entertainment
||Power News Asia||

आजको समाचार

नेपालमै अब अन्तर्राष्ट्रियस्तरको जिम ट्रेनर प्रशिक्षण

मनोरञ्जन


काठमाडौं -  नेपालमै अब अन्तर्राष्ट्रिय स्तरको व्यायाम प्रशिक्षक ९जिम ट्रेनर० प्रशिक्षण सुरु भएको छ । कमपोखरीस्थित क्लासिक फिटनेश एकेडेमी नेपालले पहिलोपटक अन्तर्राष्ट्रिय स्तरको जिम ट्रेनर प्रशिक्षण सुरु गरेको हो ।

क्लासिकले अमेरिकन काउन्सिल एक्सरसाईज (एसीई)को सम्बन्धनमा जिम ट्रेनर प्रशिक्षण सुरु गरेको हो । एसीईबाट सम्बन्धन लिएर जिम प्रशिक्षक ट्रेनिङ  (क्लास) सुरु गरेको क्लासिक फिटनेश एकेडेमीका प्रबन्ध निर्देशक रोजल शाहीले जानकारी दिए । 

नेपालमा प्रशस्त जिम सेन्टरहरु खोलिएका छन् र खोलिने क्रममा छ । तैपनि भनेजस्तो दक्ष जिम ट्रेनर नभएको अवस्थालाई मध्यनजर गर्दै अन्तर्राष्ट्रिय स्तरको जिम ट्रेनर प्रशिक्षण सुरु गरेको प्रबन्ध निर्देशक शाहीको भनाइ छ । 

‘पछिल्लो समय शारीरिक स्वास्थ्यता र आफूलाई फिट एण्ड राइट राख्नका लागि जिम गर्नेहरुको जमात बढ्दै गएको छ’, निर्देशक शाहीले भने, ‘थुप्रै जिम सेन्टरहरु पनि खुलेका छन् । तर, आवश्यक दक्ष ट्रेनरहरु पाउने अवस्था छैन । त्यसैले अन्तराष्ट्रिय स्तरको जिम ट्रेनर उत्पादन गर्ने हाम्रो लक्ष्य हो ।’

अन्तर्राष्ट्रिय स्तरको जिम ट्रेनरको सर्टिफिकेट प्राप्त गरेपछि जिम तथा फिटनेश सेन्टरहरुमा आकर्षक रोजगारी पाउने क्लासिक एकेडेमीको विश्वास छ । निर्देशक शाहीले भने, ‘जिम ट्रेनर प्रशिक्षण जिम सेन्टरमा पनि रोजगारी सिर्जना गर्न सकिन्छ भन्ने अर्को उद्देश्य पनि हो ।’ 

जिम ट्रेनर प्रशिक्षकले एसीईलगायत पाँच किसिमका अन्तर्राष्ट्रिय स्तरको प्रमाणपत्र पाउनेछन् । प्रबन्ध निर्देशक शाहीका अनुसार जिम ट्रनेर प्रशिक्षण लिएपछि ती व्यक्तिले एसीई सर्टिफिकेटका अलावा पर्सनल ट्रेनर सर्टिफिकेट (लेवल–४), ईआरईपीएस ९मेम्बर्स सर्टिफिकेट–लेवल ४, एसपीईएफएल–एससी सर्टिफिकेट लेवल ४ र सीपीआर जस्ता अन्तराष्ट्रिय स्तरमा मान्यता प्राप्त सटिफिकेट पाउने छन् ।

ईआरईपीएस फिटनेशका लागि युरोपभरी मान्यता प्राप्त छ । अन्य सर्टिफिकेटहरु पनि भारत, अमेरिकालगायतमा मान्यता प्राप्त हुन् । हाल जिम ट्रेनरको क्लास भइरहेको छ । तर, औपचारिकरुपमा भने बैशाख १७ गतेदेखि मात्र सुरु हुने क्लासिक फिटनेश एकेडेमीले जनाएको छ । जिम ट्रेनर तीनमहिने प्रशिक्षण हुनेछ ।

कलाकार संघले फान अवार्ड गर्दै

मनोरञ्जन


काठमाण्डौ – नेपाल चलचित्र तथा कलाकार संघले आगामी असार १८ गते फान अवार्डको गर्ने भएको छ ।  संघका महासचिव  तथा अवार्ड समितिका संयोजक सविन श्रेष्ठद्धारा प्रकाशित विज्ञप्तिमा विगतमा देशमा उत्पन्न विभिन्न प्राकृतिक विपत्ति, कोरोना महामारि जस्ता विविध कारणले  स्थगित हुदै आएको अवार्ड कार्यक्रमले अव आगामि दिनहरुमा  निरन्तर गर्दै जाने बताएका छन् । 

साथै  सचिव श्रेष्ठले भनेका छन् “विश्वव्यापी महामारी र अन्य मुद्दाहरू सहित अप्रत्याशित परिस्थितिहरूल फान पुरस्कार लाई यो पुरस्कार अस्थायी रूपमा रोक्न बाध्य तुल्यायो  । नयाँ उद्देश्य र दृढ संकल्पका साथ बर्तमान कार्य समितिले तेस्रो फान पुरस्कार समारोहको लागि तयारी गरिरहेको छ । यो भव्य कार्यक्रमले उत्कृष्टताको उत्सव, नेपाली चलचित्र , चलचित्रकर्मी, कलाकारहरूको अथक प्रयासलाई उच्च मूल्यांकन र नेपाली मनोरञ्जन उद्योगको अदम्य भावनाको प्रमाण दिने हाम्रो बिश्वास रहेको छ ।”

वि सं २०७२ र २०७४मा जम्मा दुई पटक मात्रै  आयोजना भएको यो अवार्ड त्यस यता रोकिएको थियो । सचिव श्रेष्ठकै संयोजकत्वमा उक्त कार्यक्रमको भव्य तयारी भईरहेको  र यसलाई अझ मर्यादित बनाउनमा सम्पुर्ण चलचित्र  कलाकार संघ तिब्रगतिमा लागिरहेको  नेपाल चलचित्र कलाकारसंघका अध्यक्ष मोहन निरौलाले बताएका छन् ।

चलचित्र पुजार सार्कीको ‘दर्शन गरेँ’ गीत रिलिज

मनोरञ्जन


काठमाण्डौ– जेठ १० गते रिलिज हुने नेपाली चलचित्र ‘पुजार सार्की’को पहिलो गीत ‘दर्शन गरेँ’ सार्वजनिक गरिएको छ । ओएसआर डिजिटल सार्वजनिक गरिएको गीतमा मगर जातीको कौडा नृत्यलाई देखाइएको छ । हर्क साउँदको शब्द रहेको उक्त गीतमा शान्तिश्री परियार र प्रकाश सपुतको स्वर तथा संगीत सुवास भुषालको रहेको छ भने यसका कोरियोग्राफि शिशिर खातीले गरेका छन् । कास्कीको जिल्लाको धम्पुसमा छायाङ्कन गरिएको यसको भिडियोमा पृष्ठभुमिमा माछापुच्छ्रे हिमालको रमणीय दृश्यहरु देख्न सकिन्छ ।

गीतको भिडियोमा तिन जना सुपरहरु स्टारहरुको आर्यन सिग्देल, प्रदीप खड्का, पल शाह का साथमा अञ्जना बराइली र परीक्षा लिम्बुको नृत्य देख्नसकिन्छ

‘पुजार सार्की’लाई दिनेश राउतले निर्देशन गरेका छन् । निर्देशक राउतले यो चलचित्रलाई समीक्षात्मक तथा व्यावसायिक दुवै हिसाबले उत्कृष्ट बनाउने आफ्नो प्रयास रहेको बताएका छन् । ‘प्रसाद’, ‘क्लासिक’, ‘नोभेम्बर रेन’, ‘प्रकाश’ लगायतका सफल चलचित्रका निर्देशक राउतले हालसम्म दर्शकलाई निराश बनाएका छैनन् । यो चलचित्रलाई विकास सुवेदीले लेखेका छन् । यसअघि विकास र दिनेशले चलचित्र ‘प्रकाश’मा सहकार्य गरेका थिए ।

मल्टिस्टारहरुका साथमा यस चलचित्रमा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायतको पनि अभिनय रहेको छ ।

चलचित्रलाई सुवास भुसालले निर्माण गरेका हुन् । किङ्गडम नेटवर्कको ब्यानरमा बनेको यो चलचित्रमा निर्माता भुसालले नै सङ्गीत तयार गरेका छन् । बि. पाण्डे, दिनेश राउत र गणेश शाहीले पनि यस चलचित्रका गीतहरुमा शब्द रचना गरेका छन् भने केतन क्षेत्री, देबेन्द बराल र मुना थटालले पनि चलचित्रका गीतहरुमा स्वर दिएका छन् ।

राजेश श्रेष्ठको डिओपी रहेको ‘पुजार सार्र्की’मा भरत रेग्मीको सम्पादन, सुप्रिम पराजुलीको कलर ग्रेडिङ र हिमाल केसीको द्वन्द्व निर्देशन रहेको छ ।

मिस नेशनलको उपाधि दावेदार डा. आयुष्नोभा

मनोरञ्जन


काठमाडौं – पछिल्लो समय सौन्दर्य प्रतियोगीता प्रति बिभिन्न क्षेत्रका ब्यक्तिको आकर्षण बढ्दो छ । यस्ता प्रतियोगीता मार्फत देशको प्रतिनिधित्व गर्दै अन्तराष्ट्रिय प्रतियोगीतामा सहभागी हुन र देश चिनाउन अवसर जो प्राप्त हुनेगर्छ ।

यस्तै अन्तराष्ट्रिय क्षेत्रमा देश चिनाउने उदेश्यले सौन्दर्य प्रतियोगीता ‘मिष्टर एण्ड मिस नेशनल’मा सहभागी भएकी छन् डाक्टर आयुष्नोभा ढुंगाना । ढुंगाना मोडल तथा डाक्टर हुन् । कलाकारिता र डाक्टर पेशाा एकसाथ अगाडि बढाइरहेकी ढुंगाना बंगलादेशबाट एमबीबीएस गरेकी छन् । संयुक्त राज्य अमेरिकाको हार्वर्ड मेडिकल स्कूलबाट जनेशरल साइकीह्याटीक म्यानेजमेन्ट, साइको इडुकेशन, बाइप्लोर डिसअडर, डिप्रेसन पोष्ट ग्रेजुएशन क्रेडिट पाठ्यक्रममा उनले १०० प्रतिसत क्रेडिट पाएकी थिइन् । अहिले हार्वर्ड स्कुलकै अटिजम पोस्ट ग्रेजुएशन क्रेडिट कोर्स गर्दैछन् ।

कलाकारिता तर्फ उनले मोडलिङ, कान्छो अंग्रेजी अनुवादक लगायतबाट समेत बिभिन्न अवार्डहरु प्राप्त गरेकी छन् । ‘मिष्टर एण्ड मिस नेशनल’तर्फ उनी मिस नेशनलको प्रतियोगी हुन् । पोल्याण्डमा आयोजना हुने ‘मिस सुप्रा नेसनल’मा देशको प्रतिनिधित्व गर्ने उदेश्यले उनी यो प्रतियोगीतामा सहभागी भएकी हुन् ।

प्रतियोगीताको अन्तिम २४ भित्र छानिन सफल उनी सबैभन्दा प्रभावशाली प्रतियोगी हुन् । त्यसैले उनलाई उपाधिको दावेदार समेत मानिएको छ । उपाधि जित्ने उदेश्यले उनी दिनरात मिहिनेत गरिरहेकी छन् ।

मोडलिङ र डाक्टर पेसा एकसाथ अगाडि बढाइरहेकी ढुंगाना अभिनित एक राष्ट्रिय गीत ‘त्यही सच्चा नेपाली’ केही अगाडि सार्वजनिक भएको थियो । गीतमा २ दर्जनबढी राष्ट्रिय कलाकारसँग उनले अभिनय गरेकी थिइन् । उनी डाक्टर पेशाा समाजसेवाका लागि रोजेकी हुन् ।

‘मिष्टर एण्ड मिस नेशनल’ प्रतियोगीताको फाइनल यहि मेको एक २०२४ मे १तारिकमा हुँदैछ । जसमा प्रतियोगीतामा ताज जित्ने लक्ष्य सहित आफु प्रस्तुत हुने आयुष्नोभाले बताइन् ।

मिस नेशनलका डिरेक्टर डा. सन्तोष उपाध्याय हुन् । उनी मिष्टर नेशनलका अन्तर्राष्ट्रिय तेस्रो विजेता हुन् ।

७ औं निम अवार्ड भव्य रुपमा सम्पन्न

मनोरञ्जन


काठमाडौ – विभिन्न ४२ विधामा अवार्ड प्रदान गर्दै बिहिबार ‘सातौं राष्ट्रिय समावेशी म्युजिक अवार्ड’ (निम अवार्ड) २०२४ ललितपुरको होटल स्क्वायरमा सम्पन्न भएको छ ।
समारोहमा यो वर्षको रजत संगीत सम्मान २०२४ बाट अग्रज संगीतकार जुगल डंगोल सम्मानित गरिएको छ । पावर इन्टरनेशनल मिडिया नेपाल (पिम नेपाल)द्धारा आयोजित सो समारोहमा संघीय मामिला तथा सामान्य प्रशासन मन्त्री भानुभक्त जोशीले अग्रज संगीतकार डँगोललाई सो सम्मान प्रदान गरेका हुन् । कार्यक्रममा संगीतकार डँगोलको सम्मानमा गायिका निशा देशारले जुगलकै संगीतको गजल साउनको भेल जस्तो… प्रस्तुत गरिन भने बाँसुरीबादक नगेन्द्र राईले जुगलकै संगीतमा बाँसुरी धुन सुनाए ।
सोही समारोहमा संस्कृतिकर्मी चन्द्र कुमार राई, साहित्यकार हरिसिंह थापालगायत पनि सम्मानित भए । कार्यक्रममा ५ हजार ५५५ राशीको यो वर्षको संगीत पत्रकारिता पुरस्कार रंग पत्रकार हरि दुलाललाई प्रदान गरियो ।

कार्यक्रममा मन्त्री भानुभक्त जोशीले यस्ता कार्यक्रमहरुले प्रतिभालाई प्रोत्साहन मिल्नका साथै गीत संगीतको विकाशमा टेवा पुग्ने विश्वास व्यक्त गरे । यस्तै बागमति प्रदेशका श्रम तथा यातायात मन्त्री लक्ष्मण लम्सालले राज्यले गर्नु पर्ने यस्ता महत्वपूर्ण कार्यहरु पिम नेपालले आयोजना गरेर निकै प्रसँसनीय कार्य गर्दै आएको छ भने ।
आयोजक संस्था पिम नेपालका अध्यक्ष माधव राज खरेलले पिम अवार्डबारे प्रकाश पार्दै कार्यक्रममा भने,‘विगत ७ वर्ष देखि आयोजना हुदै आएको निम अवार्डले नेपालमा बोलीने विभिन्न भाषाभाषिहरुमा बनेका गीत र गीतका भिडियोहरुलाई प्रोत्साहन स्वरुप अवार्ड तथा सम्मान प्रदान गर्दै आईरहेको छ ।’
यस्तै नेपाल चलचित्र कलाकार संघका अध्यक्ष मोहन निरौलाले पहिलो सृँखलादेखि नै आफु सल्लाहकारको रुपमा रहँदै आएको र निम अवार्ड समावेशी अवार्डको रुपमा स्थापित भएको बताए । कार्यक्रममा स्वागत मन्तब्य शान्तिप्रिले व्यक्त गरेका थिए ।
कार्यक्रममा अवार्ड सँयोजक कमला जोशीले कार्यक्रममा सो अवार्डको बारेमा प्रकाश पारेकी थिईन् । सनम कठायतको व्यबस्थापन रहेको सो कार्यक्रमको निर्देशकमा राजन थापा र सल्लाहकारमा व्याकुल माईला थिए ।

अवार्ड कार्यक्रम मा नेपाल टेलिकम ,नेपाल एयर लायन्स ,कृषि बिकास बैंक,एन एमवि बैक,टेन्सवर्क, गाेकर्णेश्वर नगरपालिका  लगायत संघसंस्थाहरुले सहयाेग गरेका थिए ।

सातौं निम अवार्ड 2024-का विजेताहरु
सर्वोत्कृष्ट राष्ट्रिय भाव
कर्मा : हाम्रो भावना त एउटै

सर्वोत्कृष्ट गजल गायन
रुद्रशेखर शर्मा: किन

सर्वोत्कृष्ट गजल गायन (जुरी)
संगीता राना प्रधान : चोखो माया

सर्वोत्कृष्ट आधुनिक गायक
यस कुमार : सुस्तरी सुस्तरी

सर्वोत्कृष्ट आधुनिक गायिका
निता आचार्य : जिन्दगी त संगै जिउने हो ।

सर्वोत्कृष्ट आधुनिक संगीतकार
नरहरी प्रेमी : घर छोडेको मान्छे

सर्वोत्कृष्ट आधुनिक गीतकार पुरुष
टेक तामाङ : तिमी सागर

सर्वोत्कृष्ट आधुनिक गीतकार महिला
सविता पोख्रेल : एक चिम्टी सिन्दु

सर्वोत्कृष्ट नव प्रतिभा गायक
राजु भट्ट : यो मुल्याई

सर्वोत्कृष्ट नव प्रतिभा गायक
सन्त बहादुर दराई (जुरी)

सर्वोत्कृष्ट नव प्रतिभा गायिका
प्रिजा मिश्र : के छ विचार

सर्वोत्कृष्ट पप गायन
डेविट शंकर : तिमिलाई हेरेर

सर्वाेत्कृष्ट डायसपाेरा अवार्ड
चेष्टर लिम्बू : जिवन एक संघर्ष

सर्वोत्कृष्ट लोक पप गायन
नविन कार्की : मान्छे होस इमान्दार

सर्वोत्कृष्ट लोक पप गीतकार
अनिल तिखत्री : तिमिलाई हेरेर

सर्वोत्कृष्ट लोक पप संगीतकार
मानस राज : मुड फ्रेस

सर्वोत्कृष्ट युगल गायन
मोहन श्रेष्ठ – सहिमा श्रेष्ठ : अरे क्यानम

सर्वोत्कृष्ट मौलीक गीत
हेमन्त कान्छा रसाईली : कोही मर्दा कसैको त

सर्वोत्कृष्ट लोकदोहोरी शब्द
सागर बास्तोला : गरिदेउ विदा

सर्वोत्कृष्ट लोकदोहोरी लय
ऋषि खड्का : गरिदेउ बिदा

सर्वोत्कृष्ट लोकदोहोरी गायक
राम कुमार नेपाली : मुटु चसकेर हो

सर्वोत्कृष्ट लोकदोहोरी गायिका
सञ्जु न्यौपाने : लामो कपाल

सर्वोत्कृष्ट मौलिक भिडियो
कमल एक्चै मगर : रामदली

सर्वोत्कृष्ट आधुनिक÷पप निर्देशक
केशव राज भट्ट : राजाको भैसी

सर्वोत्कृष्ट आधुनिक/पप मोडल पुरुष
राज टाईगर : माया गरे तिमिलाई

सर्वोत्कृष्ट आधुनिक÷पप मोडल महिला
अश्विनी शाही : तिम्रो मनमा

सर्वोत्कृष्ट लोकदोहोरी निर्देशक
सृजन बराल (ऋषि) : जारी

सर्वोत्कृष्ट लोकदोहोरी मोडल पुरुष
सागर लम्साल (बले) : सोल्टी सोल्टीनी

सर्वोत्कृष्ट लोकदोहोरी मोडल महिला
एन जेड सालु : आँखैमा बस्छौ की

सर्वोत्कृष्ट लोकदोहोरी मोडल महिला (जुरी)
प्रमिता राजघतानी : १८ प्लस

सर्वोत्कृष्ट नव मोडल पुरुष
बसन्त उदास : बैरागी

सर्वोत्कृष्ट नव प्रतिभा मोडल महिला
मिशेल घिमिरे : परिणाम

सर्वोत्कृष्ट नव प्रतिभा मोडल महिला (पब्लिक च्वाईस)
पुनम श्रेष्ठ : सुस्तरी सुस्तरी

सर्वोत्कृष्ट कोरियोग्रफर
राहुल बराईली : तिमि नै हौ

सर्वोत्कृष्ट म्युजिक एरेन्जर
सुदिप सागर : सकम्बरी

सर्वोत्कृष्ट ध्वनी मिश्रण
नरेन्द्र वियोगी : नदेखेको

सर्वोत्कृष्ट छायाँकार
मुकेश हुमागाई : तिम्रो याद

सर्वोत्कृष्ट भिडियो सम्पादक
अमृत चापागाई : मेरो लाहुरे

सर्वोत्कृष्ट नेपाल भाषा गीतकार
नातीकाजी महर्जन : बाला आपालँ

सर्वोत्कृष्ट नेपाल भाषा संगीतकार
मनराज नकर्मी : असं बजाः मंग बजाः

सर्वोत्कृष्ट नेपाल भाषा गायन
मोहन शाक्य : असं बजाः मंग बजाः

सर्वोत्कृष्ट नेपाल भाषा भिडियो
दर्शन विर शाक्य : जिगु देय् जित यः

सर्वोत्कृष्ट डेउडा गीत
शान्ति शाही : पहाडकी मैना चडी

सर्वोत्कृष्ट उत्कृष्ट मैथली/भोजपुरी गीत
प्रेमनारायण झा : आजुक दिन शुभमंगल हो

सर्वोत्कृष्ट मैथली/भोजपुरी गायन
विरेन्द्र कुमार झा : तुतै तोईड देल्ही हमर दि

सर्वोत्कृष्ट मैथली/भोजपुरी भिडियो
मुन्ना कुमार : बिन्दिया तोहर गे

सर्वोत्कृष्ट मैथली/भोजपुरी भिडियो (जुरी)
बद्री शाह : बेटीपर नही करु अत्याचार

PHOTO LINK : NIM AWARDS -2024 (POWER NEWS FACEBOOK PAGE)

बलिउड गायक एवं र्‍यापर मेलो डीको नेपालमा भव्य स्वागत

मनोरञ्जन


काठमाडौं । नयाँ वर्षको कार्यक्रममा लाईभ सांगितिक प्रस्तुतिका लागि प्रख्यात बलिउड गायक र र्‍यापर मेलो डी नेपाल आएका छन । उनी शुक्रबार अपरान्ह काठमाण्डौं आईपुगेका हुन । भारतको मुम्बईबाट एअर ईण्डिया हुँदै त्रिभुवन अन्तराष्र्टिय विमानस्थलमा उत्रिएका उनलाई एल एण्ड एन एजेन्सीका प्रबन्ध निर्देशक नितिन कायस्थ, राज्य मिडिया नेटवर्कका अध्यक्ष सरोज ओझा र सि ईओ डेभिल सिंह राजपूतले संयुक्त रुपमा स्वागत गरे ।

स्वागतपश्चात संचारकर्मीहरुसँग बोल्दै उनले लाईभ सांगितिक प्रस्तुतीका लागि नेपाल आउन पाउँदा निकै खुसी लागेको बताए । शनिवार राती हुने लाईभ सांगितिक प्रस्तुतीलाई लिएर आफू उत्साहि रहेको बताउदै र्‍यापर मेलो डीले नेपाल बसाईका क्रममा पशुपति नाथ दर्शन साथै काठमाण्डौं आसपास भ्रमण गर्ने योजना रहेको पनि सुनाए । सो अवसरमा एल एण्ड एन एजेन्सीका प्रबन्ध निर्देशक नितिन कायस्थले दरबार मार्ग स्थित क्लब नेक्ससमा हुने मेलो डी लाईभ बहु प्रतिक्षित ईभेण्ट रहेको दाबी गर्दै दर्शकहरु मेलो डीलाई सुन्न आतुर रहेको बताउदै भने मेलो डी लाईभ बहु प्रतिक्षित ईभेण्ट हो र दर्शकहरु मेलो डीलाई सुन्न आतुर हुनुहुन्छ, साथै मेलो डीले आफ्नो सनसनीपूर्ण संगीतले मञ्चलाई प्रतिध्वनित गर्नेमा म विश्वस्त छु’।

समकालीन बीटहरूसँग परम्परागत भारतीय ध्वनिहरू फ्यूजन गर्ने मेलो डीको अद्वितीय शैलीले न्यू इयर नाइट इभेन्ट एउटा भव्य कार्यक्रम हुने कायस्थले प्रक्षपण समेत गरे ।

विश्वस्तरिय असाधारण ईभेण्ट व्यवस्थापन कौशलका लागि परिचित एल एण्ड एल एजेन्सी नेपालमा अन्तर्राष्ट्रिय स्तरका कार्यक्रमहरू पस्कदै आएको छ विगतमा ६ सय भन्दा बढि उल्लेखनीय कार्यक्रमहरू आयोजना गरेको यस एजेन्सीले प्रतिभाशाली बलिउड संगीतकार, गायक र र्‍यापर तेरा भाइ जेडबी, बम्बे वाइकिंग्स र विनीत सिंहलाई नेपाली दर्शकहरूमाझ प्रस्तुत गरिसकेको छ ।

को हुन मेलो डी ?

आफूलाई बलिउडको सबैभन्दा खोजिने गायक र र्यापरहरू मध्ये एकको रूपमा स्थापित गरेका मेलो डी युवा पुस्ता माझ लाइमलाइटमा छन। ‘ड्रंक एण्ड हाई’, ‘फाइटर फिल्म गीत–इश्क जैशा कुछ’, ‘भुल भुलैया २’ र्‍याप गीत–तेरे आंखे भूल भुलैया, ‘हौले हौली’ र ‘नडियो पार’ जस्ता चार्ट टपिङ हिट गीतहरू दिएर चर्चा बटुल्दै उनले संसारभर फ्यान बढाएका छन ।

जुगल डंगोललाई यस वर्षको पिम नेपाल रतज सम्मान प्रदान गरिदै

मनोरञ्जन


काठमाण्डौ– पावर ईन्टरनेशनल मिडिया नेपाल (पिम नेपाल) ले विगत ७ वर्षदेखी निरन्तर रुपमा आयोजान हुँदै आएको सातौं संस्करणको राष्ट्रिय समावेशी म्युजिक अवार्ड (निम अवार्ड )–२०२४ को सम्पुर्ण तैयारी पुरा भएको आयोजक कार्यक्रम व्यवस्थापक समितिका प्रमुख सनम कठायतले बताएका छन् ।

विगत सात वर्ष देखी आयोजना हुदै आएको उक्त समारोहमा सदा झै यस वर्ष पनि अवार्डका साथसाथै नेपाली गीत संगीत, कला साहित्य एबम पत्रकारिताको क्षेत्रमा योगादान पुर्याउँदै आउनु भएका तथा प्रतिभावान विभिन्न व्यक्तित्वहरुलाई सम्मान तथा पुरस्कार प्रदान गरिने भएको छ । संघिय मामिला तथा सामान्य प्रशासन मन्त्री माननिय भानुभक्त जोशीको प्रमुख आतिथ्यतामा भोली चैत्र २२ गते विहिवारका दिन ललितिपुर स्थित होटल स्क्वायरमा सम्पन्न हुनगईरहेको छ ।

पिम नेपालको आज बसेको कार्यसमितिको बैठकले सातौं राष्ट्रिय समावेशी अवार्ड को विशेष अवसरमा यस वर्षको संगीत रजत सम्मान बरिष्ठ संगीतकार जुगल डंगोललाई प्रदान गर्ने निर्णय गरेको छ । समारोहमा संस्कृतिविद् सम्मानबाट राष्ट्रिय साँस्कृतिक संघका अध्यक्ष चन्द्र कुमार राई (हतवाली), बरिष्ठ लेखक तथा साहित्यकार हरिसिंह थापा, पत्रकारिता सम्मानवाट बरिष्ठ पत्रकार राजन नेपाल, बालप्रतिभा सम्ममानबाट अशोक दर्जी, कला सम्मानवाट अभिनेता संजीत भण्डारी, संगीत पत्रकारिता पुरस्कारबाट रंगपत्रकार हरी दुलाल लगायत व्यक्तित्वहरु सम्मानित हुने आयोजक समितिका निर्देशक राजन थापाले बताए । संगीत पत्रकार दुलाललाई पिम नेपाल संगीत पत्रकारित पुरस्कारको लागी लोक संचारकर्मी नेपालले पुरस्कारको लागी छनौट गरेको थियो ।

गीत संगीतका माध्यमबाट नेपाली भाषा, भेषभुषा, कला संस्कृतिको जगेर्ना गर्ने उदेश्यले विगत लामो समय देखी आयोजना हुदै आएको समावेशी अवार्डको सम्पुर्ण तयारी पुरा भएको आयोजक समितिका संयोजक तथा पिम नेपालको महासचीव कमला जोशीले बताएकी छन् ।

‘पाँचौँ अन्तर्राष्ट्रिय सांस्कृतिक चलचित्र महोत्सव’भव्यरुपमा सम्पन्न

मनोरञ्जन


काठमाडौँ – दीपेन्द्र के निर्देशित ‘चिसो मान्छे’ उत्कृष्ट चलचित्र घोषित भएको छ । ‘पाँचौँ अन्तर्राष्ट्रिय सांस्कृतिक चलचित्र महोत्सव’ मा ‘चिसो मान्छे’ ले फिल्मतर्फ उत्कृष्ट अवार्ड थाप्दा ‘घुर्रा’ ले लघु चलचित्र तर्फको उत्कृष्ट अवार्ड प्राप्त गर्‍यो ।

कार्यक्रममा उत्कृष्ट अभिनेत्रीको अवार्ड अभिनेत्री स्वस्तिमा खड्काले ‘चिसो मान्छे’ बाटै प्राप्त गर्दा ‘महापुरुष’ बाट हरिवंश आचार्यले उत्कृष्ट अभिनेता ठहरिए । ‘महापुरुष’ कै निर्देशक प्रदीप भट्टराईले उत्कृष्ट निर्देशकको अवार्ड जिते ।

त्यस्तै ‘छक्का पन्जा ४’ बाट दीपकराज गिरीले उत्कृष्ट लेखक र दीपाश्री निरौला ‘जुरी मेन्सन अवार्ड’ पाए । कार्यक्रममा वृत्तचित्र ‘थिम’, ‘दिअर ईज नो टुमारो’, ‘मकै विवाह’, ‘द गोर्खा गर्ल’, उत्कृष्ट बाल चलचित्रमा ‘ईअर्ली होम’ ले समेत अवार्ड प्राप्त गर्‍यो ।

स्पेसल जुरी मेन्सन अवार्ड ‘जर्ना’ र ‘युवराज’ ले प्राप्त गरेको कार्यक्रममा लघु चलचित्र ‘साउन्ड अफ ड्रिमिङ’ बाट चिन्तनराज भण्डारीले उत्कृष्ट छायाकारको अवार्ड पाए । नेपाली कांग्रेसका सांसद प्रदीप पौडेल, कलाकार मिथिला शर्मा, भुवन चन्द लगायतको उपस्थिति रहेको कार्यक्रममा उत्कृष्ट राष्ट्रिय चलचित्रतर्फ १५ र अन्तर्राष्ट्रिय चलचित्रतर्फ उत्कृष्ट १५ अवार्ड वितरण गरिएको थियो ।

भारतको ‘मुझे स्कुल नही जाना’, बेलायतको ‘नो फ्रिडम नो आर्ट’, बङ्गलादेशको ‘डियर सत्यजित’, पाकिस्तानको ‘ईन्टरभल’, बहराइनको ‘शैख अल तानवीर’, भारतको ‘शट बुट थ्री’, साउथ अफ्रिकाको ‘द लाष्ट सीड’, बेल्जियमको ‘ह्वेर ह्याभ अल द स्माईल्स गन’ ले समेत कार्यक्रममा अवार्ड प्राप्त गरेको थियो ।

महोत्सवको राष्ट्रिय निर्णायकमा कलाकार आँचल शर्मा, मोहन निरौला, सुष्मा कार्की, मोहन राई र पत्रकार शान्ति प्रिय, जय निशान्त र सुवास प्रधान थिए । त्यस्तै अन्तर्राष्ट्रिय निर्णायकमा पोल्यान्डकी म्याग्डालेना जुज्जिक, जर्मनीकी डर्क गिल्सन, सर्बियाकी ल्जुबिन्का स्टोजानोभिक, जर्मनीका जान स्लेंक, भारतका मुश्ताक अली अहमद खान, क्रोएसियाका इभा गालोभिक, कोरियाकी मिरियम ग्लेजर थिए ।

तीन दिन चलेको महोत्सवमा राष्ट्रिय तथा अन्तर्राष्ट्रिय फिल्म प्रदर्शनसँगै प्यानल डिस्कशन र मास्टर क्लास समेत आयोजना भएको थियो । महोत्सव निर्देशक सन्तोष सुवेदीले सहभागी राष्ट्रिय तथा अन्तर्राष्ट्रिय चलचित्र र त्यसका श्रष्ठालाई सहभागिताका लागि धन्यवाद दिँदै मायाको चिनो समेत प्रदान गरेका थिए ।

पाँचौँ नेपाल सांस्कृतिक अन्तर्राष्ट्रिय चलचित्र महोत्सव राजधानीमा सुरु

मनोरञ्जन


काठमाडौँ । ‘पाँचौँ नेपाल सांस्कृतिक अन्तर्राष्ट्रिय चलचित्र महोत्सव २०२४ नेपाल पर्यटन वोर्ड भृकुटीमण्डपमा सुरु भएको छ । गोकर्णेश्वर नगरपालिकाका मेयर दिपक रिसालले महोत्सवको उद्घाटन गर्दै नेपालमा यस्ता किसिमका महोत्सवहरुले नेपाली कला संस्कृतिको विकास तथा विस्तारमा जोड पुग्ने बताउदै नेपाल साँस्कृतिक चलचित्र केन्द्रले गर्दै आएको महोत्सवको प्रशंसा गरे ।

उद्घाटन समारोहमा प्रशीद्ध गायक रुद्र शेखर शर्मा सम्मानित भएका छन् । लामो समय देखी नेपाली गजल तथा आधुनिक गायनका क्षेत्रमा सक्रिय रुपमा लागि रहेका शर्माका दर्जनौ नेपाली तथा त्यत्तिकै संख्यामा हिन्दी गीतहरु सांगितीक बजारमा रहेका छन् ।  समारोहमा गायक रुद्र शेखर शर्मा संगै नारायण सुवेदी, राम कुमार हमाल, शम्भु प्रशाद अधिकारी, लक्ष्मी प्रशाद बुढाथोकी, राती लामा, चाँदनी मोक्तान सञ्जय लामा, सीता सुवेदी, पदम बहादुर तामाङ्, उत्तम पुडासैनी, रामेश्वर बुर्लाकोटी, सुदिप हमाल, सेसेमी लिम्बु, दिपक तामाङ, पुर्णी तामाङ, बिर बहादुर तामाङ, एलिन घिमिरे लगायत दर्जनौ व्यक्तित्वहरु सम्मानित भएका छन् ।

यस वर्षको महोत्सवमा ३७ विभिन्न देशका ३७ विभिन्न भाषाहरूको प्रतिनिधित्व गर्ने ६० फिल्महरु महोत्सवमा सहभागी भएका छन् । तिन दिन सम्म चल्ने महोत्सवको उद्घाटन सत्र सकिएपछि चलचित्र प्रदर्शन, प्यानल छलफल, मास्टर क्लास हुने  छ । सर्वसाधारणका लागि निःशुल्क प्रवेशको ब्यवस्था गरिएको महोत्सवले सबै क्षेत्रका मानिसलाई चलचित्र प्रति आकर्षण गर्ने विश्वास लिएको नेपाल साँस्कृतिक चलचित्र केन्द्र तथा महोत्सव समितिका अध्यक्ष सन्तोष सुवेदीले बताए ।

महोत्सव अवधिभर प्रदर्शन गरिने चलचित्रहरु मध्यबाट विभिन्न विधामा सर्वोत्कृष्ट लामा चलचित्र, छोटा चलचित्र, मानव अधिकार सम्बन्धी बनेको चलचित्र बालबालिका सम्बन्धी बनेका चलचित्र लगायत विभिन्न विधामा निर्माण गरिएका चलचित्रहरुलाई राष्ट्रिय तथा अन्तराष्ट्रि निर्णायकहरुको समुहले छनौट गरि समापन समारोहमा उत्कृष्ट फिल्म तथा फिल्मकर्मी पुरस्कृत समेत गरिने बताइएको छ । कार्यक्रममा नेपाल, भारत, सर्विया, जर्मनी, पाकिस्तान, लगायत विभिन्न देशका चलचित्रकर्मीहरुको भव्यसहभागतिा रहेको छ । महोत्सव यहि १८ गते नेपाल चलचित्र बिकास बोर्डमा समापन हुदै छ ।

गीतकार खतिवडाको हिन्दी गीतिसङ्ग्रह ‘कैसा मन मस्ताना प्यारे’ प्रकाशित

मनोरञ्जन


काठमाडौँ : गीतकार डा. हेमन्त खतिवडाको हिन्दी गीतसंग्रह ‘कैसा मन मस्ताना प्यारे’ प्रकाशित भएको छ। गीतकारले यसमा रोमान्टिक विषय समेटेका छन्। २ सय पृष्ठको यो संग्रहमा २ सयवटा हिन्दी गीत रहेका छन्। गीतहरू प्रेम गीतको प्रचलित रूपभन्दा फरक किसिमले लेखिएका छन्। गीतकार खतिवडा भन्छन्‚ ‘प्रेम सतही विषय होइन। यसको आफ्नै दर्शन छ, प्रेम गीतलाई म दर्शनसँग जोडेर हेर्छु र लेख्न रुचाउँछु।’

ओम प्रकाशन दिल्लीद्वारा प्रकाशित गीतसंग्रहका गीत कलात्मक र बिम्बात्मक छन्। सरल शब्दमा गम्भीर भाव प्रकट भएको छ। प्रस्तुत गीतहरूमा प्रेमका विविध स्वरूपलाई विभिन्न आयामबाट व्याख्या गरिएको छ। २०५३ सालमा नातिकाजीको स्वर संगीतमा ‘मनमा काँडा बिझेपछि’ बोलको गीत रेकर्ड गराएर सांगीतिक क्षेत्रमा उदाएका खतिवडाका दर्जनौँ गीत चर्चित छन्। उनी नेपालको सबभन्दा कम उमेरमा गीत लेख्ने गीतकार पनि हुन् ! यस कृति लाई निकै महत्वका साथ हेरिएको छ !