काठमाडौँ । आइतबार महानगरीय प्रहरी परिसर टेकुले सांसद अपहरणसम्बन्धि उजुरी दर्ता गर्न अस्वीकार गरेको छ । घटना भएको नजिकको प्रहरी कार्यालयमा उजुरी दिन भन्दै परिसरले उजुरी लिन नमानेको हो ।

नेकपाका सांसदद्वय महेश बस्नेत र कृष्णकुमार श्रेष्ठ किसान तथा पूर्वआइजिपी सर्वेन्द्र खनालले महोत्तरीबाट आफूलाई अपहरण गरी काठमाडौँ ल्याएको भन्दै पूर्वमन्त्रीसमेत रहेका डा. सुरेन्द्र यादव आइतबार पूर्वप्रधानमन्त्री डा. बाबुराम भट्टराई, पूर्वउप्रधानमन्त्री उपेन्द्र यादवसहित उजुरी दिन पुगेका थिए । तर, काठमाडौँ प्रहरीले उजुरी नै लिन लिन मानेन ।

परिसरले सांसद यादवको उजुरी लिन नमानेपछि सामाजिक सञ्जालमा अनेक टिकाटिप्पणी भएको छ । टेलिभिजन प्रस्तोता रवि लामिछानेले आफ्नो प्रसंग कोट्याउँदै सरकारप्रति ब्यङ्ग्य गरेका छन् । केही समयअघि पत्रकार शालिकराम पुडासैनी आत्महत्या प्रकरणमा मुछिएका थिए लामिछाने । पुडासैनीले लामिछानेको कारण आत्महत्या गर्नुपरेको भन्दै एक भिडियो सन्देश छाडेका थिए । भिडियोकै आधारमा लामिछानेविरुद्ध आत्महत्या दुरुत्साहन मुद्दाको उजुरी काठमाडौँ परिसरले लिएको थियो । जबकी त्यतिबेला घटना चितवनमा भएको थियो ।

यो पनि

काठमाडौं प्रहरीले सुरेन्द्र यादव अपहरणसम्बन्धी उजुरी लिन मानेन

‘तत्कालिन आईजीपी सर्वेन्द्र खनालकै निर्देशनमा चितवनमा भएको घटनाको अनुसन्धान गर्न भन्दै परिसरले उजुरी लिएको थियो । चितवनमा भएको घटनाको उजुरी काठमाडौँमा लिन मिल्ने, उहाँहरुको विरुद्धमा नमिल्ने भन्दै,’ लामिछानेले आक्रोश समेत पोखेका छन् ।

लामिछानेले ‘चितवनमा भएको घटनामा सर्वेन्द्र खनालकै निर्देशनमा मेरो र युवराजका विरुद्ध काठमाडौँमा उजुरी लिन मिल्ने, उहाँहरुको विरुद्धमा नमिल्ने ? उजुरी लिएर महोत्तरी पठाउन सकिन्छ तर उजुरी नै नलिन कसरी मिल्ला ? कानुन सानालाई मात्रै ? अराजकताको खाल्डो यति ठूलो नखन्नुस्, पुरिने तापाईंहरु आफै हो,’ सामाजित्र सञ्जालमा उनले लेखेका छन् ।

अदालतको अनुमति पनि नलिइकन रवि लामिछानेलाई सञ्चारगृहबाट गिरफ्तार गरेर चितवन लगिसके पछि काठमाडौं प्रहरीमा जाहेरी गर्न लगाएर चितवन पठाइएको थियो ।

सांसद यादवको उजुरी काठमाडौँ प्रहरीले लिनुपर्ने एक पूर्वआईजीपी बताउँछन् । उनी भन्छन्, ‘कसैका विरुद्ध पनि उजुरी लिन्न भन्न पाइन्न, तर मुद्दा चलाउने/नचलाउने सरकारी वकिलले निर्णय गर्छ ।’

रवि र सांसद यादवको प्रसंगलाई लिएर प्रहरीका केन्द्रीय प्रवक्ता डीआईजी निरज शाहीलाई सम्पर्क गर्दा फोन रिसिभ भएन ।

यादव राष्ट्रिय जनता पार्टी राजपा र समाजवादी पार्टी मिलेर बनेको जनता समाजवादीका सांसद हुन् । उनी समाजवादी पार्टीबाट महोत्तरी क्षेत्र नम्बर ४ बाट निर्वाचित भएका थिए । समाजवादी पार्टी फुटाउने प्रयोजनका लागि केही दिनअघि यादवलाई महोत्तरीबाट काठमाडौँ ल्याएको आरोप छ ।

आफूलाई अपहरण तथा शरीर बन्धकमा राख्न संलग्न रहेको भन्दै यादवले नेकपाका सांसदहरू बस्नेत, श्रेष्ठ र पूर्वआईजीपी खनालबिरूद्ध किटानी जाहेरी दिएका हुन् ।

किटानी जाहेरी दिन टेकुस्थित परिसरमा जनता समाजवादीका शीर्ष नेताहरू बाबुराम भट्टराई, उपेन्द्र यादव, शरदसिंह भण्डारी, राजेन्द्र महतो, अशोक राई, राजेन्द्रकुमार श्रेष्ठ, हिसिला यमीलगायत पुगेका थिए ।

उजुरी लिन नमानेपछि पत्रकारसँग कुरा गर्दै भट्टराईले प्रधानमन्त्री आफै अपहरणजस्ता काण्डमा मुछिएको पनि आरोप लगाए । ‘उहाँहरू आफै संलग्न भएर अपहरणजस्ता काण्डमा मुछिनुभएको छ । यसले सम्पूर्ण कर्मचारी, प्रहरी र प्रशासनलाई पनि आतंकित पारेको छ,’ भट्टराईले भने ।

वरिष्ठ अधिवक्ता दिनेश त्रिपाठी महोत्तरीबाट सांसद यादवलाई उठाएर ल्याएको भए पनि यो घटनाले पूर्णता काठमाडौँमै पाएकाले जाहेरी दर्ता गर्न बाहिर जानु नपर्ने बताउँछन् ।

काठमाडौँ प्रहरीले डा. यादवको अपहरणको जाहेरी लिन नमान्नुले विधिको शासन र कानूनको अगाडी सबै समान हुन्छ भन्ने सिद्धान्तको धज्जी उडाएको अधिवक्ता त्रिपाठीको भनाइ छ ।

मौसम पूर्वानुमान महाशाखाले हाल देशमा पश्चिमी वायु, स्थानीय वायु र पुर्वी भू–भाग नजिक बनेको न्यून चापिय क्षेत्रको प्रभाव परेको जनाएको छ । 

यसका साथै बंगालको खाडी, अरब सागरबाट समेत जलवाष्पयुक्त हावा नेपाल प्रवेश गरेको महाशाखाले जनाएको छ । 

महाशाखाले जारी गरेको पूर्वानुमानमा हाल देशको केही स्थानहरुमा सामान्य बदली भई वर्षा भइरहेको जनाइएको छ । 

सोमबार दिउँसो देशभर सामान्य बदली रही अधिकांश स्थानहरुमा  मेघगर्जन, चट्याङ्ग, असिना र हावाहुरी  सहित हल्कादेखि मध्यम वर्षाको सम्भावना रहेको महाशाखाले उल्लेख गरेको छ । 

यसैगरी, राति  देशभर सामान्य बदली रही अधिकांश स्थानहरुमा  मेघगर्जन, चट्याङ्ग, असिना र हावाहुरी  सहित हल्कादेखि मध्यम वर्षाको सम्भावना रहेको छ।

महाशाखाले सोमबार पश्चिमी भू–भागका अधिकांश स्थानमा र मध्य र पूर्वी भू–भागका केही स्थानहरुमा  मेघगर्जन, चट्याङ्ग  र हावाहुरी सहित हल्कादेखि मध्यम वर्षाको सम्भावना रहेकोले आवश्यक सतर्कता अपनाउन हुन अनुरोध गरेको छ । 

दयपुरको त्रियुगा नगरपालिका–३ भुल्केमा फेला परेका सङ्क्रमित बसेको कञ्चनरुप नगरपालिकाको मस्जिद आसपास बस्नेको आइतबार स्वाब सङ्कलन गरिएको छ ।

नगरपालिका–१ वैरवा र २ बरमझियास्थित मस्जिदसँग प्रत्यक्ष सम्बन्धित ३४ जना र नगरपालिकाद्वारा सञ्चालित क्वारेन्टाइनमा बसेका नौ जना गरी ४३ जनाको स्वाब सङ्कलन गरिएको नगरपालिका स्वास्थ्य शाखाका वरिष्ठ अधिकृत डम्बरप्रसाद गुप्ताले बताए । 

क्वारेन्टाइनमा बसेका नौ जना भारतबाट आएका स्थानीयवासी हुन् । क्वारेन्टाइनमा रहेका बाँकी २२ जनाको आइतबार आरडिटी गरिएको छ ।
    
स्वास्थ्य सेवा विभाग इपिडिमियोलोजी तथा रोग नियन्त्रण महाशाखाले पिसिआर विधिबाट परीक्षण गर्न स्वाब सङ्कलन तीव्र बनाएको छ । 

शनिबार सप्तरीको बोदे बर्साइनबाट १६१ को स्वाब सङ्कलन गरिएको थियो । कञ्चनरुपमा स्वाब सङ्कलन गरेपछि विज्ञ प्राविधिकको टोली स्वाब सङ्कलन गर्न सप्तकोशी नगरपालिका–१ फत्तेपुर पुगेको छ । 

उदयपुरको सीमामा रहेको फत्तेपुरमा १०० को स्वाब सङ्कलन गर्ने लक्ष्य रहेको टोलीमा सहभागी महाशाखाका फणीन्द्र ज्ञवालीले जानकारी दिए । 

यसअघि सप्तकोशी नगरपालिकाको वडा नम्बर १, २ र ४ मा १७१, कञ्चनरुप नगरपालिका २ र १२ मा ६६ को आरडिटी गरिएको थियो । 

सरकारले जारी लक डाउनको समय १० दिन थप गर्ने निर्णय गरेको छ । आइतबार प्रधानमन्त्री निवास बालुवाटारमा बसेको मन्त्रिपरिषद बैठकले लक डाउनको समय १० दिन थप गर्दै वैशाख २५ गतेसम्म जारी राख्ने निर्णय गरेको हो ।

पछिल्लो पटक थप भएको समय वैशाख १५ गते सोमबार सकिँदै थियो । पूर्वनिर्धारित लकडाउनको समय सकिन एक दिन अगाडी नै सरकारले १० अझ लम्ब्याउने निर्णय गरेको हो ।

सरकारले लकडाउनको समयसीमा थप गरेको यो चौथो पटक हो । यसअघि सरकारले चैत ११ गतेदेखि चैत १८ गतेसम्मको लागि लकडाउन गरेकोमा त्यसपछि बढाएर चैत २५ गतेसम्म पुर्याइएको थियो । 

यसैगरी त्यसपछि पुनः वैशाख ३ गतेसम्म बढाएकोमा त्यसपछि पनि सरकारले वैशाख १६ गते अर्थात भोलिसम्मका लागि लकडाउन गरेको थियो । योसहित नेपालमा ४५ दिन लकडाउन हुने निश्चित भएको छ।

आइतबार नै बैठकले अन्तर्राष्टिय सीमानाकाहरु वैशाख ३१ गतेसम्म बन्द नै राख्ने निर्णय गरेको छ । बाह्य जगतबाट कोरोनाको जोखिम अझै रहेकाले सीमानाकाहरु वैशाख ३१ गतेसम्म बन्द गर्ने निर्णय बैठकले गरेको सरकारका प्रवक्ता समेत रहेका अर्थ र सञ्चार तथा सूचना प्रविधिमन्त्री डा. युवराज खतिवडाले बताए । इपिएस अन्तरर्गत कोरिया जाने श्रमिकहरुलाई दुई देशको आपसी सल्लाह र सहमतिमा कोरिया लैजाने अनुमति दिने निर्णय पनि बैठकले गरेको छ ।

हालसम्म नेपालमा कोरोनाभाइरसको संक्रमण ५२ जनामा पुष्टि भइसकेको छ भने त्यसमध्ये १६ जना निको भएर घर फर्किएका छन् । 

मिति २०७७-०१-१३ गते शनिवार हिजो। वडा प्रहरि कार्यालय मालिगाउँमा प्रहरि मित्रहरु तथा समुदायका मानिसहरुको लागि ६०० थान मास्क र एउटा थर्मल गन प्रदान गरे पश्चात हाम्रो मल्टिपलले नेपाल सरकारलाई उपलब्ध गराउने PPE, Gloves र Mask हरुको प्याकिङ्को कार्य सम्पन्न गरियो।
    
     यसैगरी आज मिति २०७७-०१-१४ गते आईतवार। हिजो प्याकिङ् गरिएका ती सम्पूर्ण सामग्रिहरुलाई लोड गरेर स्वास्थ्य मन्त्रालय लगी माननिय स्वास्थ्य मन्त्रीज्यूलाई हस्तान्तरण गर्ने कार्य पनि सम्पादन भयो। लायन्सहरुको तर्फबाट GAT Area Leader Lion Khagendra Sitaula सरले सामानको विवरण, प्रेस रिलिज सहित हस्तान्तरण कार्य सम्पन्न गर्नुभयो भने नेपालका अधिकतम मिडियाहरु समक्ष स्वास्थ्य मन्त्री माननिय भानुभक्त ढकाल ज्यूले धन्यवाद सहित नेपाली लायन्सले समाजमा पुर्याईरहेका सेवा कार्यहरुको मुक्त कण्ठले प्रशंसा गर्नुभयो।कार्यक्रममा LCIF Area Leader लायन बालकृष्ण बुर्लाकोटि, तीनवटा डिष्ट्रिक्टका गभर्नरज्यूहरु तथा अनेकौं लायन लिडरहरुको उपस्थिति रहेको थियो। सो कार्यक्रममा डिष्ट्रिक्ट 325 A1 र A2 द्वारा यस लकडाउन अवधिमा गरिएका सेवा कार्यको लिखित विवरण DGE लायन टंक बहादुर श्रेष्ठ तथा DG लायन शोभा जोशिज्यूले क्रमश: मन्त्री ज्यू तथा पत्रकार मित्रहरुलाई उपलव्ध गराउनु भएको थियो।

    नेपाली लायनिजमको यात्रालाई उच्च र उत्कृष्ट वनाउँदै समाजमा एउटा गर्व गर्न लायक मानविय संस्थाको रुपमा स्थापित गराउन दिनरात निरन्तर खटेर हामिलाई नेतृत्व प्रदान गर्नुहुने आदरणिय PID Lion Er. Sanjay Khetan Sir लगायत अन्य लायन लिडरहरु, लायन मित्रहरु र लियो भाईबहिनी हरुलाई आफ्नो आत्माको अन्तस्करणबाट नमन गर्दै हार्दिक कृतज्ञता व्यक्त गर्दछु तथा आगामि दिनहरुमा हाम्रा सहकार्यहरु समाज परिवर्तनका निम्ति अझै बढि ससक्त हुनेछन् भन्ने अठोट गरेकोछु।
     धन्यवाद! जय लायनवाद!!

थोत्रो पाटी उज्यालो, मलिन तृणकुटी, कन्दरा झन् उज्यालो
भिक्षा भारी उज्यालो, अझ वन वनको साग सिस्नु उज्यालो।
फ्याङ्लो गुन्द्री उज्यालो, वर पर घुम्दा जीर्ण कन्था उज्यालो
तृष्णाको तृच्छ जालो मनबीच नभए जो मिल्यो सो उज्यालो।।

काठमाडौं, १४ बैसाख । नेपालमा ‘लहरे सर्प’ को नयाँ प्रजाति फेला परेको छ । स्थानीयवासीले सुगा वा उडुवा सर्प भनेर चिन्ने उक्त लहरे सर्प पहिलो पटक शुक्लाफाँटा राष्ट्रिय निकुञ्जको लरिघाट क्षेत्रमा फेला परेको हो ।

शुक्लाफाँटा राष्ट्रिय निकुञ्जका प्रमुख संरक्षण अधिकृत लक्ष्मणप्रसाद पौड्याल, रेञ्जर यामबहादुर रावत तथा राष्ट्रिय प्रकृति संरक्षण कोषका डा. नरेश सुवेदी, कोषका संरक्षण अधिकृत सन्तोष भट्टराई सम्मिलित टोलीले उक्त सर्पको पहिचान गरेको हो । विश्वमा जम्मा १० प्रजातिका लहरे सर्प पाइन्छन् ।

उक्त सर्प शुरुमा रेञ्जर रावतले फेला पारेका थिए । पछि उक्त टोलीले सर्पको नयाँ प्रजाति पुष्टि गरेको थियो । शुक्लाफाँटा राष्ट्रिय निकुञ्जका प्रमुख लक्ष्मणप्रसाद पौडेलले दुई वर्षदेखि सरिसृप र उभयचरको अध्ययनका क्रममा यसरी नयाँ प्रजातिको सर्प फेला परेको जानकारी दिए ।

उक्त प्रजाति नेपालबाहेक भारतमा मात्र फेला परेको छ । उहाँका अनुसार शुल्लाफाँटाका लागि योसहित ११ सर्प, चार भ्यागुता, एक कछुवा, एक छेपारो र एक भालेमुङ्ग्रो नयाँ फेला परेको छ ।

यो प्रजाति सन् २०१९ मा विश्वमै पहिलो पटक भारतको उडिसा र राजस्थानमा फेला परेको थियो । दोस्रो पटक भारतकै गुजरात भेटिएको थियो । लहरे सर्प लौकाको सुकेको डाँठ जस्तो देखिने र भारतको उडिसामा लौकालाई स्थानीय भाषामा लौडङ्का भन्ने गरेकाले सर्पको वैज्ञानिक नाम अहेतुल्ला लौडाँकिया भनेर नामकरण गरिएको छ ।

नेपालमा पहिलो पटक शुक्लाफाँटा राष्ट्रिय निकुञ्जमा फेला परेको यो प्रजाति पुनः बर्दिया राष्ट्रिय निकुञ्जको मध्यवर्ती क्षेत्रमा पनि भेटिएको थियो । पछिल्लो पटक चितवन राष्ट्रिय निकुञ्जको पटना ताल र लामीताल क्षेत्रमा समेत फेला परेको राष्ट्रिय प्रकृति संरक्षण कोष चितवन, सौराहाका संरक्षण अधिकृत सन्तोष भट्टराईले जानकारी दिए ।

दिउँसोमा सक्रिय हुने, रुख लहरा तथा अग्ला खर घारीमा बस्ने र सुकेको लहराको डाँठ जस्तो शरीरको रङ खैरो हुने भएकाले यो सर्प सजिलै ठम्याउन गाह्रो हुने भट्टराईको भनाइ छ ।

लहरे सर्प अहिलेसम्म तराईका तीन राष्ट्रिय निकुञ्जमा पाँच वटा मात्र भेटिएको छन् । स्थानीयवासीले यसलाई सुगा सर्प वा उडुवा सर्प आदि नामले चिन्छन् । सर्पमा मध्यम खालको विष भए पनि टोकाइबाट मानिसको ज्यान जाने अवस्था नरहने जनाइएको छ ।

हरियो लहरे सर्प पाइने गरेकामा खैरो लहरे सर्प नेपालका लागि नयाँ भएको र योसहित नेपालमा दुई प्रजातिको उक्त सर्प भेटिएको सर्प विज्ञ करण शाहले जानकारी दिनुभयो । यसअघि फेला परेको सर्प हरियो र मुख चुच्चो हुने हुँदा यसलाई सुगा सर्प भन्ने गरिएको हो ।

सुक्खा वासस्थान तथा खरबारी, खोला, पोखरी किनारका काँस घारी तथा चुरे क्षेत्रको जङ्गलमा यो प्रजातिको वासस्थान हुन सक्ने जनाइएको छ । नेपालको अन्य जिल्लामा समेत पाउन सक्ने सम्भावना रहेको संरक्षणकर्मी बताउँछन् ।

फेला परेका पाँच सङ्ख्यामध्ये एउटा स्थानीयले मारेको नमूना फेला परेको थियो । यसको वासस्थान खरघारी भएकाले निकुञ्जको खरघारी, घाँसे मैदान आगो लगाएर व्यवस्थापन गर्ने समयमा अन्य क्षेत्रमा यसको अवस्था पत्ता लगाउन सके प्रजाति संरक्षण कार्यक्रम प्रभावकारी छ ।

जैविक विविधताका दृष्टिले नयाँ प्रजाति देशका लागि अमूल्य सम्पत्ति हुन् । संरक्षणको प्राथमिकतामा नपरेका सर्प प्रजातिको अध्ययन अनुसन्धान बढाउनु जरुरी रहने सर्प विज्ञको भनाइ छ ।

हालै भेटिएको लहरे सर्पसहित नेपालमा ८३ प्रजातिका सर्प फेला परेका छन् । जसमध्ये १७ वटा सर्पले बढी विषालु हुने हुनाले त्यसले टोकेमा मानिसको ज्यान जान सक्छ । विषालु सर्प करेत कोब्राको अगाडि दाँत हुन्छ । यसको पछाडि दाँत हुने भएकाले अलि कम विषालुमा पर्ने सर्प विज्ञ शाहको भनाइ छ । उनका अनुसार यो तराईमा पाइने सर्प हो ।

गर्मी मौसम शुरु भएकाले घर वरिपरी सरसफाइ गरेमा विषालु सर्पको टोकाइबाट जोगिन सकिने विज्ञहरुले बताएका छन् । उक्त नयाँ प्रजातिको सर्पबारे आज मात्रै अन्तर्राष्ट्रिय जर्नलमा प्रकाशन भएको छ ।

काठमाडौं – कोरोना भाइरसका कारण सरकारले देशव्यापी गरेको लकडाउन आज सकिदैछ। आगामी दिनमा के गर्ने भन्ने विषयमा आजै बस्ने मन्त्रिपरिषद बैठकले निर्णय गर्ने छ। आज मन्त्रीपरिषद् बैठकको निर्णय अनुसार नयाँ शैक्षिक कार्यक्रम र योजना बनाउने शिक्षा मन्त्रालयको तयारी छ।

शिक्षा, विज्ञान तथा प्रविधिमन्त्री गिरीराजमणी पोखरेलले आजको मन्त्रीपरिषद बैठकले गर्ने निर्णयका आधारमा शैक्षिक कार्यक्रम र योजना बनाउने बताएका हुन्।

शिक्षा पत्रकार समूहले कोरोना भाइरसको महामारीबाट शैक्षिक क्षेत्रमा उत्पन्न परिस्थितिका बारेमा शनिबार गरेको भर्चुअल पत्रकार साक्षात्कारमा मन्त्री पोखरेलले यस्तो बताएका हुन्।

शिक्षा मन्त्रालयले गठन गरेको विज्ञ समितिले कोरोना महामारीबीच शैक्षिक कार्यक्रम कस्तो बनाउने भन्ने विषयमा आज सुझाव प्रतिवेदन बुझाउँदै छ ।

सरकारले विज्ञ टोलीसँग कोरोनाका कारण स्थगित विद्यालय तहको परिक्षा कसरी लिने भन्ने योजनासहित प्रस्तुत हुन सुझाएको छ ।

भर्चुअल पत्रकार साक्षात्कारका क्रममा मन्त्री पोखरेलले भने, ’घरकै खाना खाएर, नजिकैको विद्यालयमा सुरक्षित परीक्षा दिने व्यवस्था मिलाउनेछौ ।’

यसैगरी मन्त्री पोखरेलले सयौं विद्यार्थीका कारण सामाजिक दूरी कायम गर्न मुस्किल हुने भएकाले शैक्षिक संस्थाहरु लकडाउनपछि सबैभन्दा अन्तिममा खुल्ने क्षेत्र भएको बताए ।

यस्तै अहिले देशभर २ सय ५० विद्यालय र क्याम्पसलाई क्वारेन्टिन बनाईएकाले पनि तत्काल त्यहाँ कक्षा संचालन गर्न सम्भव नभएका कारण नयाँ ढंगले कक्षा संचालन गर्ने विकल्पको खोजी भईरहेको मन्त्री पोखरेलको भनाइ छ ।

अबको एक हप्ताभित्र सबै विद्यालयको नतिजा निकाल्ने र अर्को हप्तामा माथिल्लो कक्षामा भर्ना हुने बाटो खोल्ने गरी विद्यालय तहको शैक्षिक कार्यक्रम अघि बढ्ने समेत मन्त्री पोखरेलले बताए।

’जेठसम्ममा नयाँ शैक्षिकसत्र सुरु गर्न सके शैक्षिक सत्र भत्किदैन। परिक्षाहरु पनि संचालन हुनसक्छन्’, मन्त्री पोखरेलले भने।

राष्ट्रिय परिक्षा बोर्डले स्थिति सामान्य भएको तेस्रो सातामा परिक्षा संचालन गर्न सकिनेगरी तयारी गरेको मन्त्री पोखरेलको भनाइ छ ।

जाडो–गर्मी बिदा, चाडपर्वका बिदा कटाएर साथै, अतिरिक्त कक्षालाई बढाएर पनि शैक्षिक सत्र भत्किन नदिने मन्त्री पोखरेलले बताए।

यस्तै मन्त्रालयले अनलाइन एजुकेशन र विकल्पहरुका बारेमा सुझाव दिन शिक्षा मन्त्रालयले पूर्वमन्त्री गणेश साहको नेतृत्वमा विज्ञ समिति गठन गरेको छ।सो समितिले अन्य ६ विषयगत समिति पनि गठन गरेको छ ।

लण्डन । कास्की रुपाकोट स्थायी घर भई बेलायतको ननिटन बस्दै आएकी श्रीमती भाइसिरी गुरुङको निधन भएको छ ।

उनको ७३ वर्षको उमेरमा स्थानीय जर्ज इलियट अस्पतालमा आज निधन भएको स्थानीय ब्रिटिश गोरखा भेट्रान्स एसोसिएसन युकेका महासचिव भीम सारु मगरले जानकारी दिए । उनी १७ अप्रिलका दिन अस्पताल भर्ना भएकी थिइन् । उच्च रक्तचापकी बिरामी उनलाई खाना नरुच्ने, टाउको दुख्ने लक्षण देखा परेपछि अस्पताल लगिएको थियो । उनको निधन कोरोनाको कारणले भएको आशंका गरिएको छ तर अस्पतालको त्यसको पुष्टि गर्न भने बाँकी छ ।

उनी पूर्व गोरखा सैनिक श्रीमान तोपबहादुर गुरुङसँगै सन् २०१३ देखि ननिटन बस्दै आएकी थिइन् । उनका श्रीमान गोरखा इन्जिनियर्सका पूर्व सैनिक हुन् ।

उनको श्रीमानलाई टाउको दुख्ने र ज्वरो आउनेलगायतका कारणले अहिले घरमै आइसोलेसनमा बसेका छन । उनको नेपालमा एक छोरा नेपालमै रहेको बताइएको छ ।

करिब २ हजार ५ सय नेपालीको बसोबास रहेको ननिटनमा कोरोना संक्रमणबाट नेपालीहरु निकै प्रभावित भएका छन् । तीन साता यता ननिटनमा ६ जना नेपालीको निधन भइसकेको छ । जसमा तीन महिला र तीन पूर्व गोरखा सैनिक छन् ।

विश्वभर फैलिएको कोभिड–१९को महामारीबाट शनिबार साँझसम्म मृत्यु हुने गैरआवासीय नेपाली ४९ पुगेका छन् । गैरआवासीय नेपाली संघ(एनआरएन), स्वास्थ्य समितिले संकलन गरेको तथ्यांकानुसार बेलायतमा ३३, अमेरिकामा १०, संयुक्त अरब इमिरेट्समा दुई तथा आयरल्याण्ड, जापान, टर्की र नेदरल्याण्डसमा एकएक जनाको निधन भएको हो ।

एनआरएन स्वास्थ्य समितिका संयोजक डा सञ्जीव सापकोटाका अनुसार नेपालबाहेक विश्वभर एक हजार ९८३ गैरआवासीय नेपाली कोरोनाबाट संक्रमित भएका छन् । विश्वभर छरिएका गैरआवासीय नेपाली विज्ञ चिकित्सकको समूहले तयार पारेको आँकडानुसार २४ देशमा रहेका नेपाली कोरोना भाइरसबाट संक्रमित रहेको कोडिभ १९ उच्चस्तरीय समिति एनआरएनर्का प्रेस संयोजक चिरन शर्माले जानकारी दिनुभयो ।

नेपालमा भने ४९ जनामा कोरोना संक्रमण देखिएको तथा १२ जना कोरोनामुक्त भएको समितिले जनाएको छ । यस्तै विदेशमा कोरोना संक्रमण भएका गैरआवासीय नेपालीमध्ये ४३४ जना कोरोनामुक्त भएको बताइएको छ । संक्रमित हुने नेपालीमा अमेरिका एक हजार, बेलायत सात सय, संयुक्त अरब इमिरेट्स ८१, बहराइन ४९, कुवेत ४२, पोर्तुगल २७, आयरल्याण्ड २२, स्पेन १२, अष्ट्रेलिया ११, बेल्जियम छ, स्वीजरल्याण्ड पाँच ,साउदी अरब र जर्मनी चारचार, मलेशिया, क्यानडा, न्युजिल्याण्ड र साइप्रस तीनतीन, जापान, हङकंङ र माल्टा दुईदुई तथा फ्रान्समा एक जना रहेको समितिले जनाएको छ ।

समितिले विदेशस्थित विभिन्न अस्पतालमा कार्यरत ३६ नेपाली चिकित्सक, नेपाली कूटनीतिक नियोग, एनआरएनका शाखा तथा स्थानीय संघसंस्थाद्वारा प्राप्त सूचनालाई मुख्य आधारलाई मानेर हरेक आइतबार विदेशमा रहेका नेपालीको कोरोना संक्रमणको तथ्यांक संकलन गर्दै आएको छ ।

यसैबीच कोरोना भाइरसको महमारीबाट प्रभावित नेपालीको सहयोगार्थ एनआरएनले आफ्ना शाखालाई परिचालन गरेको छ । एनआरएका महासचिव डा हेमराज शर्माका अनुसार कोरोना महामारीपछि ४१ देशमा रहेका एनआरएनका शाखामार्फत नौ सय स्वयंसेवक परिचालन गरिएको छ । कोरोना संक्रमणपछि विश्वभर छरिएका करीब ३० हजार गैरआवासीय नेपालीले प्रत्यक्ष र अप्रत्यक्ष रुपमा राहत प्राप्त गरेको एनआरएनले जनाएको छ ।
डा शर्माका अनुसार ७० भन्दा बढी गैरआवासीय नेपाली चिकित्सकसमेतले कोरोना संक्रमित देशमा गैरआवासीय नेपालीलाई सघाइरहेका छन् । यसअघि चीनबाट कोरोना भाइरस संक्रमण शुरु भएलगत्तै एनआरएनले अध्यक्ष कुमार पन्तको अध्यक्षतामा कोभिड –१९ उच्चस्तरीय समिति गठन गरी काम अघि बढाएको थियो ।

वीरगन्ज : वीरगन्जमा थप २ जनामा कोरोना भाइरस कोभिड–१९ पुष्टि भएको छ । स्वास्थ्य तथा जनसंख्या मन्त्रालयले एक विज्ञप्ती जारी गर्दै पर्सा, विरगन्ज निवासी २ जना व्यक्तिमा कोरोना संक्रमण भएको पुष्टि गरेको हो ।

स्वास्थ्य तथा जनसंख्या मन्त्रालयका सह प्रवक्ता डा. समिरकुमार अधिकारीले जारी गरेको विज्ञप्तीमा भनिएको छ । नेपालमामा कोरोना संक्रमितको संङख्या ५१ पुगेको छ । आज राष्ट्रिय जनस्वास्थ्य प्रयोगशालामा भएको परिक्षणको नतिजा अनुसार नयाँ पुष्टि भएको सङख्या २ छ । उहाँहरु दुवै विरगन्ज निवासी ५० वर्षका पुरुष हुनुहुन्छ ।

कोरोना पुष्टि भएका  वीरगन्ज–२ घुसुकपुरका ५० वर्षीय पुरुषलाई पनि भर्खरै अस्पताल ल्याइएको छ।

वीरगन्जका थप २ जनामा कोरोना संक्रमणको पुष्टि, संक्रमितको संख्या ५१ पुग्यो

पर्साका सहायक प्रमुख जिल्ला अधिकारी ललित बस्नेतले यसअघि कोरोना संक्रमणको पुष्टि भएका छपकैयास्थित मस्जिदमा बस्दै आएका तीन भारतीय जमातीसँगको सम्पर्कमा रहेका दुई जनामा कोरोना संक्रमणको पुष्टि भएको बताएका छन् ।

ती मध्ये वीरगन्ज–३ छपकैयाका ५० वर्षीय पुरुषलाई प्रहरीले नारायाणी अस्पताल वीरगन्जमा ल्याएको छ। उनी वीरगन्ज महानगरको सरसफाइ शाखामा कार्यरत कर्मचारी रहेका छन्। अर्का वीरगन्ज–२ घुसुकपुरका ५० वर्षीय पुरुषलाई पनि भर्खरै अस्पताल ल्याइएको छ। उनलाई शंकास्पद ठानी सिदार्थ माविको क्वारेन्टाइनमा राखिएको थियो ।

सहायक प्रजिअ बस्नेतका अनुसार कोरोना संक्रमित भारतीय जमातीसँग सम्पर्कमा रहेका वीरगन्ज महानगरपालिका वडा नम्बर १,२ र ३ का १ सय ४६ जना र पर्सा जिल्लाका विभिन्न क्वारेन्टाइनमा राखिएका ४१ गरी १ सय ८७ जनाको स्वाब संकलन परीक्षणका लागि काठमाडौं पठाइएको थियो । सो मध्ये आइतबार बिहानसम्म ८२ जनाको रिपोर्ट आएको छ। जसमा दुई जनाका कोरोना भाइरस संक्रमण रहेको पुष्टि भएको हो।

कोरोना पुष्टि भएका अर्का वीरगन्ज–२ घुसुकपुरका ५० वर्षीय पुरुषलाई पनि भर्खरै अस्पताल ल्याइएको छ।