेखे । जसअनुसार अधिकांश पूर्व एनसिसीहरुले विधान विपरित एकलौटी रुपमा प्रतिनिधिहरुको नामावली पठाएको खुलासा भएको छ ।’ विभिन्न देशका एनसीसीहरुले विधानसम्मत रुपमा चयन गरी पठाएको डेलिगेट्सहरुको नामावली महासचिव शर्मा र सचिव जोशीले आफूखुसी हेरफेर गरी निर्वाचनलाई प्रभावित पार्ने उद्देश्य राखेको पत्रकार सम्मेलनमा महिला उपाध्यक्षकी प्रत्यासी जानकी गुरुङले बताइन ।

विभिन्न एनसिसीहरुले पटकपटक उजुरी गर्दा पनि अध्यक्ष कुमार पन्त तथा केन्द्रीय सचिवालयमा रहेका पदाधिकारीहरूले कुनै सुनुवाइ नगरेको विज्ञप्तिमा उल्लेख छ । संघले अहिलेसम्म ती उजुरीबारे आधिकारिक रुपमा सल्लाह, परामर्श नगरी एकलौटी रूपमा निर्वाचन प्रकिया अघि बढाउन थालेको निवेदकहरुको टिप्पणी छ । ‘गलत भयो भन्नेहरूको आवाज दबाउने र पेलेर लैजाने काम भएकोले हामीले वाध्य भएर मन्त्रालयमा उजुरी दिएका हौँ’ विज्ञप्तिमा भनिएको छ ।

गतसाता परराष्ट्र मन्त्रालयले एनसिसीहरुको निर्वाचनमा प्रविधिको दुरुपयोग गरिएको, एनसीसीहरुको अधिवेशनका लागि तोकिएको मितिभन्दा पछि पनि अधिवेशन गरिएको, तोकिएको मितिभन्दा पछि पनि महाधिवेशन प्रतिनिधि चयन गरिएको, उम्मेदवार भएका व्यक्तिहरु नै निर्वाचन प्रक्रियामा सहभागी भएकोले निर्वाचनको निष्पक्षतामा प्रश्न उठेको, निर्वाचन आचारसंहिता पालना तथा लागू नगरिएको, महाधिवेशन प्रतिनिधिहरुको विवरण संघको वेबसाइटमा प्रकाशित नगरिएको लगायतका विषयमा पाँच दिनको समय दिएर एनआरएनए आइसीसीसँग स्पष्टीकरण माग गरेको थियो । परराष्ट्रले सोधेको स्पष्टीकरणका बारेमा गम्भीर भएर जवाफ दिनुका साथै समस्या समाधान गर्नुको सट्टा केन्द्रीय समितीले झारा टार्ने र संघमा परेका उजुरी समाधान गर्न तत्परता नदेखाएको बताएका छन् ।

गैर आवासीय नेपाली संघ २०६० सालमा परराष्ट्र मन्त्रालयमा विधिवतरुपमा दर्ता भई नेपाल तथा विदेशमा समेत आफना गतिविधिहरु संचालन गरिरहेको गैर आवासीय नेपालीहरुको साझा संस्था हो । मन्त्रालयमा दर्ता भएकाले संघको विधान तथा निर्णयहरुमा एकरुपता नभई विवाद भएकाले कानुन बमोजिम एकरुपता कायम गरी विवाद समाधान गर्ने एकमात्र निकाय परराष्ट्र भएकाले निवेदन दिन वाध्य भएको निवेदनकर्ताहरुले जनाएका छन । पत्रकार सम्मेलनमा संघको बर्तमान नेतृत्वले हालको मनोमानी तोडेर तुरुन्त डेलिगेट्स सच्याएर अगाडी बढनुपर्ने बताए ।

काठमाडौं –गैरआवासीय नेपाली संघ (एनआरएनए) का सल्लाहकार तथा आसन्न दशौं महाधिवेशनमा अध्यक्षका उम्मेदवार कुल आचार्यले संघको आसन्न महाधिवेशनका लागि गरिएको प्रतिनिधि चयनमा संस्थापन पक्षले जबरजस्ती गरेपछि केही सदस्यहरु न्याय माग्दै परराष्ट्र मन्त्रालय पुगेको स्पष्ट पारेका छन् । उनले पटक–पटक आइसीसीमा उजुरी गर्दासमेत सुनुवाइ नभएपछि परराष्ट्र मन्त्रालय जानु उनीहरुको बाध्यता भएको पनि बताए ।
बिहीबार साँझ पत्रकारहरुसँग भएको भर्चुअल अनौपचारिक छलफलमा अध्यक्षका उम्मेदवार आचार्यले संघको आइसीसीका पदाधिकारीले तोकिएको म्याद भन्दा पछि छुट्टै नियमावली बनाएर बिधानकै उल्लंघन गरेको दाबी गरे । ‘साथीहरु रहरले नभई बाध्यताले परराष्ट्र मन्त्रालयमा गएका हुन् ।

पटक पटक आइसीसीमा उजुरी गर्दा र निवेदन दर्ता गर्दासमेत कुनै सुनुवाइ नभएपछि उनीहरु बाध्य भएर अनियमितता विरुद्ध मन्त्रालयमा गएका हुन । उनीहरु न्यायका लागि गएका हुन्, यसलाई अन्यथा मान्नु हुँदैन’ उनले भने । संघका सल्लाहकारसमेत रहेका आचार्यले केही पदाधिकारीले संस्थालाई आफ्नो स्वार्थसिद्धि गर्न लागेको आरोप लगाए । सहमतिमा तयार पारिएको विधानलाई अपव्याख्या गर्दै आफूँखुसी नियमावली बनाउने र समयसीमाको समेत वास्ता नगर्ने काम केही पदाधिकारीले गरेको उनको भनाइ थियो ।
विवादित एनसीसीहरुका बारेमा केही नबोल्ने र जहाँ विधिसम्मत निर्वाचन भएका छन्, तीनै एनसीसीलाई विवादित एनसीसीका रुपमा चित्रण गर्ने काम भएको उनले दाबी गरे । आइसीसीकै अधिकांश पदाधिकारी र सदस्यहरु आइसीसीको निर्णय र निर्देशनका बारेमा बेखबर रहेको उनले बताए । सचिवालयमा सल्लाह हुँदैन, पदाधिकारीमा छलफल हुँदैन, कसले कसरी र किन यसो गरिरहेको छ ?’ उनले प्रश्न गरे । गैर आवासीय नेपाली संघ परराष्ट्र मन्त्रालयमा दर्ता भएको संस्था रहेको स्मरण गर्दै आचार्यले संघले परराष्ट्र मन्त्रालयसँग मिलेर नै काम गर्नुपर्ने बताए । ‘संघको उद्देश्य प्राप्तिका लागि पनि मन्त्रालयसँग समन्वय गरेर काम गर्नुपर्छ, उनले भने, सरकार कुन पार्टीको हुन्छ भन्ने कुरा गौण हो ।
आचार्यले संघमा राजनीति गर्नुहुन्न भन्नेहरुले नै संघमा राजनीतिक हस्तक्षेप निम्त्याएको बताए । हामी हाम्रो पक्षमा निर्णय होस् भन्ने चाहना राख्दैनौं, संस्थाको पक्षमा निर्णय होस् भन्ने चाहन्छौं, संस्थालाई मर्यादा भित्र राख्न मात्रै खोजेका हौं, उनले स्पष्ट पारे । जालझेल गरेर प्रतिनिधि हेरफेर गर्ने काम भएको बताउँदै आचार्यले विधानको अपव्याख्या गर्ने अधिकार कुनै पनि पदाधिकारीलाई नभएको बताए । सोही अन्तरक्रियामा एनसीसी अमेरिकाका पूर्व अध्यक्ष एवम् आसन्न महाधिवेशनमा महासचिवका उम्मेदवार डा.केशव पौडेलले नेतृत्वले विवादित ठाउँलाई बेवास्ता गर्ने र नियमसँगत अधिवेशन भएका देशका प्रतिनिधिहरुलाई मान्यता नदिने काम गरेपछि विवाद उत्पन्न भएको बताए ।
परराष्ट्र मन्त्रालयमा निवदेन दिँदा राजनीतिक हस्तक्षेप भयो भन्नुमा कुनै तुक छैन, पौडेलले भने, जसरी विशेष महाधिवेशन जबरजस्तीमा गरिएको थियो, अहिले पनि जबरजस्तीमै महाधिवेशन गर्न खोजिँदै छ, जुन स्वीकार्य छैन, पौडेलले भने । पौडेलले निर्वाचनलाई निष्पक्ष बनाउन प्रयास गरिएको बताउँदै निष्पक्ष निर्वाचन हुन नदिन भ्रम सिर्जना गर्ने काम भइरहेको पनि दाबी गरे ।

काठमाडौं - चलचित्र तथा म्युजिक भिडियो निर्देशक सुमन दाहाल सम्मानित भएका छन् । स्थानीय संस्थाहरु इनास क्यान्टकी, एन्का र नास्क केन्टकीको सहकार्यमा उनलाई एनआरएनए क्यान्टकी च्याप्टरले सम्मान गरेको हो । एनआरएनले क्यान्टकीका अध्यक्ष केशवराज लोहनीको अध्यक्षतामा सम्पन्न सो कार्यक्रममा चलचित्र निर्देशक सुमन दाहाललाई बिदेशमा बसेर पनि नेपाली चलचित्र तथा म्युजिक भिडियोको माध्यमबाट नेपाली गीत संगीत, कला संस्कृतिको संरक्षण एवम् प्रवर्धनमा योगदान पुर्याएको र विभिन्न सांस्कृतिक कार्यक्रमको आयोगना गर्दै आएको ठहर गर्दै सो सम्मानबाट सम्मानित गरिएको हो । उनी बिगत ५ वर्ष देखि क्यान्टकीको ल्याक्सिङटनमा रहेर म्युजिक भिडियो निर्देशन तथा विभिन्न सांस्कृतिक गतिविधिमा निकै सक्रिय रहँदै आएका छन् । 
यस्तै एनआरएनए क्यान्टकी स्थापना गरेर पहिलो र दोश्रो कार्यक्रममा महत्वपूर्ण योगदान पुर्याएका ठहर सहित एनआरएनए क्यान्टकीका पूर्व अध्यक्ष दिलु पराजुली सहित एनआरएनए क्यान्टकीका अग्रज व्यक्तित्व पुरुषोत्तम बोहरा, शशी अधिकारीलाई कार्यक्रममा एनआरएनए मुभमेन्ट सम्मानबाट सम्मानित गरियो । यस्तै नृत्यमा निकै प्रतिभाशाली बाल कलाकार बारुणी पान्डेलाई प्रोत्साहन सम्मान, युवा स्वयम्सेवकहरु सौरभ खड्का, सफल डुम्रे, सार्थक रिजाललाई युथ स्पोर्ट अवार्ड प्रदान गरियो ।
यस्तै निशान बुढाथोकी, विशेष पौडेल तथा ०१८ देखि २०२१सम्म हाईस्कुल ग्राजुएट गर्ने ५० जना नेपाली विधार्थीहरुलाई प्रोत्साहन पुरस्कार पत्र प्रदान गरियो । 
एनआरएनए केन्टकी च्याप्टरका अध्यक्ष केशब राज लोहनीको अध्यक्षतामा सम्पन्न सो कार्यक्रमको प्रमुख अतिथिमा एनआरएनए आईसीसी अमेरिका क्षेत्रका आरसी राजन त्रिपाठी, अतिथिहरु एनआरएनए आईसीसी मेम्बर पुरुषोत्तम बोहरा, एनआरएनए एसीसी उपाध्यक्ष दिलु पराजुली, एन्काका अध्यक्ष थिरलाल अर्याल, नेपाल अमेरिका सोसाईटी अफ केन्टकीका अध्यक्ष राजन भुजेल, इनास केन्टकीका अध्यक्ष अर्जुन थापालगायत विभिन्न संस्थाका सल्लाहकार तथा पदाधिकारीहरु थिए । 
एनआरएनए केन्टकी च्याप्टरका उपाध्यक्ष डमरु पौडेल र सचिब अर्जुन किशोर न्यौपानेले सञ्चालन गरेको सो सम्मान कार्यक्रममा कलाकार बारुणी पान्डेले प्रस्तुत गरेको नृत्य र गायक गायक बिष्णु डुम्रेको गायन निकै आकर्षक थियो ।

काठमाडौं- नेपाल महिला चेम्बरकी सल्लाहकार निलम ताम्राकार बागमती प्रदेश नीति तथा योजना आयोगको सदस्य नियुक्त भएकी छिन् । ताम्राकारलाई बागमती प्रदेश सरकारले उक्त जिम्मेवारी सुम्पिएको हो । बागमती प्रदेश सरकारले आयोगको उपाध्यक्षमा सिन्धुपाल्चोक मेलम्ची–६ का डा. जगत बहादुर बस्नेत र सदस्यहरुमा काठमाण्डौ–४ वालुवाटारकी निलम ताम्राकार सहित रामेछाप भीरपानी–६ का ज्ञानु कुमार श्रेष्ठ र नुवाकोट विदुर–१० का रामशरण प्याकुरेललाई नियुक्त गरेको हो । आयोगका नवनियुक्त उपाध्यक्ष एवम् सदस्यहरुलाई बागमती प्रदेशकी मुख्यमन्त्री अष्टलक्ष्मी शाक्यले सपथग्रहण गराएकी छिन् ।

कार्यक्रमलाई संबोधन गर्दै मुख्यमन्त्री शाक्यले आयोगको कामलाई द्रुतगतिमा अगाडी बढाउनका लागि आफुहरुले आयोगलाई पूर्णता दिएको बताईन् । पदाधिकारी नहुँदा आयोगका कामहरुलाई अगाडी बढाउनका लागि समस्या भएकाले यसलाई पूर्णता दिएको बताउदै उनले शुशासनमा प्रदेशलाई अगाडी वढाउने उल्लेख गरिन । कार्यक्रममा प्रदेशका मुख्यन्यायधिवक्ता ओम प्रकास थपलीया मुख्यमन्त्री कार्यालयका कर्मचारीहरु लगायतकाको सहभागिता रहेको थियो ।

ताम्राकारको नियुक्ती पस्चात नेपाल महिला चेम्बरकी अध्यक्ष उर्मिला श्रेष्ठले राज्य दैनिकसँग कुरा गर्दै उनको नियुक्ती प्रति खुशी व्यक्त गर्दै बधाई सहित सफल कार्यकालको शुभकामना व्यक्त गरेकी छिन् । ’नेपाल महिला चेम्बरको सल्लाहाकार निलम ताम्राकार ज्यु बागमती प्रदेशकाे नीति तथा याेजना आयोगको सदस्य जस्ताे गरिमामय पदमा मनाेनयन हुनु भएकाेमा खुशी लागेको छ, उहाँलाई हार्दिक बधाई तथा सफल कार्यकालको शुभकामना व्यक्त गर्न चाहान्छु र महिला उद्यमशिलता विकासमा नीतिगत र अन्य व्यवस्थाको लागि उहाँले आफ्नो स्थानबाट सक्दो योगदान दिनु हुनेछ भन्ने विश्वास लिएको छु, उहाँको अनुभव र विज्ञता प्रति विश्वस्त छु, फेरि पनि निलम म्यामलाई शुभकामना भन्न चाहन्छु’ उनले भनिन् ।

काठमाडौं – चलचित्र निर्देशक माधव राज खरेलले आफ्नो नयाँ चलचित्र चिठ्ठी को विषेश भुमिकामा नायक श्रीदेव भट्टराइलाई अनुबन्धीत गरेका छन् । यस अघि कमेडियन कलाकार नायक संजित भण्डारी , गोपाल ढकाल ‘छन्दे’, खड्गबहादुर पुनमगर ‘खबपु’, कंचन चालिसे, लगायतका कलाकारहरु अनुबन्धित गरिसकेका निर्देशक खरेलले विषेश भुमिकामा  भट्टराईलाई अनुबन्धीत गरेका हुन् ।
पिम नेपालको प्रस्तुति रहने चलचित्रका लागि वरिष्ठ चलचित्रकर्मी मोहन निरौला, नवराज थापा, मुस्कान लामा, नम्रता खरेल पौडेल समेत कलाकारको रुपमा छानिएकोे निर्माण कम्पनीले जनाएको छ । कमेडी जनारामा निर्माण हुन लागेको फिल्मको कथा सस्पेन्स र थ्रीलर रहने निर्देशक खरेलले वताए ।

चलचित्रको छायाँकन बैशाखको पहिलो सााताबाटै गर्ने भनिए पनि कोरोनाका कारण केही पछि धकेल्लिएको निर्देशक खरेलले बताए । चाँडै छायाँकन सुरु गरिने चलचित्रमा कलाकारहरु छनौट प्रकृया पनि लगभग अन्तिम चरणमा पुगेको निर्देशक खरेलले बताएका छन् । शान्तिप्रिय काष्टिङ निर्देशक रहेको फिल्ममा जिवन पराजुलीे छायाँकन, किरण दाहालको द्धन्द्ध रहनेछ । कमला जोशी निर्माता रहने फिल्ममा सह–निर्माताको रुपमा राजन थापाको उपस्थिती रहने छ ।

चलचित्रको छायाँकन काभ्रे  र काठमाण्डौका विभिन्न रमणीय स्थलहरुमा  गरिदै छ । 

काठमाण्डौ - हरेक गीतहरुमा  प्रेमिप्रमिकालाई सम्झेर गीतहरु लेखिन्छन् । आमाप्रति समपर्ण गरेर गीतहरु लेखिन्छन् तर बुवाप्रति समर्पण गरेर गीत बजारमा लिएर आएको पाइदैन ।बुवाको बारेमा गीत बजारमा आइहाले पनि   त्यति चासो दिएर सुनेको पाइदैन । तर,लोकप्रिय गीतकार लोकराज अधिकारीले बुवाको सम्झनामा ‘भन्नुहुन्थ्यो बा’ले’ गीतको म्युजिक भिडियो सार्वजनिक गरेका छन् । केहि दिन अघि सार्वजनिक गरिएको यो गीतमा बाबुले छोराको खुसीका लागि के–केसम्म गरेका हुन्छन् भाव देखाउन खोजिएको छ ।

सोमबार अनामनगरमा यो गीतको भिडियो हेर्न कार्यक्रम राखिएको थियो । गीतको भिडियो हेर्दै दिवंगत् बुवा सम्झिएर भावुक बनेका गीतकार अधिकारीले भने,‘आमाको बारेमा गीत लेखेको थिए । तर, बुवाकाका बारेमा गीत लेख्न पाएको थिइन् । मेरो बुवाले यो गीत देखाउने धोको थियो तर,उहाँले मलाई छोडेर जानुभएको सात, आठ वर्ष भइसक्यो । यसमा म निकै दुखी छु ।’ यसगीतमा अभिनेता आकाश अधिकारीले बुवाको भुमिका निभाएका छन् । कार्यक्रममा उपस्थित भएका अभिनेता आकाश अधिकारी यो गीतको भिडियो हेर्दा आफ्ना बुवालाई सम्झिएर निकै भावुक बने । भिडियो हेर्दा उनका आखामा आँसु टिलपिल भएको थियो । गीतको बारेमा बोल्दै गर्दा भकानिएका अभिनेता अधिकारीले बुवाले बाल्यकालमा माया गरेको हिडेको ,बोलेको र आफु पढाईसिल सिलामा राजधानी फर्किदा मुग्लिङसम्मको यात्रा सम्झिए ।

आफु पढाईका सिलसिलामा मुम्बई हिडेको र बुवा आमा पुर्व जानेक्रममा मुग्लिङसम्मको यात्रा सम्झिदै अभिनेता अधिकारीले भने,‘त्यो नै मेरो र पिताजीको अन्तिम भेट रहेछ । त्यसपछि मैले कहिलै बुवाको मुख देख्न पाइन । म मेरो बुवाको र मेरो नजिकको मित्र श्रीकृष्ण श्रेष्ठको बारेमा बोल्दा निकै भावुक हुन्छु ।’

आफु सामाजिक विषय बस्तुमा आधारित फिल्म निर्माण गर्न रुचाउने भएका कारण यस्ता भावका गीतहरुमा अभिनय गर्न उत्सुक हुने बताए । उनले यस्ता विषयवस्तु कहिलै पुराना नहुने समेत दाबी गरे । अभिनेता अधिकारीले बुवालाई माया सम्मान गर्नुछ भने जिउँदो अवस्थामा नै गर्न सबैलाई आग्रह गरे ।

यो गीतमा राजेन्द्र बुढाथोकीको स्वर तथा अर्जुन पोखरेलको संगीत रहेकोे उक्त गीत र भिडियो गायक बुढाथोकीको आफ्नै युटुव च्यानलमार्फत सार्वजनिक गरिएको छ । गीतकार लोकराज अधिकारीले यो गीत रचना गर्दा निकै पटक भावुक बनेको सुनाए । गीतको भिडियोमा अभिनेता आकाशका अलवा संगम भण्डारी,जेल्सन अधिकारी,सुमन बैरागी पण्डित,ज्योती प्रकाश,दियान गौतम लगायतको अभिनय रहेको छ । भिडियोमा निर्देशक प्रकाश धिताल सम्पादन बिकाश दाहालको छ भने उत्सव दाहालले खिचेका छन् ।