काठमाडौँ — फाल्गुन २१, २०७९। 

नेप्लिज फेसन होमले नेवार बालिकाको प्रतिभा प्रष्फुटनका लागि हरेक वर्ष आयोजना गर्दै आएको ‘मिस लिटील नेवाः’ को १४ औँ संस्करणका प्रतियोगीले आपसमा रहेको ट्यालेन्ट देखाएका छन् । शनिवार अबेर साँझ नेपाल प्रज्ञाप्रतिष्ठानमा आयोजित ट्यालेन्ट शोमा मिस लिटिल नेवाः प्रतियोगीले आफुमा रहेको ट्यालेन्ट देखाएका हुन् । 

प्रतियोगितामा अविषा महर्जन, रोनिशा खड्गी, ईच्छा महर्जन, मुखु महर्जन नृत्य, नुजलासिंं महर्जन, सफिना श्रेष्ठ, सुज्योजी डंगोल, वेदान्शी डंगोल, अनिका महर्जन, सुहिना श्रेष्ठ र लुमना महर्जनले नृत्य, लुन्जला महर्जन, विमीशा डंगोल र रुही महर्जनले कुमारी नृत्य, विपश्वी मानन्धरले जिम्न्यास्टिक, निलीशा जोशी, प्राज्ना महर्जन र निभा कायस्थले चित्रकला तथा ग्रीष्मा राजचलले गायन कला प्रस्तुत गरेका थिए ।

लिटिल नेवाः आर्या श्रेष्ठ, समाजसेवी सुरबहादुर श्रेष्ठ, किड् क्विन अपेक्षा शेरचन र समाजसेवी अनु शेरचनको विशेष आतिथ्यतामा सम्पन्न ट्यालेण्ट शोमा विश्व क्योकुशिन सेईसिन काई कराँते महासंघका उपाध्यक्ष तथा नेपाल प्रमुख शिहान अशोककुमार श्रेष्ठ, पत्रकार तथा साहित्यकार सृजना दुवाल, महिला उद्योमी तथा समाजसेवी रेश्मा श्रेष्ठ, मिस नेवाः २०२२ शलिना महर्जन, फेसन डिजाईनर तथा नायिका शोभा महर्जन र पूर्व मिस नेवाः रेजिशा डंगोल निर्णायक रहेका थिए । 

१४ वर्ष मुनिका १९ जना नेवार बालिकाले अन्तिम स्पर्धा गर्ने १४ औं संस्करणको मिस लिटिल नेवाः २०२२ मिस नेवाः नेपाल २०२१ कृषा महर्जनको संयोजन र प्रदिका महर्जनको उपसंयोजन तथा मिस नेवाः नेपाल २०२२ विजेता सलिना महर्जन र उप बिजेता प्रिया तण्डुकारको कोरियोग्राफीमा रहने आयोजक नेप्लिज फेशन होमकी अध्यक्ष तथा समाजसेवी हेमा मानन्धरले बताइन् । 

काठमाडौं- “नेपा ली हुनुमा गर्व गरौ , नेपाली कला र संस्कृतिको जगेर्ना ” गरौं भन्ने मुल नाराका साथ आयो जना हुंदै आएको नेपालको पहिलो समावेशी म्युजि क अवार्ड राष्ट्रिय समावेशी म्युजिक अवार्ड छैठौं ‘निम अवार्ड २०२३’ को समापन कार्यक्रम आगामी फागुन २८ गते आईतबार हुने भएको छ ।
ललितपुरको पुल्चोकस्थित स्क्वायर होटलमा हुने उक्त अवार्ड कार्यक्रमको व्यवस्थापकिय जिम्मेवारी भने एरा प्रोडक्सन प्रा .लि .ले लिएको छ । पावरईन्टर नेशनल मिडिया नेपाल (पिम नेपाल) को आयोजना मा विगत ६ वर्षदेखि नियमित गीत संगीतहरुको प्रवद्र्धनमा सहयोग पुर्याउने उदेश्यले नेपाली सहित एक दर्जन भाषाभाषीको गीतलाई समेटेर अवार्ड आयोजना गर्दै आएको अवार्डकी संयोजक कमला जोशी ले जानकारी दिएकि छिन् ।

विभिन्न भाषाभाषीका गरी कुल ४२ विधामा प्रतिष्पर्धा रहेका कलाकार, श्रष्टा तथा सर्जकहरुला ई अनलाईन भोटिङ प्रकृया र निर्णा यकहरुको मतको आधारमा सर्वोत्कृष्ट घोषणागरी अवार्ड प्रदा न गर्न लागिएको निम अवार्डका अध्यक्ष तथा पिम नेपालका अध्यक्ष माधव राज खरेलले बताएका छन् । अवार्ड समारोहमा रजत सम्मान, पत्रकारिता पुरस्कार लगायत सम्मान तथा पुरस्कारहरु समेत प्रदान गरिने उनी बता उछन् ।

यहि फा गुन २८ गतेसम्पन्न हुन गईरहेको समावेशी म्युजिक अवार्डमा देश भरिका कलाकारहरुको भव्य सहभागीता रहने आयोजकले जना एको । शान्ति , भाइचारा र एकताको सन्देश फैलाउन सबै भन्दा छिटो माध्यम भनेकै कला भएको कारण यस समावेशी अवार्डले पनि नेपाली संस्कृति लाई जगेर्ना गर्ने उदेश्यले नेपाली सहित सम्पुर्ण भाषा भाषि काकलाका र कलाकारहरुला ई एउटै मञ्च प्रदान गर्दै आइरहेको छ ।

काठमाडौं । प्रधानमन्त्री पुष्पकमल दाहालले सातौं अन्तरराष्ट्रिय आयुर्वेद सम्मेलनको समुदघाटन गर्नुभएको छ । सो अवसरमा प्रधानमन्त्री दाहालले आयुर्वेद चिकित्साको महत्वलाई विश्वव्यापी रुपमा फैलाउन सम्मेलन फलदायी हुने विश्वास व्यक्त गर्नुहुँदै आयुर्वेद चिकित्सा पद्धतीलाई सरकारले महत्व दिदै आएको उल्लेख समेत गर्नुभयो । सो अवसरमा उहाँले कोभिड पस्चात नेपाल सरकारले आयुर्वेद चिकित्सालाई प्रबर्धन गर्न लगानी बिस्तार गरिरहेको र सोका लागि नेपालले भारत सरकार, विश्व स्वास्थ्य संगठनसँगको समन्वयमा विभिन्न परियोजना संचालन गर्दै आएको समेत बताउनुभयो ।

त्यसैगरि, सम्मेलनका संरक्षक वैज्ञानिक महाराजा टोनी नादरले भर्चुअल संबोधन गर्नुहुँदै नेपाल र भारतले आयुर्वेद एवम योगामार्फत विश्वलाई परिवर्तन गर्दै अगाडि बढीरहेको जनाउदै महेश महर्षि योगीले भावातित ध्यान, योग र आयुर्वेदका वैज्ञानिक आधार प्रस्तुत गर्दै विश्वव्यापी तुल्याउन योगदान पुर्याउनु भएको बारे चर्चा गर्नुभयो ।

सो अवसरमा महर्षि वैदिक फाउण्डेसनका अध्यक्ष डा. दिपक प्रकाश बाँस्कोटाले सम्मेलन यसअघि सन् २०१५मा नेदरल्याण्डको रोयतमोल्ड, सन् २०१७ मा बेलायतको लण्डन, सन् २०१८ मा नेदरल्याण्ड, सोल्भानियाको लेइडेनमा सम्पन भएको जानकारी दिनुहुँदै यस सम्मेलनले विज्ञान वैदिकतामा आधारित आयुर्वेद क्षेत्रलाई नयाँ उचाईमा पुर्याउने दाबी पेश गर्नुभयो ।

 नेपाल सरकार स्वास्थ्य मन्त्रालयकी निमित्त सचिव संगिता कौशल मिश्रले वैकल्पिक चिकित्सा अन्तर्गत मानिएको आयुर्वेद वैज्ञानिक र भरपर्दो रहेको बताउनुहुँदै नेपाल सरकारले यसको विकासमा जोड दिएको उल्लेख गर्नुभयो ।

कार्यक्रममा नेपालका लागि भारतीय राजदूत नविन श्रिवास्तवले कोभिड पस्चात आयुर्वेद र परम्परागत उपचार विधिको महत्व अझ उजागर भएको र भारतले आयुर्वेदलाई प्रबर्धन गर्न नेपालसहित अन्य मुलुहरुसँग सहकार्य गरेको उल्लेख गर्नुभयो ।

नेपाल आयुर्वेदा एकेडेमी अफ आयुर्वेदा इन्डियाका प्रेसिडेण्ट पदम भुषण वैद्य देवेन्द्र त्रिगुणाले महर्षि महेश योगीले नेपाललाई वेद र ॠषिमुनीहरुको भुमी भएको बताउनुभएको स्मरण गर्नुहुँदै उहाँले योग र आयुर्वेदको जननी रहेका नेपाल र भारतले विश्वलाई मार्गदर्शन गर्ने उल्लेख समेत गर्नुभयो ।

कार्यक्रममा नेपाल आयुर्वेद चिकित्सक संघका अध्यक्ष डा. श्यामबाबु यादवले स्वागत मन्तव्य राख्नुहुँदै सम्मेलन आयुर्वेद चिकित्साको महत्वलाई उजागर गर्न फलदायी रहने बताउनुभयो ।

कार्यक्रममाझ महर्षि अन्तरराष्ट्रिय विश्वविद्यालय र काठमाडौं विश्वविद्यालय बीच शैक्षिक कार्यक्रम संचालनार्थ सम्झौता भएको छ । आज फाल्गुण २१ बाट काठमाडौंमा “सबैका लागि समग्र स्वास्थ्योपचार” भन्ने नाराका साथ शुरु भएको सातौं अन्तरराष्ट्रिय आयुर्वेद महासभा ३ दिनसम्म आयोजनामा रहने छ । महासभामा नेपाल भारत र युरोप अमेरिकाबाट क्रमश: १००/ १०० जना आयुर्वेद विज्ञहरु सहभागीता रहेको छ । महासभा माझ वैदिक क्षेत्रका ज्ञाता, आयुर्वेद चिकित्सक एवम् विज्ञहरुबाट ९० बिषयमा कार्यपत्र प्रस्तुत हुदैछ ।

नेपाल महर्षि वैदिक फाउण्डेसन र नेपाल आयुर्वेद चिकित्सक संघ स्थानिय आयोजक रहेको महासभामा अन्तरराष्ट्रिय महर्षि आयुर्वेद फाउण्डेसन नेदरल्याण्ड, अल इन्डिया आयुर्वेद काँग्रेस दिल्ली र अन्तरराष्ट्रिय एकेडेमी अफ आयुर्वेद पुणे रहेका छन् भने नेपाल सरकार स्वास्थ्य मन्त्रालय र भारत सरकारको आयुष मन्त्रालय सहयोगी साझेदार रहेका छन् ।

अमेरिका –  किरात याक्थुंङ् चुम्लुंङ् टेक्सासको आयोजनामा यही फेब्रुवरी २३ विहिवार २०२३ का दिन टेक्सासको डालस स्थित लिफ करि एण्ड रेस्टुरेन्ट वारको शभा हलमा बिशेष प्रदर्शन भव्यताका साथ सम्पन्न भएको छ । मनि ताम्लिंङ्को प्रस्तुति रहेको चलचित्र सिक्किमका साहित्यकार देउमान होन्दोक लिम्बुको उपन्यासमा आधारित रहेको छ । जसको पटकथा संवाद र अनुवाद सागर केरुंङले गरेका हुनु भने निर्माण मनि ताम्लिंङ् र विराज लिम्बुले गरेका हुन ।

सम्पुर्ण छायांकन सिक्किममा गरिएको यस चलचित्रलाई अहिलेसम्म जतिपनि स्थानमा प्रदर्शन गरियो सर्वाधिक दर्शकले मनपराई दिनुभएको कुरा निर्देशक किशोर सुब्बा बताउनु भयो । हालै टेक्सासमा प्रदर्शन हुँदा पनि जतिपनि दर्शकले फिल्म हेर्नु भो सबैले राम्रो प्रतिक्रिया दिईएको उहाँले जानकारी गराउनु भयो ।

प्रदर्शनमा संयोजक कृष्ण जंग लिम्बुको विशेष योगदान रहेको थियो भने किरात याक्थुंङ् चुम्लुंङ टेक्सासका अध्यक्ष तोङ्सा योङ्या लिम्बु, सेरि ताम्लिंङ् सेनिहांङ्, दिल सेनिहांङ्, चर्चित नेपाली सिनेमा वगर र भेडिगोठका नायक, निर्माता नरेन्द्र सेन्दांङ्, त्यस्तै चर्चित लिम्बु चलचित्रका नायक आशिष लिंङ्देन, दुर्गा जवेगु लगायत कियाचु टेक्सास परिवारका सदस्यहरु र डालस वरिपरिका सवै लिम्बु तथा गैर लिम्बुहरुको अथक प्रयास र लिम्बु चलचित्र र कलासंस्कृति प्रतिको सकारात्मक सहयोगले नै व्यापक रुपमा सफल प्रदर्शन सम्भव भएको हो ।

चलचित्रमा बिशाल सेनेहांड्, दिव्या लिम्बु, संगीता सम्बाहाम्फे, सोनु ताम्लिंड्, शान्ति लिम्बु, शर्मिला यक्सो, हस्त लिबांड्, सागर केरुंड्, सुखविर लिम्बु लगायतका कलाकार रहेको छ । ओपेरा क्रियशन्स प्रोडक्सनको ब्यानरमा निर्मित चलचित्र ‘थेत्लंड्’ सिक्किमको बिभिन्न रमणीय स्थानमा छायांकन गरिएको छ । फिल्मका निर्मातामा मनि ताम्लिंड् र बिराज लिम्बु रहेका छन् । विभिन्न कार्यक्रम सहित ‘थेत्लङ’ प्रदर्शन गरिएको कार्यक्रममा निर्देशक किशोर सुब्बालाई कियाचु टेक्सासका अध्यक्षबाट सम्मान गरिएको थियो । निर्देशक सुब्बालाई किरात याक्थुङ् चुम्लुङ् न्युयोर्क, किरात याक्थुंङ चुम्लुङ टेक्सासवाट सम्मान गरिसकिएको छ भने गत साल आदिवासी चलचित्र महोत्सवको मुख्य निर्णायकको भुमिका निभाए वापत आदावासी जनजाती महासंघ अमेरिकाबाट पनि सम्मान गरि सकिएको छ । निर्देशक सुब्बा अहिलेसम्म लिम्बू भाषाको सबै भन्दा बढि चलचित्र निर्देशन गर्ने निर्देशकमा पर्दछन् ।

उहाँद्वारा निर्देशित लिम्बु चलचित्रहरुमाः ‘तुम्दंङ’, ‘शाक्थिम’, ‘एउटा कथा’, ‘लाजेरेन् थोक्ला’, ‘अम्लारीफूंङ’, ‘हेल्लुक्वा’, ‘साम्’, ‘थेत्लंङ्’ आदि रहको छन् । निकट भविष्य पुनः लिम्बु चलचित्र निर्माण गर्ने योजनामा रहेका निर्देशक सुब्बाको ‘थेत्लंङ्’ भन्दा पहिला ‘आनि शाक्थिम’ पनि धेरै प्रदर्शन भएको लिम्बु चलचित्र हो । निर्देशक सुब्बाले नेपाली, थारु, जोंङ्खा भाषाको सानो ठुलो गरेर करिव ४० वटा चलचित्र निर्देशन गरिसकेका छन् भने हाल न्युयोर्कबाट ‘हेल्लो अमेरिका’ प्रोग्राम संचालन गरिरहेका छन् ।

काठमाडौं– गायक तथा संगीतकार कन्हैया सिंह परियार को स्वरमा तयार भएको गजल अचानक सार्वजनिक गरिएको छ । नेपाली चलचित्र आधुनिक लोक संगीत देखी विभिन्न विधाका गीतहरुमा सुमधुर गायकिले स्रोतालाई मन्त्रमुग्ध बनाउदै आएका परियार झण्डै तिन दशक देखी मनोरन्जनको दुनियमा क्रियसील छन् । पहिलो पटक गजलको दुनियामा आफ्नो उपस्थिती जनाउदै बिहिबार मैतीदेवी, काठमाडौंस्थित डोरी रेष्टुराँमा आयोजित भव्य सांगीतिक समारोहमा गजल ‘अचानक’ को म्युजिक भिडियोको प्रिमियर गरिएको छ ।

वरिष्ठ गीतकार डा.कृष्ण हरि बरालका शब्द तथा संगीतकार सन्तोष श्रेष्ठको संगीत निर्देशनको उक्त गजल सार्वजनिक भएपछि वरिष्ठ संगीतकार शम्भूजीत बासकोटाले गजलका शब्द, संगीत संयोजन र गायकीको वयान गरेका थिए । समारोहमा गीतकार डा.बराल तथा संगीतकार श्रेष्ठले पनि गायक परियारको गायकीको वर्णन गर्दै यो गजल अचानक कसरी तयार भयो भन्ने बारेमा आफ्ना धारणा व्यक्त गरे ।

गायक परियारले भने गजलको बोल अचानक भए पनि करिव तीन वर्षको मेहनतपछि यो संगीत पारखीमाझ आउन सफल भएको बताए । राजु कार्की उक्त गजलका संगीत संयोजक हुन् । सञ्चारकर्मीहरुको बाक्लो उपस्थितिमा प्रीमियर गरिएको उक्त गजलको भिडियोमा अभिनेता गजित विष्ट तथा अभिनेत्री अञ्जली अधिकारीले अभिनय तथा नृत्य गरेका छन् । सुबोल थापाको कोरियोग्राफी रहेको यो भिडियोको छायांकन बुद्ध थापाले गरेका छन् भने नबिन निरौला यसका सम्पादक हुन् ।

गम्भिर विष्टको निर्देशनमा तयार भएको भिडियोमा गायक परियारलाई पनि फिचर गरिएको छ ।उक्त गजलको भिडियो कन्हैयासिंह परियारको युटुव चयानलमा हेर्न सकिन्छ ।

काठमाडौं – तारकेश्वर कला प्रतिष्ठान तथा ब्राण्ड यू पिक्चर्स प्रा.लि।को आयोजनामा हाँस्य सिरियल ‘अब जे होला होला’ को सफलता पुर्वक ५१ औं भाग पुरा गरि ५२ औं भाग प्रवेश गरेको अवसरमा आयोजित ‘तारकेश्वर राष्ट्रिय व्यक्तित्व तथा कलाकार सर्जक सम्मान कार्यक्रम २०७९’ मा कलाकर्मी, पत्रकार लगायतका ब्यक्तित्वहरु सम्मानित भएका छन् । सम्माननिय उपराष्ट्रपति नन्दकिशोर पुन ‘पासाङ’को प्रमुख आतिथ्यतामा सम्पन्न कार्यक्रमको सभापतित्व आयोजक संस्थाका अध्यक्ष उत्तम केसीले गर्नु भएको थियो ।

कार्यक्रममा बरिष्ठ चलचित्रकर्मी, भवन चन्द, वसुन्धरा भुसाल, चैतन्य देवि, लय संग्रौला, मोहन निरौला, मुकुन्द मैनाली, कलाकार संघका अध्यक्ष रविन्द्र खड्का, निर्माता संघका अध्यक्ष नवल खड्का, प्रबिधिक संघका अध्यक्ष पुष्कर लामा, शिखर नेपालका अध्यक्ष शेखर खनाल, चलचित्र निर्देशक शोभित वस्नेत, रामकाजी घिमिरे, माधव राज खरेल, निरेन श्रेष्ठ, पत्रकार सानुकाजी श्रेष्ठ, कृष्ण भुसाल, कुवेर गीरी, गीता अधिकारी, दिपज्योति थापा, चर्चित ट्याटु आर्टिष्ट सुमिना श्रेष्ठ, पेम शर्मा पौडेल, लगायतका ब्यक्तित्वहरु सम्मानित भएका थिए । ग्लोवल टिभिबाट प्रसारण हुदै आएको सिरियल ‘अब जे होला होला’का कथा, परिकल्पना उत्तम के.सी हुन् भने निर्देशन उत्सव के.सी.को रहेको छ ।

काठमाडौँ –  गायिका अस्मिता अधिकारी र गायक रवि शर्माको स्वर रहेको शितल शितल बोलको गीतको भिडियो सार्वजनिक भएको छ । पछिल्लो पुस्ताका चर्चित संगीतकार सिएल शर्माको संगीत, रोहित घिमिरहेको शब्द , पुष्कर खत्रीको मिक्सिगं,मास्टरिगं र एरेन्ज रहेको सार्वजनिक गीतको भिडियो मनाङ र मुस्ताङका रमणीय स्थानमा छायांकन गरिएको हो ।

केशवराज भट्टको निर्देशनमा तयार भिडियोले मनाङ र मुस्ताङका राजकुमार र राजकुमारीको पुर्नजन्मको कथालाई भिडियो मार्फत देखाउन खोजेका छन् । भिडियोमा नायिका तथा मोडल मलिका महत र प्रिन्स चौहानको अभिनय देख्न सकिन्छ । बुद्ध थापाको छायांकन तथा दिलशन शाहको सम्पादन रहेको भिडियो ओएसआर डिजिटलबाट बजारमा आएको हो ।

काठमाडौँ — नवौँ संस्करणको 'डिएसए स्टार,२०२३' को अन्तिम स्पर्धा बालकुमारीस्थित म्युजिक सिटी हलमा सम्पन्न भएको छ। परिवर्तन ईभेन्ट हाउसको आयोजनामा सम्पन्न उक्त प्रतियोगितामा मिनी डन्सिङ स्टार, जुनियर डन्सिङ  स्टार, प्री-टीन डन्सिङ स्टार,  सिङगिङ स्टार र एक्टिङ स्टार गरी पाँच विधामा उत्कृष्ट विजेता चयन गरिएको थियो। 

वरिष्ठ  गायक आनन्द कार्कीको प्रमुख आतिथ्यतामा सम्पन्न उक्त कार्यक्रमको निर्णायकमा मिस मंगोल  २०१८ विजेता जाङ्मु इन शेर्पा, नेपाल को पहिलो नेपाल सिङ्गिङ सुपर स्टार राजेश राई, बाबा एजुकेश कनसल्टेन्सीका महा प्रबन्धक राजेन्द्र  कुमार शर्मा र साईपाल एकेडेमीका प्रिन्सिपल सुमन नगरकोटी रहेका थिए।  

मिनी डन्सिङ स्टारतर्फ युनासिंह ठकुरीले शिर्ष ताज पहिरिन भने जुनियर डन्सिङ  स्टारतर्फ समिक्षा मोक्तानले शिर्ष ताज पहिरिईन। रेचल बुढाथोकी फर्स्ट रनर अप, आर्यश थापा मगर सेकेण्ड रनर अप, साहाया कार्की थर्ड रनर अप, राजभी अर्याल फोर्थ रनर अप, तेजस्भी पन्त फिफ्थ रनर अप र बर्षा  अधिकारी सिक्स्थ रनर अप घोषित भए। 

प्री-टीन डन्सिङ स्टारतर्फ प्रिन्सु रेग्मी शिर्ष बिजेता बनिन भने एन्जल तामाङ फर्स्ट रनर अप, खुशीसिंह ठकुरी सेकेण्ड रनर अप, पिया खनाल थर्ड रनर अप, दिया लामा फोर्थ रनर अप र अन्शु खड्का फिफ्थ रनर अप घोषित भए।

सिङगिङ स्टारतर्फ एन्जलबाबु कट्टेलले शिर्ष ताज पहिरिदा इप्शित पन्त फर्स्ट रनर अप घोषित भए। त्यस्तै एक्टिङ स्टारतर्फ रोमिया सुनुवारले शिर्ष ताज पहिरिदा प्रशान्ती चन्द ठकुरी फर्स्ट रनर अप घोषित भए। 

राज बराईलीले संचालन गरेको उक्त कार्यक्रममा गीत संगीतमा अमुल्य योगदान पुर्‍याएको भन्दै वरिष्ठ गायक आनन्द कार्कीलाई सम्मान प्रदान गरिएको थियो।  उक्त कार्यक्रममा स्वागत मन्तब्य राख्दै यस् किसिमको कार्यक्रमबाट बालबालिकामा लुकेका प्रतिभाहरुलाई बाहिर ल्याउन सहज वातावरण बन्ने र राष्ट्रिय मात्र नभई अन्तराष्ट्रिय स्तरमा पनि प्रतिस्पर्धा गर्न सक्ने क्षमताको बिकास हुने कुरा परिवर्तन इभेन्ट हाउसका सिईओ सोनिया जिआरले बताउनु भयो ।

प्रतियोगिताका बिजेताले स्पेन आयोजना हुने अन्तर्राष्ट्रिय प्रतियोगितामा नेपालको तर्फबाट प्रतिनिधित्व गर्ने अबसर प्राप्त गर्नेछन।

काठमाडौँ — एएनपी मिडिया हाउसको आयोजनामा बाह्रौँ संस्करणको ‘नेपाल्स लिटिल आईकन, २०२३’  को अन्तिम स्पर्धा राजधानीको जमलस्थित राष्ट्रिय नाचघरमा सम्पन्न भएको छ। उक्त प्रतियोगितामा 'जुनियर गर्ल्स', 'सिनियर गर्ल्स', 'टीन गर्ल्स' र 'बोईज' समूहका मुख्य बिजेता घोषित भए । 

'जुनियर गर्ल्स' समूहतर्फ आरोही लोहोनी, 'सिनियर गर्ल्स' समूहतर्फ बिशेषता महत, 'टीन गर्ल्स' समूहतर्फ मिनल केसी र 'बोईज' समूहतर्फ आयंश ज्ञवालीले प्रतियोगिताको शिर्ष ताज आफ्नो हातमा पार्न सफल भए। 

प्रतियोगिताको 'जुनियर गर्ल्स' तर्फ लोहनीले शिर्ष ताजसंगै विधागत तर्फको पब्लिक चोईस, मस्ट फोटोजेनिक र फेसबुक चोईस अवार्ड हात पार्दा फर्स्ट रनरअप रिजु सुनुवारले विधागत तर्फको मिस पर्फेक्ट अवार्ड आफ्नो पोल्टामा पारिन। त्यस्तै दिनिका पुडासैनीले सेकेन्ड रनर अपसंगै ब्यूटीफूल आईज, अंकिता मरासेनी थर्ड रनर अप र बेस्ट स्पीच, चाँदनी उप्रेती फोर्थ रनर अपसंग र मस्ट डिसिपिलिन, प्रतिभा भट्ट मस्ट पपुलर र मस्ट चार्मिङ, चाहना क्षेत्री पब्लिक चोईस र बेस्ट डान्स अवार्ड विजेता घोषित भए। 

'सिनियर गर्ल्स' समूहतर्फ बिशेषता महतले शिर्ष ताजसंगै बेस्ट पर्सनालिटीको अवार्ड हात पारिन भने फर्स्ट रनर अप दिव्यांश्री ढुंगाना घोषित भईन। ढुंगानाले ताजसंगै ब्यूटीफूल आईजको अवार्ड जितिन। सुप्रिया फुयालले सेकेन्ड रनरअपसंगै पब्लिक चोईस र मस्ट कन्फिडेन्ट, जस्मिन श्रेष्ठले थर्ड रनरअपसंगै बेस्ट डान्स सैजल श्रेष्ठले मस्ट पपुलर र मस्ट ट्यालेन्टेडको अवार्ड हात पारिन। 

यस्तै ‘टीन गर्ल्स’ समूहतर्फ मिनल केसीले शिर्ष ताजसंगै विधागत तर्फको मस्ट ब्यूटिफुल र मस्ट डिजर्भिङको अवार्ड हात पारिन भने सबिशा उप्रेतीले सेकेन्ड रनर अपको ताजसंगै बेस्ट पर्सनालिटी र मिस पर्फेक्ट अवार्ड हात पारिन। सिमा तामाङ्गले सेकेन्ड रनर अपको ताजसंगै मस्ट फोटोजेनिक र ब्यूटीफूल आईजको अवार्ड हात पारिन भने शिखा श्रेष्ठले मस्ट पपुलर र मस्ट डिसिपिलिन, सुजिन थापा मगरले पब्लिक चोईस र बेस्ट आर्टवर्क तर्फको अवार्ड हात पार्न सफल रहे। 

सुमी बानियाँको कोरियोग्राफीमा प्रनिमा दाहालले संचालन गर्नुभएको उक्त प्रतियोगिताको ‘बोईज’ समूहतर्फ आयंश ज्ञवालीले शिर्ष ताजसंगै विधागत तर्फको मस्ट कन्फिडेन्ट, बेस्ट आर्टवर्क र फेसबुक चोईसको अवार्ड हात पार्न सफल रहे। प्रज्वल  खतिवडाले फर्स्ट रनर अपसंगै मिस्टर र्याम्पवाक र बेस्ट स्पीच, कृतज्ञ नेपालले सेकेन्ड रनर अपसंगै पब्लिक चोईस र मस्ट ट्यालेन्ट, सुहान थापा मगरले मस्ट पपुलर र बेस्ट सिङ्गिङतर्फको अवार्ड हात पारे। 
 
बालबालिकाहरुको व्यक्तित्व विकास, आत्मविश्वास अभिवृद्धि, अन्तर्निहित क्षमता उजागर , प्रतिभा प्रस्फुटन तथा नेतृत्वदायी क्षमताको विकास गर्दै उज्ज्वल भविष्य निर्माणमा सहयोग पुर्याउने उद्देश्यले लगातार एएनपी मिडिया हाउसले विगत बाह्र वर्षदेखि लगातार ‘नेपाल्स लिटिल आईकन’ प्रतियोगिता संचालन गर्दै आएको आयोजक संस्थाका सिईओ लव बहादुर कार्कीले जनाए ।

काठमाडौँ - सामाजिक सेवाको क्षेत्रमा सक्रिय नक्षत्र फाउण्डेसनले झापाको बेलडाँगीमा रहेको भुटानी शरणार्थी शिविरमा रहेका बालबालिकाका लागिे विद्यालयको भवन बनाएर अध्ययनमा सहयोग गरिरहेको छ । फाउण्डेसनका अध्यक्ष अर्जुन सुवेदीले विगत ३ बर्षदेखि ‘अर्ली चिल्ड्रिेन डेभलपमेन्ट सेन्टर’मा पक्की भवन बनाएर १ कक्षासम्मको अध्ययनमा सहयोग गरिरहेका छन् । २ सय भन्दा बढी बालबालिकाले यो सेन्टरमा शिक्षा पाइरहेका छन् । यहाँ, केही शिक्षक–शिक्षिकाले थोरै पारिश्रमिकमा बालबालिकालाई अध्यापन गराएर सहयोग पनि गरिरहेका छन् । उनै, शिक्षक–शिक्षिकाहरुलाई फाउण्डेसनको तर्फबाट सम्मान गरिएको छ ।

शनिबार विद्यालय परिसरमा आयोजित कार्यक्रममा थुप्रै राष्ट्रिय कलाकारहरुको उपस्थिती रहेको थियो । कार्यक्रममा चर्चित कलाकार सुनिल थापा, गायक रामकृष्ण ढकाल, नायिका पूजा शर्मा, गायिका एलिना चौहान, निर्देशक विधान कार्की, गायक कर्मा ग्याल्छोङ लामा, गायिका जमुना राई, गायक विकास लिम्बू लगायत पुगेका थिए । उनीहरुले विद्यालयमा अध्यापन गराउने र अध्यापनमा सहयोग गरेका शिक्षक–शिक्षिकाहरुलाई सम्मान पत्र हस्तान्तरण गरे । कार्यक्रममा बोल्दै नक्षत्र फाउन्डेसनका प्रमुख अर्जुन सुवेदीले भने–‘हाम्रो उद्देश्य भनेको नै साना बालबालिकाहरु पढाइको अधिकारबाट बञ्चित नहुन् भन्ने हो । यसैले, हामीले फाउन्डेसनको सहयोगमा यहाँ बालबालिकाहरुलाई पढाइरहेका छौं । तर, यो काम हामीले मात्र सधैभरी गर्न संभव छैन ।

नेपाल सरकारले पनि यो कुरामा ध्यान दिओस् र बालबालिकालाई पढ्नबाट बञ्चित नगराओस् भन्ने चाहना छ ।’ उनले, सरकारी तवरबाट कुनै पनि सहयोग नमिलेको पनि बताए । कार्यक्रममा पुगेका विशिष्ट अतिथी सुनिल थापाले बालबालिकाको सहयोगका लागि सरकारले पनि ध्यान दिनुपर्ने तर्क गरे । कार्यक्रमका प्रमुख अतिथी प्रदेश नम्बर १ का कृषी मन्त्री भक्ति प्रसाद सिटौलाले सरकारले विद्यालय संचालनमा पूर्ण सहयोग गर्ने बताए । यस्तै, गायक रामकृष्ण ढकालले पनि पढ्न पाउनु बालबालिकाको अधिकार भएको भन्दै यस्तो कुरामा सरकारको ध्यान पुग्न आवश्यक रहेको बताए । उनले, कार्यक्रममा आफ्ना लोकप्रिय गीतहरु ‘बिहान उठ्ने वित्तिकै, चरीले त छाडेर गैहाल्यो, माया जदौ’ लगायत गाएर सुनाएका थिए ।

कार्यक्रममा गायिका एलिना चौहान, गायक कर्माले पनि गीत गाउँदा दर्शकले साथ दिएका थिए । फाउन्डेसनका प्रमुख अर्जुन सुवेदीले १ कक्षापछि बालबालिकाहरुलाई अध्ययनका लागि अन्यत्र जानुपर्ने बाध्यता रहेको भन्दै सरकारले सहयोग गरेको खण्डमा आफूहरुले अझै माथिल्लो कक्षाको व्यवस्था गर्न सक्ने बताएका थिए ।