काठमाडौं । कीर्तिपुर नगरपालिकाका तत्कालीन मेयर राजकुमार नकर्मीको निधन भएपछि आगामी मंसीर १६ गते हुने कीर्तिपुर नगरपालिकाको उपनिर्वाचनका लागि नेकपा एमालेको तर्फबाट उपनिर्वाचनको तयारीमा झण्डै एक दर्जन व्यक्तिहरु लाइनमा देखिन्छन् ।

यी हुन् कीर्तिपुरको मेयर पदका लागि नेकपा एमालेबाट आकांक्षीहरु: १. सरव कुमार महर्जन - नेकपा एमाले प्रदेश क सदस्य कीर्तिपुर नगर इन्चार्ज २. केस रत्न  बज्राचार्य - नेकपा एमाले काठमाडौँ जिल्ला सदस्य /काठमाडौँ निर्वाचन क्षेत्र नम्बर १० संयोजक ३. सुरेन्द्र मानन्धर - नेकपा एमाले केन्द्रीय सदस्य/काठमाडौँ निर्वाचन क्षेत्र नम्बर १० इन्चार्ज ४. बिन्दु महर्जन - नेकपा एमाले काठमाडौँ जिल्ला उपसचिव ५. सूर्य बुढाथोकी - राष्ट्रिय अन्तर्राष्ट्रिय खेलाडी तथा नेपाल खेलकुद महासंघ उपत्यका विशेष प्रदेशका अध्यक्ष ६. ध्रुव अधिकारी - नेकपा एमाले काठमाडौँ जिल्ला सदस्य ७. विकास महर्जन - नेकपा एमाले काठमाडौँ जिल्ला सदस्य ८. राजकमल महर्जन - कीर्तिपुर नगर सदस्य ९. जुजु भाइ महर्जन - कीर्तिपुर नगर सदस्य आउदो उपनिर्वाचनको लागि कीर्तिपुर नगरपालिकाको मेयर पदको टिकट कसले पाउछन् त्यो भने अझै हेर्न बाँकी नै छ ।

दोहा कतार – शनिबार नज्मा स्थित वल्ड दरबार रेष्टुरेन्टको सभाहलमा भव्य रुपमा सम्पन्न भएको अन्तरास्ट्रिय नेपाली सेफ सोसाइटी कतारको प्रथम अधिवेशन बाट रामेछापका सुर्य भण्डारीको नेतृत्वमा १४ सदस्यीय कार्यसमिति सर्वसम्मत चयन भएका छन ।

सोसाइटी कतारका तदर्थ समिति संयोजक सुर्य भण्डारीको सभापतित्व, प्रतिष्ठित व्यक्तित्व सचिन कार्कीको प्रमुख आतिथ्यतामा केही विशिष्ट ब्याक्तित्वहरु, संघ संस्थाका प्रमुखहरु, पत्रकार, कलाकारहरुको साथै कतारको विभिन्न प्रतिष्ठित होटेल तथा रेष्टुरेन्टहरुमा सेफको काम गरिरहेका करिब १ सय नेपाली सेफहरुको उपस्थितिमा कार्यक्रम सम्पन्न भएको हो ।

दिउँसो ठिक १ बजे व्यानर अनावरण सहित दिप प्रज्वलन गरि राष्ट्रिय गान बजाएर सुरु भएको कार्यक्रममा तदर्थ समितिका महासचिव बद्री विक्रम थापाले उपस्थित सम्पुर्णलाई सम्बोधन गर्दै स्वागत मन्तव्य राखेका थिए भने कार्यक्रम हलमा उपस्थित सबै सेफहरुले आ-आफ्नो परिचय दिदै कतारमा पनि सोसाइटीको शाखा बिस्तार भएकोमा खुशी व्यक्त गर्दै निर्वाचित कार्यसमितिलाई सफल कार्यकालको शुभकामना दिएका थिए ।

“सामाजिक समुन्नति, सीप मुलक विकास तथा नेपाली खानाको स्तरोन्नतिको लागि हाम्रो अभियान” भन्ने मुल नारा बनाई आधिकारिक रुपमा सन् २०१८ मा स्थापना भएको सोसाइटी २०२४ सम्म आइपुग्दा ३४ वटा देशमा बिस्तार भएको र अधिवेशन गरि कार्यसमिति सहितको शाखा बिस्तारमा भने कतार सहित ९ वटा देशमा सक्रिय रहेको सामाजिक संजालको प्रयोग गर्दै भिडियो कल मार्फत अन्तरास्ट्रिय नेपाली सेफ सोसाइटीका केन्द्रीय सम्योजक तथा नेपाल सेफ सोसाइटी युएईका संरक्षक अरुण अधिकारीले प्रष्ट पारेका थिए ।

खुल्ला र बन्द सत्र गरि दुई चरणमा सम्पन्न कार्यक्रमको खुल्ला सत्रमा कतारमा रहेर नेपाली गीतसङ्गीतमा निरन्तर सक्रिय रहेकी लोकप्रिय गायिका गुना मगर “निशु” र सोसाइटी कतारका सचिब चक्र मगरले आफ्नो साङ्गीतिक प्रस्तुति मार्फत उपस्थित सबैलाई नचाएर अधिवेशनको माहोल सङ्गीतमय बनाइदिएका थिए ।

कार्यक्रममा बोल्ने क्रममा प्रमुख अतिथि कार्कीले नेपाली खानाको स्तरोन्नति गर्दै विश्वव्यापी रुपमा चिनाउने उद्देश्यका साथ स्थापना गरिएको सोसाइटीले अब कतारबाट पनि उल्लेखनीय भुमिका खेल्दै निकट भविस्यमै उद्देश्य अनुरुपको त्यो सफलतामा पुगेको देख्न पाउनेमा आफू ढुक्क रहेको बताउदै प्रथम अधिवेशन बाट बन्ने नयाँ कार्यसमिति लाई सफल कार्यकालको शुभकामना दिएका थिए ।

तदर्थ समितिका महासचिव बद्री विक्रम थापा र सचिब चक्र मगर मिलेर सहजीकरण गरेका खुल्ला सत्रको कार्यक्रमको अन्तमा सभापति भण्डारीले कतारमा अन्तरास्ट्रिय नेपाली सेफ सोसाइटीको शाखा बिस्तार हुँदै गर्दा सोसाइटीले खेल्ने भूमिकाको बारेमा प्रष्ट पार्दै कतारमा रहेका सम्पुर्ण नेपाली सेफहरुलाई एउटै छातामुनी आबद्ध गराउदै हरेक दु:ख सुखमा साथ सहयोग गर्दै कसरी हुन्छ नेपाली खानालाई बिश्व सामु स्थापित गर्नको निमित्त एक ढिक्का भइ लागि पर्ने बताए । उनले थप बोल्दै प्रथम अधिवेशन कार्यक्रमलाई छोटो समयको तयारीमा पनि भव्य सफल बनाउनको लागि अहोरात्र खट्ने र प्रत्यक्ष अप्रत्यक्ष रुपमा सहयोग गर्ने सबैलाई धन्यवाद दिदै खल्ला सत्र कार्यक्रमको समापन भएको घोषणा गरेका थिए भने कार्यक्रम संचालनमा रामेछाप सेवा समाजका सल्लाहकार तथा बागमती प्रदेश समन्वय परिषदका अध्यक्ष ललित कुमार तामाङले सहयोग गरेका थिए ।

खुल्ला सत्र कार्यक्रम सकिए लगतै सुरु भएको बन्द सत्र कार्यक्रमबाट बागमती प्रदेश समन्वय परिषद कतारका अध्यक्ष तथा रामेछाप सेवा समाजका सल्लाहकार ललित कुमार तामाङको संयोजकत्त्वमा बनेको निर्वाचन समितिको रोबरमा सुर्य भण्डारीको नेतृत्वमा १४ सदस्यीय कार्यसमिति चयन भएका छन जस अन्तर्गत अध्यक्षमा सुर्य भण्डारी, प्रथम उपाध्यक्षमा डिबि कार्की, द्वितीय उपाध्यक्षमा दिपक पोखरेल, महासचिवमा बद्री विक्रम थापा, सचिबमा चक्र मगर, कोषाध्यक्षमा सुन्दर कार्की, सह- कोषाध्यक्षमा खग बहादुर बस्नेत निर्वाचित भएका छन त्यसैगरी बिकाश बहादुर बुढा, दिपक भण्डारी, सिताराम मगर, लक्ष्मण गुरुङ, शिशिर पाण्डे, अनुमाया तामाङ र युवराज आचार्य सदस्यमा सर्वसम्मत निर्वाचित भएका छन भने ५२ जना साधारण सदस्य बनेका छन सदस्यता बनेका सबैलाई नव निर्वाचित निर्वाचित अध्यक्षले सदस्यताको प्रमाणपत्र प्रदान गरेका थिए ।

नेपालीहरुको महान् पर्व विजयादशमीको अवशरमा चण्डिका श्रेष्ठको प्रस्तुति गणेश श्रेष्ठको "नआओस् दशैँ"बोलको गीत ओ.एस.आर.मुभिजबाट सार्वजनिक भएको छ । नेपालमा बढेको बेरोजगार समस्याले बिदेशीनुपर्ने नेपाली दाजुभाइहरुको कथा सँगै दशैँ र तिहार जस्तो महान् चाडपर्व आउँदा नेपालमा पिरोलिनुपर्ने परिवारको कथामा आधारित यस गीतमा पार्वती गिरी र आदित आचार्य तथा अन्य कलाकारहरुको जिवन्त अभिनय रहेको छ।

गणेश श्रेष्ठको शब्द /संगीतमा धिरेन्द्र राई तथा सहिमा श्रेष्ठको सुमधुर स्वर रहेको छ। सन्तोष प्रगाढ राईको एरेन्ज, रामेश्वर हुँमगाईको,छायांकन,अनन्त घिमिरेको सम्पादन तथा सन्तोष पराजुली प्राबिधिक रहेको यस गीतको निर्माता चण्डिका श्रेष्ठ र दिनेश बुढाथोकी रहेका छन् । यस गीतको कथा/ निर्देशन देवप्रसाद धिमालले गरेका हुन् ।

काठमाण्डौ - बडा दशैं आश्विन शुक्ल पक्षमा प्रतिपदादेखि दशमी र त्यसपछि कोजाग्रत पूर्णिमासम्म पनि मानिने विशेष पर्व वा उत्सव हो। दशैंलाई बडा दशैं, दशहरा, विजया दशमी, आयुध-पूजा आदि नामले जानिन्छ ।

सत्यले असत्यलाई पराजीत गरेको खुशीयालीमा यो पर्वलाई परापुर्वकाल देखी मनाउँर्दै आईरहेको जनश्रुती रहेको पाईन्छ । विशेष गरी शक्तिकी देवी दुर्गाका विभिन्न रुपले पुजिने  यो शक्ति-पूजाको पर्व हो, शस्त्र पूजनको तिथि हो । हर्ष एवं उल्लास तथा विजयको पर्व हो । हिन्दू सँस्कृति वीरताको पूजक अनि शौर्यको उपासक हो ।

महासप्तमी :

नवरात्रिको सातौं दिन फूलपाती हो। नवरात्रको सप्तमीका दिन बेलपत्र, धानको गाभा, अनार, अदुवाको बोट, कच्चु, उखु, केरा आदि नौ प्रकारका पल्लवहरू घर घरमा भित्र्याइन्छ।

वर्षा ऋतु सिद्धिएर शरद ऋतु को स्वागतका लागि नयाँ पालुवाहरू घरमा भित्र्याउँदा घरभित्र रहने रोग वृद्धिकारक जीवांश  र विभिन्न प्रकारका नकारात्मक कीटाणु र जीवाणुहरू औषधीय पालुवाको प्रभावले घरमा रहदैनन् भन्ने धार्मिक तथा साँस्कृतिक मान्यता रहिआएको छ।यस दिन सदर टुँडिखेलमा फूलापाती बढाइँ भएपछि फूलपातीस्वरूप केरा, दारिम, धान, हलेदो, माने, कर्चुर, बेल, अशोक र जयन्ती यी नौ प्रकारका पातहरूलाई पूजी प्रत्येकको नौका दरले दुर्गापूजा गरेको स्थानमा भित्र्याइन्छ। यस दिन विशेष गरेर महासरस्वती तथा पुस्तक, कापी, कलम अनि मसीदानी आदिको पनि पूजा गरिन्छ। किसानहरू यस दिन खेतमा गई चन्दन, अक्षता र फूलले धानको पूजा गरी धानका बाला र बोट घरमा भित्र्याउँछन्। साथै यसै दिन गोरखा दरबारको दशैंघरबाट ल्याइएको फूलपाती राजधानी काठमाडौंको जमलमा ल्याई परेड र बढाइँका साथ हनुमानढोका दरवारमा भित्र्याइन्छ ।

महाष्टमी :

नवरात्रिको आठौं दिन महाष्टमीमा महाकाली (भद्रकालीको विशेष पूजा(आजा गरिन्छ। देवीभागवत् अनुसार प्राचीन कालमा दक्षप्रजापतिको यज्ञ नाश गर्ने ज्यादै शक्तिशाली भद्रकाली ९करोडौं योनी(शक्ति)का साथ अष्टमीका दिन उत्पन्न भएकाले पूजा गर्ने चलन रहिआएको छ। पूजापश्चात् मानिसहरू नवदुर्गा ,आ(आफ्ना कुलदेवी, देवता र स्थानीय देवीदेवतालाई पूजी बोका, कुखुरा, हाँस, राँगो आदि बलि दिन्छ्न्। शाकाहारीहरूले नरिवल, कुभिण्डो, केरा, घिरौँला, आदि फल अर्पण गर्दछन्। महाअष्टमी र महानवमी बिचको रातलाई कालरात्रि मानेर रातभरि गुप्तपूजा गरिन्छ।

महानवमी :

नवरात्रिको नवौ दिन महानवमीमा विशेष गरी सिद्धिधात्री देवीको पूजा(आजा गरिन्छ। यसै दिन बिहान कलपूर्जा, हातहतियारहरू तथा सवारीका साधनहरू आदिलाई बलि दिई विश्वकर्माको पूजा पनि सम्पन्न गरिन्छ। यस दिन अरू पूजाको अतिरिक्त विशेष गरी दुई वर्षदेखि दस वर्षसम्मका नवकन्याहरूको पनि पूजाआजा गरिन्छ। बलिको अर्थ त्याग, बलि दिनु अर्थात् त्यागिदिनु भन्ने हुन्छ। नवदुर्गाका प्रसादले काम, क्रोध, लोभ, मोह, मद, मात्सर्य, ईष्र्या, द्वेष, छल, कपट, यी दश प्रकारका अवगुणहरू हटून् र सुख, शान्ति, समृद्धि प्राप्त होस् भन्ने भावले सबै दश अवगुणहरुको त्याग गर्दै आएकोमा पछिवाट कामको प्रतीक बोको, क्रोधको प्रतीक राँगो, लोभको प्रतीक भेडो, मद, मात्सर्यको प्रतीक कुखुरो र हाँसलाई मान्दै बलि चढाउँने चलन आएको मानिन्छ ।

विजया दशमी :

नवरात्रिको दशौ दिनलाई विजयादशमी भनिन्छ।आश्विन महिनाको शुक्लपक्षको श्रवण नक्षत्रले युक्त दशमीलाई विजयादशमी भन्ने बुझ्नुपर्छ। यो दशैंको खास दिन हो ।

यस दिनमा भगवान रामचन्द्रले रावण माथि विजय प्राप्त गरेकाले यसलाई विजयादशमी भनिएको कथन छ । यस दिन घर घरमा सबैभन्दा पाको र जानकार ब्यक्तिले सोह्र सामाग्रीले भगवती दुर्गा र अरु देवीहरु तथा देवताको पूजा गरी, नौ दिनसम्म गरेको पूजाको काममा कुनै त्रुटि भयो कि भनी त्यसलाई पूरा गर्न तामाको थालीमा चन्दनले अष्टदल लेखी त्यसका बीचमा माटाका देवीका तीन प्रतिमा वा राता अक्षताका तीन थुप्रा राखी बीचमा अपराजित देवी, दाहिनेतिर जयादेवी, देब्रेतिर विजया देवीको आवाहन र सोह्र सामाग्रीले पूजा गरी यथाशक्ति हवन गरी जमरालाई पूजा गरी अनि भगवती दुर्गा र अन्य देवदेवीहरुलाई चढाइ आरती र पुष्पाञ्जलि गर्ने गरिन्छ ।यति गर्नाले कसैले पनि आफूमाथि दमन ९विजय० गर्न सक्दैन भन्ने धार्मिक विश्वास छ । त्यसपछि मन्त्र पढ्दै चन्दन, अक्षता, फूल छर्कँदै माफी माग्दै दुर्गा भगवती र अन्य देवीदेवतालाई विसर्जन गरी उठाएर अन्यत्र राखिन्छ ।

त्यसपछि देवीका मूर्तिहरू र नवपत्रिकालाई बाजा, गाजा या वैदिक मन्त्र पढी जलाशयमा लगी सेलाई घडाका जलले अभिषेक गरी देवीलाई चढाएको रातो अनि सेतो वस्त्रको कपडालाई प्रसादको रूपमा घाँटीमा लगाइन्छ। त्यसपछि घरका मुलमान्छेले नव दुर्गा भगवतीको प्रसाद स्वरुप अवीर र दहीमा मुछेको चामलका टीका निधारमा, जमरा टाउकोमा लगाई दक्षिणा दिई आशिर्वाद दिन्छन् । अनि सपरिवार नातेदारकहाँ तथा मान्यवरकहाँ दशैंको लागि तयार पारी राखिएको नयाँ लुगा गहना लगाई टीका लगाउन जान्छन् । जसको लर्को तथा भिड भाड यत्र तत्र बाटोमा या बसमा प्रशस्तै देख्न सकिन्छ।

लेख श्रोत : actpronepal.com/

काठमाण्डौ– २०८१ को बडादशै तथा शुभदिपावलीको अवसर पारेर नेपाल चलचित्र तथा कलाकार श्रमिक संगन (फावन)ले शुभकामना आदान प्रदान कार्यक्रमको सम्पन्न गरेको छ । कार्यक्रममा संघका कार्यसमिती सदस्य सहित सल्लाहकार सदस्य, मानार्थ सदस्य, साधारण सदस्य सहित अन्य मिडियाकर्मी तथा संगीतकर्मीहरुको सहभागीता रहेको थियो ।

कार्यक्रममा बोल्दै संघका अध्यक्ष खगेन्द्र प्याकुरेलले आउदै गरेको बडादशै शुभदिपावली तथा छठ पर्वको शुभकामना दिदै चाडवाडलाई उल्लासमय रुपमा मनाउ तर आफ्नो क्षमता अनुसार मनाउ जे छ त्यसैमा रमाउ भन्दै सम्पुर्ण नेपाली दाजुभाई तथा दिदिबहिनीहरुलाई शुभकामना प्रदान गरे । त्यस्तै महासचिव राजन थापाले आउदै गरेको विजया दशमी तथा शुभदिपावलीको सम्पुर्ण नेपाली दाजुभाई तथा दिदिबहिनीहरुमा शुभकामना प्रदान गरे भने कार्यक्रममा सल्लाहकार सदस्य तथा मानार्थ सदस्यहरु शान्तिप्रिय, डब्बु क्षेत्री, दिपक शर्मा लगायतले शुभकामना दिएका थिए ।

संघका मानार्थ सदस्य तथा चलचित्र निर्देशक माधव राज खरेलले सहजिकरण गरेको उक्त कार्यक्रम मैतिदेवीमा रहेको डोरी रेष्टुरेन्टमा आयोजना गरिएको थियो ।

https://www.facebook.com/media/set/?set=a.834345305519372&type=3

काठमाण्डौं । बडा दशै, शुभदीपावली, नेपाल सम्वत, छठ लगायतका पर्वको अवसरमा विगत बर्षझै सामुदायिक सेवा केन्द्र टुँडालदेवी तथा सामुदायिक प्रहरी सेवा केन्द्रको संयुक्त आयोजनामा शुभकामना आदान प्रदान तथा चियापान कार्यक्रम सम्पन्न भएको छ । केन्द्रका अध्यक्ष राम प्रसाद न्यौपानेको अध्यक्षतामा मंगलबार आयोजित उक्त कार्यक्रम महानगरीय प्रहरी वृत्त मालीगाउँ प्रमुख प्रहरी नायव उपरिक्षक सुनिल जङ शाहको प्रमुख आतिथ्यता तथा काठमाडौ महानगरपालिका ०४ नं वडाका अध्यक्ष दिनेश महर्जनको बिशेष आतिथ्यता माझ सम्पन्न भएको हो ।

सो अवसरमा शान्ति सुरक्षा सम्बन्धि छलफल गरिनुका साथै महानगरीय प्रहरी वृत्त मालीगाउँ प्रमुख प्रहरी नायव उपरिक्षक सुनिल जङ शाहको स्वागत सम्मान एवं उहाँसँगको परिचयात्मक कार्यक्रम समेत राखिएको थियो ।

सो अवसरमा महानगरीय प्रहरी वृत्त मालीगाउँ प्रमुख प्रहरी नायव उपरिक्षक सुनिल जङ शाहले विजया दशमीको शुभकामना व्यक्त गर्नुहुँदै चाडबाडको बेलामा हुन सक्ने चोरी डकैतीलाई रोक्दै शान्ति सुव्यवस्था कायम राख्न उच्च सुरक्षा सतर्कता अपनाईने जानकारी गराउनुभयो ।

त्यसैगरि काठमाडौ महानगरपालिका ०४ नं वडाका अध्यक्ष दिनेश महर्जनले वडाबासीलाई शान्ति सुरक्षाको प्रत्याभूती दिलाउन स्थानीय सरकारबाट पनि सक्दो प्रयास जारी राखिने उल्लेख गर्नुभयो ।

कार्यक्रममा सभापतिको आसनबाट बोल्नुहुँदै सामुदायिक सेवा केन्द्र टुँडालदेवीका अध्यक्ष रामप्रसाद न्यौपानेले सामुदायिक सेवा केन्द्र टुँडालदेवी तथा सामुदायिक प्रहरी सेवा केन्द्रको संयुक्त पहलमा यस क्षेत्रमा शान्ति प्रबद्र्धनका कार्यक्रमहरु नियमित संचालनमा रहेको जनाउनुभयो ।

कार्यक्रममा नेपाल सरकारका पूर्वसचिव, (अ.प्रा.) प्र.अ.म.नि. अमर सिह शाह, पूर्वप्रहरी कर्मचारीहरु स्थानिय युवा क्लव, संघ सस्था टोलसुधार महिला समुह, विद्यालयका प्रतिनिधी सहित विभिन्न राजनीतिक दलका प्रतिनिधि, नेपाली सेनाका पूर्वअधिकृत, नेपाल प्रहरीका पूर्व अधिकृत, सामुदायिक सेवा केन्द्रका पदाधिकारीहरू, बिभिन्न संघ संस्थाका प्रतिनिधिहरू तथा समाजसेवी,स्थानिय बासिन्दा आदीको उपस्थिति रहेको थियो ।

काठमाडौं — आश्विन २२, २०८१। 

फेसन ईराद्वारा आयोजित ‘ईरा'ज एम्बासडर,२०२४ ’को शिर्ष उपाधि रोहन लामा गुरुङ्ग र रोश्नी खड्काले जितेका छन्। राजधानीको धुम्बाराहीस्थित भोईस अफ नेपाल स्टुडियोमा सम्पन्न प्रतिष्पर्धामा अन्य प्रतिस्पर्धीहरुलाई पछि पार्दै रोहन र रोश्नी बिजेता घोषित भएका हुन। बिजेताले शिर्ष उपाधीसहित करिव पाँच लाख बराबरको आकर्षक उपहारहरुसंगै बिभिन्न म्युजिक भिडियो र शर्ट मूभीहरुमा अभिनयको अवसरसंगै थाईल्याण्ड र दुबईको फ्लाईट टिकेट प्राप्त गरेका छन।

‘ईरा'ज एम्बासडरमा प्रतिभाशाली तथा उदीयमान मोडलहरुको प्रस्तुती र अद्वितीय शिल्प कौशल मिश्रित पहिरनमा मोडलहरुले र्‍यापमा आफूलाई उत्कृष्ट रुपमा प्रस्तुत गरेका थिए। प्रतियोगितामा दिव्यांशु शर्मा र अंशिका चौधरी फर्स्ट रनर अप, अभिराजन यादव र रोशिका पौडेल सेकेन्ड रनर अप, सक्षम गहतराज र दृष्टी तिलिजा पुन थर्ड रनर अप, गौरव थापा र सिमरन भट्ट अर्गनाईजर चोईस घोषित भए। 

उक्त प्रतियोगितामा ईण्टरनेशनल क्राउन बिजेतातर्फ 'मोडल टुरिज्म एम्बासडर' सुप्रिया शिवाकोटी, शान्ति लामा र सुरज मल्ल ठकुरी, 'मिस्टर टिन ईन्टरनेशनल' अनिश दुलाल, मिस टिन ईन्टरनेशनल हसिना सेन ठकुरी, मिस टुरिज्म ग्लोव नेपाल आयुष्मा आचार्य घोषित भएका छन। बिजेताहरुले नेपाललाई अन्तर्राष्ट्रिय मंचमा प्रस्तुत गर्ने भएकाछ्न। 

एलेक्स तिरुवाको कोरियोग्राफी तथा केमोन मगर र रोनिश पाण्डेको सहायक कोरियोग्राफीमा सम्पन्न प्रतियोगितामा पुजा पाख्रिन, दिपक घिमिरे, माईकल चन्द, दिप्ति गुरुङ्ग र स्मृति श्रेष्ठ निर्णायक रहेका थिए भने सुशिल नेपालको बिशिष्ट आतिथ्यता रहेको उक्त कार्यक्रम आनन्द सिंहको निर्देशन र प्रख्यात घिमिरेको व्यवस्थापनमा सम्पन्न भएको थियो।

मोडलहरूलाई आफ्नो प्रतिभा प्रदर्शन गर्न र नेपाली फेशन उद्योगभित्र सजिलै स्थापित हुन प्लेटफर्मको रूपमा प्रतियोगिता आयोजना गरिएकोआयोजक आनन्द सिंहले बताए।

बेल्जियम- नेपाल पत्रकार महासंघ मकवानपुर जिल्ला शाखाका अध्यक्ष मणिराज गौतमको कृति “प्रवासका फुलहरु” को आइतबार बेल्जियममा बिमोचन गरिएको छ । अन्तर्राष्ट्रिय साहित्य समाज (अनेसास) बेल्जियम च्याप्टरले आयोजना गरेको विमोचन समारोहमा बेनेलक्सका लागि नेपाली राजदूत गेहेन्द्र राजभण्डारी, एनआरएनए बेल्जियमका अध्यक्ष सीता सापकोटाले गौतमको कृति विमोचन गर्नु भएको हो ।

पुस्तक विमोचन गर्नुहुँदै राजदूत राजभण्डारीले बिदेशमा बस्ने नेपालीहरुका अनुभवलाई देशका नीति निर्माताहरुले बुझ्न सकेमा देश विकासमा ठुलो सहयोग पुग्ने बताउनु भयो । पुस्तक युरोपका नेपालीहरुको दस्ताबेजको रुपमा रहने भएकाले पनि ईतिहास बन्ने उहाँको धारणा रहेको थियो । पुस्तक मार्फत विदेशमा रहने नेपालीहरुको प्रतिनिधि भोगाई अनि सत्य कथाबाट युवा पुस्तालाई सकारात्मक उर्जा प्रदान गर्ने विश्वास उहाँले व्यक्त गर्नुभयो । राजदूत राजभण्डारीले प्रवास बसाइका अनुभव, संघर्ष र सफलताका साथै नेपाली भाषा, कला, साहित्य, संस्कृति र नेपाली मौलिक पहिचानलाई उनिहरुले कसरी विश्व सामु फैलाइरहेका छन् भन्ने विषय लिपिबद्ध गरी पुस्तक तयार भएको राजभण्डारीले बताउनुभयो ।

लेखक गौतमले मुलुक बाहिर रहेका मुलुकका असल छोराछोरीका जीवन्त कथा लेखिएको बताउनु भयो । करिब डेढ वर्षको अन्तरालमा पुस्तक तयार गरेर विदेशी भूमिमा विमोचन गर्ने अवसर पाएकोमा अनेसासप्रति आभार व्यक्त गर्नुभयो । पुस्तकमा युरोपमा रहेका ३९ जना नेपालीहरुको बाल्यकाल, शैक्षिक अवस्था, राजनीति, परिवारिक अवस्था, बैदेशिक संघर्ष लगायतका वास्तविक कथा समावेश गरिएको गौतमले बताउनु भएको छ ।

एनआरएनए बेल्जियमकी अध्यक्ष सीता सापकोटाले विदेशमा रहेका नेपालीहरुले धेरै चुनौतिका बीचमा पनि नेपाली पहिचानलाई निरन्तरता दिने र यसको प्रचार प्रसारका लागि लेखक गौतमले उदाहरणीय काम गरेकोमा धन्यवाद व्यक्त गर्नुभयो । नेपाल पत्रकार महासंघ बेल्जियमका अध्यक्ष ओम शर्माले सुन्दर भविष्यको कल्पना गरेर देश छाडेर युरोप पुगेका नेपालीहरुका सत्य कथाहरु संकलन गरेकोमा पत्रकार गौतमप्रति आभार प्रकट गर्नु भयो । आफ्नो जनभूमि छाडेर फरक भुगोल, संस्कार र संस्कृतिमा आफुलाई स्थापित गर्न नेपालीहरुले युरोपमा गरेका संघर्षका कथाहरु प्रेरणादायी बन्ने उहाँले बताउनुभयो ।

कार्यक्रममा अन्तर्राष्ट्रिय नेपाली साहित्य समाजका केन्द्रिय उपाध्यक्ष डिल्ली अमाईले पुस्तक माथि टिप्पणी गर्नुहुँदै यसले युरोप भित्रका अधिकतम देशका विभिन्न पेशा वा सेवामा कार्यरत नेपाली प्रतिनिधिहरुसँग प्रत्यक्ष संवाद गरेर पुस्तक प्रकाशन गरेकोमा पत्रकार गौतमलाई धन्यवाद दिनुभयो । पुस्तक अभिलेखका रुपमा रहने भएकाले यसको महत्व उच्चतम हुने उहाँले बताउनु भयो । कार्यक्रममा अनेसास बेल्जियमका महासचिब गोपाल दाहालले पुस्तक माथि टिप्पणी गर्दै निकै संघर्ष गरेर तयार गरिएको पुस्तकले आम नेपालीको कथा बोल्ने बताउनु भयो ।

यस्तै अनेसास बेल्जियम अध्यक्ष सौरभ कारन्जितले प्रवासका नेपालीहरुको संघर्षको अन्तरकथा तयार पारी विमोचनका लागि अनेसासलाई अवसर दिनुभएकोमा धन्यवाद दिनु भयो । युरोपमा नेपालीहरुका दिव्य आशा, उन्मुक्त मनोभाव, उत्तेजना, सफलता–असफलताका कथा र संकल्पहरु समावेश गरिएको प्रवासका फुलहरु पुस्तक कलात्मक कृतिका रुपमा रहने बताउनु भयो ।

कार्यक्रममा एनआरएनए आइसीसी सदस्य मदन दवाडी, हरी भट्टराई, उपाध्यक्ष कासी दनै, ओेएनएफ बेल्जियमका अध्यक्ष बिनोद न्यौपाने, जनसम्पर्क समिति बेल्जियमका उपसभापति बिराट जोशी लगायतले कृति सफलताको शुभकामना ब्यक्त गर्नु भयो । पुस्तकमा लेखक संघ केन्द्रीय सदस्य हयग्रीव आचार्यको भाषा सम्पादन, कवि लेखक संप्रस पौडेलको कथा सम्पादन, श्रीराम दहाल र बिना देबकोटाको श्रुति लेखन रहेको छ भने पुस्तकको प्रकाशन, लेआउट डिजाइन आकृति क्रियशनका राम अबिकास र वितरकमा किताब घर हेटौंडाका छवि अनित्य रहनुभएको छ ।

 काठमाण्डौ - नेपाली संगीतको आकाशमा बर्सेनि हजारौं गीतहरु निक्लने गर्दछ ती मध्य थोरै चर्चित र धेरै बिलिन हुने गर्दछ र त्यस्तै चाडपर्व लक्षित गीतहरु भने धेरै निस्कने गर्दछ र यी गीतहरु पनि त्यस्तै कसैको कथा सङ्ग मिल्न पुगे हिट नत्र गुमनाम नै हुन्छ । 

अहिले पनि नेपाली हिन्दुहरुको महान चाड बडा दशैको बेला छ र अहिले पनि दशै लक्षित गीतहरु धेरै निस्किएका पनि छन तर ती गीतहरुको भिडमा भने एउटा गीतले राम्रो स्थान पाउने पक्का छ । हाल अमेरिका रहेका अभिनेता प्रजोल गीरी अभिनित गीत " आयो रे आयो दशै आयो" बोलको गीतको कथा अहिलेको नेपालको परीपेक्षमा मिल्दो जुल्दो छ । धन कमाउन बिदेश गएको छोरा आफ्नो बुवा , आमा र श्रीमती अनि गाउँघर सम्झेर परदेशमा नै साथिभाईहरु सङ्ग दशैमा मनमा पीडा बोकेर दशैमा रमाएको गीतले देखाउन खोजेको छ ।

नेपाल र अमेरिकामा छायांकन गरिएको यस गीतलाई सन्देश शाह ले निर्देशन एबम सम्पादन गरेका छन ।प्रजोल गीरी ,कृष्ण कोईराला ,किशोर खतिवडा , प्राप्ती पौडेल,जिबि चिरन , कमल देबकोटा लागयताको अभिनय रहेको यश गीतमा हिमाल सागर र अनु चौधरीको आवाज रहेको छ । आरोही फिल्म्स , वाईड क्यानभास प्रोडक्सन र मेन इन हलिउडको प्रस्तुतीमा निर्माण भएको यस गीतलाई प्रजोल गीरी अफिसिएल युटुब च्यानलबाट सार्वजनिक गरिएको छ ।

काठमाण्डौ— आश्विन २०, २०८१

सौन्दर्य प्रतियोगिता ‘द फेस अफ सुपर मोडल, २०२४’ को उपाधि साईमन श्रेष्ठ र सन्ध्या परियारले जितेका छन्। एभरेस्ट ईभेन्ट्सद्वारा आयोजित प्रतियोगितामा साईमन र सन्ध्याले क्रमशः महिला र पुरुष तर्फको शिर्ष उपाधि हात पारेका छन्।

प्रतियोगितामा आयुष ताम्राकार र सशिकला घिसिङ्ग ‘फस्ट रनर अप’ भए भने आर्यन शाह र प्रमिशा कोइराला 'सेकेन्ड रनरअप' घोषित भए। त्यस्तै बिधागत तर्फ बिराज थापा र जेनिशा राउत अर्गनाईजर चोईस, वाङ्गेल राई र जेनिशा मगर ब्राण्ड एम्बासडर, कृति लामा भ्यालेन्टिनो द बुटिक ब्राण्ड एम्बासडर, रुपा रश्मि कुलुङ, स्मृति लिम्बु र बिपन परियार मस्ट पपुलर अवार्ड बिजेता घोषित भए। 

आर्शु महर्जन र सुगन्धा अधिकारीको कोरियोग्राफी रहेको उक्त प्रतियोगितामा बिजेताले बिस हजार नगद सहित ब्रिटिस कलेजको तर्फबाट एक लाख बराबरको शैक्षिक छात्रवृत्ति, एवरेस्ट फिल्म एकेडेमीमा एक लाख बराबरको छात्रवृत्ति, मुए थाई बक्सिङ्को तीन महिने प्रशिक्षण, एसियन इन्स्टिच्युट अफ टेक्नोलोजी एण्ड मेनेजमेन्टको तर्फबाट एक लाख पचास हजार बराबरको छात्रवृत्ति, फ्लाई टेक ईन्टरनेशनलमा चालिस हजार बराबरको एयर होस्टेस प्रशिक्षण, ब्रिटिस अमेरिका एजुकेयरको तर्फबाट शैक्षिक छात्रबृत्तिसंगै मूभी टिकेट, आवरण स्किन केयर, लक्सोरा लेदर्स, करुना ब्युटी पार्लर, एन प्लस प्रोफेसनल तथा ऊप्स नेपालको तर्फबाट आकर्षक उपहारहरु प्राप्त गरेका छन। 

युवायुवतीहरुको आत्मविश्वास अभिवृद्धि, अन्तर्निहित क्षमता उजागर, प्रतियोगीको प्रतिभा प्रस्फुटन, उच्च शिक्षा अध्ययनमा सहयोग पुर्याउने तथा नेतृत्वदायी क्षमताको विकास गर्दै उज्ज्वल भविष्य निर्माणमा सहयोग पुर्याउन उद्देश्यले लगातार एएनपी मिडिया हाउसले विगत पाँच वर्षदेखि ‘लिटिल स्टार नेपाल’ प्रतियोगिता संचालन गर्दै आएको प्रतियोगिताका आयोजक कृष्ण श्रेष्ठले जनाए ।