काठमाडौं, २०८२ बैशाख २३ । अप्टिमिष्ट क्लब अफ डेरी इन्टरप्रेनर्सको आयोजनामा "सामाजिक सञ्जाल र आत्मअनुशासन" विषयमा जनचेतनामूलक कार्यक्रम भव्य रूपमा सम्पन्न भएको छ। राजधानी काठमाडौंमा आयोजित कार्यक्रममा विभिन्न क्षेत्रका विज्ञ र संस्थाका प्रतिनिधिहरूको सक्रिय सहभागिता रहेको थियो।
क्लबका सचिव प्रस्तुतकर्ता एवं मिडिया विज्ञ सरोज ओझाले स्वागत मन्तव्यसहित "सामाजिक सञ्जाल र आत्मअनुशासन" शीर्षकमा प्रस्तुती दिनुहुँदै आत्मअनुशासनका व्यवहारिक उपायहरू र डिजिटल डिटक्सको अभ्यासबारे जानकारी गराउनुभयो। ओझाले समाजमा मौलाउँदै गएको विकृति रोकथाममा सघाउ पुगोस् भन्ने उदेश्यले कार्यक्रम आयोजना गरिएको बताउनुहुँदै भन्नुभयो ”हामीले प्रविधिको प्रयोग त गरिरहेका छौं, तर त्यसलाई विवेकपूर्वक र उद्देश्यसहित प्रयोग गर्न सिक्नु आवश्यक छ, समाजमा सामाजिक संजालले निम्त्याउन सक्ने जोखिम, मौलाउँदै गएको विकृति आदिको नियन्त्रण तथा रोकथामका निम्ती हामीले बेलैमा सचेत रहदै आवश्यक कदम चाल्न उत्तिकै आवश्यक छ ।“
त्यस्तै, अप्टिमिष्ट क्लब इन्टरनेशनल एसिया डिष्ट्रिकका महासचिव ऋषिश्वर थपलियाले युवा पुस्ता सबैभन्दा धेरै प्रभावित वर्ग भएकोले उनीहरूमा आत्मअनुशासनको विकास हुन अत्यावश्यक छ भन्ने कुरा माथि जोड दिनुभयो । उहाँले सामाजिक सञ्जालको सदुपयोग र दुरुपयोगबीचको सन्तुलनबारे चिन्ता व्यक्त गर्दै आत्मअनुशासनको खाँचो औंल्याउनुभयो। साथै उहाँले अप्टिमिस्टिक इन्टरनेशनलको बारे पनि जानकारी गराउनु भयो ।
अप्टिमिष्ट क्लब इन्टरनेशनल एसिया डिष्ट्रिकका कोषाध्यक्ष विजय सत्यालले आफ्नो भनाई राख्ने क्रममा भन्नुभयो v“ हामीले यदि समय र प्रयोगमा नियन्त्रण राख्न सक्यौं भने सामाजिक सञ्जाल आर्थिक र सामाजिक उन्नतिको साधन बन्न सक्छ” ।
शिक्षाविद तथा युरेका स्कूलका प्राचार्य प्रभाकर रिजालले कार्यक्रमलाई सम्बोधन गर्नुहुँदै सामाजिक सञ्जाल लक्ष्य नभई , लक्ष्यमा पुग्न प्रयोग गरिने एक साधन मात्र भएकाले यसलाई सोही अनुरुप प्रयोग गर्नुपर्ने बताउनुभयो ।
काठमाडौं जेसिजका अध्यक्ष श्याम कुमार घिमिरेले कार्यक्रमलाई सम्बोधन गर्नुहुँदै सामाजिक चेतनाका लागि यस्ता कार्यक्रम आयोजनाले महत्वपूर्ण योगदान पुग्ने उल्लेख गर्नुहुँदै सबैले सामाजिक सञ्जाल प्रयोग गर्दा बिशेष सावधानी अपनाउन आग्रह समेत गर्नुभयो ।
कार्यक्रमका सभापति तथा अप्टिमिष्ट क्लब अफ डेरी इन्टरप्रेनर्सका अध्यक्ष प्रल्हाद दाहालले जनचेतनामूलक कार्यक्रमको माध्यमबाट सामाजिक विकृतिलाई रोक्ने प्रयास स्वरुप कार्यक्रम आयोजना गरिएको उल्लेख गर्दै भन्नुभयो “सामाजिक सञ्जाललाई नियन्त्रणमा राख्न नसके समाजमा गम्भीर प्रभाव पर्न सक्छ भन्ने बोधका साथ जनचेतनामूलक कार्यक्रमको माध्यमबाट सामाजिक विकृतिलाई रोक्ने प्रयास स्वरुप आजको कार्यक्रम आयोजना गरिएको हो ।” साथै उहाँले कार्यक्रमले डिजिटल जीवनशैलीमा सन्तुलन कायम गर्न आवश्यक चेतना फैलाउन सफल हुने पनि उहाँले जनाउनुभयो।
कार्यक्रमका अधिवत्ता भद्रमाया दाहालले सामाजिक सँजाल समाजको ऐना भएकाले यसको प्रयोग गर्दा आफनो र अरुको छविलाई धुमिल हुन नदिने तर्फ बिशेष ध्यान दिनुपर्नेमा जोड दिनुभयो ।
सञ्चारकर्मी प्रमिला खतिवडाले संचालकको भूमिका निभाउनुभएको यस कार्यक्रममा नेपाल डेरी एसोसिएसनका केन्द्रिय उपाध्यक्ष दिप प्रसाद धमला, कृषि तथा पशु पंक्षि व्यवसायी संघका अध्यक्ष टिका प्रसाद घिमिरे, नव प्रभात डेरी उद्योगका प्रबन्ध निर्देशक सुरेश शर्मा, दृष्य बहुउदेश्यीय सहकारी संस्थाका सचिव रमेश सन्जेल, समानन्तर ग्रुपका निर्देशक श्रीकृष्ण भण्डारी, नेती डेरी उद्योगका निर्देशक दिपक सन्जेल लगायतका महानुभावहरु कार्यक्रममा अतिथिका रुपमा उपस्थित हुनुहुन्थ्यो ।
काठमाडौं — पछिल्लो समय नेपाली मोडलिङ र नृत्य क्षेत्रमा चर्चामा रहेकी २१ वर्षीया श्री स्वस्थानी तामाङ छोटो समयमा दर्शकको मन जित्न सफल भएकी छन्। सानैदेखि नृत्यप्रति रुचि राख्ने उनी १५ वर्षको उमेरदेखि नै काममा लागेकी हुन्। जेठी छोरीको रूपमा पारिवारिक जिम्मेवारी बोकेर अघि बढेकी उनले कमजोर आर्थिक अवस्थाका बीच पनि नछाडिएको संघर्ष आज प्रेरणा बनेको छ।
स्कुल प्रिन्सिपल घनेन्द्र भट्टराईको प्रेरणाले उनी रियालिटी शोमा सहभागी भइन्। अभिनेत्री मिथिला शर्मा र महेश गोदारको बाटो पछ्याउँदै ‘प्रतिभाको आँगन’ मा उत्कृष्ट नृत्य प्रस्तुति दिँदै प्रथम श्रेणीको उपाधि जितिन्। त्यसपछि ‘एसी डान्स च्याम्पियन’ मा छात्रवृत्ति पाई कक्षा ११ देखि स्नातकसम्मको अध्ययनलाई निरन्तरता दिइरहेकी छन्। हाल उनी डान्स टिचरको रूपमा काठमाडौंका विभिन्न विद्यालयहरूमा अध्यापन गरिरहेकी छन्। उनी कराते ब्राउन बेल्टको खेलाडीसमेत हुन्। विभिन्न महोत्सव, कर्पोरेट कार्यक्रम र अवार्ड कार्यक्रममा नृत्य प्रस्तुत गर्दै देशभर सक्रिय छिन्। स्वस्थानी अभिनयमा पनि रुचि राख्छिन् र विभिन्न थिएटर कार्यशालाबाट अभिनय ज्ञान हासिल गरिरहेकी छन्। नेपाली चलचित्र क्षेत्रमा भविष्य बनाउने सपना बोकेकी उनी भन्छिन्, “सङ्घर्ष नै मेरो मूलमन्त्र हो, म आफ्नो जीवन कला क्षेत्रमा समर्पित गर्न चाहन्छु।”उनीसँग गरिएको अन्तर्वार्ताको छोटो अंश:
हाल तपाईँ केमा व्यस्त हुनुहुन्छ?
आजभोलि म केही स्कुलहरूमा डान्स टिचरको रुपमा काम गर्छुl नियमित डान्स प्राक्टिस, साथै विभिन्न कर्पोरेट इभेन्ट, महोत्सव साथै अवार्ड कार्यक्रममा व्यस्त छु।
अभिनय सिक्नु कतिको आवश्यक छ ?
जीवनमा अगाडि बढ्नको लागि शिक्षा निकै महत्वपूर्ण भूमिका हुन्छ l कुनै पनि क्षेत्रमा सफलता हासिल गर्नको लागि ज्ञानको आवश्यकता हुनु निकै नै जरुरत छ। यदि कोही व्यक्ति म कलाकार बन्छु भने लाई अभिनयको ज्ञान हुनु आवश्यक छ। जीवनमा सिकेका कुराहरू कहिले पनि खेर जाँदैन। अहिले अभिनय सिक्नको लागि थ्रेटरहरू , फिल्म कलेजहरू , धेरै नै छन् l डाक्टर पढ्न विज्ञानको आवश्यकता छ भने जस्तै कोही व्यक्ति कलाकार बन्न चाहन्छन् भने अभिनय सिक्न निकै नै आवश्यक रहन्छ।
कला क्षेत्रमा आफ्नो भविष्य कस्तो देख्नुभएको छ ?
विद्यार्थी जीवनदेखि नै आफू स्कुलको नृत्य प्रतियोगितामा प्रथम हुन्थे। सानैदेखि डान्स भन्ने बित्तिकै हुरुक्क हुन्थे म। मेरा गुरुवर्गहरूलाई म हृदयदेखि नै धन्यवाद दिन चाहन्छु। आज यो स्थानमा पुग्नको लागि उहाँहरुको धेरै नै मेहनत छ म माथि l आफूलाई अब्बल बनाउनको लागि दिनरात मेहनत गर्दैछु। उनी भन्छिन् – कला क्षेत्रमा आफ्नो भविष्य सुखद देख्छु।
तपाईं कस्तो डान्स गर्न रुचाउन चाहनुहुन्छ ?
एउटा कलाकार भएपछि सबै प्रकारका नृत्यको ज्ञान हुनु आवश्यक छ। कल्चर डान्स, कन्टेम्पोररी डान्स, बलिउड डान्स, सबै फर्मका डान्सहरूको ज्ञान हुन आवश्यक छ। उनी भन्छिन्- म आफू भर्सटाइल डान्सरको रुपमा चिनाउन चाहन्छु।
कला क्षेत्रमा भविष्य छैन भन्नेलाई के भन्न चाहनुहुन्छ ?
कला क्षेत्रमा लाग्नको लागि सर्वप्रथम धैर्यता , मेहनत र अनुशासित हुनु निकै आवश्यक छ। अहिले हरेक क्षेत्रमा भविष्य देख्न सकिन्छ। समय लाग्न सक्छ तर मेहनतले त्यो गन्तव्य अवश्य नै पुर्याउँछ l सफल भएन भने निराश हुनु पर्दैन। आफ्नो निरन्तर प्रयास जारी राख्न आवश्यक छ l आज कला क्षेत्रबाट नै धेरै कलाकारहरूले घर ,जग्गा, गाडी , बैंक ब्यालेन्स जोड्न सफल भएका छन्। कला क्षेत्रमा कसरी भविष्य छैन भन्न सक्छौ त ? जीवनमा हार कहिले खानुहुन्न र प्रयास गरिरहनुपर्छ। सफलता तपाईँको आफ्नो वरिपरि नै हिँडिरहेको हुन्छ। भविष्य खोज्ने होइन भविष्य बनाउने हो?
नेपाली चलचित्र क्षेत्रमा आउने सोच के छ तपाईंको ?
सानै उमेरदेखि नै कलाकार बन्ने सोच भएको कारणले आफूलाई राम्रोसँग तयार गरेर यस क्षेत्रमा आउन चाहेकी थिएँ l मलाई नेपाली चलचित्र निकै नै मनपर्छ। म आफ्नो कला र क्षमताले अगाडि बढ्न चाहन्छु। म पूर्ण रूपले तयार छु। राम्रो स्क्रिप्ट र राम्रो टिम पायो भने अवश्य नै चलचित्र खेल्ने छु l
अन्त्यमा युवा वर्गहरूलाई के भन्न चाहनुहुन्छ ?
मान्छेको जीवन कहाँ गरेर टुङ्गिन्छ त्यो थाहा हुँदैन। जीवनलाई अविस्मरणीय बनाउनको लागि सधैँ खुसी रहनुपर्छ। सफल भएन भनेर हरेश कहिले खानु हुँदैन l मेहनतको फल अवश्य नै आउँछ। जीवन एउटा चक्र हो। जीवनमा आइपरेका हरेक अप्ठ्याराहरूलाई सहज रूपले स्वीकार्नु आवश्यक छ l हामी हाम्रो आदि जीवन सुतेर नै बिताउँछौँ। समय बलवान छ। समयको सही सदुपयोग गरौं। मानव चोलालाई सार्थक बनाउन आवश्यक छ। समय कहिले फर्केर आउँदैन , यो हाम्रो बसमा छैन। आफूभित्र भएका प्रतिभालाई उजागर गरौँ l आफूलाई मनलागेको काम गरौं l कसैको दबाब वा प्रभावमा नपरौं l
काठमाण्डौ– आठौं संस्करणको राष्ट्रिय समावेशी म्युजिक अवार्ड (निम अवार्ड) २०२५ भव्य रुपमा सम्पन्न भएको छ । पावर ईन्टरनेशनल मिडिया नेपाल (पिम नेपाल) को आयोजनामा बैशाख २० गते शनिबार काठमाण्डौमा सम्पन्न भएको उक्त कार्यक्रम बन तथा वातावरण मन्त्री ऐन बहादुर शाही ठकुरीको प्रमुख आतिथ्यतामा सम्पन्न भएको उक्त कार्यक्रममा पिम नेपालका सल्लाहकार तथा नेपाल चलचित्र कलाकार संघका अध्यक्ष मोहन निरौला सभापति रहनु भएको थियो । कार्यक्रममा पहिलो नेपाली कलर सिनेमाको नायिका चैत्यदेवी सिंह, हाँस्य साम्राज्ञी तथा नेपालको पहिलो चलचित्र आमाको अभिनेत्री बसुन्धरा भुषाल, विशिष्ठ गायिका देवीका बन्दना, प्रहरी अतिरिक्त महानिरीक्षक तथा गीतकार टेक तामाङ, डा. सुभाष घिमिरे लगायतका चलचित्र गीत संगीत, समाजसेवा तथा विभिन्न क्षेत्रमा सक्रिय व्यक्तित्वहरुको उपस्थिति रहेको थियो ।
कार्यक्रममा मन्त्री शाही ठकुरीले यस्ता कार्यक्रमहरुले भाषा, संस्कृति, गीत संगीत, चलचित्रमा क्रियाशिल ब्यक्तित्व तथा प्रतिभालाई प्रोत्साहन मिल्नुका साथै गीत संगीतको विकासमा टेवा पुग्ने विश्वास व्यक्त गर्नुभयो । कार्यक्रममा यस वर्षको संगीत रजत सम्मान बाट बरिष्ठ संगीतकार शुरेश अधिकारी सम्मानित हुनु भएको छ भने संगीत पत्रकारिता पुरस्कार रंग पत्रकार करिष्मा केसीलाइ प्रदान गरिएको थियो । त्यस्तै पिम नेपाल विशिष्ट चलचित्रकर्मी सम्मान विशिष्ठ कलाकार उत्तम केसी, पिम नेपाल टेलिभिजन संचारकर्र्मी सम्मान चर्चित संचारकमी राज श्रेष्ठ, पिम नेपाल डायस्पोरा सम्मान संगीतकार केशव पौडेल, पिम नेपाल युवा प्रतिभा सम्मान(गीतकार÷पर्वतारोही) पुरुषोत्तम सानु, युवा उद्यमी सम्मान सुरेश कार्की र लोक गायक शुशिल ज्ञवाली तथा गायिका अनिता कुँवरलाई सम्मानित गरिएको थियोे ।
“नेपाली हुनुमा गर्व गरौं कला र संस्कृतिको जगेर्ना गरौं” भन्ने मुल नारा लिएर विगत ८ वर्ष देखि आयोजना हुदै आएको निम अवार्डले नेपालमा बोलीने विभिन्न भाषाभाषिहरुमा बनेका गीत र गीतका भिडियोहरुलाई प्रोत्साहन स्वरुप अवार्ड तथा सम्मान प्रदान गर्दै आईरहेको छ । सम्पुर्ण भाषा भाषिका कलाकारहरुलाई प्रतिष्पर्धा भन्दा पनि सामुहिक मञ्च प्रदान गरेर आत्मियता भाईचार र एकताको सदेश प्रवाह गर्ने उदेश्य लिएको आयोजक पिम नेपालका अध्यक्ष माधव राज खरेलले जानकारी दिनु भयो । विगत ८ वर्ष देखि आयोजना हुदै आएको निम अवार्डले नेपालमा बोलीने विभिन्न भाषाभाषिहरुमा बनेका गीत र गीतका भिडियोहरुलाई प्रोत्साहन स्वरुप विभिन्न विधाहरुमा अवार्ड तथा सम्मान प्रदान गर्दै आईरहेको छ ।’ अध्यक्ष खरेलले बताउनु भयो । नेपाली सहित अन्य ७ वटा भाषा र भाका सहितका कुल ४० विधामा ५३ जनालाई अवार्ड प्रदान गरिएको थियो
कार्यक्रममा चलचित्र विकास बोर्ड, साँफेबगर नगरपालिका, गोकर्णेश्वर नगरपालिका, ओम समाज डेन्टल हस्पिटल, टोखा नगरपालिका, केईसी ईन्जिनियरिङ कन्सल्टेन्सी धनगढी, राष्ट्रिय बाणिज्य बैंक, स्मार्ट सर्भिस ईन, आईआईफटी, सिटि सेन्टर फुर्डकोर्ड, एभेन्टोज लगायतले सहयोग गरेका थिए । निम अवार्डको प्रत्यक्ष प्रशारण काष्टमण्डप टेलिभिजन, जि टिभि नेपाल, लगायत विभिन्न युटुव च्यानलहरुबाट तथा अनलाईमाफर्त प्रत्यक्ष प्रशासण गरिएको छ ।
चर्चित संगीतकार सन्तोष श्रेष्ठको संयोजकत्वमा गठन भएको निर्णायक समितिमा सदस्यको रुपमा बरिष्ठ संगीतकार जुगल डंगोल, बरिष्ठ सञ्चारकर्मी तथा भिडियो निर्देशक विजयरत्न तुलाधर, वरिष्ठ सञ्चारकर्मी तुलसी गिरी “भावुक”, चर्चित संगीत संयोजक साहास शाक्य, ःचर्चित लोक गायक अमृत खाती, मोडलराज टाईगर, निर्देशक केशव राज भट्ट रहेका थिए भने जुरीहरुको ब्यवस्थापन अडियो तर्फ पिम नेपालका उपाध्यक्ष शंकर थापा “स्माईल” र भिडियो तर्फ निम अवार्डका ब्यवस्थापन प्रमुख सनम कठायतले गरेका थिए ।
राष्ट्रिय समावेशी म्युजिक अवार्ड २०२५ मा सर्वोत्कृष्ट आधुनिक गायिकाको अवार्ड गायिका मिलन नेवारले आँखाको नुर बोलको गीतमार्फत प्राप्त गरिन भने दोहोरी गायिका तर्फ गायिका सिमा थापाले सर्वोत्कृष्ट दोहोरी गायिकाको अवार्ड दामौलीमा गेट बोलको गीत मार्फतसिमा थापालाई प्रदान गरिएको थियो । उक्त समारोह सर्वोत्कृष्ट राष्ट्रिय भाव,राम प्रसाद अवस्थीः उठौं जनता उठौं, सर्वोत्कृष्ट गजल, गीता सापकोटा हुमागाईः किन, सर्वोत्कृष्ट आधुनिक गीतकार,जि.एम दिपु दिपेन्द्रः महँगो भो तिम्रो माया,सर्वोत्कृष्ट लोक/पप गीतकार,लिला राज काम्वाङः छुट्ने वेला, ,सर्वोत्कृष्ट लोक/आधुनिक संगीतकार,राजन राज शिवाकोटीः माया गर्न जान्यो मायाले,सर्वोत्कृष्ट आधुनिक गायक सौगात जंग थापाः तिमि आदत बन्यौ,सर्वोत्कृष्ट लोक÷पप गायन, शोभा पाण्डेः डल्ले खुर्सानी, सर्वोत्कृष्ट युगल गायन साईराज खाती÷मुना ठटालः छुट्ने बेला ले अवार्ड प्राप्त गर्न सफल भएका थिए ।
त्यसैगरी सर्वोत्कृष्ट दोहोरी शब्द निश्चल दवाडीः कस्मीरे पच्छ्यौरी, सर्वोत्कृष्ट दोहोरी लयशान्त शिशिरः बेसारे माया,सर्वोत्कृष्ट दोहोरी गायक, हेमन्त कान्छा रसाईलीः पशुपतिमा शिवजी, सर्वोत्कृष्ट नव गीतकार, रोहन पौड्यालः तिमि रिसाउनु मै फकाउला,सर्वोत्कृष्ट नवगायक, सन्तोष कुमार तामाङः कसले बनायो पैसा ले अवार्ड प्राप्त गर्दा सर्वोत्कृष्ट नवगायिका, निरुता राईः आउ आउ,सर्वोत्कृष्ट ध्वनी मिश्रण प्रकाश मिश्रः थाहै थिएन दिल,सर्वोत्कृष्ट एरेन्जर, रिदम कँडेलः अधुरो सपना–२,सर्वोत्कृष्ट भिडियो निर्देशक, प्रकाश धितालः गन्र्दव बाहुन,सर्वोत्कृष्ट कोरियोग्राफर, पुनम श्रेष्ठः आउ आउ बोलको गीतबाट अवार्ड पाउन सफल भएका थिए ।
त्यसैक्रमा सर्वोत्कृष्ट छायाँकार, उत्सव दाहालः आमा ए आमा,सर्वोत्कृष्ट सम्पादक, राजेश कुमारः सुनौली कोल, सर्वोत्कृष्ट आधुनिक मोडल पुरुष, एलपी शर्माः मनमा पर्यो चोट तथा सर्वोत्कृष्ट आधुनिक मोडल महिला पवित्रा शाँखीः भुल्नै गाह्रो भो वाट अवार्ड पाएका थिए भने सर्वोत्कृष्ट दोहोरी मोडल पुरुष सुधिर श्रेष्ठः सानै छु भेना, सर्वोत्कृष्ट दोहोरी मोडल महिला,सुजिना गोलेः दर्पण बनाई हेर्छु, सर्वोत्कृष्ट नवमोडल पुरुष, कुन्दन गुप्ताः हामी छुट्ने दिन तथा सर्वोत्कृष्ट नवमोडल महिला,निरुता बिष्टः मलाई त तिम्रो भर पर्नु छ ले अवार्ड प्राप्त गरेका थिए ।
कार्यक्रममा भाषाभाषि तर्फ सर्वोत्कृष्ट नेपाल भाषा गीतकार, सुरजबीर बज्राचार्यः नक्कलीम्ह मयजु, सर्वोत्कृष्ट नेपाल भाषा संगीतकार,सानुबाबु महर्जनः मस्यु जित छुजुछुजु, सर्वोत्कृष्ट नेपाल भाषा गायन, राजकुमार मानन्धरः दः पिनि द्यः ब्वय्कि, सर्वोत्कृष्ट नेपाल भाषा मोडलिङ, सुदित श्रेष्ठः कतांमरिया रुप छंगु, सर्वोत्कृष्ट नेपाल भाषा निर्देशन, दर्शनबीर शाक्यः नाप च्वने मदुसां बाट अवार्ड प्राप्त गर्दा सर्वोत्कृष्ट मैथली गीत, विरेन्द्र झाः मिथिला धाम, उत्कृष्ट तामाङ सेलो, सन्जोक योन्जनः मायामा नेल, सर्वोत्कृष्ट भाषाभाषी गीत, पुनित कुमार बंशलः जै जनम भौम (मारवाडी भाषा)ले अवार्ड प्राप्त गर्न सफल भएका थिए । त्यस्तै भाका तर्फ सर्वोत्कृष्ट काँठे गीत, सुजता के.सीः आलु तामाले र सर्वोत्कृष्ट डेउडा गीत, महेश कुमार औजीः ए ईजु गैग्यो परान बाट पाएका थिए ।
कार्यक्रममा सर्वोत्कृष्ट डायस्पोरा अवार्डवाट (मोडल), प्रतिक्षा लिम्बुः छुट्ने बेला, सर्वोत्कृष्ट प्रत्यक्ष दोहोरी गायन सुभद्रा श्रेष्ठलाई प्रदान गरियो कार्यक्रममा मेनुका थापाले उठ उठ्नै पर्छ बाट सर्वोत्कृष्ट राष्ट्रिय भाव (जुरी) अवार्ड प्राप्त गरिन् भने सर्वोत्कृष्ट लोक/पप गीतकार (जुरी), डि.पी खनालः बुझे हुन्छ कुरा (लोकपप), उत्कृष्ट डायस्पोरा (गायिका), निता आचार्यः चुपचाप, सर्वोत्कृष्ट लोक÷आधुनिक संगीतकार (ईन्करेजमेन्ट), द्रोण पराजुलीः सुचना र प्रविधि यो, सर्वोत्कृष्ट लोक÷पप गायन (जुरी), अर्जुन खरेलः दुई चुल्ठी, सर्वोत्कृष्ट दोहोरी शब्द (पब्लिक च्वाइस अवार्ड), किस्ना आचार्य (रोशनी)ः निरि मायाको, सर्वोत्कृष्ट दोहोरी मोडल महिला (जुरी), अस्मिता पुरीः फुल माया बोलको गीतबाट अवार्ड प्राप्त गरेका थिए ।
कार्यक्रममा सर्वोत्कृष्ट आधुनिक मोडल महिला (जुरी) मोडल जुना कार्कीले झरी बोलको गीबाट प्राप्त गर्दा कैलाश कठायतले बोली झर्कै छ बोलको गीतबाट सर्वोत्कृष्ट नवमोडल पुरुष (पब्लिक च्वाईस) अवार्ड प्राप्त गरे । त्यसैगरी सर्वोत्कृष्ट युगल गायन (पब्लिक च्वाईस) रुद्र शेखर शर्मा ः के होला भोली, सर्वोत्कृष्ट ,मैथली गीत (जुरी), डा.पूनम सिन्हाः मेघ मलहार, सर्वोत्कृष्ट तामाङ सेलो (पब्लिक च्वाईस), टिका बमजन, तामाले बोली फेर्दैन, सर्वोत्कृष्ट गायक ईन्करेज्मेन्ट अवार्ड विशाल सोनीलाई कामीदाईको घनठोकाई र सर्वोत्कृष्ट नवगायक जुरी अवार्ड, सुरज गुप्ता, पिलेन उडाउने लाई प्रदान गरिएको थियो ।
काठमाडौं, वैशाख १९ , सामाजिक सञ्जालको जिम्मेवार र आत्मअनुशासित प्रयोगबारे सचेतना फैलाउने उद्देश्यले अप्टिमिष्टिक क्लब अफ डेरी ईन्टरप्रेनरर्सले विशेष अन्तर्क्रिया कार्यक्रम आयोजना गर्ने भएको छ।
“सामाजिक सञ्जाल र आत्मअनुशासन” विषयमा केन्द्रित कार्यक्रम आगामी २०८२ साल वैशाख २३ गते, मङ्गलबार नेपाल डेरी एसोसिएसनको सभा हल, शंखमूल, ललितपुरमा हुने क्लबका सचिव सरोज ओझाले जानकारी दिनुभयो।
“आजको पुस्ताले सामाजिक सञ्जाल प्रयोग गर्दा आत्मअनुशासन र विवेक आवश्यक छ,” उहाँले भन्नुभयो, “यस विषयमा गहिरो बहस र विचार आदानप्रदान जरुरी भएकाले कार्यक्रम आयोजना गर्न लागिएको हो।”
क्लबका अध्यक्ष प्रल्हाद दाहालले सामाजिक सञ्जालले मानिसको सोच, व्यवहार र समाजमा गहिरो प्रभाव पारेकाले संवाद, जागरण र आत्मअनुशासन आवश्यक भएको बताउनुभयो। “डिजिटल युगसँगै अवसर र चुनौती दुवै छन्,” उहाँले भन्नुभयो, “हाम्रो क्लबले समाजप्रति जिम्मेवार भूमिका निर्वाह गर्ने उद्देश्यले यस्तो कार्यक्रम अघि सारेको हो।”
सचिव ओझाले सामाजिक सञ्जालले जीवनशैलीमा सकारात्मक प्रभाव पार्ने भए पनि अनियन्त्रित प्रयोगले मानसिक, सामाजिक र नैतिक चुनौती खडा गर्ने उल्लेख गर्दै, “यस्ता चुनौतीहरूसँग जुझ्न सचेत प्रयोगको संस्कार विकास गर्न हामीले यो कार्यक्रम ल्याएका हौं,” भन्नुभयो।
कार्यक्रममा अप्टिमिष्टिक इन्टरनेशनल नेपाल डिस्टृकका पदाधिकारीहरु, विभिन्न क्षेत्रका युवा, सञ्चारकर्मी, उद्यमी, शिक्षाविद तथा सामाजिक अभियन्ताहरूको सहभागिता रहने अपेक्षा गरिएको छ।
कार्यक्रमको उद्देश्य सामाजिक सञ्जालप्रतिको दृष्टिकोणमा सकारात्मक परिवर्तन ल्याउने र अनुशासित प्रयोगको व्यवहारिक संस्कार विकास गर्नु रहेको क्लबका अध्यक्ष दाहालले बताउनुभयो।
काठमाडौं, बैशाख २० – नेपाली मौलिक खानाको विकास, पहिचान र अन्तर्राष्ट्रिय स्तरमा प्रवर्द्धनका लागि क्रियाशील सेफ्स एसोसिएसन अफ नेपाल (Chefs Association of Nepal) ले आज पत्रकार सम्मेलन आयोजना गरी आफ्नो ३०औं वार्षिकोत्सवको विविध कार्यक्रमबारे जानकारी गराएको छ।
रानीबारी–३ स्थित संस्थाको कार्यालयमा आयोजित पत्रकार सम्मेलनमा एसोसिएसनका अध्यक्ष रेशम कुमार लामा तामाङले कार्यक्रममा देश तथा विदेशका विशिष्ट पाहुनाहरूको उपस्थिति रहने जानकारी दिनुभयो। साथै, कार्यक्रममा नेपाली परम्परागत खानाका विविध स्वादसमेत प्रस्तुत गरिनेछ।
उहाँका अनुसार वार्षिकोत्सवको अवसरमा नेपाल तथा विदेशमा कार्यरत अनुभवी र उत्कृष्ट सेफहरूको योगदानको कदर गर्दै विशेष सम्मान कार्यक्रमसमेत आयोजना गरिनेछ।
“सेफ्स एसोसिएसन अफ नेपालले गुणस्तरीय पाकशिक्षा प्रदान गर्दै सेफहरूको क्षमता अभिवृद्धिमा निरन्तर योगदान दिइरहेको छ। हामी अग्रजहरूलाई सम्मान गर्दै र नयाँ पुस्तालाई प्रोत्साहित गर्दै नेपाल र नेपाली खानालाई विश्वमञ्चमा चिनाउने प्रयत्नमा क्रियाशील छौं,” अध्यक्ष तामाङले बताउनुभयो।
साथै, पाककलालाई नेपालको सांस्कृतिक कूटनीतिमा रूपान्तरण गर्दै अन्तर्राष्ट्रिय पहिचान विस्तार गर्ने र पर्यटन तथा अर्थतन्त्रमा योगदान दिने लक्ष्य लिएको समेत अध्यक्ष तामाङले बताउनुभयो।
उहाँले आगामी दिनमा संस्थालाई थप सशक्त बनाउँदै नयाँ पुस्तालाई नेतृत्वमा ल्याएर नेपाली खानाको अन्तर्राष्ट्रिय यात्रालाई अझ व्यापक बनाइने विश्वास व्यक्त गर्नुभयो।
संस्थापक अध्यक्ष पुष्प थापाले तत्कालीन समयमा पाँचवटै विकास क्षेत्रका खानालाई अन्तर्राष्ट्रियकरण गर्ने उद्देश्यसहित संस्था स्थापना गरिएको बताउनुभयो। नेपाली खाना नेपालका पाँचतारे होटलहरूको मेनुमा समावेश हुनुपर्छ भन्ने उद्देश्यका साथ अघि बढिएको उहाँले स्मरण गर्नुभयो।
कार्यक्रममा पूर्व अध्यक्षहरू सेफ रत्न बहादुर थापा, गोविन्द नरसिंह केसी र जित लामा पाख्रिनले प्रत्येक वर्षजस्तै यस वर्ष पनि वार्षिकोत्सव विशेष र सफल हुने विश्वास व्यक्त गर्नुभयो।
निवर्तमान अध्यक्ष श्याम कुमार तामाङले सम्पूर्ण सेफहरूलाई वार्षिकोत्सवमा सक्रिय सहभागिता जनाउन आग्रह गर्नुभयो।
महासचिव पदम बहादुर आले मगरले संस्थाको उद्देश्य, भावी योजना र वार्षिकोत्सवसम्बन्धी कार्यक्रमबारे जानकारी दिँदै सेफ्स एसोसिएसन अफ नेपालले आगामी दिनमा नेपाली खानालाई थप व्यवस्थित, वैज्ञानिक र विश्वस्तरीय बनाउने दीर्घकालीन योजना अघि सारेको बताउनुभयो।
एसोसिएसनले सम्पूर्ण नेपाली सेफहरूलाई कार्यक्रममा सहभागी भई आफ्नो पहिचानलाई थप सशक्त बनाउन आह्वानसमेत गरेको छ।
‘हाम्रो पेशा, हाम्रो सान’ भन्ने मूल नाराका साथ सेफ समुदायलाई एकताबद्ध गर्दै नेपाली खानाको शुद्धता, मौलिकता र गौरवलाई विश्वसामु चिनाउने लक्ष्य बोकेको सेफ्स एसोसिएसन अफ नेपाल नेपालको पहिलो तथा सबैभन्दा पुरानो सेफ संस्था हो।
काठमाडौं – नेपाली मौलिक खानाको विकास, पहिचान र अन्तर्राष्ट्रिय स्तरमा प्रवर्द्धनका लागि क्रियाशील सेफ्स एसोसिएसन अफ नेपाल (Chefs Association of Nepal) ले आफ्नो ३०औं वार्षिकोत्सव भव्य रूपमा आयोजना गर्ने भएको छ। आगामी २०८२ साल बैशाख २५ गते, काठमाडौंको चावहिलस्थित स्मार्ट प्यालेसमा कार्यक्रमको आयोजना गर्न लागिएको हो।
वार्षिकोत्सवको अवसरमा नेपाल तथा विदेशमा कार्यरत अनुभवी र उत्कृष्ट सेफहरूको योगदानको कदर गर्दै विशेष सम्मान कार्यक्रमसमेत आयोजना गरिनेछ। कार्यक्रममा देश तथा विदेशका विशिष्ट पाहुनाहरूको उपस्थिति रहनेछ भने नेपाली परम्परागत खानाको विविध स्वादसमेत प्रस्तुत गरिनेछ।
संस्थाले आगामी दिनमा नेपाली खाना र पाककलालाई थप व्यवस्थित, वैज्ञानिक र विश्वस्तरीय बनाउँदै नेपालको सांस्कृतिक कूटनीतिमा समेत टेवा पुर्याउने दीर्घकालीन योजना अघि सारेको छ। यससँगै नेपाली खानाको अन्तर्राष्ट्रिय पहिचान विस्तार गर्ने र देशको पर्यटन तथा अर्थतन्त्र सुदृढ पार्न योगदान पुर्याउने लक्ष्य समेत राखिएको छ।
सेफ्स एसोसिएसन अफ नेपालले सम्पूर्ण नेपाली सेफहरूलाई कार्यक्रममा सहभागी भई आफ्नो पहिचानलाई थप सशक्त बनाउन आव्हान समेत गरेको छ।
संस्थाका अध्यक्ष रेशम कुमार लामा तामाङले जानकारी दिदै भनेका छन्, "सेफ्स एसोसिएसन अफ नेपालले गुणस्तरीय पाकशिक्षा प्रदान गर्दै सेफहरूको क्षमता अभिवृद्धिमा निरन्तर योगदान दिइरहेको छ। हामी अग्रजहरूलाई सम्मान गर्दै र नयाँ पुस्तालाई प्रोत्साहित गर्दै नेपाल र नेपाली खानालाई विश्वमञ्चमा चिनाउने प्रयत्नमा क्रियाशील छौं।"
उनले आगामी दिनमा सेफ्स एसोसिएसन अफ नेपाललाई थप सशक्त बनाउँदै नयाँ पुस्तालाई नेतृत्वमा ल्याएर नेपाली खानाको अन्तर्राष्ट्रिय यात्रालाई अझ व्यापक बनाइने विश्वाससमेत व्यक्त गरे।
'हाम्रो पेशा, हाम्रो सान' भन्ने मूल नाराका साथ सेफ समुदायलाई एकताबद्ध गर्दै नेपाली खानाको शुद्धता, मौलिकता र गौरवलाई विश्वसामु चिनाउने लक्ष्य बोकेको सेफ्स एसोसिएसन अफ नेपाल नेपालको पहिलो तथा सबैभन्दा पुरानो सेफ संस्था हो।
टोखा, काठमाडौं – सन् ०५२ सालमा नेपालकै पहिलो गैरसरकारी बाल अस्पतालको रूपमा सेवा आरम्भ गरेको ईसान बाल तथा महिला अस्पताल अब टोखा नगरपालिका–५ मा अवस्थित नयाँ, आधुनिक र वातावरणमैत्री भवनमा सरेको छ। यो अस्पतालले २४ घन्टा बालरोग, नवजात शिशु, बाल सर्जरी, महिला तथा प्रसूति, हाडजोर्नी जस्ता सेवाहरू अनुभवी विशेषज्ञ तथा रजिष्ट्रारमार्फत उपलब्ध गराउँदै आएको छ। साथै, नवजात तथा बाल सघन उपचार इकाइ (NICU, PICU), एम्बुलेन्स, प्याथोलोजी, एक्सरे, अल्ट्रासाउन्ड, फार्मेसी, र क्यान्टिन सेवा पनि अस्पतालमा समावेश गरिएको छ।
ईसान अस्पतालले अन्तर्राष्ट्रिय स्तरको सेवा दिने उद्देश्यसाथ विभिन्न जटिल बाल शल्यक्रियाहरू गर्दै आएको छ। अस्पतालका अनुसार युके, भारत, बंगलादेशजस्ता देशहरूबाट समेत बच्चाहरूको उपचारका लागि यहाँ आउने गरेका छन्, जसमा धेरैजसो जटिल शल्यक्रिया सफलतापूर्वक सम्पन्न भएका छन्। निकट भविष्यमै थप सेवाहरू विस्तार गरिने योजना पनि अस्पतालले सार्वजनिक गरेको छ।
कार्यक्रममा हाँस्य कलाकार गोपाल ढकाल (छन्दे), कलाकार श्रीदेब भट्टराई, पिम नेपाल का महासचिब कमला जोशी , फावनका सह कोषाध्यक्ष तथा कलाकार प्नवण भूसाल, पिम नेपालका अध्यक्ष, फावनका मानार्थ सदस्य तथा चलचित्र निर्देशक माधव राज खरेल, नेपाल चलचित्र तथा कलाकार श्रमिक संगठनका बरिष्ठ उपाध्यक्ष ऋषि राज आचार्य, महिला उपाध्यक्ष सरिता भारती, लायन सीता प्रसाई ,मृदुला शर्मा, अप्सरा आचार्य,राम बहादुर श्रेष्ठ, विकास राज कुँवर , सतिस राज कँवर, लेखक पत्रकार नन्द लाल खरे, शोभा ढकाल लगायत लायनसेवीहरु, पत्रकार, समाजसेवी लगायतको उपस्थिति रहेको थियो। कार्यक्रम सञ्चालन अस्पतालका प्रमुख अपरेटिङ अफिसर धनधोज मल्ल ठकुरीले गरेका थिए।
ईसान बाल तथा महिला अस्पतालले नेपाली चलचित्र तथा गीत संगीतकको माध्यमबाट सामाजिक सेवामा सक्रिय रहदै आएका संस्थाहरु, नेपाल चलचित्र तथा कलाकार श्रमिक संगठन (फावन), पावर ईन्टरनेशनल मिडिया नेपाल (पिम नेपाल) र समाज सेवामासक्रिय रहेको तारकेश्वर क्लव ६० तथा लायन्स क्लव ३२५ आई काठमाडौ संग आफ्नो सेवामा विशेष छुट गर्ने सम्बन्धमा सम्झौता भएको छ । यो संगै अब यी संस्थाले सिफारिस गरिएका व्यक्तिहरुलाई विशेष छुट प्राप्त हुने छ।
काठमाण्डौ - “राष्ट्रियता, लोकतन्त्र, समाजवाद र देश बिकासको लागि सडक यातायात“भन्ने मुल नाराका साथ नेपाली काँग्रेसका शुभेच्छुक संस्था नेपाल लोकतान्त्रिक यातायात व्यवसायी संघको दोस्रो राष्ट्रिय महाधिवेशन भव्यताका साथ सम्पन्न भएको छ । संघको दोश्रो महाअधिवेशनबाट पुनः संस्थापक अध्यक्ष योगेन्द्रनाथ कर्माचार्यको अध्यक्षतामा सर्वसम्मत ६१ सदस्यीय नयाँ कार्यसमिति बनेको छ । मिति २०८२ साल बैशाख १० र ११ गते काठमाण्डौको नेपाल प्रज्ञा प्रतिष्ठान, कमलादीमा भएको उक्त राष्ट्रिय महाधिवेशनको नेपाली काँग्रेसका कार्यबाहक अध्यक्ष एवं कार्यक्रमका प्रमुख अतिथि पूर्ण बहादुर खड्काले एक समारोहका विच उद्घाटन गर्नुभएको हो । संघका संस्थापक अध्यक्ष योगेन्द्रनाथ कर्माचार्यले कार्यक्रममा स्वागत मन्तव्य राख्दै संघले यातायात व्यवसायीहरुलाई संगठित गरी सार्वजनिक यातायात सेवालाई व्यवस्थित, मर्यादित, समयानुकूल यातायात सेवा संचालन, लगानीकर्ताको लगानी सुरक्षित, श्रमिकहरुको रोजीरोटीको संरक्षण गर्ने गराउने र सुरक्षित यात्रा सेवा पुर्याउने आदि कार्यमा महत्वपूर्ण भूमिका निर्वाह गर्दै आईरहेको बताउनुभयो ।
कार्यक्रमको पूर्ण सफलताको शुभकामना व्यक्त गर्दै प्रमुख अतिथि खड्काले सार्वजनिक यातायात सेवाले आम नागरिकले पाउने सेवामा ठूलो योगदान रहेको बताउनुभयो ।
उक्त उद्घाटन कार्यक्रममा विशेष अतिथी नेपाली काँग्रेसका उपसभापति धनराज गुरूङ, त्यसै गरी नेपाली काङ्ग्रेसका केन्द्रिय सदस्य तथा पुर्ब अर्थ मन्त्री डाः प्रकाश शरण महत, केन्द्रिय सदस्य तथा पुर्व मन्त्री अर्जुन नर्सिङ के।सी , नेपाली काङ्ग्रेस केन्द्रिय सदस्य तथा कृषि तथा पशुपन्छी मन्त्री रामनाथ अधिकारी, केन्द्रिय सदस्य तथा नेपाली काँग्रेस अन्तर्गत यातायात बिभाग प्रमुख शिब प्रशाद हुमागाई , केन्द्रिय सदस्य तथा बागमती प्रदेश सभापति तथा पुर्व गृहराज्य मन्त्री इन्द्र बानियाँ ,केन्द्रिय सदस्य तथा पुर्व मन्त्री सुदुरपस्चिम सभापति वीर बहादुर बलायर ,केन्द्रिय सदस्य तथा पुर्व मन्त्री सीता गुरुङ लगायतका विशेष अतिथिहरुको उपस्थिति रहेको थियो । उद्घाटन सत्रमा नेपाल सरकारले आफ्नो कमी कमजोरी सच्याएर जानुपर्ने बताउँदै वर्तमान सरकारसँग मिलेर संविधान शंशोधन छिटो अघि बढाउने पहल भइरहेको र संविधानमा भएका सुविधालाई घटाउने होइन बढाउने र अझ प्रभावकारी संविधान ल्याउने विशेष अतिथि धनराज गुरूङल बताउनुभयो ।
गुणस्तरीय बाटोको निर्माण सरकारले गर्नुपर्छ भने गुणस्तरीय यातायात संचालनको जिम्मा यातायात व्यवसायीले लिनुपर्ने विशेष अतिथि प्रकाश शरण महतले जिकिर गर्नुभयो । विशेष अतिथि अर्जुन नरसिंह के।सीले अहिले देश हड्तालको देश भएको भन्दै सरकार गम्भीर हुनपर्ने बताउनुभयो । शुभकामना व्यक्त गर्दै अतिथि अजय कुमार राईले यातायातको क्षेत्रमा अध्ययन, अनुसन्धान र तथ्याङ्कमा कमजोर भएकोले यस विषयमा पनि काम गर्नुपर्ने बताउनुभयो । विशेष अतिथि मन्त्री रामनाथ अधिकारी, सीता गुरुङ्गले पनि शुभकामना मन्तव्य व्यक्त गर्नुभएको थियो ।
नेपाली काँग्रेसका यातायात विभागका प्रमुख शिव हुमागाई शुभकामना व्यक्त गर्दै सार्वजनिक यातायातलाई व्यवस्थित, मर्यादित, संरक्षण र सम्वद्र्धन कसरी गर्ने भन्ने नै संघको उद्देश्य र लक्ष्य हुनुपर्ने बताउनुभयो ।
त्यस्तै नेपाल यातायात ब्यवसायी राष्ट्रिय महासंघका अध्यक्ष बरिष्ठ उपाध्यक्ष सरोज सिटौला, महासचिब डेगनाथ गौतम , नेपाल ट्रक यातायात व्यवसायी महासंघका अध्यक्ष हिरालाल श्रेष्ठ , अन्तरास्ट्रिय ट्रेड युनियन महासंघमा नेपालको तर्फबाट प्रतिनिधित्व सदस्य अजय कुमार राई, नेपाल यातायात मजदुर संघका केन्द्रिय अध्यक्ष धर्मराज भण्डारी लगायतले पनि यातायात क्षेत्रमा ल्याउनुपर्ने सुधारका बारेमा बोल्दै महाअधिवेसनको सफलताको शुभकामना दिनुभएको थियो ।
महाअधिवेशनको दोश्रो दिन बन्द सत्रले नयाँ कार्यसमिति सर्वसम्मत रुपमा चयन गरेको हो । अध्यक्ष योगेन्द्रनाथ कर्माचार्यसँगै वरिष्ठ उपाध्यक्षमा अर्जुन रानाभाट दोहोरिनु भएको छ भने र विजय बहादुर स्वाँर थप भएको छ । त्यस्तै महासचिवमा केदारनाथ पौडेल, कोषाध्यक्षमा राजेन्द्र विक्रम बाँनियाँ दोहोरिनु भएको छ । ६१ सदस्यीय अर्थात् सामान्य अवस्थामा भन्दा संख्याका रुपमा ठूलो कार्यसमिति बनेको छ । यस कार्यसमिलिे यातायात व्यवसायीको हकहित र यस क्षेत्रमा सुधारोन्मुख र स्तरीय कार्य गर्ने चुनौती भने बढेको छ ।
२०८२ वैशाख ११ गते, काठमाडौँ । काठमाडौँ जेसीजले आयोजना गरेको वार्षिक पात्रो (क्यालेन्डर) विमोचन तथा शुभकामना आदानप्रदान कार्यक्रम भव्य रूपमा सम्पन्न भएको छ। कार्यक्रम काठमाडौँ जेसिजको सभाहल, तिनकुनेमा सम्पन्न भएको हो। सो अवसरमा काठमाडौँ जेसीजका अध्यक्ष श्याम कुमार घिमिरे, काठमाडौँ महानगरपालिका–७ का वडा अध्यक्ष तथा काठमाडौँ जेसीजका पूर्व अध्यक्ष बिमल कुमार होडा, समाजसेवी तथा काठमाडौँ महानगरपालिका–४ का नेपाली कांग्रेस सभापति रामप्रसाद न्यौपाने, काठमाडौँ जेसीजका पूर्व अध्यक्ष सञ्जय नाथ जोशी, साहित्यकार तथा सञ्चारकर्मी सरोज ओझा र काठमाडौँ जेसीजकी उपाध्यक्ष दिया थापाले संयुक्त रूपमा नयाँ पात्रो विमोचन गर्नुभएको थियो।
कार्यक्रममा स्वागत मन्तव्य दिँदै अध्यक्ष श्याम कुमार घिमिरेले पात्रो केवल मिति र तिथिको सूचक मात्र नभई संस्था, योजना, संकल्प र सामाजिक क्रियाशीलताको प्रतिबिम्ब भएको उल्लेख गर्नुभयो। उहाँले यो पात्रो सबैको साझा यात्राको प्रेरक दस्तावेज बन्ने अपेक्षा रहेको पनि बताउनुभयो।
काठमाडौँ महानगरपालिका–७ का वडा अध्यक्ष तथा काठमाडौँ जेसीजका पूर्व अध्यक्ष बिमल कुमार होडाले जेसीजले युवा नेतृत्व विकासमा गर्दै आएको योगदान उल्लेखनीय रहेको बताउँदै पात्रो विमोचन केवल कागजी दस्तावेज नभई संगठनको उद्देश्य, संकल्प र सामाजिक उत्तरदायित्वको प्रतिबिम्ब भएको धारणा व्यक्त गर्नुभयो।
समाजसेवी तथा काठमाडौँ महानगरपालिका–४ का नेपाली कांग्रेस सभापति रामप्रसाद न्यौपानेले सामाजिक उत्तरदायित्वप्रति सचेत संगठनले प्रत्येक गतिविधिलाई उद्देश्यपूर्ण बनाउने बताउँदै, सो कार्यक्रमले समाजमा आशा, सहकार्य र समर्पणको सन्देश दिएको उल्लेख गर्नुभयो।
काठमाडौँ जेसीजका पूर्व अध्यक्ष सञ्जय नाथ जोशीले संगठनको निरन्तरता र स्थायित्वको प्रतीकको रूपमा पात्रो विमोचन कार्यक्रमको महत्व रहेको बताउनुभयो।
त्यसैगरी, साहित्यकार तथा सञ्चारकर्मी सरोज ओझाले कला, साहित्य र सञ्चारजस्तै पात्रो पनि समाजको समय यात्रा भएको उल्लेख गर्दै यसले वर्षभरिका गतिविधिहरूलाई प्रेरणा र प्रतिबद्धताको ढोका खोलोस् भन्ने शुभकामना व्यक्त गर्नुभयो।
कार्यक्रमकी सभापति तथा काठमाडौँ जेसीजकी उपाध्यक्ष दुर्गा थापाले धन्यवाद ज्ञापन गर्दै संस्थाको प्रतिवद्धता र समर्पण भावले यस्ता कार्यक्रमहरूलाई निरन्तरता दिइने विश्वास व्यक्त गर्नुभयो।
उक्त कार्यक्रममा एनसी एग्रि टेकका सञ्चालक दिपक प्रसाद न्यौपाने, ग्रीन भ्याली रिसोर्टका महाप्रबन्धक गणेश श्रेष्ठ, न्यूजलाईन्स मिडियाका प्रबन्ध निर्देशक राजु भट्ट, रातोपाटी डटकमका समाचार सम्पादक राजकुमार सिग्देल, डेरी एशोसिएसन बागमती प्रदेशका उपाध्यक्ष ध्रुव तिवारी, फोकस नेपालका अध्यक्ष रामचन्द्र पोखरेल, काठमाडौँ जेसीजका पदाधिकारी, इमाडोल जेसिसकी अध्यक्ष सिर्जना श्रेष्ठ, खाँडादेवी जेसिसकी अध्यक्ष सरिता श्रेष्ठ, विभिन्न नगरका प्रतिनिधिहरू लगायत विविध क्षेत्रका विशिष्ट व्यक्तित्वहरूको उपस्थिति रहेको थियो।
काठमाडौँ जेसीजका महासचिव नवराज भण्डारीले कार्यक्रममा उदघोषकको भूमिका निर्वाह गर्नु भएको थियो ।
काठमाडौं – सौन्दर्य क्षेत्रमा दुई दशकभन्दा बढी अनुभव बोकेकी वरिष्ठ ब्यूटी एक्सपर्ट चन्दा पुनले आफूले स्थापना गरेको ‘क्युटी केयर ब्यूटी हब एण्ड ट्रेनिङ सेन्टर’को नयाँ शाखा ५० लाख भन्दा माथिको लगानीमा काठमाडौंको बसन्तनगर, बलाजुमा सञ्चालनमा ल्याएकी छिन्। कार्यक्रमलाई विधिवत रूपले उद्घाटन आफ्ना गुरु रुसका श्रेष्ठ र राधा शर्मा गरिएको थियो साथै मिस पवि, झरना रिसाल, सुजल बम ,सविता रेग्मी , अनिता गिरी , सृष्टि घिमिरे को उपस्थिति थियो िकार्यक्रममा आफ्नो उत्कृष्ट विद्यार्थीहरूलाई सम्मान र अवार्ड पनि दिएको थियो। सौन्दर्यविधहरूको बाक्लो उपस्थितिमा कार्यक्रम सम्पन्न भएको थियो। सौन्दर्य विद चन्दापुन भन्छिन( हामीले सम्पूर्ण ग्राहक वर्गहरुलाई तीन महिनासम्म ५० प्रतिशत छुट दिएका छौं
गोंगबु, टोखा–९, माग्दीचोकमा अवस्थित केन्द्रको सफल यात्रापछि व्यवसाय विस्तारको क्रममा पुनले नयाँ शाखा स्थापना गरेकी हुन्। यस सौन्दर्य केन्द्रमा विभिन्न सौन्दर्य सेवासँगै, ब्यूटी सम्बन्धी पेशागत तालिम समेत प्रदान गरिन्छ।
चन्दा पुनले विगत २० वर्षदेखि सौन्दर्य क्षेत्रमा सक्रिय रही, लाखौं ग्राहकहरूलाई सेवा दिँदै आएका छन्। सिटीभिटी मान्यता प्राप्त क्युटी केयर ब्यूटी हब एण्ड ट्रेनिङ सेन्टर’ बाट उनले हजारौँको सङ्ख्यामा विद्यार्थीहरूलाई व्यवसायिक प्रशिक्षण दिई स्वावलम्बी बन्न प्रेरित गरेकी छन्।उनको अनुभव, सीप र समर्पणले ‘क्युटी केयर’लाई सौन्दर्य तथा तालिम केन्द्रको विश्वसनीय नामका रूपमा स्थापित गर्न सफल भएको छ। ग्राहकहरूको विश्वास, विद्यार्थीहरूको उत्साह, र सौन्दर्य सेवा तथा सीप विकासमा उनको योगदान प्रशंसनीय छ।
