काठमाण्डौ – नायक श्रीदेब भट्टराई लगायतका युवाहरुको समुहले सर्लाहीको एक विद्यालयमा शैक्षिक सामाग्री वितरण गरेका छन् । लामो समय देखी गीत संगीत तथा चलचित्र क्षेत्रमा काम गर्दै आईरहेका भट्टराई पछिल्लो समय समाज सेवाका क्षेत्रमा पनि सक्रिए भएका छन् ।

११२ औं अन्तराष्ट्रिय नारी दिवस को अवसरमा जेसीआई ईमाडोलको आयोजना तथा राष्ट्रखबर,पब्लिक सूचना,साल्ट ट्रेडिङ कर्पोरेशन लगायत युवा समाजसेवीहरु वरिष्ठ समाजसेवी रन्जिता गुरुङं,नायक तथा समाजसेवी श्रीदेव भट्टराई , संचारकर्मी तथा सर्लाही जिल्लाकै समाजसेवी सोनित राज ढुंगेल,वरिष्ठ सौन्दर्यविद तथा समाजसेवी मनिषा जि।सी।को पहलमा सर्लाही जिल्लाको लालबन्दी नगरपालिका वार्ड नं. २ मा अवस्थित सलेशदेव प्राथमिक विद्यालयमा अध्ययनरत विद्यार्थीहरुका लागि शैक्षिक तथा खेलकुद सामाग्री वितरण गरिएको छ ।

काठमाडौं– अन्तत: छाउपडी’ बोलको गीत सार्वजनिक हुने भएको छ । शब्द सार्वजनिक भए लगत्तै विवादना परेको उक्त गीत अब भने सार्वजनिक गर्नका लागि तयार रहेको गायिका सोफिया थापाले बताएकी छन् ।सुदुर पश्चिममा रहेर महिला अधिकारको क्षेत्रमा काम गरिरहेका केही अधिकारकर्मीले गरेको विरोधका कारण रेकर्ड नहुँदै यो गीत विवादमा परेको थियो ।

उक्त समुहले छाउगोठको नाममा रचनाकारले सुदुर पश्चिमको वदनाम गरेको आरोप लगाएका थिए । गीतका शब्द रमेश दहालले लेखेका हुन् । लामो समय सुदुर पश्चिमका विभिन्न जिल्लामा काम गर्ने क्रममा देखेको विषययलाई लिएर उनले गीतका शब्द तयार गरेका छन् ।गीतले कुनै पनि प्रकारको विभेद र विरोधका विषयय उठान नगरेकोमा उनी स्पष्ट छन् ।गीतमा संगीतसमेत गायिका थापा कै रहेको छ । यो गीत थापाको युट्युव च्यानलमार्फत फागुन २७ गते शुक्रबार सार्वजनिक हुँदैछ ।

काठमाडौं –  ‘आफ्नै नाम, आफ्नै शान, आफ्नै पहिचान, गाउँदेखि विश्वसम्म’ भन्ने नारासहित सन् २०१६ बाट सुरु भएको ‘ग्लोबल नेपाली फिल्म अवार्ड’ को पाँचौ संस्करण अमेरिकाको टेक्सस राज्यको ड्यालस शहरमा आयोजना हुने भएको छ । मंगलवार राजधानीमा एक कार्यक्रमका बीच सन् २०२२ जुलाई ३ तारिखमा अवार्ड आयोजना हुने जानकारी गराइयो ।  ग्लोबल नेपाली फिल्म अवार्डको पाँचौ संस्करण अमेरिकाको टेक्सासमा आयोजना हुने भएको छ । नेपाल फिल्म सोसाइटी, ग्लोबल नेपाली फिल्म अवार्ड र एसोसिएसन अफ नेप्लिज इन द अमेरिकाजले संयुक्त रुपमा अवार्ड गर्न लागेका हुन् ।

मंगलबार राजधानीमा आयोजित पत्रकार सम्मेलनमा अवार्ड आयोजनाबारे जानकारी दिइएको हो । अवार्डका अघिल्ला चार संस्करण कोलोराडो र सनफ्रान्सिस्कोमा भएका थिए ।कोरोना महामारीका कारण सन् २०२० र २०२१ मा अवार्ड आयोजना हुन सकेन । अवार्ड कार्यक्रममा सफल नेपाली फिल्म र फिल्मकर्मीलाई सम्मानसहित अमेरिकामा रहेका नेपाली फिल्मकर्मीलाई प्रोत्साहन समेत गरिने भएको छ ।

अवार्ड आयोजनाको उद्देश्य विदेशमा नेपाली फिल्मको प्रवद्र्धन गर्नु रहेको ग्लोबल नेपाली फिल्म अवार्ड एलएलसी अमेरिकाका अध्यक्ष नवराज श्रेष्ठले बताए । ‘नेपाललाई फिल्म टुरिजमको हब बनाउन अवार्डले भूमिका खेल्नेछ,’ पत्रकार सम्मेलनमा उनले भने । नेपाललाई विदेशीमाझ फिल्म सुटिङको सुन्दर गन्तव्यको रुपमा चिनाउन पनि यसले मद्दत गर्ने उनले बताए । सकेसम्म हलिउड फिल्ममेकरलाई नेपालमा निम्ताएर कार्यक्रम सञ्चालन गर्ने उद्देश्य रहेको पनि श्रेष्ठले जानकारी दिए ।

अवार्डका लागि चाँडै छनोट समिति गठन हुने बताइएको छ । कार्यक्रममा ग्लोबल नेपाली फिल्म अवार्डका नेपाल संयोजक मदु कुमार श्रेष्ठले स्वागत मन्तब्य राख्दै कार्यक्रमको बारेमा प्रस्ट्याएका थिए। त्यस्तै कार्यक्रममा कलाकारहरु नीर शाह, करिश्मा मानन्धर, शिव श्रेष्ठ, अशोक शर्मा, उज्वल घिमिरे, दिनेश डिसी, आर्यन सिग्देल, रविन्द्र खड्का लगायतले अवार्डको सफलताको कामना गरे ।

अवार्ड कार्यक्रममा भुटानी चलचित्रहरुबीच प्रतिस्पर्धा गराएर पहिलो, दोस्रो र तेस्रो हुनेलाई अवार्ड पनि प्रदान गरिने नेपाल फिल्म सोसाइटीका अध्यक्ष कृष्ण मल्लले बताए । नेपालबाट गएका र अमेरिकामा बस्ने कलाकर्मीहरुको पूर्नमिलन गराउने र नेपाललाई विदेशीमाझ चलचित्र छायांकन गर्न सुन्दर ठाउँको रुपमा प्रचार गर्नु पनि अवार्डको उद्देश्य रहेको उनले जानकारी दिएका छन् ।

‘यो अवार्डको उद्देश्य विदेशमा नेपाली चलचित्रको प्रवद्र्धन गर्नु हो । नेपाली चलचित्रको सफलता विदेशमा गएर मनाउनका लागि हो । अमेरिकामा नेपालबाट धेरै कलाकारहरु पुगेका छन्, उनीहरुसँग पूर्नमिलन गर्नु पनि अवार्डको उद्देश्य हो । नेपाललाई चलचित्र टुरिजमको हब बनाउनु पनि अवार्डको उद्देश्य हो । हामीले पैसा कमाउनका लागि अवार्ड गरेका होइनौं,’ अध्यक्ष मल्लले भने ।

काठमाण्डौ –  अभिनेता, समाजसेवी तथा चलचित्र कलाकार संघका कोषाध्यक्ष सुनिल कटुवालका पिताको असमायिक निधन भएको छ । केही महिना अघि देखी अस्वस्थ रहदै आएका स्वर्गिय सुदर्शन कटुवालको यहि फागुन १४ गते निधन भएको हो ।
स्वर्गिय कटुवालका चार जना छोरा, बसन्त, सहदेव, सुनिल (संघका कोषाध्यक्ष) र सविन रहेका छन् । स्वर्गिय कटुवालको निधनको शोक बक्तब्य निकाल्दै चलचित्र कलाकार संघले हार्दिक समवेदना प्रकट गरेको छ । नेपाल चलचित्र कलाकार संघका अध्यक्ष रबिन्द्र खड्काद्धारा हस्ताक्षर गरिएको शोक वक्तव्यमा भनेको छ, “कटुवाल परिवारमा पर्न गएको अप्रत्याशित शोक र पिडामा कलाकार संघपरिवार हार्दिक समवेदना प्रकट गर्दै १३ दिनको पुण्य तिथिमा स्वर्गिय सुदर्शन कटुवाल प्रती हार्दिक श्रघद्धाञ्जली व्यक्त गर्दछ ।”

काठमाण्डौ– इनास अमेरीका राष्ट्रिय समिति परिवारको बैठक पेज्सिलभानिया राज्यमा सम्पन्न भएको छ । बैठकले अमेरिकामा भएका कलाकारहरुलाइ एकत्रित गर्दै नेपाली कला संस्कृति र भाषाको प्रवद्र्धनको  लागि विविध किसिमका कार्यक्रमहरु गर्ने निर्णय गरेको छ ।

ईनास अमेरीका समितिका राष्ट्रिय अध्यक्ष, गायक तथा संगतिकार कन्हैया सिंहको अध्यक्षतामा सम्पन्न भएको उक्त कार्यक्रममा ईनास नर्थ अमेरिकाका क्षेत्रीय संयोजक आनन्दु लामाको विषेश आतिथ्यता रहेको थियो ।  बैठकले ईनास डे अगष्टको अन्यमा मनाउने गर्ने निर्णय छ । साथै ईनास डे को कार्यक्रमको संयोजक समितिमा निर्देशक तथा कलाकार दिनेश कार्कीको संयोजन रहने छन् भने सबै राज्य समितिका अध्यक्षहरु उपसंयोजक रहने निर्णय पारित गरेको छ ।

ईनास पेन्सलभानिया राज्य समितिबाट अध्यक्ष विशाल घले गुरुङको संयोजनमा संचालन भएको बैठकमा  विविध सांस्कृतिक कार्यक्रमहरु समेत गरिएको थियो भने अमेरिकाका विभिन्न शहरहरुबाट उपस्थित भएका वालकलाकारहरुलाइ ट्रफि सहित सम्मान गरिएको थियो ।

कार्यक्रममा चर्चित नायिका मेलिना मानन्धर, चर्चित गायिका अञ्जना गुरुङ, नायक मुकेश ढकाल,  मोडल तथा कोरियोग्रफर शंकर वि.सी,  मोडल एवं डान्सर अपेक्षा सिंह, नायक राहुल के.सी, कलाकार राजु बजाज लगायतका कलाकारहरुको उपस्थिती थियो । कार्यक्रमको संचालन चलचित्र निर्देशक विशाल ढुंगानाले गरेका थिए ।

काठमाण्डौ – झण्डै एक दशक भन्दा लामो समय देखी नेपाली चलचित्र उद्योगमा काम गर्दै आएका अभिनेता तेज गिरी अब प्रेमगञ्ज चलचित्र मार्फत नेपाली दर्शक माझ देखिदै छन् । झण्डै दुई करोड पाँच लाखको लागतमा तयार भएको नेपाली कथानक चलचित्र प्रेमगञ्जले दर्शकहरुको मन जित्नेमा आफुहरु आशावादी रहेको अभिनेता गिरीले वताएका छन् ।

अभिनेता गिरीले यस अघि पनि थुप्रै नेपाली चलचित्रहरु मार्फत आम दर्शकहरुको मन जित्न सफल भईसकेका छन् । उनले पञ्चेबाजा, द्यौली, वडा अध्यक्ष लगायतका चलचित्रहरु र केही सर्ट फिल्ममा समेत अभिनय गरिसकेका छन् ।

चलचित्र प्रेमगञ्जमा अभिनेता गिरीले यस अघिका चलचित्रहरुमा भन्दा फरक तरिकाले आफुलाई निर्देशक परिच्छेद सेनले प्रस्तुत गरेको वताएका छन् । प्रेम सम्बन्ध र जीवन संघर्षमा आधारित रहेर निर्माण भएको चलचित्र प्रेमगञ्जलाई  परिच्छेद सेनले निर्देशन गरेका हुन् यस अघि सेनले मुख्य सहायक निर्देशकका रूपमा मसान, द्यौली, माला, सेतो बाघ, नयाँ नभन्नु ल–३, अग्नि दहन, सेफ ल्यान्डिङ, लभर्स जस्ता चलचित्रहरुमा काम गरिसकेका छन् । अभिनेता गिरी सफल बैकर्स पनि हुन् उनि विगत १६ वर्ष देखी निरन्तर रुपमा बैकिंङ क्षेत्रमा कार्यरता रहेका छन् ।

चलचित्र प्रेमगञ्जको आउने भदौ ३ गते भव्यरुपमा देश भरका सिनेमाहलहरुमा प्रदर्शन हुनेभएको छ । चलचित्रमा अभिनेता तेज गिरीका अलवा बेनिशा हमाल, सुरक्षा पन्त, सम्पदा बानियाँ, सुप्रिया खनाल, राईडर प्राशन, सिमरन खड्का, आयुषी ढकाल, आयुष ढकाल, पवन भट्टराई लगायतका कलाकारहरुको अभिनय देख्न सकिन्छ । चलचित्रलाई संजय लामाले खिचेका हुन् । चलचित्र २०७९ साल भाद्र ३ गते श्रीकृष्णजन्माष्टमीको दिन प्रदर्शनमा आउने निर्माण पक्षले जानकारी गराएको छ ।

काठमाडौं- अग्रज गायक तथा हास्य अभिनेता मदनकृष्ण श्रेष्ठकाको सँगतले आफु गायक भएको अर्का हास्य अभिनेता हरिबँश आचार्यले बताएका छन् । अग्रज हास्य अभिनेता मदनकृष्ण श्रेष्ठ र हरिबँश आचार्यले आईतबार राजधानीमा एक समारोहबीच गीतकार बासुदेब अधिकारीको नयाँ गीतिसँग्रह ‘घाम आउँछ छायाँ दिन्छ’को बिमोचन गरेका छन् । सोही कार्यक्रममा हरिबँशले आफु गायक बन्नमा मदनकृष्णकै हात रहेको जिकिर गरेका हुन् ।

आचार्यले समय अनुसार गीत परिवर्तन भएको बताए । नयाँ पुस्तामा एक थरीका गीतहरु राम्रा आएको र अर्का थरीका गीतकारहरुले गीतको नाममा जे पनि लेख्ने गरेको बताए । दुई दुशक अघि आफु राष्ट्रबैंकबाट निस्कासित भएपछि बासुदेब राष्ट्रबैंकमा जागिरे भएको स्मरण हरिबँशले गरे । बासुदेवका गीतहरु गम्भिर रहन शैलीका रहेको उनले बताए ।
नौ वटा गीत रहेको यो सँग्रहका सबै गीतहरु शब्द र गायनका हिसावले राम्रो रहेको अग्रज कलाकार तथा गायक मदनकृष्ण श्रेष्ठले बताए,‘आजकाल गीतको नाममा जे पनि गाउने क्रम बढेको छ । तर बासुदेबजीले लेख्नु भएका गीतहरु निकै राम्रा रहेछन् ।’

सँग्रहमा रहेको नौ गीतहरु मध्यको एक गीत सास रैछ सास .... को भिडियो सो कार्यक्रममा सार्वजनिक गरियो । साँस्कृतिक संस्थानका पूर्व महाप्रबन्धक राजेश थापाले निर्देशन गरेको सो भिडियोमा हाँस्य कलाकार उत्तम केसीले  अभिनय गरेका छन् , भस्र्टायल रुपमा अभिनय गर्न सक्ने कलाकार केसी भिडियो उत्कृष्ट वनेकोमा दंग देखिएका छन् उनलाई भिमा मैनाली, मदन श्रेष्ठ ,रचना शिवाकोटीसहितका विभिन्न कलाकारहरुले अभिनयमा साथ दिएका छन् । मधुकर लोहनीको गीतमा सँगीत र स्वर रहेको छ ।

सँग्रहमा माटो पार्खिँदैछ…, रोल्वालिङ खोली…, सुन साथी…, बुद्ध बन…, साउने झरी…, खरी झ¥यो…, समय छ…, घाम छायाँ…बोलका गीतहरु छन् । यी गीतहरुमा मधुकर लोहनी, विकाश चौधरी, रुपक चौधरी, नारायण लामा, बलराम समालको सँगीत छ । यी गीतहरुमा मधुकर सहित राजेश पायल राई, रुपक चौधरी, आकाश थापा, दुर्गा परियार, दीपेन्द्र बिक्रम थापा र बलराम समालले स्वर दिएका छन् ।

आफुले बिगतमा विभिन्न कवितासँग्रहहरु ल्याए पनि गीति सँग्रह ‘घाम आउँछ छायाँ दिन’ यतीबेला बजारमा ल्याएको गीतकार बासुदेबले कार्यक्रममा बताए । उनको गीतहरु माथि गीतकार डा. कृष्णहरि बराल, सँगीतकार शिलाबहादुर मोक्तान, साँस्कृतिक संस्थानका महाप्रबन्धक अशोक प्यासी राईलगायतले समीक्षा गरे ।

काठमाण्डौ - ११२ औ अन्तराष्ट्रिय नारी दिवशको अवसर पारेर  मञ्जुश्री असहायक केन्द्रले विभिन्न क्षेत्रमा योगदान पुर्याउने व्यक्तित्वहरुलाई सम्मान तथा सुभकामना आदन प्रदान कार्यक्रमको आयोजना गरेको छ । मञ्जुश्री असहाय केन्द्र काठमाण्डौ जिल्ला अध्यक्षता मिना बस्नेतको अध्यक्षतामा सम्पन्न भएको कार्यक्रममा बागमती प्रदेश सभाकी उपसभामुख राधिका तामाङ प्रमुख अतिथि रहनु भएको थियो । कार्यक्रममा बोल्दै उपसभामुख तामाङले नेपालको जनसंख्याको झण्डै ५१ प्रतिशत महिलाहरुको जनसंख्या छ, राष्ट्रपति, प्रधानन्यायधिश  लगायत केही महत्वपुर्ण पदमा महिलाहरु भए पनि सिमित संख्यामा महिलाहरुको सहभागीता रहेको छ र सिमित आवाजलाइ सुनुवाई हुनै मुस्किल हुने गरेको छ, यसको लाग राजनितिक स्तरमा पनि अब ३३ हैन ५१ प्रतिशत नै महिला सहभागीता आवश्यक रहेको बताउनुभयो । यसको लागि सम्पुर्ण महिलाहरुले सक्रिय रुपमा राजनितिमा आउनु पर्ने बताउनुभयो ।

त्त्यस्तै ओरेक नेपालका अध्यक्ष डाक्टर रेनु राजभण्डारीले पहिला आफैबाट आफ्नो हक अधिकार र स्वतन्त्रताको लागि स्वयमले आवाज उठाउन जरुरी रहेको बताउनुभयो, साथै महिलाहरुले गर्न सक्ने काम पुरुषले पनि गर्न नसक्ने भएकोले महिलाहरुको दर्जा पुरुष भन्दा माथी हुनुपर्ने बताउनुभयो । कार्यक्रममा विभिन्न क्षेत्रमा विशेष योगदान पु¥याउने ५ जना नारीहरुलाई उत्कृष्ट अन्तर्राष्ट्रिय नारी सम्मान गरिएको थियो । सम्मानित हुनेहरुमा युवा व्यवसायी रन्जु रन्जितकार, जेष्ठ नागरिक मिना मोक्तान, समाजिक अभियन्ता बेबि राजभण्डारी, समाजसेवी रिमा सापकोटा र सञ्चारकर्मी कमला जोशी रहेका छन् । सम्मानित नारीहरुलाई उपसभामुख तामाङले सम्मानपत्रले सम्मान गर्नु भएको कार्यक्रमको मिडिया संयोजक राजन थापाले जानकारी दिएका छन् । कार्यक्रममा ओरेक नेपालका अध्यक्ष डाक्टर रेनु राजभण्डारी, इन्द्रराज भट्टराई, समाजसेवी तथा समुन्नत महिलामञ्चकी अध्यक्ष सोमा खत्री, मञ्जुश्री असहाय केन्द्रकी अध्यक्ष मञ्जु खाँड लगायतको उपस्थिति रहेको थियो ।

काठमाण्डौ –काठमाण्डौ जिल्लाभित्र रहेका नगरपालिकाहरु एवं महानगरपालिका का साथै ७ वटा विश्वसम्पदा सुचिमा परेका स्थानहरुको सरसफाइको कार्यहरु अभियानका रुपमा विगत ५ दिन देखी संचालनमा आएको छ । फागुन ५ गते गते देखी चैत्र ९ गते २५ दिन संचालनमा आउने उक्त अभियानले शहरको सफाईमा विािशष्ट योगदान पुर्याउनुको साथै आम मानिसहरुलाई सचेतना दिनेमा पनि विश्वास गर्न सकिन्छ ।

उपत्यकाका विभिन्न अभियानहरु क्रमशः वातावरण मैत्री समाज (राधेश्याम मिश्र) नेवाः लहना किर्तिपुर(राजमान मानव), सुन्दरीघाट सरसफाई अभियान बल्खु(चित्र सुनुवार), गोदवरी सरसफाई अभियान(बेबी राजभण्डारी) विष्णुमती सरसफाई अभियान (शोभाकान्त पाण्डे) , मनोहरा सरसफाई अभियान(चन्द्र दंगाल), बागमती सरसफाई अभियान(किशोर सिंह शाही, र चक्रपथ सर सफाई अभियानमा संलग्न अभियन्ताहरुले उक्त अभियानलाई अघि वढाइएका छन् ।

२५ दिन सम्म दैनिक रुपमा संचालन हुने उक्त अभियानलाई सफाई महाअभियानको रुपमा लिएको अभियान्ता मध्येका वातावरण मैत्री समाजका अध्यक्ष राधेश्याम मिश्रले बताए ।

काठमाडौं – बिगत ५ बर्ष देखि अस्ट्रेलिया बस्दै आएकी आना ढकालले नेपाली चलचित्र ‘लप्पन छप्पन २’ बाट डेब्यु गर्दै छिन्। उनि कार्यक्रम प्रस्तोता तथा गायिका पनि हुन् । चितवनमा जन्मिएकी ढकालले आधा दर्जन भन्दा बढी म्युजिक भिडियोमा अभिनय गरि सकेकी छन् । अस्ट्रेलियामा हुने बिबिध कार्यक्रमहरुको प्रस्तोताका रुपमा पनि उनले थुप्रै कार्यक्रम संचालन गरि सकेकी छन् ।

चलचित्र ‘लप्पन छप्पन २’ मा अर्पण थापाको अपोजिटमा देखिएकी ढकाल अन्य चलचित्रमा निरन्तर काम गर्ने बताउछिन् । विदेशमा बसेर पनि नेपाली चलचित्रलाइ माया गर्ने उनि नेपाली कला र संस्कृतिलाई बिश्व सामु चिनाउने प्रयासमा लागि रहेकी छिन् ।

मुकुन्द भट्टको निर्माण तथा निर्देशनमा बनेको चलचित्र रहेको ‘लप्पन छप्पन २’ आज शुक्रबारबाट प्रदर्शनमा आएको छ । नेपाल र विदेशमा छायांकन गरिएको चलचित्रमा अन्तरदेशीय ग्याङस्टर, राजनीति, अपराध र शक्तिको दूषित परिस्थितीलाई चित्रण गरिएको छ । ट्रेलरले मुख्य पात्रले निर्वाह गरेको चरित्रलाई पनि उजागर गरेको छ । एक्सन ड्रामामा शिव श्रेष्ठ, सौगात मल्ल, अर्पण थापा, अनुपविक्रम शाही, प्रकाश कुँवर, स्व।दीपक क्षेत्री, सरिता गिरी, एञ्जल श्रेष्ठ, अनिल खनाल, राजेन्द्र विष्ट,आना ढकाल लगायतका कलाकारको अभिनय छ ।