काठमाडौं – नेपाल डेरी एसोसिएसन बागमती प्रदेशको छैठौं वार्षिक साधारणसभा तथा तेस्रो अधिवेशन बागमती प्रदेश अध्यक्ष टिका प्रसाद घिमिरेको अध्यक्षतामा राष्ट्रिय दुग्ध विकास बोर्डका कार्यकारी निर्देशक डा. राजेन्द्र प्रसाद यादवको प्रमुख आतिथ्यतामा सम्पन्न भएको छ। कार्यक्रममा नेपाल डेरी एसोसिएसनका केन्द्रीय अध्यक्ष प्रल्हाद दाहाल, राष्ट्रिय दुग्ध विकास बोर्डका सदस्य रामभक्त दाहाल, संस्थापक सदस्य राजन प्रसाद दाहाल, उपाध्यक्ष दिप प्रसाद धमला, मनोज घिमिरे, केन्द्रीय सदस्य शिव घिमिरे, नवराज तिमिल्सिना, रवि थापा लगायत विभिन्न पदाधिकारीहरूको उपस्थिति थियो।

कार्यक्रममा डेरी उद्योग संघका अध्यक्ष राज कुमार दाहालले सबै डेरी व्यवसायीहरू एकताबद्ध भएर काम गर्नुपर्नेमा जोड दिए। संस्थापक सदस्य राजन दाहालले स्थापना कालदेखि नै नेपाल डेरी एसोसिएसन दुग्ध क्षेत्रको विकास र हितमा निरन्तर क्रियाशील रहेको बताए। एसोसिएसनका केन्द्रीय अध्यक्ष प्रल्हाद दाहालले जुनसुकै परिस्थितिमा पनि दुग्ध क्षेत्रको सर्वपक्षीय हितमा लाग्ने प्रतिबद्धता व्यक्त गरे। प्रमुख अतिथि डा. यादवले दुग्ध विकासका लागि सबै सरोकारवालाहरू मिलेर अघि बढ्नुपर्ने आवश्यकता औंल्याए।

कार्यक्रमका स्वागत मन्तव्य प्रदेश उपाध्यक्ष गोपाल तिमिल्सिनाले राखेका थिए भने धन्यवाद ज्ञापन उपाध्यक्ष ध्रुव तिवारीले गरे। कार्यक्रममा कार्यपत्र प्रस्तुतिमा गम्भीर छलफल गर्दै अनुमोदनसहित बन्द सत्र समापन भएको थियो। साथै, दुग्ध क्षेत्रमा योगदान पुर्‍याउने पत्रकारहरूलाई सम्मान गरियो। सम्मानित पत्रकारहरूमा सरोज ओझा,  प्रमिला खतिवडा, राजु भट्ट, र अनुप आचार्य थिए।

तेस्रो अधिवेशनले टिका प्रसाद घिमिरेको अध्यक्षतामा पुन: दोस्रो कार्यकालका लागि नौ सदस्यीय कार्यसमिति सर्वसम्मत रूपमा चयन गरेको छ। कार्यसमितिमा उपाध्यक्ष ध्रुव तिवारी र गोपाल तिमिल्सिना, सचिव श्याम घिमिरे, कोषाध्यक्ष दिपक सन्जेल, सहसचिव टेक तिमिल्सिना, सह-कोषाध्यक्ष राज कुमार वाइबा, र सदस्यहरू भानु श्रेष्ठ, ज्ञान रत्न तामाङ, अजित बजगाई, र भुवन थापा चयन भएका छन्।

त्यसैगरी, नेपाल डेरी एसोसिएसन काठमाडौं जिल्ला कार्यसमिति तर्फ अध्यक्ष जयराम घिमिरेको नेतृत्वमा नयाँ कार्यसमिति चयन भएको छ। उपाध्यक्ष लिलानाथ दाहाल, सचिव देवराज बजगाईं, सहसचिव केदार (चेतनाथ दाहाल), कोषाध्यक्ष प्रकाश काराखेती र सदस्यहरू भिमसेन घिमिरे, कुल प्रसाद धमला, श्याम प्रसाद तिमिल्सिना, र चन्द्र कुमारी के.सी. (बाँस्तोला) कार्यसमितिमा चयन भएका छन्।

कार्यक्रममा उपस्थित सबै अतिथिहरूलाई मायाको चिनोस्वरूप घ्यु उपहार प्रदान गरिएको थियो। कार्यक्रम सञ्चालन सचिव श्याम घिमिरेले गरेका थिए।

काठमाडौँ – गत वर्षको ‘नातिकाजी राष्ट्रिय सङ्गीत सम्मान’ घोषणा भएको छ । नातिकाजी स्मृति समाजले बुधबार एक कार्यक्रमका बिच विभिन्न स्रष्टा, सङ्गीतकर्मी तथा सञ्चारकर्मीलाई सम्मान तथा पुरस्कार घोषणा गरेको हो । समाजका अध्यक्ष वरिष्ठ सङ्गीतकार शम्भुजीत बास्कोटाले नातिकाजी राष्ट्रिय सङ्गीत सम्मान गीतकार नगेन्द्र थापा, लोकगायक बोमबहादुर कार्की, कलाकार धन लामा, सङ्गीत प्रवर्द्धक प्रकाश सायमी, शास्त्रीय सङ्गीतकर्मी ज्ञानुराधा गोर्खाली, गीतकारद्वय बुद्धवीर लामा र किरण केसी (क्रोधी), गायक दिवाकर खड्का र गायिका यशोदा पराजुलीलाई प्रदान गरिने बताए ।

सङ्गीत साधना प्रतिष्ठान इटहरी र लेखक विमल भौकाजीलाई नातिकाजी राष्ट्रिय योगदान सम्मान प्रदान गरिने कार्यक्रममा राष्ट्रिय सङ्गीत पुरस्कार गायक हिमाल सागर, गायिका बिन्दु परियार, गीतकार बी पाण्डे, सङ्गीतकार आशिष अविरल, एरेन्जर सम्राट थापालाई प्रदान गरिनेछ । नातिकाजी राष्ट्रिय प्रतिभातर्फ रेकर्डिस्ट भोला पौडेल, गायक डेभिड शङ्कर, गायिका स्मिता दाहाल र सङ्गीतकार कल्याण सिंहलाई, शास्त्रीय सङ्गीततर्फ रमेश पोखरेललाई पुरस्कार प्रदान गरिनेछ ।

राष्ट्रिय लोकसङ्गीततर्फ लोकगायकत्रय रामप्रसाद अवस्थी, सुष्मा शाही ठकुरी र कृष्ण विक, कला र पत्रकारितातर्फ पत्रकारद्वय सुशील अर्याल र सुकृत नेपाललाई पुरस्कार प्रदान गरिनेछ । नातिकाजीको ९९ औं जन्मजयन्तीका अवसरमा विशेष कार्यक्रम आयोजना गरी पुरस्कार वितरण गरिनेछ ।

काठमाडौंको थापागाउँस्थित शिल्पशाला कुञ्ज नाटकघरमा पुस ३ गतेदेखि रङ्गकर्र्मी एवं नाटककार राम के।ए।सी।को लेखन तथा निर्देशनमा तयार गरिएको नाटक 'यशस्वी भवःु'मञ्चन हुने सुरू भएको छ ।

मञ्चनसँग आज यस नाटकको पुस्तक विमोचन पनि गरिएको छ । पुस्तक विमोचन नाट्यकर्मी महासंघका, पूर्वअध्यक्ष तथा वरिष्ठ नाट्यकर्मी एवं नाटककार विजय विष्फोट, नाटककार तथा निर्देशक राम के।ए।सी।का बुवा रामदास श्रेष्ठ, पिक पवाइन्ट एडुकेशन नेटवर्कका भाइसप्रिन्सिपल महेश के।सी। र नाटककार एवं निर्देशक स्वयंले सामूहिक लोकार्पण गरेको थियो । उक्त कार्यक्रममा अतिथिको रूपमा बुढानिलकण्ठ वडा नं। १३का वडा अध्यक्ष टीकानारायण श्रेष्ठ, अग्रज रङ्गकर्मी न्हुच्छे श्रेष्ठ, भीनमाया प्रजापति९मानन्धर०, एनप्याब्सन, प्याब्सन, इसानका विभिन्न पदाधिकारीहरू, विभिन्न विद्यालयका प्रिन्सिपल, भाइसप्रिन्सिपल, प्रतिनिधि शिक्षकहरू लगायत उल्लेख्य रङ्गकर्मीहरूको उपस्थिति रहेको थियो । तीन पुस्ताको त्रिकोणात्मक सम्बन्ध र मनोवैज्ञानिक अन्तर्सम्बन्धलाई प्रस्तुत गरिएको यस नाटकमा समाजमा क्षीण हुँदै गएको अध्यात्मिक दृष्टिकोण र आधुनिकताले ल्याएको परिवर्तनसँगै सम्बन्धहरूको गैर९जिम्मेवार व्यवहारले सभ्य समाजको परिभाषा कस्तो हुनुपर्छ भन्ने गम्भीर प्रश्न उठाएको छ ।

सद्भाव थिएटर नेपालको “शिक्षाका लागि रङ्गमञ्च” अभियानअन्तर्गत पिक प्वाइन्ट एडुकेशन नेटवर्क बुढानिलकण्ठसँगको सहकार्यमा मञ्चनमा ल्याएको हो । 

नाटकमा छोरीको भूमिकामा रहेकी रेशिका श्रेष्ठको अभिनय अब्बल छ । त्यस्तै आमाको भूमिकामा सद्भावना थापा, बुवाको भूमिकामा मनसुन फुँयालले सबैको मन जित्छ भने हजुरआमाको भूमिका निर्वाह गरेकी मञ्जुरी श्रेष्ठको अभिनयले सबैको मन तान्छ । नाटकमा एन्जल श्रेष्ठ, सदिक्षा श्रेष्ठ, इरा श्रेष्ठ, अनुष्का श्रेष्ठ, दिपिका श्रेष्ठ, प्रान्तिका श्रेष्ठ, मेलिसा श्रेष्ठ, रवानी श्रेष्ठ र राजन रानामगरसहितको अभिनय जीवन्त छ । यस्तै, निर्देशक के।ए।सी।को लेखन तथा निर्देशकीय क्षमता यस नाटकमा अझ मज्जाले देख्न सकिन्छ ।यो नाटक पुस ६ गतेसम्म हरेक दिनसम्म हरेक दिन बिहान ११ः०० बजे र दिउँसो १ः३० बजे गरी दुई शो मञ्चन हुने छ । नाटकको टिकट दर ३०० र ५०० रुपैयाँ तोकिएको छ ।

नाटक अवलोकन गर्न चाहने दर्शकले शिल्पशाला कुञ्ज थिएटरमा पुगेर वा फोनबाट सम्पर्क गरेर पनि आफ्नो सिट अग्रिम सुरक्षित गर्न सक्नेछन् ।

यस नाटकमार्फत् सद्भावले शिक्षा, समाज र मानवीय सम्बन्धको गहिरो सवाललाई मञ्चमार्फत दर्शकसम्म पुर्याएको छ ।

 ग्लोरी मिडियाले देशका विभिन्न क्षेत्रबाट राष्ट्रिय योगदान पुर्‍याएका प्रतिष्ठित व्यक्तित्वहरुलाई ‘राष्ट्रिय गौरव सम्मान’ प्रदान गरेको छ। नेपाल टेलिभिजनमा कार्यक्रम सचेतना प्रस्तुत गर्दै आएको ग्लोरी मिडियाले, सो कार्यक्रम १५ बर्ष पुराभएको अवसरमा कार्यक्रमलाई बाल सहभागीतामुलक बनाउन कार्यक्रम प्रस्तोता छनौटका लागि राष्ट्रिय नाचघरमा आईतबार आयोजित ग्लोरी टिन एण्ड किडस ट्यालेण्ट प्रतियोगिताको अवसरमा उक्त सम्मान समर्पण कार्यक्रम आयोजनामा आएको हो । कार्यक्रम समारोह माझ नेपाल चेम्बर अफ कमर्सकी उपाध्यक्ष, नेपाल महिला चेम्बरकी अध्यक्ष एवम् साल्ट ट्रेडिङ कर्पोरेशन लिमिटेडकी सिईओ उर्मिला श्रेष्ठ, बरिष्ठ बाल रोग विशेषज्ञ डा हरिकृष्ण बास्कोटा, राष्ट्रिय उपभोक्ता मंचका अध्यक्ष प्रेमलाल महर्जन, अभिभावक महासंघ नेपालका अध्यक्ष सुप्रभात भण्डारी, पारा ओलम्पिककी एेतिहसिक पदक विजेता पलेशा गोवद्र्धन, नेपालको पहिलो हरित विद्यलय बज्र एकेडेमीका कार्यकारी निर्देशक भुपेन्द्र बिक्रम थापालाई सम्मानित गरियो ।

 त्यस्तै, साल्ट ट्रेडिङ कर्पोरेशनका सहायक प्रमुख कार्यकारी अधिकृत, ब्रजेश कुमार झा लेखक एवम साहित्यकार अनिश घिमिरे, घरेलु तथा साना उद्योग महासंघ नेपालका उपाध्यक्ष मोहन कटुवाल, नेपाल डेरी एसोसिएसनका अध्यक्ष अध्यक्ष प्रल्हाद दाहाल, लेखक एवम सर्जक शिव न्यौपाने, शिक्षासेवी, धर्मसेवी एवम समाजसेवी भिक्षु राजु लामा कोन्दन, एनप्याब्सन बागमती प्रदेश अध्यक्ष नारायण कुमार कार्की, एनप्याब्सनका महासचिव तथा बाल साहित्यकार पारसमणी दाहाल, शिक्षासेवी अशोक सुन्दर श्रेष्ठ, मानव अधिकारकर्मी एवम समाजसेवी दिपक चन्द्र गौतम, नेपाल चेम्बर अफ कमर्सकी केन्द्रिय सदस्य एवम् नेपाल क्यान्सर अस्पतालकी निर्देशक स्वरुपा श्रेष्ठ, ललितपुर चेम्बर अफ कमर्सका अध्यक्ष पुष्परत्न शाक्य, काठमाडौं उद्योग वाणिज्य संघकी सचिव, फेसियल हाउसकी प्रबन्ध निर्देशक एवम् बरिष्ठ सौन्दर्यविद सुष्मा महरा शाह, नमस्ते ट्राभल एण्ड टुरिजम एलएलसी, युएईका प्रबन्ध निर्देशक नानुकाजी अर्याल, अन्तर्राष्ट्रिय फेसन कोरियोग्राफर रोजिन शाक्य, स्वतः ट्राभल्स एण्ड एडभेन्चरका प्रबन्ध निर्देशक एवम् ग्लोकल वर्कफोर्सका अध्यक्ष अजय कुमार श्रेष्ठ, एभेण्टोज नेपालका सिईओ डेभिल सिंह राजपुत र इभेन्ट स्टेज व्यवस्थापक तथा डिजिटल डिस्प्ले अपरेटर रमेश श्रेष्ठ र नवप्रभात डेरी उद्योगका अध्यक्ष खुलप्रसाद हुमागाईं काजी दाईलाई राष्ट्रिय गौरव सम्मान समर्पण गरिएको छ ।  

त्यस्तै पत्रकारितातर्फ गोरखापत्र दैनिकका सुकृत नेपाल १० हजार रुपैयाँ र नेपाल टेलिभिजनका क्यामेरामेन अशोक कुमार बस्नेत एवम्  द राइजिङ्ग नेपालकी रेनुका ढकाल नगद ५ हजार राशीसहित राष्ट्रिय गौरव पत्रकारिता पुरस्कारबाट पुरस्कृत हुनुभयो ।  

कार्यक्रम समारोह माझ प्रमुख अतिथि नेपाल चेम्बर अफ कमर्सकी उपाध्यक्ष, नेपाल महिला चेम्बरकी अध्यक्ष एवम् साल्ट ट्रेडिङ कर्पोरेशन लिमिटेडकी सिईओ उर्मिला श्रेष्ठले यस प्रकारको सम्मानले सबैलाई अझ सशक्त भएर अगाडि बढन थप प्रेरित गर्ने विश्वास आफुले लिएको धारणा राख्नुभयो । ‘यो सम्मान समर्पणले हाम्रो समाज र राष्ट्रको हित लागि प्रेरणा हुनेछ भन्ने विश्वास लिएको छु” उहाँले भन्नुभयो । त्यस्तै उहाँले ग्लोरी किड्स एण्ड टिन ट्यालेन्टको प्रसंगमा यस्ता बाल प्रतियोगितात्मक कार्यक्रमले बालबालिकाको प्रतिभा उजागर गर्दै उनीहरूलाई आत्मविश्वासी र जिम्मेवार नागरिक बनाउन योगदान पुर्‍याउने बताउनुभयो।

कार्यक्रममा आयोजक संस्था ग्लोरी मिडियाका अध्यक्ष तथा प्रबन्ध निर्देशक सरोज ओझाले यस्ता प्रतियोगिताले बाल प्रतिभाको सम्मान गर्दै समाजमा सकारात्मक प्रभाव पार्ने र भविष्यमा अझ बढी प्रतिभावान पुस्ता तयार गर्न प्रेरणा दिने विश्वास व्यक्त गर्नुभयो।

काठमाण्डौं – सामाजिक न्याय र बाल अधिकारका क्षेत्रमा समर्पित संस्था सिविसले आफ्नो ३०औं वार्षिकोत्सव समारोह भव्यताका साथ मनाएको छ। सिविसले आफनो ३०औं वार्षिकोत्सवसहित दासता विरुद्धको विश्व दिवस २०२४ सोमबार नयाँ वानेश्वरमासँगसँगै मनाएको हो । जसको उद्घाटन कार्यक्रमकी प्रमुख अतिथि शिक्षा, विज्ञान तथा प्रविधि मन्त्री बिद्या भट्टराई तथा बालबालिकाहरूले पानसमा बत्ती बालेर गरेकी थिईन्। 

कार्यक्रममा सिविसकी संस्थापक अध्यक्ष शान्ति अधिकारीले स्वागत मन्तव्य राख्दै सिविसको ३० औं बार्षिकोत्सव र दासता विरुद्धको विश्व दिवससँगसँगै मनाउन लागेको जानकारीसहित सिविसले सामाजिक न्यायका निम्ति आधुनिक दासताको रुपमा रहेको घरेलु बालश्रम उन्मुलनको लागि महत्वपूर्ण कार्यहरु गर्दै आएको उल्लेख गरिन् । 

सो अवसरमा स्वागत नृत्यको रूपमा सिविस बाल सल्लाहकार समितिका सदस्यहरूले मारुनी नृत्य प्रस्तुत गरे भने यससँगै सिविसको तीन दशक लामो यात्रा र योगदानलाई उजागर गर्ने भिडियो पनि प्रस्तुत गरियो।सो अवसरमा सिविसका एडभोकेसी एडभाईजर युवराज घिमिरेले सिविसले ३० वर्षका दौरानमा गरेका कार्यहरुलाई समेटेर सिविसको तिस बर्षे यात्रा बारे प्रस्तुतीकरण मार्फत जानकारी दिए ।

कार्यक्रममा ग्लोबल एन्टि रेसिज्म च्याम्पियनसिप अवार्ड प्राप्त गरेकोमा पूर्व कमलरी समेत रहेकी सिविसमार्फत कमलरी उन्मुलन अभियानमा सकृय सामाजिक अभियन्ता उर्मिला चौधरीलाई सम्मान गरियो। साथै, सिविसमा कार्यरत प्रमोद आचार्य र केदार मगरातीलाई क्रमश २५ र १७ वर्षको निरन्तर सेवाको लागि दीर्घ सेवा सम्मानबाट विभुषित  गरिएको थियो।

त्यसैगरि कार्यक्रममाझ बाल सल्लाहकार समितिमा योगदान दिएकोमा अन्जिल राय र विपना बस्नेतलाई प्रमाणपत्र प्रदान गरियो। 

कार्यक्रम माझ सिविसको बाल सल्लाहकार समितिका सदस्यहरुले आगामी दिनमा सामाजिक न्याय र बालअधिकारका क्षेत्रमा थप क्रियाशील हुने प्रतिबद्धता व्यक्त गरिएको काठमाण्डौं घोषणा पत्रमन्त्री भट्टराई  हस्ताण्तरण गरेका थिए । 

बार्षिकोत्सवका अवसरमा बालबालिकाहरुबाट प्रस्तुत थाली नाचजस्ता सांस्कृतिक प्रस्तुतिहरूले कार्यक्रमलाई थप रोचक बनाएको थियो भने कृष्ण शाह तेलीले बालअधिकार सम्बन्धी कविता बाचन गरेर माहौललाई थप गर्माएका थिए । त्यस्तै, मनोज भण्डारीले प्रस्तुत गरेको बालश्रम सम्बन्धी गीतले उपस्थित सबैलाई भावुक बनाएको थियो।

कार्यक्रममा शिक्षा, विज्ञान तथा प्रविधि मन्त्री  बिद्या भट्टराईले  बालअधिकारलाई समाजको सबै तहमा स्थापित गर्न आवश्यक रहेको उल्लेख गर्दै भनिन्, 'बालबालिकाको अधिकार सुनिश्चित गर्न शिक्षा, स्वास्थ्य र संरक्षणलाई प्राथमिकतामा राख्नुपर्नेछ। हामी सबैले मिलेर बालश्रम र बालहिंसाविरुद्ध एकीकृत अभियान सञ्चालन गर्नुपर्छ'।

त्यसैगरि उनले सिविसको निरन्तरको कामले बालश्रम घटाउन अहम भूमिका खेलेको बताउदै शिक्षा मन्त्रालयको नेतृत्व गर्दै गर्दा विद्यालय बीचैमा छाडने परिस्थितिबाट बालबालिकाहरुलाई उन्मुक्त गर्दै शिक्षाको नैसर्गिक अधिकार दिलाउन निशुल्क शिक्षा ऐन कार्यान्वयनका लागि योजना बनाएर अघि बढेको उल्लेख गरिन् ।

यसैगरि विधायन समिति सभापति तुलसा दाहालले बाल अधिकारको प्रत्याभुतिका निम्ति सरकार, संसद र नागरिक समाजको महत्वपूर्ण भूमिका हुने उल्लेख गर्दै सिविस जस्ता सामाजिक संघ संस्थाका कारण संविधानमा बालबालिकाका अधिकारका विषयले उचित स्थान पाए पनि कार्यान्वयनको चरणमा केहि समस्या रहदै आएको बताईन् । 

कार्यक्रममा बरिष्ठ बालअधिकार अभियन्ता तथा राष्टिय मानव अधिकार आयोगका पूर्व सदस्य गौरी प्रधानले बालअधिकार आन्दोलन र उपलब्धिहरू बारे प्रकाश पार्दै गाउँ गाउँमा समुदायको अवधारणालाई आत्मसात गर्न सके मात्रै सामाजिक न्यायसहित देशको आर्थिक, राजनीतिक विकास संभव हुने र यसमा सिविस, सिविन जस्ता जस्ता स्ंस्थाको भूमिका महत्वपूर्ण रहने धारणा राखे । 

राष्ट्रिय मानव अधिकार आयोगका सचिव मुरारी प्रसाद खरेलले मानव अधिकारको आधार नै बालअधिकार भएको बताउँदै बालबालिकालाई सुरक्षित वातावरण प्रदान गर्न सिविसले उल्लेख्य कार्य गर्दै आएको उल्लेखसहित संस्थाको ३० औं स्थापना दिवसको शुभकामना व्यक्त गरे । 

कार्यक्रममाझ बालबालिकाकातर्फबाट सभालाई संबोधन गर्ने क्रममा लोकेश बहादुर खड्काले आफू पनि बाल श्रममा रहेको उल्लेख गर्दै सिविसले आफु जस्ता बालबालिकाको पनि अधिकार हुन्छ भन्ने प्रतित दिलाएको स्मरण गरे । 

त्यसैगरि शुभकामना मन्तव्य दिँदै सामाजिक अभियन्ता उर्मिला चौधरीले बालबालिकाको अधिकार र सामाजिक न्यायका लागि निरन्तर क्रियाशील रहनुपर्नेमा जोड दिईन् । 

त्यस क्रममा सुधा र लुनिभा श्रेष्ठले बाल सल्लाहकार समितिमा रहँदाको अनुभव सुनाउदै सिविसबाट बाल श्रम र संरक्षणका विषयमा गहिरो ज्ञान हासिल गर्ने तथा बालबालिकाकोतर्फबाट चाल्नुपर्ने कदम बारे सुसुचित हुने अवसर प्राप्त गरेको जनाए  ।

यसैगरी, मन्थली नगरपालिकाका मेयर लावा श्रेष्ठले स्थानीय सरकारले बालअधिकार प्रवर्द्धनमा गरेका पहलबारे जानकारी गराउँदै बालश्रमको अन्त्यका लागि दीर्घकालीन योजना बनार्इरहेको बताए।

बुढानीलकण्ठ माविका शिक्षक श्याम श्रेष्ठले सिविसका कारण आफू पूर्ण शिक्षक बन्न सकेको महशुस गरेको उल्लेख गरे । 

त्यसैगरि एनएसीजीका अध्यक्ष किरण थापाले बालश्रमविरुद्धको चेतनाका लागि सिविसले स्थापना कालदेखी नै प्रभावकारी कार्यक्रमहरु प्रस्तुत गर्दै आएको बताए। 

कार्यक्रमको समापनमा सिविसकी अध्यक्ष बिमला ज्ञवालीले उपस्थितीका लागि सबैमा धन्यवाद ज्ञापन गर्दै बालअधिकार संरक्षणका लागि सबै पक्ष मिलेर अगाडि बढ्नुपर्ने उल्लेख गरिन्। साथै उनले सामाजिक न्याय र बालअधिकारको क्षेत्रमा तीन दशक लामो यात्राको सिकाईबाट सिविसले नयाँ उचाइ प्राप्त गरेको जनाउदै आगामी दिनमा पनि खरो रुपमा उत्रने प्रतिबद्ध समेत व्यक्त गरिन् । 

कार्यक्रमा प्रस्तोताको भूमिका निर्वाह गर्दै संस्थाकी महासचिव अनिता पाण्डेले कार्यक्रमले बालअधिकारप्रतिको जागरण र संरक्षणमा महत्वपूर्ण सन्देश दिएको बताईन् । 

काठमाडौं — काठमाडौंको सामाखुसी स्थित सिटी स्क्वायर नजिकै हालै संचालनमा आएको डेष्टिनेशन जापानिज ल्याङ्ग्वेज एण्ड कन्सल्टेन्सीको बिहीबार उद्घाटन गरिएको छ । डेष्टिनेशन जापानिज ल्याङ्ग्वेज एण्ड कन्सल्टेन्सीको उद्घाटन कार्यक्रममा प्रमुख अतिथि संसद सदस्य एवम् पूर्व वन तथा वातावरण मन्त्री शंकर भण्डारीले गर्नुभयो। उद्घाटन समारोहमा प्रमुख अतिथि भण्डारीले नेपाल र जापानबीचको शैक्षिक तथा सांस्कृतिक सम्बन्धलाई अझै सुदृढ गर्न यस संस्थाले महत्वपूर्ण भूमिका खेल्ने बताउनुभयो। उहाँले भन्नुभयो, 'नेपालका विद्यार्थीहरूलाई उच्च शिक्षा र रोजगारीको अवसरका लागि जापान जस्तो देशमा अध्ययन गर्न सक्षम बनाउनु ठूलो सफलता हो। यो संस्थाले नेपाली युवाहरूलाई नयाँ आयाम प्रदान गर्नेछ'।

उक्त कन्सल्टेन्सी सुमन लौडारी, जापानमा विगत २० वर्षदेखि सक्रिय दिलिप श्रेष्ठ र दिपेन्द्र श्रेष्ठले संचालकमा ल्याउनुभएको हो । संस्थाले विद्यार्थीहरूलाई जापानी भाषा सिकाउने, जापानमा पार्टटाइम कामको अवसर तथा कलेज भर्ना प्रक्रिया लगायत सम्पूर्ण सेवाहरू उपलब्ध गराउने कन्सल्टेन्सीका संचालकहरुले बताउनुभएको छ। संचालकहरूका अनुसार जापानमा अध्ययन गर्न चाहने नेपाली विद्यार्थीहरूको बढ्दो मागलाई मध्यनजर गर्दै डेष्टिनेशन जापानिज ल्याङ्ग्वेज एण्ड कन्सल्टेन्सीले जापानदेखि नेपालसम्म सम्पूर्ण प्रक्रिया सहज बनाउने उदेश्यसहित संचालनमा ल्याईएको हो । संस्थाले आफनो सेवालाई विद्यार्थीहरुको हितमा हुने गरि कार्य गर्ने प्रतिवद्धता समेत जनाएको छ।

उद्घाटन कार्यक्रममा सामुदायिक अगुवा, शिक्षाविद्, तथा विद्यार्थीहरू लगायतको उल्लेखनीय उपस्थिति रहेको थियो।

काठमाण्डौ – पछिल्लो समयकि ब्यस्त र चर्चित कलाकार प्रतिक्षा काफ्ले र जिवन आचार्य अभिनित नया गीत”हेरें सानूलाई”को म्युजिक भिडियो सार्वजनिक भएकोछ युआर म्युजिकको प्रस्तुतिमा उर्मिला बस्नेत र कृष्ण भट्टराईको स्वर रहेको गीतको भिडियो रिलिज भएको हो ।

शंकर अधिकारी घायलको गीत र निर्देशनमा निर्माण भएको गीतमा बिकास चौधरीको संगीत,संजय हमालको एरेन्ज,गोबिन्द सोनिको मिक्सिङ मास्टरिंग,अजय अधिकारीको रेकर्डिङ,बिमल ढकालको छायांकन,राजन महर्जनको कोरियोग्राफी,ललित सिंह साउदको सम्पादन रहेको छ  भने मदन न्यौपानेको मेकअप रहेको गीतलाई गायिका उर्मिला बस्नेतको युटुव च्यानल यु आर म्युजिक बाट रिलिज गरिएकोछ।

तिम्रो आकर्षणले,आँखामा निद,नघोच यो छाती,तिमीलाई नै लगायत २ दर्जन भन्दाबढि म्युजिक भिडियो दर्जनौं र्याम्प शो टिभिसी र टेलिचलचित्रहरुमा अभिनय गरिसक्नु भएकि प्रतिक्षा काफ्लेको यो हावा चंचल हुन्छ,खतरा होला नि,मायाले लगायतका आधा दर्जन बढि गीतहरु बजारमा आउनेक्रममा रहेकाछन।

काठमाडौं – निम अवार्डको आठौं संस्करणका लागि आवेदन खुला गरिएको छ । नेपालको पहिलो समावेशी म्युजिक अवार्ड अन्तर्गत ‘राष्ट्रिय समावेशी म्युजिक (निम) अवार्ड २०२५’ को आवेदन खुला गरिएको कार्यक्रम संयोजक कमला जोशीले जानकारी दिनुभएको हो ।

विगत ७ वर्षदेखि निरन्तर आयोजना हुँदै आएको निम अवार्डमा पहिलो वर्षदेखि नै नेपालमा बोलिने विभिन्न भाषाभाषीका गीत संगीतलाई विशेष प्राथमिकताका साथ समेटिँदै आएको छ । अहिलेसम्मकै बृहत् संख्याका भाषाभाषीका गीतहरूको उत्साहपूर्वक सहभागिता हुँदै आएकाले पनि यसलाई नेपालकै पहिलो समावेशी अवार्डका रूपमा लिने गरिन्छ ।

नेपालभित्र बोलिने विभिन्न भाषा र भाकाका गीतहरूलाई कार्यक्रममा सहभागी गर्दै आइरहेको यो अवार्डमा काँठे भाका, देउडा भाका, नेपाल भाषा, तामाङ भाषा, मैथली, भोजपुरी, राई, लिम्बू, चौधरी, शेर्पा, मगर, गुरुङ, सतार, सुनुवार लगायतका विभिन्न भाषाका गीत र भिडियोहरू अवार्डमा सहभागी हुँदै आएका छन् भने यस वर्ष पनि ती भाषा तथा भाकाका गीत संगीतहरूलाई अवार्ड कार्यक्रममा समेटिने आयोजक संस्थाले जानकारी दिएको छ ।

अंग्रेजी क्यालेण्डरअनुसार २०२४ जनवरी १ देखि २०२४ डिसेम्बर ३० सम्म (१ वर्षभित्रमा) बजारमा आएका गीत तथा भिडियोहरूलाई समावेश गरिने अवार्ड आयोजकले बताएका छन् । एरा प्रोडक्सन प्रालिको व्यवस्थापनमा सम्पन्न हुने निम अवार्डका फारमहरू आयोजक संस्थाको कार्यालयवाट उपलब्ध हुनुका साथै ग्लोबल अनलाइन पेको अनलाइनमार्फत् पनि भर्न सकिने जनाइएको छ । गीतहरू दर्ता गर्नका लागि आवेदनको अन्तिम मिति पुस २० गतेसम्मका लागि तोकिएको आयोजक समितिले बताएको छ ।

ओहायो अमेरिका- आप्रवासी नेपाली गीतकार संघ अमेरिकाको प्रथम बार्षिक साधारण सभा यही आगामी फेब्रुअरी २, २०२५ अर्थात माघ २१, २०८१ मा अमेरिकामा हुने कार्यक्रम सार्वजनिक भएको छ। अमेरिकामा रहेर नेपाली साहित्यको बिशेषगरि गीत रचनामा निरन्तर लागिरहेका गीतकारहरुको सामुहिक संस्था “आप्रवासी नेपाली गीतकार संघ, अमेरिका”ले आफ्नो प्रथम बार्षिक साधारण सभा यही फेब्रुअरी २, २०२५ का दिन अमेरिकाको ओहायो राज्यमा मनाउने भएको छ। उक्त दिन ज्ञान र विद्याकी देबी सरस्वतीको उपासना गर्ने दिन सरस्वति पूजा परेकोले हरेक बर्ष संघको बार्षिक अधिवेशन सरस्वति पूजाकै दिन सम्पन्न गर्ने निर्णय गरेको समेत संघले जनाएको छ।

नेपाली साहित्यमा निरन्तर कलम चलाइरहेका सम्भव भएसम्म सबै सर्जकहरुको उपस्थितिको अपेक्षा गरिएको उक्त समारोहमा विभिन्न साहित्य सम्बन्धि महत्वपूर्ण चर्चापरिचर्चा सहित सांस्कृतिक एवं साहित्यिक कार्यक्रमहरु संचालन गरिनुका साथै केहि नयाँ कृतिहरुको लोकार्पण पनि गरिने कुराको जानकारी संघका अध्यक्ष हरि उप्रेतीले गराउनुभएको छ।

 संघको यो प्रथम कार्यक्रम भएकोले यसलाई सकेसम्म भव्य र सभ्य बनाउन उत्तर अमेरिकामा रहेका सबै गीतकार, साहित्यकार एवं संगीत कलाकर्मी सर्जकहरुबाट ठूलो संख्यामा सहभागिता गराउने प्रयासमा संघ प्रयत्नशील गहेको कुरा संघका संरक्षक वरिष्ठ गीतकार ज्ञानेन्द्र गदालले हामीलाई जानकारी गराउनु भयो।

 उक्त समारोह ओहायो राज्यको रेनल्डसबर्ग शहरमा हुने भएको छ। उक्त सभाबाट आफ्नो भावि योजना एवं कार्यदिसा तय गर्ने जानकारी समेत संघबाट प्राप्त भएको छ।

Kathmandu, 23 November– The Buddhist Delegations from Singapore, led by Dr. Ven. Gunarata Maha Thero of the Mahakaruna Buddhist Society Singapore and the Triple Gem Educational Foundation, organized a heartfelt program aimed at invoking peace and harmony in the world. The event, which marked the 8th birthday celebration of Mahasara David C.S. Cheong, featured special blessings and chanting ceremonies by a group of monks to wish him long life and good health.

The celebration also included a generous distribution of lunch, stationery, and clothing to 450 students. Addressing the gathering, Dr. Ven. Gunarata Maha Thero emphasized the importance of metta (loving-kindness) and moral education in fostering peace. He praised Triratna School Nepal for its dedication to ethical education, stating, “Only through metta and loving-kindness can we achieve and sustain peace in the world. A life of discipline and ethics leads to wholesomeness.”

Dr. Ven. Raju Lama Kondan, the founder and principal of Triratna School, expressed deep gratitude to Ven. Dr. Gunarata Maha Thero, Mahasara David Cheong, and the delegation for their selfless contributions. He highlighted their ongoing support for Nepal, including aid provided during the earthquake and the COVID-19 pandemic.

Mahasara David Cheong, known for his compassion, offered dana (charitable gifts) and stationery supplies to students and various monasteries and schools across Nepal. The school’s vice principal, Mr. Dilu Lama, extended a heartfelt vote of thanks to the delegation for their noble service and visit.

To commemorate the occasion, Dr. Ven. Raju Lama Kondan presented a token of appreciation to the visiting delegation, recognizing their unwavering support and love for Nepal.

'The event was a testament to the power of compassion, ethical education, and the collective efforts toward building a harmonious world' Dr. Ven. Lama said.