बिष्णु गौतम तनहुँ, ५ माघ - तनहुँको व्यास नगरपालिकाले यही माघ १६ गते सहिद दिवसको अवसरमा चौथो व्यास नगर अल्ट्रा म्याराथन प्रतियोगिता २०७७ गर्ने भएको छ । व्यास नगरपालिकाले सोमबार दमौलीमा पत्रकार सम्मेलन गरि म्याराथन बारे जानकारी दिएको हो । पत्रकार सम्मेलन माझबाट अल्ट्रा म्याराथनमा भाग लिन इच्छुक धावकहरुले अनिवार्य रुपमा फाराम भर्नुपर्ने जानकारी दिईएको छ । माघ १४ गते बेलुका ४ बजेसम्म फाराम भर्न सकिने र माघ १५ गते सहभागी हुने धावकहरुलाई दिउसो २ बजे सभाकक्षमा अभिमुखीकरण गराइने व्यास नगरपालिकाका प्रमुख वैकुण्ठ न्यौपानेले पत्रकार सम्मेलनमा बताए । प्रतियोगितामा प्रथम, द्वितीय, तृतीय हुने धावकहरुलाई क्रमशः ८५ हजार ७७, ६५ हजार ७७, ५५ हजार ७७ रुपैयाँका साथै सान्त्वना हुने ५ जनालाई जनही १६ हजार ७७ रुपैयाँ र मेडल, ट्रफी र प्रमाणपत्र वितरण गरिने जानकारी पनि उनले दिए । प्रतियोगिता सम्पन्न गर्नका लागि १५ लाख रुपैयाँ खर्च लाग्ने जानकारी उपप्रमुख मिरा जोशीले दिइन ।

व्यास नगरपालिका ५ को पर्यटकीय स्थल मानुङकोटदेखि व्यास ८ को पुलिम¥याङ सहिद पार्कको ४४ किलोमिटरको दुरीमा चौथो व्यास नगर अल्ट्रा म्याराथन प्रतियोगिताको आयोजना गरिएको प्रमुख प्रशासकीय अधिकृत डिल्लीराम सिग्देलले जनाए । सो अवसरमा बोल्दै नगर शिक्षा अधिकारी नगेन्द्रप्रसाद रेग्मीले प्रतियोगिताका लागि ८ वटा चेक पोइन्ट राखिएको बताए । उक्त प्रतियोगिता भव्य रुपमा सम्पन्न गर्न जनप्रतिनिधि, आमा समूह, युवा क्लब, टोल विकास संस्था, शिक्षक, विद्यार्थी, किसान, उद्योगी, व्यापारी, सबैलाई आग्रह गरिएको जानकारी उनले दिए । प्रतियोगिता सम्पन्न गर्न मुल समारोह समिति र विविध ९ वटा उपसमिति गठन गरिएको पनि जानकारी गराईएको छ । सोही अवसरमा अन्तर्राष्ट्रिय नारी दिवसका दिन व्यास पराशर क्षेत्रबाट ऐतिहासिक तनहुँसुर दरबारसम्मको महिला दौडको आयोजना गरिने जानकारी नगरप्रमुख न्यौपानेले दिएका छन् ।

काठमाडौँ — माघ ५, २०७७। 

नेप्लिज फेशन होमले आयोजना गरेको ‘मिस नेवाः ११४१’ पन्ध्रौं संस्करणका प्रतिस्प्रर्धिहरुलाई राजधानीस्थित काठमाडौँ मलमा रहेको ग्लो ब्यूटि स्टुडियोमा सौन्दर्य सम्वन्धी ज्ञान प्रदान गरिएको छ । 

एन एफ एच इभेण्टको सहकार्यमा ग्लो ब्यूटि स्टुडियोको संचालक तथा मोडल दिपाशा बिसीले ‘मिस नेवाः ११४१’का सम्पूर्ण प्रतिस्पर्धी तथा आयोजक टिमलाई खादा तथा केक काटेर सौन्दर्य सम्वन्धी ज्ञान प्रदान गर्ने कार्यक्रममा स्वागत गर्नुभएको थियो। 

आयोजक नेप्लिज फेशन होमले नेवार कला, भाषा तथा संस्कृतिको जगेर्ना गर्नका लागि विगत १७ वर्षदेखि लगातार ‘मिस नेवाः’ का साथै सानासाना नेवाः नानीहरुका लागि ‘मिस लिटिल नेवाः’ जस्ता सौन्दर्य प्रतियोगिता आयोजना गर्दै आईरहेको आयोजक संस्थाका अध्यक्ष हेमा मानन्धरले जनाउनु भयो। 

‘मिस नेवाः ११४१’ का प्रतिस्पर्धीहरुलाई नेवारी कला, भाषा, भेषभुषा, संस्कृतीसम्वन्धी ज्ञानका लागि विभिन्न चरणमा हुने कार्यक्रम अन्तर्गत कल्चरल फोटोसुट, नेवारी पहिरण सम्वन्धी ज्ञान, नेवार भाषा तथा लिपीसम्बन्धी ज्ञान, नेवारी भोज तथा लाखवत्ती सम्वन्धी कार्यक्रम, ट्यालेन्ट शो लगायत विभिन्न चरणमा प्रतिस्पर्धीहरुलाई उक्त बिषयप्रतिको ज्ञान तथा उनीहरुको क्षमता अभिवृद्दी गराउँदै लैजाने क्रममा सौन्दर्य सम्वन्धी ज्ञान प्रदान गर्नु पनि आवश्यक रहेकोले उक्त प्रशिक्षण कार्यक्रमको आयोजना गरिएको थियो। 

विश्वव्यापी रुपमा फैलिएको कोभिड-१९ का कारण स्थगित रहेको कार्यक्रम स्वास्थ्य सम्वन्धी सम्पूर्ण सुरक्षाका उपायहरु अवलम्बन गर्दै  पुनः संचालनमा आएको हो। हाल अडिसनमार्फत छानिएका उत्कृष्ट १५ नेवार सुन्दरीहरु ‘मिस नेवाः ११४१’ को ताज जित्न प्रतिस्पर्धामा उत्रिएका छन। 

उक्त कार्यक्रममा नेपाल क्याेकुशिन सेईसिनका अध्यक्ष तथा नेपाल ब्रान्चचिफ शिहान अशाेक कुमार श्रेष्ठ लगायत मिस नेवाःनेपाल ११३९ का बिजेता नितु डंगाेल तथा मिस नेवाःहरु प्रजिता श्रेष्ठ, युनिसा शाहीकाे समेत विशेष उपस्थिति रहेकाे थियाे ।

धनगढी — माघ ५, २०७७। 

न्यू राईज इन्टरटेनमेन्टको आयोजनामा धनगढीमा सम्पन्न भएको ‘लिटिल एण्ड टिन फारवेस्ट नेपाल २०२१’ को उपाधि एन्जल घिमिरे, आशिका शाह सन्दीप चौधरी ले जित्न सफल भएका छन्। 

एन्जलले मिस लिटिल फारवेस्ट नेपालको उपाधी हात पार्दा आशिकाले मिस टिन फारवेस्टको उपाधी आफ्मो हातमा पारिन।  त्यसैगरी मिस्टर टिन फारवेस्टको उपाधी सन्दीपले हात पार्न सफल भए। 

सुदूरपश्चिम प्रदेश पर्यटन ईकाइ प्रमुख  भोजराज पाठकको प्रमुख आतिथ्यता तथा नाङ्ग्लो क्याफेका संचालक वहादुर कार्कीको आतिथ्यतामा सम्पन्न प्रतियोगितामा फर्स्ट रनरअपको उपाधी आरुषी शाहले पहिरिदा अर्गनाईजर चोईस तर्फको अवार्ड एलिजा देउवाले हात पारेकी थिईन। 

प्रतियोगिताका बिजेताहरुले उपाधीको साथमा बिभिन्न गिफ्ट ह्याम्परसंगै विभिन्न कम्पनिको ब्राण्ड एम्बस्डर तथा म्युजिक भिडियोहरुमा अभिनय गर्न पाउने कुरा कार्यक्रमका आयोजक कमल देउवाले जानकारी गराएका छन्।

पुजा सिंह र सागर सिंहको कोरियोग्राफी रहेको ‘लिटिल एण्ड टिन फारवेस्ट नेपाल २०२१’ को निर्णायकमण्डलमा रजनी केसी, ऐश्वर्य क्षेत्री र रितिका गुरुङ्ग रहेका थिए। 

कला संस्कृ्तिको सम्वर्द्दन तथा प्रवर्द्दन गर्ने हेतुले संचालित यस्ता कार्यक्रमले बालबालिकामा सकारात्मक प्रभाव पार्दै नयाँ प्रतिभाहरु उजागर गर्न आगामी दिनमा समेत यस्ता अन्य प्रतियोगिताहरु संचालन गर्दै जाने आयोजक हिमानी देउवाले जनाएकी छिन।

एजेन्सी-अमेरिकी हाउसले राष्ट्रपति डोनाल्ड ट्रम्पलाई दास्रो पटक महाभियोग लगाएको छ । बुधबार दिउँसो अमेरिकी हाउसमा महाभियोग प्रति भएको मतदान दानमा ट्रम्पको विपक्षमा भारी मत खसेको हो ।

२३२ जान प्रतिनिधि भएको हाउसमा १९७ जनाले ट्रम्पलाई महाभियोग लगाउन दोस्रो पटक स्वीकृती दिएको छ । त्यस मध्ये १० जना उनकै पार्टीककाले विपक्षमा मत खसालेका थिए । राजधानीमा दंगा भड्किएपछि उनी अमेरिकी इतिहासमा पहिलो राष्ट्रपति हुन् जसलाई दूई पटक महाभियोग लागेको जनाइएको छ ।

काठमाडौं, १ माघ - हालै नेकपाका केन्द्रीय सदस्यमा मनोनित भएका पर्यटन व्यवसायी चन्द्र प्रसाद रिजालको सम्मानमा नेकपा समर्थक यृबा पर्यटन व्यवसायीले बधाई तथा शुभकामना कार्यक्रम आयोजना गरेका छन् । उनीहरुले विहिवार होटल यात्रीको हलमा उक्त कार्यक्रम गरेका हुन । सो अवसरमा अधिकांश युवा पर्यटन व्यवसायीहरुले पार्टीले चन्द्र प्रसाद रिजाललाई केन्द्रीय सदस्य बनादाँ , पर्यटन ब्यबसायीहरु अझै धेरै उत्साहित भएको र पर्यटन क्षेत्रका नेतालाई पनि पार्टिले न्याय गरेको आभाष गरेको बताए । युवा बर्गलाई यसबाट नेकपाको सँगठन प्रति अझै जिम्मेवारी बन्न प्रेरित गर्ने पनि उनीहरुले उल्लेख गरे । कार्यक्रममा नेकपाका केन्द्रीय सदस्य चन्द्र प्रसाद रिजालले भाबुक मन्त्यब्य दिदै सबै साथीहरुलाई एक जुट हुन आग्रह गर्दै युवा पर्यटन ब्यबसायीले गरेको माया र सम्मानकोलागी धन्यबाद ब्यक्त गरे । साथै उनले सँगठनलाई गतिशिल र ब्यबसायीमुखी बनाउन जिम्मेबार भएर अघि बढन निर्देशन समेत दिए । कुशल संगठकको छवी विद्यार्थी राजनितीबाट आम पर्यटन ब्यबसायीमा पहिचान बनाएका पर्यटन ब्यबसायी हुन , चन्द्र प्रसाद रिजाल ।पारिवारिक गुजाराकोलागी केही न केही काम गर्नुपर्ने बाध्यता सबैमा रहन्छ, उनी पनि त्यही परिबन्ध माझ रुमल्लिरहेका थिए । यहि नै परिस्थिती माझ पर्यटन क्षेत्रमा कार्यरत साथीभाईको सँगतले उनलाई पनि यसै क्षेत्रमा आकर्षित गर्यो । उनी भन्छन् ‘म मा सामाजिक न्याय र उत्पिडनको बिरुद्दमा आवाज उठाउने स्वभाव थियो, २०५३ साल तिर माओबादी समूहको डर त्रास सुरु भयो, काङ्गेसको समुह पर्यटनमा सँगठन बनाउन तिर लागे तर पुर्ब एमालेको क्रियाकलाप सुस्त थियो’ । विगतको अवस्था बारे स्मरण गर्दै उनले भने ‘सँगठित नहुदाँ अप्ठ्यारो महशुस हुन थाल्यो, मनमा चसक्क बिझ्यो र राजेन्द्र प्रसाद सापकोटाको सहयोग लिई सँगठन निर्माणमा म अहोरात्र खटिए, त्यसताका हामीले काठमाण्डौको पर्यटन क्षेत्रमा लागेका अग्रज होस वा समकक्षी खोजी - खोजी सदस्य बितरण गर्ने काम गर्याै। यसैको फलस्बरुप हामी आज स्थापित सँगठन भएका छाै’ । हो उनले भने झै संगठन निर्माणमा चन्द्र प्रसाद रिजाल सफल भएका छन् । एक कुशल संगठक मात्र होईन उनी साधारण ब्यक्तित्व र सँगठनका ब्यक्तिलाई पर्दा सहयोग गर्न जहिले नि आतुर हुने अगुवामा गनिन्छन् । उनी भन्छन् ’पार्टिको जीवनमा अनेक हण्डर खानु पर्यो , आफु भन्दा जुनियर अघि बढदा र आफु पछि पर्दा चसक्क हुन्थ्यो । तर मैले ईमान्दारिता र बफादारितामा देखाउदै अघि बढे। पार्टीले दिएको जिम्मेबारीमा एक ईन्च पनि तल माथी हुन दिईन ।’ नेकपा ( के. पी.) प्यानलका केन्द्रीय सदस्य चन्द्र प्रसाद रिजाल भन्छन् ।

 काठमाडौं, २८ पौष -आज बसेको नेपाल डेरी एसोसिएसनको केन्द्रिय समितिको भर्चुअल बैठकले कोरोना भाईरस (कोभिड–१९) का कारण समयमा सम्पन्न हुन नसकेको एसोसिएसनको २२औं साधारण सभा एवं ८ औं राष्ट्रिय महाधिवेशन छिट्टै गर्ने निर्णय लिएको छ । सो बैठकले माघ महिनामा बस्ने केन्द्रिय कमिटीको बैठकले स्थान र समय तोक्ने निर्णय पनि लिएको हो । साथै बैठकले गत पुस २० गते राजपत्रमा प्रकाशित सुचना अनुसार कृषि क्षेत्रमा वैदेशिक लगानी आउने कुरा अत्यन्तै दुःखद भएकोले त्यसको घोर विरोध गर्ने र चरणवद्ध रुपमा एसोसिएसनका सातै प्रदेश, जिल्ला समिती, पालिका स्तरमा विरोध कार्यक्रम गर्ने निर्णय लिएको छ । एसोसिएसनको २२औं स्थापना दिवस आउँदो माघ ७ गते सातै प्रदेश, जिल्ला एवं क्षेत्रमा भव्य तरिकाले गत सालको जस्तै आश्रम, बालगृह, विद्यालय, हस्पिटल एवं अन्य विभिन्न स्थानमा दुध तथा दुग्ध पदार्थ वितरण गरि मनाउने र एसोसिएसनको आगामी बैठक माघ महिनाको दोश्रो हप्तामा बस्ने निर्णय भएको कुरा एसोसिएसनका महासचिव प्रल्हाद दाहलले बताए ।

काठमाडौं, २८ पौष - मोडल सङ्स नेपालले आयोजना गर्दै आएको सुपर प्लस साइज मोडल २०२१ को दोस्रो अडिसन माघ १० गते हुने भएको छ । अल साइज इज ब्युटिफुल भन्ने नाराको साथ आयोजनामा आएको सुपर प्लस साइज मोडल नेपालको यो तेस्रो संस्करण हो । तेस्रो संस्करण अन्तर्गतको पहिलो अडिसन भने गत शनिवार सम्पन्न भएको थियो । काठमाण्डौको बागबजार स्थित बर्गर हाउसमा आयोजित अडिसनमा कुल २६ जनाले सहभागीता जनाएका थिए  ।  जस मध्ये उक्त अडिसनबाट कुल ९ जना फिनालेका लागि छनौटमा परेका छन् । टेलिभिजनकर्मी सरोज ओझा, अभिनेता दिपक डोटेल, कोरियोग्राफर रोजिन शाक्य र प्लस साइज मोडेल रुबी महतो सम्मिलित निर्णायक मण्डलले मोडलहरुको छनौट गरेको थियो ।  मोडल सङ्स नेपाल दोस्रो अडिसनबाट थप  मोडलहरु छनौट गर्दै  प्रशिक्षणमा सहभागी गराउने अन्तिम तयारीमा  छ । उनीहरुलाई नेपालका ख्यातिप्राप्त कोरियोग्राफर रोजिन शाक्यले  मोडलिङसम्बन्धी ज्ञान तथा प्रशिक्षण दिने छन् ।  प्रशिक्षण पस्चात सहभागीहरु बीच                            स्पर्धा गराईनेछ ।  

प्रतियोगिताका विजेताले नेपालको प्रतिनिधित्व गर्दै अन्तर्राष्ट्रिय सौन्दर्य प्रतियोगिता ‘वर्ल्ड टप प्लस साइज, २०२१’ मा सहभागिता जनाउन पाउने कम्पनीका प्रमुख डेभिल सिंह राजपुतले जानकारी दिएका छन्। उत्कृष्ट तीन रनरअपले विभिन्न गिफ्ट ह्याम्परहरुको साथै राष्ट्रिय तथा अन्तर्राष्ट्रियस्तरका बिभिन्न फेशन शो तथा सौन्दर्य प्रतियोगिताहरुमा समावेश हुने अवसर प्राप्त गर्ने  पनि राजपुतले  जानकारी दिएका छन्।

राजपुतका भन्छन- ’प्लस साइज (मोटोपना) का कारण हिनतावोध भएका युवतीहरुलाई प्रोत्साहन गर्ने तथा उनीहरुको क्षमतालाइ अभिवृद्धि गरी समाजमा सकारात्मक सन्देश फैलाउने उद्देश्यले यो प्रतियोगिताको आयोजना गर्न लागिएको हो’ ।  

प्रतियोगितामा १६ देखि ५५ बर्ष उमेर समूहका विवाहित तथा अविवाहित युवती/महिलाहरुले भाग लिन सक्नेछन् । ५५ केजीभन्दा माथिको तौल भई स्पष्ट रुपमा मोटोपना देखिएको हुनुपर्ने प्रावधान तोकिएको छ ।यसै संस्थाले नेपालमै पहिलोपटक मोटोपना भएका युवाहरुका लागि मिस्टर प्लस साइज नेपालको आयोजना गर्दै समेत आएको छ ।

काठमाडौँ — पुस २७, २०७७। 

नेपाल क्योकुशिन सेईसिन काईकान कराँते संघको आयोजनामा रेफ्री ट्रेनिङ सम्पन्न  दिने भएको छ।  

नेपाल क्योकुशिन सेईसिन काईकान कराँते संघको अध्यक्ष तथा  नेपाल ब्रान्छ चीफ वर्ल्ड कमिटीका उपाध्यक्ष शिहान अशोक कुमार श्रेष्ठको सभापतित्वमा संचालित रेफ्री प्रशिक्षण कार्यक्रममा आशापुरी डोजो भक्तपुरका सल्लाहकार गोविन्दबहादुर अधिकारी, संघको काठमाडौ जिल्ला अध्यक्ष राजकृष्ण श्रेष्ठ, संघको ललितपुर जिल्ला अध्यक्ष हेराकाजी देशार अतिथिको रुपमा उपस्थित थिए ।

नेपाल क्योकुशिन सेईसिन काईकान कराँते डो, आशापुरी डोजो प्रमुख हर्कबहादुर तामाङको प्रमुख संयोजकत्वमा संचालित प्रशिक्षण कार्यक्रमको संचालन मिस नेवा: प्रजिता श्रेष्ठले गरेकी थिईन ।

नेपालभरीका ३० जिल्ला तथा नेपाल आर्मी टिमबाट गरि कुल ९१ जना प्रशिक्षार्थी लाई नेपाल फुलकन्ट्याक्र कराँते महासंघका वरिष्ठ उपाध्यक्ष तथा टेक्निकल चीफ रामजी प्रसाद बज्राचार्यबाट प्रशिक्षण प्रदान गरिएको थियो ।

संघको महासचिव प्रविन बस्नेतको स्वागत मन्तव्य संगै शुरु भएको प्रशिक्षण कार्यक्रममा भक्तपुर डोजो सचिव सुरेन्द्र लामा लगायतले मन्तव्य राख्नु भएको थियो । पानसमा दिप प्रज्वलन गरी कार्यक्रमको समुदघाटन गरिएको कार्यक्रममा बस्नेतले स्वागत मन्तव्यको क्रममा अहिले विश्वब्यापी रुपमा  फैलिरहेको कोभिड–१९ ले  समग्र खेलकुद क्षेत्रलाई नै प्रभावित गरिरहेको छ र पनि यो समय संग उच्च मनोबलका साथ लडने र सजगताका साथ दैनिक खेलकुद गतिविधिलाई संचालन गर्नुपर्नेमा जोड दिएका थिए !

उक्त कार्यक्रमको समापन समारोहमा बोल्दै प्रमुख अतिथि सुर्यविनायक न.पा. भक्तपुर मेयर वाशुदेव थापा द्धारा आत्मसुरक्षाको कला जो कोहिले सिक्नुपर्ने, स्वस्थ नेपाल समृद्ध नेपालको लागि पनि कराँतेले महत्वपूर्ण भुमिका निर्वाह गर्ने भएकोले भक्तपुर क्षेत्रमा कराँतेको प्रशिक्षण तथा प्रवर्द्धन र विकासको निमित्त आर्थिक, भौतिक तथा शैक्षिक सहयोग प्रदान गर्न सदैव तत्पर रहने जनाएका छन ।

काठमाडौं - गीतकार संघ नेपालको अध्यक्षमा शुभ मुकारुङ चयन भएका छन् । संघको शनिबार सम्पन्न पाँचौं महाधिवेशन तथा ११ औं साधारणसभाले अध्यक्षमा शुभ मुकारुङलाई चयन गरेको हो । यस अगाडि संघको अध्यक्षमा चुडामणि देवकोटा रहेका थिए ।

महाधिवेशनले नयाँ कार्यसमितिको उपाध्यक्षमा वसन्त वित्यासी थापा, महासचिवमा रमेश कोइराला, सचिवमा महेश आचार्य, कोषाध्यक्षमा जित बहादुर घले जेबी संयोगी रहेका छन् ।
सदस्यहरुमा सुमि सिंह, शित्तल कादम्बिनी, प्रतिमा श्रेष्ठ, लोकराज अधिकारी, चेतन खतिवडा तथा उमेश राईलाई चयन गरेको छ ।

गीतकार संघको नयाँ कार्यसमिति छनोट गर्दा अध्यक्षमा दुई जना, उपाध्यक्षमा दुई जना, महासचिवमा तीन जना, सचिवमा दुई जना, कोषाध्यक्षमा एकजना र सदस्यमा ८ जनाको उम्मेदवारी परेको थियो ।

काठमाडौं, २५ पौष - जन आकाश राष्ट्रिय साप्ताहिकले प्रत्येक बर्ष वितरण गदै आएको जनआकाश राष्ट्रिय सम्मान २०७८ का लागि साहित्य विधातर्फ मुल्याङकन छनौट समिति चयन गरेको छ ।चण्डोलस्थित ग्रीन हन्ट क्याफे एण्ड ब्याङक्यूटमा मोहन कार्कीको अध्यक्षतामा आज बसेको बैठकले पाँच सदस्यिय छनौट समिति चयन गरेको हो । सोका लागि दुर्गा अधिकारी भमरकोटेः सुसेली लय कविता र अन्य त्रिपदी रचनातर्फ, रुद्र अधिकारी मुक्तक तथा अन्य कवितात्मक विधातर्फ, तिलक प्रसाद लुईटेल गद्य साहित्यका विधातर्फ, डिल्ली प्रसाद मुलतिहुन छन्दोबद्ध कवितातर्फ, तिला लेकाली गजल तथा गद्य कविता तर्फ छनौट गर्ने समितीमा परेका छन् । बिषयगत बिधातर्फ सोजै बिषयबिज्ञको ईमेलमा पनि सम्पर्क गर्न सकिने गरी सार्वजनिक गरेको छ ।

सुसेली लय कविता दुर्गा अधिकारी भमरकोटेः durga834@aol.com मुक्तक तथा अन्य कवितात्मकः रुद्र अधिकारी Rudraadhikari52@gmail.com गद्य साहित्यका बिधाहरुः तिलक प्रसाद लुईटेलः tilakpluitel@gmail.com छन्दोबद्ध कविता डिल्ली प्रसाद मूलतिहुनः jana.news2065@gmail.com तिला लेकाली गजल तथा गद्य कविताः jana.news2065@gmail.com

विगतमा साहित्य क्षेत्रका बिज्ञहरुसँग सल्लाह गरेर साहित्यकारहरुलाई दिदै आएको साहित्यिक राष्ट्रिय सम्मानलाई यो बर्षवाट बिषय बिज्ञहरुको मुल्याङकन छनौट समितिले सिफारिस गरेका नामहरुलाई दिने र निकट भबिष्यमा यस कार्यलाई संस्थागत गदै अझै उत्कृष्ट बनाउने जन आकाश मिडियाको निर्णय अनुसार यो पहिलो समिति चयन भएको जन आकाश मिडियाले जनाएको छ । जन आकाश राष्ट्रिय सम्मानमा १५ बिधा रहेका थिए । भने यो बर्षवाट बिधालाई बढाएर साहित्यिक वाङमयतर्फ नै १५ र अन्य तर्फ गरेर १५ गरी जम्मा ३० बिधाका ब्याक्तित्वहरुलाई सम्मान गरिन लागेको जन आकाशका अध्यक्ष मोहन कार्कीले बताएका छन् ।

कार्कीले थप्दै भने 'नेपालका नेपालीले आफ्नो स्वार्थभन्दा माथि उठेर आफ्नो देशमा बसेर गरेका काम र देशको लागि पु¥याएको योगदानको मुल्याङकन होस भन्ने उदेश्यले २०७४ सालमा जन आकाशले १० औं बर्ष प्रवेश गरेको उपलक्ष्मा र क्यानसरवाट मृत्यु भएका बुवा आमाको सम्झानामा शुरु गरेको जन आकाश राष्ट्रिय सम्मान प्रत्येक बर्ष हुदै आएको छ । गएको बर्ष २०७७मा कोभिडको संक्रमण फैलने डरका कारण हुन सकेको थिएन ।जन आकाश र मोहन कार्कीको बारेमा २०५६ सालमा काठमाडौ आई पत्रिका बेचेर नन्दीरात्रि माविमा पढेका कार्कीले एसएलसी पास गरी पत्रकारिता बिषय नै पढेर पत्रकारिताको क्षेत्रमा सके राम्रो गरौ नसके नराम्रो नगरौं । पार्टी, वाद, तन्त्रभन्दा माथि उठेर राष्ट्रिय भावनाले ओतप्रोत भई पत्रकारिता गरौं । भन्ने उदेश्य राखि छुट्टै खालको पत्रकारिताको अभ्याश गर्ने पहिलो पत्रकार हुन् । नेपालमा पत्रकार देख्ने बित्तिक्कै अनेक खालका आखाँले हेर्ने समाजलाई कार्कीले छुट्टै खालको वातावरण दिन अग्रसर देखिन्छन् । तर नेपाली समाजमा यस्तो सकरात्मक सोचको बिकास भईनसकेको हुनाले प्रयोजित पत्रकारिता नै हावी भएको कार्कीको बुझाई छ । तर शुरुवात गरेपछि ढिलो चाडोे सकरात्मक बिचार र तथ्यको पक्षमा राष्ट्र पुग्छ' कार्कीले बताए ।