काठमाण्डौ - तेश्रो संस्करणको क्वालिटी इन्टरटेनमेन्ट अवार्ड २०२३ मलेशिया पछि बाँकी अवार्ड २०० पौष १३ शुक्रबार नाचघरमा सम्पन्न गरिएको छ । क्वालिटी फिल्मस् प्रा.लि.द्धारा आयोजित तथा बिलक्षण क्रियसनको व्यबस्थपकमा अवार्ड सम्पन्न भएको हो । नेपाल संगीत तथा नाट्य प्रज्ञा प्रतिष्ठानकी कुलपति निशा शर्माको प्रमुख आतिथ्यतामा अवार्ड सम्पन्न भएको हो । गत ११ मँसिरमा मलेशियामा सम्पन्न अवार्ड समारोहमा बिजेता तय गरिए पनि शुक्रबार बेलुका काठमाडौंमा नाचघरमा एक समारोहबीच उनीहरुलाई यो अवार्ड प्रदान गरिएको हो ।
कार्यक्रममा आधुनिक गायन तर्फ उत्कृष्ट गायकको अवार्ड बलेको आगो २बाट राजकुमार सिंहले जितेका छन भने सँधै यस्तै मिठा कुरा गीतबार डेविड शँकरले जुरी अवार्ड हाँसिल गरेका छन् । यस्तै यो मायाँबाट श्रद्धा दियालीले उत्कृष्ट गायिका, यो खुसीको पलबाट बुद्धिमान थापाले उत्कृष्ट गीतकार र सँधै यस्तै मिठा कुराबाट दिपक शर्माले उत्कृष्ट संगीतकारको अवार्ड चुमेका छन् ।
कार्यक्रमा आधुनिक तर्फ नै बलेको आगो २ बाट प्रभु गुरुङले उत्कृष्ट भिडियो निर्देशक अवार्ड, यही गीतबाट रोशन बस्नेतले पुरुष मोडल अवार्ड, समलिँगी गीतबाट दीपशिखा खड्काले महिला मोडल अवार्ड हाँसिल गरे । यस्तै पप गीत तर्फ उत्कृष्ट गायकको अवार्ड बाडुल्कीबाट सागर जोशीले, लोकपप तर्फ उत्कृष्ट गायकको अवार्ड हिरा टललबाट राजमान तामाङले र बाडुल्की गीतबाट विकाश सुवेदी उत्कृष्ट पपगीत पुरुष मोडल अवार्ड चुमे ।
यस्तै लोक दोहोरी गीत गायकको अवार्ड फुल मायाँमा नभुलबाट राजु आरडीले, जुरी अवार्ड हेर्छन रमिताबाट तुलमान गुरुङले र पब्लिक च्वाईस अवार्ड मायाँ फिक्का फिक्काबाट गणेश सेन्चुरीले हाँसिल गरेर भने लोक दोहोरी नव गायकको अवार्ड धोको थिएनबाट रोशन तीखत्रीले र जुरी अवार्ड सुन्दर बजार कटेसी कुन्छाबाट विवेक धितालले, उत्कृष्ट गायिकाको अवार्ड सलीसली बगेको कालीबाट बसन्ती सुनारी मगरले र जुरी अवार्ड लम्जुङ दरबारबाट निमा तामाङले हाँसिल गरे । लोक दोहोरी भिडियो तर्फ पुरुष मोडलको अवार्ड कठै म बिचरोबाट इश्वर खातीले, महिला मोडलको अवार्ड हल्का तुच्चबाट पवित्रा गुरुङले, जुरी अवार्ड तिजैमा सुहाउनेबाट सरस्वती योञ्जन तामाङले, लोक दोहोरी संगीतकारको अवार्ड भोजपुरै जिल्लाबाट खगेन्द्र थामीले हाँसिल गरे । उत्कृष्ट लाईभ दोहोरी गायकको अवार्ड पानको पत्ता छबाट धिरज कोईरालाले्, जुरी अवार्ड लाईछ्यौ बेसनबाट सृजन आलेले हाँसिल गरे । उत्कृष्ट लोकगीत गायकको अवार्ड पिरती छुटाएँबाट रमेश परियारले, लोकगीत गायिकाको अवार्ड लमजुङको ठाडो भाकाबाट सन्ध्या परियारले प्राप्त गरे ।
यस्तै उत्कृष्ट नृत्य निर्देशकको अवार्ड मुसुक्क हाँसेबाट नेत्र बहादुर गुरुङले, उत्कृष्ट मेकअप आर्टिष्टको अवार्ड बलेको आगो २बाट पुष्पा गुरुङले, छायाँकार तर्फ उत्कृष्ट छायाँकार अवार्ड फेरी तिम्ले छुरा रोपीबाट सुनिल परियारले, डायस्पोरा छायाँकारको अवार्ड बलेको आगो २बाट सुमन श्रेष्ठले, नव छायाँकारको अवार्ड दमौलीको चाईनापुलबाट सुनिल भण्डारीले, उत्कृष्ट आधुनिक भिडियो सम्पादकको अवार्ड शिरफुलबाट बिष्णु खड्काले, लोक दोहोरी भिडियो सम्पादक अवार्ड सुन्दर बजारबाट रोशन धितालले, उत्कृष्ट टेली सृँखला अभिनेत्रीको अवार्ड नारीबाट शर्मिला शर्माले जितिन भने उत्कृष्ट बाल कलाकारको अवार्ड दुई नम्बरी गीतबाट श्रेयस पौडेल क्षेत्रीले र बाल कलाकार जुरी अवार्ड छोराछोरी बिदेशी भूमिमाबाट सम्राट दाहालले हाँसिल गरे ।
भाषाभाषी तथा भेग विशेष गीत तर्फ लिम्बु गीतकारको अवार्ड इच्छिङमाबाट सैलेन्द्र नाल्बोले, जुरी अवार्ड सिमाना गीतबाट लिला सिलिङ मावोले, उत्कृष्ट लिम्बु गीत गायकको अवार्ड थोक्फेला २बाट सुमन लिम्बुले, जुरी अवार्ड मगर भाषाको गीत जोस लेउबाट गोपाल पुन मगर )सिङरोन)ले, उत्कृष्ट भाषाभाषी गायिकाको अवार्ड मारुम (सि यु पारती)बाट सुमित्रा बुढामगरले, उत्कृष्ट कौडागीत गायिकाको अवार्ड दमौलीको चाईना पुलबाट रमिला गुरुङले हाँले हाँसिल गरे । यस्तै यही विधामा पुरुष मोडलको अवार्ड लिम्बुगीत थोक्फेला २ बाट पूर्ण सेलिङले, पूर्वेली गीतबाट पुरुष मोडलको अवार्ड हङकङ सिँगापुर गीतबाट दीपक काम्फे सुब्बाले, महिला मोडलको अवार्ड लिम्बु गीत इच्छिङमाबाट पुष्पाञ्जली तिलिङ (चपेतीको आमा)ले प्राप्त गरे ।
कार्यक्रममा यसपटक १५ हजार रुपैयाँ सहित रजत चलचित्र पत्रकारिता सम्मान पत्रकार बिदूर गिरीलाई र रजत कलाकारिता सम्मान निर्देशक सुचित्रा श्रेष्ठलाई प्रदान गरियो । यस्तै कार्यक्रममा सञ्चारकर्मीहरु गोपिकृष्ण चापागाईं, गीता अधिकारी, रेणुका ढकाल, गायक लोकेन तामाङ, फेशन डिजाईनर दिलमायाँ मगर, समाजसेवी मुना लिम्बु पनि सम्मानित भए ।
प्रथम अभिनेत्री भुवन चन्द, नेपाल संगीत तथा नाट्य प्रज्ञा प्रतिष्ठानकी कुलपति निशा शर्मा, सांस्कृतिक संस्थानका महाप्रबन्धक अशोक प्यासी राई, अग्रज गायिका तथा अभिनेत्री कविता आले, चलचित्र निर्देशक माधब राज खरेल लगायतले सो सम्मान तथा अवार्ड प्रदान गरेका थिए ।
कार्यक्रममा गायक नविन कुमार पौडेल, डेभिड शँकरलगायतले आफ्ना गीतहरु प्रस्तुत गरेर दर्शकलाई नचाए । कार्यक्रममा सँयोजकमा सरिता भारती र व्यबस्थापकमा शनी लिम्बु थिए ।यस अघि मलेशियामा घोषणासँगै त्यहा केही कलाकारलाई अवार्ड प्रदान गरिएको र मलेशिया जान नसकेका कलाकारलाई यहाँ अवार्ड समापन समारोह आयोजना गरेर अवार्ड तथा सम्मान प्रदान गरिएको आयोजक क्वालिटी फिल्मस् प्रा.लि.का अध्यक्ष एवम् चलचित्र निर्देशक उमेश गुरुङले कार्यक्रममा बताए ।
काठमाण्डौ - गतबर्ष राष्ट्रपति विद्यादेवी भण्डारीवाट समुद्घाटन गरी सुरुवात भएको कनका सुरन्दरी फिल्मस् प्रा.लि. तथा एभरेष्ट ग्यालरीको सहकार्यमा दोश्रो रारा राष्ट्रिय म्युजिक अवार्ड २०८० को उत्कृष्ट ५ को मनोनयनमा परेका कलाकार,प्राविधिकहरुलाई राजधानीमा एक कार्यक्रमको आयोजान गरी प्रमाण पत्र वितरण गरियो ।
कर्णाली प्रदेशका उद्योग पर्यटन वन तथा वातावरण मन्त्री कृष्णकुमार बी.सि. को प्रमुख आतिथ्यतातामा सम्पन्न भएको उक्त कार्यक्रममा नेपाल सरकारका सह–सचीव गगन हमाल, राष्ट्रिय जनसाँस्कृतिक महासङ्घका अध्यक्ष प्रेम अधिकारि, बरिष्ठ देउडा गायक नन्दकृष्ण जोशी, समाजसेवी दलबहादुर जि.सि., राष्ट्रिय खेलकुद परिषद मार्सल गेम्स महासङ्घका उपाध्यक्ष लालबहादुर जि.सि. समाजसेवी टेक बहादुर बम, चलचित्र निर्देशक माधव खरेल, समाजसेवि डम्बर रावल , राष्ट्रिय जनसाँस्कृतिक महासंघका उपाध्यक्ष आरसि न्यौपाने, समाजसेवि माधव चौलागाईं , सास्कृतिक समाज नेपालका अध्यक्ष राम प्रसाद अवस्थी, देउडा गायक महेश कुमार औजि लगायातको विशिष्ठ व्यक्तित्वहरुको कायक्रममा उपस्थिति रहेको थियो ।
रारा राष्ट्रिय म्युजिक अवार्ड २०८० का आयोजक समितिका अध्यक्ष पदम रोकायाको सभापतित्वमा सम्पन्न भएको उक्त कार्यक्रममा आयोजकका तर्फवाट एभरेष्ट ग्यालरीका प्रबन्ध निर्देशक तथा चर्चित मोडल सनम कठायतले उपस्थित अतिथि तथा कलकार र संचारकर्मीहरुलाई स्वागत गरेका थिए ।
चर्चित लोकगायक अमृत खातीले कार्यक्रम संचालक गरेका उक्त कार्यक्रममा छत्र शाही, शोभा थापा, राप्रसाद अवस्थी लगायतका कलाकारहरुले आफ्नो साँगीतिक प्रस्तुती समेत प्रस्तुत गरेका थिए । कार्यक्रमको समापन भने माघ महिनाको दोश्रो साता सम्म राष्ट्रपतिको समुपस्थितिमा गरिने आयोजकले वताएका छन् ।
Kathmandu. Saroj Ojha, Presenter and Director of Sachetana Programme, NTV News, and Executive Editor of Rajyadainik.com has been honored in India. He was honored in the 30th edition of 'UPAA Award 2023' by Lucknow-based Uttar Pradesh Artist Academy and as the guest of honor in Mahatma Gandhi Excellence Award 2023 by Delhi-based Face Group.
The organizers said that he was honored for his contribution in the field of communication. Uttar Pradesh Deputy Chief Minister Brajesh Pathak was the chief guest at UPAA Awards 2023. Ojha said that Deputy Chief Minister Pathak expressed happiness on honoring people of India along with citizen of other countries serving in the fields of art, journalism, social campaigns and other fields.
In the previous edition of the award, actors and filmmakers including Anil Kapoor, Raveena Tandon, Abbas Mastan, Sameer Anjan, Farooq Sheikh, Bhagyashree, Rahul Roy and cricketer Piyush Chawla have been honored with the 'UPAA Award'.
Similarly, Ojha was honored as the guest of honor at the recently held Mahatma Gandhi Excellence Award 2023 in New Delhi, the capital of India. Ojha, who was invited as a special guest in the award ceremony organized by Face Group, was given the honor by Rajendra Singh Sagar, Deputy Commissioner of Delhi Police, who was the chief guest of the program.
On that occasion, journalist Ojha presented intertwined flags of Nepal and India to Dr. Mushtaq Ansari, the chairman of Face Group, the organization organizing the event. Ojha said that the Chief Guest Deputy Commissioner of Police Rajendra Singh praised the style of gifting the flags of Nepal and India mentioning it as an innovative and impressive task.
According to the organizers, Ojha has been honored for making significant contributions to the field of communication by being active in the production of television programs including print and online media for the past two decades. Ojha has been involved in the production and broadcasting of Bal Awaaz, Business Info, Namaste Nepal, Pravasi Ko Sandesh, Adarsh Parivar, the first cooking reality show in Nepal, College Chef Icon, and the comedy teleserial 'Kura Matra Bho', apart from Sachetana. He has been working on documentaries as well as script writing and direction.
Ojha, who has also acted as a judge in film, music, and beauty contests, has also been working as a communication expert in various associations and companies. Ojha is also the general secretary of Everest Press Club, an associate organization of the Federation of Nepalese Journalists. Ojha, who has worked as an editor in various magazines and online, has also worked as an editor of a bulletin published by Lalitpur Metropolitan and an editor of a book Winning Psychology in Sports.
Ojha, who has been associated with Nepal Television for two decades, was honored by Nepal Television on the occasion of its 36th anniversary. He has also received the 'Dadasaheb Phalke Award' in Mumbai, India, the Human Rights Award 2023 in Lucknow, the 'UNPKFC Humanitarian Award' from the United Nations Peacekeepers Federal Council headquartered in Thailand in 2021, and the 'MSN Excellence Award in Egypt in 2019. Ojha, born in Vyas 8 Tanahun, is currently living with his mother, wife, and daughter in Lalitpur district.
काठमाण्डौ - दोलखाका २४ वर्षीय दर्शन केसी 'शान्कु'ले अब फरक क्षमता भएका कविका रुपमा परिचय बनाएका छन । हालै राजधानीमा एभरेष्ट ग्यालरीको आयोजनामा भव्य विमोचन समारोहका साथ कवि दर्शनको पहिलो अङ्ग्रेजी कविता संग्रह "दर्शन " बिमोचन भएको छ । कार्यक्रममा बालबालिका तथा जेष्ठ नागरिक मन्त्री माननीय सुरेन्द्रराज आचार्यको प्रमुख आतिथ्यतामा साथै नेपाली चलचित्र क्षेत्रका महानायक राजेश हमाल लगायत दर्जनौ विभिन्न क्षेत्रका विशिस्ट व्यक्तित्वहरुको विशेष उपस्थितिमा सम्पन्न भएको थियो ।
दर्शन जन्मजात देखीनै मस्तिष्क पक्षघातका कारण बोल्न हिड्डुल गर्न अनि शरीर चलाउन सक्दैनन । नाकको सहायताले मोबाइलमा टाइप गर्छन , अध्ययन गर्छन , कविता लेख्छ्न अनि गीत संगीत सुन्छ्न र भिडियोहरु हेर्छन । यसै क्रममा दर्शनले विगत लामो समय देखि निरन्तर सुगम संगीतका लोकपृय कलाकार / मोडल सनम कठायत अभिनित म्युजिक भिडियोहरु निकै हेर्ने गरेको पाइन्छ, अझै भनौं दर्शन कलाकार सनम कठायतका निकै ठूलो शुभचिन्तक बनिसकेका थिए । सनमका म्युजिक भिडियोहरु निरन्तर हेर्न र सनमका अन्य गतिविधिहरु अवलोकन गर्न सामाजिक संजाल फेसबुक मार्फत सनमलाई भेटे ।
नेपाली कलाकारिताको क्षेत्रमा आफ्नो पृथक छवि बनाइसकेका सनमले पनि केही बर्ष यता आफ्नो जन्म दिनहरुमा अत्यन्तै मेहनतले लेखिएका अदभूत मायाले ओतप्रोत शुभकामनारुपी स्ट्याटसहरुलाई ख्याल गर्न थाले । निरन्तर सम्पर्कमा रहेका केही अन्य फ्यानहरु र केही संचारकर्मी साथीहरुले दिएको जानकारी मार्फत दर्शनलाई चिने र दर्शन आफ्नो निकै ठूलो शुभचिन्तक रहेको जानकारी पाएपश्चात् फेसबुक मार्फत फुर्सदको समयमा दर्शनसंग म्यासेजमा कुराकानी गर्न थाले । करिव ५/६ बर्षको अनौपचारिक परिचय पश्चात् दर्शनका बुवा र आर्टिस्ट खवरले सनम र दर्शनको भेटघाट गराउने जमर्को गर्नु भयो र त्यो साइत मोडल सनमको जन्मदिन साउन १३ गते जुर्यो । आफुले अत्यन्तै माया गरेको कलाकार प्रत्यक्षरुपमा देख्न पाउँदा निकै खुसी बनेका दर्शनले सनमलाई भेटे पछि आफ्नो मनमा लागेका सम्पुर्ण कुराहरु एकै छिनमा नाकको सहायताले मोबाईलमा टाइप गरेर व्यक्त गरे ।
दशकौंदेखि सामाजिक कार्यहरुमा निकै सकृय रहेका सनमले दर्शनको कवि बन्ने रहर पूरा गर्ने प्रतिवद्द्ता गरेका थिए पहिलो भेटमा र त्यही प्रतिबद्द्ता अनुरुप सनमले आफ्ना केही शुभचिन्तक र साथीहरुको सहयोगमा दर्शनको कवि बन्ने सपना पूरा गरेका छ्न । पुस्तक विमोचनमा सनमले दर्शन जस्तो प्रतिभाशाली व्यक्ति आफ्नो अभिनय जिवनको शुभचिन्तकको रुपमा पाउनु सौभाग्य हो र दर्शन भित्रको प्रतिभालाई उजागर गर्न सहयोग गर्न पाएकोमा निकै खुशी लागेको बताए । दर्शनको अङ्ग्रेजी कविता संग्रह ' दर्शन ' प्रकाशनार्थ सहयोग गर्नुहुने सम्पुर्ण दर्शनका सहयोगी हातहरु विशेष धन्यवाद दिए । कलाकार सनमको यो उदार प्रेमभाव र सद्भाव पुर्ण सहयोग पक्कै पनि कलाकार र शुभचिन्तक विचको जिम्मेवारीपुर्ण सम्वन्धको अनुकरणीय उदाहरण हो ।
काठमाडौं । हाम्रो कृयटिभ कृयसनले म्युजिक भिडियोसहित “आँखैमा तिमी, दिलैमा तिमी” बोलको गीत सार्वजनिक गरेको छ । कृयसनले हालै मात्र आफनै अफिसियल युटयुव च्यानलबाट सो गीत सार्वजनिक गरेको हो । तिलचन आचार्यको स्वर रहेको उक्त गीतको गीतकारमा किरण बराल, संगितकारमा रमेश कडरिया र एरेन्जमा सुमन केसी रहेका छन् ।
त्यस्तै अमृत सुनुवारको निर्देशनमा तयार पारिएको यस गीतको म्युजिक भिडियोको छायाँकारमा बिनोद लामा, कलरिस्ट तथा इडिटरमा माधव बेलाबासे, निर्माण नियन्त्रकमा कृष्ण योन्जन रहेका छन् । दावा बल तामाङ् र प्रनिमा दाहालको अभिनय रहेको “आँखैमा तिमी, दिलैमा तिमी” का लागि स्वस्तिका श्रेष्ठले मेक अप आर्टिस्टको भूमिका निर्वाह गरेकी छिन् ।
काठमाण्डौ । पूर्व उपराष्ट्रपति नन्द बहादुर पुनले पर्यटन प्रबद्र्धक मिङ्मा शेर्पाको आत्मकथा ‘सगरमाथाको शेर्पा म’ को लोकार्पण गरेका छन् । धुम्बराहीस्थित अकमा होटलमा आयोजित कार्यक्रम माझ पूर्व उपराष्ट्रपति पुनले ‘सगरमाथाको शेर्पा म’ पुस्तकको लोकार्पण गरेका हुन् । प्रमुख अतिथि पुनसँगै लेखक शेर्पाको साथमा प्रकाशक संस्था जरा फाउन्डेसनका अध्यक्ष कृष्ण प्रसाईं, गीतकार देवेन्द्र केसी, नियात्राकार प्रतीक ढकाल, साहित्यका डा.रेणुका सोलु, छायाँ लेखक सिर्जना शर्मा र पर्यटन व्यवसायी निमा तेन्जिङ शेर्पाले उक्त पुस्तकलाई संयुक्त रुपमा सार्वजनिक गरे ।
लास्ट फ्रन्टिएर ट्रेकिङको आयोजनामा भएको उक्त ‘सगरमाथाको शेर्पा म’ लोकार्पण कार्यक्रममा उपस्थित अतिथिहरुलाई निमा तेन्जिङ शेर्पाले स्वागत मन्तव्य दिँदै आफ्नो पापा मिङ्मा शेर्पा एउटा उदाहरणका रुपमा आफूले पाएको बताएका थिए । पारिवारिक रुपमा पुस्ता हस्तान्तरणसँगै आफ्नो पूर्खाको इतिहासलाई उजागर गर्न, मानवसेवा र सामाजिक कार्यमा निरन्तर लाग्न प्रेरित गर्ने कार्यमा पापा एक उदाहरणको रुपमा लिएको बताए ।
कार्यक्रममा लेखक मिङ्मा शेर्पालाई बौद्धिक युवाहरुको समूहको तर्फबाट सम्मान गरिएको थियो । गीतकार संघ नेपालका अध्यक्ष वसन्त बित्यासी थापा, संगीतकला पत्रकार संघका अध्यक्ष सुमन बैरागी, गीतकार तथा संचारकर्मी नरेश भट्टराई, गीतकार सत्यकला लामाले संयुक्त रुपमा लेखक मिङ्मा शेर्पालाई सम्मान गरेका थिए । शेर्पालाई पर्यटन क्षेत्रको प्रबद्र्धन, मानव सेवा, सामाजिक कार्य हुँदै देशको नामलाई विश्वसामु उच्च राख्न गर्नुभएको योगदान स्वरुप सम्मान अर्पण गरिएको थियो ।
पुस्तक ‘सगरमाथाको शेर्पा म’ लोकार्पण पछि शुभकामना मन्तव्य दिँदै छायाँ लेखक सिर्जना शर्माले लेखक मिङ्मा शेर्पा समाजको एक अथक योद्धाका रुपमा पाएको बताएकी थिइन् । उहाँको लेखन, अडियो रेकर्डलाई आफूले पुस्तकमा भाषागत रुपमा प्रस्तुत गर्न पाउँदा शेर्पाको जीवन भोगाईले आफ्नो जीवनमा समेत उर्जा थपेको बताएकी थिइन् ।
गीतकार देवेन्द्र केसीले लेखक मिङ्मा शेर्पालाई पुस्तक ‘सगरमाथाको शेर्पा म’ जीवन भोगाइको दस्तावेज भए पनि समाज रुपान्तरणको स्तम्भका रुपमा पनि लिएको बताए । शेर्पा विदेशीको भरिया मात्र नभएर नेपालको चिनारी भएको बताउँदै मिङ्मा शेर्पाको सुरुका दिनदेखि आजसम्मको भोगाइमा धैर्यता, लगनशीलता, इमान्दारितासँगै पर्यटन क्षेत्रको विकासमा निरन्तर दिएको योगदानको उदाहरणीय दस्तावेज भएको बताए । त्यस्तै नेपालमा पर्यटन क्षेत्रबाट गरेको योगदानलाई सम्मान गर्दै बीरल्याण्ड जस्तो अफ्रिकी मुलुकले पर्यटनमन्त्रीका रुपमा नियुक्त गर्नु नेपालको गर्व भएको बताए ।
त्यसैगरी नियात्राका प्रतीक ढकालले लेखक शेर्पालाई शुभकामना मन्तव्य दिँदै शेर्पा भनेको देश चिनाउने समुदाय भएको बताएका थिए । उनले देशका हरेक जनताले पहिला देश चिनाउने कार्य गर्न शेर्पासँग सिक्नुपर्ने बताए । शेर्पा, गोर्खा, सगरमाथा, बुद्ध भनेको विश्वसामु नेपाली हो भनेर चिनाउने नाम भएको बताउँदै ढकालले ‘सगरमाथाको शेर्पा म’ भन्ने पुस्तकभित्र एउटा परिवारको मात्र कथा नभएर सम्पूर्ण शेर्पाको प्रतिनिधित्व गर्ने दस्तावेज निर्माण भएको बताए ।
त्यसैगरी साहित्यका डा.रेणुका सोलुले लेखक मिङ्मा शेर्पा एउटा खुला विश्वविद्यालय भएको बताउँदै परिश्रम गर्न कोहि पनि नहिचकिचाउने हो भने विदेशमा भौंतारिनु पर्दैन भन्ने एउटा उदाहरणका रुपमा पाएको पनि बताइन् । दुःखमा नआत्तिने र सुखमा नमात्तिने व्यक्तिका रुपमा लेखक शेर्पा रहेको बताउँदै आफ्नो पूर्खा र भोलिका सन्ततिको लागि संस्कारको कथा बोकेको पुस्तकका रुपमा ‘सगरमाथाको शेर्पा म’ पाएको पनि बताइन् ।
कार्यक्रमका प्रमुख अतिथि पूर्व उपराष्ट्रपति नन्दबहादुर पुनले लोकार्पण पुस्तक ‘सगरमाथाको शेर्पा म’ एउटा प्रेरणाको स्रोत बन्ने विश्वास लिएको बताए । पहिलो भेटमा नै लेखक मिङ्मा शेर्पाको कुराले आफूलाई आकर्षित गरेको बताउँदै पूर्वउपराष्ट्रपति पुनले एउटा कर्मठ नेपाली छोरो, मेहनत गरे के हुँदैन ? भन्ने ज्वलन्त उदाहरण भएको बताए । उहाँको पापादेखि नाति पुस्तासम्मको संस्कार, दुःखसुखलाई जोड्ने इतिहास रहेको बताउँदै ‘सगरमाथाको शेर्पा म’ पुस्तकबाट धेरैले ज्ञान लिन सक्ने बताए ।
लेखक मिङ्मा शेर्पाले आफू जन्मेको सोलुदेखि जापान, काठमाडौंसम्मको यात्रामा भोगेका दुःखका पानाहरु पल्टाउँदा एउटा दस्तावेज निर्माण भएको बताए । खाली खुट्टा सोलुको हिउँमा खेलेका यादहरुदेखि हिमाल चढ्दा होस् या पापाको पदचाप पछ्याउँदै हिंडेका दिनहरु हुन् सबै स्मरणीय बनेको बताए । उनले यो पुस्तक निर्माण हुनुमा पहिलो श्रेय आफ्नी स्वर्गीय श्रीमतीको रहेको बताउँदै यहीँ कतै टेबलमा बसेर पेम्बा याङ्गजीले सुनिरहेकी छन् भन्दै भावुक बनाए । मेरा बाबाले गरेको दुःखको कथा, मैले भोगेको जिन्दगी, मेरा छोराहरुले भोगेको वर्तमान र नाति नातिनीहरुको भविष्यलाई जोड्ने र आफ्नो पूर्खाको इतिहासलाई सम्झाउने प्रयास गरेको बताए । ‘सगरमाथाको शेर्पा म’ पुस्तक निर्माणमा सहयोग पु¥याउने सबैलाई धन्यवाद व्यक्त गरे । उनले पुस्तक लेख्नलाई हौस्याउने जेनकवि कृष्ण प्रसाई, गीतकार देवेन्द्र केसी र उर्जा दिइरहने जीवन संगीनी र परिवारप्रति नतमस्तक रहेको बताए ।
त्यसैगरी जरा फाउन्डेसनका अध्यक्ष एवं कार्यक्रमका सभापति जेनकवि कृष्ण प्रसाईंले कार्यक्रम समापन गर्दै मिङ्मा शेर्पा पर्यटन क्षेत्रको एउटा अथक योद्धा भएकै कारण दुखद् भोगाईको सफल व्यक्तित्व भएको बताए । सरल स्वभाव, असल व्यक्तित्व, मानवसेवी, सामाजिक विकासको खम्बा र सम्पूर्ण नेपालीको लागि प्रेरणाको स्रोत भएको बताए । कार्यक्रमलाई नरेश भट्टराईले संचालन गरेका थिए भने सुमन बैरागीले कार्यक्रममा मिडिया संयोजनको भूमिका निर्वाह गरेका थिए । रात्रीभोजसहित आयोजना गरिएको कार्यक्रममा विभिन्न क्षेत्रका लब्ध प्रतिष्ठित व्यक्तित्व, पत्रकार एवं लेखकका आफन्तजनहरुको बाक्लो उपस्थिति रहेको थियो ।
उदयपुरको वरुवा वसपार्कमा जारि प्रधानमन्त्री कप २०८० पुरुष रास्ट्रीय कृकेट प्रतियोगिताको जिल्ला छनौटको खेलमा जलजले टिम ३६ रनले विजयी भएको छ ।
जिल्ला कृकेट संघ उदयपुरले आयोजना गरेको छनौट चरणको तेश्रो खेलमा त्रीयुगा हरियो विरुद्ध टस जितेर व्याटिङ रोजेको जलजलेले निर्धारित ३० ओभरको खेलमा २३ ओभरमा आफ्ना सवै विकेट गुमाएर १ सय २६ रन बनाएका थिए। वलिङ तर्फ त्रीयुगाका एलिसन वस्नेतले सर्वाधिक ३ विकेट लिएका थिए भने आईस भटराराई, विषय ढुंगाना र सुयोग कार्किले समान २ -२ विकेट लिएको संघका प्रवक्ता तथा प्रतियोगिताका संयोजक मिथुन ठाकुरले बताएका छन। जवाफि व्याटिङ्ममा १ सय २८ रनको विजय लक्ष्य पच्छ्याको त्रीयुगा हरियोले १६ ओभरमा आफ्नो सवै विकेट गुमाएर ९० रनमा समेटिएको थियो। त्रीयुगाका लागि एलिसन वस्नेतले टिमका लागि २८ रन जोडेका थिए भने वलिङमा रहेको जलजलेका राजन यादव, ऋषिकेश यादव र अशोक वसेले समान ३- ३ विकेट लिएका थिए।
छनौट खेलको पहिलो चरण सकिएको र यस मध्येका उत्कृष्ट ३० लाई पौष ९ गते अन्तिम प्रतिस्पर्धामा समावेश गराउने संघका अध्यक्ष एल्विन वस्नेतले बताएका छन।
काठमाण्डौ – महिला, बालबालिका तथा ज्येष्ठ नागरिकमन्त्री सुरेन्द्रराज आचार्यले फरक क्षमता भएका व्यक्तिलाई सरकारले प्रोत्साहन गर्ने बताएका छन् । नेपाल पर्यटन बोर्डको सभाहलमा आज आयोजित कवि दर्शन केसी ‘शान्कु’द्वारा लिखित अङ्ग्रेजी भाषाको कवितासङ्ग्रह ‘दर्शन’ सार्वजनिक गर्दै उनले फरक क्षमता भएका नागरिकलाई सरकारले सम्मान गर्ने बताए ।
‘बालबालिकाको हकमा काम गर्न हामीलाई कानुनले रोकिरहेको थियो । विगत ६ वर्षदेखि बालबालिका नीति मन्त्रालयमा अड्किएको रहेछ । त्यसलाई अगाडि बढाएर हिजोको मन्त्रिपरिषद्को बैठकबाट पास गरेका छौँ’, आचार्यले भने, ‘अब मन्त्रालयले लक्षित कार्यक्रमलाई गति दिनेछ । फरक क्षमता भएका व्यक्तिलाई हेर्ने दृष्टिकोणमा यस्ता कार्यक्रमले फरक ल्याउँछ । हामीले यस्ता प्रतिभालाई प्रोत्साहन गर्न जरुरी छ ।’
कवि केसीले नाकको सहायताले लेखेका कविता पढेर आफूलाई पनि केही गरौँ भन्ने लागेको अभिनेता राजेश हमालले बताए । ‘कहिलेकाहीँ म अल्छी हुन्छु, तर दर्शनजीको कविता पढेपछि कविता लेख्ने जाँगर बढेको छ किनकि परिस्थतिले हामीलाई छेक्दैन, हामीसँग उक्त कार्य गर्ने प्रेरणा चाहिन्छ । उहाँको कृतिले हामीलाई प्रोत्साहन गरेको छ’, अभिनेता हमालले भने ।
एभरेष्ट ग्यालरीले आयोजना गरेको कार्यक्रममा सहभागी भएर हौसला बढाएको भन्दै कवि केसीले उपस्थितलाई धन्यवाद दिए । ‘मलाई तपाईंहरूको साथले झनै प्रोत्साहन मिलेको छ । म आगामी दिनमा पनि लेखनलाई अगाडि बढाउने छु’, कवि केसीले लेखेका सन्देश उद्घोषकले पढेका थिए ।
काठमाडौं– वरिष्ठ संगीतकर्मी नातिकाजीको ९९ औं जन्म जयन्तीको अवसर पारेर मंगलवार काठमाडौंमा आयोजित एक समारोहमा ‘नातिकाजी राष्ट्रिय स्रष्टा सम्मान तथा पुरस्कार-२०८०’ घोषणा गरिएको छ । नातिकाजी स्मृति समाजले आयोजना गरेको कार्यक्रममा विभिन्न स्रष्टा, संगीतकर्मी तथा सञ्चारकर्मीलाई यो सम्मान तथा पुरस्कार अर्पण गरिने समाजका अध्यक्ष वरिष्ठ संगीतकार शम्भूजीत बास्कोटाले बताएका छन् । अध्यक्ष बास्कोटाले नेपाली गीत–सङ्गीतका शिखर व्यक्तित्व नातिकाजीका योगदानलाई नेपाली पुस्ताले सम्झिरहने बताए ।
विक्रम सम्वत् १९८२ पुस ३ गते पुल्चोक ललितपुरमा जन्मिएका नातिकाजीले नेपाली राष्ट्रिय गीत, लोकगीत, आधुनिक, भजन, गीतिनाटक, नाटक, चलचित्र गीतमा स्वर तथा सङ्गीत दिएका छन् । उनको निधन २०६० सालका कात्तिक १६ गते भएको थियो ।
राष्ट्रपतिको हातबाट प्रदान गरिने यो सम्मान नेपाली मौलिक संगीतको क्षेत्रमा विशिष्ट योगदान पुर्याउने स्रष्टालाई प्रदान गरिने जनाइएको छ । संगीतकार शम्भुजीत बास्कोटाको अध्यक्षतामा समाजको हालै सम्पन्न बैठकले सम्मान तथा पुरस्कारको निर्णय गरेको हो । नातिकाजीको मित्रपार्कस्थित निवासमा मंगलवार आयोजित विशेष समारोहमा समाजका उपाध्यक्ष दीपक श्रेष्ठले यो वर्ष नातिकाजी स्रष्टा सम्मान तथा पुरस्कार-२०८० द्वारा सम्मानित तथा पुरस्कृत हुने व्यक्तित्वहरुको नाम घोषणा गरेका हुन् ।
यो वर्ष ‘नातिकाजी राष्ट्रिय विशिष्ट संगीत सम्मान’ बाट गीत रचनातर्फ आनन्द अधिकारी, वाद्यवादनतर्फ केशव सुनाम, गीत रचनातर्फ भूषण खरेल, गीत रचनातर्फ सुनिल थापा, परम्परागत संगीतर्फ धर्म मुनिकार, गायनतर्फ सुदेश शर्मा, वाद्यवादनतर्फ कुमार सिंह, वाद्यवादनतर्फ सुवर्ण लिम्बु, गीत रचनातर्फ राम भट्टराई तथा गीत रचनातर्फ वसन्त वित्यासी थापा छन् ।
त्यस्तै ‘नातिकाजी राष्ट्रिय संगीत पुरस्कार’ बाट पुरस्कृत हुनेहरुमा गीतकार विजय शिवाकोटी, गायक शिशिर योगी, गायिका बानिका प्रधान तथा संगीतकार राजनराज शिवाकोटी छन् । त्यस्तै ‘नातिकाजी राष्ट्रिय प्रतिभा पुरस्कार’ बाट गायक सञ्जय तुम्रोक, गायिका रचना रिमाल, संगीतकार शशि विक्रम थापा तथा गीत रेकर्डिष्ट प्रकाश मिश्र छन् । ‘नातिकाजी राष्ट्रिय लोक संगीत पुरस्कार’ लोक गायक अमृत खातीलाई प्रदान गरिने छ ।
‘नातिकाजी राष्ट्रिय कला पत्रकारिता पुरस्कार’ बाट पत्रकारद्वय शान्तिप्रिय तथा कृष्ण भट्टराई पुरस्कृत हुँदैछन् ।
काठमाडौं - साहित्यिक पत्रकार संघले दोलखाको शैलुुङमा पुस ४ देखि पुस ६ गतेसम्म “कविता यात्रा”को आयोजना गर्ने भएको छ । स्रष्टाहरुलाई देश दर्शन गराउने तथा मोफसललाई केन्द्रसंग जोड्ने र केन्द्रलाई मोफसलसम्म पुर्याउने कविता यात्राको उदेश्य रहेको संस्थाले जनाएको छ ।
यस कविता यात्रामा साहित्यिक पत्रकार संघका अध्यक्ष राधेश्याम लेकालीको नेतृत्वमा दुई दर्जन बढी सर्जकहरु शैलुङ जाँदै हुनुहुन्छ । कविता यात्रामा सहभागी सर्जकहरुमा मदनदास श्रेष्ठ, नरेन्द्रबहादुर श्रेष्ठ, शोभित उप्रेती, प्रा। डा। गोविन्दमान सिंह कार्की, रामप्रसाद पन्त, विनोद नेपाल, नन्दु उप्रेती, सुवाश ढुंगेल, प्रधुम्न जोशी, मुरारि सिग्देल, श्रीबाबु कार्की, रुद्र अधिकारी, कृष्ण के. सी., नीता श्रेष्ठ, डा. बुनु दाहाल, नवीन शाही रहनु भएको
छ ।
यसैगरी चर्चित गायकहरु नविन पौडेल, नरहरी प्रेमी, रितु कंडेल, गंगा भूर्तेल र बालनृत्यकार रन्जना थपलिया तथा संचारकर्मीहरु पुष्पा थपलिया, हेम थपलियालगायत हुनुहुन्छ । कार्यक्रममा दोलखाका अन्य सर्जक, पत्रकार र स्थानीयहरुको सहभागीता रहनेछ ।
शैलुङ गाउँपालिका–८, भैंसे स्थानीय आयोजक रहेको यस कार्यक्रमले शैलुङमा थप सांस्कृतिक जागरण ल्याउनेमा समाजसेवी एवं गीतकार शोभित उप्रेती विश्वस्त हुनुहुन्छ । कार्यक्रम तालिकानुसार पुस ४ गते चरणावतीधाम दर्शन, ५ गते शैलुङको थुम्कामा साहित्य विमर्श एवं कवि गोष्ठी तथा स्रष्टा घरको शिलान्यास र ६ गते भैंसेमा कवि गोष्ठी तथा सांस्कृतिक कार्यक्रमको आयोजना हुनेछ । २०४२ सालमा पहिलो पटक साहित्यिक पत्रकार संघले दोलखा जिरीमा कविता यात्राको आयोजना गरेको थियो ।
शैलुङ परिचय: शैलुङ ३४,०० मिटर उचाईमा अवस्थित महाभारत पर्वत शृङ्खलाको सबैभन्दा उच्च पर्वत हो । शैलुङलाई पहाडहरूको रानी पहाड पनि भनिन्छ । शैलुङ क्षेत्रमा १०८ प्रकारका जडिबुटीहरू पाइन्छ । हिउँदमा प्रायः शैलुङको उच्चभाग हिउँले ढाकिएको हुन्छ । शैलुङबाट गौरीशङ्कर हिमाल, गणेश हिमाल, जुगल हिमालका साथै अन्नपूर्णसहित मुलुकका प्राय हिमश्रृङखलाहरू र महाभारत पर्वतका माथिल्लो क्षेत्रका पहाड र पर्वतहरूको चित्ताकर्षक दृश्य देखिन्छ।
प्राकृतिक सौन्दर्यसँगै शैलुङ हिन्दु र बोद्ध, बोन धर्मावलम्बीहरूको पवित्र धार्मिक स्थल पनि हो। यहाँ जनैपूर्णिमा, बाला चतुदर्शी लगायतका समयमा जात्रा (मेला) लाग्ने गर्दछ । शैलुङडाँडाको एउटा ओढारमा शैलुङेश्वर महादेव विराजमान छन् । शैलुङ्गेश्वर महादेवको दर्शन गरेमा मनोकांक्षा पूरा हुने जनविश्वास समेत रहेको छ ।
शैलुङ सम्बन्धि स्थानीयहरू माझ विभिन्न किवदन्तीहरू प्रचलनमा रहेका छन् । प्रथम बुद्ध साङ्गे माह्मोर्चेले ज्ञान दिएको हुनाले पहिले यस पर्वतलाई ुसाङ्गेलुङु भनिन्थ्यो । पछि अपभ्रंश हुँदै शैलुङ रहन गयो । तामाङ भाषाको शब्द ‘सयलुङ’को नेपाली अर्थ हुन्छ ( सय थुम्का । पछि ुसयलुङुलाई नै शैलुङ भनिन थालेको स्थानीय बुद्धिजीवीहरूको तर्क छ । नेपाल सरकारले घोषणा गरेको नेपालको एक सय वटा प्रमुख पर्यटकीय गन्तव्यमा परेको स्थान मध्यको शैलुङ एक हो।
साहित्यिक पत्रकार संघको परिचय: नेपाली भाषा, साहित्य, कला, संस्कृति र साहित्यिक पत्रकारिताका लागि क्रियाशील रही आएको साहित्यिक पत्रकार संघको स्थापना २०२९ सालमा भएको हो । नेपाली भाषा, साहित्य, कला, संस्कृति र साहित्यिक पत्रकारिताका क्षेत्रमा यसले आफ्नो स्थापनाकालदेखि नै रचनात्मक क्रियाकलापहरु सम्पन्न गर्दै आइरहेको छ । यसले राष्ट्रको साहित्यिक तथा सांस्कृतिक गरिमा अभिवृद्धि गर्ने काममा अग्रसर हुँदै आएको छ ।
साहित्यिक पत्रकार संघले वि.सं. २०३८ देखि प्रत्येक वर्ष चैत १९ गते कथा दिवस मनाउँदै आएको छ । यस्तै कवितायात्रा, साहित्यिक बनभोज, आत्मवाचन कार्यक्रम, सम्मान अभिनन्दनलगायतका कार्यक्रमहरुसहित मैनाली कथा पुरस्कार, व्यथित काव्य पुरस्कार, लोकप्रिया पुरस्कार, भवानी साहित्यिक पत्रकारिता, सापस साहित्यिक पत्रकारिता पुरस्कार, मुस्याचु पुरस्कार, इतिहास, संस्कृति अन्वेषण भूवन पुरस्कार, हरिहर शास्त्री(सावित्रीदेवी साहित्य पुरस्कारलगायतका पुरस्कार आदि प्रदान गर्दै आएको छ ।
यसले वि.सं. २०४६ देखि २०६४ सालसम्म गाइजात्रे कार्यक्रमको आयोजना, स्रष्टाहरुको सम्मान, अभिनन्दन, रथारोहणजस्ता कार्यक्रम गर्दै आएको छ । यस्तै कविता क्यासेट, स्मारिका, सिर्जना बुलेटिनलगायत विभिन्न स्रष्टाका कृति पनि प्रकाशन पनि प्रकाशन गर्दै आइरहेको छ ।
