काठमाडौँ, चैत ३० । साँगे सभ्यता संरक्षण तथा विकास अभियानको आयोजनामा नव वर्ष २०८२ को उपलक्ष्यमा चियापान तथा शुभकामना आदान–प्रदान कार्यक्रम काठमाडौँको वसुन्धरास्थित साउथ वेस्टर्न स्टेट कलेजको सभाहलमा सम्पन्न भएको छ।
कार्यक्रमको सभापतित्व गर्दै अभियानका संयोजक सुरेन्द्र वाग्लेले साँगेबासीबिच एकता, भाइचारा र सांस्कृतिक चेतना अभिवृद्धिका लागि कार्यक्रम आयोजना गरिएको जानकारी दिनुभयो। उहाँले अभियानप्रति निरन्तर साथ र सहयोग पुर्याउने सम्पूर्ण व्यक्तित्वप्रति आभार व्यक्त गर्दै यस्ता कार्यक्रमले भविष्यमा अभियानलाई अझ सशक्त ढङ्गले अघि बढ्न प्रेरणा दिने विश्वास व्यक्त गर्नुभयो।
अभियानका महासचिव सरोज ओझाले कार्यक्रमको सञ्चालन गर्दै अभियानको मूल उद्देश्य साँगे क्षेत्रको धार्मिक, सांस्कृतिक तथा भौगोलिक सम्पदाको संरक्षण गर्दै समावेशी र दीर्घकालीन विकासमा योगदान पुर्याउनु रहेको बताउनुहुँदै इतिहास र स्मृतिको संरक्षण, सांस्कृतिक पुनर्जागरण, स्थानीय सहभागिता, तथा शैक्षिक, सांस्कृतिक र पर्यटन विकास अभियानका चार आधार स्तम्भ रहेको उल्लेख गर्नुभयो।
कार्यक्रमका विशिष्ट अतिथिहरूमध्ये नेपाल सरकारका पूर्व सचिव पुरुषोत्तम ओझा, वरिष्ठ अधिवक्ता तथा न्याय परिषद्का पूर्व सदस्य उपेन्द्रकेशरी न्यौपाने, काठमाडौँ विश्वविद्यालय कानुन संकायका डिन तथा पूर्व न्यायाधीश डा. ऋषिकेश वाग्ले, कृषि विज्ञ दीपेन्द्रकेशरी न्यौपाने र सामाजिक एवं राजनीतिक व्यक्तित्व बाबुराम भण्डारीले सभालाई सम्बोधन गर्नुभएको थियो। त्यस्तै, अन्य अग्रज व्यक्तित्वहरू पशुपति न्यौपाने, जगत प्रकाश न्यौपाने, गोविन्द प्रसाद वाग्ले र प्रमोद न्यौपानेले पनि अतिथिको आसनबाट धारणा प्रस्तुत गर्नुहुँदै अभियानको सफलताको कामना गर्नुभएको थियो।
पूर्व सचिव ओझाले साँगे क्षेत्र आजभोलि सडक, खानेपानी, बिजुली, इन्टरनेट लगायतका आधारभूत सेवामा पहुँच बनाइसकेको उल्लेख गर्दै यहाँको बसोबास गुणस्तरीय बन्दै गएको बताउनुभयो। त्यस्तै, न्याय परिषद्का पूर्व सदस्य न्यौपानेले साँगे खोला आसपासको क्षेत्र कृषियोग्य भूमिको रूपमा उपयुक्त रहेकाले योजनाबद्ध ढङ्गले अघि बढेमा साँगेलाई कृषि उत्पादनको केन्द्र बनाउने सम्भावना रहेको बताउनुभयो।
त्यसैगरि डिन एवं पूर्व न्यायाधीश डा. वाग्ले र कृषि विज्ञ न्यौपानेले अभियानले सरोकारवालाहरूलाई समेट्दै सभ्यता संरक्षण र विकासमा खेलेको भूमिका साथै पुस्तक प्रकाशन कार्यमा भएको प्रगतिको प्रशंसा गर्नुभयो। यस्तै, ज्येष्ठ सदस्य भण्डारीले विगतको तुलनामा साँगे क्षेत्रको विकास उल्लेख्य रहेको बताउँदै नयाँ पुस्ताले पुराना पुस्ताले भोगेका कष्टहरूसँग जुध्न नपर्ने वातावरण निर्माण हुँदै गएको टिप्पणी गर्नुभयो।
कार्यक्रममा उपस्थित सम्पूर्ण महानुभावहरूले परिचयसहित नववर्ष २०८२ को शुभकामना आदान–प्रदान गर्नुका साथै आ–आफ्ना संक्षिप्त मन्तव्यहरू पनि व्यक्त गर्नुभएको थियो। क्ताहरूमन्तव्यका क्रममा उहाँहरुले यस्ता कार्यक्रमले सँगेलीहरूबिचको आपसी सम्बन्धलाई थप मजबुत बनाउने र एकतामा बल प्रदान गर्ने धारणा राख्नुभयो।
कार्यक्रममा अभियानकी कार्यसमिति सदस्य बालवती शर्मा (बाला) ले स्वागत मन्तव्य व्यक्त गर्नुभएको थियो भने विद्युत् व्यवसायी महासंघका पूर्व महासचिव एवं अभियानका कार्य समिति सदस्य हरिराज वाग्लेले अभियानको पृष्ठभूमिबारे प्रकाश पार्नुभयो। अन्य कार्य समिति सदस्यहरू—पूर्व एसएसपी हरिराज वाग्ले, वरिष्ठ इञ्जिनियर ठाकुर प्रसाद पण्डित र गंगाधर भट्टराईले अतिथि सत्कार तथा व्यवस्थापनको जिम्मेवारी सम्हाल्नुभएको थियो।
उक्त अवसरमा नेपाल डेरी एसोसिएसनको संयोजनमा बालाजु स्थित काभ्रे डेरीले मोही अभियान अन्तर्गत उपस्थित महानुभावहरूलाई मोही पान समेत गराएको थियो ।
संयोजनमा बालाजु स्थित काभ्रे डेरीले मोही अभियान अन्तर्गत उपस्थित महानुभावहरूलाई मोही पान समेत गराएको थियो ।
काठमाडौं, चैत्र २९ – युनाइटेड नेचर इन्टरनेशनल पिस नेपाल (युनिप नेपाल) ले नववर्ष २०८२ को अवसरमा शुभकामना आदानप्रदान कार्यक्रम आयोजना गरेको छ।
शुक्रबार, स्वयम्भूमा आयोजित उक्त कार्यक्रम युनिप नेपालका अध्यक्ष भिक्षु डा. राजु लामा (कोन्दन)को सभापतित्वमा सम्पन्न भएको हो।
सो अवसरमा अध्यक्ष डा. लामाले नववर्षले नयाँ उमङ्ग र प्रेरणा प्रदान गर्दै शान्ति, सद्भाव र सामाजिक सेवाका कार्यहरूमा अझ बढी उर्जावान भएर लाग्ने प्रेरणा प्रदान गरोस् भन्ने शुभेच्छा व्यक्त गर्नुभयो।
कार्यक्रममा युनिप नेपालका वरिष्ठ उपाध्यक्ष रविराज शाही लगायतका वक्ताहरूले समेत नववर्षको शुभकामना व्यक्त गर्दै संस्थाको आगामी सामाजिक र मानवीय कार्ययोजनाप्रति सकारात्मक अभिव्यक्ति प्रस्तुत गरेका गर्नुभएको थियो ।
युनिप नेपालले नियमित रूपमा शान्ति, मानवता र सामाजिक सद्भावका विविध कार्यक्रमहरू गर्दै आएको छ।
काठमाडौं - विन्ध्यवासिनी फाउन्डेसनको आयोजना तथा मुक्तिनाथ विकास बैंकको प्रस्तुतिमा बिहीबार साँझ राजधानीमा चमकदमकका साथ १५औं संस्करणको रमपम विन्ध्यवासिनी म्युजिक अवार्ड भव्यताका साथ सम्पन्न भएको छ।
जमलस्थित राष्ट्रिय नाचघरमा सम्पन्न विन्ध्यवासिनी म्युजिक अवाड समारोहमा जुन माया बोलको गीत सर्वोत्कृष्ट गीत घोषित भएको छ। अवार्ड समारोहमा राज सिग्देलले हृदयमा बोलको गीतबाट सर्वोत्कृष्ट गायक र उषा गजुरेलले मौसम आउलाबाट सर्वोत्कृष्ट गायिकाको अवार्ड चुमेका छन्। त्यसै गरी श्रीधर अधिकारीले छौ नि तिमी आहाबाट संगीतकार, बैकुण्ठ महत र बेनिशा पौडेलले पिरिम गाडीबाट युगल गायन तथा विनोद श्रेष्ठ र उषा सुवेदीले विदाई २ बाट मोडल जोडीको अवार्ड चुमे।
गीत संगीत र नृत्य प्रस्तुतिका साथ सम्पन्न समारोहमा अर्जुन सापकोटाले बस्यौ अलक्कैबाट लोकदोहोरी गायक, कविता खत्रीले नमस्ते ढोगदियाबाट लोकदोहोरी गायिका, खेम पुनले मर्ने सुई लाईदेउबाट लोकदोहोरी भाका, नारायण ज्ञवालीले कन्या राशीबाट लोकदोहोरी गीत रचना, निशान बानियाँले भाग्यमै रुन लेखेकोबाट लोकदोहोरी भिडियो निर्देशक तथा पल शाह र नारायणी खत्रीले काईलाबाट लोकदोहोरी मोडलको अवार्ड जिते।
१७ प्रतिस्पर्धात्मक अवार्ड प्रदान गरिएको समारोहमा विशाल घिमिरेले मेरी बाठी माया बोलको बाट आधुनिक गीत म्युजिक भिडियो निर्देशक, अमृत चापागाईले मायालीबाट भिडियो सम्पादक र पवन सुस्लिङले मायालाई पानको पातबाट छायाँकारको अवार्ड चुम्दा प्रेम सापकोटा सोनुले अरु त के भनु मायालुबाट गायनतर्पmको नवप्रतिभाको अवार्ड पाए। त्यस्तै जुना विश्वकर्माले माया आउने बसबाट पब्लिक च्वाईस अवार्ड र सोही गीतबाट अनिल पौडेलले पपूलर अवार्ड चुमे।
जूरी अवार्डतर्फ भने नेपालमा रेल कहिले आउलाबाट स्मृति तिमल्सिनाले निर्देशक, कुरा बुझिदेउ नबाट सञ्जय देवकोटाले गायक, हारेँ मैले मायामाबाट विक्रम बुढाथोकी र एलिना रायमाझीले अभिनय, तल्लो बाटोबाट खेम सेन्चुरीले संगीतकार र दुःख साटम्लाबाट सन्तोष सापकोटाले गीतको अवार्ड चुमे।
समारोहमा गीतकार राजेन्द्र थापालाई नगद एक लाख रुपियाँसहित बिन्ध्यबासीनि म्युजिक लाईफ टाईम अचिभमेन्ट अवार्ड २०८१ बाट सम्मानित गरिएको छ। त्यसै गरी गायिका संगीता शाक्यलाई ५० हजार रुपियाँसहित बिन्ध्यबासिनि संंगीत साधना सम्मानबाट सम्मानित गरिएको छ भने गायिका निशा देसारलाई २५ हजार रुपियाँसहित प्रेमध्वज संगीत रत्न सम्मानबाट सम्मानित गरिएको छ। समारोहमा पत्रकार शारदा थापालाई २५ हजार रुपियाँसहित बिन्ध्यबासिनि कला पत्रकारीता सम्मान र लोक गायक शिरिष देवकोटालाई २५ हजार रुपियाँसहित झलकमान लोक संगीत सम्मानबाट सम्मानित गरिएको छ। कार्यक्रममा गायक दुर्गेश थापालाई विशेष सम्मान गरिएको थियो। सो अवसरमा लाइफटाइम अचिभमेन्ट अवार्डबाट सम्मानित गीतकार राजेन्द्र थापाको सम्मानमा विभिन्न गायक गायिकाले उनीद्धारा रचित गीत प्रस्तुत गरेका थिए। गायक सुमन कुमारले पर लैजाउ फूलहरु, गायिका बिन्दु परियारले पोहोर साल खुशी फाट्दा तथा गायक डेबिट शंकर र गायिका विन्दु परियारले पहिलो नम्बरमा बोलको गीत प्रस्तुत गरेका थिए। त्यस्तै गायिका माण्डवी त्रिपाठीले संगीता शाक्य थापाको सम्मानमा मै गोरीलाई बोलको गीत गाएकी थिईन्।
लाखे नाचबाट शुरु भएको समारोहमा नायक पल शाह र गायक दुर्गेश थापा एउटै मञ्चमा प्रस्तुत भए। पल शाहले नारायणी खत्री र कोरस कलाकारका साथ आफ्ना चलेका गीतमा नृत्य प्रस्तुत गरे भने दुर्गेशले ग्लोबल ट्रेन्डिङमा परेको आफ्ना गीत दुश्मन हेरेको हे¥यैमा कोरसका कलाकारका साथ पर्फमेन्स गरे। गायक गायिका शिरिष देवकोटा र निशा देसारले गीत संगीत प्रस्तुत गरेका थिए भने रुबिना अधिकारी, रबिना भण्डारी, दीप गुरुङ र टिमलगायतले नृत्य प्रस्तुत गरेका थिए। कार्यक्रममा फाउण्डेशनकी अध्यक्ष लीना शर्मा रेग्मीले स्वागत मन्तव्य राख्दै आगामी वर्षबाट प्रतिस्पर्धाको विधा घटाई सबै विजयीलाई नगद पुरस्कारको ब्यबस्था गर्ने जानकारी गराइन्।
काठमाडौं- नेपाली संगीत क्षेत्रमा निरन्तर सक्रिय र दर्शक–श्रोतामाझ उत्तिकै प्रिय बनेकी गायिका सुजाता केसीको नयाँ गीत ‘मेरो बोली सुन्दा–२’ सार्वजनिक भएको छ। सुमधुर स्वर, भावुक प्रस्तुति र प्रेमिल भावना समेटिएको यो गीत अहिले श्रोता–दर्शकको मन जित्दै छ।
गीतले प्रेम, समर्पण र सम्बन्धको गहिरो संवेदनालाई अभिव्यक्त गर्छ। लोक तथा आधुनिक स्वादको संयोजनले गीतलाई अझ मीठो र सजीव बनाएको छ। यसका सशक्त शब्द रचना मुनाल शिशिरले गरेका हुन् भने संगीत संयोजन पुरुषोत्तम सुवेदीले गरेका छन्। संगीत निर्देशनमा नरहपर प्रेमीको योगदान रहेको छ।
भिडियोको निर्देशन मुनाल शिशिरले गरेका छन् । भने छायांकनमा सुजन श्रेष्ठको कलात्मक दृष्टिकोण स्पष्ट देखिन्छ। विष्णु खड्काले सम्पादन गरेको भिडियोमा शुधिर श्रेष्ठ, प्रियङ्का रेग्मी लगायतका कलाकारहरूको प्रभावशाली अभिनय रहेको छ।
गायिका सुजाता केसीले पछिल्ला केही वर्षमा नेपाली संगीत क्षेत्रमा आफ्नो छुट्टै पहिचान बनाइसकेकी छन्। उत्कृष्ट गायनशैली, बहुआयामिक प्रतिभा र गीतप्रतिको समर्पणले उनलाई लोकप्रिय गायिकाको रूपमा स्थापित गराएको छ। ‘मेरो बोली सुन्दा–२’ उनको संगीत यात्राको अर्को महत्वपूर्ण उपलब्धिका रूपमा हेरिएको छ।
उक्त गीतको म्युजिक भिडियो सुजाता केसीको आधिकारिक युट्युब च्यानलमार्फत सार्वजनिक गरिएको छ, जसले छोटो समयमै उल्लेख्य दर्शक संख्याको साथसाथै सकारात्मक प्रतिक्रियासमेत पाइरहेको छ।
काठमाडौं । साँगे सभ्यता संरक्षण तथा विकास अभियानले आगामी चैत्र ३० गते शनिवार चियापान तथा शुभकामना आदानप्रदान कार्यक्रम आयोजना गर्ने भएको छ । उक्त चियापान कार्यक्रम काठमाडौं, बसुन्धारा चौकी स्थित साउथ वेष्टर्न स्टेट कलेजको सभाहलमा हुन लागेको हो ।
साँगेबासी बिचमा एकता एवम् भाइचारा अभिबृद्धी र संस्कृतिको जगेर्ना गर्ने हेतुले चियापान तथा शुभकामना कार्यक्रम आयोजना गर्न लागिएको साँगे सभ्यता संरक्षण तथा विकास अभियानका संयोजक सुरेन्द्र वाग्लेले जानकारी दिनुभयो । साथै उहाँले दिउँसो ११स्३० बजेबाट कार्यक्रम सुरु हुने जानकारी दिनुभएको छ ।
त्यसैगरि अभियानका महासचिव सरोज ओझाले नयाँ वर्ष २०८२ को पूर्वसन्ध्यामा आयोजना गर्न लागिएको यस चियापान तथा शुभकामना आदान प्रदान कार्यक्रममा साँगे खोलाको शिर भाग क्षेत्रदेखि मादिको संगमस्थतसम्मको पानीढोलो क्षेत्र थाँतथलो भएका वा हाल बसोबास गर्ने सबैलाई स(परिवार उपस्थित हुन आव्हान गरिएको बताउनुभयो ।
काठमाडौं- विगत चार वर्षदेखि ‘कला संस्कृतिका सर्जकको सम्मान, हाम्रो एक अभियान’ भन्ने मूला नाराका साथ हुँदै आएको हिमालयन अन्तर्राष्ट्रिय अवार्डको पाँचौं संस्करण सम्पन्न भएको छ । विमोन्स एरा मिडिया ग्रुप नेपालको प्रस्तुति रहेको यो हिमालयन अन्तर्राष्ट्रिय अवार्ड-२०८१ थाइल्याण्डको बैंकक र नेपालको काठमाडौंमा गरी सम्पन्न भएको हो ।
थाइल्याण्डको बैंककमा विशेष समारोहबीच केही दिनअघि सम्पन्न भएको अवार्ड काठमाडौंमा पनि एक विशेष कार्यक्रमको आयोजनागरी शनिबार मैजारो गरिएको हो । थाइल्याण्डमा विभिन्न कारणवस नजानु भएका स्रष्टा सर्जकलाई आयोजकले काठमाडौंमा विशेष कार्यक्रमगरी सम्मान तथा अवार्ड अर्पण गरेको हो ।
बैंकको कार्यक्रममा गैरआवसीय नेपाली संघ (एनआरएनए) थाइल्याण्डका अध्यक्ष भविन्द्र बस्नेतको प्रमुख आतिथ्यता र थाइल्याण्डमा रहेर लामो समयदेखि व्यवसाय गर्दै आउनुभएका सामाजिक व्यक्तित्व सुनिल खड्काको विशेष आतिथ्यता तथा थाइल्यण्डमा रहेर विभिन्न क्षेत्रमा काम गर्दै आउनुभएका अन्य व्यक्तित्वको अतिथिमा कार्यक्रम भएको थियो भने नेपालमा पूर्वप्रहरी प्रमुख एवं सामाजिक अभियन्ता सर्वेन्द्र खनाल र अतिरिक्त महानिरीक्षक (एआईजी) टेकबहादुर तामाङको विशिष्ट अतिथ्यतामा अवार्ड समारोह सम्पन्न भएको थियो । समारोहमा वरिष्ठ सर्जक खड्ग गर्बुजालाई दीर्घसाधना सम्मान अर्पण गरिएको थियो । उहाँलाई नगद राशीसहित दीर्घसाधना सम्मान अर्पण गरिएको थियो । आठ सयभन्दा धेरै गीत गाउनुभएका गर्बुजाका धेरै गीत लोकप्रिय छन् । सो अवसरमा आफ्ना भनाइ राख्दै उहाँले गीत पनि गाउनुभएको थियो । सायद हिृवलचेयरमा चढेर देश विदेशका मञ्चमा माइक समाउन पुग्ने आफू नेपालको पहिलो गायक भएको बताउँदै उहाँले यो सम्मानले अझ बढी जिम्मेवारी थपेको बताउनुभयो । समारोहमा हिमालय टाइम्स दैनिकका सम्पादक सन्दीप पौ्यड्याल, म्युजिक खबरका सुमन वैरागी र रिना श्रेष्ठलाई पत्रकारिता सम्मान अर्पण गरिएको थियो भने गायिका शोभा पाण्डे, फेशन डिजाइनर विभूषित रिमाल र राजु भट्टराईलाई सम्मान अर्पण गरिएको थियो ।
बैंककमा निर्देशक केशव कोइरालाले ‘जुनको किरण’ पप गीतबाट सर्वोत्कृष्ट निर्देशकको अवार्ड प्राप्त गर्नुभएको थियो भने सिक्किका जीवन शर्माले ‘सुने मैले’ गीतबाट संगीतमा जुरी अवार्ड प्राप्त गर्नुभएको थियो । यस्तै, बैंककमा ‘माया गर्यौ’बाट राज लुइँटेलले नव मोडल लोक पपको पब्लिक च्वाइस अवार्ड प्राप्त गर्नुभएको थियो भने राजु शेर्माले आधुनिक गीत ‘कालो प्रकाश’ सर्वोत्कृष्ट मोडल र मुकेश गुरुङले ‘तिमी बिना’ पप मोडलबाट सर्वोत्कृष्ट नवमोडलको अवार्ड चुम्नु भएको थियो ।
यस्तै, भिडियो सम्पादनमा पुजन लामिछानेले ‘दशैँ आयो’ गीतबाट सर्वोत्कृष्ट सम्पादनको अवार्ड आफ्नो पोल्टामा पार्दा मञ्जु लावतीले ‘आम्बि’ (पालम) गीतबाट सर्वोत्कृष्ट भाषा भाषीको अवार्ड प्राप्त गर्नुभएको थियो । त्यसैगरी, मोडल पप आधुनिकमा नारायण विश्वकर्माले ‘आफ्नै स्वार्थ’बाट सर्वोत्कृट अवार्ड चुम्नु भएको थियो भने शिला गजुरेलले ‘चुपचाप’ गीतबाट सर्वोत्कृष्ट अवार्ड प्राप्त गर्नुभएको थियो । यस्तै, ईश्वरी बरालले ‘नैना रेशम’ गीतबाट सर्वोत्कृष्ट आधुनिक गायिकको अवार्ड चुम्दा पूजना काफ्लेले ‘चुपचाप’ गीतबाट जुरी अवार्ड र विराज बाँस्कोटाले ‘कालो प्रकाश’बाट आधुनिक गीत पुरुष मोडलको अवार्ड प्राप्त गर्नुभएको थियो ।
यता, नेपालमा भएको समारोहमा गायक चेतन राईले पप गीत ‘घुम्दै जादा’, टेक विसीले ‘नजरमा नजर’ पप मोडन, सूर्य कश्यपले ‘हाँसो खुशी’ आधुनिक गीतसंगीत, रिदम कँडेलले ‘तिम्रो याद’ संगीत संयोजन, माधव भण्डारीले ‘यस्तै रित हो’ लोक तथा दोहोरी गायक र हरिभक्त बुढाथोकीले आधुनिक गीत ‘नजरमा नजर’बाट सर्वोत्कृष्ट गीतकारको अवार्ड प्राप्त गर्नुभएको थियो । यसैगरी, नारायण भारतीले ‘झुटो बोल्दैन’ गीतबाट पप मोडन गीतकारको सर्वोत्कृष्ट अवार्ड, भीम बिसीले ‘रिती जाने वैस’ गीतबाट पप मोडन संगीतको सर्वोत्कृष्ट अवार्ड, आरके विवशले ‘विदेशी संस्कार’ गीतबाट नवगायकको सर्वोत्कृष्ट अवार्ड र कृष्ण वमले ‘साइला दाई’ गीतबाट सर्वोत्कृष्ट लोक पप नव मोडलको प्राप्त गर्नुभएको थियो ।
नेपालमा भएको समारोहमा प्रमुख अतिथि, विशिष्ट अतिथि र महाकाव्यकार खेमनाथ दाहाल, गीतकार संघका अध्यक्ष वसन्त वित्यासी थापा, अन्तर्राष्ट्रिय नेपाली साहित्य समाजका अध्यक्ष राधेश्याम लेकाली, विशिष्ट कलाकार लय संग्रौला, वरिष्ठ गायिका देवीका वन्दना, मञ्जु थापा वरिष्ठ गायक सीताराम पोख्रेल, गीतकार तथा पत्रकार शान्तिप्रिय, जिनियश म्युजिकका अध्यक्ष रमेश पाठक, निर्देशक÷कलाकार कृष्ण रसाललगायतले अवार्ड प्रदान गर्नुभएको थियो । कार्यक्रममा प्रमुख अतिथि, विशिष्ट अतिथिलगायतलाई मायाको चिनो प्रदान गरिएको थियो ।
थाइल्यण्डमा भएको कार्यक्रमको सहजीकरण मिलापका सम्पादक कृष्ण भुसालले गर्नुभएको थियो भने नेपालमा भएको कार्यक्रमको निर्देशक माधव खरेलले सहजीकरण गर्नुभएको थियो ।
विदेशी भूमि र मातृभूमिमा कला संस्कृतिका सर्जकको सम्मान गर्ने उद्देश्यले कार्यक्रम आयोजना गरेको बताउँदै अवार्ड संयोजक गीता अधिकारीले नेपाली कला संस्कृतिलाई नेपालबाहिर परिचत गराउनु र कला संगीतका सर्जकलाई उहाँहरूको सिर्जनाको सम्मान गर्ने उद्देश्यले कार्यक्रम गरिरहेको बताउनुभयो । आउँदा दिनमा यसलाई निरन्तरता दिने संयोजक अधिकारीले प्रतिवद्धता व्यक्त गर्नुभयो ।
मिलापका सम्पादक कृष्ण भुसालले स्वागत मन्तव्य राख्नुभएको समारोहमा प्रमुख अतिथि, विशेष अतिथि र अन्य अतिथिहरूले गीतसंगीतका सर्जकको सम्मानका लागि हिमालयन अन्तर्राष्ट्रिय अवार्डले गरेका कार्यको सहराना गर्नुभएको थियो । समारोहमा गीतसंगीत, साहित्यका साथै समाजका प्रभुत्व वर्गको विशेष उपस्थिति रहेको थियो ।
जिनियस अन्तर्राष्ट्रिय उत्कृष्ट सम्मान
बैंककमा हिमालयन अन्तर्राष्ट्रिय अवार्ड-२०८१ सँगै समाजका विभिन्न क्षेत्रमा उत्कृष्ट योगदान पु¥याएका व्यक्तित्वलाई ‘जिनियस अन्तर्राष्ट्रिय उत्कृष्ट सम्मान’समेत अर्पण गरिएको थियो । विगत १६ वर्षदेखि गीतसंगीतको क्षेत्रमा काम गर्दै आएको जिनियस डिजिटल म्युजिक प्रा.लि.ले सो सम्मान अर्पण गरेको थियो । नेपाली राष्ट्रिय गानबाट सुरु गरिएको सो समारोहमा ईशान श्रेष्ठले मञ्जुश्री नृत्य प्रस्तुत गर्नुभएको थियो भने नृत्य निर्देशक/कोरियोग्राफर कृष्ण रसाल, केशव कोइराला, मोडल तथा कलाकार शिला गजुरेल, जोशिफा गुरुङ रसाल, पुजन काफ्लेलगायतले विभिन्न प्रस्तुति दिएका दिनुभएको थियो ।
समारोहमा सिक्किममा रहेर नेपाली गीतसंगीत, भाषा, साहित्य, कला र संस्कृतिको संरक्षण सम्बद्र्धनमा अतुलनीय योगदान पुर्याएकोमा जीवन शर्मालाई सम्मान अर्पण गरिएको थियो भने हिमालय टाइम्स दैनिकका उपसम्पादक एवं मिलाप मासिकका सम्पादक कृष्ण भुसाललाई ‘पत्रकारिता रजत सम्मान’ले विभूषित गरिएको थियो । यस्तै, मेरो डान्स युनिर्भसकी विजेता थाइल्याण्ड निवासी खुशी कार्कीलाई सम्मान अर्पण गरिएको थियो ।
समारोहमा नेपाल पत्रकार महासंघ काठमाडौं शाखा अध्यक्ष शोभा अर्याल, नृत्य निर्देशक/मोडल कृष्ण रसाल, मिलाप फाउण्डेशन अध्यक्ष गीता अधिकारी, पत्रकार÷निर्देशक राज लुइँटेल, इभेन्ट म्यानेजमेन्ट डाइरेक्टर लवबहादुर कार्की, पत्रकार एवं बडिमालिका फाउण्डेशन नेपालका अध्यक्ष प्रकाशबहादुर सिंह, कोरियोग्राफर ईशान श्रेष्ठ, कोरियोग्राफर कृष्ण राना, गायक÷संगीतकार रामबावु राउत पटेल, इभेन्ट डाइरेक्टर डेभिल सिंह राजपुत, फेयर एक्स्प्रेस मिडियाका अध्यक्ष विपिन पोख्रेल, सामाजिक अभियन्ता वरुणकुमार माझी, ढुवानी व्यवसायी महासंघका सचिव एवं समाजसेवी धर्मराज पोख्रेललाई सम्मान अर्पण गरिएको थियो ।
कार्यक्रममा प्रमुख अतिथि भविन्द्र खड्का, सिक्किमका जीवन शर्मा, पत्रकार कृष्ण भुसाललगायतले थाइल्याण्डको बैंककमा भव्य कार्यक्रमको आयोजना गरेकोमा आयोजकलाई बधाई दिँदै विश्वमा जहाँ रहे पनि नेपाली भाषा, साहित्य, कला, संस्कृतिका साथै नेपाली गीतसंगीतको संरक्षण एवं सम्बद्र्धनमा जुटनुपर्ने भनाइ राख्नुभएको थियो ।
‘मिलाप अन्तर्क्रिया, सम्मान एवं सांगीतिक साँझ’
बैंकको कार्यक्रमपछि यो टोलीले सिंगापुर हुँदै मलेसियामा पुगेर सांगीतिक साँझ गरेको थियो । मलेसियामा ‘मिलाप अन्तर्क्रिया, सम्मान एवं सांगीतिक साँझ’ भएको हो । मलेसियाको होटल ग्राण्ड कन्टिनेन्टलमा एक भव्य सामारोहबीच नेपाली राजदूतावास मलेसियाका प्रथम सचिव बलिराम धामीको प्रमुख अतिथ्यतामा ‘मिलाप अन्तरक्रिया, सम्मान एवं सांगीतिक साँझ’ सम्पन्न भएको थियोे । कार्यक्रममा सचिव धामीले मिलापले विदेशमा आएर भाषा, साहित्य, कला, संस्कृतिका विषयमा गरेको कार्यक्रमको प्रशंसा गर्दै यस्ता कार्यक्रमले हाम्रो संस्कार एवं संस्कृतिको जर्गेना र उत्थान गर्न सहयोग पुग्ने बताउनुभयो ।
मिलापका अध्यक्ष एवं सम्पादक कृष्ण भुसालको सहजीकरणमा सम्पन्न भएको सो कार्यक्रममा एनआरएनए आईसिसीका उपाध्यक्ष खगेन्द्र न्यौपाने, पर्यटनदूत मलेसिया नेत्र केसी, एनआरएनए मलेसियाका अध्यक्ष विनोद थापा, एनआरएनए मलेसियाका पूर्वअध्यक्ष महेन्द्रजंग शाह, नेपाली जनसम्पर्क समिति मलेसियाका अध्यक्ष चोलाकान्त पंगेनी, प्रवासी नेपाली मञ्च मलेसियाका अध्यक्ष दयाराम कुमाल, एनआरएनए मलेसियाका कोषाध्यक्ष बलध्वज लिम्बू, नेपाल वैदेशिक रोजगार व्यवसायी संघ मलेसियाका अध्यक्ष कमल गौतम, प्रवासी नेपाली मञ्च मलेसियाका पूर्वअध्यक्ष शेर गुरुङ, एनआरएनए आईसिसी सदस्य टेकबहादुर टमटा, व्यवसायी तथा समाजसेवी नरेन्द्र राउत, एशिया प्याशिफिक कन्सल्टेन्ट तथा ग्रुप मेनेजर ग्राण्ड होटल इन्टरनेशनल मलेसियाका श्याम कार्की, व्यवसायी तथा समाजसेवी, अभियन्ता एनआरएनए कुवेतका राजेन्द्र सिंह भण्डारी, सनरेड एडभान्सका सिइओ विनोदकुमार यादव, कृष्णकुमारी निरौला(कविता) सञ्चालक, नेपाल हाउस मलेसियालगायतको आतिथ्यता रहेको थियो ।
यस्तै, कार्यक्रममा व्यवसायी डिकबहादुर राई, मलायखवरका एन चौधरी, बारा दैनिकका सम्पादक कृष्ण गुप्ता, सुदूरपश्चिम सेवा समाज मलेसियाका अध्यक्ष दिनेश खड्कालगायतको आतिथ्यता थियो । कार्यक्रममा अतिथिहरूलाई सम्मान एवं मायाको चिनो प्रदान गरिएको थियो । उनीहरूलाई कार्यक्रम सभापति अधिकारी जनसावलका बगाले र राजदूतावासका प्रथम सचिव धामीले सम्मान पत्र अर्पण गर्नुभएको थियो । कार्यक्रममा गायक मञ्जु लावती, कृष्ण रसाल, केशव कोइराला, उर्मिला खत्री (रिया) रामबाबु पटेल, रमेश पाठक, शिला गजुरेल, विराट बाँस्कोटा, राजु शेर्मा, मुकेस गुरुङ, जोसिफा गुरुङ, ईसान श्रेष्ठलगायतले बेजोड प्रस्तुति दिनुभएको थियो ।
काठमाडौं-नेपाल चलचित्र निर्देशक समाजले आफ्नो स्थापनाको २५ वर्ष पूरा गरेको अवसरमा एक भव्य समारोहको आयोजना गरी रजत जयन्ती मनाएको छ । चलचित्र विकास बोर्ड परिसरमा सम्पन्न उक्त कार्यक्रमका प्रमुख अतिथि वन तथा वातावरणमन्त्री ऐनबहादुर शाही ठकुरी रहनुभएको थियो ।
कार्यक्रममा चलचित्रकर्मीहरूको उल्लेख्य उपस्थिति थियो । चलचित्र विकास बोर्डका अध्यक्ष दिनेश डीसी विशेष अतिथिका रूपमा सहभागी रहनुभएको समारोहको अध्यक्षता समाजका अध्यक्ष जनकदीप पराजुलीले गर्नुभएको थियो ।
समारोहमा वरिष्ठ चलचित्रकर्मी निर शाहलाई नगदसहित ‘रजत जयन्ती दीर्घ साधना सम्मान-२०८१’ अर्पण गरिएको थियो भने शम्भु प्रधानलाई ‘रजत जयन्ती हिरा सिंह स्मृति सम्मान-२०८१’, निर्देशक श्याम राई, डा. सुबोधकुमार पोखरेल र रक्षा सिंह राणालाई ‘रजत जयन्ती स्रष्टा सर्जक सम्मान-२०८१’ बाट सम्मानित गरिएको थियो ।
‘डाइरेक्टर अफ दी इयर-२०८०’ को व्यावसायिक विधामा चलचित्र ‘जारी’का निर्देशक उपेन्द्र सुब्बाले अवार्ड प्राप्त गर्नुभएको थियो भने कलात्मक (क्रिटिक्स) विधामा चलचित्र ‘द रेड सुडकेस’ का निर्देशक फिडेल देवकोटा सम्मानित हुनुभएको थियो ।
सो अवसरमा निर्देशक समाजको प्रोफाइल भिडियो, निर शाहको जीवनीमाथि आधारित दृश्य सामग्री, सम्मानित स्रष्टाहरूका वृत्तचित्र, साङ्गीतिक नृत्य प्रस्तुति तथा रजत जयन्ती स्मारिका विमोचन गरिएको थियो ।
OPINION
नेपालको मौलिक खानाको विविधता, सांस्कृतिक धरोहर, र परम्परागत स्वादलाई विश्वसामु चिनाउने उद्देश्यले आउँदो वैशाख ६ गते काठमाडौंको भृकुटीमण्डप स्थित प्रदर्शनी मार्गमा पहिलो अन्तर्राष्ट्रिय नेपाली फुड फेस्टिभल आयोजना हुन गइरहेको छ. नेपाल तथा विदेशमा कार्यरत नेपाली सेफहरूको समन्वयमा नेपाली सेफ सोसाइटी र अन्तर्राष्ट्रिय नेपाली सेफ सोसाइटीको संयुक्त पहलमा हुन लागेको यस ऐतिहासिक फेस्टिभलका विविध पक्षबारे अन्तर्राष्ट्रिय नेपाली सेफ सोसाइटी नेपालका महासचिव श्री गिरिराज भट्टसँग गरिएको विशेष संवाद:
यहाँहरुले संस्थागत रुपमा नेपालमै पहिलो पटक अन्तर्राष्ट्रिय नेपाली फुड फेस्टिभल गर्दै हुनुहुन्छ। यसको मूल भावना र उद्देश्य के हो ?
यस फेस्टिभलको मूल उद्देश्य नेपाली खानाको मौलिकता जोगाउँदै यसको अन्तर्राष्ट्रियकरण गर्नु हो। विश्वभर रहेका नेपाली सेफहरूलाई एकै थलोमा ल्याएर अनुभव, सीप, र प्रविधिको आदानप्रदान गराउँदै नेपाली खानालाई ग्लोबल ब्राण्डका रूपमा स्थापित गर्नु नै हाम्रो प्रमुख लक्ष्य हो। साथै, हामी पाककला पर्यटनको प्रवर्द्धनमार्फत नेपालको आर्थिक र सांस्कृतिक पहिचानलाई सशक्त बनाउने प्रयासमा छौं।
फेस्टिभलमा सहभागी हुने सेफहरूको पृष्ठभूमि कस्तो छ र कति देशका सेफहरूले सहभागिता जनाउँदैछन् ?
अहिलेसम्मको तयारीअनुसार करिब ३६ देशका नेपाली सेफहरू सहभागी हुनेछन्। सेफहरू जापान, अमेरिका, अस्ट्रेलिया, बेलायत, कोरिया, मलेसिया लगायतका मुलुकहरूबाट आउने क्रम सुरु भएको छ। प्रवासी नेपाली सेफहरुको आगमनले हामीलाई उत्साहित बनाएको छ । फुड फेस्टिभलको मंचमा सेफसहित संबन्धित व्यक्तिहरूले आफ्ना अनुभव साट्ने, अन्तर्राष्ट्रिय भान्सामा नेपाली खानाको प्रयोगबारे चर्चा गर्ने र विभिन्न नयाँ परिकारहरू प्रदर्शन गर्नेछन्। उनीहरूको योगदानले नेपाली खानालाई विश्व बजारमा लोकप्रिय बनाउनका लागि मार्गप्रशस्त गर्नेछ।
अहिले नेपाली खानालाई अन्तर्राष्ट्रिय स्तरमा पुर्याउन कस्ता चुनौतीहरू छन् ?
नेपाली खानाको सही ब्रान्डिङ र बजार व्यवस्थापनमा अहिले पनि ठूलो अभाव छ। हामीसँग स्वादमा गहिरो परम्परा छ, तर आधुनिक प्रविधिसँग मेल खाने शैली र प्रस्तुतीकरणमा अझै सुधारको खाँचो छ। अन्तर्राष्ट्रिय बजारमा प्रतिस्पर्धा गर्न नेपाली खानालाई व्यावसायिक रूपमा प्रस्तुत गर्न आवश्यक छ। साथै, खाद्य सामग्रीको गुणस्तर, निर्यात नीतिमा सुधार, र अन्तर्राष्ट्रिय प्रमाणीकरण प्राप्त गर्ने प्रक्रियामा पनि चुनौती छन्।
फेस्टिभलमा सहभागीहरूका लागि विशेष आकर्षणहरू के रहनेछन् ?
फेस्टिभलमा करिब ४० स्टलहरू रहनेछन् जहाँ परम्परागत रैथाने परिकारदेखि आधुनिक नेपाली परिकारहरूको प्रदर्शनी हुनेछ। ‘नेपाली सेफ अवार्ड’ वितरण, विशिष्ट सम्मान, सांस्कृतिक झाँकी प्रदर्शन, इन्टरकलेज फुड कम्पिटिसन , अन्तर्राष्ट्रिय सेफ सम्मेलन लगायतका गतिविधिहरूले कार्यक्रममा विविधता ल्याउनेछन्। यी सबै आकर्षणले यस फेस्टिभललाई सम्पूर्ण पाककला उत्सव बनाउनेछ।
इन्टरकलेज फुड कम्पिटिसनबारे पनि केही जानकारी गराईदिनुस न ?
फेस्टिभल अन्तर्गत आगामी ४ वैशाख २०८२ मा ‘एकेडेमी अफ कलिनरी आर्ट्स’, लगनखेलमा इन्टरकलेज कुकिंग कम्पिटिसन आयोजना हुनेछ। यो प्रतियोगिता युवा सेफहरूका लागि ठूलो प्लेटफर्म हुनेछ। यसका लागि कलेजहरुलाई सहभागी हुन आव्हान गरिसकिएको छ । आवेदन दिने क्रम जारी छ । हामी विजेता टोलीलाई इनाम स्वरुप प्रथम पुरस्कार रू। १ लाख, दोस्रोलाई रू। ७५ हजार र तेस्रोलाई रू। ५० हजार नगद, मेडल, ट्रफी, र प्रमाणपत्र प्रदान गर्नेछौं। यसले युवा प्रतिभालाई प्रोत्साहन गर्नेछ।
अन्तर्राष्ट्रिय नेपाली सेफ सोसाइटीले पर्यटन प्रवर्द्धनमा कस्तो भूमिका खेल्न सक्छ ?
खाना केवल पेट भर्ने कुरा होइन, यो अनुभव हो। नेपालमा आउने पर्यटकहरू नेपाली खानाको स्वाद लिएर जान चाहन्छन्। हामी नेपाली खानालाई फुड टुरिजमको रूपमा प्रवर्द्धन गर्दै नेपाललाई ग्लोबल नेप्लिज फुड आइन्ड टुरिजम को रूपमा ब्राण्डिङ गर्दैछौं। सेफ सोसाइटीमार्फत हामी अन्तर्राष्ट्रिय रेस्ट्रोरेन्टमा नेपाली परिकार समावेश गराउने, नेपाली स्वादको प्रामाणिकता कायम राख्ने, र अन्तर्राष्ट्रिय पाक सम्मेलनहरूमा सहभागिता जनाउने योजनामा छौं।
केन्द्रीय अधिवेशनको तयारी कसरी हुँदैछरु कस्ता रणनीतिक निर्णयहरू अपेक्षित छन् ?
फेस्टिभलसँगै पहिलो केन्द्रीय अधिवेशन पनि आयोजना हुँदैछ। यस अधिवेशनमा नयाँ कार्यसमिति चयन हुनेछ र आगामी वर्षको नीति तथा कार्यक्रमहरू तय गरिनेछन्। विशेष गरी सेफहरूको हकहित सुनिश्चित गर्ने, प्रशिक्षण कार्यक्रमहरू सञ्चालन गर्ने, नेपाली खानाको स्तर उन्नति गर्ने, र अन्तर्राष्ट्रिय नेटवर्क विस्तारका योजना बनाइनेछ।
अन्त्यमा, नेपाली सेफहरूलाई तपाईंको सन्देश के छ ?
नेपाली खानाको अन्तर्राष्ट्रिय प्रवर्द्धन एक साझा प्रयास हो। हामी सबै सेफहरूले आफ्नो सीप क्षेमता रचनात्मकता, र बौद्धिकता प्रयोग गरेर यो अभियानलाई सफल बनाउनुपर्छ। नेपाली स्वादलाई विश्वभर पुर्याउन अब हामी पछि हट्ने होइन, सँगै एकीकृत भई अझ अघि बढ्ने बेला हो। म सबै अभियन्ता सेफहरूलाई यो अभियानमा सक्रिय सहभागिता जनाउन हार्दिक आह्वान गर्न चाहन्छु।
काठमाण्डौ - नव वर्ष २०८२ को आगमनको अवसरमा माननीय पशुपति शम्सेर जबरा द्वारा संचारकर्मीहरूसँग विशेष शुभकामना आदान प्रदान गरेका छन् । यस कार्यक्रमलाई एसएस फाउन्डेशनले आयोजना गरेको थियो, जसमा कला, संस्कृति, समाजसेवा, संचार क्षेत्रका प्रतिष्ठित व्यक्तित्वहरूको उपस्थिति रहेको थियो।
कार्यक्रममा एसएस फाउन्डेशनका अध्यक्ष तथा वरिष्ठ समाजसेवी एवं गीतकार सोभित उप्रेती, वरिष्ठ संगीतकार माधवराज खरेल, साथै विभिन्न संचारकर्मीहरू कलाकारहरुको सक्रिय सहभागिता रह्यो।
शुभकामना व्यक्त गर्दै माननीय जबराले भने, “नेपालको राजनीति, समाज र संस्कृतिले सधैं परस्पर सद्भाव, शान्ति र समृद्धिलाई अंगालेको छ। हामीले हाम्रो मौलिक पहिचान जोगाउनु पर्छ, हाम्रो भाषा, कला र संस्कृतिलाई प्रवर्द्धन गर्नुपर्छ। संचारमाध्यमहरू यस्ता अभियानमा सशक्त भूमिका खेल्न सक्छन्।” गत चैत्र १५ गतेको आन्दोलनमा राप्रपाको आयोजना नभएको तर समर्थन रहेको भन्दै त्यस आन्दोलनमा पक्राउ परेका पार्टीका नेताहरु रविन्द्र मिश्र धवल शमशेर राणा को निःशर्त रिहाईको माग गरेका छन् ।
उहाँले थप्दै भन्नुभयो, “नव वर्ष २०८२ हामी सबै नेपालीका लागि अवसरको वर्ष बन्न सकोस्। आर्थिक समृद्धि, स्थायित्व र सामाजिक सद्भावलाई आत्मसात गर्दै हामी सबैले एकताबद्ध भएर अघि बढ्नुपर्छ।” नेपालको पछिल्लो ठूला भनिएका राजनीतिक दलका गतिविधि राम्रो नभएको भन्दै नेपाली जनताको हित केन्द्रित हुन नसक्नुमा दुर्भाग्य भएको बताउनु भयो ।
गीतकार सोभित उप्रेतीले नेपाली गीत(संगीतको संरक्षण, प्रवर्द्धन र नविन पुस्तामा यसको प्रभावबारे धारणा राख्नुभयो। उनले नयाँ वर्षको शुभकामना दिँदै युवा वर्गको भावना समेट्ने गरी काम गर्नु पर्ने धारणा राखेका छन् ।
नव वर्ष २०८२ को सन्दर्भमा शुभकामना आदान प्रदान गर्दै माननीय जबराले भन्नुभयो, “यो वर्ष सबै नेपालीका लागि शान्ति, समृद्धि र स्थायित्वको वर्ष बनोस्। हामीले एकआपसमा सहकार्य गर्दै देश विकासको यात्रालाई तीव्र पार्नुपर्छ।”
कार्यक्रममा उपस्थित सबै अतिथिहरूले नव वर्ष २०८२ को सफलताको कामना गर्दै राष्ट्रिय एकता, सामाजिक सद्भाव, आर्थिक समृद्धि र नेपाली संस्कृतिको संरक्षणलाई प्राथमिकता दिनुपर्ने भन्दै वर्तमान देशले ब्यहोरेको संकटको बारेमा समेत दुःख व्यक्त गर्दै भावी दिनमा कसरी यस अवस्था बाट माथि उठ्न सकिन्छ भन्ने कुरालाई सरकारले न्यायिक छानबिन गर्नु पर्ने बताएका थिए ।
पूर्व अध्यक्ष रविना थापाको संयोजकत्वमा १०० सदस्यीय एनआरएनए केन्द्रिय विधान समिति गठन गरिएको छ। गैर आवासीय नेपाली संघ (एनआरएनए) अन्तर्राष्ट्रिय समन्वय परिषद्को एकता महाधिवेशन सम्पन्न गर्न सर्वोच्च अदालतको परमादेशबाट गठित उच्चस्तरीय मूल समितिको निर्णयअनुसार विभिन्न मूल उपसमितिहरू गठन गरिएका छन्। यही क्रममा, आगामी २०२५ मे ३ देखि ५ तारिखसम्म काठमाडौंमा आयोजना हुन गइरहेको एकता महाधिवेशनलाई भव्यताका साथ सम्पन्न गर्ने उद्देश्यले केन्द्रिय विधान समितिलाई पूर्णता दिइएको हो।
समितिले विधान संशोधन तथा निर्माणसम्बन्धी कार्यहरू गर्ने जिम्मेवारी पाएको छ। समितिको संयोजकको रूपमा रविना थापा (यूएसए) चयन भएकी छिन् भने सदस्य सचिवहरूमा कृष्ण (जगन्नाथ) गिरी (अष्ट्रेलिया) र गंगाधर गौतम (बेल्जियम) रहेका छन्। १०० सदस्यीय यस समितिमा विश्वभर रहेका गैर आवासीय नेपाली प्रतिनिधित्व गरेका छन्।
समितिको संयोजक रविना थापाले आफूलाई प्रदान गरिएको जिम्मेवारीलाई इमान्दारीपूर्वक निर्वाह गर्दै सम्पूर्ण गैर आवासीय नेपालीहरूको साझा हितका लागि क्रियाशील रहने प्रतिबद्धता व्यक्त गरिन्। उनले एनआरएनएको संस्थागत संरचनालाई बलियो बनाउन समन्वय र सहकार्यलाई प्राथमिकतामा राखेर अघि बढ्ने उल्लेख गर्दै भनिन्, "म यो भूमिकालाई गम्भीरतापूर्वक लिन्छु र विश्वभरका गैर आवासीय नेपालीहरूलाई एकताबद्ध गर्दै एनआरएनएको विधानलाई सुदृढ बनाउन काम गर्नेछु।"
थापा हाल एनआरएनएको एकता महाधिवेशनका लागि शेष घलेको संयोजकत्वमा गठित उच्चस्तरीय समितिको सदस्य सचिवको भूमिकामा पनि रहेकी छन्। उनको नेतृत्वमा गठित केन्द्रिय विधान समितिले प्रभावकारी रूपमा कार्य गर्दै एकता महाधिवेशनलाई ऐतिहासिक बनाउने विश्वास गरिएको छ।
केन्द्रिय बिधान समितिमा रहनुभएको सदस्य सचिब, सदस्यहरुको नामावली
नामावलीः
१, रविना थापा (यूएसए) - संयोजक
२, कृष्ण (जगनाथ) गिरी (अष्ट्रेलिया) - सदस्य सचिब
३, गंगाधर गौतम (बेल्जियम) - सदस्य सचिब
४, महेश श्रेष्ठ (जापान)- सदस्य सचिब
५, एक राज गिरी (स्पेन)
6 दिपक गौतम (क्यानेडा)
७, दिपक गिरी
८ प्रमोद सिटौला
९, राजकुमार अधिकारी (अष्ट्रेलिया)
१०, पुष्प थापा
११, राजेन्द्र कुमार शर्मा (कतार)
१२, अरुण अधिकारी
१३, योगेन्द्र क्षत्री (यूके)
१४, संगिता कुंवर
१५, भुवनी प्रसाद तिमलसिना (यूएई)
१६, रमेश छत्कुली (अष्ट्रेलिया)
१७, दिलिप कुमार पोखरेल (अष्ट्रेलिया)
१८, वोकिल के. सी
१९, प्रतिक पाण्डे
२०, दिपक के.सी
२१, बादल भुजेल
२२, अन्नत सुवेदी
२३, महेश मल्ल
२४, मीन पुर्जा
२५, विशाल के.सी
२६, दिलु भण्डारी
२७, महेन्द्र बानिया
२८, विक्रम कार्की (कतार)
२९, विष्णु कुमारी बानिया
३० घनश्याम सापकोटा (न्युजील्याण)
३१, रमेश पौडेल (कतार)
३२, थलबिर ओली (सीए)
३३, दिनेश तिवारी
३४, नरेन्द्र भाट (कतार)
३५, केशव शर्मा, (यूएसए)
३६, नानुकाजी अर्याल (दुबई)
३७, खगेन्द्र अधिकारी
३८, प्रेम कुमार श्रेष्ठ
३९, विनय अधिकारी (यूके)
४०, केशव पौडेल
४१, उमा कार्की थापा
४२, सुन्दर गुरुङ्ग
४३, गोबिन्द श्रेष्ठ
४४, अमित कटेल
४५, गणेश के.सी (अष्ट्रेलिया)
४६, विश्व आर्दश पण्डीत
४७, गोपाल विश्वकर्मा
४८, कृष्ण चुडारा
४९, पारसमणी श्रेष्ठ
५०, लोक बहादुर बानिया
५१, कमल बास्तोला
५२, सन्तोष तिमलसीना ( कतार )
५३, रामचन्द्र अधिकारी (यूएसए)
५४, दिपक थापा
५५, सिता बराल
५६, मुक्षेत्र गुरुङ्ग
५७, प्रेवश के.सी
५८, सुमन थापा
५९, केदार कुवँर
६०, दिनेश शर्मा
६१, कल्पना रानाभाट
६२, प्रकाश अर्याल
६३, पशुपती पाण्डे
६४, भक्त थापा
६५, धनन्जय नरसिहं के.सी
६६, चित्र के.सी
६७, शान्ती अधिकारी (मकाउ )
६८ शीव प्रसाद पौडेल
६९, नारायण गुरुङ्ग
७०, सुस्मीता खड्का सीजापती
७१, कीरण राना
७२, वर्षा खड्का
७३, सन्तोष अधिकारी (बहराईन)
७४, भगवान मैनाली
७५, विकास श्रेष्ठ
७६, विनोद कुवँर
७७, विष्णु पराजुली
७८,चिन्तामणी सापकोटा
७९, डोलनाथ घिमिरे
८०, गोबिन्द ढकाल
८१, ज्ञानेन्द्र कार्की
८२, जघ बहादुर बस्नेत
८३, किशोर रेग्मी
८४, लक्ष्मण खनाल
८५, मिन पाण्डे
८६, पुर्ण हमाल
८७, राजन त्रिपाठी (यूएसए)
८८, राजु क्षेत्री
८९, विवेक न्यौपाने
९०, रमेश बास्तोला
९१, सिजन दाहाल
९२, ठाकुर प्रसाद ढुङगाना
९३, ऐकेन्द्र बहादुर थापा क्षेत्री
९४, सिव गुरुङ्ग (यूएसए)
९५, केमिका भण्डारी (यूएसए)
९६, शरद श्रेष्ठ (अर्फीका)
९७, प्रेम सापकोटा (अष्ट्रेलिया)
९८, बुद्धि सागर घिमिरे ( न्यूजिलेण्ड )
९९, देवकी केसी (क्यानेडा)
१००, रेणु सुवेदि (यूएसए)
