काठमाडौं-लायन्स क्लब्स इन्टरनेशनल पुर्व काउन्सिल चियरपर्सन तथा ग्लोबल एक्सन टिम एरिया लिडर लायन खगेन्द्र सिटौला पी एम जे एफ (१६ डाइमण्ड)सेकन्ड सेन्चुरी एम्बेसडर लायन्स क्लबको इन्टरनेशनल डाइरेक्टरमा इन्डोर्सी पदका उम्मेदवारमा मनोनयन दर्ता गरेका छन। उनले  आगामी जेठ २१ र २२ गते हुने लायन्स क्लब्स इन्टरनेशनल डिष्ट्रिक्ट ३२५ मल्टिपल कन्भेन्सनका लागि इन्टरनेशनल डाइरेक्टरमा आफ्नो उम्मेदवारी प्रस्तुत गरेका हुन् ।

अन्तर्राष्ट्रिय लायन्सको क्षेत्रमा उनि आफू गभर्नर हुँदा धेरै नयाँ रेकर्ड बनाउन सफल भएका थिए । आफ्नो गभर्नरकाल(२००६- 0७)मा   सर्वोच्च शिखर सगरमाथामा लायन्सको झण्डा समेत फहराउन सफल सिटौलाले आज नेपालको झण्डा विश्वको २ सय भन्दा बढी राष्ट्रहरुमा फहराउन अघि बढेका छन् । विश्वका २ सय भन्दा बढी देशमा फैलिएको लायन्स क्लब मार्फत उनी यस अभियानलाई सफल पार्न कम्मर कसेर लागेका छन् । सफल नेतृत्वको परिचायक बनेका लायन्स लिडर खगेन्द्र सिटौलाको अनुभव, खारिएको प्रतिभा,  समाजसेवामा सक्रिय भूमिका  र कार्यकौशलताले लायन्सको साँखलाई उचो पार्दै अघि बढन मार्ग प्रशस्त गर्नेमा शंका गर्नुपर्ने  ठाउँ देखिन्न ।  

सिटौलाको लायन्स यात्रा 

खगेन्द्र सिटौला सन्  १९९७ मा लायन्स क्लब दिङला भोजपुरको  संस्थापक सदस्यको रुपमा रुपमा लायन्स क्लबमा प्रवेश गरेका थिए ।  उक्त क्लबमा उनले २००२ -०३ को क्लब अध्यक्षका रुपमा काम गरे  ।  त्यसै गरि २००२-०४ सम्म जोन चियर पर्सन हुँदै उनी सन् २००४-०५का क्याबिनेट सेक्रेटरी बने भने २००६-०७का डिस्ट्रिक ३२५ ए का डिस्ट्रिक गभर्नरको रुपमा चयन भए ।  यस बखत उनले सामाजिक क्षेत्रमा उल्लेख्य योगदान पुर्याएका थिए ।  

उनले सन् २०१२-२०१३ मा मल्टिपल डिस्ट्रिक ३२५ नेपालका काउन्सिल चियार्पर्सन भएर काम गरेका थिए ।त्यसैगरि सन् २००७-०८ देखि मल्टिपल डिस्ट्रिक ३२५ एल सी आइ एफको कोर्डिनेटर भएका उनले सन्  २०१०-११ देखि २०१५-१६ सम्म  मल्टिपल डिस्ट्रिक ३२५ लायन्स क्वेष्ट चियरपर्सन हुदै  सन् २०१३-१४ देखि २०१५-१६को जी एम टि मल्टिपल डिस्ट्रिक ३२५ कोर्डिनेटर रहेर काम गरिसकेका छन् ।

सन् २०१७ देखि सन् २०१९ सम्म जी एम टि एरिया लिडर मल्टिपल डिस्ट्रिक ३०५ पाकिस्तान तथा मल्टिपल डिस्ट्रिक ३२५ हुदै सन् २०१९ देखि हाल सम्म जी एटि एरिया लिडरको रुपमा सक्रिय हुदै आएका छन् ।उनले ८ वटा अन्तर्राष्ट्रिय अध्यक्ष पदक, ४ लिडरसिप पदक ,एल सी आइ एफ कन्ट्रीब्यूटर पदकका साथै धेरै अन्तर्राष्ट्रिय अध्यक्षका प्रमाणपत्र प्राप्त गरेका छन्।

सिटौला हाल सम्म ४ पटक अन्तर्राष्ट्रिय डाइरेक्टर  इण्डोर्सी भएका छन्। उनी सन् २००८मा डिस्ट्रिक ३२५ ए  बाट सन् २०१० मा डिस्ट्रिक ३२५ ए   बाट सन् २०१२मा डिस्ट्रिक ३२५ ए १ बाट र हाल सन् २०२१मा डिस्ट्रिक ३२५ ए१ बाट  इण्डोर्सी भएका हुन।गभर्नर हुँदा होस् अथवा अन्य जिम्मेवारीमा रहँदा उनले लायन्समार्फत सामाजिक क्षेत्रमा उल्लेख्य योगदान पुर्याएका छन् । लायन्स अन्तर्राष्ट्रियको कन्भेन्सनमा आफ्नो महत्वपूर्ण प्रस्तुति राखिसकेका सिटौला नेपाली लायन्सको हरेक सदस्यहरु माझ भिजेर काम गरेकाले देशभरका लायन्स सदस्यहरुको मन र विश्वास जित्नेमा आफू ढुक्क  रहेको बताउँछन् । लायन्सको अन्तर्राष्ट्रिय डाइरेक्टर बनेर संसारभर नेपालको झण्डालाई चिनाउने अभियानमा लाग्ने उनले प्रतिबद्धता व्यक्त गरेका छन् ।

काठमाडौं, २६ बैशाख -ट्रेकिङ एजेन्सी एशोसियसन अफ नेपाल (टान) ले पदयात्रा र पर्यटन क्षेत्रमा देखिएका चुनौतीहरुका बारेमा विमर्श कार्यक्रमको आयोजना गरेको छ ।  वेविनार मार्फत आइतबार आयोजित कार्यक्रममा बागमती प्रदेशका उद्योग, पर्यटन वन तथा वातावरण मन्त्री सरेश नेपाल, सचिव डा. सिन्धु ढुङ्गाना, ट्रेकिङ एजेन्सी एशोसियसन अफ नेपाल (टान) का अध्यक्ष खुम बहादुर सुवेदी, टानका पुर्व अध्यक्ष एवम् महासचिवहरु, टान केन्द्रिय समिती एवम्  पोखरा टानका पदाधिकारीहरु लगायतको उपस्थिती रहेको थियो ।  

सो अवसरमा कार्यक्रममा प्रमुख अतिथीको आसनबाट बोल्दै बागमती प्रदेशका उद्योग, पर्यटन वन तथा वातावरण मन्त्री सरेश नेपालले बजेटको तयारी भैरहदा विचार आदान प्रदान कार्यक्रमले बजेट तर्जुमा, नीति निर्माण र कार्यक्रम पस्कन सघाउ पुग्ने बताए ।  मन्त्री नेपालले कानुनी व्यवस्था, संरचनात्मक व्यवस्था  मानव शंसाधन लगायतका प्रतिकुलतामा प्रदेश स्थित मन्त्रालय गुज्रिरहेको बताउदै पर्यटन क्षेत्रको संरक्षण र विकासका लागि प्रदेश सरकार लागि पर्दै आएको जनाए । साथै, उनले आन्तरिक पर्यटनलाई उठाउने, पुर्वाधार निर्माणमा जोड दिने, मजुदुर र व्यवसायीका समस्यालाई बजेट  मार्फत सम्बोधन गर्ने प्रयत्न गर्ने उल्लेख गरे । 

बागमती प्रदेशका उद्योग, पर्यटन वन तथा वातावरण सचिव  डा. सिन्धु ढुङ्गानाले प्रदेश सरकारलाई फाईल प्राप्त भए पनि अन्य स्रोतको कमी रहेको जानकारी दिए । असाढमा आउने आर्थिक विधेयक मार्फत नै नविकरण र राहतको बिषयलाई सम्बोधन गर्ने गरि छलफल गरिएको उल्लेख गरे ।  

कार्यक्रममा सभापतिको आसनबाट बोल्दै  ट्रेकिङ एजेन्सी एशोसियसन अफ नेपाल (टान) का अध्यक्ष खुम बहादुर सुवेदीले पर्यटन गतिविधीलाई अघि बढाउन नसकिएको अवस्थामा भावी दिनमा यस क्षेत्रलाई कसरी अगाडि बढाउन सकिन्छ र प्रदेश सरकारले कस्तो भूमिका खेल्न सक्छ भन्ने बिषय चासोको बिषय रहेको उल्लेख गरे । टान अध्यक्ष सुवेदीले प्रदेश सरकारले बिना धितो २५ लाखसम्म सहुलियतपूर्ण ॠण उपलब्ध गराउनुपर्ने, मजदुरका समस्या समाधान गर्नुपर्ने, हात्ती वनमा रहेको प्रदेश पर्यटन कार्यालय मुख्य शहरी भेगमा सार्नु पर्ने, नविकरण गर्ने मिती बढाउनु पर्ने माग अघि सारेका थिए ।  

टानका पुर्व अध्यक्ष रमेश धमलाले थिलोथिलो भएको अवस्थामा प्रदेश सरकारले बिना व्याजमा राज्यको तर्फबाट २ बर्षका लागि उपलब्ध गराउनु पर्नेमा जोड दिए । भारतबाट आउने पर्यटकको ट्रान्जिटका रुपमा नेपालको प्रयोग हुनु दुर्भाग्यपुर्ण रहेको बताउदै स्वास्थ्यको बिषयमा संवेदनशिल बन्न सरकारलाई आग्रह गरे । पर्यटन मजदुरहरुको औषधोपचार र खानपिनको व्यवस्थाको जिम्मेवारी ग्रहण गर्दै अघि बढन पनि सरकारलाई उनले आग्रह समेत गरे ।  

टानका पुर्व अध्यक्ष ज्योती अधिकारीले महामरीको समयमा पर्यटन व्यवसायीहरु निस्कृय बस्नु भनेको देशको लागि र भविस्यमा पनि पर्यटन क्षेत्रको लागि दुर्भाग्यपूर्ण रहने उल्लेख गरे ।  

टानका पुर्व अध्यक्ष जे. बि. सिंहले सवारी पास, नियम आदीमा बेमेल रहेकोले त्यसलाई सच्चाउनुपर्ने माग अघि सारे भने गत बर्षको बजेटमा उल्लेख भए अनुरुप राहत कार्यान्वयन नभएकोमा रोष समेत व्यक्त गरे ।  

टानका पुर्व अध्यक्ष सुमन पाण्डेले प्रदेशको उपादेहता पुस्टि गर्न पनि उद्योग र सरकार बीच समन्वय र सहकार्य हुनुपर्ने धारणा राख्दै परिणाममुखी नतिजाका लागि सरकारमा बस्नेहरुले ठालु मनोब्रित्ती त्याग्नुपर्ने बताए ।  

टानका पुर्व अध्यक्ष दिपक महतले कोभिड महामारीले निम्त्याएको चुनौतीलाई अवसरमा परिणत गर्न पनि सरकारको भूमिका महत्वपूर्ण रहने बताउदै राहतका लागि पर्यटन मजदुरलाई प्राथमिकता दिन र सफ्ट लोनका लागि पहल लिन पनि आग्रह गरे ।  

टानकी पुर्व अध्यक्ष यांकिला शेर्पाले महामारीको दोस्रो लहरबाट पार पाइसके पस्चात पनि अनुभवी र दक्ष मजदुरलाई गुमाउनु पर्ने स्थिती आउन सक्ने भन्दै बेलैमा सचेत हुनुपर्ने जनाइन् ।  

टानका पुर्व अध्यक्ष नवराज दाहालले पदयात्राका मजदुरहरु सबै भन्दा बढि  समस्यामा रहेको र व्यववसायीले कर भ्याटको सवालमा प्रमुख समस्या रहेको उल्लेख गरे । विदेशीहरुलाई ट्रान्जिट तोकिएको होटल चित्त बुझ्दो नभएको पनि उनले बताए    ।  

कार्यक्रममा टानका सचिव दामोदर ढकालले धन्यवाद मन्तव्य व्यक्त गर्दै पर्यटन व्यवसाय कोमामा रहेकाले यसलाई जोगाउन  सबै मिलेर अघि बढनुपर्नेमा जोड दिए । 

कार्यक्रम टानकी महासचिव सरिता लामाले संचालन गरेको थिईन् 

काठमाडौं, २६ बैशाख -नेपाल चेम्बर अफ कमर्सले कोभिड–१९ (कोरोना) बाट सिर्जित स्वास्थ्य सम्वेदनशीलतालाई मध्यनजर गर्दै एम्बुलेन्स सेवा उपलब्ध गराउने भएको छ । आपतकालीन स्वास्थ्य प्रयोजनका लागि बिहान सात बजे देखि साँझ सात बजे सम्म एम्बुलेन्स सेवा उपलब्ध हुने चेम्बरले जनाएको छ ।

कोभिड–१९ का कारण गम्भीर बिरामीहरु अस्पतालसम्म पुग्न कठिनाई भइरहेका बेला नेपाल चेम्बरले छत्रपाटी चिकित्सालयसँगको सहकार्यमा एम्बुलेन्स सेवा उपलब्ध गराएको हो । हाललाई काठमाण्डौं उपत्यका भित्रका अस्पताल जानु पर्ने बिरामीहरुले एम्बुलेन्स सेवा लिन सक्ने चेम्वरका निर्देशक बालकृष्ण पोखरेलले जनाएका छन् । एम्बुलेन्स सेवा प्रयोगका लागि नेपाल चेम्बर अफ कमर्सको फोन नं. ०१५३३०९४७ वा छत्रपाटी चिकित्सालयको मोवाईल नं. ९८५१२१६०३९ मा सम्पर्क राख्न सकिने पनि उनले जानकारी दिए ।

काठमाण्डौ - कोरोना संक्रमण नियन्त्रणका लागि रंगकर्मीहरुले नाटक प्रस्तुत गरेका छन । जनचेतना नेपालले कोभिड १९ सम्बन्धि जनचेतना मूलक नाटक प्रस्तुत गरेका हो । कोरोना संक्रमण तिब्र रुपमा फैलिए पछि नाटक मार्फत सचेतना जगाउन शुरु गरिएको जनचेतना नेपालका केन्द्रीय अध्यक्ष बालकृष्ण निरौला बताउनु भयो ।रङ्गकर्मी आशान्त शर्मा निर्देशनमा कोरना भाइरस (कोभिड–१९) बिरुद्धको सचेतना मूलक सडक नाटक ‘हाम्रै गाउँघरमा’ मञ्चन गरिएको छ । गोकणेश्वर नगरपालिकाको आयोजनमा जनचेतना नेपालको प्रस्तुति सामुदायिक सडक नाटक भेनस कलेजको सभा हलमा प्रथम प्रर्दशन गरिएको हो ।

कोरोना रोग नियन्त्रण तथा रोकथामका लागि नगरपालिकाले नगरबासीमा चेतना जगाउन सो नाटक मञ्चनको आयोजना गरेको नाटकका कलाकार मुना निरौला त्रिपाठीले जानकारी गराउनु भयो । ३० मिनेट लामो नाटकमा ब्यक्तिगत सरसफाई तथा कोरोना रोग र रोकथाम बारे समसामयिक बिषयलाई नाटकमा उठान गरेको अर्का कलाकार यम बहादुर जीसीले बताउनुभयो । नाटकमा मुख्य कलाकारको रुपमा कमल बोहरा, मुना निरौला त्रिपाठी, कबिन्द्र त्रिपाठी, याम बहादुर जिसी, सोमा न्यौपाने लगायतको भूमिका रहेको छ भने अन्य कलाकारमा शरला पराजुली, प्रनिस थापा मगर, कृष्ण केसी रेशम मल्ल, बिनोद प्रकाश धामीको अभिनय हेर्न सकिन्छ ।

क्रितिमा र क्रिस्टीना त्रिपाठीले बाल कलाकारको रुपमा अभिनय गर्नुभएको छ । नाटकको लेखन कबिन्द्र त्रिपाठी रहनुभएको छ । नाटकमा समसामयिक राजनीतिक ब्यवस्था, पारिवारीक पिडालगायत कोरोना संक्रमणबाट कसरी बच्न सकिन्छ भन्ने बिषयलाई सडक नाटकमार्फत आम नागरिकले बुझने भाषा शैलिमा प्रस्तुत गरिएको छ । नाटकमार्फत कोरोना संक्रमणबारे कसरी बच्ने भन्ने बारे सचेतना फैलाउने उद्देश्य भएकोले नगरपालिकाले सहयोग गरेको गोकुणेश्वर नगरपालिकाले जनाएको छ ।

नाटकमा जाँड रक्सीको कुलतले समाजमा निम्त्याउन सक्ने विभिन्न विकृति विरुद्ध सचेत गराएको छ । सडक नाटकमा १२ जना कलाकारले अभिनय प्रस्तुती दिएका छन । सरकारले तोकेको स्वास्थ्य मापदण्ड र सामाजिक दुरी कायम गरेर नाटक प्रस्तुत गरीने नाटकका कलाकार समेत रहनु भएका जनचेतना नेपालका अध्यक्ष निरौलाले जानकारी दिनु भयो । अध्यक्ष निरौलाले सातै प्रदेशमा सामाजिक रुपान्तरणका साथै जनजनमा कोभिड १९ बिरुद्ध जनचेतना जगाउने काममा निरन्तरता दिने बताउनु भएको छ ।

जनचेतना नेपालको हाल केन्द्रीय कार्यालयसहित १ नम्बर प्रदेश र बाग्मती प्रदेशमा प्रादेशिक संरचना रहेको र अन्य प्रदेशमा पनि संस्थालाई विस्तार गरिने यसअघि पनि जनचेतना नेपालले झापा, काभ्रे ,नुवाकोट, काठमाडौँ, चितवन लगायतका विभिन्न जिल्ला को ग्रामीण भेगमा न्यानो कपडा, खाद्यान्य, अभिमुखीकरण, स्वयंसेवी, निःशुल्क खाना वितरण लगायतका जनचेतना जगाउने काम गरिसकेको छ ।

काठमाण्डौ – फरक धार र गहकिला भावका गीतबाट सङ्गीत क्षेत्रमा विशिष्ट पहिचान स्थापित गरेका भर्सटायल सङ्गीतकार / गायक शिशिर योगीले रोमाण्टिक भावको गीत माया छेउमै नआउने को भिडिओ सार्वजनिक गरेका छन् l

गत शुक्रबार ४ बजे युट्युब प्रिमियरसँगै टेकू स्थित WONDE Kitchen मा पत्रकार भेटघाट कार्यक्रमको आयोजना गरी गीतका सङ्गीतकार तथा गायक योगीले रिलिज भएको गीत तथा भिडिओको बारेमा जानकारी गराएका थिए l हरिहर तिमिल्सिनाको शब्दरचना, सुरेश शाहीको सङ्गीत संयोजन र कुमार रानाको मिक्सिङ / माष्टरिङ रहेको यो गीत केहीदिन अघि मात्र उत्तरढोका स्थित मारुनी डिजिटलमा रेकर्ड भएको थियो l

लामो समयदेखि म्युजिक भिडिओ, वृत्तचित्र आदिको सिनेम्याटोग्राफी र सम्पादनमा क्रियाशील रही केहीवर्ष यता निर्देशन समेत गर्दै आएका वीरेन्द्र भाट ‘विपिन’ को निर्देशन, सिनेम्याटोग्राफी र सम्पादनमा निर्मित यस भिडिओका कोरियोग्राफर सुरेन्द्र बसेल हुन् l

भिडिओमा सुधीर श्रेष्ठ र याङ्शु श्रेष्ठले प्रमुख कलाकारको रुपमा अभिनय गरेका छन् l भिडिओ योगीकै अफिसियल युट्युब च्यानल Shishir Yogi मा अपलोड गरिएको छ l सारङ्गी त रेटेपनि, यो देशमा म एउटा मानिस खोजिरहेछु, आमाले घाँस काट्दै गर्दा, यता खोज्छु छैनौ आमा, बोल्ने कोही छैन जस्ता कालजयी गीतका गायक शिशिर योगी अब्बल दर्जाका सङ्गीतकार समेत हुन् |

काठमाडौं-शुक्रबारदेखि काठमाडौंको जमल स्थित संस्कृतिक संस्थानमा जारी नवौं नेपाल अफ्रिका फिल्म फेस्टिबल २०२१ उत्कृष्ट फिल्मलाई पुरस्कृत गर्दै आईतबारबाट सकिएको छ । महोत्सबमा यो वर्ष बृत्तचित्र तर्फ गणेश पाण्डे निर्देशित तथा सारदा गैरे निर्मित बहुपति प्रथामा आधारित बृत्तचित्र ‘सहायक श्रीमान’ ९को हजबेन्ड० उत्कृष्ट भएको छ । यो बृत्तचित्र हिमाली भेकमा बसोबास गर्दै आएका शेर्पा समुदायका महिलाहरुमा जारी बहुपति प्रथामा केन्द्रित थियो ।
यस्तै महोत्सबमा कथानक चलचित्र तर्फ हिमाल उप्रेती निर्देशित तथा भूपेन्द्र कुमार खड्का निर्मित चलचित्र ‘आमा’ उत्कृष्ट भएको छ । आमा बृद्धा आमा बुबालाई बृद्धाश्रममा राख्नेहरुको कथामा यो चलचित्र आधारित थियो ।
यस्तै यो वर्ष डक्युड्रामा तर्फ माधवराज खरेल निर्मित एवम् निर्देशित बृत्त चलचित्र ‘दुर्गामाण्डु’ उत्कृष्ट भएको छ । यो बृत्त चलचित्रमा सुदुरपश्चिममा अझै कुप्रथाको रुपमा रहेको छाउपडी समस्यामा आधारित थियो ।
यी तीन वटै उत्कृष्ट चलचित्रलाई जनही ५ हजार रुपैयाँ सहित आदिम पुरस्कार प्रदान गरिएको छ । अभिनेता प्रदीप बास्तोला, सञ्चारर्मी जीवन पराजुली, गायिका सरिता भारतीसहित पाँच जनाको निर्णायक टिमले उत्कृष्ट चलचित्रको चयन गरेको थियो ।
कलेज अफ जर्नालिजम एन्ड मास कम्युनिकेशनद्धारा आयोजित नवौं संस्करणको महोत्सब समापन समारोहमा नेपालका निमित्त अफ्रिकी मुलुक इथोपियाका कन्सुलेट राजेन्द्र गिरीले उत्कृष्ट पुरस्कार प्रदान गरेका थिए । यो महोत्सबले नेपालमा अफ्रिकालाई सिनेमाबाट चिनाउन ठुलो सहयोग पु¥याएको उनले बताए ।
चलचित्र निर्देशक तथा सांस्कृतिक संस्थानका पूर्व महाप्रबन्धक राजेश थापाले समापन समारोहमा पुरसकार प्रदान गर्दै नेपाली भन्दा अफ्रिकन फिल्महरु धेरै माथि भएकाले हामीले उनीहरुको फिल्मबाट धेरै सिक्ने अबसर पाएको बताए ।
आईतबार नै महोत्सबमा नेपाली र अफ्रिकन चलचित्रका चुनौतीबारे बहस भएको थियो । सो बहसमा राजेश थापाले नेपाली चलचित्रको बिगत देखि अहिलेसम्मको अबस्था चुनौतीबारे कार्यपत्र प्रस्तुत गरेका थिए ।
यस्तै अर्का निर्देशक मनोज पण्डितले अफ्रिकनको तुलनामा नेपाली चलचित्र र नेपाली चलचित्रका समस्याबारे कार्यपत्र प्रस्तुत गरे ।
सो अन्तरक्रियामा गणेश खनियाँले अफ्रिकाको जीवनशैली, सिनेमा, नेपाल र अफ्रिकाको सम्बन्धबारे कार्यपत्र प्रस्तुत गरेका थिए । महोत्सबबाट आफुहरुले निरन्तर नौ वर्षदेखि नेपाल अफ्रिकालाई जोड्ने कार्य गरेको आयोजक संस्था कलेज अफ जर्नालिजम एन्ड मास कम्युनिकेशनकी अध्यक्ष डा। मञ्जु मिश्रले समापन समारोहमा बताईन् ।
महोत्सब निर्देशक डब्बु क्षत्रीले कोरोनाको महामारी बीच पनि सामाजिक दुरी कायम गरेर आफुहरु महोत्सब सम्पन्न गर्न सफल भएको बताए । परराष्ट्रमन्त्री प्रदीप ज्ञवालीले शुक्रबार उद्घाटन गरेको यो महोत्सबमा नेपालमा ७ वटा र अफ्रिकामा ८ वटा चलचित्र प्रदर्शन गरियो ।

काठमाडौं  — वैशाख १२, २०७८। 

बाल गायक प्रियान्कुश गौतम को पहिलो डेब्यु गीत ‘सुन हैन’  सार्वजनिक भएको छ।

'अनलाईन सुपर किड्स डान्स एन्ड सिंगिङ कम्पिटिसन, २०२०' (सिंगिङ) तर्फको  सेकेण्ड रनर अप प्रियान्कुश गौतमको आवाजमा रोमान्टिक स्वादको बालबालिका बीचको प्रेमभाव प्रस्तुत गरिएको गितको म्युजिक भिडियो सार्वजनिक भएको हो। 

उक्त गितमा प्रियान्कुश गौतमको स्वरसंगै अन्य 'अनलाईन सुपर किड्स डान्स एन्ड सिंगिङ कम्पिटिसन, २०२०' (सिंगिङ) तर्फका प्रतिस्पर्धीहरुले समेत आवाज भरेका छन।  उक्त गीतमा चर्चित गायक, रचनाकार तथा संगीतकार धर्मेन्द्र सेवानको शब्द र संगीत रहेको छ। त्यस्तै, गीतको एरेन्ज बालकृष्ण चौधरीले गरेका हुन्। उक्त गीतको कोरियोग्राफी भने निशिला शाक्य र टिमले गरेका हुन्।

साथै उक्त गितको म्युजिक भिडियोमा ड्रीम सर्च एजेन्सीद्वारा संचालित 'अनलाईन सुपर किड्स डान्स एन्ड सिंगिङ कम्पिटिसन, २०२०' (डान्स) तर्फका विजयी प्रतियोगीहरुको अभिनय देख्न सकिन्छ। 

काठमाडौंको थापागाउँस्थित पाठशाला नेपालमा अध्ययनरत प्रियान्कुश गौतम गायन संगसंगै खेलकुदमा समेत त्यतिकै संलग्न रहदै आएका छन। अध्ययन र गायन पस्चात ब्याडमिन्टन, क्रिकेट, फूटबल लगायतका खेलमा समेत गौतमको रुची रहेको छ।  

स्कूलमा संचालन हुने विभिन्न अतिरिक्त क्रियाकलाप तथा प्रतियोगिताहरुमा समेत आफूलाई अव्वल सावित गराईसकेका गौतमको डेव्यु गित पछिल्लो समय बालबालिकाहरुमाझ चर्चित हुँदै गएको छ। 

मीरा साउन्ड स्टुडियोमा रेकर्डिङ गरिएको गीतको म्युजिक भिडियोको प्रोड्युसरमा ड्रीम सर्च एजेन्सीका सिईओ कमल निकोन क्षेत्री रहेका छन भने भिडियोलाई राधाश्याम दुलालले निर्देशन गरेका हुन् ।

उक्त ‘सुन हैन’ गितको म्युजिक भिडियोलाई ‘ड्रीम सर्च एजेन्सी’ले आफ्नो अफिसियल युट्युव च्यानलमा ल्याएको छ ।

भिडियो — 

काठमाडौं  — वैशाख १२, २०७८। 

'अनलाईन सुपर किड्स डान्स एन्ड सिंगिङ कम्पिटिसन, २०२०' (सिंगिङ) तर्फकी विजेता पद्मजा कार्कीको पहिलो डेब्यु गीत ‘सुन हैन’  सार्वजनिक भएको छ।

रोमान्टिक स्वादको बालबालिका बीचको प्रेमभाव प्रस्तुत गरिएको ‘सुन हैन’ बोलको उक्त गितमा पद्मजा कार्कीको स्वरसंगै अन्य 'अनलाईन सुपर किड्स डान्स एन्ड सिंगिङ कम्पिटिसन, २०२०' (सिंगिङ) तर्फका प्रतिस्पर्धीहरुले समेत आवाज भरेका छन।  उक्त गीतमा चर्चित गायक, रचनाकार तथा संगीतकार धर्मेन्द्र सेवानको शब्द र संगीत रहेको छ। त्यस्तै, गीतको एरेन्ज बालकृष्ण चौधरीले गरेका हुन्। उक्त गीतको कोरियोग्राफी भने निशिला शाक्य र टिमले गरेका हुन्।

साथै उक्त गितको म्युजिक भिडियोमा ड्रीम सर्च एजेन्सीद्वारा संचालित 'अनलाईन सुपर किड्स डान्स एन्ड सिंगिङ कम्पिटिसन, २०२०' (डान्स) तर्फका विजयी प्रतियोगीहरुको अभिनय देख्न सकिन्छ। 

काठमाडौंको बसुन्धरामा रहँदै आएकी पद्मजाले बुढा्निलकण्ठ स्कूलबाट क्याम्ब्रिज ए-लेवल ग्र्याजुएसन पुरा गरेकी छिन। त्यसैगरी २०७४ सालको एसईई बोर्ड परिक्षामा बुढानिलकण्ठ स्कूल टप(गर्ल्स तर्फबाट) गरेकी थिईन।  साथै बुढानिलकण्ठ स्कूलले संचालन गरेको एनुअल ट्यालेन्ट शो मा सिनियर ग्रुप तर्फबाट थर्ड पोजिसन प्राप्त गरेकी थिईन।

मीरा साउन्ड स्टुडियोमा रेकर्डिङ गरिएको गीतको म्युजिक भिडियोको प्रोड्युसरमा ड्रीम सर्च एजेन्सीका सिईओ कमल निकोन क्षेत्री रहेका छन भने भिडियोलाई राधाश्याम दुलालले निर्देशन गरेका हुन् ।

उक्त ‘सुन हैन’ गितको म्युजिक भिडियोलाई ‘ड्रीम सर्च एजेन्सी’ले आफ्नो अफिसियल युट्युव च्यानलमा ल्याएको छ ।

भिडियो — 

काठमाडौं– नेपाली सांगीतिक क्षेत्रका अमर स्रष्टाहरुलाई समर्पित गर्दै संगीतकर्मी कन्हैया सिंह परियारद्वारा तयार पारिएको एउटा कालजयी गीत ‘जुन गीत सुनेर‘’ शुक्रवार बिहान काठमाडौंमा प्रिमियर गरिएको छ । नेपाल संगीत प्रज्ञा प्रतिष्ठानका पूर्व उपकुलपति एवं विशिष्ट संगीतकार शम्भूजीत बासकोटाको प्रमुख अतिथ्यमा हार्दिक होटल काठमाण्डौमा आयोजित एक समारोहमा उक्त गीतको भिडियो प्रिमियर गरिएको हो ।भिडियो प्रिमियर गर्न आयोजित समारोहलाई सम्बोधन गर्दै संगीतकार बासकोटाले गायक तथा संगीतकार कन्हैया सिंह परियारलाई बधाइ दिँदै अग्रजको सम्मान गर्ने व्यक्ति सांगीतिक क्षेत्रमा सधैं अमर रहने बताउनु भयो ।

टिका गोपाल डिजिटल एम क्रिएशनकी निर्देशक गीता परियारको सभापतित्वमा आयोजित भिडियो प्रिमियर समारोहमा सञ्चाकरर्मीद्वय दिनेश डिसी तथा हेम सुवेदी, निर्देशक सुमन दाहाल, कानूनविद् भीमार्जुन आचार्य, गीतकार शान्तिप्रिय, चलचित्र निर्देशक माधव राज खरेल , भिडियो निर्देशक हेमप्रभास अधिकारी आदि वक्ताले गीत तथा भिडियोको सफलताका कामना गरेका थिए ।
सार्वजनिक गीतका संगीतकार सन्तोष श्रेष्ठले गीतकार तथा गायक परियारले गीतका शब्दहरु उपलब्ध गराउँदा संगीत भर्न चुनौतीपूर्ण रहेको बताए । अमर श्रष्टाहरुलाई सम्मान गर्ने गीतमा हामीले सक्दो मेहनत गरेका गरेको उनको भनाइ छ ।

पिम नेपाल, काठमाण्डौको व्यवस्थापनमा सम्पन्न भएको उक्त समारोहमा गायक परियारले तीन वर्ष अघिदेखिको योजनालाई साकार रुप दिन पाउँदा खुशी लागेको बताए ।गायक परियारले उक्त गीत तीन वर्षअघि देखि नै रचना गर्न थालेका थिए, जसका हालै रेकर्डिङ गरेर म्युजिक भिडियो तयार पारिएको हो । साढे दुई दशकभन्दा लामो समयदेखि सांगीतिक क्षेत्रमा सक्रिय गायक तथा संगीतकार कन्हैया सिंह परियारले उक्त गीतको भिडियो रेडियो नेपालको प्रांगणमा छायांकन गराएका छन् ।

गीतमा गायक परियाका स्वर तथा शब्द छ भने संगीतकार सन्तोष श्रेष्ठले यसलाई संगीत बद्ध गरेका छन् । गायक सिंहले आफ्नो रचनामा नारायण गोपाल, गोपाल योञ्जन, झलकमान गन्धर्व, तारादेवी, फत्तेमान, अम्बर गुरुङ, अरुणा लामा, गणेश परियार, मोतिराम भट्ट, लालबहादुर खाति, शिव शंकर, मेलवादेवी आदि स्रष्टालाई अटाएका छन् ।उहाँहरुले गाउनु भएका, संगीतबद्ध गर्नु भएका, रचना गर्नु भएका गीतहरु जति सुने पनि पुग्दैन, उहाँहरुका गीत सम्पूर्ण नेपालीहरुले सुन्नु भएको छ, हामी सबै उहाँहरुकै गीत सुनेर हुर्किएका हौं, तीनै महान् संगीतकर्मीहरुलाई सांगीतिक रुपले सम्झना गर्न यो गीत तयार पारेको हुँ, गायक सिंहको भनाइ छ ।

उक्त गीतलाई अमुल कार्की ढलीले संगीत संयोजन गरेका छन् । अकोस्टिक नेपाल स्टुडियोमा रेकर्ड गरिएको उक्त गीतलाई राजाबाबु थारुले रेकर्ड गरेका हुन् । गीतलाई प्रकाश मिश्रले मिक्सिङ गरेका छन् । यो गीतमा शुभबहादुर सुनामले सेक्सोफोन बजाएका छन् भने मोहनकृष्ण कार्की ढली, नारायणदास कार्की ढली, केशव सुनाम, रविन कार्की ढली, किशोर कार्की ढली र विमल कार्की ढलीले भ्वाइलिनवादन गरेका छन् । त्यस्तै गीतमा ढोलक, तबला, मादल तथा कंगोमा कुमार महाराज तथा भुवन गन्धर्व छन् भने रिदम गिटारमा सचिन सिंह, बास गिटारमा अनुप दास, बाँसुरी वादनमा गोपाल देव तथा चेलोमा निषाद श्रेष्ठलाई सुन्न सकिन्छ ।

टिका गोपाल डिजिटल एम क्रिएसनले उक्त गीतको अडियो तथा भिडियो उत्पादन गरेको छ । उक्त गीतको भिडियोमा गायक कन्हैया सिंह, संगीतकार सन्तोष श्रेष्ठ, संगीतकर्मी अमूल कार्कीका साथेमा प्रकाश मिश्र, एलेस्का, हेमा, अञ्जु आदिले अभिनय गरेका छन् । हेमप्रभास अधिकारीद्वारा निर्देशित उक्त गीतको भिडियोलाई अजय रेग्मीले छायांकन गरेका हुन् । उक्त भिडियोलाई टेकेन्द्र शाहले सम्पादन गरेका छन् ।

उक्त गीतको भिडियोमा गीतमा समावेश संगीतकर्मीहरुका स्केचलाई चित्रण गरिएको छ । उक्त भिडियोका प्रारम्भमा सञ्चारकर्मी दिनेश डिसीले गीतका बारेमा भ्वाइस ओभरमार्फत रोचक जानकारी दिएका छन् ।
 

काठमाडौं  — वैशाख ७, २०७८। 

'अनलाईन सुपर किड्स डान्स एन्ड सिंगिङ कम्पिटिसन, २०२०' (सिंगिङ) तर्फकी सेकेण्ड रनर अप आश्नेया बिनाडीको पहिलो डेब्यु गीत ‘सुन हैन’ को म्युजिक भिडियो सार्वजनिक भएको छ।

‘सुन हैन’ बोलको उक्त गितमा रोमान्टिक स्वादको बालबालिका बीचको प्रेमभाव प्रस्तुत गरिएको छ। किड्स सिंगर आश्नेया बिनाडीको स्वरसंगै अन्य 'अनलाईन सुपर किड्स डान्स एन्ड सिंगिङ कम्पिटिसन, २०२०' (सिंगिङ) तर्फका प्रतिस्पर्धीहरुको स्वरमा रहेको गीतमा चर्चित गायक, रचनाकार तथा संगीतकार धर्मेन्द्र सेवानको शब्द र संगीत रहेको छ। त्यस्तै, गीतको एरेन्ज बालकृष्ण चौधरीले गरेका हुन्। उक्त गीतको कोरियोग्राफी भने निशिला शाक्य र टिमले गरेका हुन्।

साथै उक्त गितको म्युजिक भिडियोमा ड्रीम सर्च एजेन्सीद्वारा संचालित 'अनलाईन सुपर किड्स डान्स एन्ड सिंगिङ कम्पिटिसन, २०२०' (डान्स) तर्फका अन्य विजयी प्रतियोगीहरुको समेत अभिनय देख्न सकिन्छ। 

एपेक्स लाईफ स्कूल, सरस्वतीनगर ,चावहिलमा अध्ययनरत किड्स सिंगर आश्नेया बिनाडी ड्रीम सर्च एजेन्सीद्वारा संचालित 'अनलाईन सुपर किड्स डान्स एन्ड सिंगिङ कम्पिटिसन, २०२०' (सिंगिङ) तर्फको सेकेण्ड रनर अप हुन। साथै एपेक्स लाईफ स्कूलले संचालन गरेको डिवेट, स्पेलिङ, नेपाली स्पिच, ईङ्ग्लिश स्पिच, पोएम रिसाईटेसन लगायतका कम्पिटिसनमा विजेता समेत भईसकेकी बहुप्रतिभाशाली आश्नियाले स्कुल लेभलका विभिन्न प्रतियोगिताहरुमा थुप्रै अवार्ड र मेडलहरु प्राप्त गरिसकेकी छिन। 

मीरा साउन्ड स्टुडियोमा रेकर्डिङ गरिएको गीतको म्युजिक भिडियोको प्रोड्युसरमा ड्रीम सर्च एजेन्सीका सिईओ कमल निकोन क्षेत्री रहेका छन भने भिडियोलाई राधाश्याम दुलालले निर्देशन गरेका हुन् ।

उक्त ‘सुन हैन’ गितको म्युजिक भिडियोलाई ‘ड्रीम सर्च एजेन्सी’ले आफ्नो अफिसियल युट्युव च्यानलमा ल्याएको छ ।

भिडियो —