काठमाडौं-पन्ध्र बर्ष देखि सौन्दर्य प्रति सचेत सम्पुर्ण नेपालीहरुको रोजाइमा परेको रश्मिलाज फेसियल हाउस एण्ड ब्यूटी केयरले आफ्नो १५ औं बार्षिकोत्सब मानब सेवा आश्रम कौसलटारमा मनाएको छ। अन्तराष्ट्रिय स्तरको प्रबिधि र सेवामुलक सम्पूर्ण सेवा सुबिधा सम्पन्न भएको नेपालको एक मात्र चर्चित तथा सुन्दरताको पारखीहरुको सर्बाधिक रोजाईमा परेको नेपालको न. १ युनिसेक्स पार्लर रश्मिलाज फेसियल हाउसले पौष १० अर्थात डिसेम्बर २५ तारिखमा रश्मिलाज फेसियल हाउसको बार्षिकोत्सब मनाउदै आएको छ। भक्तपुरको कौसलटारमा अबस्थित मानब सेवा आश्रममा आश्रित ४३ जना बृद बृदाहरुलाइ भोजन गराएर तथा अन्य खाद्यान्न सामग्री सहयोग गरि फेसियल हाउसले बार्षिकोत्सव मनाएको छ। सौन्दर्य प्रति सचेत सम्पुर्ण नेपालीहरुको रोजाइमा परेको रश्मिलाज फेसियल हाउस एण्ड ब्यूटी केयरले काठमाडौं मल सुन्धारा, बिजी मल गंगबु र बुद्ध मल माछापोखरी बाट ग्राहकहरुलाई सेवा प्रदान गर्दै आएको छ ।

रश्मिलाज फेसियल हाउस एण्ड ब्यूटी केयरकि अध्यक्ष बरिष्ठ सौन्दर्यबिद रश्मिला श्रेष्ठको बुवा स्व। तिलक बहादुर श्रेष्ठ २५ दिन अगाडी मात्र स्वर्गारोहण भएको कारणले गर्दा १५ औं बार्षिकोत्सवलाइ बृदाश्रममा रहेका आमा बुवाहरु माझ भोजनको साथ खाध्य सामग्री सहयोग गर्दै मनाईएको रश्मिलाज फेसियल हाउस एण्ड ब्यूटी केयरका संरक्षक प्रकाश कुमार श्रेष्ठ बताउछन। उक्त अबसरमा रश्मिलाज फेसियल हाउसको बारेमा प्रस्ट्याउदै ६० जनालाई प्रत्यक्ष रोजागरी प्रदान गरेको र आफ्नो ग्राहकहरुको सेवा सुबिधालाइ ध्यानमा राख्दै आधुनिक पद्दति द्वारा महिला तथा पुरुष सौन्दर्यको लागि सम्पुर्ण सेवा प्रदान गर्दै आएको र ग्राहकहरुको बिश्वाश माया अनि हाम्रो काम प्रतिको इमान्दारिता मेहनत र उच्चस्तरिय गुणस्तरीय सेवाले गर्दानै पन्ध्रौ बर्ष सम्म निरन्तर हामीले सेवा दिन पाइरहेको कुरा प्रकाश कुमार श्रेष्ठले बताए ।

सो अवसरमा बरिष्ठ सौन्दर्यबिद श्रेष्ठले देश बिदेशमा रहेका सम्पूर्ण सौन्दर्य प्रति सचेत महिला तथा पुरुषहरुलाई तथा रश्मिलाज फेसियल हाउस एण्ड ब्यूटीकेयरमा सेवा गर्न अवसर दिने सम्पूर्ण सेवाग्राही, शुभचिन्तक र बिसेष गरि रातदिन नभनी पार्लरमा काम गरेर रश्मिलाज फेसियल हाउसलाई नेपालको न। १ बनाउन अहोरात्र खट्ने सम्पूर्ण पार्लर स्टाफहरुलाई धन्यबाद ब्यक्त गरीन।

रश्मिलाज फेसियल हाउस एण्ड ब्यूटी केयर सौन्दर्य प्रति सचेत महिला पुरुषको लागि एकमात्र भरपर्दो गन्तव्य हो। जहाँ दक्ष अनुभवि सौन्दर्यकर्मी बाट सेवा लिन पाउनेछन् । यस रश्मिलाज फेसियल हाउसले सौन्दर्य सम्बन्धि बिशेष प्याकेजको व्यावस्थाको साथै तालिम पनि दिदै आएको छ। सम्पुर्ण सुबिधा सम्पन्न रश्मिलाज फेसियल हाउसमा शान्त र पारिवारिक वातारणमा ग्राहकले आफ्नो सेवा लिन पाउनेछन् ।

महिला तथा पुरुष ग्राहकहरुको लागि खोलिएको गुणस्तरलाई नै पहिलो प्राथमिकता दिदै आएको यस रश्मिलाज फेसियल हाउसमा फेसियल, हाइड्रा फेसियल, केराटिन, स्मुथिंग, स्किन मेन्टेन, रिंकल कन्ट्रोल, दाग कन्ट्रोल, स्पेसल डिजाइनमा हेयर कटिङ्ग, चायाँ पोतो हटाउने, ट्याटु हटाउने आदि सेवाहरु प्रदान गर्दै आएको रश्मिलाज फेसियल हाउसकी अध्यक्ष रश्मिला श्रेष्ठले जानकारी दिइन। रश्मिलाज फेसियल हाउसको एनिवर्सरीको उपलक्ष्यमा स्पेसल डिस्काउण्ट अफर समेत रहेको उनिले बताईन।

काठमाडौं । विश्वचर्चित मुटुका वरिष्ठ शल्य चिकित्सक प्रा. डा. मलाख लाल श्रेष्ठ  एओर्टा सर्जरी कार्यक्रम निर्देशक नियुक्त हुनुभएको छ ।  उहाँ   मायो क्लिनिक कार्डियाक सर्जरी अन्तर्गत मुटु शल्यकृया विभागबाट अमेरिका स्थित मियासोटो राज्यको रोचेष्टर स्थित एओर्टा सर्जरी कार्यक्रम निर्देशक नियुक्त हुनु भएको हो ।  प्रा. डा. श्रेष्ठ स्वास्थ्य क्षेत्रमा विश्वमै कहलिएका व्यक्ति मध्येमा पर्नुहुन्छ ।  मेयो क्लिनिक कार्डियोभास्कुलर सर्जरी टोलीले सबै उमेरका मानिसहरूलाई असर गर्ने जटिल र गम्भीर अवस्थाहरूको लागि गुणस्तरीय हेरचाह प्रदान गर्दछ। मेयो क्लिनिकमा मुटु र छाती सर्जनहरूले मुटु, फोक्सो र छातीको अवस्थाको निदान र शल्यक्रिया गरी उपचार गर्दर्छन्।  अस्पताल अन्तर्गत एरिजोना, फ्लोरिडा र मिनेसोटामा क्लिनिकको क्याम्पसहरूमा प्रत्येक वर्ष हजारौं शल्यक्रियाहरू गर्दर्छन्। यस अस्पतालमा आबद्ध शल्यचिकित्सकहरू रोबोट सहयोगी प्रविधिहरूका साथ न्यूनतम इनभेसिभ हृदय शल्यक्रिया जस्ता नवीनतम आविष्कारहरू प्रयोग गरेर हृदय र कार्डियोथोरासिक अवस्थाहरूको उपचार गर्ने गर्दै आएका छन् ।

प्रा. डा. मलखलाल श्रेष्ठको संक्षिप्त परिचय 

प्रा. डा. मलखलाल श्रेष्ठको जन्म व्यापारिक एवम् राजनीतिक पृष्‍ठभुमी बोकेको परिवारमा भएको हो ।  उहाँको परिवार शिक्षित एवं प्रतिष्ठित व्यापारिक घरानामा गनिन्छ । डा. श्रेष्ठ नेपाली वाम आन्दोलनका शिखर बौद्धिक व्यक्तित्व प्रोफेसर माणिकलाल श्रेष्ठ तथा सर्वोच्च अदालतकी पहिलो महिला न्यायाधिस शिलु सिंहका सुपुत्र साथै चेम्बर आन्दोलनका लौह पुरुष मानिनु हुने ईश्वरलाल श्रेष्ठका भतिज हुनु हुन्छ ।उहाँको थातथलो काठमाडौं स्थित ठहिटी हो । प्रा.डा. श्रेष्ठ जर्मनीको हानोभर मेडिकल स्कुलमा कार्डियाक, थोरासिस, ट्रान्सप्लान्टेसन एण्ड भास्कुलर सर्जरी विभागका उपाध्यक्ष, प्राध्यापक तथा ‘डाइरेक्टर अफ एओर्टिक सर्जरी’का रुपमा कार्यरत हुनुहुन्थ्यो। डा। श्रेष्ठ वर्षेनी पटक पटक जन्मभूमि नेपाल आई मनमोहन कार्डियोथोरासिस भास्कुलर एण्ड ट्रान्सप्लान्ट सेन्टरमा मुटुरोगीहरुको निशुल्क रुपमै जटील शल्यक्रिया गर्दै आउनु भएको छ । डा. श्रेष्ठले  गंगालाल हृदयरोग प्रतिष्ठानमा पनि कैयन मुटुरोगीहरुको जटील शल्यक्रिया निःशुल्क रुपमैं गर्नुभएको थियो । त्यसबाहेक उहाँ वर्षेनी भारतमा समेत गई जटील किसिमका मुटुका शल्यक्रियाहरु निःशुल्क रुपमा गर्दै आउनु भएको छ । सो योगदानको कदर गर्दै इन्डियन एशोसिएसन अफ कार्डोभास्कुलर–थोरासिस सर्जन्सले डा. श्रेष्ठलाई ‘अनरेरी ओभरसिज फेलोसिप’बाट सम्मानित गरेको थियो ।

कोभिड कहर माझ जर्मनीबाट नेपाल आएका बेला उहाँले तत्कालिन प्रधानमन्त्री के पि शर्मा ओली लगायतका उच्च तहका नेताको मुटु चेकजाँच गर्नुका साथै केही सर्वसाधरणको निशुल्क सल्यकृया समेत गर्नुभएको थियो।

धनगढी - सुदूरपश्चिम प्रदेशमा कोरोना भाइरस (कोभिड–१९) को तेस्रो लहर फैलिएपछि पहिलो पटक गत पुस ३० गते सेती प्रादेशिक अस्पतालमा उपचाररत एकजना संक्रमितको मृत्यु भएको थियो । २९ पुसमा संक्रमण पुष्टि भएर प्रादेशिक अस्पतालको कोभिड अस्थायी अस्पतालमा उपचाररत कैलालीको कैलारी गाउँपालिका–५ की ५३ वर्षीया महिलाको मृत्यु भएको थियो ।प्रादेशिक अस्पतालकाअनुसार कोरोना भाइरसविरुद्धको खोपको पहिलो मात्रा लगाएपनि मिर्गौला, मधुमेह र फोक्सोमा पानी भरिने समस्याका कारण ती महिलालाई बचाउन सकिएन ।

सेती प्रादेशिक अस्पतालमै ४ माघमा गोदावरी नगरपालिका–४ का ७५ वर्षीय पुरुषको उपाचारकै क्रममा मृत्यु भयो । कोरोनाविरुद्धको खोप नलगाएका ती पुरुष २३ पुसमा अस्पताल भर्ना भएका थिए । उच्च रक्तचाप र संक्रमण पनि भएपछि उनको मृत्यु भएको अस्पतालले जनाएको छ ।त्यसको तीन दिनपछि प्रादेशिक अस्पतालमै अर्का कोरोना संक्रमितको मृत्यु भयो । २६ पुसमा कोरोना संक्रमण पुष्टि भएर उपचार गराइरहेका कञ्चनपुरको कृष्णपुर नगरपालिका–२ का ५२ वर्षीय पुरुषको मृत्यु भएको थियो । अस्पतालकाअनुसार उनले कोरोनाविरुद्धको खोप लगाएका थिएनन् । मिर्गौला, मुटुसम्बन्धी समस्या भएका ती पुरुष निमोनियाका बिरामी थिए ।कोरोना संक्रमणका कारण वृद्धवृद्धा मात्रै होइनन् युवाहरुको पनि मृत्यु भएको अस्पतालको तथ्यांकले देखाउँछ । तर उनीहरु मध्ये अधिकांश खोप नलगाएका र कुनै न कुनै खालको दीर्घरोगी भएका मानिसहरु बढी छन् ।

१६ माघमा अस्पतालमा उपचाररत कञ्चनपुरको कृष्णपुर नगरपालिका–१ का ३५ वर्षीय कोरोना संक्रमित पुरुषको मृत्यु भयो । ती पुरुषले पनि खोप लगाएका थिएनन् । उनी नसा र टाउकोसम्बन्धी रोगले ग्रसित थिए ।सेती प्रादेशिक अस्पतालका सूचना अधिकारी दीलिपकुमार श्रेष्ठकाअनुसार कोरोना भाइरसको तेस्रो लहर अर्थात ओमिक्रोन भेरियन्ट फैलिएयता अस्पतालमा उपचारका लागि पुगेका १० जना संक्रमितको मृत्यु भइसकेको छ । उनीहरु मध्ये ७ जना दीर्घरोगी र कोरोनाविरुद्धको कुनै पनि खोपको मात्रा नलगाएका संक्रमित छन् भने दुई जनाले कोरोनाविरुद्धको खोपको पहिलो मात्रा लगाएका छन् । मृत्यु भएका एक जना संक्रमितले भने खोपको दुवै मात्रा लगाएका व्यक्ति रहेको श्रेष्ठले बताए ।

श्रेष्ठकाअनुसार कोभिशिल्ड खोपको दुवै मात्रा लगाएकी धनगढी उपमहानगरपालिका–३ बस्ने ७४ वर्षीया संक्रमित महिलाको केही दिन अघि मात्र उपचारका क्रममा मृत्यु भएको थियो । श्वासप्रश्वास सम्बन्धी बिरामी भएकी ती महिलाको मुटुमा समस्या थियो भने क्षयरोग(टीबी) पनि भएको थियो । कोरोना भाइरसको तेस्रो लहरमा धेरै मानिस संक्रमित भएपनि मृत्युदर कम हुनुमा खोपको प्रभाव भएको चिकित्सकहरु बताउँछन् ।

सेती प्रादेशिक अस्पतालको कोभिड विभाग प्रमुख समेत रहेका फिजिसियन डाक्टर शेरबहादुर कमर भन्छन्,‘कोरोनाविरुद्धको खोप लगाएका मानिसहरुमा संक्रमण भएपनि बृद्धि विकास हुन नपाउने भएकाले जटिल स्वास्थ्य समस्या भएको देखिँदैन ।’डाक्टर कमरले दीर्घ रोगीहरुलाई कोरोनाविरुद्धको खोप लगाउँदा थप स्वास्थ्य समस्या सिर्जना हुन्छ भन्ने गलत बुझाइले धेरै मानिसले खोप नलगाएको पाइएको बताउँदै त्यसैको परिणाम संक्रमितको मृत्यु भइरहेको जनाए । खोपले कोरोना संक्रमण नरोक्ने तर संक्रमण भएपछि जटिल अवस्थामा जान रोक्ने भएकाले छुटेका सबैलाई खोप लगाउनुपर्ने सुझाव उनको छ ।‘कोरोना पनि एक प्रकारको सरुवा रोग भएको कुरा तपाईं हामी सबैलाई थाहा भइसकेको छ । यसबाट बच्न स्वास्थ्य सुरक्षाका मापदण्डको पालना गर्नैपर्छ,’ डाक्टर कमरले भने, ‘भ्याक्सिनले कोरोना संक्रमणबाट हुने जटिलतालाई रोक्न, शरीरमा भाइरस प्रवेश गरेपछि बृद्धि विकास हुन दिँदैन । त्यसैले सबैले अनिवार्य रुपमा खोप लगाउन आवश्यक छ ।’

पपुवा न्यु गिनी- पपुवा न्यु गिनीमा शक्तिशाली भूकम्प गएको छ । अमेरिकाको भूगर्व सर्वेक्षण संस्था युएसजीएसका अनुसार आईतबार सोलोमन द्धीपनजिकको समुद्रमा ५ दशमलव ९ म्याग्‍निच्यूडको भूकम्प गएको हो । युएसजीएसका अनुसार भूकम्प न्यु ब्रिटेनको दक्षिणी टापुबाट २०० किलोमिटर टाढा रहेको सोलोमनलाई केन्द्रविन्दु बनाएको थियो ।  भूकम्पपछि सुनामीको चेतावनी भने दिइएको छैन् । 

पपुवा न्यु गिनीमा बारम्बार भूकम्प जाने गर्छ । सन् २०२० को जुलाईमा राजधानी पोर्ट मोर्सवाईमा ६ दशमलव ९ म्याग्निच्युडको भूकम्प गएको थियो । तर, भूकम्पबाट कुनै मानवीय क्षति भएको थिएन । त्यस्तै, सन् २०१८ को फेब्रुवरीमा उच्च टापुमा ७ दशमलब ५ म्याग्‍निच्यूडको भूकम्प जाँदा १२५ जनाको मृत्यु भएको थियो ।

नेपालमा पनि ओमिक्रोन भेरिअन्टबाट सङ्क्रमित दुई व्यक्ति भेटिएको स्वास्थ्य तथा जनसंख्या मन्त्रालयले पुष्टि गरेको छ।दक्षिण अफ्रिकाबाट आएका दुई जनाको नमुना संकलन गरेर जिन स्विकन्सिङ गर्दा ओमिक्रोन ​भेरियन्टको सङ्क्रमण भेटिएको स्वास्थ्य तथा जनसंख्या मन्त्रालयका सहप्रवक्ता डा। समिर कुमार अधिकारीले जानकारी दिए ।

सोमवार मन्त्रालयले आयोजना गरेको पत्रकार सम्मेलनमा सह(प्रवक्ता समिर अधिकारीले नेपालमा पनि कोरोनाभाइरसको ओमिक्रोन भेरिअन्ट भेटिएको जानकारी दिए। ओमिक्रोन भेटिएको देशबाट मंसिर ३ गते नेपाल प्रवेश गरेका एक ६६ वर्षीय विदेशी र उनको सम्पर्कमा आएका अर्का एकजना ७१ वर्षीय व्यक्तिमा ओमिक्रोन सङ्क्रमण भेटिएको उनले बताए। उनीहरूको मंसिर ७ गते परीक्षण गरिएको थियो।

दक्षिण अफ्रिकामा पहिलोपटक पहिचान भएको ओमिक्रोन भेरिअन्ट अहिलेसम्म छिमेकी भारत सहित ४० भन्दा बढी देशहरूमा फैलिइसकेको छ। यो भरिअन्ट अत्यधिक उत्परिवर्तित भएको भनिएपनि खोपको प्रभावकारिता हुने वा नहुनेबारे बैज्ञानिकहरू अझैसम्म स्पष्ट भइसकेका छैनन्।

 विश्व स्वास्थ्य सङ्गठनका वैज्ञानिकहरूले यसबाट नआत्तिन तर सचेत रहन आग्रह गरेका छन्। विश्वका धेरै देशहरूले दक्षिण अफ्रिका सहित ओमिक्रोन भेटिएका देशहरूमा यात्रा प्रतिबन्ध लगाएका छन्। नेपालले पनि दक्षिण अफ्रिकाबाट नेपाल आउन रोक लगाएको छ।
 
नेपालमा ३५ प्रतिशतले एक मात्रा र २८ प्रतिशतले पूर्ण मात्रामा खोप लगाएका छन्। नयाँ भेरिअन्ट आएसँगै अग्रपङ्तिमा रहेर काम गर्ने स्वास्थ्यकर्मी लगायतलाई खोपको बुस्टर मात्रा दिनुपर्ने माग भइरहेको छ।

काठमाण्डौ– समाजसेवी स्वेता श्रेष्ठले लामो समय देखी स्वेता ब्लड डोनेसन क्याम्पेनिङ सञ्चालन गरिरहेकी छिन् । विश्व भरि कोरोनाको माहामारीका वेला कोही पनि ब्लडको अभावमा ज्यान गुमाउन नपरोस भन्ने उदेश्य लिएर सञ्चालन गरेको ब्लड क्याम्पेनिङ अभियानले हाल सम्म झण्डै १५ सय भन्दा बढी पिण्ड संकलन गरिसकेको छ । पछिल्लो पटक महिला हिसां अत्यको १६ दिने अभियान देशभर सञचालन भईरहेका वेला हरेक दिन स्वेता ब्लड क्याम्पेनिङको आयोजना हुदै आएको छ ।्
क्याम्पेनिङ बसन्तपुर डबली, चावहिल, बौद्ध स्तुप परिषर, हनुमानढोका दरवार क्षेत्र लगायत  विभिन्न स्थानहरुमा स्वेताले ब्लड डोनेट क्यापेनिङहरु संचालन गरिरहेकी छिन् । रक्तदान जिवनदान भन्ने मुलनारा लिएर स्वस्फुर्त रुपमा संचालन गरिएको  क्याम्पेनिङ अभियानलाई सबैले सक्दो सहयोग गरिदिन हुन समेत अनुरोध गरेकी छिन् ।
ब्लडको सट्टा ब्लडनै आवस्यक पर्दछ अन्य कुनै चिजले काम चलाउछु भन्न सकिदैन  भन्दै अघि सरेकी स्वेताले आफ्नै प्रयासमा अहिले धेरैको ज्यान बचाउन सफल भएकी छिन  भने ब्लड डोनेसन क्याम्पेनिङ मार्फत हराउदै गएको मानवता जोगाउने प्रयासमा अग्रसर भएको देखिन्छ ।

काठमाण्डौ  – मेक अप एउटा कला हो । मेकअप एक दिनमा नै सिकिदैन । एउटा साधारण नारि मेकअपको कला छ भने अनुपम बन्न सक्दछिन त्यसका लागि अनुभव तथा अनुसन्धानको आवश्यक पर्दछ । जसमा अनुहारको राम्रो भागलाई अझ बढी देखाएर नराम्रो भागलाई छोपेर राम्रो बनाईन्छ । हाम्रो नजिकै आउदै गरेको महिला दिदि बहिनीको हरितालिका तिज आएको हँदा, म सानो तथा घरमै पनि गर्न सकिने केही टिप्सहरु दिन गईरहेकी छ ।
मेक अपलाई चाहिने सामाग्रीहरु
१. C.T.M जरुरी छ, क्लिजिन, टोनिङ, मस्टराईजर, लगाउने SPF लगाउने
२. प्राईमर लगाउने त्यसपछि कन्सिलरले आफ्नो दाग आखाको वरिपरि डार्क सर्कल मा दागहरुमा लगाउने जसले दाग कम देखिन्छ दागले कोभन गर्छ ।
३. फाउण्डेसन, फाउण्डेसन लगाउन व्युटीब्लण्डर बजारमा पाईन्छ जसलाई भिजाएर सबैतिर फैलाउदै लैजाने । मेक अप लाई सेट गर्ने कम्प्याट पाउडर लगाइन्छ । कम्प्याट पाउडर लगाउदा पफको सहायताले लगाउने मेकअप धेरैवेर टिक्छ ।
आइस्याडो ः आखालाई सुन्दर देखाउन यो लगाइन्छ । आफ्नो ड्रेसको कलर र कस्तो प्रकारको पार्टी हो त्यस अनुसार गरिन्छ । यो मेकअप तिज विषेश भएको हँदा हल्का र रातो गोल्डेन टच दिन सकिन्छ ।
४.ब्लसन ः अनुहारको गालाको सतहलाई उभार र सुन्दर हल्का गुलाबी रंग दिन यो लगाइन्छ । जसले श्रृङ्गार मा जिवन्त दिन्छ । नरम ब्रसको सहायताले यो गालामा हल्का ब्लेण्डिङ गर्ने ।
५. श्रृङ्गारलाई पुर्णरुप दिन लिपिष्टक लगाइन्छ यो कला ले पातलो ओठ छ भने लिप लाईनरको सहायताले यसलाई अनुरुप बनाएर लगाउन सकिन्छ ।
६. आइब्रो सेडिङ ः आइब्रो पातलो सेफ राम्रो देखाउन यसलाई ब्राउन कलर पेन्सिल पाउडर केक जस्तो सामाग्रीले सेपदिन सकिन्छ । जसले अनुहारलाई आकर्षण देखाउछ ।
७. हाईलाईट ः हाईलाईट यो नाकको टुप्पा गालाको माथिल्लो भागमा टुप्पामा टच गर्ने , जसले चमक बढ्छ ।
गाँजल ः आईलाईन, मसकरा, आइकल गर्ने अन्तिममा मेकअप स्प्रे ले स्प्रे गर्ने ।
पहिरन ः टिका लगाउने , साडी संग सुहाँउदो आफ्नो निधार अनुसार साथै आफ्नो परम्परालाई ध्यानमा राखी सुहाउदो पहिरन गर्नुहोस । यो हाम्रो सांस्कृतिलाई झल्काउने पर्व हो , धेरै गहना नलगाउदा राम्रो यसले कुनै सुन्दर देखिने हैन यसरी गहना लगाउदा वार वार ध्यान त्यस मानै जान्छ । खुलेर रमाउन पाईदैन ।डर भइ रहन्छ । आजकाल बजारमा नक्कली गहनाहरु सुन जस्तै देखिने हँदा मन नै भए नक्कली गहना प्रयोग गर्नुहोस । हराउदा नी डर हुदैन । त्यही भएर रमाईलो गर्न सक्नु हुन्छ नियमित ।
सुझाव ः तिज हाम्रो धार्मिक परम्परिक संस्कृतिक पर्व हो । महिला दिदि बहिनि आफ्नो श्रीमानको लामो आयुको लागि निराहार बस्ने चलन छ । यो उहाँको प्रगाढ माया र श्रीमान प्रति सम्मानको ब्रत हो तर यदि स्वास्थ्यलाई ध्यान राखेर गर्न सके राम्रो हो । नसके लामो समय देखी विरामी, औषधी खाने महिला दिदि बहिनी र गर्भवती महिला कमजोर हुनुहुन्छ भने निराहार नबस्दा राम्रो हजुरको स्वास्थ्य बिग्रेमा परिवारलाई चिन्ता बढ्छ । आफुले ब्रत लिएर अरुलाई दुख दिनुमा कुनै धर्म हुदैन । आफ्नो स्वाथ्यको ख्याल राख्नुहोस् ।
निराहार ब्रत बस्न नसक्ने दिदि बहिनीहरुले फलदार जुस पानी दुध लिनु होला । दर खाने क्रममा अधिल्लो दिन धेरै भरि दर कम सकि नसकि नखानु होला । जसले गर्दा भोली पल्ट स्वास्थ्यमा गडबड नहोस , समय र परिस्थितीलाई धयानमा राखी भिडिभाड नगराई घर परिवारमै रमाउनु होला । घरमै बस्नुस सुरक्षित बस्नुस, स्वस्थ रहनुहोस र खुसी रहनु होस ।

काठमाण्डौ– मर्मस्पर्षि गीत “देव दुत हौ तिमि” ले  बिषेश गरेर नेपाली सांगितीक बजारमा तरंग ल्याएको छ ।  कोरोनाको महामारिमा मान्छे मान्छेको छेउमा नपरि रहेको बेला स्वास्थ्यकर्मीहरुको हौसला अझै बुलंद गर्नको लागि गायक रुद्र शेखर शर्माले आफ्नो गायन मात्रै है गायन मार्फत समाज सेवामा समर्पित भएको पाएका छौं । नेपाली संगीत उद्योगमा गायक रुद्र शेखर शर्मा (RUDY) एक प्रख्यात नाम हो । आफ्नो सुमधुर आवाज र मार्मिक अभिव्यक्तिका कारण उनले स्रोता तथा दर्शकहरूको मन जित्न सफल भएका छन् । यसै मध्येको  एक उत्कृष्ट शिर्जना तथा ज्वलन्त उदाहरण हो “देव दुत हौ तिमी“, जसले न केवल नेपाली संगीत क्षेत्र तर विदेशी मञ्चहरूमा पनि तरंग ल्याएको छ । उनको गीतले समाजको सेवामा समर्पित  स्वास्थ्यकर्मीहरुको लागी एउटा हौसला प्रदान गरेको छ ।

“देव दुत हौ तिमी“ गीत कोरोना महामारीको समयमा स्वास्थ्यकर्मीहरूको योगदानलाई सम्मान गर्न लेखिएको हो । यसले डाक्ट, नर्स, र अन्य अग्रपंक्तिमा खटिने व्यक्तिहरूको समर्पणलाई शब्द, संगीत र आवाजको माध्यमबाट श्रद्धा प्रकट गरेकोछ । गीतका शब्दहरू भुमिका उपाध्यायद्वारा लेखिएका छन्, जसले स्वास्थ्यकर्मीहरूको मेहनतलाई कवितात्मक रूपमा उजागर गरेका छन् । नारायण सुवेदी ‘आभाश’को संगीतले यसलाई आत्मीय र प्रेरणादायी बनाएको छ भने गायक रुद्र शेखर शर्माको स्वरले गीतमा जीवन थपेको छ । यो गीतले नेपाली समाजमा मात्र होइन, विश्वभरका नेपाली समुदायमा पनि एकता र सहानुभूतिको भावना फैलाएको छ । गीतले स्वास्थ्यकर्मीहरूको समर्पण र बलिदानको महत्व उजागर गर्दै समाजप्रतिको गायकको जिम्मेवारीलाई पुष्टि गर्दछ ।

गायक रुद्र शेखर शर्मा नेपाली संगीत क्षेत्रका शीर्ष गायकहरूमध्ये पर्छन् । उनको स्वरमा गहिरो भावना, मिठास र शक्ति छ, जसले कुनै पनि गीतलाई अमर बनाउँछ । “देव दुत हौ तिमी“ गीतमा शर्माको आवाजले शब्दहरूको गहिराइलाई प्रस्ट रूपमा व्यक्त गरेको छ । विशेष गरी, “देव दुत हौ तिमी इश्वर सरी छौ तिमी ” जस्ता पंक्तिहरूमा उनको स्वरले स्रोतालाई भावुक बनाउँछ । साथै लाखौं ले  ज्यान गुमाई रहेको बेला हजारौंको विछोड भईरहेको बेला पनि तिमी आफ्नो परिवारलाई छोडी आफैलाई विर्सि सेवामा समर्पित भईरहेको कुरालाई सुमधुर आवाज मार्फत निक्कै मार्मिक ढङ्गले प्रस्तुत गरेका छन् । उनका गीतहरूमा उनले केवल गायन मात्र गर्दैनन्, तर गीतका प्रत्येक शब्दलाई जीवन्तता दिएका छन् । शर्माको यही विशेषता नै उनलाई नेपाली संगीतको एक अद्वितीय प्रतिभाको रूपमा उभ्याएको छ ।

गायक रुद्र शेखर शर्माले आफ्ना सिर्जनाहरूमार्फत समाजमा सकारात्मक परिवर्तन ल्याउन महत्वपूर्ण भूमिका खेलेका छन् । कोरोना महामारी जस्तो कठिन परिस्थितिमा उनले “देव दुत हौ तिमी“ जस्तो गीत ल्याएर समाजमा सेवा गर्नेहरूको महत्व उजागर गरे । यो केवल एउटा गीत मात्र होइन; यो एउटा प्रेरणा हो, जसले मानिसहरूलाई स्वास्थ्यकर्मीहरूको सम्मान गर्न र उनीहरूको योगदानलाई कदर  गर्न सिकाउएको छ । रुद्र शेखर शर्माको योगदानले नेपाली संगीत उद्योगमा गुणात्मक परिवर्तन ल्याएको छ । उनले नयाँ पुस्तालाई संगीतमा नवीनता र गहिराइ ल्याउन प्रेरित गरेका छन् । उनको स्वर, प्रस्तुति, र समाजप्रतिको जिम्मेवारीले उनलाई एउटा कलाकार मात्र होइन, नेपाली समाजका लागि उदाहरणीय व्यक्तित्व बनाएको छ ।

“देव दुत हौ तिमी“ गीतको म्यूजिक भिडियो पनि उत्तिकै प्रभावकारी छ । निकेश खड्काको निर्देशनमा तयार भएको भिडियोले गीतको भावना दृश्यात्मक रूपमा प्रस्तुत गरेको छ । विक्रान्त श्रेष्ठको क्यामेरा र रूपेश खड्काको सम्पादनले भिडियोलाई अझै जीवन्त बनाएको छ । फणिन्द्र राईको संगीत संयोजन, सुमन खड्काको मिक्सिङ र मास्टरिङले गीतलाई प्राविधिक रूपमा उत्कृष्ट बनाएको छ ।

“देव दुत हौ तिमी“ जस्तो गीतले गायक रुद्र शेखर शर्मालाई अझ उच्च स्थानमा पुर्याएको छ । नेपाली संगीत उद्योगमा उनले पुर्याएको योगदान केवल गायनसम्म सीमित छैन । समाजप्रतिको जिम्मेवारी, भावना र कलाको उत्कृष्टता उनले आफ्नो हरेक सिर्जनामा प्रस्तुत गरेका छन् । गायक रुद्र शेखर शर्माको यो प्रयास नेपाली संगीत उद्योगमा एउटा प्रेरणादायी उदाहरण बनेको छ, जसले संगीतलाई केवल मनोरञ्जनको साधनमात्र नभई समाजको परिवर्तनकारी उपकरणका रूपमा पनि स्थापित गरेको छ ।

काठमाडौं - गत मे महिनामा भारतका घाटहरुमा लाशहरु जलाएको तस्वीर भाइरल भएको थियो । उक्त तस्वीरले भारतमा कोरोनाले भयानक रुप लिएको स्पष्ट देखिन्थ्यो । तर, भारतले भोगेको उक्त अवस्था दक्षिणपूर्वी एसियामा सरेको छ । पछिल्लो दुई सातामा भारतमा कोरोनाको दोस्रो लहर उच्च विन्दुको तुलनामा दक्षिणपूर्वी एसियामा कोरोनाको मृत्युदर धेरै भइसकेको छ ।दक्षिणपूर्वी एसियामा डेल्टा भेरियन्टको कारण निकै तीव्र गतिमा संक्रमण फैलिरहेको छ । यो क्षेत्रमा नयाँ संक्रमितको संख्या अहिलेसम्मकै उच्च विन्दुमा पुगेको छ । जसको कारण यी क्षेत्रका मुलुकको स्वास्थ्य प्रणालीले धान्न नसक्ने अवस्था आएको छ । यो क्षेत्रका केही मुलुकले कोरोना नियन्त्रणको लागि तोकिएको मापदण्डहरु पनि पालना गराउन सकेका छैनन् ।दक्षिणपूर्वी एसियाको मुलुक इन्डोनेसियाले कोरोनाको संक्रमण बढेसँगै मुलुकमा उत्पादन हुने समग्र अक्सिजन मेडिकल प्रयोगको लागि खपत गर्ने निर्णय गरेको छ । कोरोना संक्रमण बढेसँगै अक्सिजनको माग पनि ह्वात्तै बढेको छ ।

त्यस्तै मलेसियाका अस्पतालले बिरामीको चाप थेग्न नसकेपछि बिरामीलाई भुइँमा राखेर उपचार गराउनुपर्ने अवस्था आएको छ । म्यानमारको सबैभन्दा ठूलो सहरमा चिहानमा काम गर्ने कर्मचारी अहिले निकै व्यस्त देखिएका छन् भने चिहानमा चाप बढेसँगै दिनरात नभनी चिहान खन्नुपर्ने अवस्था आएको छ । भारतमा सातदिने औसत हेर्ने हो भने कोरोनाको मृत्युदर गत मे महिनामा सबैभन्दा उच्च विन्दुमा पुग्दा प्रति १० लाखमा ३.०४ को मृत्यु भएको थियो । अहिले यो दरमा निरन्तर कमी आइरहेको छ । तर, इन्डोनेसिया, म्यानमार र मलेसियामा भने जुनयता यो दर निरन्तर बढ्दो क्रममा छ ।

गत जुन १७ मा मलेसियाको सेलाङगोर राज्यका एरिक लाम कोरोनाबाट संक्रमित भए र अस्पतालमा भर्ना भए । उनी सरकारी अस्पतालमा पुग्दा वार्डमा कुनै बेड खाली थिएनन् । अस्पतालका प्यासेज बिरामीले भरिएका थिए । यद्यपि सेलाङगोरको अन्य अस्पतालसँग तुलना गर्ने हो भने उक्त अस्पतालको अवस्था राम्रो हो ।

मलेसियाको सबैभन्दा सम्पन्न र धेरै जनसंख्या रहेको यो राज्यका कुनै पनि अस्पतालमा बेड खाली थिएनन् र धेरै बिरामीको उपचार स्ट्रेचर वा भुइँमा नै राखेर गराउनुपरेको थियो । सरकारले कोरोना संक्रमण बढेपछि अस्पतालका बेडहरु थप्दै कोरोना संक्रमितको लागि थप वार्डहरु निर्माण गरेको छ ।

३८ वर्षीय लाम तीन साता अस्पतालमा बस्दा उनले आफ्नै आँखाअघि बिरामीहरुको मृत्यु भइरहेको देखे ।

पछिल्लो समय दक्षिणपूर्वी एसियामा कोरोना संक्रमण बढ्नुमा धेरै कारकले भूमिका खेलेका छन् । जसमा महामारी नियन्त्रणको लागि लगाइएको मापदण्डबाट मानिसहरु दिक्क हुनु, सावधानी नअपनाउनु, खोप अभियान निकै सुस्त चल्नु र निकै संक्रामक मानिएको डेल्टा भेरियन्टको संक्रमण देखिनुजस्ता कारक रहेको मलेसियास्थित रेडक्रस एसिया–प्यासिफिक इमर्जेन्सी हेल्थ कोर्डिनेटर अभिषेक रिमाल बताउँछन् ।

‘सरकारले तय गरेको हात धुने, मास्क लगाउने, भौतिक दूरी कायम राख्ने र खोप लगाउनेजस्ता आधारभूत मापदण्ड पालना गर्ने हो भने अबको दुई साताभित्र हामीले कोरोना संक्रमणमा उल्लेख्य कमी आएको देख्न सक्छौं’, उनले भने ।

मलेसियाले कोरोना नियन्त्रणको लागि लकडाउन गरे पनि संक्रमणमा भने कमी देखिएको छैन । तीन करोड २० लाखभन्दा धेरै जनसंख्या रहेको यो मुलुकमा जुलाई १३ मा पहिलोपटक १० हजारभन्दा धेरै नयाँ संक्रमित फेला परेका थिए । त्यसयता दैनिक नयाँ संक्रमितको संख्या त्योभन्दा तल झरेको छैन ।

मलेसियामा कोरोना खोप लगाउनेको संख्या पनि निकै कम छ तर यो संख्या बढ्ने क्रम भने जारी छ । करिब १५ प्रतिशत जनसंख्याले कोरोनाको पूरा डोज खोप लगाइसकेका छन् । सरकारले यस वर्षको अन्तिमसम्ममा अधिकांश मानिसहरुलाई कोरोनाविरुद्धको खोप लगाउने लक्ष्य राखेको छ ।

अहिले व्यापक मात्रामा कोरोना संक्रमण बढेसँगै मलेसियाको अस्पतालका डाक्टर र नर्सले दिनरात नभनी काम गरिरहेका छन् । उनीहरुले आफ्नो तर्फबाट अवस्था नियन्त्रणमा ल्याउने प्रयास गरिरहेका छन् । उक्त प्रयासको कारण मृत्युको मुखबाट फर्किएकामध्ये लाम पनि एक हुन् । उनको अवस्था बिग्रिएसँगै उनलाई भेन्टिलेटर र आईसीयूमा राखेर उपचार गरिएको थियो र बिस्तारै उनको अवस्थामा सुधार आयो । उनी दुई साताअघि अस्पतालबाट डिस्चार्ज भएका थिए ।

तर, लामले कोरोना संक्रमणको कारण आफ्ना बाबु र भिनाजुलाई भने गुमाउनुपर्यो । उनका एक भाइ अहिले पनि आईसीयू र भेन्टिलेटरमा छन् । ‘मलाई दोस्रो जन्म पाएको र बाँच्नका लागि दोस्रो मौका पाएको महसुस भइरहेको छ’, उनले भने । एक अर्ब ३० करोडभन्दा धेरै जनसंख्या रहेको भारतमा सातदिने औसत हेर्ने हो भने कोरोनाको मृत्युदर गत मे महिनामा सबैभन्दा उच्च विन्दुमा पुग्दा प्रति १० लाखमा ३.०४ को मृत्यु भएको थियो । अहिले यो दरमा निरन्तर कमी आइरहेको छ । तर, इन्डोनेसिया, म्यानमार र मलेसियामा भने जुनयता यो दर निरन्तर बढ्दो क्रममा छ । बुधबार यी तीन मुलुकमा प्रति १० लाखमा क्रमशः ४.३७, ४.२९ र ४.१४ जनाको मृत्यु भएको थियो । कम्बोडिया र थाइल्याण्डमा पनि कोरोनाका नयाँ संक्रमित र मृतकसंख्यामा उल्लेख्य वृद्धि भएको छ । यद्यपि यी दुई मुलुकमा भने कोरोना संक्रमणको कारण मृत्यु हुनेको दर कम छ ।

भारतमा फैलिएको कोरोना संक्रमणबाट पाठ सिकेर अधिकांश मुलुकले तुलनात्मकरुपमा छिटै नै लकडाउन गरी कोरोना संक्रमणलाई तीव्र गतिमा फैलिन नदिने प्रयास गरिरहेको र कोरोना संक्रमणसँगै अस्पतालमा पनि बिरामीको आवश्यकताअनुसारको व्यवस्था गर्ने प्रयास गरिरहेको रिमाल बताउँछन् । ‘यो क्षेत्रका मानिसहरु निकै सचेत छन् किनकी उनीहरुको आँखा अगाडि नै भारतमा दैनिक चार लाख नयाँ संक्रमित फेला परेका थिए र उनीहरुले वास्तवमा नै त्यो अवस्था दोहोरियोस् भन्ने चाहँदैनन्’, रिमालले भने । तर, जनस्वास्थ्यको मापदण्ड लगाइएसँगै त्यसले काम गर्न भने केही समय लाग्छ । अहिले यो क्षेत्रका मुलुकहरु संक्रमण नियन्त्रणका लागि संघर्ष गरिरहेका छन् ।

विश्वको चौथो धेरै जनसंख्या भएको इन्डोनेसियामा बिहीबार एकैदिन १ हजार ४४९ जनाको कोरोनाको कारण मृत्यु भएको छ । कोरोना महामारी सुरु भएसँगै इन्डोनेसियामा एकै दिन यो महामारीको कारण सबैभन्दा धेरैको मृत्यु भएको हो ।

गत जुनको मध्यमा करिब आठ हजारको हाराहारीमा रहेको दैनिक नयाँ संक्रमितको संख्या पनि गत साता ५० हजारभन्दा धेरै थियो । इन्डोनेसियाको परीक्षणको दर सीमित रहेकाले वास्तविक संक्रमितको संख्या धेरै हुन सक्ने विशेषज्ञहरुले बताएका छन् ।

कोरोना संक्रमण बढेसँगै सरकारले मुलुकमा उत्पादन हुने अधिकांश अक्सिजन मेडिकल प्रयोगको लागि पठाएको छ । यो संकट सुरु हुनुभन्दा पहिला मेडिकल प्रयोगको लागि दैनिक ४ सय टन अक्सिजन मेडिकल प्रयोगको लागि आवश्यक पथ्र्यो तर कोरोनाका संक्रमण उल्लेख्य संख्यामा बढेसँगै मेडिकल प्रयोगको लागि आवश्यक अक्सिजन पाँच गुणा बढेर दुई हजार टन पुगेको थियो ।

इन्डोनेसियामा अक्सिजन उत्पादनमा कुनै किसिमको समस्या नभए पनि आपूर्तिमा देखिएको समस्याको कारण अहिले पनि केही अस्पतालमा अक्सिजनको अभाव देखिइरहेको छ । इन्डोनेसियामा अहिलेसम्म करिब १४ पैतित मानिसले कम्तीमा एक डोज कोरोना खोप लिएका छन् ।

म्यानमारमा गत फेब्रुअरीमा सेनाले सत्ता आफ्नो हातमा लिएको विरोधमा भएको प्रदर्शनले मुलुकको स्वास्थ्य प्रणाली ध्वस्त बन्यो । पछिल्लो केही सातामा मात्र कोरोनाको परीक्षण तथा गणनाको कार्यले पुनः गति लिन थालेको छ । म्यानमारमा गत मेको मध्यदेखि कोरोनाको नयाँ लहर देखिएको छ । साथै कोरोनाबाट मृत्यु हुनेको संख्या पनि उल्लेख्यरुपमा वृद्धि भइरहेको छ ।

जुलाईको सुरुदेखि मृत्युदर निकै उच्च गतिमा बढेको छ । साथै म्यानमारको सेनाले कोरोनाका संक्रमित तथा मृतकको संख्या गम्भीररुपमा लुकाएको आशंका छ । यसअघि नै नाजुक बनेको स्वास्थ्य प्रणाली, निकै कम परीक्षण, अक्सिजन तथा अन्य मेडिकल सामग्रीको अभावलगायत कारण आगामी सातामा म्यानमारको अवस्था निकै खराब हुन सक्ने क्षेत्रीय मानवअधिकारवादी समूहले बताएको छ ।

त्यस्तै अधिकांश मानिसहरुमा सेनाको सरकारमाथिको विश्वास निकै कम हुनुले पनि समस्या बढाएको छ । बिहीबार म्यानमारको सरकारले ६७ सय नयाँ संक्रमित देखिएको र संक्रमणको कारण ३१९ जनाको मृत्यु भएको विवरण सार्वजनिक गरेको छ । खोप लगाएका मानिसको पनि यकिन तथ्यांक छैन । उपलब्ध खोपको आधारमा करिब ३ प्रतिशत मानिसले पूरा डोज कोरोना खोप लगाएको अनुमान गरिएको छ । सामाजिक सञ्जालमा मानिसहरुले पोस्ट गर्दै मुलुकको सबैभन्दा ठूलो सहर यान्गुनको चिहानले आएका शव धान्न नसक्ने अवस्था आएको बताएका छन् । अधिकारीहरुले भने सामाजिक सञ्जालको दाबी अस्वीकार गर्दै आएका छन् । यद्यपि उनीहरुले धेरै मानिसहरुको मृत्यु घरमा नै हुने गरेको स्वीकार गरेका थिए ।

म्यानमारको चिहानहरुको व्यवस्थापन हेर्ने विभागका प्रमुख चो टुङ औङले सेनाले चलाएको टेलिभिजनमा बोल्दै सोमबार यान्गुनका प्रमुख सात चिहानमा ३५० जना कर्मचारीहरुले जुलाई ८ देखि तीन सिफ्ट काम गरिरहेको बताएका थिए । उनका अनुसार आइतबार कर्मचारीहरुले १२ सयभन्दा धेरै शव व्यवस्थापन गरेका थिए । उनीहरुमध्ये १ हजार ६५ जनाको मृत्यु कोरोना संक्रमणको कारण उनीहरुको आफ्नै घरमा भएको थियो भने १६९ जनाको मृत्यु अस्पतालमा भएको थियो ।

काठमाडौं- आयोडिनयुक्त नुनमा समेत सरकारले कमिशन र नाफाखोरलाई घुसाएको भन्दै विपक्षी गठबन्धनले सरकारको चर्को आलोचना गरेका छन् । पाँच राजनीतिक दल कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल, एमालेको तर्फबाट वरिष्ठ नेता माधवकुमार नेपाल, जनता समाजवादी अध्यक्ष उपेन्द्र यादव र राष्ट्रिय जनमोर्चाबाट दुर्गा पौडेलले शनिबार संयुक्त रुपमा विज्ञप्ति जारी गरी बजेटमार्फत् गरिएको  उक्त घोषणा कमिशन र नाफाखोरीलाई प्रश्रय दिने मनशायबाट भएको जिकिर गरेको हुन ।  विपक्षी गठबन्धनद्वारा जारी विज्ञप्तिमा भनिएको छ ‘सरकारले हालै सार्वजनिक गरेको बजेट भाषण मार्फत सबै तह र क्षेत्रका जनताले उपभोग गर्ने आयोडिनयुक्त नुनमा अनुदान दिई आपुर्ती गरिरहेकोमा हालै सरकारले बजेट मार्फत कसैलाई फाईदा पुर्याउने तथा कमिशन र नाफाखोरीलाई प्रश्रय दिने मनशायबाट निर्णय गरेको छ ।’ 

साथै, गठबन्धनले सो निर्णय जनताको थाप्लोमा बोझ हाल्ने षडयन्त्र भएको ठोकुवा गर्दै उक्त निर्णय तत्काल फिर्ता लिन जोडदार माग समेत गरेको छ  ।  ‘यस्तो निर्णयबाट जनताले सुलभ रुपमा पाइरहेको आयोडिनयुक्त नुनमा समेत सरकारले कमिशन र नाफाखोरलाई घुसाएर त्यसको बोझ जनताको थाप्लोमा हाल्ने षडयन्त्र गरेको प्रति विरोध र निन्दा गर्दै यस्तो निर्णय तत्काल फिर्ता लिन हामी जोडदार माग गर्दछौ’ गठबन्धनद्वारा जारी विज्ञप्तिमा भनिएको छ ।    

त्यस्तै गठबन्धनले ढुंगा, गिट्टी र बालुवा निकासी गर्न चुरे क्षेत्र लगायतको उत्खनन् गर्ने घोषणा राष्ट्रघाती र जनघाती रहेकाले खारेज गर्न माग गरेका छन् भने प्रतिनिधिसभा विघटनको मुद्दा अदालतमा विचाराधीन रहँदा प्रधानमन्त्री केपी ओलीले मन्त्रिपरिषद पुनर्गठन गरी संवैधानिक तथा लोकतान्त्रिक मूल्य र मान्यताको उपहास गरेको बताएका छन् ।