काठमाडौँ — फाल्गुन १६, २०७७।
ग्लोबल अनलाईन पे ‘बेस्ट भोटिङ कम्पनी अफ द ईयर २०२०' बाट सम्मानित भएको छ । ड्रीम सर्च एजेन्सीद्वारा आयोजित फेशन फेयर अवार्डमा उत्कृष्ट भोटिङ सर्भिस प्रदायक बन्दै बेस्ट भोटिङ कम्पनी अफ द ईयर २०२० बाट ग्लोबल अनलाईन पे सम्मानित भएको हो ।
नेपालभर संचालित विभिन्न रियालिटि शो, ब्युटी पेजेन्ट, अवार्ड शो लगायतका उत्कृ्ष्ट ईभेन्टहरुमा भोटिङ सर्भिस प्रदायकको रुपमा सर्वोत्कृष्ट भोटिङ सर्भिस प्रदायक कम्पनीको रुपमा आफुलाई स्थापित गर्न सफल भएकाले ग्लोबल अनलाईन पे का प्रमुख डेविल सिंह राजपुतलाई उक्त पुरस्कार प्रदान गरिएको ड्रीम सर्च एजेन्सीका कार्यकारी प्रमुख कमल निकोन क्षेत्रीले जनाएका छन।
उक्त अवसरमा राजपुतले संचालनमा आएको छोटो समयमा नै प्रतिष्ठित पुरस्कार प्राप्त गर्नु ग्लोबल अनलाईन पेका लागि गौरवको विषय भएको र यसबाट ग्लोबल अनलाईन पेलाई भोटिङ सर्भिसको बृहत्तर हितमा काम गर्न अझै प्रेरणा मिलेको बताएका छन् । सो अवसरमा उनले ग्लोबल अनलाईन पे देशकै पहिलो राष्ट्रिय तथा अन्तराष्ट्रिय स्तरबाट डिजिटल अनलाईन भोटिङ सर्भिस प्रदायक भएकाले नेपालमा आधुनिक डिजिटल अनलाईन भोटिङ प्रणालीका निम्ति कम्पनीले ठूलो योगदान गरेको दाबी समेत गरे ।
काठमाडौँ — फाल्गुन १६, २०७७।
सौन्दर्य प्रतियोगिता मिस तामाङ २०२१ को ट्यालेन्ट शो सम्पन्न भएको छ । शुक्रबार काठमाडौंस्थित हिमालयन रिमठिम क्याफेमा सबै सहभागीले नृत्य, अभिनय, कविता, गायन र भाषण कला प्रस्तुत गरेका हुन् ।
एभरेष्ट फेसन होमद्वारा आयोजित १३ औं संस्करणको मिस तामाङ प्रतियोगितामा काठमाडौंकी शिष्मा लामा, काभ्रेकी प्रतिभा तामाङ, सफलता तामाङ, संगीता लामा, सुजाता तामाङ, रिमा लामा, सिता दोङ, दिपाशा लामा दोङ र प्रतिभा लामा सहभागी भएका छन् ।
यसै गरी रामेछापकी ज्योति लामा, नुवाकोटकी सुनिता तामाङ, सिन्धुलीकी गंगामाया रुम्बा र पासाङ ब्लोन, दोलखाकी अनिता तामाङ, धादिङकी आनन्दी तामाङ, रसुवाकी सविना गोले, भक्तपुर नगरकोटकी सफिला थिङ, धरानकी विनीता तामाङले सहभागिता जनाएकी छन् ।
अडिसनबाट छनौट भएकालाई तालिम दिइरहेको होमकी अध्यक्ष रञ्जिता ब्लोन तामाङले जानकारी दिइन् । तालिम अवधिमा तामाङ भाषा, व्यक्तित्व विकास, तामाङ जातिको इतिहास, श्रृंगार, ऐतिहासिक ठाउँको भ्रमण, फोटो सुट, सामाजिक कार्य अनुभव, आत्मविश्वास, सवाल जवाफ, क्याटवाकलगायतमा जानकारी दिइरहेको उनले बताइन् ।
‘आफ्नो सुन्दरतासँगै आफू जन्मेको भूमि, कला र संस्कृतिलाई जगेर्ना गर्नु हाम्रो कर्तव्य हो, अध्यक्ष तामाङले भनिन् ।’
ट्यालेन्ट शो को निर्णायक मण्डलमा निर्देशक एवं नायक अमिर दोङ, २०१७ की मिस तामाङ फस्ट रनर अप एवं मोडल नवाङ मोक्तान, म्हेन्दोमाया गायक एवं नायक राजकिङ वाइबा, मोडल अनिता गोले र २०१८ की फष्ट रनर अप रञ्जिता गोले रहेका छन् ।
तामाङ भाषा, धर्म, कला, संस्कृति, भेषभुषा, रीतिरिवाज र रहनसहनलाई युवामाझ पुर्याउने उद्देश्यले विगत २००९ देखि यो प्रतियोगिता गर्दै आइरहेको छ । अहिलेसम्म जेनिशा मोक्तान, उपाली ग्याबाक, समी बज्यु, रोजिना घिसिङ, सुमि मोक्तान, लाक्पा तामाङ, मुनाश्री तामाङ, लक्ष्मी मोक्तान तामाङ, उर्मिला लामा योञ्जन र पिंकी घिसिङ, सिम्रन स्याङ्बोले मिस तामाङको उपाधि जितेका छन् ।
प्रतियोगिताको फिनाले होटर्ल र्याडिसनमा हुनेछ ।
मिस तामाङ विजेताले नगद १ लाख रुपैयाँ, सिल्भर क्राउन र गिफ्ट ह्याम्पर पाउनेछ । यस्तै फस्ट रनर अफले ५० हजार रुपैयाँ, सिल्भर क्राउन र गिफ्ट ह्याम्पर र सेकेन्ड रनर अफले नगद ३० हजार रुपैयाँ, सिल्भर क्राउन र गिफ्ट ह्याम्पर पाउनेछ ।
प्रतियोगितामा सहभागी १० जनालाई विभिन्न सबटाइटल पुरस्कार प्रदान गरिनेछ ।
काठमाडौ । नेकपा (ओली समूहको) राष्ट्रिय युवा सङ्घ नेपालको काठमाडौँमा सम्पन्न केन्द्रीय कमिटीको प्रथम पूर्ण बैठक बाट केन्द्रीय सदस्यमा रामनारायण श्रेष्ठ(आर्यन) केन्द्रीय सदस्यमा चयन भएका छन् । श्रेष्ठ लाई युवासंघले केन्द्रीय सदस्यमा चयन गरेको हो । चयन भएका केन्द्रीय सदस्यहरूलाई युवा सङ्घले शपथ खुवाएको छ ।
राष्ट्रिय युवा संघ नेपालको नुवाकोटका नेता राम नारायण श्रेष्ठ प्रधानमन्त्री केपी ओलीको समर्थनमा स्वस्पुर्तका साथ बाइक र्यालीमा जुलुस नेतृत्व गदै भब्य रूपमा सहभागी गराउदै आएको थिए। श्रेष्ठ यसअघि केन्द्रीय लेखा आयोगका सद्स्य समेत थिए।
काठमाडौ । नेकपा (ओली समूहको) राष्ट्रिय युवा सङ्घ नेपालको काठमाडौँमा सम्पन्न केन्द्रीय कमिटीको प्रथम पूर्ण बैठक बाट केन्द्रीय सदस्यमा रामनारायण श्रेष्ठ(आर्यन) केन्द्रीय सदस्यमा चयन भएका छन् । श्रेष्ठ लाई युवासंघले केन्द्रीय सदस्यमा चयन गरेको हो । चयन भएका केन्द्रीय सदस्यहरूलाई युवा सङ्घले शपथ खुवाएको छ ।
राष्ट्रिय युवा संघ नेपालको नुवाकोटका नेता राम नारायण श्रेष्ठ प्रधानमन्त्री केपी ओलीको समर्थनमा स्वस्पुर्तका साथ बाइक र्यालीमा जुलुस नेतृत्व गदै भब्य रूपमा सहभागी गराउदै आएको थिए। श्रेष्ठ यसअघि केन्द्रीय लेखा आयोगका सदस्य समेत थिए।
काठमाडौं, १३ फाल्गुण- राष्ट्रपति विद्या देवी भण्डारीले डा. गौरी शंकर लाल दासलाई हेम बहादुर मल्ल सम्मान प्रदान गरेकी छिन् ।विहिवार राष्ट्रपति भवन शितल निवासमा आयोजित सम्मान समर्पण कार्यक्रम माझ दासलाई उक्त सम्मानबाट विभुषित गरिएको हो । जन प्रशासन संघका अध्यक्ष कृष्णहरि बाँस्कोटाको सभापतित्वमा भएको उक्त सम्मान कार्यक्रममा पुर्व मन्त्री एवम् कानुन आयोगका अध्यक्ष माधव पौडेल, साल्ट ट्रेडिङ कर्पोरेशन लिमिटेडका संचालक समिति अध्यक्ष लक्ष्मीदास मानन्धर, साल्ट ट्रेडिङकी प्रमुख कार्यकारी अधिकृत उर्मिला श्रेष्ठ, साल्ट ट्रेडिङका संचालक समिती सदस्यहरु कल्याणगोविन्द श्रेष्ठ, प्रदिपलाल श्रेष्ठ, अन्जन श्रेष्ठ, वहालवाला एवम् पुर्व उच्च प्रशासक, साल्ट ट्रेडिङका अधिकारीहरु आदीको उपस्थिती रहेको थियो ।
सम्मान ग्रहण पस्चात कार्यक्रम माझ बोल्ने क्रममा डा. दासले राष्ट्रपतिबाट सम्मानित हुन पाएकामा गौरव महशुश गरेको धारणा राख्दै आफुलाई योग्य ठानेकामा जनप्रशासन संघ, सम्मान छनौट समिति र पुरस्कार स्थापना गरेकामा साल्ट ट्रेडिङ कर्पोरेशन लिमिटेड प्रति आभार व्यक्त गरे ।
कार्यक्रम माझ सभापतिको आसनबाट बोल्दै जन प्रशासन संघका अध्यक्ष कृष्णहरि बाँस्कोटाले संघले निजामती ऐन, कर्मचारीको क्षमता विकास, जनशक्ती व्यवस्थापन आदीको पक्षपोषण गर्दै आएको जानकारी गराउदै यो सम्मान १६ औ श्रिँखला भएको उल्लेख गरे । साथै, उनले हेम बहादुर मल्लको व्यक्तित्व बारे चर्चा गर्दै उनी कर्मठ, इमान्दार, सदाचारी एवम् कुशल व्यवस्थापक भएको स्मरण समेत गरे ।
यसैगरि, उक्त सम्मान छनौट समितीका संयोजक पुर्व मन्त्री एवम् कानुन आयोगका अध्यक्ष माधव पौडेलले कुल नब्बे सिफारिस मध्येबाट विभिन्न्न चरण पार गरी अन्तिममा ३ जना मध्येबाट पनि डा. दासलाई सर्वोकृष्ट ठहर गरिएको जानकारी दिए ।
साल्ट ट्रेडिङ कर्पोरेशन लिमिटेडका संचालक समिति अध्यक्ष लक्ष्मीदास मानन्धरले कर्पोरेशनको सेवा प्रवाह पारे प्रकाश पार्दै सुपथ मुल्यमा सर्वसुलभताका साथ अत्यावश्यकिय वस्तुहरुको कारोबार गर्दै आएको उल्लेख गरे । साथै, उनले कार्यक्रममा उपस्थितीका लागि राष्ट्रपति लगायत समस्तमा धन्यवाद व्यक्त गरे ।
त्यसैगरि अर्को चरणमा दरबार मार्गमा आयोजित कार्यक्रम माझ सम्मानित व्यक्तित्व डा. दासलाई दोसल्ला ओडाईनुका साथै पुरस्कार राशी सहितको चेक हस्ताण्तरण गरिएको थियो ।
उक्त कार्यक्रमलाई सम्बोधन गर्ने क्रममा साल्ट ट्रेडिङकी प्रमुख कार्यकारी अधिकृत उर्मिला श्रेष्ठले कर्पोरेशनले आम उपभोक्ताको हितलाई केन्द्रमा राख्दै आएको सन्दर्भ उल्लेख गर्दै सामाजिक उत्तरदायित्वलाई पुरा गर्ने सिलसिला कर्पोरेशनले विभिन्न कार्यक्रमहरु गर्दै आएको जनाइन् । साथै, उनले कर्पोरेशनले २०६० साल देखी हेम बहादुर मल्ल सम्मानका लागि जनप्रशासन संघसँग सहकार्य हुँदै आएको जानकारी गराउदै हेम बहादुर मल्ल सम्मान २०७५ बाट सम्मानित व्यक्तित्व डा. गौरी शंकर लाल दासले चिकित्सा एवम् सामाजिक क्षेत्रमा पुर्याएको योगदानको सर्हाना गर्दै बधाई ज्ञापन गरिन ।
सम्मानित व्यक्तित्व डा. दासले आफुले २०१८ सालमा चिकित्सा सेवा प्रारम्भ गरेको स्मरण गर्दै रोचक प्रसङ्हरु बारे चर्चा गरेका थिए ।
सो अवसरमा संघ अध्यक्ष कृष्णहरि बाँस्कोटा, प्रा. डा. चुणाराज शर्मा, प्रा. यशोधा पौडेल, संघ महासचिव रामशरण चिमोरिया लगायतले मन्तव्य राखेका थिए ।
कार्यक्रममा पुर्व सचिवहरु विद्याधर मल्लिक, उमेश मैनाली, शान्तराज सुवेदी, चन्द्र घिमिरे लगायत उच्च पदस्थहरुको सहभागीता रहेको थियो ।
सो कार्यक्रम जनप्रशासन संघ र साल्ट ट्रेडिङ कर्पोरेशन लिमिटेडको संयुक्त आयोजनामा भएको थियो । हेम बहादुर मल्ल सम्मान साल्ट ट्रेडिङ कर्पोरेशन लि. का पुर्व अध्यक्ष एवम् पुर्व महाप्रबन्धक स्व. हेम बहादुर मल्लको स्मृतिमा स्थापना गरिएको हो ।
यस अघि हेमबहादुर मल्ल सम्मानबाट विभुषित हुनेहरुमा केदार भक्त माथेमा, चादनी जोशी, भगवान कोईराला, विमल कोइराला, महाविर पुन, अम्बिका श्रेष्ठ, भोजराज पोखरेल, डा. दमननाथ ढुङ्गाना, डा.सुरेश राज शर्मा, खिलराज रेग्मी, उमेश मैनाली, दामोदार रेग्मी, देवेन्द्र राज कँडेल, कुलमान घिसिङ र सुन्दुक रूइत छन् । यो सोह्रौ सम्मान समर्पण हो ।
को हुन डा. गौरीशंकर लाल दास
डा. गौरी शंकर लाल दास पेशाले चिकित्सक र प्रशासक हुन । वि. स. २००९ साल देखी उनले विर अस्पतालमा रेजिडेन्ट मेडिकल अफिसरका रुपमा स्वास्थ्य सेवा आरम्भ गरेका थिए । उनले वि. स. २०२४ सालमा स्वास्थ्य सेवा विभागको निर्देशक हुँदै स्वास्थ्य मन्त्रालयको प्रमुख योजना अधिकृत भएर काम गरेका थिए । त्यसैगरि उनले सन १९७५ देखी १९९० सम्म विश्व स्वास्थ्य संगठनमा आवद्ध रहि अन्तरराष्ट्रिय स्तरमा काम गरेका थिए । डा. दासले २०३५ देखी २०४७ सालसम्म लोक सेवा आयोगको सदस्य र २०५७ देखी २०६२ सालसम्म
राष्ट्रिय मानव अधिकार आयोगको सदस्य भई सेवा गरेका थिए । साथै उनी एक दर्जन भन्दा बढी सामाजिक संघ संस्थामा आवद्ध छन् । सिरहाको इनरुवामा जन्मिएका दास हाल ९६ बर्ष टेक्दै छन् ।
११ फागुन २०७७ शर्मिला विश्वकर्मा, काठमाण्डौं
नेपाल अपाङ्ग मानव अधिकार केन्द्रको आयोजना, ओपन सोसाइटी फाउण्डेशनको सहयोग तथा राष्ट्रिय अपाङ्ग महासंघ नेपालको संयोजनामा अब हुने राष्ट्रिय जनगणनामा अपाङ्गता भएका व्यक्तिहरुको सही विवरण समावेश गरिने सम्बन्धमा काठमाण्डौंमा एक छलफल कार्यक्रम गरियो । सो छलफल कार्यक्रममा केन्द्रिय तथ्याङ्क विभागका निर्देशक ढुण्डिराज लामिछानेले राष्ट्रिय जनगणना २०७८ को तयारी कार्य र राष्टिय अपाङ्ग महासंघ नेपालसँग सहकार्यका क्षेत्र विषयमा कार्यपत्र प्रस्तुत भएको थियो ।
यसै क्रममा उहाँले यस जनगणनामा अपाङ्गता भएका व्यक्तिहरुको सही तथ्याङ्क संकलनको लागि वासिङटन ग्रुपका प्रश्नावलीहरु समावेश गरिएको, राष्ट्रिय प्रशिक्षक सहजकर्ताको रुपमा अपाङ्गता भएका व्यक्तिहरुको क्षेत्रमा काम गर्ने व्यक्तिहरुलाई पनि सामावेश गरिएको बताउनु भयो । त्यसै गरी अपाङ्गता भएका महिलाहरुको महासंघ नेपालकी अध्यक्ष निर्मला धितालले अब हुने राष्ट्रिय जननणनामा सबै प्रकारका अपाङ्गता भएका व्यक्तिहरुको सही विवरण समावेश गर्नको लागि सबै एकजुट भएर आवश्यक सहयोग गर्नु पर्ने, प्रशिक्षक, गणक तथा सुपरिवेक्षेकहरुमा पनि अपाङ्गता भएका व्यक्तिहरुको सहभागिता गराउनु पर्ने कुरामा जोड दिनु भयो ।
कार्यक्रम सञ्चालनकै क्रममा आयोजक संस्था नेपाल अपाङ्ग मानव अधिकार केन्द्रका कार्यकारी निर्देशक जगदिश प्रसाद अधिकारीले अब हुने राष्ट्रिय जनगणनामा सबै प्रकारका अपाङ्गता भएका व्यक्तिहरुको गणना छुट्न तथा दोहोरिन नहुने भन्दै सम्बन्धीत निकायहरुलाई अपाङ्गता भएका व्यक्तिहरुका सवालमा आवश्यक सल्लाह तथा सुझाब र अन्य सहयोग गर्न सकिने बताउनु भएको थियो ।
नेपाल अपाङ्ग मानव अधिकार केन्द्रले काठमाण्डौंमा आयोजना गरेको राष्ट्रिय जनगणनामा अपाङ्गता भएका व्यक्तिहरुको सवालका विषयमा छलफलका क्रममा राष्ट्रिय अपाङ्ग महासंघ नेपालका अध्यक्ष मित्रलाल शर्माले अब हुने राष्ट्रिय जनगणनामा सबै प्रकारका प्रकारका अपाङ्गता भएका व्यक्तिहरुलाई समावेश गर्नको लागि स्वास्थ्य तथा जनसंख्या मन्त्रालय, पाठ्यक्रम विकास केन्द्र, त्रिभूवन विश्व विद्यालय, केन्द्रिय तथ्याङ्ग विभाग लगायतका अन्य सम्बन्धीत निकायहरुसँग सहकार्य गरेर काम गरि रहेको बताउनु भयो ।
सो छलफलमा सहभागी व्यक्तिहरुले यस पटकको राष्ट्रिय जनगणनामा सबै प्रकारका अपाङ्गता भएका व्यक्तिहरुको सही विवरण आउनु पर्ने, यसको लागि गणकहरुलाई अपाङ्गता भएका व्यक्तिहरुका विषयमा जानकारी मूलक तालिम प्रदान गर्नु पर्ने, यो राष्ट्रिय कार्यमा अपाङ्गता भएका व्यक्तिहरुलाई पनि सहभागी गराउनु पर्ने बताउनु भएको थियो ।
काठमाडौं, १३ फाल्गुण- स्वर्गिय भरतमोहन अधिकारी स्मृति फाउण्डेसनको आयोजनामा फाल्गुण १८ गते भरतमोहन स्मृति सभा गरिने भएको छ । उक्त सभा फाउण्डेसनका संरक्षक समेत रहेका नेकपा अध्यक्ष एवम् पुर्व प्रधानमन्त्री माधव कुमार नेपालको प्रमुख आतिथ्यतामा हुन लागेको हो । फाउण्डेसनकी संस्थापक लिमा अधिकारीका अनुसार कार्यक्रम विराटनगर पोखरिया स्थित बिष्णु माया पुस्तकालय प्रांगणमा हुनेछ ।
स्मृतिसभामा भरतमोहन अधिकारीको योगदान बारे छलफल, स्वर्गिय भरतमोहन अधिकारी स्मृति फाउण्डेसनको प्रदेश नं १ को घोषणा साथै अग्रज कम्युनिस्ट एवम् जेष्ठ नागरिक सम्मान गर्ने कार्यक्रम रहेको पनि संस्थापक अधिकारीले जानकारी दिएकी छिन । स्वर्गिय भरतमोहन अधिकारी स्मृति फाउण्डेसन पुर्व उप प्रधानमन्त्री स्व. भरतमोहन अधिकारीको स्मृतिमा स्थापित संस्था हो । स्वर्गिय नेता अधिकारीको धर्मपत्नी सबिता अधिकारी उक्त फाउण्डेसनको अध्यक्ष छिन् ।
काठमाडौं । सामुदायिक सेवा केन्द्र टुँडालदेवीका प्रमुख रामप्रसाद न्यौपानेले ट्राफिक सचेतना कार्यक्रम अत्यन्तै उत्साहजनक रहेको बताएका छन् । यात्रुको बढी भीँडभाड हुने ठाउँलाई आधार मानेर गरिएको ट्राफिक स्वयंसेवक परिचालन कार्यक्रम आज सकिएको पनि प्रमुख न्यौपानेले बताए । सेवा केन्द्रले सामाजिक सेवालाई प्राथमिकता दिदै आएको परिप्रेक्ष्यमा सडक सुरक्षा व्यवस्थापनमा राज्यसँग हातेमालो गर्न पाउँदा सामाजिक जिम्मेवारी बढेको अनुभुती भएको उनले बताए ।
सहज र सुरक्षित आवागमन गर्ने लक्ष्य सहित ट्राफिक स्वयंसेवक सामुदायिक सेवा केन्द्र तथा सामुदायिक प्रहरी सेवा केन्द्र टुँडालदेवीले बालुवाटार चोकमा बिहान ९ देखि ११ बजेसम्म र साँझ ४ देखि ६ बजेसम्म पैदलयात्रु र सवारी साधनलाई सहजीकरण गरेको थियो । महानगरिय ट्राफिक महाशाखाको सो अभियानमा सामुदायिक सेवा केन्द्र टुँडालदेवीका अध्यक्ष न्यौपाने सडकमा स्वयम् खटिएका थिए ।
‘यो अभियान प्रभावकारी रहनुका साथै सफल भएको छ, समाजलाई योगदान पुर्याउ भनेर हामी पनि लागेका हौं’ उनले भने ‘ट्राफिक सचेतनासँगै सडक सुरक्षा बारे ज्ञान बाँड्ने कार्य अत्यन्तै उत्साहजनक रहयो ।’ सो क्षेत्रमा स्वयंसेवक परिचालन कार्यक्रममा अध्यक्ष न्याैपानेको अगुवाइमा समाजसेवी राजेन्द्रमान जोशी,शर्मिला खनाल, साबित्री खनाल, सामुदायिक प्रहरी सेवा केन्द्रका ईन्चार्ज कल्पना थापा (धमला), डम्बर शाही साथै सामुदायिक सेवा केन्द्रका पदाधिकारीहरु तथा स्वयमंसेवकहरुको उपस्थिति रहेको थियो ।
महानगरीय ट्राफिक प्रहरी महाशाखाले उपत्यकास्थित सामुदायिक सेवा केन्द्रको सहकार्यमा संचालन गरेको ट्राफिक स्वयंसेवक परिचालन कार्यक्रम आजसम्म जारी थियो । महाशाखाले उपत्यकाको ट्राफिक व्यवस्थापनलाई चुस्त,दुरूस्त तथा सहज बनाउने उद्देश्यका साथ उपत्यकास्थित सामुदायिक सेवा केन्द्रको सहकार्यमा सहकार्यमा १० दिनसम्म ट्राफिक स्वयंसेवक परिचालन गरेको थियो ।
१३ फागुन, काठमाडौँ । विभिन्न समूहमा छरिएका पूर्व माओवादीहरुले जनयुद्ध दिवस मनाउने भएका छन् । माक्र्सवादी एकता अभियान नेपालका नाउँमा आयोजना गरिने ‘सहिद जनयुद्ध र वर्तमान राजनीतिक अवस्था’ विषयक अन्तरक्रिया कार्यक्रममा फागवुन १४ गते शहिद भएका दिल बहादुर रम्तेलको परिवारका परशुराम रम्तेल, बेपत्ता परिवारका एकराज भण्डारी, सहिद परिवारकी प्राध्यापक तक्मा केसी, घाइते जनयोद्धा गंगाबहादुर लामा, बन्दि परिवारकी मनु लामा, नेपाली काँग्रेसका नेता चन्द्र भण्डारी, नागरिक समाजका अगुवा तथा वरिष्ठ चिकित्सक डा सुन्दरमणि दिक्षीत, अधिवक्ता शम्भु थापा, नेकपा नेता नारायण शर्मा, पूर्व सभामुख तथा शान्ति वार्ताका प्रमुख कृष्णबहादुर महरा र नेकपा(क्रान्तिकारी माओवादी)का मोहन वैद्यले सम्बोधन गर्ने कार्यक्रम रहेको आयोजक राजेन्द्र देशभक्तले बताएका छन् ।
फागुन १४ गते दिउँसो ठिक १२.३० बजे प्रज्ञा प्रतिष्ठानको पुस्तकालय कक्षमा सो कार्यक्रम हुन लागेको आयोजकले बताएका छन् । गतवर्ष पनि पूर्व माओवादीहरुले स्वतः स्र्फुत रुपमा अन्तरक्रियात्मक भेटघाट गरेका थिए ।
१२ फागुन, काठमाडौँ । बुद्धिजीवी पेशाकर्मीहरुले प्रतिनिधिसभा पुर्नस्थापनाको स्वागत गरेका छन् । फागुन १२ गते संगठनका संयोजक डा. दिनेशचन्द्र देवकोटा र सहसंयोजक कृष्ण केसीले विज्ञप्ति जारी गर्दै सर्वोच्चको निर्णयको स्वागत गरेका हुन ।उक्त फैसलालाई नेपालको राजनैतिक इतिहासमा एउटा युगान्तकारी सन्देश भन्दै उनीहरुले न्यायालयको गरिमा र विश्वास बढेको टिप्पणी समेत गरेका छन् । संगठनले संसद विघटनलाई प्रतिगमनको संज्ञा दिदै सो निर्णयको विरुद्धमा आन्दोलनमा सक्रिय रुपले लागेको थियो ।
नेपाल बुद्धिजीवी संगठनबाट जारी विज्ञप्तिको सारसंक्षेप
मिति : फागुन १२, २०७७
प्रेस विज्ञप्ति
प्रतिनिधिसभा पुनस्र्थापना सम्बन्धमा सम्मानित सर्वोच्च अदालतले २०७७ फाल्गुण ११ गते गरेको फैसलाको नेपाल वुद्धिजीवी संगठन हार्दिक स्वागत गर्दछ । नेपाल कम्युनिष्ट पार्टी (नेकपा) मार्फत प्रधानमन्त्री बन्नु भएका केपी शर्मा ओलीले पदलाई दुरुपयोग गर्दै प्रतिनिधिसभा विघटनमार्फत गर्नुभएको प्रतिगमनलाई पूर्णत अस्विकार गर्दै सर्वाेच्चले संविधानभन्दा माथी कोहि रहन नसक्ने नजीर बनाएको ठहर हाम्रो संगठनले गरेको छ । यो फैसला नेपालको राजनैतिक इतिहाँसमा एउटा युगान्तकारी सन्देशको रुपमा रहेको र न्यायालयको गरीमा र विश्वासलाई सर्वाेच्चको यो निर्णयले अझै बढाएको अनुभूति पनि संगठनले गरेको छ । प्रतिगमन विरुद्धको आन्दोलनको क्रममा संगठनको तर्फबाट बिभिन्न विरोध प्रदर्शनमा सक्रिय सहभागिता जनाउनु भएका, प्रतिगमनका विरुद्ध बृहत राजनीतिक तथा संवैधानिक अन्तरक्रिया एवम् पेशाकर्मी बुद्धिजीवीहरुको ऐक्यबद्धतासहित आन्दोलनमा जुटनु भएका तमाम बुद्धिजीवी र पेशाकर्मीहरुप्रति आभार ब्यक्त गर्दै संगठनले आयोजना गर्ने आगामी कार्यक्रममा सक्रिय सहभागिता जनाउन पनि यसै विज्ञप्तिमार्फत अनुरोध गर्दछौ ।
डा.दिनेशचन्द्र देवकोटा- संयोजक
कृष्ण केसी - सहसंयोजक
