काठमाण्डौं । साँगे दर्पण प्रकाशन समितिले स्मारिकाका लागि सान्दर्भिक लेखहरु उपलब्ध गराउन आग्रह गरेको छ । प्रकाशन समिति संयोजक सुरेन्द्र वाग्लेको अध्यक्षतामा सरोकारवालाहरुसहित प्रकाशन समितिका सदस्यहरुको उपस्थितिमा माघ १० गते बसेको बैठकले उक्त निर्णय लिएको हो । बैठकमा वाग्लेसहित प्रकाशन समिति सदस्यहरु हरिराज वाग्ले, बाला शर्मा पण्डित, बाल दिवस पण्डित, सम्पादक सरोज ओझा र साँगे काठमाडौं सम्पर्क समाजका सचिव विकास भण्डारीको उपस्थिति थियो । साँगे सभ्यता संरक्षण र विकास अभियान अन्तर्गत साँगे काठमाडौं सम्पर्क समाजको अगुवाईमा तनहुँको साँगे क्षेत्रको विगतदेखि वर्तमानसम्मको समग्र पहिचान समेटेर “साँगे दर्पण २०८२ ” नामक स्मारिका प्रकाशन गर्ने लक्ष्यसहित अगाडि बढिएको साँगे दर्पण प्रकाशन समितिका संयोजक वाग्लेले जानकारी दिए ।
संयोजक वाग्लेका अनुसार हालसम्म संकलित लेखहरु सम्पादनको चरणमा छन् भने साँगेको सभ्यता र विकाससँग सरोकारित बिशेष महत्वका विषयमा लेख लेख्न ईच्छुक महानुभावले आफुले लेख्न चाहेको विषय बारे जानकारी गराएर वा शिर्षक छनौटका लागि प्रकाशन समितिलाई पठाउन सक्नेछन् । माघ महिना भित्रमा लेख उपलब्ध गराईसक्नुपर्ने प्रावधान राखिएको पनि उनले जानकारी गराएका छन् । '“साँगे दर्पण” साँगे काठमाडौं सम्पर्क समाजको अगुवाईमा प्रकाशन हुन लागेता पनि यो सिंगो साँगे खोलाको प्रभाव क्षेत्र अर्थात शिरभागदेखी पाउसम्मको क्षेत्र र सेरोफेरोमा हाल बसोबास गर्नुहुने तथा साँगे क्षेत्रबाट काम, अध्ययन वा विविध कारणले देशका अन्यत्र भाग र विदेशमा बसोबास गर्दै आउनुहुने सबै तह र तप्का, जातजाति, भाषाभाषीको साझा सरोकारको विषय रहेको ठम्याई समितिको छ' वाग्लेले भने ।
प्रकाशनले साँगे सभ्यता र विकाससँग जोडिएका सबै पक्षको पहिचान एवं ऐतिहासिक महत्व तथा भावी संभावना समेतलाई उजागर गर्ने उदेश्य बोकेको वाग्लेले बताए ।
'यस प्रकाशन साँगे सभ्यतासँग स्वत: जोडिएर आउने समग्र पक्षको अवस्थालाई चित्रण गर्दै दस्तावेजीकरण गर्ने पहिलो प्रयास हो । जसमा साँगे जन्मभूमि भएका लेखकहरुका लेखहरु मात्र समावेश हुने र विषयवस्तुहरु सबै साँगे क्षेत्रको मात्र रहने छ' वाग्ले थप जानकारी दिदै भने । पहिले साँगे क्षेत्रको आर्थिक‚ सामाजिक‚ प्रशासनिक एवं राजनितिक अवस्था कस्तो थियो र हालको वस्तुस्थिति के कस्तो छ भन्ने विषय केलाउने जमर्को यस प्रकाशनमार्फत गर्न लागिएको जनाईएको छ । सरोकारवालाहरुलाई सान्दर्भिक लेखहरु माघ मसान्त भित्र पठाईसक्न आग्रह गर्ने उक्त निर्णयसहित बैठकले आर्थिक संकलनको अभिभारासमेत संयोजक वाग्लेकै नेतृत्वमा अगि बढाउने निर्णय लिएको साँगे काठमाडौं सम्पर्क समाजका सचिव विकास भण्डारीले जानकारी दिए ।
गत आईतवार १९, जनवरी २०२५ का दिन दुवइको बुर्जुमान स्थित पार्क रेगिस होटलको सभाहलमा नेपाली समाज, युएईको १६औ महाधिवेशन कार्यक्रम भव्यताका साथ एक विशेष समारोहका बिच सम्पन्न भएको छ ।
नेपाली राजदुतावास अबुधाबीका महामहिम राजदुत तेज बहादुर क्षेत्रीको प्रमुख आतिथ्यमा सम्पन्न उक्त समारोहमा दुतवासका उपप्रमुख रन्जिता दाहाल, श्रम काउन्सुलर दिपेन्द्र पौडेल लगायतका विशिष्ट व्यक्तिहरू, यूएईका लागि नेपाल सरकारका तर्फबाट अवैतानिक पर्यटन दुत मनोज नेपाल, समाजका सँस्थापक अग्रज एवं सल्लाहकारहरू, नेपाल एसोसिएसन एनआरएनए एनसिसी, नेपाल एयरलाइन्स, नेपाल पत्रकार महासंघ, राजनैतिक दलका भातृ संगठनहरू, नेफिन लगायतका सँस्था प्रमुखहरूको विशेष अतिथिका रूपमा आतिथ्यता रहेको थियो, तेसै गरि अतिथीमा पत्रकारहरू, नेपाली समाजमा आबद्द ६४ वटै संघ संस्था प्रमुख एवं यूएईमा सक्रिय विभिन्न संघ संस्थाका प्रमुख तथा प्रतिनिधीहरूको उपस्थिती रहेको थियो ।
उक्त समारोहमा समाजका पूर्व कार्य समिती पदाधिकारीहरू, साथै अन्य पार्षद् तथा आजिवन सदस्यहरू लगायत अन्य नेपाली दिदिबहिनीहरू र दाजुभाइहरूको बाक्लो उपस्थिती रहेको थियो ।
दिप प्रज्वलन सहित स्वस्ति वाचन, नेपाली राष्ट्रिय गान र यूएईको राष्ट्रिय गानका साथ बिधीबत रूपमा कार्यक्रमको उद्घाटन गरिए पछि समाजका वरिष्ठ उपाध्यक्ष कमल गिरिले स्वागत मन्तव्य राख्नु भएको थियो भने दुइ चरणमा सम्पन्न कार्यक्रमको प्रथम चरण समाजका अध्यक्ष बेद प्रसाद अर्यालको सभाध्यक्षमा सम्पन्न समारोहको संचालन महासचिव केदार कुँवर ले गर्नु भएको थियो ।
सोहि समारोहमा समाजको १५औ कार्य समिति (२०२३/०२५) कार्यकाल अबधिभर आजिवन सदस्यता प्राप्त गरेका करिब ८० जना सदस्यहरूलाइ प्रमुख अतिथिको बाहुलीबाट सदस्यता प्रमाण पत्र हस्तान्तरण गरिएको थियो ।
कार्यक्रम संचालनका क्रममा समाजका महासचिव कुँवरले तत्कालिन समयमा सन् १९९० तिर खाडि युद्दका कारण यस क्षेत्रमा कार्यरत रहि समस्यामा परेका नेपालीहरूको सहयोग र सहजिकरणका लागि स्थापित भइ सुरूका दिनमा दुतावासको भूमिका निर्वाह गरि मध्य पूर्वि एशियाकै अग्रणी सँस्थाको रूपमा ३६ वर्षे इतिहासलाइ साक्षी राखेर सामाजिक सेवामा निरन्तर सक्रिय रहेको कुरा अवगत गराउँदै हलमा उपस्थित सँस्थापकहरू चन्द्र प्रसाद सापकोटा, राजु भट्टराइ तथा पूर्व अध्यक्ष कृष्ण ढकालको सक्रियता प्रति खुलेर प्रशंसा गर्नु भएको थियो ।
तेसै गरि शुभकामना मन्तव्यका क्रममा वक्ताहरूले विविध कारणवश समस्यामा परेका श्रमिकहरूको हरेक समस्या समाधान तथा सहजिकरणका लागि समाज सारथी बनेको विषय स्मरण गराउँदै, यूएईमा रहेका समस्त नेपालीहरूको हक हित र भलाइमा खेलेको भुमिकाहरूका बारेमा खुलेर प्रशंसा गरेका थिय ।
शुभकामना मन्तव्यका क्रममा प्रमुख अतिथी क्षेत्रीले नेपाली समाजको सक्रियताका बारेमा विभिन्न श्रोतबाट जानकारि पाय भन्दा बढि आफु यहाँ आए पछि नजिकबाट बुझ्न र अनुभव लिन पायको कुरा व्यक्त गर्दै, यूएईका हर कुनामा रहेका नेपालीहरूमा पर्न गएको समस्या समाधान र निराकारणका लागि आवश्यक सहजिकरण, समन्वय गर्दै दुतावासलाइ सहि सुचना प्रदान गर्नमा उल्लेख्य भूमिका खेलेको विषय बताउँदै यूएईमा सक्रिय सबै संघसंस्थाहरू सँग सहकार्य गरि यति धेरै सँस्था आबद्द गराएर एक द्दार प्रणालीबाट सामाजिक सेवामा सक्रिय रहँदा दुतावासको सेवा प्रवाह प्रभावकारी बनाउनका लागि अत्यन्तै महत्वपूर्ण योगदान दिएको कुरा व्यक्त गर्दै समाज तथा समाजमा सक्रिय व्यक्तिहरूको प्रगतिका लागि कामना गर्नु भएको थियो ।
उद्दघाटन समारोह समापन मन्तव्यका क्रममा सभाध्यक्ष अर्याल ले, नेपाली समाजको महत्व र भूमिका स्थापित गर्न आफ्नो नेतृत्वको टिम सफल रहेको महसुस गरेको कुरा व्यक्त गर्दै कार्यकाल स्वर्णिम बनाउन सहयोग गर्नुहुने कार्यसमिति पदाधिकारी लगायत सबै सबैमा आभार व्यक्त गर्नुभएको थियो ।
स्मरण रहोस्, अर्यालको नेतृत्वमा रहेको कार्यसमितिले विभिन्न सेवाका कामहरू अत्यन्तै सक्रियताका साथ सम्पन्न गरेको छ, यूएईमा रहेका आपतविपदमा परेका नेपालीहरूको सहयोगका लागि ३५औ स्थापना दिवस विशेष साँस्कृतिक कार्यक्रम गरि कोष निर्माण, स्वदेशमा गत वर्ष गएको भुकम्पमा दिवंगत भएकाहरूको सम्झनामा संयुक्त अक्षयकोष स्थापना, वितारा परेका नेपालीहरूको उद्दार, मृत्युवरण गरेका नेपालीहरूको शव व्यावस्थापन, जटिल स्वास्थ समस्यामा परेका नेपालीहरूको उपचार लगायतका थुप्रै कार्यहरूमा सक्रियता पुर्वक सहजिकरण र समन्वय गरेको छ।
निर्वाचन समिति संयोजक एकेन्द्र बहादुर थापाको सभाध्यक्षतामा सम्पन्न दोश्रो चरणको कार्यक्रममा, संयोजक थापाले नवनिर्वाचित कार्यसमिति घोषणा गर्दै नेपाली समाजको ३६ वर्षे इतिहासमा निवर्तमान समितिले समयमा नै वार्षिक पार्षद् भेला सहित समयमा नै अधिवेशनको आयोजना गरि सँस्थागत प्रक्रिय बसाल्ने प्रयास गरेको कुरा राख्दै १६औ महाधिवेशनको निर्वाचन प्रक्रियाबाट निवर्तमान पार्षद् अध्यक्ष राम बहादुर मोक्तान को अध्यक्षतामा निर्बिरोध नवनिर्वाचित टिम क्रमशः पार्षद् अध्यक्ष कमल गिरी, वरिष्ठ उपाध्यक्ष टंक बहादुर थापामगर, उपाध्यक्षहरू केदार कुँवर, रेशमराज खनाल, केशव ढकाल, रामबाबु न्यौपाने, राम प्रसाद श्रेष्ठ, लक्ष्मि पौडेल, तारा सिंह विष्ट, पार्षद् उपाध्यक्ष हुमराज बि.क., महासचिव जीवन पंगेनी, सचिवहरू प्रकाश दत्त बडु, अमित पाण्डे, ऋषिराम लम्साल, रमा न्यौपाने पन्थ, पार्षद् सचिव सुरेन तामाङ, कोषाध्यक्ष कृष्ण प्रसाद तिमिल्सीना, सह-कोषाध्यक्ष, लीलाप्रसाद भट्ट, प्रवक्ता युवराज भट्टराइ, केन्द्रिय सदस्य एवं महिला विभाग प्रमुख संगिता नेपाल अधिकारी, केन्द्रिय सदस्यहरू जीवलाल पाण्डे, सिर्जना थापा, बुद्द बहादुर तामाङ, डिल्लीराम तामाङ, गान्देव घिमिरे, कमल बहादुर लावती, महेश्वर घिमिरे, मणिराम गैरे र नेत्र बहादुर घर्तिमगर रहेको टिम घोषणा गर्नु भएको दोस्रो चरणको कार्यक्रम संचालन निर्वाचन समिति सदस्य सचिव माधव न्यौपानले गर्नु भएको थियो ।
स्मरण रहोस्, गत नोभेम्बर २०२४ मा सम्पन्न पन्ध्रौं कार्यसमितिको अन्तिम पार्षद भेलाले सोर्हौ महाधिवेशन निर्वाचन कार्यक्रम संयोजनको जिम्मेवारी नेपाल पत्रकार महासंघ युएई शाखालाई प्रदान गरेको थियो।
काठमाडौं- सञ्चारकर्मी तथा गीतकार गीता अधिकारीको आलेखसंग्रह ‘मेरा कलमका डोबहरू’ लोकार्पण गरिएको छ । अधिकारीको उक्त पुस्तक मंगलबार काठमाडौंमा एक विशेष समारोहबीच नेपाली चलचित्र क्षेत्रको प्रथम नायिकाद्वय चैत्यदेवी सिंह र भुवन चन्दको प्रमुख आतिथ्यतामा लोकार्पण गरिएको हो । यसअघि ‘मैले पढेका ५१ पुस्तक’ पाठकमाझ ल्याउनुभएकी अधिकारीले आफ्नो जन्म दिनको अवसर पारेर ‘मेरा कलमका डोबहरू पाठकमाझ ल्याउनुभएको हो ।
विशिष्ट कलाकार उत्तम केसीको सभापतित्वमा भएको कार्यक्रममा प्रमुख अतिथिद्वय, विशिष्ट कलाकार लय संग्रौला, अन्तर्राष्ट्रिय नेपाली साहित्य समाज (अनेसास)का पूर्वअध्यक्ष एवं नेपाली साहित्य पत्रकार संघका अध्यक्ष राधेश्याम लेकाली, विशिष्ट संगीतकार राजु सिंह गीतकार संघका अध्यक्ष वसन्त वित्यासी थापा, गीतकार संघका पूर्वअध्यक्ष चूडामणि देवकोटा, गीतकार एवं वरिष्ठ रंग पत्रकार शान्तिप्रिय, वरिष्ठ गीतकार अमर वान्तु, नेपाल पत्रकार महासंघ काठमाडौं शाखा अध्यक्ष शोभा अर्याललगायतले गीताको पत्रकारिता र सामाजिक व्यक्तित्वको चर्चा गर्दै नयाँ कृतिका लागि बधाई तथा शुभकामना दिनुभएको थियो ।
कार्यक्रममा कृतिकार अधिकारीले आफूले विभिन्न समयमा मिलाप मासिकका साथै विभिन्न पत्र पत्रिकामा प्रकाशित आलेखलाई ‘मेरा कलमका डोबहरू’मा समावेश गरेको बताउनुभयो । मिलाप पब्लिकेशनका अध्यक्ष कृष्ण भुसालले मिलाप मासिकको चर्चा गर्दै लेखिका अधिकारीले आफ्ना आलेखलाई दस्तावेजीकरण गरेको जानकारी गराउनुभयो । उहाँले यसमा समावेश भएका आलेखहरूले त्यो समयका विभिन्न विषयलाई जानकारी दिने बताउनुभयो ।
त्यस्तै, अनेसासका पूर्वअध्यक्ष लेकालीले गीतालाई आफूले वर्षौंदेखि चिनेको भन्दै उहाँले लेखकबाट आगामी दिनमा अन्य कृतिको आश गरेको बताउनुभयो । यस्तै विशिष्ट कलाकार संग्रौलाले गीतका कार्यको तारिफ गर्दै गीत लेखनसँगै समाजसेवामा पनि सक्रिय गीता बहुआयामिक व्यक्तित्व रहेको चर्चा गर्नुभयो । वरिष्ठ गीतकार वान्तुले गीता र आफ्नो जन्मस्थान भोजपुर भएको प्रंसग निकाल्दै गीत लेखनसँगै उहाँका अन्य कार्य प्रशंसनीयका साथै अनुकरणीय रहेको जिकिर गर्नुभयो ।
सञ्चारकर्मी रिना श्रेष्ठले सहजीकरण गरेको कार्यक्रममा मिलापको पुस अंकमा कभर स्टोरीमा रहनुभएकी साहित्यकार राधा भण्डारीलाई कभर सम्मान अर्पण गरिएको थियो भने अथितिहरूलाई मायाको चिनो पनि प्रदान गरिएको थियो । कार्यक्रममा विभिन्न क्षेत्रका विशिष्ट व्यक्तित्वहरूको बाक्लो उपस्थिति रहेको थियो ।
गीता कला मनोरञ्जन पत्रकारिताको अलावा गीत लेखनमा पनि सक्रिय हुनुहुन्छ । उहाँका ‘यतै घमाइलो उतै घमाइलो’, ‘तीजैमा व्रत बसी’, ‘बजाउँदै चुरा’, ‘श्वास फेरी’, ‘छम्मछम्म’ जस्ता एकदर्जन जति गीत श्रोता/दर्शकमाझ आएका छन् । चलचित्र पत्रकार संघमा सदस्य हुँदै उपाध्यक्षसम्मको जिम्मेवारी कुशलपूर्वक सम्पादन गर्नुभएकी गीताको ‘मेरा कलमका डोबहरू’ पाठकमाझ आएको दोस्रो पुस्तक कृति हो । मिलाप पब्लिकेशन प्रा.लि.ले पाठकमाझ ल्याएको ४७७ पेजको यस कृतिको मूल्य ९९९ रुपैयाँ राखिएको छ । तस्बिर : सुरेन्द्र थापा ।
काठमाडौं – विश्वभरिका सांस्कृतिक चलचित्रको प्रवर्द्धनका लागि हरेक वर्ष नेपालमा आयोजना हुँदै आएको ‘नेपाल कल्चरल इन्टरनेशनल फिल्म फेस्टिभल’को छैटौँ संस्करण काठमाडौंमा माघ १७ गतेबाट माघ १९ गतेसम्म हुने भएको छ । महोत्सवमा यस पटक ६० देशका चार सय भन्दा बढी चलचित्रको आवेदन परेको र मध्येबाट नेपाल सहित ४७ देशका ९८ वटा चलचित्रहरू महोत्सवमा चयन गरिएको मङ्गलवार आयोजित पत्रकार सम्मेलनमा जानकारी गराइयो ।
“हामीलाई प्राप्त करिब ४०० वटा चलचित्रलाई प्रारम्भिक चलचित्र चयन समूहले करिब डेढ महिना लगाएर हरेपछि ९८ वटा चलचित्रहरू चयन गरेको छ । महोत्सवमा लघु चलचित्रसँगै कथानक चलचित्र, वृत्तचित्र, एनिमेटेड चलचित्रलगायत महिला, बालबालिका, मानव अधिकारका चलचित्रहरू पनि प्रतिस्पर्धामा समावेश गरिएका छन् । दुई मिनेटदेखि साढे दुई घण्टासम्मको चलचित्र महोत्सवको लागि चयन भएको छ,” महोत्सव आयोजक संस्था नेपाल चलचित्र तथा संस्कृति केन्द्रका अध्यक्ष सन्तोष सुवेदीले बताए ।
महोत्सवको लागि अन्तर्राष्ट्रिय र राष्ट्रिय जुरी चयन गरिएको छ । जसमा भारतबाट चलचित्र निर्देशक निपोन धौला, जर्मनी चलचित्रकर्मी फाविन मात्थियस र चलचित्रकर्मी इभिन बिराजी, बेलायतबाट चलचित्र लेखक तथा निर्देशक लुईसा प्रिटोलानी, क्यानडाबाट चलचित्र निर्देशक जुडी ग्लाड्स्टोन, इरानबाट अभिनेत्री, लेखक तथा निर्देशक तिमा टाघिजादेह, बहराइनबाट चलचित्र निर्माता निर्देशक एवम् लेखक इभा दाउद र रुसबाट चलचित्रकर्मी इरिना बेराजी रहेका छन् ।
नेपालबाट निर्णायकको रूपमा सङ्गीतकार तथा चलचित्र विकास बोर्डका पूर्व अध्यक्ष शम्भुजीत बास्कोटा, अभिनेत्री मिथिला शर्मा, चलचित्र निर्देशक दीपेन्द्र के। खनाल, अभिनेता प्रदिप खड्का र टेलिभिजनकर्मी टिकाराम यात्री अभिनेत्री सुरक्षा पन्त, चलचित्र निर्माता एवम् निर्देशक रौनक विक्रम कँडेल र निर्देशक दिनेश लिङदेन रहेका छन् ।
महोत्सवमा दक्षिण एसियाली मुलुकहरू भारत, बङ्गलादेश, पाकिस्तानसहित पूर्वी एसियाको चीन, जापान, थाइल्यान्ड, कोरिया, युएई, कतार, हङकङ, फिलिपिन्स, इन्डोनेसिया, भियतनाम, जस्ता देशका चलचित्रहरू चयन भएका छन् । यस्तै संयुक्त राज्य अमेरिका, क्यानडा, अस्ट्रेलिया, अर्जेन्टिना, बेलायत, फ्रान्स, इटाली, आयरल्यान्ड, जर्मनी, रसिया, ट्युनेशिया, पोर्चुगल, पोल्यान्ड, हङ्गेरी, ग्रिस, फिनल्यान्ड, डेनमार्क, बुल्गेरिया, चेक रिपब्लिक, अस्ट्रियासहित विभिन्न युरोपियन मुलुकका चलचित्र यो महोत्सवमा चयन भएका छन् यस्तै मोरक्को, इजिप्ट, जमैका, क्यामरुन, सर्भिया, दक्षिण अफ्रिकासहित विभिन्न अफ्रिकन देशका चलचित्र पनि यो महोत्सवमा फाइनलको लागि चयन गरिएको छ ।
महोत्सवमा चलचित्र प्रदर्शनसँगै चलचित्रको विषयमा अन्तरक्रिया, मास्टर क्लास, कार्यशालाका साथै कला प्रदर्शनीसमेत रहेको छ । चलचित्रको उद्घाटन समारोह काठमाडौंको दरबारमार्ग स्थित क्युएफएक्स सिनेमा राईजिङ मल चलचित्र घरमा आयोजना गरिनेछ । उद्घाटन पछि सोही चलचित्र घरमा दुई दिनसम्म नियमित रूपमा चलचित्र प्रदर्शनीका साथै चलचित्रका विविध विषयमा छलफल एवम् अन्तरक्रिया गरिनेछ । त्यसपछि चलचित्र विकास बोर्डमा तीन दिनसम्म चलचित्र प्रदर्शनी, मास्टर क्लास, र कला प्रदर्शनी आयोजनासहित बोर्डमै महोत्सवको समापन समारोह गरिनेछ ।
महोत्सवमा चयन भएका चलचित्रहरूले उत्कृष्ट चलचित्र, निर्देशक, अभिनेता, अभिनेत्री, छायाकार लगायत उत्कृष्ट लघु चलचित्र, वृत्तचित्र, एनिमेटेड चलचित्र, महिला चलचित्र, बालबालिका चलचित्र, मानव अधिकारका चलचित्र जस्ता विभिन्न विधामा प्रतिस्पर्धा गर्नेछन् । यी विभिन्न विधामा सर्वोत्कृष्ट भएका चलचित्र तथा कलाकार प्राविधिकलाई महोत्सवको समापन समारोहमा अवार्ड प्रदान गरिनेछ । विभिन्न फरक फरक विधाका उत्कृष्ट १५ ओटा राष्ट्रिय तथा १५ ओटा अन्तर्राष्ट्रिय गरी ३० चलचित्रहरूलाई पुरस्कृत गरिनेछ । साथै चलचित्र क्षेत्रमा योगदान दिएका व्यक्तित्वहरुलाई सम्मान गरिनेछ ।
काठमाडौं, ०५ माघ । सामुदाय प्रहरी साझेदारी अभियान अन्तर्गत माघ ०५ गते प्रहरी वृत्त मालीगाउँ, प्रहरी वृत्त महाराजगंज र सामुदायिक सेवा केन्द्र तथा सामुदायिक प्रहरी सेवा केन्द्र, टुँडालदेवी काठमाडौंको संयुक्त आयोजनामा शान्ति सुरक्षा सम्बन्धी अन्तरक्रिया कार्यक्रम सम्पन्न भएको छ । काठमाडौं महानगरपालिका वडा नं ४ मा अवस्थित बैष्णबी टुँडालदेवी माताको मन्दिरको प्राङ्गणमा काठमाडौं उपत्यका प्रहरी कार्यालय रानीपोखरीका प्रमुख, प्रहरी अतिरिक्त महानिरीक्षक टेक बहादुर तामाङको प्रमुख आतिथ्यता तथा सामुदायिक सेवा केन्द्र तथा सामुदायिक प्रहरी सेवा केन्द्र, टुँडालदेवी काठमाडौंका अध्यक्ष रामप्रसाद न्यौपानेको अध्यक्षतामा अन्तक्रिया कार्यक्रम सम्पन्न भएको हो ।
अन्तरक्रिया कार्यक्रममा उठेका प्रश्न तथा गुनासाहरूलाई सम्बोधन गर्नुहुँदै प्रहरी अतिरिक्त महानिरीक्षक तामाङले समाजमा शान्ति सुरक्षा तथा अमन चयन कायम गर्नुका साथै समाजमा रहेका कुरीति तथा विसंगतिहरुलाई चिर्न नागरिकको भुमिका पुलको रुपमा रहेको हुनाले यस्ता कार्यक्रम अत्यन्तै महत्वपूर्ण हुने चर्चा गर्दै आगामी दिनहरुमा समुदाय एवम् विद्यालयस्तरमा समेत यस्ता कार्यक्रममा तिव्रता गर्नु पर्नेमा विशेष जोड दिनुभयो । शान्तिपूर्ण एवं सुरक्षित समाजका लागि सामुदायिक प्रहरी साझेदारीको अवधारणा बमोजिम सामुदाय र प्रहरीको हातेमालो गर्दै प्रहरीलाई सूचना दिने तथा गलत प्रवृति देखेमा त्यसलाई नियन्त्रण गर्नको लागि सुझाव तथा सल्लाह दिई अपराध नियन्त्रण र अनुसन्धान कार्यमा सहयोग गर्न नागरिकलाई अनुरोध गर्दै प्रहरी र नागरिकले एक आपसमा सहयोग, सहकार्य एवम् समन्वयले मात्र समाजमा शान्ति सुरक्षमा थप मजबुत हुने बताउनु भयो ।
साथै प्रविधि मैत्री प्रहरीको अबधारणा अन्तर्गत प्रविधिको यथोचित प्रयोग गर्दै काठमाडौं उपत्यका प्रहरी कार्यालय र मातहतका प्रहरी कर्मचारीले परिवर्तित समाजमा नागरिकलाई समायानुकुल व्यवहार गर्दै सुरक्षा प्रदान गरिनेबारे जानकारी समेत गराउनुभयो ।
कार्यक्रममा नेपाल सरकारका पूर्व सचिव श्याम मैनालीले अन्तरक्रिया कार्यक्रमको महत्व बारे आफ्नो मन्तव्य व्यक्त गर्नुभएको थियो । सो अवसरमा जिल्ला प्रहरी परिसर काठमाडौंका प्रमुख प्रहरी वरिष्ठ उपरीक्षक बसन्त रजौंरेले प्रहरी कार्य सम्बन्धी उठेका जिज्ञासाहरुको निरुपरण गर्नुभएको थियो । मन्तव्यका क्रममा उहाँले अपराध नियन्त्रणका लागि प्रहरीले विभिन्न रणनीतिहरू अवलम्बन गरिरहेको जानकारी गराउँदै सामुदायिक सहभागिता थप प्रभावकारी हुनेमा विश्वास व्यक्त गर्नुभयो।
सामुदायिक सेवा केन्द्र तथा सामुदायिक प्रहरी सेवा केन्द्र, टुँडालदेवी काठमाडौंका अध्यक्ष राम प्रसाद न्यौपानेले प्रहरी र समुदायबीचको सहकार्यले मात्र अपराधिक घटनाहरूलाई न्यून गर्न सकिने बताउँदै, यस्तो कार्यक्रमले शान्ति सुरक्षा स्थापनामा नयाँ आयाम थप्ने विश्वास व्यक्त गर्नुभयो।
कार्यक्रममा काठमाडौं महानगरपालिका वडा नं ४ का अध्यक्ष दिनेश महर्जनले प्रहरी र वडाबीच सधैं समन्वयात्मक सम्बन्ध रहेको उल्लेख गर्दै यस प्रकारका कार्यक्रमले आपसी समझदारीलाई थप मजबुत बनाउने बताउनुभयो।
उक्त कार्यक्रममा संविधान सभा सदस्य रमा गुराँगाई, पूर्व प्रहरी अतिरिक्त महानिरीक्षक अमर सिंह शाह, पूर्व प्रहरी अतिरिक्त महानिरीक्षक निरज बहादुर शाही, पूर्व प्रहरी नायब महानिरीक्षक हेमन्त मल्ल जस्ता विशिष्ट व्यक्तित्वहरू सहभागी हुनुहुन्थ्यो।
कार्यक्रममा विभिन्न संघसंस्था, स्थानीय क्लब, टोल सुधार समिति, उपभोक्ता समिति, र महिला समूहका प्रमुख तथा प्रतिनिधिहरू, स्थानिय जनप्रतिनिधिहरू, प्रहरी कर्मचारीहरू, पूर्व प्रहरी कर्मचारीहरू, सामुदायिक सेवा केन्द्रका पदाधिकारीहरू, विद्यार्थी बालबालिका, शिक्षक र स्थानीय भद्र भलादमीहरू लगायतको उल्लेखनीय उपस्थिति थियो। कार्यक्रमले प्रहरी, समुदाय, र सरोकारवालाहरूबीच समन्वयात्मक सम्बन्धलाई अझ बलियो बनाउने अपेक्षा गरिएको छ। काठमाडौँ महानगरपालिका वडा नं ४ मा विशालनगर, चण्डोल, चुनदेवी, वालुवाटार, पञ्चकन्या, गणेशवस्ती, चप्पल कारखाना, प्रगती टोल, धुम्बाराही, रारामार्गलगायतका क्षेत्र पर्दछन् ।
डिजिटल बहुउद्देश्यीय सहकारी संस्था लिमिटेड स्वयम्भूको तेस्रो साधारण सभा, तेस्रो वार्षिकोत्सव तथा यस सहकारीमार्फत सञ्चालनमा आएको उद्योग डिजिटल हिमालयन स्वीट्स एण्ड ट्रीट्स, कीर्तिपुर, काठमाडौं को औपचारिक उद्घाटन माननीय कृषि तथा पशुपक्षी विकास मन्त्री रामनाथ अधिकारीको प्रमुख आतिथ्यतामा सम्पन्न भयो। कार्यक्रम डिजिटल बहुउद्देश्यीय सहकारी संस्था लिमिटेड स्वयम्भूका अध्यक्ष दीपक चन्द्र गौतमको अध्यक्षतामा सम्पन्न भएको थियो। कार्यक्रममा पूर्व खेलकुद मन्त्री तथा काठमाडौं क्षेत्र नं. ८ का सांसद बिराजभक्त श्रेष्ठ, संयुक्त राष्ट्रसंघ सुरक्षा परिषद्का उपाध्यक्ष तथा युनाइटेड नेचर इन्टरनेशनल पिसका अध्यक्ष भिक्षु डा. राजु लामा (कोन्दन), वरिष्ठ चिकित्सक तथा समाजसेवी प्रा. डा. बुलन्द थापा, सामुदायिक स्वास्थ्य सेवा परिषद्का अध्यक्ष तथा वरिष्ठ समाजसेवी हरिगोपाल श्रेष्ठ, काठमाडौं महानगरपालिका वडा नं. १५ का अध्यक्ष ईश्वरमान डंगोल, कीर्तिपुर नगरपालिकाका वडा नं. २ का अध्यक्ष ई. रुपेश डंगोल, मानव अधिकार संगठनका विभाग प्रमुख रबिन सिंह बस्नेत, संस्थाका प्रमुख सल्लाहकार ध्रुव चन्द्र गौतम र वरिष्ठ सल्लाहकार शंकर अर्याल लगायतको उपस्थितिमा सम्पन्न भयो।
कार्यक्रममा डिजिटल बहुउद्देश्यीय सहकारी संस्था लिमिटेड स्वयम्भूका अध्यक्ष दीपक चन्द्र गौतमले प्रमुख अतिथि, विशिष्ट अतिथि र शेयर सदस्यहरुलाई स्वागत मन्तव्य व्यक्त गर्नुभएको थियो। सांसद बिराज भक्त श्रेष्ठज्यूले शुभकामना मन्तव्य व्यक्त गर्दै सहकारीले छोटो समयमै अन्तर्राष्ट्रिय स्तरको उद्योग स्थापना गर्न सफल भएकोमा बधाई र शुभकामना दिनुभएको थियो।
संयुक्त राष्ट्रसंघ सुरक्षा परिषद्अन्तर्गत समिति उपाध्यक्ष भिक्षु डा. राजु लामा (कोन्दन) र प्रा. डा. बुलन्द थापाले आफ्नो मन्तव्य राख्नुभएको थियो। प्रमुख अतिथि माननीय कृषि तथा पशुपक्षी विकास मन्त्री रामनाथ अधिकारीज्यूले डिजिटल हिमालयन स्वीट्स एण्ड ट्रीट्स नेपाली किसानको हकहितका लागि सञ्चालनमा ल्याइएको उद्योग भएकोले यस उद्योगलाई मन्त्रालयबाट आवश्यक सहयोग पुर्याउने प्रतिवद्धता जनाउनुभएको थियो।
कार्यक्रममा सचिव अशोक खनाल, उच्च व्यवस्थापन समिति संयोजक वासुदेव न्यौपाने, लेखा सुपरीवेक्षण समिति संयोजक रमेश चन्द्र गौतम र कोषाध्यक्ष युदेश सिंह महर्जनले आ–आफ्नो प्रतिवेदन पेस गर्नुभएको थियो। कार्यक्रममा संस्थाका शेयर सदस्य गायत्री घिमिरेले कविता वाचन गर्नुभएको थियो भने सदस्य बालबालिकाले नृत्य प्रस्तुत गरेका थिए।
कार्यक्रमको सञ्चालन सचिव अशोक खनालले गर्नुभएको थियो। साथै, डिजिटल हिमालयन स्वीट्स एण्ड ट्रीट्स, कीर्तिपुर, काठमाडौं मा उत्पादित विभिन्न परिकारहरूको स्टलसमेत राखिएको थियो।
क्लालिफोर्निया- अमेरिकाको क्यालिफोर्निया राज्यमा विगत ६ दिनदेखि लागेको आगो अझै नियन्त्रणमा आउन सकेको छैन । आगलागीका कारण हालसम्म १६ जनाको मृत्यु भइसकेको छ भने धेरै मानिस बेपत्ता भएको आशंका गरिएको छ । हावाको गति बढेसँगै आगलागी झनै बढेको छ । हाल त्यहाँ ८० किलोमिटररघण्टाको गतिमा हावा चलिरहेको छ, जुन आगामी १२ घण्टामा अझै बढ्न सक्ने बताइएको छ । अमेरिकालाई आगो निभाउन मद्दत गर्न मेक्सिकोबाट अग्नि नियन्त्रकहरू आइपुगेका छन्।
आगलागीको संकटका बिच क्यालिफोर्नियाको सान्ता मोनिका सहरमा लुटपाटको घटना भएको छ, त्यसपछि प्रशासनले कर्फ्यु घोषणा गरेको छ । यस मामिलामा २० जनालाई पक्राउ गरिएको छ। यटर्सका अनुसार लस एन्जलिसमा आगलागीका कारण हालसम्म १३५ अर्ब डलर क्षति भएको अनुमान गरिएको छ । त्यहाँ आगो केही हदसम्म नियन्त्रणमा आएको छ ।
काठमाडौं - रमेश कुमार श्रेष्ठको शब्द, अलिस कार्कीको संगीत, समिक्षा अधिकारी र महेनद्र बिको स्वरमा ‘पिर पर्यो’ बोलको आधुनिक गीतको म्युजिक भिडियो कलाकार, निर्माता तथा निर्देशक ईश्वर थापाको अफिसियल युट्युब च्यानल मार्फत सार्वजनिक भएको छ ।
भिडियोमा नायक आकाश श्रेष्ठ र अहिलेकी चर्चित मोडल बिना राउतले अभिनय गरेका छन् भने भिडियोलाई मिस्टर काजिले निर्देशन गरेका हुन् । छायांकन जितु तामाङ्ग, मेकअप मन्दिर दोङ्ग, कोरियोग्राफर लाक्पा दोर्जी तामाङ्ग, व्यवस्थापक रबि भुजेल, आर्ट बिजय दोङ्ग, पोस्ट स्टुडियो ब्राईटलाइट पिक्चर्स रहेको छ ।
काठमाडौँ । गीतकार सङ्घको अध्यक्षमा वसन्त वित्यासी थापा चुनिएका छन् । सङ्घको शनिबार आयोजित १५ औँ साधारणसभा एवम् ७ औँ अधिवेशनबाट उनी पुनः नयाँ कार्यकालको लागि अध्यक्ष चुनिएका हुन् । यसअघि पनि सङ्घमा थापा नै अध्यक्ष रहेका थिए । थापा अध्यक्षमा निर्विरोध निर्वाचित भएका हुन् ।
सङ्घको कार्यसमितिमा उपाध्यक्षमा रमेश कोइराला, महासचिवमा टीका राई शिव, सचिवमा शीतल कादम्बिनी, कोषाध्यक्षमा चेतन खतिवडा पुनः दोहोरिएका छन् । उनीहरू पनि निर्विरोध निर्वाचित भएका हुन् । त्यस्तै कार्यसमितिमा सदस्यहरूमा ६ जना आवश्यक रहेकोमा ८ जनाको उम्मेदवारी परेको थियो । कार्यसमिति सदस्यहरूमा जीवन मुकारुङ, रमेश दाहाल, कमल पौडेल, गोविन्द श्रृङखला, देवी पराजुली, विष्णु भण्डारी निर्वाचित भएका थिए ।
कार्यक्रममा गीतकार राजेन्द्र थापा पूर्व मन्त्री तथा वरिष्ठ गीतकार एसपी कोइराला, नेपाल साङ्गीतिक सङ्घका महासचिव सुमन पण्डित, नारायण गोपाल स्मृति प्रतिष्ठानका अध्यक्ष दीपक केसी, सङ्घका पूर्व अध्यक्ष योगेन्द्रमणि दाहाल, शुभ मुकारुङ लगायतको उपस्थिति रहेकाे थियो ।
Budanilakantha, January 10, 2025 – The Optimistic Club of Budanilakantha organized a special program at Brainland Academy Hall, focusing on youth motivation, health awareness, and social responsibility. The event, supported by the Junior Optimistic Clubs of Brainland Academy, Peak Point School, and Brainland Academy, Nilopul, saw active participation from students and junior club members.
Radha Anupriya (Bohara), Zone 3 representative of the Optimistic Club, delivered a keynote speech emphasizing the importance of proper eating and sitting habits. She also shed light on the roles and objectives of the Optimistic and Junior Optimistic Clubs in fostering a proactive and responsible society.
Binay Shrestha, President of the Optimistic Club of Budanilakantha and Principal of Peak Point Academy, highlighted the value of such programs in motivating children and encouraging them to take on social responsibilities.
Prashant Dahal, Secretary of the Optimistic Club of Budanilakantha and Vice Principal of Brainland Academy, provided insights into the upcoming International Convention of the Junior Optimistic Club.
Saroj Ojha, Secretary of the Optimistic Club of Dairy Entrepreneurs, was also present as a guest of honor.
Health professional Parisiddhi Khanal conducted an informative session on drug addiction, termed "The Hidden Epidemic." Her presentation covered critical topics, including:
The session concluded with an interactive Q&A segment where students actively participated, and Khanal addressed their queries.
In a parallel effort, the Optimistic Club of Budanilakantha, alongside the Junior Optimistic Clubs of Brainland Academy and Peak Point School, distributed food items to 61 senior citizens at Rima Sewa Samaj, an old-age home located in Hepali Height, Budanilakantha. The food items, including rice, milk, millet, peas, beans, and biscuits, LPG Gas cylinders were handed over to the organization’s founder in the presence of senior citizens under its care.
As part of the initiative, the clubs also organized a health check-up camp for the senior citizens at Rima Sewa Samaj. The medical team conducted tests for blood sugar levels and blood pressure, contributing to the well-being of the residents.
The event successfully combined health awareness, youth motivation, and community service, demonstrating the positive impact of collaborative efforts by the Optimistic Clubs in fostering a healthier and more compassionate society.
