काठमाण्डौ – बैशाख १५ गते राजधानीमा सम्पन्न भएको दशौ म्युजिक खबर म्युजिक अवार्डमा गीतकार रमेश दहाललाई उत्कृष्ट पप-गीतकारको अवार्ड प्रदान गरिएको छ । टीका दाहालको सङ्गीत तथा सुरक्षा सेन्चुरीको स्वरमा सजिएको ‘कौवा करायो’ बोलको गीतका लागि गीतकार रमेश दहाललाई उत्कृष्ट पप गीतकारको अवार्ड प्रदान गरिएको हो । विगत तिन दशकदेखि नेपाली मुलधारको गीत लेखनमा सकृय दहाल आधुनिक, पप तथा राष्ट्रभाव विधाका गीत लेख्छन् भने नेपाली गीत संगीतले नेपाली समाजमा पारेको प्रभाव बारे लेख-आलेख तयार समेत गर्दछन् ।
उपप्रधान तथा गृहमन्त्री नारायणकाजी श्रेष्ठको प्रमुख आतिथ्यतामा सम्पन्न अवार्डको दशौं संस्करणमा प्रतिष्ठित गायिका तीर्थ कुमारी थापालाई ५१ हजार नगद राशिसहित दीर्घ साधना सम्मान अर्पण गरियो भने नेपाली गीत-सङ्गीतमा उल्लेख्य स्थान हासिल गरिसकेका राष्ट्रिय स्तरका गीत(सङ्गीतकर्मी, रेडियोकर्मी र पत्रकारले अवार्ड तथा सम्मान चुमेका थिए ।
कार्यक्रममा पप(गीत लेखनमा अवार्ड प्राप्त गर्न सफल दहालका सयौ गीतहरु चर्चित भएका छन् । रेडियो नेपाल, गीतकार संघ नेपाल, इमेज अवार्ड, सगरमाथा अवार्ड, जिनियस अवार्ड लगायत दर्जन अधिक राष्ट्रिय स्तरका अवार्ड प्राप्त गरीसकेका दहालले यस अघि पनि म्युजिक खबर म्युजिक अवार्डको आठौ श्रृङ्खलामा ‘जननी जन्मभूमिश्च स्वर्गादपि गरियशी’ बोलको उत्कृष्ट राष्ट्रभावको गीतका लागि अवार्ड प्राप्त गरेका थिए ।
काठमाण्डौ- चलचित्र पत्रकारिता सम्मान तथा पुरस्कार घोषणा गरिएको छ । चलचित्र पत्रकार संघ नेपालले यो वर्ष (२०८०)को चलचित्र पत्रकारिता सम्मान तथा पुरस्कार घोषणा गरेको हो । संघका अध्यक्ष समीर बलामीको अध्यक्षतामा आइतबार बसेको बैठकले यो वर्ष (२०८०) को ‘राष्ट्रिय चलचित्र पत्रकारिता सम्मान २०८०’ श्रीराम सिग्देल र तुलसी गिरी ‘भावुक’ लाई र ‘राष्ट्रिय चलचित्र पत्रकारिता पुरस्कार २०८०’ दीपज्योती थापा र कुबेर डंगोललाई दिने निर्णय गरेको छ । यो पुरस्कारको राशि जनही ५१ हजार रहेको छ ।
त्यस्तै यो वर्षको ‘राष्ट्रिय चलचित्र पत्रकारिता प्रोत्साहन पुरस्कार २०८०’ सृष्टि पोखरेल र ‘राष्ट्रिय मोफसल चलचित्र पत्रकारिता पुरस्कार २०८०’ रवि अधिकारीलाई दिने निर्णय गरेको छ । प्रोत्सान पुरस्कारमा एउटा ल्यापटप र मोफसल पुरस्कारमा २५ हजार नगद रहेको छ । त्यस्तै संघले यसै वर्षबाट थपेको ‘राष्ट्रिय चलचित्र पत्रकारिता रजत सम्मान २०८०’ शान्तिप्रियलाई दिने निर्णय गरेको छ । शान्तिप्रिय संस्थापक महासचिव तथा पूर्व अध्यक्ष पनि हुनुहुन्छ । रजत सम्मानमा ५५ हजार नगद राशि रहेको छ ।
काठमाण्डौ – नेपाल चलचित्र नृत्य संघले विश्व नृत्य दिवसको शुभ अवसरमा आयोजित ‘राष्ट्रिय चलचित्र साँस्कृतिक रत्न सम्मान २०८०’ सम्पन्न भएको छ । पूर्व प्रधानमन्त्री झलनाथ खनालको प्रमुख आतिथ्यतामा शुक्रबार जमलस्थित नाचघरमा सम्पन्न कार्यक्रममा कला क्षेत्रमा लामो समयदेखि काम गर्दै आउनु भएका बिशिष्ठ कलाकर्मीहरुलाई ‘राष्ट्रिय चलचित्र साँस्कृतिक रत्न सम्मान २०८०’बाट विभूषित गरिएको थियो । नेपाल चलचित्र नृत्य संघ ले हरेक वर्ष विशिष्ट को आधार मा प्रदान गर्दै आयको राष्ट्रिय चलचित्र साँस्कृतिक नृत्य रत्न सम्मान २०८० बरिस्ठ नृत्य निर्देशक दिनेश पाख्रीन लाई प्रदान गरियको छ ।
सम्मानित हुनुहुने ब्यक्तित्वहरुमा डा. भोला रिजाल, बसुन्धरा भुषाल, दयाराम दाहाल, राजकुमा राई,शान्तीप्रिय, सुमिना श्रेष्ठ, धीरज राई, कृष्ण कँडेल, ज्याक श्रेष्ठ, विकाश चौधरी, अमृत भारती, पल शाह ,अमर ओली, दिनेश केसी, गोपालकाजी कायस्थ, रोहित रुम्बा, ओम सुनार, अच्युत बजगाई, गीता अधिकारी, तारादेवि लिम्बु, गणेश सुवेदी, नवराज श्रेष्ठ, कुमार मोक्तान, रमेश कोइराला, दिपेन्द्र खड्का सुनिता भट्टराई लगायतले सम्मान ग्रहण गर्नुभएको कुरा संघका सचिव लिलाधर भट्टराईले जानकारी गराउनु भएको छ ।
Uttar Pradesh. India | Closing ceremony of the 3-day national art workshop exhibition camp along with army soldiers & women’s honor program has been completed in Sambala, Uttar Pradesh, India. The program was hosted by Udan Artist Group Babarala, under the Amrit Mahotsav was held at the garden banquet. Ceremony was inaugurated by the District Officer Manish Bansal as a chief guest in the presence of the Bollywood and Kollywood artist Nitu Koirala, who was the special guest in the ceremony.
Crafts of artists from different parts of India were exhibited at the Art Workshop Exhibition Camp. Inaugurating the program, District Officer Manish Bansal mentioned that it was a matter of pride to come to the All India Art Exhibition in Babarala. On that occasion, artist Nita Koirala said that if art can be connected with the enterprise for financial gain, it will contribute to the economic status of the artist and the country along with the revival of art.
On an occasion, renowned artists Jayanthi Bhatnakar, Sumitra Sahlawat, Dr. Indira Agrawal, Jagdish Pandey, Dr. Karuna Mahindra were felicitated with the Uttar Pradesh Senior Artist Award. On this occasion, artists from various states of India, as well as Nitu Koirala from Nepal, were felicitated with Special awards. Art connoisseurs Mamta Rajput, Atul Goyal, Yogendra Rajput, and other intellectuals were present at the event.
२०८० बैशाख । एड ओए मिडियाको आयोजना र नेपाल पर्यटन बोर्डको सह आयोजनामा पत्रकारको एक टोलीले लाङटाङ क्षेत्रको भ्रमण सम्पन्न गरेको छ । काठमाडौंबाट वैशाख ०५ गतेदेखी यात्रा शुरु गरेको उक्त टोलीले ११ गते लाङटाङ क्षेत्रको भ्रमण गरेको हो । लाङटाङको प्रबर्द्धनात्मक भिडियो छायांकन गर्ने योजना अनुरुप पत्रकारहरुले सो क्षेत्रका विभिन्न स्थानहरुको भ्रमण गरेका छन् । कार्यक्रम गोसाइँकुण्ड गाउँपालिका ,न्यु भिजन नेपाल र गरिमा भोइज ट्राभलको सहकार्यमा सम्पन्न भएको हो ।
लाङटाङ चिनारी
पदयात्रामा रमाउने पर्यटकका लागि उपयुक्त गन्तब्य हो, लाङटाङ । राजधानीबाट नजिक र तुलनात्मक रुपमा छोटो समयमा पूरा हुने भएकाले पनि यो पदमार्गमा पर्यटक आकर्षित छन् ।राजधानी काठमाडौंबाट नजिकको पर्यटकीय गन्तव्य लाङटाङ उपत्यका पुग्नलाई समस्या छैन । काठमाडौंबाट करिब १२५ किमिको यात्राका लागि स्याफ्रुबेंसीसम्म सहजै बस पाइन्छ । करिब ८ घन्टा यात्रा गरेपछि रसुवाको स्याफ्रुबेसी पुगिन्छ । त्यहाँबाट शुरु हुन्छ, लाङटाङ पदयात्रा ।
स्याफ्रुबेसीबाट झोलुङ्गे पुल तरेर लाङटाङ खोलाको तिरैतिर कटुसको सुगन्ध र गुराँसका रंगीविरंगी जंगलको दृष्यपान गर्दै अघि बढ्दा थकान को पत्तै हुदैन। उकाली–ओराली, झरना, वन वनस्पति, चट्टान, पहाड तथा हिमाली भेगको स्थानीय भेषभूषा रुचाउने पर्यटकका लागि लाङटाङ उपयुक्त गन्तब्य हो । अझ विभिन्न स्थानमा खुलेका सुविधासम्पन्न लज तथा व्यावसायीको न्यानो आतिथ्य लाङटाङका विषेशता हुन् ।
तीन दिनको यात्रामा स्याप्रुबेसि बाट बन्दै गरेको लाङटाङ खोला जलविद्युत आयोजना हुँदै पहिरो, बम्बो रिम्चे, लामा होटेल, घोडातबेला, थान्स्याप , गुम्बा डाडा, लाङटाङ मुन्डु , सिन्डुम हुँदै क्यान्जिङ पुगिन्छ । समुद्री सतहबाट चार हजार मिटरको उचाईमा रहेको क्यान्जिङ उपत्यका लाङटाङ खोलाको उद्गम स्थल हो । त्यहाँबाट करिब दुई घण्टाको ठाडो उकालो लागेपछि घ्यासा(गोन्जला बेस क्याम्प ) पुगिन्छ । घ्यासा बाट आँखै अगाडी लाङटाङ लिरुङ हिमाल देखिन्छ ।
सात हजार दुई सय २७ मिटर अग्लो लाङटाङसँगै याला पिक (५५००) गान्छाम्पो (६३७८) नेय घाङ(५८४४) स्काउट पिक (५७१०) चेर्को पिक (५७००) घाङ्जला चुली (५८६३) लाङ्सिसा रि (६४२७)हिमाल पनि यहिँबाट देखिन्छन् । दुई हिमालको बीचबाट बग्ने लिरुङ हिमनदी प्रकृतिप्रेमीका लागि अभूतपूर्व दृष्य हुन् ।
काठमाडौं ,खानाका पारखीहरुलाई लोकल र कन्टिनेन्टल सबै प्रकारका स्वाद एकै ठाउँबाट पस्किन काठमाडौंको उत्तर ढोका लाजिम्पाटमा भिनोलिभा रेष्टुरेन्ट एण्ड बार एनआरएनएहरुको लगानीमा संचालनमा आएको छ । गैर आवासीय नेपाली संघ एनआरएनए आईसिसिका युवा उपाध्यक्ष राज रेग्मी,सचिव खगेन्द्र न्यौपाने,कोषाध्यक्ष लोक दाहाल र व्यवसायी बालकृष्ण खड्काको उक्त रेष्टुरेन्ट एण्ड बारमा लगानी रहेको छ । फाईभ स्टार रेटिंगमा संचालनमा रहेको भिनोलिभा रेष्टुरेन्ट एण्ड बार अहिले नेपाली र बिदेशी पाहुनाहरुको सर्बाधिक रोजाईमा परेको राजधानीका रेष्टुरेन्टहरुमा नाम लेखाउन सफल भएको छ ।
भिनोलिभा रेष्टुरेन्ट एण्ड बारले कन्टिनेन्टल खाना देखि ब्रियानी, थकाली खाना, सेकुवा, बर्गर पिज्जालगायत सबै प्रकारका खानाहरुको एकै ठाउँबाट सेवा प्रदानका साथमा टेकवे सेवा पनि संचालन गरेको छ । त्यसका लागि अलग अलग विधाका सेफहरु द्वारा ुभिनोलिभा रेष्टुरेन्ट एण्ड बारुमा उत्कृष्ट स्वादिष्ट र हाइजेनिक खानाका परिकारहरु खुवाइने गरिन्छ ।
पर्याप्त पार्किङ सहितको राम्रो सुविधा भएको यस रेष्टुरेन्टमा ५ सय जनासम्मको लागी कुनै पनि विवाह, जन्मदिन, बार्षिकउत्सब लगाएत पार्टी हाउसको लागि उपयुक्त रहेको अध्यक्ष खगेन्द्र न्यौपाने बताउछन । एनआरएनए सचिव न्यौपानेले रेष्टुरेन्टका सबै सुबिधा एकै स्थानमा दिलाउनको लागी संचालनमा ल्याएको बताए । रेष्टुरेन्टमा ५० जना क्षमताको मिटिङ रुम, भिआईपी रुम, सेपरेट सेलेव्रेसन रुमहरु, प्रर्याप्त पार्किङलगायतका सबै किसिमका सुविधाहरु रहेको न्यौपानले बताए ।
हाईजेनिक खानाका साथै हरेक दिन फरक फरक प्रकारको स्वादिष्ट परिकारको स्वाद लिन सकिने यस “भिनोलिभा रेष्टुरेन्ट एण्ड बार” मा चाईनिज, थाई, इन्डियन, नेपाली तथा कन्टिनेन्टल, थकाली खाना देखि ब्रियानी समेतको हरेक दिन फरक फरक स्वाद लिन पाइनेछ भने अन्तराष्ट्रिय स्तरको विभिन्न ड्रिंक्सको साथमा कक्टेलको मिश्रण पनि रहेको एनआरएनए आईसिसि कोषाध्यक्ष एबं रेष्टुरेन्टका संचालक लोक दाहालले बताए । दाहाल युरोपका सफल रेष्टुरेन्ट ब्यावसायीका रुपमा चिनिन्छन ।
दाहालले आफ्नो अनुभब तथा स्वदेशमानै केहि गरु भन्ने गैर आवासीय नेपालीको चाहना र उद्देश्यको साथ रेष्टुरेन्ट सन्चालनमा ल्याएको बताए । उनले पर्यटन व्यवसायको विभिन्न क्षेत्रमा आफूले लगानी गरिसकेको जनाउदै अन्तराष्ट्रिय स्तरको रेष्टुरेन्ट नेपालमा संचालनमा ल्याएर विभिन्न परिकारका खाना तथा ड्रिंक्सका पारखीहरुलाई फरक स्वाद चखाउने उदेश्यले “भिनोलिभा रेष्टुरेन्ट एण्ड बार” को शुरुवात गरेको बताए । उक्त रेष्टुरेन्टमा पारिवारिक तथा रमाइलो बाताबरणमा रेष्टुरेन्टका सबै सेवा सुबिधा लिन सकिने दाहालले बताए ।
रेष्टुरेन्टमा फरक फरक स्वादका खानाका मेनुहरु रहेका छन । ग्राहकहरुको स्वादलाइ ध्यानमा राखेर उनीहरुको मागलाइ उच्च प्राथमिकता दिएर सेवा सुबिधा प्रदान गरिने यस रेष्टुरेन्टमा खानाको पारखी तथा विभिन्न परिकारका लागि उत्कृट गन्तव्य बनाउने योजना लिएर सेवा सुबिधा प्रदान गरिदै आएको संचालक दाहालले बताए । मनोरम शान्त बाताबरण, गार्डेन, फेमिलीको लागि बस्ने छुट्टा छुट्टै रुम, यथेष्ट पार्कीङको समेत ब्यबस्था भएको यस “भिनोलिभा रेष्टुरेन्ट एण्ड बार” मा पारिवारिक तथा रमाइलो बाताबरणमा सेवा सुबिधा लिन सकिने दाहालले बताए । शान्त र हरियाली वातावरणको माझमा स्वादिष्ट खानाको लागि “भिनोलिभा रेष्टुरेन्ट एण्ड बार” सम्पूर्ण देशी तथा बिदेशी नागरिकको लागि उत्कृष्ट गन्तब्य रहेको जनाउदै दाहालले एकपटक रेष्टुरेन्टमा आएर खानाका परिकारको स्वाद लिई आफुहरुलाई सल्लाह सुझाव दिन आग्रह पनि गरेका छन् ।
KATHMANDU- President Ram Chandra Paudel awarded 45 artists including Rajesh Hamal, Neer Shah, Deepak Raj Giri with honors and medals on the occasion of New Year on Friday. President Paudel distributed medals at a ceremony held at Sheetal Niwas.
Madan Krishna Shrestha, Neer Shah, Hari Bansha Acharya, Rajesh Hamal and Nanda Krishna Joshi received the prestigious Rashtradeep Bibhushan. Deepak Raj Giri, Shambhu Rai (Kuthumi), Pradeep Lal Shrestha, Ashok Sharma, Alokshree (Surya Kumar Khati), Deepak Jangam, Ananda Karki, Arjun Shrestha, Gyanu Rana, Niruta Singh, Chetan Sapkota, Biraj Bhatt (Bhojraj Bhatta), Dayahang Rai and Satyakala Rai received the excellent Janasewashree award.
Madhab Raj Kharel, Milan Moktan,Sita Ram Pokharel, Jeet Bahadur Deuja and Nirmal Sharma received Prabal Janasewashriee medals. Sunita Dulal, Pradeep Khadka, Kamal Sunar, Santosh Shrestha, Deepak Sharma, Shiva Ram BK, Ramesh Koirala, Sanam Kathayat, Kumar Basnet Bikranta, Kulman Nepali, Manohar Sunam Pariyar, Dilli Narayan Pandey, Suresh Kumar Nepal Pariyar (Yashkumar), Sanukancha Shahi bagged Janasewashree award.
Prabhakar Sharma, Indra Bahadur Khatri, Krishna Bahadur BK, Nabin Paudel and Kiran Gajmer received Nepal Sewa Pravin award. The government announced the names of the recipients of the jewels on September 19, 2022.
काठमाडौँ — वैशाख ६, २०८०।
तेश्रो संस्करणको ‘मोडल अफ दी ईयर नेपाल' को शीर्ष उपाधी अग्रज श्रेष्ठले जितेका छन्। ड्रीम मोडलिङ एजेन्सी एन्ड ईभेन्ट मेनेजमेन्टद्वारा ईटहरीस्थित दुर्गा पार्टी प्यालेसमा सम्पन्न उक्त प्रतियोगिताको अन्तिम स्पर्धामा अन्य प्रतिस्पर्धीहरुलाई पछि पार्दै श्रेष्ठले शीर्ष ताज पहिरीएका हुन् ।
बिजेताले शिर्ष उपाधीसंगै नगद रु २०,००० सहित ५ लाख बराबरको विमा, ३ लाख बराबरको आकर्षक उपहारहरुसंगै विभिन्न म्युजिक भिडियो, विज्ञापन तथा शर्ट मुभीहरुमा अभिनय गर्ने अवसर प्राप्त गरेका छन।
प्रतियोगितामा प्रसन राउतले फर्स्ट रनरअपको ताज हात पारे भने मनिश शंकरले सेकेन्ड रनरअपको ताज पहिरिन सफल भए। राउत र शंकरले उपाधीसंगै क्रमशः नगद रू १५ हजार सहित ३ लाख बराबरको बीमा र १० हजारसहित २ लाखबराबरको बीमा र अन्य आकर्षक पुरस्कारहरु प्राप्त गरेका छन। त्यसैगरी अर्गनाईजर चोईसको अवार्ड भने कृपा राईले हात पारेकी छिन।
प्रेक्ष्या कटवाल र उमेश खड्काको कोरियोग्राफी रहेको उक्त प्रतियोगितालाई तृष्णा उपाध्याय रेग्मीले संचालन गर्नुभएको थियो। प्रतियोगिताको निर्णायकमा मिस्टर नेपाल वर्ल्ड २०२० नुतन श्रेष्ठ, मिस्टर आईकन वर्ल्ड नेपाल २०१८ क्षितिज पोखरेल, ग्लोबल ड्रीम्स मेनेजमेन्टका सिईओ स्मित कार्की, सनसाईन होटल मेनेजमेन्ट कलेजका प्रवन्ध निर्देशक सुजन पुरी र आरजे/भिजे सुबेक्षा कार्की रहेका थिए।
युवायुवतीहरुको व्यक्तित्व विकास, आत्मविश्वास अभिवृद्धि, अन्तर्निहित क्षमता उजागर , प्रतिभा प्रस्फुटन तथा उच्च शिक्षा अध्ययनमा सहयोग पुर्याउदै प्रतिस्पर्धीहरुको नेतृत्वदायी क्षमताको विकास गरी उज्ज्वल भविष्य निर्माणमा सहयोग पुर्याउने उद्देश्यले लगातार तेश्रो संस्करणको ‘मोडल अफ दी ईयर नेपाल, २०७९' सम्पन्न गरिएको आयोजक संस्था ड्रीम मोडलिङ एजेन्सी एन्ड ईभेन्ट मेनेजमेन्टका संचालक सौरभमान भण्डारीले जनाए ।
काठमाडौं । नेप्लिज फेसन होमको आयोजनामा बुधबार राजधानीमा सम्पन्न मिस लिटील नेवा: ११४३ प्रतियोगितामा सुज्योति डंगोलले मूख्य उपाधि चुमेकी छन्। जमलस्थित राष्ट्रिय नाचघरमा सम्पन्न प्रतियोगितामा विभुती विद्या मन्दिरको कक्षा ९ मा अध्ययनरत डंगोलले पुरस्कारवापत २५ हजार रुपियाँ प्राप्त गरेकी छन् भने प्रमूख उपाधिका साथ उनी मिस ट्यालेन्टेड सेकेन्ड रनर्सअप उपउपाधि विजेता पनि भइन्। त्यसै गरी पुष्पसदन बोर्डिङ हाई स्कुलको कक्षा आठमा अध्ययनरत सफिना श्रेष्ठ फस्ट तथा खोप्रिङ इग्लिस एकेडेमीको कक्षा ७ की ग्रीष्मा राजचल सेकेन्ड रनर्सअपका साथमा तस्वीर मिसि फोटोजेनिक उपाधि विजेता भएकी छन्। फस्ट र सेकेन्ड रनर्सअपले पुरस्कार वापत क्रमशः १५ र १० हजार रुपियाँ नगद प्राप्त गरेका छन्।
रोटेरियन, पूर्व प्रमुख इतिहास विभाग एसोसिएटेड प्रोफेसर डा. बिमला शाक्यको सभापतित्व तथा भीमेश्वर नगरपालिकाका मेयर ईश्वर मानन्धरको प्रमूख आतिथ्यतामा सम्पन्न प्रतियोगितामा अंकिता महर्जन मिस ट्यालेन्टेड, अव्रिशा महर्जन सोसियल वेलफेयर एम्बेस्डर चिफ र वेस्ट स्माइल, वेदन्सी डंगोल सोसियल वेलफेयर एम्बेस्डर चिफ, नीभा कायस्थ सोसियल वेलफेयर एम्बेस्डर चिफ फस्ट रनर्सअप, विमिशा डंगोल वेष्ट नेपाल भाषा, लुन्जला महर्जन बेस्ट ड्रेस र मिस ट्यालेन्टेड फस्ट रनर्सअप, लुमना महर्जन वेष्ट नेपाल भाषा फस्ट रनर्सअप र मिस फ्रेन्डसिप, रुचि महर्जन वेस्ट नेपाल भाषा सेकेन्ड रनर्सअप, इच्छा महर्जन मिस कल्चर, सुहिना श्रेष्ठ मिस पब्लिक च्वाईस, प्राज्ना महर्जन मिस पर्सनालिटी र मिस चार्मिङ, मुखु महर्जन वेस्ट हेयर, विपश्वी मानन्धर वेस्ट स्कीन, नुजला सिंह महर्जन मिस इलिजेन्ट र अंकिता महर्जन मिस डिसिप्लेन उपाधि विजेता भएका छन्। नेप्लिज फेसन होमकी अध्यक्ष हेमा मानन्धरले नेवार बालिकाहरुमा अन्र्तनिहीन प्रतिभा प्रदर्शन गर्न तथा उनीहरुमा नेवार कला, संस्कृति, भाषा र सभ्यताको ज्ञान अभिबृद्धी गर्न मिस लिटील नेवा: आयोजना गर्दै आएको बताइन्।
नुझ गुठीका अध्यक्ष सुरबहादुर श्रेष्ठ, पत्रकार त्रिलोचन प्रधान, पहिलो महिला वडा अध्यक्ष हसना शाक्य, चिरायु नेशनल हस्पिटलका डाइरेक्टर सञ्जीव राजभण्डारी, मिस लिटील नेवा ११४१ आर्य श्रेष्ठ र मोर्डन नेवा इंग्लिस स्कुलका डाइरेक्टर दीपक तुलाधरको विशेष आतिथ्यता तथा मिस लिटील नेवा ११४१ की सेकेन्ड रनर्सअप रिक्क्षणा डंगोल, मिस ट्यालेन्टेड ११४१ नयना शाक्य मिस ट्यालेन्टेड ११४१ फस्ट रनर्सअप सिचु मानन्धर, वेस्ट नेपाल भाषा ११४१ तीषा तन्डुकार, वेष्ट नेपाल भाषा फस्ट रनर्सअप ११४१ प्रकृति मानन्धर, सोसियल वेलफेयर एम्बेस्डर चिफ ११४१ डेमी श्रेष्ठ, वेस्ट ड्रेस ११४१ इभान्जली महर्जन, मिस कल्चर ११४१ वितिषा कंसाकार र कृष्टीना महर्जन तथा मिस डिसिप्लेन ११४१ सनिष्मा महर्जनको आतिथ्यतामा सम्पन्न प्रतियोगितामा डिष्ट्रिक गर्भनर ३३२५एल मणीश्री रत्न बज्राचार्य प्रमूख निर्णायक तथा नमूना कलेज अफ फेसन टेक्नोलोजीका भाइस प्रिन्सिपल जिवेश्वरलाल श्रेष्ठ, लिपी गुठीका अध्यक्ष अनिल स्थापित, नेपाल टेलिकमका सिइओ सरोजकुमार शाक्य, साहित्यकार तथा उद्यमी अन्जना ताम्राकार, वल्र्ड नेवा अर्गनाइजेसन नेपाल च्याप्टरका अध्यक्ष सुरेन्द्रभक्त श्रेष्ठ, नेपाल भाषा प्रशिक्षक राजु नापित, व्युटिसियन मञ्जु कार्की पाण्डे र फेसन डिजाइनर शोभा महर्जन निर्णायक रहेका थिए।
काठमाडौं – सम्माननिय राष्ट्रपति रामचन्द्र पौडेलले नेपाल सरकारको सिफरिसमा राष्ट्रको गौरव बढाउन अतुलनीय योगदान गरेको भन्दै चलचित्र निर्देशक माधव राज खरेल सहित समाजका विभिन्न क्षेत्र उल्लेखनिय योगदान पुर्याएका सात सय २८ व्यक्तित्वहरुलाई नेपाल सरकारले विभिन्न मानपदवी प्रदान गरेको छ ।
राष्ट्रपति कार्यालय शीतल निवासमा बैशाख १ गते आयोजना भएको विशेष समारोहमा राष्ट्रपति पौडेलले नेपाली चलचित्र क्षेत्रमा लामो समय देखी सक्रिय हुदै आएको र देश र राष्ट्रको हितको लागि गौरवको काम गरेको भन्दै निर्देशक माधव राज खरेललाई “जनसेवाश्री” प्रदान गर्नु भएको हो ।
“जनसेवाश्री” बाट विभुषित भैसकेपछि खरेलले भने “सकारात्मक काम गर्दा केही ढिलो हुन सक्छ तर कामको कदर पक्कै हुनेछ र संघर्षको प्रतिफल अवश्य आउने छ त्यसैले सम्पुर्ण व्यक्तिले आफ्नो कर्ममा विश्वास गर्दै अघि बढेमा चाहेको उदेश्य पुरा गर्न सफल हुन्छ ।”
काभ्रेपलाञ्चाक जिल्लाको भुम्लु गाउँपालिका वडा नम्बर ५ मा जन्मिएका निर्देशक खरेलले पत्रकारिता हुदै चलचित्र निर्देशनको क्षेत्रमा प्रवेश गरेका हुन् । सुरुवाती दिनहरुमा पत्रकारिता गर्दै आएका उनले परिवर्तन नेपालले आयोजना गर्ने विभिन्न सडक नाटकहरुमा सहभागी हुने गर्दर्थे र परिवर्तन नेपालका सडक नाटकहरु खेल्दा खेल्दै उनले सडक नाटक लेखन तथा निर्देशनमा समेत आफुलाई अब्बल बनाएका थिए ।
त्यस पछि उनले टेलिचलचित्रहरु लेख्ने र निर्देशन गर्न थाले सडक नाटकबाट सुरु भएको खरेलको यात्रा चलचित्र लेखन तथा निर्देशन सम्म आईपुगेको थियो । पहिलो पटक मौन चलचित्रको सफल लेखन तथा निर्देशन गरेका खलेलले त्यसपछि आधा दर्जन चलचित्रहरुको निर्देशन तथा लेखन गरिसकेका छन् ।
चलचित्र निर्देशक खरेलले नेपालमै पहिलो पटक “ढुङ्गे युग” मौन चलचित्र निर्देशन गरेर पहिलो मौन चलचित्रको निर्देशकको रुपमा आफुलाई स्थापित गराएका थिए । झण्डै दुइ घन्टा लामो संवाद विहिन (मौन) चलचित्रको लेखन तथा निर्देशन गरेर दर्शकहरुको लागी मात्रै नभएर समग्र नेपाली चलचित्र जगतमै पहिलो पटक ऐतिहासिक काम गर्दै चलचित्रको इतिहासमा नौलो प्रयोग भित्र्याउन सफल समेत भएका थिए । त्यस यता खरेलले “ढुङ्गे युग, कुइईनेटो, विरानो माया, दुर्गामाण्डौ, चिट्ठी लगायतका चलचित्रहरुको निर्देशन गरिसकेका छन् ।
खरेलको प्रदर्शनको तयारीमा रहेका पछिल्लो चलचित्र “चिट्टीे” हो । चलचित्र चिट्टीलाई खरेलले अहिले सम्मकै सन्तोषजनक चलचित्र रहेको प्रतिकृया दिएका छन्, छिट्टै एक कार्यक्रम गरेर “चिट्टी”को गीतहरु सार्वजनिक गर्ने तयारीमा रहेको पनि निर्देशक खरेलले बताएका छन् । चलचित्र निर्देशनका अलावा खरेलले उपन्यास, गीति लेखन, डकुमेन्ट्री लेखन तथा निर्देशन, म्यूजिक भिडियोहरु, विज्ञापनहरुको निर्माण तथा निर्देशन समेत गर्दै आईरहेका छन् । उनले विभिन्न सरकारी तथा गैरसरकारी संस्थाहरुको समन्वयमा बृत्तचित्र तथा विज्ञापनहरु प्रसस्तै गरेका छन् । झण्डै दुई दशक भन्दा लामो समय देखी नेपाली चलचित्र क्षेत्रमा सक्रिए रुपमा लागिरहेका निर्देशक खरेलले पहिलो पटक संसारकै अग्लो स्थानमा म्युजिक भिडियोको निर्देशन गरेर गिनिज वल्र्ड रेकर्डस्मा समेत आफ्नो नाम लेखाउन सफल भएका थिए ।
निर्देशक खरेल नेपाल चलचित्र निर्देशक समाज, चलचित्र संरक्षण मञ्च, राष्ट्रिय संगीतकर्मी संघ, परिवर्तन नेपाल, नेपाल चलचित्र तथा कलाकार श्रमिक संगठन (फावन), संगीत रोयल्टी संकलन समाज, गीतकार संघ लगायतका संघ संस्थाहरुमा आवद्ध रहेका छन् । खरेल चलचित्र गीत संगीतका अलावा समाजका विभिन्न क्षेत्रमा सेवा प्रदान गर्ने उदेश्यले स्थापना भएको पावर इन्टरनेशनल मिडिया नेपाल (पिम नेपाल) का अध्यक्ष समेत रहेका छन् ।
चलचित्र निर्देशक खरेलले चलचित्र क्षेत्रमा पुर्याएको योगदानको कदर गर्दै उनलाई राष्ट्रिय तथा अन्तराष्ट्रिय रुपमा ख्याति कमाएका संघ संस्थाहरुले विभिन्न अवार्ड तथा सम्मानहरु प्रदान छन् । जसमा “छायाँछवी सम्झना डिजिटल फिल्म अवार्ड, म्युजिक खबर म्युजिक अवार्ड, मोडेल संङ्गस अवार्ड (दुवइ), सुन्दरादेबी म्युजिक अवार्ड, राष्ट्रिय संगीतकर्मी अवार्ड, नेपाल कल्चलर अन्तराष्ट्रिय चलचित्र महोत्सव (एनसिआईएफ्एफ्), सगरमाथा म्युजिक अवार्ड, नेशनल इन्टरटेनमेन्ट अवार्ड, स्टार इन्टरनेशनल अवार्ड, स्पाइनी व्याब्लर अन्तराष्ट्रिय चलचित्र महोत्सव, नेपाल अफ्रिका फिल्म फेष्टिवल, नेशनल सिल्भर अवार्ड लगायतका झण्डै डेढ दर्जन भन्दा माथी अवार्डहरु तथा दुई दर्जन भन्दा माथी सम्मान तथा पुरस्कारहरु प्राप्त गरिसकेका छन् ।
वि सं २०७९ असोज ३ गते संविधान दिवसका दिन घोषित विभूषण २०८० साल अर्थात नयाँ वर्षको दिन प्रदान गरिएको हो । उक्त कार्यक्रम हरेक वर्ष बैशाख १ गते हुँदै आईरहेको छ ।
