लखनऊ—जेष्ठ १५, २०८०। 

भारतमा चार नेपाली 'भारत गौरव सम्मान, २०२३' बाट सम्मानित भएका छन।  सम्मानित हुनेहरुमा पत्रकार सरोज ओझा, समाजसेवी सुशिला थापा र कलाकारद्वय नितु कोईराला र बिनोद ढकाल रहेका छन।  उनीहरुलाई विश्व मानव अधिकार परिषदले उक्त सम्मानबाट विभुषित गरेको हो।  जेष्ठ १४ गते लखनऊ स्थित उर्दु एकेडेमी सभाहलमा आयोजित कार्यक्रममा भारतस्थित विभिन्न राज्य एवं नेपाललगायत बिभिन्न मुलुकका नागरिकहरुलाई सम्मान प्रदान गरिएको थियो। 

सो अवसरमा उच्च प्रहरी अधिकारी, सामाजिक अभियान्ता, पत्रकार, कलाकार, चिकित्सक लगायतलाई मेडल, प्रमाणपत्र एवं ट्रफीबाट सम्मानित गरियो। जसमा कास्मीरका आईजिपी कार्फ एम.एस भाटिया, आईपिएस डि.आई.जी सभाराज, सुजित कुमार सिंह, आईपिएस अफिसरहरु सिमआ नावी, तनुश्रीलाई लाईफटाईम एचिवमेन्ट अवार्ड समर्पण गरिएको थियो।

भारतमा प्रसिद्दि कमाएका टिभी आर्टिस्ट रेखा शर्मा, सामाजिक अभियान्ता एवं कलाकार ममता राजपुत, टप न्युजकी निधी सिंहलगयतले उक्त अवार्ड प्राप्त गरेका छन। विश्व मानवाधिकार परिषदका अध्यक्ष डा. एम. आर. अन्सारीको सभापतित्वमा सम्पन्न भएको कार्यक्रममा अनवासल हक, राम अकवाल, बहादुर सिंह लगायतको उपस्थिति रहेको थियो।

काठमाण्डौ – पछिल्लो युवा पुस्तामा निक्कै रुचाइएकी गायिका सुजाता केसी, दिल दुखेको दवाइको सांगितीक सफलता पछि हालै धन सम्पती लिएर आएकि छन् । सुमधुर आवाजकी धनी गायिकाका यस अघि पनि दर्जनौ गीतहरु नेपाली सांगीतीक बजारमा चर्चाको शिखरमा रहेका छन् । गीतमा चर्चित संगीतकार अर्जुन पोखरेलको शब्द संगीत रहेको छ भने गायिका केसी संगै गायनमा पनि पोखरेलले स्वर दिएका छन् ।

माधव शर्माको निर्देशन रहेको भिडियोमा उषा उप्रेती र रोशन केसीको अभिनय देख्न सकिन्छ । सुजाता केसी युटुव च्यानलबाट सार्वजनिक गरिएको म्युजिक भिडियोको सम्पादन विकाश ज्ञावालीले गरेका छन् भने नरेश उप्रेतीको छायाँकन रहेको छ ।

विगत लामो समय देखी चलचित्र र सुगम संगीतको गीति गायनको क्षेत्रमा सक्रिय रहेकी गायिका सुजता केसीका गीतहरु जस्तै “ तिम्रो हुने कहिले, मेरो बोली सुन्दा, क्या बबाल, बाजा बजाउँदै, ओई कान्छी, कुरा सिधा छ, बतास बनी, लेहेङ्गा हरर, जाल बुन्यो माकुरीले, राती राती फोन गर्ने, पान मिठो चुनाले लगायत दर्जनौ गीतहरुलाई श्रोताको मन मस्तिष्कमा बस्न सफल भईसकेका छन् । कला संस्कृतिलाई निकै नै माया गर्ने गायिका सुजता केसीले समय सान्दर्भिक गीतहरु दर्शक श्रोता माझ पस्कने कारण नै उनि समाजमा निकै लोकप्रिय बनेकी छन् ।

काठमाण्डौ -  चलचित्र पत्रकार संघ नेपालले आफ्नो २४औं वार्षिकोत्सव तथा २१औं चलचित्र पत्रकारिता दिवसको अवसरमा सातजना चलचित्र पत्रकारहरुलाई सम्मान तथा पुरस्कार प्रदान गरेको छ । आइतबार काठमाडौंमा एक कार्यक्रमका बीच राष्ट्रियसभाका अध्यक्ष गणेश तिमल्सिना, चलचित्र पत्रकार संघका अध्यक्ष समीर बलामी, चलचित्र विकास बोर्डका अध्यक्ष भुवन केसी, प्रथम रंगीन नेपाली फिल्मकी अभिनेत्री चैत्य देवी, प्रेस काउन्सिलका अध्यक्ष बालकृष्ण बस्नेत र संघका पूर्व अध्यक्ष विदुर गिरीसहितले सम्मान तथा पुरस्कार प्रदान गरेका हुन् ।

२५ वर्षभन्दा लामो समयदेखि कला पत्रकारितामा सक्रिय रहेको भन्दै शान्तिप्रियलाई ५५ हजार ५ सय ५५ राशीको ‘राष्ट्रिय चलचित्र पत्रकारिता रजत सम्मान–२०८०’, तुलसी गिरी ‘भावुक’ र श्रीराम सिग्देललाई ‘राष्ट्रिय चलचित्र पत्रकारिता सम्मान–२०८०’, कुबेर डंगोल र दीपज्योति थापालाई ५१ हजार राशीको ‘राष्ट्रिय चलचित्र पत्रकारिता पुरस्कार–२०८०’ र सृष्टि पोखरेललाई एक थान ल्यापटपसहितको ‘राष्ट्रिय चलचित्र पत्रकारिता प्रोत्साहन पुरस्कार–२०८०’ र रवि अधिकारीलाई २५ हजार राशीको ‘राष्ट्रिय मोफसल चलचित्र पत्रकारिता पुरस्कार–२०८०’ प्रदान गरियो ।

त्यस्तै, अघिल्लो कार्यकाल सफलतापूर्वक सम्पन्न गरेकोमा संघका निर्वतमान अध्यक्ष दिनेश दिनेश सिटौलालाई धन्यवाद पत्र प्रदान गरिँदा मनोज केसी, ज्ञानु राई, रश्मी थापा र निरज पन्थीलाई कदर पत्र प्रदान गरिएको थियो । सोही कार्यक्रममा संघले ६० वर्ष पूरा गरेका पत्रकारलाई मासिक चार हजार रुपैयाँ पेशागत सुरक्षा भत्ता प्रदान गर्ने कार्यको पनि थालनी गरेको छ । यो भत्ता प्राप्त गर्ने विजयरत्न तुलाधर पहिलो कला पत्रकार बनेका छन् । उनलाई संघका अध्यक्ष बलामीले बैशाख र जेठ महिनाको गरी आठ हजार भत्ता प्रदान गरे ।

कार्यक्रममा राष्ट्रिय सभा अध्यक्ष गणेश तिमल्सिनाले फिल्मको समग्र पाटोलाई पत्रकारिताले समेट्ने भएकाले राज्यदेखि फिल्मकर्मी सबैले माया गर्नुपर्ने धारणा राखे । उनले भने, ‘फिल्ममा कलाकारको अभिनय कस्तो छ, फिल्मले के भन्न खोजेको छ, फिल्म हेर्ने कि नहेर्ने भन्ने धेरै कुरा पत्रकारिताबाट आउने भएकाले यसलाई सबैले माया गर्नुपर्छ ।’ नेपाली फिल्मलाई विश्वमा नै फरक पहिचान दिलाउन सबैले आ–आफ्नो ठाउँबाट भूमिका खेल्न पनि उनले आग्रह गरे ।

कार्यक्रममा संघका पूर्वअध्यक्ष विदुर गिरी, कलाकार संघका अध्यक्ष मोहन निरौला, निर्माता संघका अध्यक्ष नवल खड्का,निर्देशक समाजका अध्यक्ष जनकदीप पराजुली,द्वन्द कलाकार संघका अध्यक्ष नारायण प्रधान,निर्माता तथा वितरक गोपाल कायस्थ, अभिनेता तथा निर्माता दीपकराज गिरी, निर्देशक माधव राज खरेल,  शोभित बस्नेत, निर्माता सुनिल कुमार थापालगायतको उपस्थिति रहेको थियो । संघले हरेक वर्ष आफ्नो वार्षिक उत्सवमा चलचित्र पत्रकारहरुलाई सम्मान तथा पुरस्कार प्रदान गर्दै आएको छ ।

काठमाण्डौं । टेलिभिजन कार्यक्रम सचेतना १५ वर्ष पुरा भएको उपलक्ष्यमा सचेतना गौरव सम्मान कार्यक्रम आयोजना गर्ने तयारीमा रहेको ग्लोरी मिडिया प्रा. लि. ले नेपाल टेलिभिजन समाचार महाशाखाका पूर्व प्रमुख महाप्रसाद लामिछाने, नेपाल पत्रकार महासंघका पूर्व कोषाध्यक्ष शिव खड्का र सेफर्ड कलेजकी प्राचार्य कविता शर्मा सम्मिलित ३ सदस्यीय छनौट एवं सिफारिस समिति गठन गरेको छ । स्थापना दिवसको अवसरमा जेष्ठ ०७ गते सचेतना गौरव सम्मान कार्यक्रम आयोजना गर्ने घोषणा गरेको ग्लोरीले ०८ गते ३ सदस्यीय छनौट एवं सिफारिस समिति गठन गरेको हो । मिडियाले प्रेस विज्ञप्ति जारी गर्दै सचेतना दर्पण स्मारिका प्रकाशनसहित सचेतना गौरव सम्मान कार्यक्रम आयोजना गर्ने बारे जानकारी गराएको छ ।

मिडियाका अध्यक्ष सरोज ओझाले सचेतना गौरव सम्मान कार्यक्रम आयोजना गर्न लागेको जानकारी दिदै भने ‘विगतमा एनटिभी प्लस, नेपाल टेलिभिजन हुँदै हाल एनटिभी न्युजमा हामीले प्रस्तुत गर्दै आएको टेलिभिजन कार्यक्रम सचेतना प्रसारणको १५ बर्ष पुरा भएको उपलक्ष्यमा सचेतना दर्पण स्मारिका र सचेतना गौरव सम्मान कार्यक्रम आयोजना गर्ने तयारीमा हामी जुटेका छौं, हाल कार्यक्रममा अन्तर्वाता दिनुहुने व्यक्तित्वहरुको विवरण संकलन गरि प्रोफाईल तयार गर्ने काम जारी छ, प्रकाशन संबन्धि काम सम्पन्न भए लगत्तै कार्यक्रमको मिति तयगरि कार्यक्रम आयोजना गर्नेछौं’।

ग्लोरी मिडिया प्रा लि २०६७ साल जेष्ठ महिनामा कंपनी रजिष्टारको कार्यालयमा विधिव्त रुपमा दर्ता भई निर्वाध रुपमा संचालनमा आईरहेको छ । कामपा २८ स्थित बागबजारमा अवस्थित ग्लोरी मिडिया नेपाल टेलिभिजनको आधिकारिक एजेन्सी पनि हो । ग्लोरी मिडियाले हाल सचेतना नामक कार्यक्रम एनटिभि न्यूज च्यानलमा प्रसारण गर्दै आएको छ भने विगतमा बाल कार्यक्रम बाल आवाज, शान्ति संबन्धी आदर्श परिवार, कुकिंग रियालिटी शो कलेज सेफ आईकन र हाँस्य टेलि श्रृंखला कुरा मात्र भो उत्पादन गरि प्रसारण गरेको छ । हालसम्ममा ग्लोरीले १०० भन्दा बढिको संख्यामा वृत्तचित्र, करिब २० वटा टि भि सि एवं रेडियो जिंगल, १५० भन्दा बढिको संख्यामा श्रव्यदृश्य रिर्पोट निर्माण गरिसकेको जनाएको छ ।

काठमाण्डौ – नेपालको सुदूर पश्चिम क्षेत्रमा बसोबास भई अमेरिकाको केन्टकीमा रहनु भयका सम्पूर्ण सुदूर पश्चिमबासी नेपालीहरुको भाषा, सस्कृति, परम्परा, कलाको संरक्षण र संवर्धन गर्ने, नेपालीहरुबीच आपसी भाइचाराको सम्बन्ध स्थापित गरि सामाजिक, आर्थिक, सांस्कृतिक तथा शैक्षिक उन्नति गर्न र समाजलाई एकताबद्द बनाई समाज विकास गर्ने गरी आउदो पुस्तामा नेपालीपन हस्तान्तरण गर्ने प्रमुख लक्ष्य रहेको सुदूर पश्चिम समाज Lexington केन्टकीको दोस्रो साधारण सभा मिति २०२३ मे २० शनिबारका दिन सम्पन्न भयको छ। उद्दव राज उप्रेतीको सभापतित्वमा सम्पन्न भयको साधारण सभाको संचालन मानब शाहले गरेका थिय भने सम्पूर्ण उपस्थित सुदूर पश्चिम बासी महानुभावहरुलाई चुडामणि अवस्थीले स्वागत मन्तब्य राखेका थिय।

सुदूर पश्चिम समाजका अध्यक्ष उद्दव राज उप्रेतीले समाजको प्रगति बिबरण पेश गरेको सभामा समाजको आर्थिक बिबरण समाजका कोषाध्यक्ष बिपिन पन्तले प्रस्तुत गरेका थिय। समाजका सचिव मानब शाहले प्रस्तुत गरेको “सुदूर पश्चिम समाज गठन, संचालन र संरक्षण कार्यविधि २०२३” लाई दोस्रो साधारण सभाले पास गरेको थियो। सो सभाको अतिथिमा रामचन्द्र जोशी, भागरथी पन्त, डम्बर बहादुर खडका, अमर महर, केशब दत्त जोशी, ईश्वरी जोशी र गौरी देबी बिष्ट हुनुहुन्थ्यो। समाजले सुदूर पश्चिम समाजको दोस्रो साधारण सभाकोलागी सहयोग गर्ने पारश खडका, दिपेन्द्र कुँवर, प्रकास पाण्डेय, जनक जोशी, नरेन्द्र पन्त, धवल सिंह ठगुन्ना, दिवाकर भट्ट, चुडामणि अवस्थी, जनक उपाध्याय, उमेश भट्ट लगायत महानुभावहरुलाई सम्मान गरेको थियो। दोस्रो साधारण सभाले तपशिल बमोजिमको नयाँ कार्यसमिति, सल्लाहकार समिति र युवा उपसमिति चयन गर्दै उल्लाहसमय वातावरणमा देउडा खेल्दै सम्पन्न भयको थियो। सम्पूर्णलाई बधाई तथा शुभकामना।

नयाँ कार्यसमिति यस प्रकार रहेको छ।

अध्यक्ष – उद्दव राज उप्रेती

उपाध्यक्ष – मानब शाह महिला

उपाध्यक्ष- बसन्ती बिष्ट

सचिव – सुरेन्द्र सिंह ऎर

सह सचिव – निरज शर्मा

कोषाध्यक्ष – सुजन सिंह ऎर

सदस्य – नारायण भट्ट, जगत तिरुवा, लोकेन्द्र कुँवर, संजिव मार्कन्ड, शोभा बुढा, अशोक परियार र अर्चना शाही

सलाहकार समिति संयोजक – चुडामणि अवस्थी

सदस्य – रेखा जोशी र नरेन्द्र कलौनी

युवा उपसमिति – संयोजक – प्रकाश थापा

सदस्यहरु- प्रयाग बि क, निर्मल गिरि, इन्द्रदेव भट्ट, बसन्ती जोशी र दिपेश कठायत

काठमाडौं - संगीतकार दीपक शर्माले आफ्नो संगीतमा एक करोड भन्दा माथि भ्युज पाएका चलचित्र गीतहरुको सँग्रह ‘दीपक शर्माका करोड क्लब चलचित्र गीतहरु’ सार्वजनिक गरेका छन् ।आईतबार काठमाडौंमा एक समारोहबीच बरिष्ट गीतकारहरु राजेन्द्र थापा, शान्तिप्रिय, नेपाल संगीत तथा नाट्य प्रज्ञा प्रतिष्ठानका परिषद सदस्य चेतन सापकोटा, संगीतकार नरहरि प्रेमी, गीतकार डब्बु क्षत्री र संगीतकार दीपक आफैंले यो गीतिसँग्रहको बिमोचन गरे ।
दीपक शर्माले संगीत गरेका ६ वटा चलचित्रका एक करोड भन्दा बढी भ्युज भएका ६ वटै गीतहरु यो सँग्रहमा छन् । जसमा चलचित्र छक्का पञ्जाको शन्तिप्रियको शब्द तथा कृष्ण काफ्ले र दीपाश्री निरौलाको स्वरको देखन चम्पा, चलचित्र छक्का पञ्जा ३ को राजेन्द्र थापाको शब्द तथा डेभिड शँकर र बिन्दू परियारको स्वरको पहिलो नम्बरमा, छक्का पञ्जा ४ को राजेन्द्र थापाको शब्द तथा डेभिड शँकर र सहिमा श्रेष्ठको स्वरको दर्शन सलाम, चलचित्र मँगलमको दीपककै शब्द तथा बिन्दू परियार र कृष्ण काफ्लेको स्वरको पर्ख पर्ख मायाँलु, चलचित्र हल्दार सुन्तलीको लेखु सहयात्रीको शब्द तथा सहिमा श्रेष्ठको स्वरको चि मुसी ची गीतहरु रहेका छन् ।

कार्यक्रममा बोल्दै संगीतकार दीपक शर्माले भने,‘मैले चलचित्र तेजावबाट चलचित्र संगीत सुरु गरेको हुँ । दर्शक श्रोताको मायाँले यहाँसम्म आईपुग्दा ६ वटा गीतले एक करोड देखि ३ करोड भन्दा बढी भ्युज पाएका छन् । यिनै करोड क्लबमा पुगेका गीतहरुको सँग्रहलाई आज सार्वजनिक गरेका हुँ ।’ आफ्ना अन्य चलचित्रका आधा दर्जन गीतहरु पनि अहिले करोड भ्युजको नजिक पुगेको र ती गीतहरु केही महिनामै करोड भन्दा बढी भ्युज पुग्ने पनि उनले बताए ।

दीपकका चलचित्रका ६ वटा गीत मध्य आफुले लेखेको दुई वटा गीतले दुई देखि तीन करोड भ्युज पाएको भन्दै बरिष्ट गीतकार राजेन्द्र थापाले हरेक प्रकारको गीतलाई आफ्नो फरक शैली दिनसक्नु दीपक शर्माको बिशेषता भएको बताए । आगामी दिनमा पनि आफु र दीपकको सहकार्यमा थुप्रै गीत आउने उनले जनाए ।

नेपाल संगीत तथा नाट्य प्रज्ञा प्रतिष्ठानका परिषद सदस्य एवम् संगीतकार चेतन सापकोटाले दीपक शर्मालाई धेरै गीतमा करोड भ्युजको लागि शुभकामना दिँदै भने,‘दर्शकको यति धेरै मायाँ पाएका दीपकजीले अब आफ्ना यी हिट गीतले कहाँ कती रोयल्टी कमायो भनेर पनि खोजी गर्नु पर्छ । उहाँका दर्जनौ हिट गीतबाट अरु धेरै धनी भएका छन र अब उहाँले आफ्नो अधिकार खोज्नु पर्छ ।’
संगीत यात्राको डेढ दशकमा यति धेरै हिट गीत दिनुले दिपक शर्मा फरक प्रकारको संगीत गर्न सक्ने श्रष्टा हुन भन्ने कुरा प्रष्टिएका दीपककै गुरु तथा संगीतकार नरहरि प्रेमीले कार्यक्रममा बताए ।

देखन चम्पाका गीतकार शान्तिप्रियले यो गीतले चलचित्र छक्का पञ्जाको स्कृप्ट देखि लवज नै परिवर्तन गरिदिएको अनुभव सुनाए । दीपकसँगको सहकार्यमा आफ्नो गीत पनि करोड भ्युजमा पुगेका खुसी व्यक्त गर्दै उनले आगामी दिनमा यस्ता करोड भ्युज गीतका लागि दीपकलाई शुभकामना दिए ।

काठमाण्डौ – नेपाल प्रहरीको प्रतिनिधित्व गर्दै पहिलो पटक प्रहरी वरिष्‍ठ नायव निरीक्षक (वरिष्ठ सई) पुरूषोत्तम नेपालीले विश्वको सर्वोच्च शिखर सगरमाथाको सफल आरोहण गरेका छन् । नेपालीले मंगलबार बिहान १० बजेर १५ मिनेटमा सगरमाथा आरोहण गरेका हुन्।

उक्त अवसरमा आरोही नेपालीले सगरमाथाको चुचुरोमा नेपालको राष्ट्रिय झण्डासहित नेपाल प्रहरी तथा अन्तर्राष्ट्रिय प्रहरी संगठन (इन्टरपोल) को झण्डा फहराएका छन्। इन्टरपोलको १०० औं सदस्यता प्राप्त गरेको नेपालले इन्टरपोलको शताब्दी वर्ष भव्यताका साथ मनाउने कार्यक्रमअन्तर्गत नेपाल प्रहरीको प्रतिनिधित्व गर्दै पहिलो पटक नेपालीले सगरमाथा आरोहण गरेका हुन्।

प्रहरी महानिरीक्षक वसन्तबहादुर कुँवरबाट २०७९ चैत ३० गते आवश्यक निर्देशन तथा शुभकामनासहित उक्त झण्डाहरू हस्तान्तरण गरी नेपालीसहितको आरोहण दल २०८० वैशाख २ गते काठमाडौंबाट प्रस्थान गरेको थियो।

मलेसिया। गैर आवासीय नेपाली संघ एनआरएनए मलेसियाका सचिव नारायण अधिकारी मलेसियाको हस्पिटालिटि क्षेत्रको सर्वश्रेष्ठ हापा अवार्डबाट सम्मानित भएका छन । हालै मलेसियामा आयोजित एक कार्यक्रममा एनआरएनए मलेसियाका सचिव अधिकारीलाई मलेसियाको हस्पिटालिटि क्षेत्रको सर्वश्रेष्ठ अवार्ड हापा अवार्ड २०२३ बाट सम्मानित गरिएको हो । हालै आयोजित एक कार्यक्रमका बीच रक क्याफे एन्ड बार,रक बटम एन्ड बार र ओलिभ किचन एन्ड बारका सिनियर मेनेजर अधिकारीलाई उक्त सम्मानबाट सम्मानित गरिएको हो ।

मलेसियाको हस्पिटालिटि क्षेत्रको सबैभन्दा ठुलो अवार्ड हाफा अवार्ड अधिकारीले मलेसियामा पर्यटन व्यवसायको पर्वर्दन र हस्पिटालिटि क्षेत्रमा गरेको विशेष योगदानका कारण उनलाई उक्त सम्मानबाट सम्मानित गरिएको हो । दुई दशकभन्दा लामो समयदेखि होटल तथा हस्पिटालिटि क्षेत्रमा आबद्ध अधिकारी यसअघि पनि यस्ता आधा दर्जनभन्दा बढी राष्ट्रिय तथा अन्तर्राष्ट्रिय पुरस्कार तथा सम्मानद्वारा सम्मानित भइसकेका छन । हाफाले हरेक बर्ष आयोजना गर्ने यस कार्यक्रमका लागी मलेसियाभरका होटल,रेस्टुरेन्ट,ट्राभल्स लगाएत हस्पिटालिटि क्षेत्रमा आबद्ध ब्यावसायीहरुले सहभागी जनाउने गरेका छन ।

हापा अवार्डद्वारा सम्मानित भएपछि खुशी ब्यक्त गर्दै एनआरएनए मलेसियाका सचिव अधिकारीले आफूले गरेको मेहनतको फल प्राप्त गरेकोमा खुशी ब्यक्त गरे । उक्त अवार्डबाट सम्मानित हुने अधिकारी पहिलो नेपाली रहेका छन ।

काठमाडौं ।  यो वर्ष शैक्षिक सत्र सुरु हुनअगावै पाठ्यपुस्तक विद्यार्थीको हातहातमा पुगेको छ ।  विगतमा समयमै विद्यालयका पाठ्यपुस्तक पुग्दैनथे। शैक्षिक सत्र आधा हुँदा समेत जिल्लाजिल्लाबाट पाठ्यपुस्तक नभएको गुनासा आउने गरेका थिए। प्रचण्डले आफु प्रधानमन्त्रीमा सत्तासिन हुने वित्तिकै बेलैमा पाठय पुस्तक छपाउन निर्देशन दिए ।  यसमा सरकारले स्याबासी पनि पायो। फलतस् यो बर्ष वर्ष शैक्षिक सत्र सुरु हुनअगावै पाठ्यपुस्तक विद्यार्थीको हातहातमा पुर्याउन सकियो । त्यसबाट हौसिएको सरकारले सधैँ किसानको गुनासो रहने रासायनिक मल पनि समयमै उपलब्ध गराउने तयारीमा जुटेको  छ। विवाद आएपनि  सरकारले मल आयातको थालनी पनि गरिसकेको छ। 

प्रधानमन्त्री तथा मन्त्रिपरिषद्को कार्यालयले यो वर्ष मल अभाव हुन नदिन र असार महिनाभित्र चाहिने परिमाणमै रासायनिक मल उपलब्ध  गराउने गरी काम गर्न खोजिरहेको छ।

प्रधानमन्त्री कार्यालयका एक अधिकारी भन्छन्, ‘प्रधानमन्त्री पष्पकमल दाहाल प्रचण्डले कृषि र पशुपन्छी विकास मन्त्रालय सम्हालेको समयदेखि नै रासायनिक मलको बारेमा चिन्ता थियो। जसअनुसार प्रक्रिया सुरु समेत गरिएको छ।’

 
प्रधानमन्त्रीको चाहना अनुसार नै अर्थ मन्त्रालय र कृषि र पशुपन्छी विकास मन्त्रालयलाई निर्देशन दिएर मल ल्याउने प्रक्रिया सुरु गरिएको हो। 

कहाँ पुग्यो मल ल्याउने प्रक्रिया ? 

चालू आर्थिक वर्ष २०७९र८० को लागि कृषि मन्त्रालयले न्यूनतम ५ लाख २० हजार मेट्रिकटन मल आवश्यक पर्ने प्रक्षेपण गरेको छ। सोही अनुसार सरकारले आयातको प्रक्रिया थालनी गरेको हो। मन्त्रालयले खरिद योजना बनाई कार्यान्वयन सुरु गरेको छ। यसमा प्रधानमन्त्रीले नीतिगत सहयोग गरेको ती अधिकारी बताउँछन्। 

समयमा मल उपलब्ध गराउन कृषि सामग्री कम्पनी लिमिटेडलाई नै पूर्ण जिम्मेवारी दिँदा आउन समय लाग्ने देखिएकोले मल आयात गरिरहेको अर्को संस्था साल्ट ट्रेडिङ कर्पोरेसनलाई कोटा बढाईएको छ । कर्पोरेसनले विगतमा छिटो मल ल्याएकोले कोटा बढाईएको हो । 

प्रधानमन्त्री कार्यालयले गरेको अध्ययन अनुसार यसअघि मल आयात गरिरहेको कृषि सामग्री कम्पनी लिमिटेडले अन्तर्राष्ट्रिय बजारबाट रासायनिक मल आपूर्तिको औसत समय टेन्डर आव्हान भएको दिनदेखि गोदामसम्म आइपुग्न करिब २२६ दिनको रहेको देखिएको थियो। 

साल्ट ट्रेडिङले आफ्नो नियमावली र निर्देशिका अनुसार गर्ने भएकोले यो अवधि तुलनात्मक रुपमा केही छोटो पाइएको प्रधानमन्त्री कार्यालयले मूल्याङ्कन गरेको छ ।  

असारसम्मलाई अर्थात् धान खेतमा प्रयोग गर्न कति मल आवश्यक हुन्छ भन्नेसम्मको सरकारले अध्ययन गरेको थियो । कृषि मन्त्रालयबाट भएको अध्ययन अनुसार असार थप ९० हजार मेट्रिक टन मल असार महिनालाई चाहिने देखिन्छ ।जुन प्रक्रियामा रहेको परिणाम बाहेकको हो ।  त्यसका लागि अर्थ मन्त्रालयको मिति २०७९ फाल्गुण ०८ को पत्रानुसार चालु आवको कृषि तथा पशुपन्छी विकास मन्त्रालयको विनियोजित रकमबाट रकमान्तर, आगामी आर्थिक वर्षको सिलिङ र दायित्व सिर्जना भएपश्चात थप निकासाका लागि अर्थ मन्त्रालयमा लेखिपठाउने गरी स्रोत सुनिश्चतता गरिएको छ। त्यसपछि प्रक्रिया अघि बढेको हो।

असार महिनामा मल आपूर्तिको लागि स्रोत सहमति प्राप्त भएको ७ अर्ब ५० करोडबाट असार महिनाभित्र मल आपूर्ति गर्न सकिने र नसकिने जानकारी गराउन दुवै कम्पनीलाई मन्त्रालयबाट अनुरोध गरिएकोमा कृषि सामग्री कम्पनी लिमिटेड को २०७९ फाल्गुण १५ को पत्र अनुसार सो समयभित्र आपूर्ति गर्न नसिकने व्यहोरा अनुरोध गरेको र साल्ट ट्रेडिङ कर्पोरेसनबाट आफ्नो खरिद नियमावली अनुसार खरिद गर्न सकिने व्यहोराको पत्र प्राप्त भए अनुसार अघि बढेको कृषि मन्त्रालयले जनाएको छ। 

यसबीचमा, जी टु जी प्रावधान बमोजिम कृषि सामग्री कम्पनी लिमिटेड र भारत सरकारको राष्ट्रिय केमिकल्स एन्ड फर्टिलाइजर्सबीच भएको सम्झौता अनुसार अग्रिम भुक्तानी गर्नुपर्ने व्यवस्था भएको र स्रोत सहमति दायित्व सिर्जना भइसकेपछि निकासा हुने गरी भएकोले दोश्रो लटको जी टु जी मल खरिद प्रक्रियामा तत्काल जान नसकिएको तर श्रोतको सहजता हुनेबित्तिकै दुवै देशबीचको सम्झौता अनुरुप जाने गरी वैकल्पिक तयारी मन्त्रालयबाट भएको जनाएको छ। 

अर्थ मन्त्रायबाट दायित्व सिर्जना भएपछि मात्र रकम निकासा हुने गरी स्रोत सुनिश्चतता भएको, जी टु जी खरिदमा अग्रिम भुक्तानीको प्रावधान भएको कृषि सामग्री कम्पनी लिमिटेडले असार महिनाभित्र ल्याउन नसकिने व्यहोरा अनुरोध गरेको थियो।

मल धानको लागि चाहिने र यसको सिजन असार रहेको कृषि मन्त्रालयले जनाएको थियो। धानबाली लगाउने सिजनमा मलको अभाव हुन नदिन कुनै अन्य उपयुक्त विकल्प नभएकोले एक पटकको लागि कृषि सामग्री कम्पनी लिमिटेडको कोटामा परेको २० हजार मेट्रिकटन युरिया र २० हजार मेट्रिकटन डीएपी असार मसान्तभित्र आपूर्ति हुने गरी साल्ट ट्रेडिङ कर्पोरेसनलाई थप खरिद गर्न निर्देशन दिने निर्णय कृषि मन्त्रालयले गरेको थियो। 

साल्ट ट्रोडिङको केही कोटा वृद्धिसँगै छिटो मल खरिद गर्ने सरकारले देखाएको यस तत्परताका कारण किसानले बेलैमा मल पाउनसक्ने देखिएको छ । 

बेलायत । बेलायतको मध्य भागमापर्ने  कोभेन्ट्रि एउटा सानो शहर भए पनि सन २०१५ देखी नेपालिको बसोबास हुन सुरु भएको पाईन्छ  । २०१९ पछी ह्वात्तै बढेको नेपाली पोर्तुगिसहरुको आगमनले एउटा ठाउँलाई केन्द्र बिन्दु बनाएर  २५० जना जती परिवार यस गाउँमा बसोबास गरिरहेका छन् ।  

भर्खर सम्पन  ३ वटा कार्यक्रम हेर्दा लोभ लाग्दो यो  गाउँमा  सामाजिक एकता राम्रो देखिएको  छ । कोभेन्ट्रि नेपाली समाजले आयोजना गरेको नयाँ बर्षको कार्यक्रम ३ जना कलाकरले नेपालबाट आएर  छमछमि नचाएका थिए । 
केहिदिन अघि कोभेन्ट्रि नेपाली समाजले आयोजना गरेको बुध्द जयन्ती र्‍याली  पनि सफलताका साथ सम्पन्न भएको थियो ।त्यसको दुई  दिन पछी अर्थात ७ मई मा नौमती बाजा समुहले आयोजना गरेको बुध्द जयन्ती बिशेष पुजा आजा र सांस्कृतिक साझ भब्य रुपमा सम्पन्न गर्‍यो । बुद्ध  फाउन्डेसनका अध्यक्ष तथा गैर आवासिय नेपाली संघका उपाध्यक्ष दिपक श्रेष्ठको प्रमुख अथित्यमा  सम्पन्न उक्त कार्यक्रममा बबिता बाँनिया जेरी , रमिला न्यौपाने , सायिमा श्रेष्ठ जस्ता ख्याती प्राप्त कलाकारहरुको प्रस्तुती र नौमती बाजामा कलाकारसँगको दोहोरीले त्यस साझ साच्चिकै रोमन्चक बनेको थियो ।  चितवन समाजका अध्यक्ष सालीक राम सापकोटा र सृजन्शिल नेपाली समाजका अध्यक्ष नारायण फुयालको बिशेष सम्बोधन रहेको यो साझ औपचारिक कार्यक्रम समाजसेवी युवा रमेश कंडेल र सांस्कृतिक कार्यक्रम  समाजसेवी व्यक्तित्व प्रकाश आचार्यले चलाउनु भएको थियो ।

कार्यक्रम मा थुप्रै अतिथीहरुले व्यवस्थापनको र खानाको  निकै प्रशंसा गरेका थिए । स्थानिय कलाकारहरुको दमदार प्रस्तुतीले कार्यक्रमको रौनक बढाएको थियो । जीवन बिज्ञान युके कि प्रशिक्षक अन्जना गुरुङले ४० मिनेटको योगा तथा उत्प्रेरणा क्लासले  दर्शकलाई साह्रै आनन्दित तुल्याएको थियो । 
आयोजक ले यो मई ७को कार्यक्रम सफल पार्न कुनै पनि रुप मा सहयोग पुराउने दाताहरुलाई हार्दिक धन्यवादका साथै आभार ब्याक्त गरेको छ । 

लण्डन नेपालबाट दिनभरी लाईभ प्रसारण भएको यो  कार्यक्रमलाई संसार भरीबाट हेरिएको थियो ।